အပိုင်း ၃၂

Chapter 32

သကြားယုန်​လေးများ

ရှန်းယွဲ့အ​မေက ဖုန်း​ခေါ်လာသည်ကို ထန်​ချောင်း​ချောင်း သိလိုက်ရ​သည့် အချိန်တွင် သူမက ဂျယ်လီ​အေးကို ပါးစပ်အပြည့် စား​နေခဲ့တာ ဖြစ်သည်။

ရှန်းယွဲ့က မူလတွင် သူတို့စားပြီးသည်အထိ​စောင့်ချင်ခဲ့​သော်လည်း အန်တီဝမ်က ဖုန်းကို ဧည့်ခန်းထဲရှိ တီဗွီနှင့် ချိတ်ဆက်ပြီးသား ဖြစ်​နေခဲ့သည်။

ထို့​ကြောင့် သခင်မကြီးက ​တောက်ပ​သော အပြုံးကြီးဖြင့် မျက်နှာပြင်​ပေါ်တွင် ​ပေါ်လာပြီး ဂျယ်လီ​အေး ကိုင်ထား​​သော နှစ်​ယောက်နှင့် မျက်နှာချင်းဆိုင် ဆုံမိသွားကြ​တော့သည်။

မဒမ်ရှန်းက ရှန်းယွဲ့ကို အသက် 42နှစ်တွင် ​မွေးခဲ့သည်။ သူမက ယခုတွင် အ​တော်​လေး ပိုအိုမင်းသွားပြီ ဖြစ်​သော်လည်း အလွန်သန်မာ​နေဆဲ ဖြစ်သည့်ပုံပင်။ သူမဆံပင်ကို အနက်​ရောင်ဆိုးထားပြီး ​ရောင်စုံစကပ်ရှည် တစ်ထည်လည်း ဝတ်ထား​သေးသည်။ သူမက အဘွားအိုကြီး တစ်​ယောက်ဖြစ်ရန်အတွက် တွန့်ဆုတ်​နေပုံ​ပေါ်​​လေသည်။

မဒမ်ရှန်း: "မင်းတို့ အခုမှ ​နေ့လည်စာစားပြီးကြတာပဲ... ငါအခု သြဇီမှာ​ရောက်​နေတာကို ​မေ့သွားတယ်... ဒီ​နေရာက မင်းတို့နဲ့ အချိန် နှစ်နာရီကွာတယ်"

ရှန်းယွဲ့က တည်တည်ငြိမ်ငြိမ် ပြန်​ဖြေလိုက်သည်၊ "​နေ့လည်စာ မဟုတ်ဘူး"

"ဘာစား​နေကြတာလဲ... ပြစမ်းပါအုံး ငါ ကြည့်ချင်​သေးတယ်" သခင်မကြီးရှန်းက အလွန်​ပျော်​နေပုံ ​ပေါ်​နေသည်။

ရှန်းယွဲ့က လှုပ်ရှားရန်အတွက် အဆင်မ​ပြေ​ပေ။ ထို့​ကြောင့် ထန်​ချောင်း​ချောင်းကပဲ ခွက်ကိုကိုင်ကာ တီဗွီ​ရှေ့တွင် ပြလိုက်ပြီး ချိုသာ​သော အပြုံးလေးဖြင့် ​ပြောလိုက်သည်၊ "ဒါ ဂျယ်လီ​အေးပါ"

"အိုး ဒါစီချွမ်သ​ရေစာ ဂျယ်လီ​အေးပဲ" မဒမ်ရှန်က သူမမျက်လုံးကို ပြူးကာ ဆိုလာခဲ့သည်၊ "ငါလည်း ဂျယ်လီ​အေး ကြိုက်တယ်ကွယ် ဒါ​ပေမယ့် နိုင်ငံခြား​ရောက်​နေ​တော့ သ​ရေစာစစ်စစ်​တွေကို မရနိုင်ဘူး... ငါ့မှာ ​နေ့တိုင်း စတိတ်ခ်​တွေပဲ စား​နေရတာ"

သခင်မကြီးရှန်းက အလွန်​လောဘကြီး​လေသည်။ သူမမျက်လုံးများက ဖန်သားပြင်ထဲမှ ခုန်ထွက်ကာ သူတို့​၏ အစားအ​သောက်များကို လာစားချင်​နေသည့်ပုံပင်။

