အပိုင်း ၁၆

Chapter 16

အရသာကို မ​ကျေမနပ် ဖြစ်ခြင်း

​ကျောင်းဝူသည် အဓိက ရိုက်ကူး​ရေးအဖွဲ့အစား ရိုက်ကွင်း​နောက်ကွယ်မှ ရိုက်ချက်များကို ဦးတည်၍ ရိုက်ကူး​သော ဘ​လော့ဂါတစ်​ယောက် ဖြစ်သည်။ နာမည်​ကျော်များကို ရိုက်ကူးရသည့်အပြင် တစ်ခါတစ်ရံတွင် သူက ရိုက်ကူး​ရေး လုပ်ငန်းစဥ်များနှင့် ရိုက်ကူး​ရေးအဖွဲ့များကိုလည်း ရိုက်​လေ့ရှိ​သေးသည်။ အချို့​သော ရိုက်ကူး​ရေးအဖွဲ့များ​၏ စီမံခန့်ခွဲ​ရေးများက တင်းကြပ်​သော်လည်း "နတ်ဆိုးဘုရင်ကြီး၏ အချစ် မျိုးဆက် သုံးဆက်" ကဲ့သို့​သော ဝက်ဘ်ဒရာမာ​လေးများတွင်မူ ထိုလူများက အချို့​သော ကြည့်ရှုသူများ၏ စိတ်ဝင်စားမှုကို ရရှိရန်အတွက် ဘ​လော့ဂါများကို ရိုက်ကွင်း​နောက်ကွယ် ရိုက်ချက်များကို တင်​ပေး​စေလိုကြသည်။

ကျန်းဝူက မူလတွင် အမျိုးသမီးဇာတ်လိုက်၏ မျက်စိအဆိပ်သင့်​စေနိုင်​သော ​တောင်ပံခတ်​နေသည့် ပိုးဖလံအကကို စိတ်ဝင်စားခဲ့သည်။သူက သရုပ်​ဆောင်မင်းသမီးကို ရယ်​မောကြရန်အတွက် ​ဝေ့​ပေါ်တွင် ပိုစ့်တင်ရန် ကြံရွယ်ထားခဲ့သည်။သူ လှည့်ကြည့်လိုက်မိပြီး​နောက် ဟင်းပွဲများကို စိတ်အားထက်သန်စွာ စား​သောက်​နေသည့် ထူးဆန်း​​သော သရုပ်​ဆောင်တစ်​ယောက်ကို ရိုက်ကူးမိမည်ဟု မထင်ထားခဲ့​ပေ။

အခြား​သော သရုပ်​ဆောင်များက သူတို့​ရှေ့မှ ဟင်းပွဲများကို ​ထိပင်မ​ထိသော်လည်း သူမကသာ စား​ကောင်း​သောက်ဖွယ်ကို စားရသကဲ့သို့ တစ်ကိုက်ပြီး တစ်ကိုက် စား​သောက်​နေခဲ့သည်။

သူက ​သေ​သေချာချာ ကြည့်လိုက်သည်။ ​ဟေး... ဒါ​လေးက ငရုတ်​ကောင်း​စေ့အခွံနင်သွားတဲ့ Hot Search​ပေါ်က မင်းသမီး ထန်​ချောင်း​ချောင်း မဟုတ်ဘူးလား....

မကြာမီတွင် ရိုက်ကူး​ရေးအဖွဲ့ ဘ​လော့ဂါ ကျန်းဝူက ​ဝေ့​ပေါ်တွင် ဗီဒီယို တစ်ခုကို တင်လိုက်သည်: "လူတိုင်းက ပျံသန်း​နေတဲ့ ပိုးဖလံအကကို သ​ဘောကျ​နေတဲ့အချိန်မှာ ထန်ချောင်း​ချောင်း ဘာလုပ်​နေလဲ ကြည့်လိုက်ကြ"

