အပိုင်း ၁၅

Chapter 15

မြေ​ခွေးမအဖြစ် သရုပ်​ဆောင်ခြင်း

လန်ကာက ထန်​ချောင်း​ချောင်း တိုက်ရိုက်ထုတ်လွှင့်မှု စကတည်းက ဝင်ကြည့်​​နေခဲ့တာ ဖြစ်သည်။ သူမက ထန်ချောင်း​ချောင်း တစ်​ယောက် ဟင်းပွဲများ ချက်ပြုတ်ပြီး ပြင်ဆင်သည်ကို ကြည့်ချင်ခဲ့သည်။ သို့​သော်လည်း သူမ မထင်ထားသည်က ထန်ချောင်း​ချောင်း၏ ဂန္တဝင် ကျရှုံးမှုကြီးကို မျက်မြင်​တွေ့လိုက်ရမည်ဟုပင်။

သူမက ထန်​ချောင်း​ချောင်းကို ဆုချ​နေစဥ်တွင် ဗွီဒီယိုတစ်ခုကို ခပ်မြန်မြန် တည်းဖြတ်ကာ ​ဝေ့​ပေါ်တွင် တင်လိုက်သည်: [ မြန်မြန်​လေး ထန်​ချောင်း​ချောင်းရဲ့ တိုက်ရိုက်ထုတ်လွှင့်မှုကို သွားကြည့်လိုက်... ငါရယ်ရလွန်းလို့ ​သေ​တော့မလိုပဲ... ထန်ချောင်း​ချောင်းက သူ့လည်​ချောင်းထဲက ငရုတ်​ကောင်း​စေ့အခွံကို ထုတ်ဖို့ နည်းလမ်း​​ပေါင်းတစ်ရာ​လောက် သုံးပြီး ​ဖျော်​ဖြေ​နေတယ်... သူက ရူးမိုက်မိုက် မင်းသမီး တစ်လက် ဖြစ်လာ​တော့မလားပဲ]

လန်ကာ၏ ​ဝေ့​ပေါ် တက်လာလာချင်းပင် ထန်​ချောင်း​ချောင်း၏ ​တိုက်ရိုက်ထုတ်လွှင့်မှုသည် ရုတ်တရက် ကြည့်ရှုသူများစွာဖြင့် နစ်မြုပ်သွားသည်။ ကြည့်ရှုသူ အ​ရေအတွက်မှာ အစပိုင်းတွင် ရာဂဏန်းသာ ရှိခဲ့ရာမှ ​ထောင်​ပေါင်းများစွာအထိ တက်သွားခဲ့ပြီး ယခုထိ မြင့်တက်​နေဆဲပင်။

[ငါ​ရောက်လာပြီ... ​ချောင်း​ချောင်း သူ့ရဲ့ ငရုတ်​ကောင်း​စေ့အခွံကို ထုတ်ပြီးပြီလား]

[ရှုခင်းကြည့် ခရီး​လေး စတင်ပါပြီ]

[ကြည့်... ထန်​ချောင်း​ချောင်း သူ့လည်ပင်းထဲ ငရုတ်​ကောင်း​စေ့အခွံကပ်​နေသည် ဆိုတာကြီးက သတင်း​ခေါင်းစဥ်ကြီး ဖြစ်ပြီ]

[ရယ်ရင်းနဲ့ ငို​နေပါပြီ... ငါ့အိုင်​ဒေါလ်မှာ သတင်း​ခေါင်းစ​ဥ်ကြီးမှာ ပါလာဖို့ ထူးဆန်းတဲ့ နည်းလမ်း​တွေရှိတာပဲ]

'သွားပြီ... လူတိုင်းရယ်​နေကြပြီ'

ထန်​ချောင်း​ချောင်းမှာ ​ဝေ့​ပေါ်က သတင်း​ခေါင်းစဥ်​တွေကို ဖွင့်မကြည့်ရဲ​ပေ။ သူမ ဖန်တီးရန် ရည်ရွယ်ထားသည့် ချစ်စရာ​ကောင်းပြီး နှစ်လိုဖွယ် မိန်းက​လေးပုံရိပ် သည်လည်း ကျဆုံးသွားရ​လေပြီ။

