အခန်း (၂၇၀)

ဟော့ပေါ့အခြေခံဟင်းရည်

ပြုတ်ထားသော စွပ်ပြုတ်ရည်၏ အရသာသည် ငရုတ်သီးထက် သိသိသာသာ လျော့ပါးသော်လည်း အနံ့ကတော့ ငရုတ်သီးထက် မနိမ့်ကျပေ။

စုယန်ယန်သည် ဟောက်ချန်ဟွမ်းက အရသာပြင်းတာကို ကြိုက်နှစ်သက်ပြီး ငရုတ်သီးကိုလည်း အလွန်အကျွံ မကျွေးသင့်ကြောင်းကို ထည့်သွင်း စဉ်းစားမိသောကြောင့် သူမသည် ဒီစွပ်ပြုတ်ဟင်းရည်ကို မြည်းစမ်းကြည့်ခိုင်းဖို့ ချက်ပြုတ်ခဲ့တာ ဖြစ်သည်။

ထို့အပြင် ဒီစွပ်ပြုတ်ဟင်းရည်ကို သေသေချာချာ ထိန်းသိမ်းနိုင်ပါက အကြိမ်ပေါင်း များစွာ ချက်ပြုတ် စားသောက်နိုင်သည်။ သူ့ကို အချိန်ကြာကြာ ပိုချက်ပြုတ်နိုင်လေလေ ပိုမွှေးလာလေလေပါပဲ။

သင် စားလိုသော ပါဝင်ပစ္စည်းများကို ထည့်သွင်းပြီး အရသာရှိတဲ့ ဟင်းအိုးကြီး တစ်အိုးကို မြန်မြန်ဆန်ဆန် ချက်ပြုတ်နိုင်မှာပဲ ဖြစ်သည်။ ဒါက အရမ်းအဆင်ပြေသည်။

လင်းရှောင်ချီးရဲ့ အသံကို ကြားလိုက် ရသောအခါတွင် စုယန်ယန်သည် အသားများကို စွပ်ပြုတ်ရည်အိုးထဲသို့ ထည့်သွင်းနေချိန်တွင် ဖြစ်သည်။ “ယန်ယန်၊ နင် ဘာချက်နေတာလဲ။ ဘာဖြစ်လို့ ဒီလောက် မွှေးကြိုင်နေရတာလဲ”

[ဟမ်... မိန်းကလေး တစ်ယောက်ရဲ့ အသံကို ကြားလိုက်ရတာလား။ တင်ဆက်သူရဲ့ အစ်မလား။]

“သူမက ကျွန်မ သူငယ်ချင်းပါ။ ဒီနေ့ ကျွန်မ ဟင်းလျာတွေ အများကြီး ချက်ပြုတ်မှာဆိုတော့ ကျွန်မသူငယ်ချင်း ကူညီချက်ပြုတ်ပေးဖို့ အကူအညီ တောင်းထားတာ”

မျှော်လင့်ထားသည့် အတိုင်း သူမနှင့် သူငယ်ချင်းဖြစ်ရန် တောင်းဆိုသည့် မှတ်ချက်များကို ရရှိခဲ့သည်။ သူတို့သည် အရင်က စုယန်ယန်၏ လျှို့ဝှက်ဆန်းကြယ်သော ခင်ပွန်းကို မနာလိုဖြစ်ကြသည်။ အခုတော့ အဲ့ဒီအစား သူမ၏ သူငယ်ချင်းတွေကို မနာလို ဖြစ်မိကြသည်။

ရံဖန်ရံခါ ဆိုသလို အခမဲ့ စားသောက်နိုင်တဲ့ ဒီလို အချက်အပြုတ် လက်ရာကောင်းတဲ့ သူငယ်ချင်း တစ်ယောက် ရှိရတာ မကောင်းဘူးလား။

စုယန်ယန်သည် လူများစွာ၏ စိတ်ထဲမှာ ဘာတွေ တွေးနေမှန်းကို မသိသေးဘူး။ သူမသည် လှည့်ကြည့်ကာ လင်းရှောင်ချီးကို ပထမဦးဆုံး ခဏထိုင်ခိုင်းရန် မီးဖိုချောင်ထဲမှ ထွက်သွားသည့် အချိန်တွင် ကျိုးယန်ပိုင်နှင့် အခြားသူတွေပါ ထိုနေရာတွင် ရှိနေကြောင်း သိလိုက်ရသည်။