ကျန်းဝူက တစ်နှစ်ပတ်လုံးတွင် နာမည်​ကျော်ကြားလာသူ ဖြစ်လာခဲ့သည်။ သူ၏ ဝေ့​ပေါ်မှ ဖန်များက အလွန်ပင် တက်ကြွကြသည်။ မကြာမီပင် မှတ်ချက် ​မြောက်များစွာက ထိုပိုစ့်ကို ဖုံးလွှမ်းသွားကြ​နော့သည်။

[ထန်​ချောင်း​ချောင်း... ​တော်​တော့... ဟင်း​တွေ မစားပါနဲ့​တော့... ငါရယ်ရလွန်းလို့ ​သေတာ့မယ်]

[​သောက်ကျိုးနည်း... ဇာတ်လိုက်မက​နေတာ ဘယ်လိုအကကြီးလဲ... အကလို့​တောင် ​ခေါ်လို့ရရဲ့လား... ထန်ချောင်း​ချောင်းကို ​လေးစားတယ်​ဟေ့... သူက​​တော့ ဒါကြီးကို ကြည့်ရင်း စားဝင်​သေးတယ်]

[​ချောင်း​ချောင်းကို ​ဖောလိုးလိုက်ပြီ... သူအခု အစားအ​သောက် ဘ​လော့ဂါ ဖြစ်လာ​တော့မှာလား... သံသယဖြစ်​​နေတဲ့ မျက်နှာအီမိုဂျီ]

[သူ့ကို ငရုတ်​ကောင်း​စေ့အခွံ ထုတ်ပြီးပြီလားလို့ မြန်မြန်​မေးလိုက်]

[ငါတစ်​ယောက်ပဲ ထန်ချောင်း​ချောင်း သရုပ်​ဆောင်မဲ့ ဇာတ်​ကောင်ကို သိချင်​နေတာလား... စတိုင်က ဆိုးချက်ပဲ... ငါက​တော့ ရာစုနှစ်တစ်ခု​လောက် ​နောက်ပြန်​ရောက်သွားသလိုပဲ]

[အံ့သြစရာ ဝတ်စုံနဲ့​တောင် သူကလှ​နေတုန်းပဲ... သူ့မျက်နှာ​လေးသာ ​ထောက်ပံ့​ပေးထားရင် ဘာဝတ်ဝတ် ကိစ္စမရှိဘူး]

​မြေ​ခွေးမိသားစု၏ ပုံရိပ်ကို ​ဖော်ပြရန်အတွက် ​မြေ​ခွေးများ အဖြစ် သရုပ်​ဆောင်မည့် ရိုက်ကူး​ရေးအတွင်းမှ သရုပ်​ဆောင်များက ​ခေါင်း​ပေါ်တွင် နားရွက်များ တပ်ထားသည်၊ မဟုတ်လျှင် လည်ပင်း​ပေါ်တွင် အ​မွှေးထူ​​မြေ​ခွေးများ တင်ထားကြသည်။

ထန်​ချောင်း​ချောင်းသည်လည်း ​ခေါင်း​ပေါ်တွင် နားရွက်နီ​လေးများ တပ်ထားပြီး သူမ​နောက်တွင်လည်း အ​ရောင်တူ အ​မွှေးဖွာအမြီး​လေးက ​မြေ​ပေါ်တွင် တွဲ​လောင်းကျ​နေခဲ့သည်။ သူမက တဖျတ်ဖျတ်လက်​နေသည့် အနီ​ရောင် ပိတ်ကျဲဝတ်စုံကိုလည်း ဝတ်ဆင်ထား​သေးသည်။။

ထိုအရာက အခြားသူများအတွက် ​ဘေးအန္တရာယ် တစ်ခုကဲ့သို့ ဖြစ်န​သော်လည်း ထန်​ချောင်း​ချောင်း အတွက်မူ ကြည့်ရဆိုးမ​နေပါ​ချေ။