"မင်း ဘာ​တွေ လုပ်​နေတာလဲ"

ထန်​ချောင်း​ချောင်း သက်ပြင်းချလိုက်လိုက်ချင်း ရှန်းယွဲ့က ဝှီးချဲဖြင့် ​​ရောက်လာခဲ့ပြီး မီးဖို​ချောင်တံခါးဝတွင် ရပ်လိုက်သည်။

ကံမ​ကောင်းစွာဖြင့် သူ့အသံက မကျယ်သဖြင့် ဖုန်းထဲတွင် မပါခဲ့​ပေ။

ထန်​ချောင်း​ချောင်းက ကြည့်ရှုသူများကို ​ပြောလိုက်သည်၊ " ကျွန်မ ငရုတ်​ကောင်း​စေ့အခွံ ထုတ်ဖို့နည်းလမ်း သွားရှာမလို့..

ဒါ​ကြောင့် ဒီ​နေ့ တိုက်ရိုက်ထုတ်လွှင့်တာကို ဒီ​လောက်နဲ့ပဲ ရပ်လိုက်ပါ​တော့မယ်... ဘိုင့်" သူမစကား​ပြောပြီး​သောအခါ တိုက်ရိုက်ထုတ်လွှင့်မှုကို ခပ်မြန်မြန် ပိတ်လိုက်သည်။

ရှန်းယွဲ့က မျင်​မှောင်ကြုပ်လျက်သားဖြင့် ဝှီးချဲကို ​ရွှေ့လာရင်း အနား​ရောက်လာခဲ့သည်၊ "အချိန်​တွေ ဒီ​လောက်ကြာ​နေတာကို ဘာလို့ ညစာက အဆင်သင့် မဖြစ်​သေးတာလဲ"

ထန်​ချောင်း​ချောင်း မျက်ခုံးကို ပင့်လိုက်သည်၊ " ကျွန်မ လည်​ချောင်းထဲ ငရုတ်​ကောင်း​စေ့အခွံ ကပ်​နေလို့"

"တုံးလိုက်တာ" ရှန်းယွဲ့က ​သက်ပြင်းချလိုက်သည်။

ထန်​ချောင်း​ချောင်းက စိတ်ဒုက္ခ​ရောက်​နေရ​တော့သည်၊ "မ​တော်တဆပါ... ရှင့်လည်​ချောင်းမှာ ငရုတ်​ကောင်း​စေ့အခွံ မကပ်ဖူးရင်​တောင် ငါးအရိုး​တော့ စူးဖူးမှာပဲ"

ရှန်းယွဲ့ "မဟုတ်ဘူး... ငါ အရိုးပါတဲ့ငါး မစားဖူးဘူး"

ထန်ချောင်းချောင်း "အရိုးမပါတဲ့ငါးစားရတာ အသက်မပါဘူး"

ရှန်းယွဲ့ "အရိုးမပါတဲ့ငါးက ​စျေးကြီးတယ်ဆိုတာပဲ သိလား"

ထန်​ချောင်း​ချောင်း: အရမ်း​​ဒေါသထွက်လာပြီ​နော်...

ရှန်းယွဲ့: "မင်း မ​သေနိုင်ပါဘူး... ချက်သာချက်စမ်းပါ"

ထန်​ချောင်း​ချောင်းက ​ဒေါတတကြီး ​ပြောလိုက်သည်၊ "ကျွန်မအခု ဟင်းချက်နိုင်မဲ့ စိတ်အ​ခြေအ​နေ မဟုတ်ဘူး... အခု အမဲနှပ်ပဲ လုပ်ရ​သေးတယ်... ဒါ​ပေမယ့် အစက ပုစွန်အစပ်ဟင်းပါ လုပ်မလို့ပဲ"

'ပုစွန်အစပ်ဟင်းလား'

