Welcome To MM Storyteller
LOGIN
– မင်း မသိဘူးလား။
“ဘာပဲဖြစ်ဖြစ်၊
ဒါက တို့ကုမ္ပဏီရဲ့ အတွင်းရေးပါ။ ပတ်သက်သူက ဘာမှ မပြောဘဲ ရှင်တို့က ဘာဖြစ်လို့ ပြဿနာရှာနေရတာလဲ။”
စုယန်ယန်က ဟောက်ရှောက်ဖုန်းကို လှောင်ပြောင်သောအကြည့်ဖြင့် လှည့်ကြည့်ကာ သနားချင်ယောင်ဟန်လုပ်ပြုံးပြလိုက်ပြီး
“ဒါမှမဟုတ် ရှင်က တို့ကုမ္ပဏီက မဟုတ်ပေမယ့် တို့ဝန်ထမ်းအားလုံးကို ကိုယ်စားပြုချင်တာလား။
သူတို့က ရှင့်ကို ကိုယ်စားပြုပြောဆိုပေးဖို့ ဆန္ဒရှိရဲ့လားလို့ သူတို့ကို ဘာဖြစ်လို့
မမေးတာလဲ။”
“ငါ...”
ဟောက်ရှောက်ဖုန်း ကြက်သေ သေသွားသည်။
အဲဒီအခါမှပဲ
စုယန်ယန် ခေါ်ဆိုလိုက်သော မိန်းကလေးအပြင် ပြဇာတ်ကြည့်ရန် ပြေးလာသော အခြားသော ဝန်ထမ်းတွေကိုပါ
သတိထားမိခဲ့သည်။ သူတို့အားလုံးကို သူ့ကို သူတို့ရဲ့ကိုယ်စားပြုအဖြစ် မဖြစ်စေချင်ကြပဲ
သူ့ကို အထင်သေးရှုတ်ချတဲ့ အကြည့်တွေဖြင့်သာ သူ့ကို စိုက်ကြည့်နေခဲ့ကြသည်။
စုယန်ယန်သည်
ဒီလူမိုက်နှင့် ငြင်းခုံရန် စိတ်မဝင်စားတော့ပေ။ သူမသည် အနည်းငယ် မျက်နှာဖြူဖျော့နေသော
ဝမ်ကျင့်ဖျင်ဖက်သို့ လှည့်လိုက်သည်၊ “ပြီးတော့ မိန်းကလေးဝမ်၊ ရှင်က တို့ကို တောင်းပန်ပါတယ်လို့
ပြောခဲ့တယ်နော်။ တို့ အရမ်းသိချင်စိတ်ဖြစ်မိတယ်၊ ရှင်က တို့ကို ဘာအတွက် တောင်းပန်ချင်တာလဲ။
လာပါ၊ လာပါ၊ လာပါ၊ ရှင် ပြောကြည့်ပါဦး။ တို့တွေအားလုံး အတူတူ နားထောင်ကြရအောင်။”
ဝမ်ကျင့်ဖျင်က
အဝေးသို့ အကြည့်ပို့လိုက်ပြီး “ကျွန်မ... ဒါက အရေးမကြီးပါဘူး၊ ဒါတွေက အတိတ်တွေ ဖြစ်သွားခဲ့ပါပြီ။”
လို့ ပြောလိုက်သည်။
သူမပြောတာကိုပဲ
ကြည့်လိုက်ပါ။ ဒါကို မသိတဲ့သူတွေက သူမကို နစ်နာသူလို့တောင် ထင်ကောင်းထင်ကြလိမ့်မည်။
သူမသည်
အဓိက တရားခံ ဖြစ်သည်။ ဒီအရာတွေက အရေးမကြီးတော့ပါဘူး၊ ဒါတွေ အတိတ်တွေပါပဲလို့ သူမက ဘာဖြစ်လို့
ပြောရဲရတာလဲ။
စုယန်ယန်က
အေးစက်စွာ လှောင်ရယ် ရယ်သွမ်းလိုက်သည်၊ “ဒါဆိုရင် ဘာက အရေးကြီးတယ်လို့ ရှင်ထင်လဲ။”