သူမ၏ အိုင်းလိုင်နာက အနည်းငယ် မြင့်​နေပြီး အိုင်းရှဲဒိုးများကလည်း မျက်လုံး၏ အစွန်းနှစ်ဖက်တွင် မီးခိုး​ရောင်သန်းကာ ခြယ်သထားသည်။ သူမ၏ ပြိုင်ဘက်ကင်း မျက်ခွံမိတ်ကပ်က ဆွဲ​ဆောင်​နေသည့် ခံစားချက်ကို ရ​စေသည်။

သူမ၏ အသားအ​ရောင်က မူလတွင် အဖြူ​ရောင် ဖြစ်​သော်လည်း အနီ​ရောင်ဝတ်စုံက သူမကို နှင်းကဲ့သို့ ဖြူဆွတ်သွား​စေသည်။

ပရိုဂျူဆာက သူမတွင် ထူခြား​​သော စွဲ​ဆောင်မှု ရှိသည်ဟု ​ပြောခဲ့ပြီး ထိုစကားကလည်း မှန်ကန်​ပေသည်။

​ကျန်းဝူက ထန်​ချောင်း​ချောင်း၏ ပုံစံက အလွန်တရာ ဆွဲ​ဆောင်မှု ရှိသည်ကို ​တွေ့လိုက်ရသည်။ ထို့​ကြောင့် ​ရိုက်ကူး​ရေး အနားယူချိန်ကို အခွင့်​ကောင်းယူပြီး ထန်ချောင်း​ချောင်း၏ အနားကို ​ပြေးသွား​တော့သည်။ ထိုအချိန်တွင် သူမက သူမပန်းကန်ထဲမှ အရာအားလုံးကို ​ပြောင်စင်သွားသည်အထိ စား​သောက်ပြီးသွား​လေပြီ။

"ဟယ်လို... ချောင်း​ချောင်း... ငါ့နာမည်က ကျန်းဝူ... ​ဖျော်​ဖြေ​ရေး ဘ​လော့ဂါတစ်​ယောက်ပါ... ငါ့ရဲ့တိုက်ရိုက်ထုတ်လွှင့်မှုက ဖန်​တွေကို ဟယ်လိုလို့ ​ပြော​​ပေးနိုင်မလား..."

ထိုလူ့လက်ထဲရှိ ဖုန်းကို ကြည့်လိုက်ရင်းဖြင့် သူမက သူမဘာသာ ​တွေးလိုက်မိသွားသည်၊ 'အင်တာဗျူးများလား...'

သူမက မြန်မြန်​လေး ထိုင်ချကာ ဖုန်းထဲရှိ တိုက်ရိုက် ထုတ်လွှင့်မှုကို လက်ဝေ့ယမ်းပြလိုက်ပြီး ပြုံးပြလိုက်သည်၊ "ဟယ်လို... ငါက ထန်​ချောင်း​ချောင်းပါ"

အားးးးးးးးးးးးးးးးးးးးးးးးးးးးးးးးးးးး

တိုက်ရိုက်ထုတ်လွှင့်မှုရှိ လူထုကြီးက ပို၍ပင် အသက်ဝင်လာ​တော့သည်။

ကျန်းဝူက ​မေး​နေကျ ​မေးခွန်းကိုပင် ​အေးလိုက်သည်၊ "မင်းသရုပ်​ဆောင်မဲ့ ဇာတ်​ကောင်က ဘယ်လိုမျိုးလဲ... ပြောလို့ ရမလား..."

ထန်​​ချောင်း​ချောင်းက သူမ​​ခေါင်းကို ထိုးပြလိုက်သည်၊ "မသိသာဘူးလား... ​မြေ​ခွေးမိစ္ဆာ​လေ"

"ငါထင်တာ အခု​လေးတင် မင်းစား​သောက်​နေတာ​နော်... ရိုက်ကူး​ရေးအဖွဲ့က အစားအ​သောက်​တွေက အရမ်း​ကောင်းလို့များလား"

"အဆင်​​ပြေပါတယ်... သခွားသီး​တွေက ​ကောင်းတယ်... ဒါ​ပေမယ့် ကြက်သားက မီးကျွမ်း​နေတဲ့ သစ်သားလိုပဲ... ပြီး​တော့ ခရမ်းသီးက ဆီများလွန်းတယ်"

"ဒါဆို ဘာလို့ ဒါ​တွေကို အရသာရှိရှိနဲ့ ကုန်တဲ့အထိ စား​နေရတာလဲ..."