ဝှီးချဲဘီးကို လှိမ့်​​နေ​သော ရှန်းယွဲ့၏ လက်များ ရပ်တန့်သွားသည်။ သူက သူ့​ရှေ့မှ အမျိုးသမီးကို တိတ်တဆိတ် စိုက်ကြည့်လိုက်သည်။

"မင်းပါးစပ်ကို ဟလိုက်... ငါကြည့်​ပေးမယ်" ထန်ချောင်း​ချောင်းက ချက်ချင်းပင် ရှန်းယွဲ့​ရှေ့တွင် ထိုင်ချလိုက်ပြီး ​ခေါင်းကို​မော့ကာ သူမပါးစပ်ကို ကျယ်ကျယ်ဟ​ပေးလိုက်သည်၊ "အာ..."

ရှန်းယွဲ့က သူမ၏ နာခံ​နေပုံ​လေးကို ကြည့်လိုက်သည်။ သူက စက္ကန့်အနည်းငယ်မျှ ရပ်သွားပြီး​နောက် ဝှီးချဲကို သူမဆီ လှိမ့်လာခဲ့သည်။

ထိုအမျိုးသမီး​​လေးက မျက်လုံးများကို တင်းတင်းပိတ်ထားပြီး သူမ၏ မျက်​တောင်ရှည်များက အနည်းငယ် တုန်ယင်​နေကြသည်။

အမှန်တကယ်တွင် သူအရာအားလုံးကို မမြင်နိုင်ခဲ့​ပေ။ သူမ၏ လည်​ချောင်းထဲတွင် သူမ၏ ပန်းနု​ရောင် လျှာ​သေး​သေး​လေးနှင့် ညီညာ​နေ​သော သွားတန်းလေးကိုသာ မြင်လိုက်ရသည်။

ပြီး​တော့ သူမ၏ ခန္ဓါကိုယ်​ပေါ်မှ ချိုမြ​သော မက်မွန်ပန်းရနံ့​လေးကိုပင်။ 

ထန်​ချောင်း​ချောင်းက မည်သည်က မှား​ယွင်း​နေသည်ကို မသိ​တော့ပါ​​ချေ။ သို့​သော်လည်း ထို​ယောကျ်ား၏ အသက်ရှူသံက သူမနားကို ရုတ်တရက် ကပ်လာ​သောအခါတွင် သူမ၏ မျက်နှာက အနည်းငယ်ပူ​​လောင်လာသလို ခံစားလိုက်ရသည်။

အန်တီဝမ်က ယခုအချိန်က 7နာရီ​ကျော်​နေပြီ ဖြစ်​​သော်လည်း ထန်​ချောင်း​ချောင်းက အခုထိ ချက်ပြုတ်၍ မပြီး​သေး​ကြောင်း ​တွေ့လိုက်ရသဖြင့် သူမက အကူအညီလို​​နေသည်လားဟု ​တွေးမိ​လိုက်သည်။ သူမ မီးဖို​ချောင်တံခါးဝကို ​ရောက်​ရောက်ချင်းတွင် ရှန်းယွဲ့၏ ဝှီးချဲကို မြင်လိုက်ရ​လေသည်။

ဆရာက တကယ်ကြီး သူ့ဘာသာသူ ဆင်းလာပြီး မီးဖိုထဲကို ​ရောက်လာတယ်...

အန်တီဝမ်၏ အမြင်တွင် ရှန်းယွဲ့က သူ့​ရှေ့တွင် ထိုင်ချ​နေ​သော လူတစ်​ယောက်ဘက်ကို မျက်နှာမူနေသည်။ ထိုသူမှာ သူ့ဇနီးမှလွဲ၍ အခြားသူဟု အထင်မှားဖွယ် အ​ကြောင်းမရှိ​ပေ။

'သူတို့ ဘာ​တွေလုပ်​နေကြတာလဲ...'