ဟောက်ရှောက်ဖုန်းသည်
စုယန်ယန်ရဲ့ စကားတွေကို ကြားတော့ ချက်ချင်းဆိုသလိုပင် ဝမ်ကျင့်ဖျင်အား သူ့နောက်သို့ဆွဲသွင်းပြီး
ကာကွယ်ပေးလိုက်သည်။ သူ့ကြည့်ရတာ ဒုက္ခရောက်နေတဲ့ အလှလေးကို ကယ်တင်တဲ့ သူရဲကောင်းတစ်ယောက်လိုပါပဲ။
“အရင်က ဖြစ်ပျက်ခဲ့တဲ့ အဖြစ်အပျက်တွေအတွက် မင်း ဖျင်လေးကို သေချာပေါက် မုန်းတီးနေလိမ့်မယ်။
မင်း ပြိုင်ပွဲရဲ့ရလဒ်တွေကို ရည်ရွယ်ချက်ရှိရှိ ဝင်ရောက်စွက်ဖက်ပြီး ဖျင်လေးကို ဖယ်ရှားဖို့
တစ်ယောက်ယောက်ကို ခိုင်းစေခဲ့တယ်။ ဒါက ပုဂ္ဂလိက ရန်စရန်ငြိုးအတွက် မင်း အများပိုင်ဆိုင်မှုကို
အသုံးပြုခဲ့တာ မဟုတ်လို့ ဘာဖြစ်ရမှာလဲ။”
“တို့က
သူမကို ဖယ်ရှားလိုက်တယ်လို့ ရှင်ထင်နေတာလား။”
“မင်းမဟုတ်လို့
ဘယ်သူဖြစ်နိုင်မှာလဲ။”
စုယန်ယန်သည်
ပြန်လည်မွေးဖွားပြီးဖြစ်သည့်တိုင် ဟောက်ရှောက်ဖုန်းတစ်ယောက် အဘယ်ကြောင့် အမျိုးသားဇာတ်လိုက်
ဖြစ်လာရသလဲ ဆိုတာကို နားမလည်နိုင်သေးပေ။
“တို့
သူမကို ပြိုင်ပွဲကနေ ဖယ်ရှားခဲ့တဲ့သူ ဖြစ်တယ်လို့ သက်သေပြဖို့ ဘာအထောက်အထားရှိလဲ။ တို့က
တုန်ချမ်းရဲ့ တာဝန်ခံတစ်ဦးဖြစ်ပြီး တုန်ချမ်းက ပြိုင်ပွဲရဲ့ ရင်းနှီးမြှုပ်နှံသူတွေထဲက
တစ်ဦးဖြစ်နေလို့လား။”
ဟောက်ရှောက်ဖုန်း
မျက်မှောင်ကြုတ်သွားသည်။ သူ စကားပြောခါနီးမှာပဲ၊ ဝမ်ကျင့်ဖျင်က သူ့နောက်ကနေ အားနည်းဖျော့တော့စွာ
ပြောခဲ့သည်၊ “ကျွန်မရဲ့ အရည်အချင်းတွေက အကန့်အသတ်ရှိတာကို ကျွန်မသိပါတယ်၊ ဒါပေမယ့်
ကျွန်မတို့အသင်းဖွဲ့တဲ့အခါမှာ တုန်ချမ်းက ထိပ်ဆုံးအဆင့်သုံးနေရာကို သိမ်းပိုက်ခဲ့တယ်။
သူတို့က မကောင်းဘူးလို့ မပြောပေမယ့် တခြား အလုပ်ကြိုးစားတဲ့ မိန်းကလေးတွေအတွက် ဒီလိုရလဒ်မျိုး
ထွက်ပေါ်လာခဲ့တာကတော့ မတရားဘူး၊ မဟုတ်လား။”
ဝမ်ကျင့်ဖျင်သည်
ကုမ္ပဏီ၏ ရင်းနှီးမြှုပ်နှံမှုကြောင့် ကုမ္ပဏီမှ မိန်းကလေးသုံးဦးက နောက်ဆုံးအဆင့်အထိ
ရပ်တည်နေနိုင်သည်ဟု ဆိုလာခဲ့သည်။
စကားလုံးအနည်းငယ်မျှဖြင့်၊
