အခန်း (၂၆၈)

ကျွန်မက ရှင်တို့ကို အနီရောင် ဥတစ်လုံးစီ လက်ဆောင် ပေးသွားမှာ ဖြစ်ပါတယ်

ငြိမ်သက်သွား‌သော မက်ဆေ့ချ်များသည် နောက်ဆုံး၌ သူမတို့၏ မင်္ဂလာပွဲအတွက် ဆုတောင်းစာများ ပေးပို့ဖို့ သတိဝင် လာခဲ့ကြသည်။

တိုက်ရိုက် ကြည့်ရှုသူများ အမြင်တွင် ဟောက်ချန်ဟွမ်း၏ ဆုလက်ဆောင် အတွဲလိုက်သည် စုယန်ယန်၏ မင်္ဂလာပွဲအတွက် ဂုဏ်ပြုပေးဖို့ အတွက်သာ ဖြစ်နိုင်သည်။

မနေ့ညက အဖြစ်အပျက်ကို တခြားသူတွေ မမေးစေချင်တာကြောင့် သူ ဒီလို သက်သက် လုပ်ခဲ့ကြောင်းကို စုယန်ယန် တစ်ယောက်တည်းသာ သိလေသည်။

ဒါကိုတွေးရင်း စုယန်ယန်၏ မျက်နှာလေးဟာ နီရဲလာပြန်သည်။

“အားလုံးကို ကျေးဇူးတင်ပါတယ်။ ကျွန်မရဲ့ မင်္ဂလာပွဲကို ဂုဏ်ပြုဖို့အတွက် ဒီနေ့မှာ ကံထူးရှင် ပရိသတ် သုံးဦးကို ဟင်းလျာအချို့ လက်ဆောင် ပေးသွားပါမယ်။ ဒါ့အပြင် မနက်ဖြန် ရှစ်ဟွမ်း စားသောက်ဆိုင်ကို သွားမယ့် ဧည့်သည်တွေ တစ်ဦးချင်းစီတိုင်းကို မင်္ဂလာပွဲ လက်ဆောင်အဖြစ် အနီရောင် ဥတစ်လုံးစီ ပေးအပ်သွားမှာ ဖြစ်ပါတယ်”

[အနီရောင် ဥလား။ အနီရောင် ဥက ဘာလဲ။ အခွံအနီရောင်ရှိတဲ့ ဥကို ပြောတာလား။ ဘယ်တိရစ္ဆာန်ရဲ့ ဥက အနီရောင် ရှိတာလဲ။]

“အနီရောင် ဥ ဆိုတာက ဆေးခြယ်ထားတဲ့ ဥတွေကို ‌ပြောတာပါ။ ရှေးခေတ် ကမ္ဘာမြေတုန်းက အနီရောင် ဥတွေကို မင်္ဂလာပွဲ၊ ကလေးမီးဖွားတဲ့ နေ့နဲ့ ကလေး တစ်လပြည့်နေ့တွေမှာ မိသားစုတွေနဲ့ ဆွေမျိုး မိတ်သင်္ဂဟတွေကို ဝေငှပေးကြတယ်။ သူ့ အဓိပ္ပါယ်က နောင်အနာဂတ်မှာ ကြီးပွား ချမ်းသာ လာလိမ့်မယ်လို့ အဓိပ္ပါယ်ရတယ်”

စုယန်ယန်၏ စကားတွေကြောင့် လူအများ သွေး‌ဆောင်ခံခဲ့ရသည်။

[အဲဒီလို အဓိပ္ပါယ်ရှိမှန်း ငါ မသိခဲ့ဘူး။ မနက်ဖြန်ကျရင် အနီရောင် ဥကို သွားယူပြီး ပွဲတော်ရဲ့ အငွေ့အသက်ကို ခံစားနိုင်ဖို့ တင်ဆက်သူရဲ့ စားသောက်ဆိုင်ကို သွားရမယ်။ ဒါ့အပြင်၊ ချက်ချင်းဆိုသလို ငါ့အိမ်မက်မင်းသားလေးက ငါ့ကို လက်ထပ်ခွင့် တောင်းဖို့ ဘွားခနဲ ပေါ်လာတာလည်း ဖြစ်ကောင်း ဖြစ်လာလိမ့်မယ်။]