"အစားအစာ​တွေကို ဖြုန်းတီးလို့ မဖြစ်ဘူး​လေ... ဒါ​တွေကို ကျွန်မတို့အတွက် လုပ်​ပေးထားတာမလား... ကျွန်မတို့ တရုတ်​တွေက နည်းနည်းပဲ စား​လေ့ရှိကြတယ်... ကျွန်မက အစားအစာကို ဖြုန်းတီးတာ အမုန်းဆုံးပဲ"

ထန်​​ချောင်း​ချောင်းနှင့် ကျန်းဝူတို့က ​​ပျော်ရွှင်စွာ စကား​ပြော​နေကြ​သော်လည်း သူမနားတွင် ထိုင်​နေသည့် အခြား​သော သရုပ်​ဆောင်များက​ စိတ်ပျက်​နေကြသည်။ သူတို့အားလုံးက ဒီဇာတ်ကားမှာ ဇာတ်ပို့​တွေပဲ​လေ... ဘာလို့ ထန်​ချောင်း​ချောင်း တစ်​ယောက်ထဲကိုပဲ အင်တာဗျူးရတာလဲ...

မိန်းက​လေးများထဲမှ တစ်​ယောက်က ထန်​ချောင်း​ချောင်းနှင့် ကျန်းဝူတို့၏ စကားများကို တစ်လုံးမကျန် နား​ထောင်​နေပြီး​နောက် တိတ်တဆိတ်ထရပ်ကာ ထွက်သွား​တော့သည်။

"ဘယ်သူလဲ... ဘယ်သူက ငါချက်တဲ့ဟင်း​တွေကို စားမ​ကောင်းဘူးလို့ ​ပြောတာလဲ..." မကြာခင်မှာပင် ​ပြောင်​နေ​သော ဦး​ခေါင်းနှင့် ခပ်ရွှဲရွှဲ ဗိုက်တို့ ရှိ​သော သက်လတ်ပိုင်း လူတစ်​ယောက်မှ ရိုက်တွင်းတွင် အသံကျယ်ကျယ်ဖြင့် ထွက်​​​ပေါ်လာခဲ့သည်။

"ဒါ စားဖိုမှူး ဖန်မလား... သူ့ကို ဘယ်သူ ဆန့်ကျင်မိသွားတာလဲ..."

"ဘယ်သူရှိမှာလဲ... ထန်မျိုးရိုးနဲ့ တစ်​ယောက်​ပေါ့... သူ ဆရာဖန်ရဲ့ အစားအစာ​တွေကို စားလို့မ​ကောင်းဘူးလို့ ​ပြော​နေတာကို ကြားလိုက်တယ်"

​လုံ​ထောင်နူ နှင့် အခြား​သော သရုပ်​ဆောင်များက စု​​​ဝေးကာ ရှိုး​ကောင်း​ကောင်းတစ်ခုကို ​​စောင့်​နေရင်း ထန်​ချောင်း​ချောင်းကို ကြည့်​နေခဲ့ကြသည်။

စာဖိုမှုးဖန်က ရိုက်ကူး​ရေးအဖွဲ့၏ အဓိက စာဖိုမှူးတစ်​ယောက် ဖြစ်ရုံသာမက ပရိုဂျူဆာ၏ ​ဆွေမျိုးလည်း ဖြစ်​နေ​သေးသည်။ ထိုသူက ဆိုးရွား​သော စိတ်သ​ဘောထားလည်း ရှိသည်။ အတိတ်တွင် သူ့အစားအစာကို မ​ကျေမနပ် ဖြစ်သည့် မည်သူမဆို ကြိမ်း​မောင်းခံခဲ့ရသည်၊ "မင်းသာ လုပ်နိုင်ရင် ဒီက ထွက်သွားလိုက်... ​နောက်တစ်ခါ ငါချက်တာ မစားနဲ့"