သူမသည် အခြားသူများ၏ ယခင်က ကြိုးစားအားထုတ်မှုများကို ဖယ်ရှားပစ်လိုက်သည်။ သူမက ဘယ်လောက်တောင်
ရက်စက်လိုက်သလဲ။
စုယန်ယန်သည်
ဒေါသထောင်းခနဲ ထသွားသည်။ “မိန်းကလေးဝမ်၊ တို့ကုမ္ပဏီက အနုပညာရှင်တွေက ဘယ်လောက်တောင်
အရည်အချင်းရှိလဲ ဆိုတာကို မင်းမသိဘူးလား။”
ဝမ်ကျင့်ဖျင်သည်
စုယန်ယန်တစ်ယောက် ရုတ်တရတ် ထပေါက်ကွဲလိမ့်မည်ဟု မမျှော်လင့်ထားခဲ့ပေ။ သူမ စက္ကန့်အနည်းငယ်ကြာ
အေးခဲသွားပြီး သူမ ပြန်လည်ချေပပြောဆိုရန် လုပ်ခဲ့သော်လည်း သူမရဲ့ စကားတွေက ကြားဖြတ်ခံလိုက်ရပြန်သည်။
“မိန်းကလေးဝမ်ရဲ့
အမြင်အရ ဘယ်လိုမျိုးက တရားမျှတတယ်လို့ ထင်မြင်ယူဆလဲ။ ဖျော်ဖြေရေးနယ်ပယ်မှာ ပြိုင်ပွဲတွေက
ဘာအတွက်လဲ။ သူတို့ရဲ့ ကျော်ကြားမှုနဲ့ စွမ်းဆောင်ရည်ကို ယှဥ်ပြိုင်ကြတာပဲ မဟုတ်ပါလား။
ရှင်ပြောခဲ့သလိုပဲ၊ တို့ကုမ္ပဏီက နောက်ဆုံးအဆင့်အထိ တက်ရောက်နိုင်တဲ့ ခုနစ်ယောက်ထဲမှာ
သုံးနေရာယူထားနိုင်ခဲ့တယ်။ ဒါအမှန်ပဲ၊ တို့ ဒီမိန်းကလေးသုံးယောက်အတွက် အရမ်းဂုဏ်ယူပါတယ်။
ဘာကြောင့်လဲဆိုတော့ သူတို့မှာ စွမ်းဆောင်ရည်နဲ့ အရည်အချင်းရှိတယ်၊ သူတို့ရဲ့ စွမ်းဆောင်ရည်နဲ့
အရည်အချင်းကြောင့် လူအများက သူတို့ကို အသိအမှတ်ပြုခဲ့ကြပြီးတော့ သူတို့ရဲ့ ထူးချွန်မှုတွေကြောင့်
သူတို့ကို သဘောကျနှစ်ခြိုက်ကြတယ်။ သူတို့က ဒီနောက်ဆုံးသုံးနေရာနဲ့ ထိုက်တန်ပါတယ်။”
“သူတို့တင်မဟုတ်ဘူး။
ပြိုင်ပွဲအပြီးမှာ အဖွဲ့ဖွဲ့ခဲ့တဲ့ လူခုနစ်ယောက်လည်း ဒါနဲ့ ထိုက်တန်ပါတယ်။ အရည်အချင်းရှိတဲ့သူတွေက
အမည်မသိ မဖြစ်ဖို့ ရည်မှန်းထားပါတယ်။ ဆန့်ကျင်ဘက်အနေနဲ့ မိန်းကလေးဝမ်၊ ရှင်ကတော့…”အခန်း
(၃၁၅) – မင်းကို အလိုလိုက်အကြိုက်ဆောင်ဖို့ ဘယ်သူ့မှာမှ တာဝန်မရှိဘူး
ဟောက်ရှောက်ဖုန်းသည်
ဝမ်ကျင့်ဖျင်ရဲ့ ဆွဲလိုက်တာကို ခံလိုက်ရသည်နှင့် သူ စကားမှားပြောလုနီးပါး ဖြစ်သွားခဲ့တာကို
နားလည်သဘောပေါက်သွာသည်။ သူ့မျက်နှာက မှိုင်းညို့သွားပြီး စကားမပြောနိုင်တော့ပေ။
