အခန်း (၂၅၄)

ဆိုင်ပိုင်ရှင် လက်ထပ်‌ထိမ်းမြားနေသည်

လာရောက် စားသုံးသူများသည် ရှီဟွမ်စားသောက်ဆိုင်၏ နာမည် ဂုဏ်သတင်းကို လျင်မြန်စွာ မြှင့်တင် ပေးခဲ့သည်။ လူအချို့က ထိုသူတွေဟာ အခကြေးငွေယူပြီး ကြော်ငြာပေးသော ရေတပ်များဟု သံသယရှိနေလျှင်ပင်၊ ဒီလို ချီးကျူးပြောဆိုသည့် လှိုင်းလုံးများကြောင့် နာမကျန်း ဝေဒနာကို ခံစားနေရသော လူနာများကို မရပ်တန့်နိုင်ကြပေ။

စိတ်ပိုင်းဆိုင်ရာ ရုန်းကန် လှုပ်ရှားပြီးနောက် နောက်ဆုံး၌ နေရာပေါင်းစုံမှ လူများစွာသည် ရှီဟွမ်စားသောက်ဆိုင်သို့ သွားရောက်ရန် စိတ်ပိုင်းဖြတ်ခဲ့ကြသည်။ သို့သော် သူတို့သည် သတင်းဆိုး နှစ်ခုကြောင့် ထိတ်လန့်တုန်လှုပ် သွားကြသည်။

တစ်ခုက စားသောက်ဆိုင်တွင် နေ့စဉ် အမှာစာ ၃၀၀ သာ ကန့်သတ်ထားသည်။ ဒီစာရင်းကို နောက်အပတ်အတွက် စီစဉ်ထားတာ ဖြစ်ပြီး နောက်တစ်ခုကတော့...

“စားသောက်ဆိုင်ပိုင်ရှင်ရဲ့ မင်္ဂလာပွဲကြောင့် စားသောက်ဆိုင်ကို သုံးရက် ပိတ်ထားပါမယ်။ **နေ့ရက်တွင် စားသောက်ဆိုင်ကို ပြန်လည် ဖွင့်လှစ်ပါမည်။ စားသုံးသူတွေက ကျွန်တော်တို့ကို နားလည်ပေးမယ်လို့ မျှော်လင့်ပါတယ်”

နာမည် ဂုဏ်သတင်းကြောင့် လာရောက်ကြသော စားသုံးသူ တစ်စုဟာ စားသောက်ဆိုင် အဝင်ဝတွင် ထုတ်ပြန်ထားသော ကြော်ငြာချက်ကို မြင်တွေ့ရပြီးနောက် သစ်ရွက်ကြွေများကို သယ်ဆောင်လာသည့် လေအေးတွေက သူတို့၏ မျက်နှာပေါ်သို့ တိုက်ခတ်သွားသလို ခံစားလိုက်ရသည်။ ဒါက အလွန်အမင်း စိတ်ဓာတ် ကျဖွယ်ပါပဲ။

မဟုတ်သေးပါဘူး၊ ဒီစားသောက်ဆိုင်ကို ဖွင့်တာ သုံးရက်ပဲ ရှိကာ နှစ်ရက် ပိတ်သည်။ သူတို့ နည်းနည်းလောက် ပိုပြီး မချဲ့ကားပဲ နေလို့ရနိုင်မလား။

ဒီကို လာရောက် စားသုံးကြသည့် စားသုံးသူတွေက ဟင်းလျာကို မစားရသည့်အပြင် ခွေးစာတွေကိုသာ အပြည့်အဝ စားလိုက်ရသဖြင့် ပြင်းပြင်းထန်ထန် ရှုတ်ချကြသည်။

စုယန်ယန်ကတော့ ဒါကို လုံးဝ ဂရုမစိုက်ဘူး။ အခု သူမ၏ မင်္ဂလာပွဲအတွက် အပြည့်အဝ အာရုံစူးစိုက်ထားသည်။

အချိန်က နည်းနည်းမြန်ပေမယ့် သူမမိသားစုပဲဖြစ်ဖြစ် ဟောက်ချန်ဟွမ်းပဲဖြစ်ဖြစ် သူတို့အားလုံးက ဒီမင်္ဂလာပွဲကို အရမ်း အလေးထားကြသည်။

ဟောက်ချန်ဟွမ်းက စုယန်ယန်၏ အဖေကို ပေးထားတဲ့ ကတိကို အမှန်တကယ် ဖြည့်ဆည်း ပေးခဲ့သည်။ တခြားသူတွေမှာ ရှိနေတာ မှန်သမျှ စုယန်ယန်မှာ ရှိနေရလိမ့်မည်၊ ပြီးတော့ တခြားသူတွေမှာ မရှိတာတွေလည်း သူမမှာ ရှိနေရမည်။

နံနက်စောစောတွင် လင်းရှောင်ချီးနှင့် ချိန်မိသားစုမှ ညီမငယ် နှစ်ဦးသည် စုမိသားစုအိမ်သို့ ရောက်ရှိလာခဲ့ကြသည်။ သူတို့က စုယန်ယန်နှင့်အတူ မိတ်ကပ်လိမ်းခြယ် ပြင်ဆင်ကြပြီး သတို့သမီးအရံ ဝတ်စုံတွေ ပြောင်းလဲ ဝတ်ဆင်ခဲ့ကြသည်။

သူတို့ထဲမှ အနည်းစု ဝတ်စုံလဲပြီး ထွက်လာသည့် အချိန်တွင် စုယန်ယန်သည်လည်း သူမ၏ မင်္ဂလာဝတ်စုံကို ပြောင်းလဲ ဝတ်ဆင်ခဲ့သည်။