“ရှင်တို့... ချန်ဟွမ်းကို လာရှာတာလား”

ကျိုးယန်ပိုင်က လျင်မြန်စွာ တုံ့ပြန်ခဲ့ပြီး အလေးအနက် ပြောဆိုခဲ့သည်၊ “ဟုတ်ပါတယ်၊ သခင်လေးရဲ့ လက်မှတ်တွေ လိုအပ်တဲ့ ကုမ္ပဏီ စာရွက်စာတမ်း အနည်းငယ် ရှိလို့ ကျွန်တော် အဲ့ဒီစာရွက်စာတမ်းတွေကို လာပို့ပေးတာပါ။”

စုယန်ယန်က သူ့ကို သံသယ မဝင်ဘူး။ “ရှင်တို့ရဲ့ ကြိုးစားအားထုတ်မှုအတွက် ကျေးဇူးပါ။ သိပ်မကြာခင် မွန်းတည့်တော့မယ်။ မပြန်ခင် နေ့လယ်စာ စားသွားပါ”

နှစ်ယောက်သား မျက်လုံးတွေ လင်းထိန်အောင် တောက်ပသွားပေမယ့် သူတို့က ဟန်ဆောင်ပန်ဆောင် ငြင်းပယ်ခဲ့သည်။

“ဒါကို ကျွန်တော်တို့ ဘယ်လိုလုပ်ပြီး လက်ခံနိုင်မှာလဲ။ သခင်မလေးအတွက် အရမ်း အလုပ်ရှုပ်စေလိမ့်မယ် မဟုတ်လား”

“အဆင်ပြေပါတယ်။ ဟင်းအမယ် အနည်းငယ်ကို ပြင်ဆင်ဖို့ အချိန်အနည်းငယ်ပဲ ကြာပါတယ်။ အချိန်အများကြီး ယူရမှာ မဟုတ်ပါဘူး”

သူတို့နှစ်ယောက်က သူမ ဒီလို ပြောလာမှာကို စောင့်ဆိုင်းနေတာ ဖြစ်သည်။ ဒါ့ကြောင့် အကြာကြီး မူမနေတော့ပဲ “ဒါဆိုရင်လည်း ကျွန်တော်တို့ လက်ခံလိုက်ပါ့မယ်” လို့ ပြန်ဖြေလိုက်သည်။

စုယန်ယန်၊ “...” တစ်ခုခုတော့ မှားနေတယ်လို့ ခံစားရတယ်။

ကံကောင်း ထောက်မစွာဖြင့်၊ စုယန်ယန်သည် ဒီအကြောင်းကို သိပ်မတွေးပဲ နောက်သို့ ပြန်လှည့်၍ မီးဖိုချောင်ထဲ ပြန်ဝင်သွားကာ တိုက်ရိုက် ထုတ်လွှင့်မှုကို ဆက်လက် လုပ်ဆောင်ခဲ့သည်။ သူမသည် ကြိုတင်ပြင်ဆင် ထားသော ပါဝင်ပစ္စည်းတွေကို ဟင်းရည်အိုးထဲ ထည့်ကာ ချက်ပြုတ် ထားလိုက်သည်။

ထို့နောက် နာနတ်ပွင့် ကဲ့သို့သော ဟင်းခတ်အမွှေးအကြိုင် အသေးလေးတွေကို ကောက်ယူပြီး ဝိုင်ဖြူထဲတွင် ခဏ စိမ်ထားလိုက်သည်။

တစ်ချိန်တည်းမှာ စောစောက ပြင်ဆင်ထားသော ထောပတ်ကို ထုတ်ယူပြီး အိုးထဲသို့ အနည်းငယ်ထည့်ပြီး အရည်ပျော်သွားသည့် အချိန်တွင် ကြက်သွန်နီကွင်းတွေနှင့် ကြက်သွန်မြိတ်တွေကို ထည့်ကာ မွှေးလာသည့်အထိ ကြော်လှော် လိုက်သည်။ ထို့နောက် ကြက်သွန်နီကွင်းတွေနှင့် ကြက်သွန်မြိတ်တွေကို ပြန်ဆယ်လိုက်ပြီး ဆီကိုသာ ချန်ထားခဲ့သည်။