စုယန်ယန်သည်
ဟောက်ရှောက်ဖုန်းက ဒီအကြောင်းအား စကားကျယ်ကျယ် မပြောဝံ့ကြောင်း သူမ သိသည်။ သူမက မျက်ခုံးပင့်ပြီး
ဖိနှိပ်လိုက်သည်၊ “ဘာဖြစ်လို့ ဆက်မပြောတော့လဲ။”
ဟောက်ရှောက်ဖုန်းသည်
စုယန်ယန်အား စိုက်ကြည့်ရင်း သူ့ဒေါသတွေကို မျိုချလိုက်သည်။
“ရှင့်ရဲ့
ယုတ္တိကျကျ ပြောဆိုမှုမှာ အပေါက်ရှိနေတာကို ရှင်ကိုယ်တိုင် နားလည်သဘောပေါက်သွားပုံပဲ။
ရှင် တို့ကို ပြန်တောင် မငြင်းနိုင်တော့ဘူး။”
ဟောက်ရှောင်ဖုန်းသည်
အံတင်းတင်းကြိတ်ထားလိုက်မိသည်။ အကယ်၍ ဝမ်ကျင့်ဖျင်သာ သူ့လက်မောင်းကို တင်းတင်းကြပ်ကြပ်
မဆုပ်ကိုင်ထားဘူးဆိုရင် သူ စုယန်ယန်ကို ပြေးထိုးမိနိုင်လိမ့်မည်။
အကယ်၍
သူသာ သူမကို တကယ်ပြေးထိုးခဲ့ပါက၊ သူမကို တကယ်ထိုးနိုင်ပါ့မလားဆိုတာ ပြောဖို့ ခက်ပါသည်။
စုယန်ယန်က
သူတို့ကို လွယ်လွယ်နဲ့ လွှတ်ပေးလိုက်ဖို့ ရည်ရွယ်ချက် မရှိပါဘူး။ သူမရဲ့ အကြည့်တွေက
ဝမ်ကျင့်ဖျင်ဆီသို့ ကျရောက်သွားတော့ ဝမ်ကျင့်ဖျင်ရဲ့ အကြည့်တွေထဲက အသနားခံလိုပြီး ကြောက်ရွံ့နေသည့်
အရိပ်အယောင်ကို မြင်တွေ့လိုက်ရသောအခါတွင်မူ သူမ အံ့အားသင့်သွားပြီး မျက်ခုံးပင့်လိုက်မိသည်။
သူတို့
အခုအချိန်မှာ ကြောက်ဖို့ဆိုတာ အရမ်းနောက်ကျသွားပြီ။
အစကတော့
သူမမှာ ဒီလူမိုက်နှစ်ယောက်နဲ့ ကစားဖို့ အချိန်ရော ခွန်အားပါ တကယ်မရှိပေမယ့် သူတို့သည်
သူတို့မျက်နှာကို ဖြတ်ရိုက်ခံရန် တံခါးဆီသို့ အပြေးအလွှား လာရောက်ခဲ့ကြတာ ဆိုတော့ သူမအနေဖြင့်
ဘယ်လိုလုပ်ပြီး ကရုဏာသက်မှုကို မပြသပဲ နေနိုင်ပါ့မည်နည်း။
“ကျော်ကြားမှုအကြောင်း
ပြောပြီးပြီဆိုတော့ တို့တွေ စွမ်းဆောင်ရည်အကြောင်း ဆက်ပြောကြရအောင်။”
ဝမ်ကျင့်ဖျင်ရဲ့
မျက်နှာဟာ ဖြူဖျော့သွားသည်။ စုယန်ယန် ပြောသလိုပဲ၊ သူမမှာ အရည်အချင်း တကယ်ရှိလား မရှိဘူးလား
ဆိုတာကို သူမ ကောင်းကောင်းသိသည်။
သူမ
အယောက် ၁၀၀ မှ အယောင် ၆၀ အတွင်း ဝင်စဥ်အခါကပင် သူမ၏ သီဆိုမှုစွမ်းရည်နှင့် အကစွမ်းရည်တို့ကို
