Welcome To MM Storyteller
LOGIN
အခန်း (၃၅၈) - ငါ့ယောကျာ်းက
စူပါသူဌေးကြီးတစ်ယောက်ပဲ
"ဘာလဲ။" စုယန်ယန်သည် အံ့အားသင့်စွာဖြင့် မျက်လုံးပြူးသွားသည်။
“ဒါက ကိုယ် မင်းနာမည်အောက်ကို
လွှဲပေးခဲ့တဲ့ ကုမ္ပဏီတချို့ရဲ့ အမြတ်ငွေနဲ့ အစုပေါ်အမြတ်ဝေစုတွေလေ။”
စုယန်ယန်က သူတို့လက်ထပ်ပြီးချိန်မှာ
ဟောက်ချန်ဟွမ်းက သူမဆီ ကုမ္ပဏီများစွာကို လွှဲပြောင်းပေးခဲ့ကြောင်း ပြောခဲ့ဖူးကြောင်း
ပြန်အမှတ်မိပါသည်။
စုယန်ယန်က အဲဒီတုန်းက သိပ်ပြီး
မတွေးခဲ့ပေမယ့် မထင်မှတ်ဘဲ...
"ဒါပေမယ့်... ဒါက အရမ်းကြီး
များနေတယ်မဟုတ်ဘူးလား။"
စုမိသားစုသည် ဟောက်မိသားစုလောက်
မကြီးမားသော်လည်း သူတို့ကို ချမ်းသာသောမိသားစုအဖြစ် သတ်မှတ်နိုင်ဆဲဖြစ်သည်။ သူမ၏ အစ်ကိုဖြစ်သူနှင့် အဖေဖြစ်သူက သူတို့မိသားစုပိုင်
ကုမ္ပဏီတွေကို တာဝန်ခံပေမယ့် သူမကို ထုတ်ပေးတဲ့ အမြတ်ဝေစုက ဘယ်တော့မှ မချို့တဲ့ခဲ့ဘူး။
စုယန်ယန်သည် သူမ၏ မိသားစုမှ
ပေးသော အမြတ်ဝေစုတွေက လုံလောက်သည်ဟု မူလက ထင်ခဲ့သော်လည်း ယခု ဟောက်ချန်ဟွမ်း လွှဲပြောင်းပေးခဲ့သောအရာကို
သူမမြင်လိုက်ရချိန်မှာ သူမသည် သူနှင့် နှိုင်းယှဥ်နိုင်စရာ မရှိမှန်း သူမ သိလိုက်သည်။
“ရှင့်ရဲ့ ကုမ္ပဏီတွေက အတိအကျ
ဘာတွေ လုပ်တာလဲ။
ဘယ်လိုလဲ…”
စုယန်ယန်သည် သုညအတန်းလိုက်ကို
အတည်ပြုရန် နောက်တစ်ကြိမ် ငုံ့ကြည့်ပြန်သည်။ ဤပမာဏသည် ကုမ္ပဏီတစ်ခု သို့မဟုတ် စျေးဝယ်စင်တာတစ်ခုဝယ်ယူရန်
လုံလောက်သည်ဟုပြောလျှင် ဒါက ချဲ့ကားပြောဆိုခြင်း မဟုတ်ပါ။
"အရင်က မင်း သတိမထားမိဘူးလား။"
စုယန်ယန်၏ ပါးစပ်ထောင့်များ
အနည်းငယ် လှုပ်ရှားသွားသည်။ “အဲဒီတုန်းက ကျွန်မ တွေးခဲ့တာက ရှင့်ရဲ့ ပိုင်ဆိုင်မှုက ကျွန်မရဲ့ ပိုင်ဆိုင်မှုဖြစ်သလို
ကျွန်မရဲ့ ပိုင်ဆိုင်မှုကလည်း ရှင့်အပိုင်ပဲ၊ အဲဒါက သိပ်တော့ မတူပါဘူး၊ ဒီအကြောင်းကို
ဒီလောက်ရှင်းနေဖို့ မလိုပါဘူး။ ကျွန်မ တကယ် ဂရုမစိုက်ခဲ့ဘူး။ ဘယ်သူက ဒီလိုထင်မှာလဲ...''