[တင်ဆက်သူရဲ့ သတင်းကောင်းက သမာရိုးကျ လူတိုင်း ပျော်ရွှင်စေနိုင်တဲ့ အရာတစ်ခု မဟုတ်ပါဘူး။ ငါလည်း အနီရောင် ဥတစ်လုံး လိုချင်တယ်။ နောက်နှစ်မှာ ရာထူးတိုးပြီး ချမ်းသာပါစေ၊ မြန်မြန်ဆန်ဆန် သန်းကြွယ်သူဌေး တစ်ယောက် ဖြစ်လာပါစေ။]

အစားအသောက်ကဏ္ဍ တိုက်ရိုက် ထုတ်လွှင့်သည့် အခန်းတွင်းရှိ လူတစ်ခုသည် အမျိုးမျိုးသော ဆန္ဒများကို ပြုနေကြပြီး နောင်နှစ်တွင် ဖြစ်လာချင်သည့် အရာများအတွက် ဆုတောင်းခဲ့ကြသည်။ ဒီအကြောင်းကို မသိသေးတဲ့ သူတွေက သူတို့ အခန်းမှား ဝင်လာတယ်လို့ပင် ထင်ခဲ့ကြသည်။

စုယန်ယန်က သူတို့ ကြိုက်နှစ်သက်သလို လုပ်ဆောင်ခွင့် ပေးထားပြီး ရေခဲသေတ္တာထဲကနေ သူမ လိုချင်တာကို ရှာနေခဲ့သည်။

“ဝက်အူချောင်း၊ ဘဲမြစ်၊ ဘဲသည်း... တစ်ခုခု ပျောက်နေပုံပဲ”

စုယန်ယန်၏ စကားမဆုံးသေးခင်မှာပင် ဦးလေးကျန်းက ဆေးကြော သန့်စင်ထားသော ကြက်ခြေထောက်ပုံးကြီး တစ်ပုံးကို ကိုင်ပြီး အပြင်ကနေ ဝင်လာခဲ့သည်။

“သခင်မလေး၊ ဒါက သခင်မလေး လိုချင်နေတဲ့ ကြက်ခြေထောက်တွေပါ”

စုယန်ယန်၏ မျက်လုံးများ တလက်လက် တောက်ပလာပြီး ကြက်ခြေထောက်ပုံးကို ယူရန် အပြေးသွားခဲ့သည်။

“ကျေးဇူးတင်ပါတယ်။ ဒီမှာ ဆီညှော်နံ့တွေ အရမ်းများတယ်။ ဦးလေးကျန်း၊ အပြင်မှာ စောင့်နေသင့်တယ်။ မကြာခင် ချက်ပြုတ် ပြီးတော့မှာပါ”

“အိုကေ၊ အိုကေ၊ ဦးလေး အခုပဲ ထွက်သွားလိုက်မယ်”

ဤတိုတောင်းသော စကားဝိုင်းလေးက တိုက်ရိုက် ထုတ်လွှင့်မှု အခန်းရှိ ပရိသတ်များ ကြားတွင် ဆွေးနွေးမှုတစ်ခု ထပ်မံ ဖြစ်ပေါ်စေခဲ့သည်။

[သခင်မလေးလား။ ဒါဆို တင်ဆက်သူက သူမခင်ပွန်းသည်ရဲ့ အိမ်မှာ လိုက်နေတာလား။]

[အပေါ်ထပ်က မှတ်ချက်ပေးသူရေ၊ မင်း လူနုံလူအလား။ တင်ဆက်သူနဲ့ သူမ ခင်ပွန်းသည်တို့က မင်္ဂလာဆောင်ပြီးပြီမို့ သူတို့ အတူနေထိုင်တာ ပုံမှန်ပဲလေ။]