မေးခွန်းထုတ်နေသူများ ရှိနေကြပြီ ဖြစ်သည်။ သူမ ဘာဖြစ်လို့ ပြိုင်ပွဲမှာ ဆက်ရှိနိုင်နေရသေးတာလဲ။
သူမ
နောက်ထပ် အဆင့်တွေကို တက်လှမ်းလာသည်နှင့်အမျှ ဒီသီအိုရီက ပိုမိုပြင်းထန်လာခဲ့သည်။ သူမထက်
စွမ်းဆောင်ရည် ပိုကောင်းသူ အများအပြားသည် ဖယ်ထုတ်ခံခဲ့ရသော်လည်း သူမသည် ဆက်လက် တက်လှမ်းနိုင်နေဆဲ
ဖြစ်သည်။ ဒါက ပူးပေါင်းကြံစည်မှုအချို့ ရှိနေလို့လား။
ထို့အတွက်ကြောင့်
ပြိုင်ပွဲရဲ့ ပရိသတ်အများအပြားသည် သူမကို ဆန့်ကျင်တဲ့ ပရိသတ်တွေ ဖြစ်လာခဲ့ကြသည်။
သူမရဲ့
တိုက်ရိုက်ထုတ်လွှင့်မှုမှာ စုဆောင်းထားခဲ့တဲ့ အသေခံပရိသတ်တွေနဲ့ ဟောက်ရှောက်ဖုန်းက
သူမအတွက် ရေတပ်ဝယ်ပေးဖို့ ငွေကြေးအကုန်အကျခံနေခဲ့တာ မဟုတ်ရင် သူမဟာ ဟိုးယခင်ကတည်းကပင်
ပြိုင်ပွဲကနေ ထုတ်ပယ်ခံရလိမ့်မည်။
“ကျွန်မ...
ကျွန်မက ပရော်ဖက်ရှင်နယ်တစ်ဦးမဟုတ်တာကို သိပါတယ်၊ ဒါပေမယ့် ကျွန်မ အလုပ်ကြိုးစားခဲ့တယ်။”
“ဒါဆိုရင်
ရှင့်ရဲ့ ကြိုးစားမှုရလဒ်က ဘာလဲ။” စုယန်ယန်သည် ဝမ်ကျင့်ဖျင် ပြောပြီးပြီးချင်းမှာပင်
အဓိကအချက်ကို အေးစက်သော မျက်နှာဖြင့် ထောက်ပြလိုက်သည်၊ “ရှင် ပရိသတ်တွေ သဘောကျနှစ်ခြိုက်စေတဲ့
သီချင်းတစ်ပုဒ် သီဆိုနိုင်လား ဒါမှမဟုတ် ပရိသတ်တွေကို စိတ်လှုပ်ရှားစေတဲ့ အကတွေကို
ဖျော်ဖြေကပြနိုင်သလား။”
စုယန်ယန်သည်
ဝမ်ကျင့်ဖျင်၏ အားနည်းချက်ကို ထိလိုက်တာနဲ့ သူမ တစ်ကိုယ်လုံး တုန်လှုပ်သွားပြီး မသိစိတ်က
နောက်ပြန်ဆုတ်သွားခဲ့သည်။
ဟောက်ရှောက်ဖုန်းသည်
သူမကို အမြန်ကူညီပေးလိုက်ပြီး ဒေါသတကြီး ပြောလိုက်သည်၊ “ဖျင်လေးက သူမ အစွမ်းကုန် ကြိုးစားခဲ့တယ်လို့
ပြောထားပြီးသားပါ။ မင်း ဘာဖြစ်လို့ ဖျင်လေးကို ဖိအားပေးနေတာလဲ။”
“တို့က
သူမကို ဖိအားပေးတယ် ဟုတ်လား။ တို့ သူမကို ဘယ်တုန်းက ဖိအားပေးလိုက်မိတာလဲ။ တို့ အမှန်တိုင်း
ပြောလိုက်တာက ဖိအားပေးတယ်လို့ ပြောချင်တာလား၊ ဒါဆိုရင်လည်း ကောင်းပြီလေ၊ တို့ သူမကို
ဖိအားပေးလိုက်မိတယ်။”
“မင်း...”