“ဈေးကွက်မှာရှိတဲ့ ကုမ္ပဏီအများစုကို
ရှောက်ယန်က စီမံခန့်ခွဲပေမယ့် မတူညီတဲ့အရာတွေအတွက် သူတို့တွေမှာ တာဝန်ရှိတယ်။ ကျစ်ယန်ကတော့ အစစ်အမှန်အာရုံခံစက်ပစ္စည်းရဲ့
ဖွံ့ဖြိုးတိုးတက်မှုအတွက် တာဝန်ရှိတယ်။”
"အစစ်အမှန်အာရုံခံစက်ပစ္စည်းလား။" ဤအသုံးအနှုန်းသည် အဘယ်ကြောင့် အရမ်းရင်းနှီးနေပုံပေါ်နေရတာလဲ။
"ရိုးရှင်းတဲ့ ဥပမာတစ်ခုအနေနဲ့
ပြောရရင်၊ တိုက်ရိုက်ထုတ်လွှင့်မှုရှိ အနံ့အာရုံခံစက်ပစ္စည်းနဲ့ အရသာအာရုံခံစက်ပစ္စည်းတွေကို
သူတို့ စီမံခန့်ခွဲတဲ့ ကုမ္ပဏီတွေက တီထွင်ခဲ့တာလေ။"
စုယန်ယန် အံ့သြသွားသည်။ "ဒါတွေကို ရှင့်ကုမ္ပဏီက ဖန်တီးထားတာလား။"
“အခု မင်းကုမ္ပဏီပဲ၊” ဟောက်ချန်ဟွမ်းက
သူမ၏ ပြောစကားကို ပြန်လည်ပြင်ဆင်ပေးလိုက်သည်၊ “အဲဒါကလွဲလို့ တခြားအာရုံခံစက်ပစ္စည်းတွေလည်း
ရှိသေးတယ်။
ဒီအာရုံခံစက်ပစ္စည်းတွေကို
အခုအခါမှာ ဝဘ်ဆိုဒ်အမျိုးမျိုးတွင် အသုံးပြုထားပြီး ဝဘ်ဆိုက်တစ်ခုစီက မင်းကို လစဉ်မူပိုင်ခွင့်၏
အစိတ်အပိုင်းတစ်ခုစီကို ပေးဆောင်ကြရလိမ့်မယ်။"
စုယန်ယန်က တောင့်တင်းနေသောမျက်နှာဖြင့် “ဒါဆို… ဒါတွေက မူပိုင်ခွင့်ကြေးတွေလား”
ဟု မေးလိုက်သည်။
“မူပိုင်ခွင့်အခကြေးငွေနဲ့ ဝင်ငွေရဲ့
တစ်စိတ်တစ်ပိုင်းလေ”
ဟောက်ချန်ဟွမ်းက
ထပ်မပြောခင် ခဏလောက်စဥ်းစားပြီး “နောက်လတွေကျရင်လည်း ထပ်ရှိလိမ့်မယ်” ဟု ပြောလိုက်သည်။
"…နောက်ထပ် ရှိဦးမှာလား။" စုယန်ယန်သည် သူ့ကိုယ်သူ ဆို့နင်လုနီးပါးပင်။ ဒီလောက်ဆို လုံလောက်နေပြီ။ နောက်လမှာ သူမ ဘယ်လောက်များများ ထပ်ရဦးမှာလဲ။
“နောက်လမှာ အထူးပရောဂျက်ရှိလို့လား။ ကျစ်ယန်က အစစ်အမှန်အာရုံခံစက်ပစ္စည်းပိုင်းကို
တာဝန်ယူထားတယ်ဆိုတော့ ရှောက်ယန်နဲ့ ယန်ပိုင်က ဘယ်အပိုင်းတွေကို တာဝန်ယူထားတာလဲ...”