ထန်​ချောင်း​ချောင်း၏ မျက်နှာကို သူမခင်ပွန်းသည်က အပြည့်အဝ ပိတ်ဆို့ထားပြီး သူမ၏ ​​ခေါင်းကလည်း ဘယ်မှညာ ယိမ်း​နေသည်။

အန်တီဝမ် ရှက်​သွေးဖြာသွားရ​တော့သည်။ သူမက ဆရာနှင့် မဒမ်တို့ ​တစ်​နေ့တာ မကုန်ခင် အချိန်တွင်ပင် မီးဖို​ချောင်ထဲတွင် ထိုကဲ့သို့ ​ပျော်စရာကိစ္စမျိုး ပြုလုပ်​နေကြမည်ဟု မ​​မျှော်လင့်ထားခဲ့​ပေ။ 

သူမက ပြုံးရယ်​နေရင်းပင် ကိုယ်ရှိန်သပ်ကာ လှည့်လိုက်ပြီး ထွက်သွား​တော့သည်။ သူမက ထိုငယ်ရွယ်​သော စုံတွဲ ချစ်ခင်ကြင်နာ​နေကြသည်ကို အနှောင့်အယှက် မ​ပေးသင့်​​ပေ။

ထန်​ချောင်း​ချောင်းက သူမမျက်လုံးများကို ပိတ်ထားပြီး အချိန်အ​​တော်ကြာ ​စောင့်​နေခဲ့​သော်လည်း မည်သည့်လှုပ်ရှားမှုမျှ မရှိ​ခဲ့​ပေ။ ထို့​​ကြောင့် သူမ​က ​မေးလိုက်သည်၊ "ရှင်​တွေ့ပြီလား... လည်​ချောင်းအ​ပေါ်​လေးတင်​လေ"

"မ​တွေ့ဘူး" ရှန်းယွဲ့က ရုတ်တရက်ပင် ခပ်မတ်မတ် ပြန်ထိုင်ကာ သူ့ဝှီးချဲကိုလည်း အ​နောက်ဆုတ်လိုက်သည်။

ထန်​ချောင်း​ချောင်းက သူ့ဝှီးချဲ​​ပေါ်တွင် လက်တင်ထားခဲ့​သော​ကြောင့် သူရုတ်တရက် ​နောက်ဆုတ်လိုက်​သောအခါ သူမတစ်ကိုယ်လုံး ယိုင်သွားပြီး ​ကြမ်းပြင်​​ပေါ်သို့ လဲကျသွား​တော့သည်။

ပနံသင့်​နေ​သော ​လေထုက အစအနပင်မရှိ​တော့ဘဲ ​ပျောက်ကွယ်သွား​တော့သည်။

ထန်​ချောင်း​ချောင်းက မ​ကျေမနပ်​ပြောလိုက်သည်၊ "မ​တွေ့ရင်လည်း မ​တွေ့ဘူးလို့ ​ပြော​ပေါ့... ဘာလို့ရုတ်တရက် နောက်ဆုတ်လိုက်တာလဲ..."

"မင်းပါးစပ်က နံလို့"

"အဓိပ္ပါယ် မရှိတာ... နတ်သမီး​တွေရဲ့ ပါးစပ်က ဘယ်လိုလုပ် နံမှာလဲ..." ထန်​ချောင်း​ချောင်းက ​ဒေါသတကြီး ထခုန်မိ​တော့မလိုပင်။ "အိုး... ​နေအုံး"

"အဟွတ် အဟွတ် အဟွတ်..." သူမက တစ်ခဏ​လောက် ​ချောင်းဆိုး​နေခဲ့ပြီး​နောက် ဝမ်းသာအားရ ​ပြောလိုက်သည်၊ "ကျသွားပြီ... ငရုတ်​ကောင်း​စေ့အခွံကို မျိုချလိုက်ပြီ"

ရှန်းယွဲ့၏ နှုတ်ခမ်းများက အနည်းငယ် တွန့်​ကွေးသွားခဲ့သည်၊ "အားလုံး ငါ့​ကျေးဇူး​ကြောင့်ပဲ... ဒါ​ပေမယ့် မင်းငါ့ကို ​ကျေးဇူးတင်ဖို့ မလိုပါဘူး... အရိုးမပါတဲ့ ငါးဟင်းတစ်ပွဲသာ ထပ်ချက်​ပေး"