ပရိုဂျူဆာ၏ ကာကွယ်မှု​ကြောင့် သူ့အစားအစာများကို မည်သူမှ ​နောက်ထပ် မ​ဝေဖန်ရဲကြ​​တော့။

ဒီတစ်ကြိမ်တွင် ထန်​ချောင်း​ချောင်းက သံ​ချောင်းထူထူ တစ်​ချောင်းဖြင့် တိုက်မိသွားခဲ့ပြီ။

"မင်းပဲ... ငါချက်ထားတာ​တွေကို စားမ​ကောင်းဘူး​ပြောတာ မင်းမလား..."

ထန်​ချောင်း​ချောင်းက သူမ​ရှေ့တွင် ရပ်​နေ​သော လူကြီးကို ကြက်​​သေ​သေ​နေ​သော အမူအယာဖြင့် ကြည့်​​နေခဲ့သည်။ ထိုသူက ​တောင်ကုန်းတစ်ခုကဲ့သို့ ဝလွန်း​နေခဲ့သည်။

ကျန်းဝူသည်လည်း ထိုအခိုက်တွင် ကြက်​သေ​သေ​နေခဲ့​သော်လည်း ခပ်မြန်မြန် တုံ့ပြန်လာကာ သူ့ကင်မရာကို ထိုလူနှစ်​ယောက်ကို ရိုက်ကူးရန် မြန်မြန် ချိန်ညှိလိုက်သည်။

'တိုက်ခိုက်ကြ... တိုက်ခိုက်ကြ'

"ငါ​မေးမယ်... ငါ့အစားအစာ​တွေကို ဆိုးဝါးတယ်လို့ ​ပြောတာ မင်းလား..."ဆရာဖန်က ထပ်​​​မေးလိုက်ပြန်သည်။

ထန်​ချောင်း​ချောင်းက ပွင့်ပွင့်လင်းလင်း ​ပြောလိုက်သည်၊ "ကြက်သားက မီးကျွမ်းထားတဲ့ သစ်တုံးလိုပဲ... ခရမ်းသီးကလည်း ဆီများလွန်းတယ်"

"​သေလိုက်​စမ်း..." စာဖိုမှူးဖန်က ထန်ချောင်း​ချောင်း၏ နူးညံ့​သော ခန္ဓါကိုယ်​လေးနှင့် မရင်းနှီး​သော မျက်နှာကို ကြည့်​နေခဲ့သည်။ သူက သူမကို အရူးတစ်​ယောက်အဖြစ် သတ်မှတ်လိုက်ပြီး ပို၍ပင် မသမာ​​သော စိတ်များ ဝင်လာခဲ့သည်၊ "မင်းက​ရော စား​ကောင်း​​အောင် ချက်တတ်လို့လား... မင်းက ဆားနဲ့ သကြား​၊ ပဲအနှစ်​ဆောစ့်နဲ့ ဗင်နီဂါကို​တောင် ခွဲတတ်လို့လား... မင်းက ဒီ​လောင်ဇီကို လာသင်ရဲ​​သေးတယ်"

ထန်​ချောင်း​ချောင်း၏ မျက်နှာ ​အေးစက်သွားလေသည်။ ဆရာဖန်၏ စာဖိုမှူးဝတ်စုံတွင် ဆီအဝါများ စွန်းထင်း​နေခဲ့သည်။ သူက စိတ်လှုပ်ရှားကာ စကား​ပြော​​နေ​သော​ကြောင့် တံ​တွေးများလည်း လာစင်​နေ​သေးသည်။ ထိုသူတွင် သားသတ်သမားကဲ့သို့ စိတ်ကြီးဝင်​နေ​သော သ​ဘောထား ​နေသည်။ သူမက ထိုကဲ့သို့ စာဖိုမှူးများစွာကို ​တွေ့ခဲ့ရပြီး ထိုသူတို့ကို အလွန်စိတ်ညစ်ညူးခဲ့ရသည်။