ပြီးလျှင် ဂျင်းနှင့် ကြက်သွန်ဖြူ၊ သကြား၊ ပဲငံပြာရည်၊ ပါးပါးလှီးထားသည့် ငရုတ်သီးနှင့် အခြားပါဝင် ပစ္စည်းတွေကို ထည့်မွှေလိုက်သည်။ နောက်ဆုံးတွင် ငရုတ်ကောင်း၊ ငရုတ်သီးအပြင် ဟင်းခတ် အမွှေးအကြိုင်တွေနှင့် ယခင်က အချဉ်ဖောက်ထားသော ထမင်းတွေကိုပါ ထည့်ကာ သမလာသည်အထိ ရောမွှေပြီးနောက် အခဲဖြစ်လာသည့် အချိန်ထိ အအေးခံ ထားလိုက်သည်။

တိုက်ရိုက် ထုတ်လွှင့်သည့် အခန်းရှိ ပရိသတ်တွေက စွပ်ပြုတ်ဟင်းရည်၏ ရနံ့ကြောင့် သွေးဆောင် ခံနေရသည်မှာ ကြာပါပြီ။ ဟော့ပေါ့ဟင်းရည်၏ အနံ့ကို ရှူရှိုက်မိသောအခါ သူတို့ ကောင်းကင်ပေါ်သို့ ရောက်လုနီးပါး ဖြစ်သွားခဲ့သည်။

[ဘုရားရေ၊ ဒီအနံ့အရသာက အရမ်းအစွမ်းထက်တယ်။ နေ့လယ်စာ မစားခင် တစ်နာရီ အလိုမှာပင် ဗိုက်က အသံစုံ အော်မြည်နေပြီ။ အခု ငါ့ပတ်ဝန်းကျင်က လူတစ်ခုက ငါ့ကို စောင့်ကြည့်နေကြတယ်၊ ငါ နေရာမှာပဲ ကိုယ့်ကိုယ်ကိုယ် တွင်းတူးပြီး မြှုပ်နှံချင်နေပြီ။]

[ဟားဟားဟားဟား၊ အပေါ်ထပ်က လူရေ၊ ငါ နင့်ကို တကယ်နားလည်တယ်။ တင်ဆက်သူရဲ့ တိုက်ရိုက် ထုတ်လွှင့်တဲ့ အခန်းထဲက ရနံ့ကြောင့် ငါဗိုက်လည်း အော်မြည်နေတယ်။ ကံကောင်း ထောက်မစွာနဲ့ အနံ့ အရသာ ဖန်ရှင်က ငါ့အတွက် လုပ်ဆောင်နိုင်လို့ပဲ၊ မဟုတ်ရင် ငါ့ရုံးခန်းတစ်ခုလုံးက ငါ့ကို ဝိုင်းပြီး စားသောက်ကြလိမ့်မယ်။]

စုယန်ယန်သည် စခရင်ပေါ်ရှိ မကျေနပ်မှုများ ပြည့်နှက်နေသော ညည်းညူနေသည့် မှတ်ချက်များကို ကြည့်ရှုခဲ့သည်။ သူမ၏ နှုတ်ခမ်းထောင့်စွန်းတွေက အနည်းငယ် ကွေးညွှတ်သွားသည်။ သူမသည် မနက်တုန်းက ဟောက်မိသားစု၏ စားဖိုမှူး ချက်ပြုတ် ပြင်ဆင်ထားသော ဝက်ရိုးစွပ်ပြုတ်ကို တစ်ချက် ဖွင့်ကြည့်လိုက်သည်။

သူမသည် စွပ်ပြုတ်အိုးထဲသို့ တရုတ်ဆီးသီးနီ တချို့ ပစ်ထည့်ပြီးနောက် ပွက်ပွက်ဆူနေသော ဝက်ရိုးစွပ်ပြုတ်သည် ချက်ချင်း ဆိုသလိုပင် အဆီအီအီ အနံ့ကနေ ချိုမြိန်သော မွှေးရနံ့သို့ ပြောင်းလဲသွားခဲ့သည်။ အဖြူရောင် ဟင်းရည်ထဲတွင် အနီရောင်လေးတွေ ရောစွက် ပါဝင်နေတာက ရုတ်တရက် ဆွဲဆောင်မှု ပိုရှိလာစေပြီး ပိုကြည့်ကောင်း လာစေသည်။

***

Prev Next