"ရှင့်မှာလည်း အရှက်မဲ့တဲ့ ဘက်ခြမ်းရှိတယ်ဆိုတာ သိသွားပြီ"

အဆုံးတွင် ထန်​ချောင်း​ချောင်းက ပုစွန်အစပ်ဟင်းအပြင် ငါးအသားလုံးစွပ်ပြုတ်ကိုပါ လုပ်​ပေးခဲ့သည်။ ငါးအသားကို အလုံးစုံ နူးညံ့သွားသည်အထိ ထု​ထောင်းထားသဖြင့် အရသာက ​ချော​မွေ့ပြီး နူးအိ​နေသည်။ ​သေချာ​ပေါက်က​တော့ ငါးအသားလုံးစွပ်ပြုတ်တစ်ပွဲက ရှန်းယွဲ့၏ အစာအိမ်အတွင်းသာ များများ ဝင်သွားခဲ့ခြင်း ဖြစ်​ပေသည်။

........

"ကျွန်မသရုပ်ဆောင်ရမဲ့ ​နေရာရှိတယ်တဲ့လား"

ထန်​​​ချောင်း​ချောင်းက သူမမှာ အမှန်တကယ်ပင် ဇာတ်ညွှန်းတစ်ခု ရှိလာသည့်အ​ကြောင်း သိလိုက်ရ​ပြီး​နောက် ရှင်းမပြနိုင်​အောင်ပင် စိတ်လှုပ်ရှားသွားရသည်။ မူလကိုယ်က ပွဲဦးထွက်စကတည်းက ​နေရာတစ်ခုမှာမှ သရုပ်မ​ဆောင်ခဲ့ဖူး​ပေ။

အစ်ကိုချမ်သည်လည်း သူ၏ စိတ်လှုပ်ရှားမှုကို ဖုံးကွယ်​မ​နေ​တော့​ပေ။ ထန်​ချောင်း​ချောင်းက သူ့လက်ထဲတွင် နှစ်နှစ်​နေခဲ့ပြီး လူတိုင်းက သူမကို အမှိုက်တစ်စဟုသာ ​တွေးခဲ့ကြသည်။ ရလဒ်အ​နေဖြင့် သူမ၏ ငရုတ်​ကောင်း​​စေ့အခွံ လည်​ချောင်းတွင်ကပ်​နေခဲ့သည့် တိုက်ရိုက်ထုတ်လွှင့်မှုက ​​ရေပန်းစား​သော သတင်းတစ်ခု ဖြစ်လာခဲ့ပြီး ပိုများ​သော အသိအမှတ်ပြုမှုများ သူ့ထံသို့ ​ရောက်လာခဲ့သည်။

"ဒါက အွန်လိုင်းဒရာမာမှာ ဖြတ်​လျှောက်​လောက်ပဲ ဆို​ပေမယ့် မင်းရဲ့ သရုပ်​ဆောင်လမ်း​ကြောင်းအတွက် စမှတ်တစ်ခု ဖြစ်လာမှာပဲ... အနာဂါတ်မှာ မင်းက ​အောင်မြင်တဲ့ ဒရာမာကား​တွေ ရိုက်နိုင်လာပြီး​တော့ အ​ကောင်းဆုံး သရုပ်​ဆောင်ဆုရပြီး ဘုရင်မတစ်ဆူ ဖြစ်လာလိမ့်မယ်"

အကိုချမ်က​ ထပ်ပြီး ဝင့်ကြွား​နေ​လေပြီ။

ထန်​ချောင်း​ချောင်း: "ကျွန်မက​တော့ ရုပ်ရှင်ဘုရင်မ ဖြစ်လာဖို့ စိတ်ကူးမထားပါဘူး... လူ​တွေ ကျွန်မကို သ​ဘောကျ​နေသ၍ လုံ​လောက်ပါပြီ"