[ငါ အပျော်လွန်ပြီး တင်ဆက်သူရဲ့ မီးဖိုချောင် နောက်ခံ ပြောင်းလဲသွားတာကို သတိမပြုမိလိုက်ဘူး။ ဒါပေမယ့် ယခင်လိုပဲ အဆင့်အတန်း မြင့်မားနေဆဲပါပဲ။ ရလဒ်ကို အတည်ပြုပြီးတဲ့နောက်မှာ၊ ငါ မတတ်နိုင်တဲ့ ပြင်ဆင်မှုတစ်ခု ဖြစ်နေဆဲပါပဲ။]

ဟုတ်ပါတယ်၊ မက်ဆေ့ချ်တွေ အားလုံးက ဒီလောက် သဟဇာတ မဖြစ်ပါဘူး။ သိပ်မကြာခင်မှာ တိုက်ရိုက် ထုတ်လွှင့်မှု အခန်းမှ တစ်စုံတစ်ဦးက စုယန်ယန်က လူချမ်းသာ တစ်ယောက်ကို အပိုင်ချိုင် လိုက်ကြောင်း အရိပ်အမြွက် ပြောခဲ့သည်။ ဒီလို မက်ဆေ့ချ်တွေက လျင်မြန်စွာ ရှင်းလင်း ခံလိုက်ရပြီး ထိုစာသားတွေကို ရေးသား သူများကိုပါလည်း ပိတ်ပင်ခဲ့ကြသည်။

သို့သော် လူတော်တော်များများက ထိုမက်ဆေ့ချ်များကို မြင်ခဲ့ကြသော်လည်း လူအများစုက ဒီစကားတွေကို ဟာသတစ်ခု အဖြစ် မှတ်ယူခဲ့ကြသည်။

[ဒီနေ့ခေတ် ရေတပ်ရဲ့ ပြဿနာရှာတဲ့ စွမ်းရည်က အလွန် ညံ့ဖျင်းနေပြီလား။ တင်ဆက်သူ လက်မထပ်ခင်က တင်ဆက်သူရဲ့ အိမ်အပြင်အဆင်နဲ့ တင်ဆက်သူ ဖွင့်ထားတဲ့ ဆိုင်ရဲ့ အတွင်းပိုင်း အပြင်အဆင်တွေကလည်း အရမ်း တန်ဖိုးကြီးတယ် ဆိုတာ ထည့်ပြောစရာတောင် မလိုဘူး။ တင်ဆက်သူက မျိုးသုဉ်း ပျောက်ကွယ်သွားတဲ့ တရုတ်ဆေးဖက်ဝင် အပင်တွေကိုတောင် သုတေသန အဖွဲ့အစည်းထံ ပေးအပ်ခဲ့သေးတယ်။ ကိုယ့်စိတ်ကြိုက် သုံးဖြုန်းဖို့အတွက် လူချမ်းသာ တစ်ယောက်ကို ရှာဖို့ လိုအပ်လို့လား။ သူမနဲ့ လိုက်ဖက်ညီတဲ့ လူချမ်းသာ တစ်ဦးနဲ့ လက်ထပ် လိုက်ရုံပါပဲ။ တချို့လူတွေက သူတို့ရဲ့ မနာလိုစိတ်ကို တားလို့ မရနိုင်ကြဘူး။]

[မှန်တယ်။ အခုလေးတင်၊ တင်ဆက်သူနဲ့ တင်ဆက်သူရဲ့ ခင်ပွန်းသည်တို့က စီးပွားရေးအရ လက်ထပ်ကြတာလို့ တစ်ယောက်ယောက်က သွေးထိုး လိုက်သေးတယ်။ သူတို့ သေချာပေါက် ပျော်မှာ မဟုတ်ဘူး။ နင် လူတွေရဲ့ အိပ်ရာအောက်မှာ ပုန်းနေပြီး ခိုးနားထောင် နေတာလား။ ဒီစုံတွဲက ဘယ်လောက်တောင် ပျော်နေမှန်းကိုတောင် နင် သိနေလိမ့်မယ်။]

***

Prev Next