စုယန်ယန်၏ ခန္ဓာကိုယ်ကို ပေါ်လွင် ထင်ရှားစေသည့် နှင်းဖြူရောင် သတို့သမီး ဝတ်စုံလေးသည် သူမ၏ ခန္ဓာကိုယ် အလှကို မီးမောင်း ထိုးပြထားသည်။

လက်ကိုင်ပန်းစည်းကို အဓိကအားဖြင့် နှင်းဆီဖြူများကို သုံးထားသော်လည်း ပန်းစည်း အလယ်တွင် စုယန်ယန် အကြိုက်ဆုံး နှင်းဆီပြာသုံးပွင့်ကို ထည့်သွင်းထားကာ သူမကို ချစ်တယ်ဟု အဓိပ္ပါယ်ရသည်။

“ယန်ယန်၊ နင် ဒီဝတ်စုံနဲ့ အရမ်းလှတယ်” လင်းရှောင်ချီးသည် စုယန်ယန်တစ်ဝိုက် ကြိမ်ဖန်များစွာ လှည့်ပတ်ကြည့်ကာ သူမ၏ အကြည့်များတွင် သဘောကျ နှစ်သက်မှုများနှင့် မနာလိုမှုများ ပြည့်နှက်နေသည်။

စုယန်ယန်၏ မျက်ဝန်းတွေက တလက်လက် တောက်ပနေပြီး ခပ်ဖွဖွ ပြုံးလိုက်သည်။ “နင် မနာလို ဖြစ်နေတာမလား။ ငါ့ကို မနာလိုဖြစ်ရင် နင်လည်း စောစောစီးစီး လက်ထပ်ဖို့ လူကောင်း တစ်ယောက်လောက် ရှာသင့်ပြီ။ ဒါဆို နင်လည်း ဒီဝတ်စုံမျိုးကို နင်ကိုယ်တိုင်အတွက် ဝတ်ဆင်လို့ရပြီ”

လင်းရှောင်ချီး ကြက်သေ သေသွားပြီး သူမ၏ မျက်နှာက ချက်ချင်း နီရဲသွားသည်။ “နင် ဘာတွေ ပြောနေတာလဲ။ မင်္ဂလာပွဲနေ့မှာ အရေးမပါတာတွေ မပြောနဲ့”

“ဒါက နေ့ကြီးအခါကြီးမို့ ပိုအရေးကြီးတာ ပြောရမှာပဲ” စုယန်ယန်က လင်းရှောင်ချီး၏ လက်ကို ဆွဲယူကာ အ‌လေးအနက် ပြောသည်၊ “ငါ တကယ်ပြောတာ။ နင့်အမေရဲ့ ကိစ္စကြောင့် ယောက်ျားတိုင်းကို စိတ်မပျက်ပါနဲ့။ ဒီကမ္ဘာပေါ်မှာ ယောက်ျားကောင်းတွေ အများကြီး ရှိပါတယ်။ အမှိုက်ကောင်တွေလည်း ရှိပေမယ့် ယောက်ျားကောင်းတွေလည်း အမြဲရှိတယ်။ နင့်မျက်လုံးကိုဖွင့်ပြီး ဒုတိယအကောင်းဆုံး အမျိုးသားကို ရှာပါ”

လင်းရှောင်ချီး၏ နောက်ခံဟာ အတော်လေး ရှုပ်ထွေးသည်။ ရှုပ်ထွေးအောင် ဖန်တီးသည့် ဝမ်ကျင့်ဖျင်နှင့် နှိုင်းယှဉ်လျှင် လင်းရှောင်ချီး၏ မိခင်သည် အစစ်အမှန် အမြှောင်မယား ဖြစ်သည်။

လင်းရှောင်ချီး၏ မိခင်နှင့် ဖခင်ရင်းက ကောလိပ် တက်နေစဉ်မှာ တွေ့ဆုံခဲ့ကြသည်။ ထိုအချိန်က သူမမိခင်မှာ သူမ၏ ကောင်လေးဟာ စေ့စပ်ပြီးသား ဖြစ်ကြောင်း မသိရှိပဲ သူတို့ ဘွဲ့ယူပြီးရင် မင်္ဂလာပွဲကျင်းပဖို့ စီစဉ်ထားခဲ့သည်။

လင်းရှောင်ချီး၏ မိခင်က ဒီအကြောင်းကို ရှာတွေ့သည့် အချိန်တွင် သူမမှာ လင်းရှောင်ချီးကို ကိုယ်ဝန် လွယ်ထားရပြီဖြစ်ကာ ကိုယ်ဝန် ပျက်ကျလုနီးပါး ဖြစ်ခဲ့ရသည်။

သို့သော် သူမသည် စိတ်ဓာတ်ပြင်းထန်သူ ဖြစ်သည်။ သူမသည် လူယုတ်မာ၏ လှည့်ဖြားခြင်းကို ခံရကြောင်း သိရပြီးနောက် သူမနှင့် အမှိုက်ကောင်တို့၏ဆက်ဆံရေးကို ပြတ်စဲခဲ့ကာ သူမ ဗိုက်ထဲက ကလေးနှင့်အတူ ထွက်ပြေးသွားခဲ့သည်။

အဲ့ဒီအချိန်ကတည်းက သူမ၏ ရည်းစားဟောင်းကို မဆက်သွယ်တော့ပဲ သူမ သမီးလေးကို တစ်ကိုယ်ရေတည်းသာ ပြုစုပျိုးထောင်လာခဲ့သည်။

***

Prev Next