"ဟုတ်တယ်... ဒါက အနာဂါတ်မှာ သတင်း​ထောက်​တွေ မင်းကို အင်တာဗျူးရင် ​မင်းပြောသင့်တဲ့စကားပဲ... မင်း အရမ်း​တော်တယ်" အစ်ကိုချမ်က ​​ကျေနပ်အားရမှုတို့ဖြင့် ခေါင်းတဆတ်ဆတ်ငြိမ့်လိုက်သည်။ ထန်ချောင်းချောင်းက ဥာဏ်​ကောင်းတာကို သူအရင်က မသိခဲ့ရ​ပေ။

ထန်​ချောင်း​ချောင်းနှင့် အစ်ကိုချမ်တို့ ရိုက်ကူး​ရေးလုပ်မည့်ရက်ကို ​ဆွေး​နွေးပြီး​သောအခါတွင် ထန်​ချောင်း​ချောင်းက ရှန်းယွဲ့ကို ထိုသတင်း​ကောင်းအ​ကြောင်း ​ပြောပြလိုက်သည်။

"ကျွန်မအခု ရုပ်ရှင်ရိုက်ရ​တော့မယ်... အခု သရုပ်​ဆောင် ဖြစ်သွားပြီ"

"ဘယ်လို ဒရာမာလဲ"

အဲ့တာက.... "နတ်ဆိုးဘုရင်ကြီး၏ အချစ်မျိုးဆက်သုံးဆက်" လို့ ​ခေါ်တာလားပဲ... နတ်​​လောက ဒရာမာမျိုး​လေ... ကျွန်မက နတ်သမီးလား ဒါမှမဟုတ်ရင် အနည်းဆုံး ဘုန်း​တော်ကြီး​​နေရာ​လောက်​တော့ သရုပ်​ဆောင်ရမှာပါ" ထို့​နောက်တွင် သူမက သူမ၏ ပုံစံ အစစ်အမှန်ဖြင့် သရုပ်​ဆောင်နိုင်ပြီ ဖြစ်သည်။

ရှန်းယွဲ့က သူ့အ​တွေးများအ​ကြောင်း သူမကို မ​ပြောပြခဲ့​ပေ။ သူက နာမည်ကြားရုံမျှပင် မည်ကဲ့သို့ အမှိုက်သရိုက် အမျိုးအစားမှန်းကို သိထားပြီးသားပင်။ ဒီလို ဆိုးဆိုးဝါးဝါး​တွေမှာ ဘယ်လိုလုပ်ပြီး နေရာ​ကောင်းကောင်းမှာ သရုပ်​ဆောင်နိုင်ပါ့မလဲ...

...

...

"ကျွန်မက ​မြေ​ခွေးမလို သရုပ်​ဆောင်ရမှာလား"

ထန်​ချောင်း​ချောင်း အံ့သြသွားရသည်။ ​မြေ​ခွေးနတ်ဆိုးသည်ကား သူမ၏ မူလကမ္ဘာတွင် မ​ကျော်ကြား​သော နတ်မျိုးနွယ် ဖြစ်သည်။ ထိုသူများက အခြားသူများ၏ အဆီအနှစ်များကို စုပ်ယူစား​သောက်ရင်း ​နေထိုင်ကြသည်ကို လူတိုင်းက သိကြ​လေသည်။

ပရိုဂျူ​ဆာက ရှင်းပြလိုက်သည်၊ "အ​ကြောင်းက​တော့ ငါတို့တွေက မင်းဆီမှာ ထူးခြားပြီး ဆွဲ​ဆောင်မှုရှိတဲ့ ညှို့ဓါတ်ရှိတာကို ​တွေ့ခဲ့ရတယ်... မင်းက ဒီဇာတ်​ကောင်နဲ့ ​တော်​တော်လိုက်တယ်"

"​ကောင်းပြီ​လေ... ဒါဆို ကျွန်မ မြန်မြန်​လေး မိတ်ကပ်သွားပြင်လိုက်အုံးမယ်" သူမက 'ဆွဲ​ဆောင်မှုရှိပြီး ညှို့ဓါတ်ပြင်းသည့်' ​မြေ​ခွေးမိစ္ဆာပုံစံကို သရုပ်​ဆောင်ရန် ဆန္ဒရှိ​လေသည်။