"ရှင်က ကြက်အိုကြီး​တွေကို သုံးထားတယ်... သူတို့​တွေက သုံးနှစ်​ကျော်​လောက် ​မွေးထားတဲ့ ကြက်တွေပဲ... သူတို့က ​အို​နေ​တော့ ​စျေး​ပေါ​တယ်​လေ... ရှင်က ကြက်​တွေကို မကင်ခင် ​ရေထဲမှာ ဖြူလာတဲ့အထိ ကြိုမစိမ်ထားခဲ့ဘူး... ကင်တဲ့အချိန်ကလည်း ကြာလွန်းတယ်... အနည်း​ဆုံး 2နာရီထက်​တောင် ပိုမလားပဲ... ကျွန်မ​​ပြောတာ မှားလား... ဆက်​ပြောရအုံးမလား"

ထန်​ချောင်း​ချောင်း၏ မျက်နှာက တည်ငြိမ်​နေပြီး စကားလုံးတိုင်းက စာဖိုမှူးဖန်ကို ​ပြောစရာမဲ့သွား​စေသည်။ ရိုက်ကွင်းတစ်ခုလုံး တိတ်ဆိတ်သွား​လေသည်။

ကျန်းဝူက ​ပျော်ရွှင်စွာ ရိုက်ကူး​နေသည်၊ "ဝိုး... အ​ခြေအ​နေက ​ပြောင်းပြန် ဖြစ်သွားပြီ"

ဆရာဖန်မှာ ထန်​ချောင်း​ချောင်း၏ စကားများကြောင့် ထိတ်လန့်သွားပြီး​ ဒေါသထွက်လာ​တော့သည်။ သူက ​အော်ဟစ်လိုက်​လေသည်၊ "ဆို​တော့ မင်းက ဟင်းချက်တတ်တယ်​ပေါ့​လေ... အဲ့​တော့ဘာဖြစ်လဲ... ငါဟင်းစချက်တုန်းက မင်းလိုမိန်းက​လေးက နို့​​သောက်​နေတုန်းပဲ ရှိသေးတယ်"

ထန်​ချောင်း​ချောင်းက ​လှောင်ရယ်လိုက်သည်၊ "ရှင်က လူကြီး ဖြစ်​နေပြီ ဆိုတဲ့ အချက်ကိုပဲ မှီခို​နေတာ... ရှင့်အသံက ကျယ်​ပေမယ့် ဟင်းချက်တယ်ဆိုတာ အသံကျယ်မကျယ်အ​ပေါ် မူတည်​နေတာ မဟုတ်ဘူး..."

မစ္စတာဖန်က သူလုံးဝ အ​​စော်ကားခံလိုက်ရသလို ခံစားလိုက်ရသည်။ ရိုက်ကူး​ရေးအဖွဲ့အတွင်းရှိ မည်သူကမျှ သူ့ကို​မော်မကြည့်ရဲခဲ့​ပေ။

"မင်းစကားကို နား​ထောင်ရသ​လောက် မင်းလည်း ဟင်းချက်တတ်တယ်​ပေါ့​လေ... ဒါဆို ငါတို့ပြိုင်ကြမယ်"

ထန်​ချောင်း​ချောင်းက ထရပ်လိုက်​လေသည်၊ "ဟုတ်ပြီ​လေ... ရှင်ရှုံးရင်​​ရော..."

"ငါရှုံးရင် ငါ့​ခေါင်းကို သုံးချက်တိတိ ချက်ချင်း​ခေါက်​ပေးမယ်... မင်းရှုံးရင် ရိုက်ကူး​ရေးအဖွဲ့က​နေ ထွက်သွား..." မစ္စတာဖန်က အနိုင်ကဒ်ကို ကိုင်ထားသည့်ဟန်ပင်။

"အရမ်းကြီး ရို​သေဖို့ မလိုပါဘူး... ရှင်က မတန်ဘူး​လေ... ရှင်ကျွန်မကို လူ​တွေ​ရှေ့ ​တောင်းပန်ပြီး အစားအ​သောက်​ဝယ်ဖို့​ ပေးထားတဲ့ ရိုက်ကူး​ရေးရဲ့ ပိုက်ဆံ​တွေကို ဘတ်ထားတယ်လို့ ဝန်ခံရမယ်"

"ဘယ်သူက ဒိုင်လုပ်မှာလဲ..."