ဟောက်ရှောက်ဖုန်းသည် ဒေါသတကြီး အော်ဟစ်လိုက်သည်။ “မင်းက အရမ်းရက်စက်တယ်။ မင်း သူမရဲ့
အားနည်းချက်တွေကိုပဲ ဘယ်လိုလုပ်ပြီး ဆက်ပြောနိုင်ရတာလဲ။ မင်း သူမရဲ့ အားသာချက်တွေကိုရော
မမြင်ရတာလဲ။”
“ဘာဖြစ်လို့လဲ။”
“ဘာလဲ။”
ဟောက်ရှောက်ဖုန်းသည် စုယန်ယန်၏ ကျပန်းအမေးကြောင့် စိတ်ရှုပ်ထွေးသွားသည်။
“တို့က
ဘာဖြစ်လို့ သူမရဲ့ အားသာချက်တွေကို ကြည့်ရမှာလဲ။”
“မင်း...”
“ပရိုဂရမ်အဖွဲ့ရဲ့
စည်းရုံးလှုံ့ဆော်တဲ့ သတိပေးချက်မှာ တကယ့်ကို ထူးချွန်ထက်မြက်တဲ့ အရည်အချင်းရှိသူတွေကို
ရွေးချယ်လိုကြောင်း၊ ဒီပြိုင်ပွဲကို အပျော်သဘောနဲ့ ပြိုင်ပွဲဝင်ချင်သူတွေ၊ ကလေးအဆင့်တွေ
ဝင်ရောက်ယှဥ်ပြိုင်ခြင်း မပြုလုပ်ဖို့ ရှင်းရှင်းလင်းလင်း ရေးသားထားခဲ့တယ်လေ။ သခင်လေးဟောက်က
ဒီဝါကျရဲ့ အဓိပ္ပါယ်ကို နားမလည်ဘူးဆိုရင်၊ တို့ မင်းကို ရှင်းပြပေးနိုင်ပါတယ်။”
“တို့
ဆိုလိုချင်တာက၊ ဒါက ပြိုင်ပွဲတစ်ခုဖြစ်ပြီး အနုပညာရှင်တွေရဲ့ ကျော်ကြားမှုလည်း ဖြစ်တဲ့
စွမ်းဆောင်ရည်နဲ့ လိုက်ဖက်ညီတဲ့ ပြိုင်ဆိုင်မှုဖြစ်ပြီး တခြား ဘာမှ မလိုအပ်ဘူး။ ပြိုင်ပွဲဝင်တွေက
စာရင်းသွင်းပြီး စင်မြင့်ပေါ်တက်ခါနီးမှာ မင်း ပွဲစီစဥ်သူတွေကို ကျွန်တော် တောင်းပန်ပါတယ်၊
ဒါပေမယ့် ကျွန်တော်က အတွေ့အကြုံမရှိသေးတဲ့ အသစ်လေးပါ။ မင်းတို့ ကျွန်တော့်အတွက် တခြား
အတွေအကြုံရှိတဲ့ လူဟောင်းတွေကို နေရာဖယ်ပေးလို့ ရနိုင်မလား။ ဟောက်ရှောက်ဖုန်း၊ လူတိုင်းကို
မင်းလို အရူးတွေလို့ မထင်နဲ့။ မင်းကို အလိုလိုက် အကြိုက်ဆောင်ဖို့ ဘယ်သူ့မှာမှ တာဝန်မရှိဘူး။”
Welcome To MM Storyteller
LOGIN
Welcome To MM Storyteller
REGISTER