ထန်​ချောင်း​ချောင်းက နတ်ဆိုး​​လောကတွင် အ​ခြေတည်ထားသည့် ထို"နတ်ဆိုးဘုရင်ကြီး၏ အချစ်မျိုးဆက်သုံးဆက်"ဟု ​ခေါ်​သော ဒရာမာမှ အမျိုးသမီး ဇာတ်လိုက်၏ ရှစ်​ယောက်​မြောက် ညီမအဖြစ် သရုပ်​ဆောင်ရမည် ဖြစ်သည်။

ရှစ်​ယောက်​​မြောက် ညီမက အမျိုးသားဇာတ်လိုက်နှင့် အမျိုးသမီးဇာတ်လိုက်တို့ ခံစားချက်များတိုးပွားလာမှုကို မြှင့်တင်ရန်အတွက် အသုံးချပစ္စည်းတစ်ခုကဲ့သို့ သရုပ်​ဆောင်ရမည် ဖြစ်သည်။ သူတို့ အဆက်အခဲများနှင့် ​တွေ့ကြုံရသည့်အခါတိုင်းတွင် သူမက သူတို့ကို ကူညီ​ပေးရန်အတွက် ​ပေါ်ထွက်လာမည်ဖြစ်​လေသည်။

ပထမဆုံရိုက်ချက်တွင် အမျိုးသမီးဇာတ်လိုက်က အမျိုးသားဇာတ်လိုက်အတွက် ကပြ​​ဖျော်​ဖြေ​နေသည်။ ​မြေ​ခွေးနတ်ဆိုးမိသားစုမှ လူများက ပွဲကြည့်သူများသာ။

အမျိုးသမီးဇာတ်လိုက်က အဝါ​ရောင် သား​မွှေးများပြည့်​နေ​သော ဝတ်စုံကို ဝတ်ဆင်ထားသည်။ သူမက ဘယ်လက်နှင့် ညာလက်ကို ​ဝှေ့ယမ်း​နေပြီး ပိုးဖလံ​လေးကဲ့သို့ ခုန်​ပေါက်​နေသည်။

ထန်ချောင်း​ချောင်းက အမျိုးသားဇာတ်လိုက်ကို ​လေးစားသွားရသည်။ ထိုသူက တမ်းတမ်းစွဲဖြစ်​​သော မျက်လုံးများကို ​ဖော်ပြ​နေရဆဲပင်။

'သရုပ်​ဆောင်ဘဝက မလွယ်ပါလား'

ထန်​​ချောင်း​ချောင်းက တံခါးဝအနီးတွင် ထိုင်​နေသည်။ သူမက လူတိုင်း၏ မျက်လုံးများက အမျိုးသမီးဇာတ်လိုက်အ​ပေါ်တွင် ရှိ​နေ​ကြောင်း​တွေ့လိုက်ရသဖြင့် သူမ​အကြည့်များက သူမ​ရှေ့မှ ညစာပန်းကန်ပြားကို ​ရောက်ရှိသွားသည်။

ကြက်​ခြေ​ထောက်ကင်တစ်​ချောင်းကို ကိုက်ကြည့်လိုက်ပြီး​နောက် ထိုအရာက အကျက်လွန်ပြီး သစ်သား​ချောင်းကဲ့သို့ ဖြစ်​နေ​လေသည်။ ခရမ်းသီးဟင်းကလည်း ချွဲကျိလွန်း​နေသည်။ သခွားသီးများက​တော့ မဆိုးရွားဘဲ စပျစ်သီးများက အ​တော်​လေး ချိုသည်။

ထန်​ချောင်း​ချောင်းက တစ်ကိုက်မျှကိုက်ပြီး ကြည့်လိုက်ပြီး​နောက် ​နောက်တစ်ကိုက် ကိုက်စားလိုက်​သည်။ သို့သော်လည်း ကင်မရာတစ်ခုက သူမကို ချိန်ရွယ်ထားသည်ကို မသိခဲ့​ပေ။

Xxxxxxx