"​သေချာတာ​ပေါ့... လူတိုင်းရှိ​နေကြတာပဲ" ထန်​ချောင်း​ချောင်းက ​ပြောလိုက်သည်။

[ဒီလိုလူမျိုးက ​သေချာ​ပေါက် ရိုက်ကူး​ရေးအဖွဲ့ထဲမှာ အနိုင်ကျင့်တတ်တဲ့လူဖြစ်ရမယ်... ​ချောင်း​ချောင်း... သူနဲ့မပြိုင်ပါနဲ့... လုံခြုံ​ရေးက အ​ရေးကြီးတယ်]

[မ​ကြောက်နဲ့ ​ချောင်း​ချောင်း... ငါတို့အားလုံး မင်းကို အား​ပေး​နေမယ်... မင်းက ​သေ​စေနိုင်​လောက်တဲ့ မိန်းမ​လှ​လေးပဲ]

[ဟုတ်တယ်... သူမင်းကို နာကျင်ဖို့ လုပ်ရဲရင် ငါတို့​တွေ သူ့ကို ​​ဖော်ထုတ်ကြမယ်]

[ဘယ်လို​တောင် ဖရိုဖရဲ ဖြစ်​နေတဲ့ ရိုက်ကူး​ရေးအဖွဲ့လဲ.... အစားအ​​သောက်က စားမ​ကောင်းဘူး... ဒါ​ပေမယ့် ဘယ်သူမှ ထုတ်မ​ပြောရဘူး... ဒါက ​မြေ​အောက်ကမ္ဘာမို့လို့လား]

[ဘုရား​ကျောင်း​​သေး​သေး​လေးမှာ ​လေပြင်းထန်​နေတယ်... ​ရေတိမ်တိမ်မှာ ဘုရင်​​တွေ အများကြီးပါလား]

T/N အရည်အချင်း နည်းနည်းသာ ရှိသူ​တွေက အဆူညံဆုံးလို့ အဓိပ္ပါယ်ရတာပါ... ​သတ်မှတ်အဆင့်(​ရေ) ပိုနိမ့်လေ...လူပိန်း​တွေကို ဆွဲ​ဆောင်​လေပဲတဲ့... ဒါ​ကြောင့်မို့ သတ်မှတ်အဆင့်နိမ့်​လေ ပိုဆူညံ​လေပဲ... သူ​ပြောချင်တာ မ​ကောင်းတဲ့ ရိုက်ကူး​ရေးအဖွဲ့မို့လို့ စားဖိုမှူးလို မ​ကောင်းတဲ့လူတွေကို ဆွဲ​ဆောင်​နေတာပါတဲ့

ကျန်းဝူက သူ၏ တိုက်ရိုက်ထုတ်လွှင့်မှုတွင် မြင့်တက်လာ​သော ကြည့်ရှုသူဦး​ရေကို ကြည့်လိုက်သည်။ သူ့ပါးစပ်က နားရွက်​ပေါ်တွင် တက်ချိတ်​တော့မတတ်ပင်။ ဒီ​နေ့သူ ငါးအကြီးကြီး ဖမ်းမိလိုက်​လေပြီ။

ပရိုဂျူဆာနှင့် ဒါရိုက်တာတို့ ဖြစ်ပျက်​နေ​သော ကိစ္စကို သိလိုက်ရ​သောအခါ ထန်​​​ချောင်း​ချောင်းနှင့် ဆရာဖန်တို့က ကြည့်ရှု​နေ​သော လူများစွာ ခြံရံလျက် မီးဖို​ရှေ့တွင် ​​ရောက်​နေပြီးသား ဖြစ်​နေခဲ့သည်။

Xxxxxx