"ရှောက်ယန်က ဟိုလိုဂရပ်ဖစ်ဂိမ်းတွေ
ဖွံ့ဖြိုးတိုးတက်မှုအတွက် တာဝန်ရှိတယ်။”
"ဟိုလိုဂရပ်ဖစ်ဂိမ်းလား" စုယန်ယန်၏ မျက်လုံးများ ကျဥ်းမြောင်းသွားကာ "အဲဒါ... ကျွန်မ တွေးထားတဲ့ ဟိုလိုဂရပ်ဖစ်ဂိမ်းမျိုး
ဟုတ်လားဟင်။"
သူမသည် ဂိမ်းဝါသနာပါသူ မဟုတ်သော်လည်း
နည်းပညာဆိုင်ရာ ရုပ်ရှင်များနှင့် သိပ္ပံစိတ်ကူးယဉ်ဝတ္ထုအချို့ကို သူမ မြင်ဖူး၊ ကြည့်ဖူးသောကြောင့်
ဤ ဟိုလိုဂရပ်ဖစ်ဂိမ်းဟုခေါ်သော ဂိမ်းများနှင့် သာမန်ဂိမ်းများအကြား ခြားနားချက်ကို
သူမ သဘာဝကျကျ သိသည်။
"ထင်တာပဲ။"
“ဒါဆို နောက်လမှာ ထပ်ရှိဦးမယ်လို့
ပြောလိုက်တာက အဲ့တာ
ဖြစ်မလား…”
ဟောက်ချန်ဟွမ်းက ဘာမှ ဖုံးကွယ်မထားဘူး။ “ဟိုလိုဂရပ်ဖစ်ဂိမ်းနည်းပညာက တိုးတက်လာပါပြီ။ ဒီလအတွင်း ဝန်ထမ်းတွေ စမ်းသပ်ပြီးလို့ ဘာမှ
အမှားအယွင်းမရှိရင် နောက်လအစမှာ တရားဝင် ထွက်ရှိနိုင်လိမ့်မယ်။”
ပထမ၊ အာရုံခံစက်ပစ္စည်း အမျိုးအစား
အားလုံး ရှိခဲ့ပြီး၊ ထို့နောက် ဟိုလိုဂရပ်ဖစ်ဂိမ်း ရှိခဲ့သည်။ သူမသည် မည်သို့သော အရမ်းအံ့အားသင့်ဖွယ်ကောင်းသည့်
ခင်ပွန်းမျိုးကို လက်ထပ်ခဲ့သနည်း။
ဒါတွေက စိတ်လှုပ်ရှားစရာ မဟုတ်လောက်ဘူးထင်လို့၊
ဟောက်ချန်ဟွမ်းရဲ့ မျက်တောင်လေးတွေက အနည်းငယ် လှုပ်ခါသွားပြီး "ဒီဟိုလိုဂရပ်ဖစ်ဂိမ်းရဲ့ ပဏာမ ဆုံးဖြတ်ချက်က
ကိုယ်တို့ရဲ့ နာမည်တွေကို အသုံးပြုဖို့ပဲ။ အခု ကုမ္ပဏီက မင်းအမည်အောက်မှာ ရှိနေဆိုတော့
နောင်ရလာမယ့် ၀င်ငွေအားလုံးကို မင်းအကောင့်ထဲပဲ လွှဲပြောင်းပေးလိမ့်မယ်။"
ကြားလိုက်ရသော သတင်းကောင်းကြောင့်
အနည်းငယ် မူးဝေနေသော စုယန်ယန်သည် စကားမပြောနိုင်တော့ပေ။
Welcome To MM Storyteller
LOGIN
Welcome To MM Storyteller
REGISTER