ရှန်းယွဲ့က သူ့အ​မေ၏ အာရုံ​ကြောများပင် ​ပေါက်ထွက်​တော့မည့် အမူအရာကို အချိန်အ​တော်ကြာ ကျင့်သားရ​နေခဲ့ပြီးသား ဖြစ်​လေသည်။ သူက တမင်သက်သက်ပင် ဟန်လုပ်ကာ ဂျယ်လီ​အေးကို အားပါးတရ စားပြလိုက်​သေးသည်။

မဒမ်ရှန်းက ခါးသီးစွာ ​ပြောလိုက်သည်၊ 

"မသိတတ်လိုက်တဲ့သား... စားချင်ရင်လည်း ဟိုဘက်လှည့်စားပါလား... ဘယ်သူက မင်းစားတာကို ကြည့်ချင်​နေလို့လဲ... ငါက ငါ့​ချွေးမ​လေးကိုပဲ ကြည့်ချင်တာ"

 ထန်​ချောင်း​ချောင်းက ရှက်ကိုးရှက်ကန်းဖြင့် သူမနှာ​ခေါင်း​လေးကို ပွတ်​နေသည်။ မဒမ်ရှန်း၏ အသက်အရ သူမက ထိုအမျိုးသမီးကို အဘွားဟုပင် ​ခေါ်နိုင်​သော်လည်း ထိုကိစ္စက ပို၍ပင် ဆိုးဝါး​သေးသည်။

သူမက အ​မေဟုလည်း မ​ခေါ်နိုင်​ပေ။

မူလကိုယ်က သူမနှင့် တစ်ခါမှ စကားမ​​ပြောခဲ့ဖူး​​​သော​​ကြောင့် ထန်​ချောင်း​ချောင်းက မူလကိုယ်အတိုင်း လိုက်ကာ ​ခေါ်လိုက်သည်၊ "ဟယ်လို... မဒမ်"

"အရမ်းကောင်းတယ်" သခင်မကြီးရှန်းက ထိုအ​ခေါ်အ​ဝေါ်ကို အာရုံမထားဘဲ သူမကို ချစ်ခင်နှစ်လိုမှုများဖြင့် ကြည့်​နေခဲ့သည်။

"မင်း ဒါ​တွေကို လုပ်ထားတာ ဖြစ်ရမယ်... ​ဒီရက်​တွေမှာ မင်း ရှန်းယွဲ့ရဲ့ အစားအ​သောက်ကို ဂရုစိုက်​ပေး​နေတယ်လို့ အန်တီဝမ်​ပြောတာ ကြားခဲ့တယ်"

"ဒါ ဘာမှမဟုတ်ပါဘူး... မဒမ် ပြန်လာတဲ့အခါကျရင်လည်း ကျွန်မ ချက်​ပေးပါ့မယ်"

"မင်း​ပြောလာ​မှတော့ အတည်ဖြစ်သွားပြီ​နော်... ငါ တရုတ်ကို ခဏပြန်လာရင် မင်းလက်ရာကို မြည်းကြည့်ရမယ်"

သခင်မကြီးရှန်းက ခပ်ပါးပါး သက်ပြင်းချလိုက်သည်၊ "ငါ့ကိုယ်ထဲက ထွက်လာတဲ့ သားကို ငါအသိဆုံးပဲ... သူက​လေးဘဝကတည်းက နွားသိုးလို စိတ်မျိုး​​လေ... သူ့အာသီသနဲ့သာ မကိုက်ရင် ​သေသွားမယ်ဆိုရင်​တောင် တစ်ကိုက်မှ ကိုက်မှာ မဟုတ်ဘူး... အခု​တော့ အရင်ကထက်​တောင် နည်းနည်း ပိုပြည့်လာသလိုပဲ... ဒါ​တွေအားလုံး မင်း​​ကျေးဇူး​ကြောင့်ပါပဲကွယ်"

ရှန်းယွဲ့က သူ့အ​မေဆီမှ ​ဖော်​ကောင် လုပ်ခံလိုက်ရသည်​ကြောင့် မျက်​မှောင်ကြုပ်သွား​တော့သည်၊

 "အ​မေ... ဘာအဓိပ္ပါယ်မရှိတာ​တွေ ​ပြော​နေတာလဲ"

မဒမ်ရှန်းအသံက အလွန်ကျယ်​လေသည်၊ "ဘာလဲ... မင်းက ငါ့သားပဲ... ငါ​ပြောလို့မရဘူးလား"

 သူက ထန်​ချောင်း​ချောင်းကို အနည်းငယ် ​နေရခက်ဟန်ဖြင့် ကြည့်လိုက်​သော်လည်း ထန်​ချောင်း​ချောင်း၏ နှုတ်ခမ်း​ထောင့်များ မြင့်တက်​နေသည်ကို ​တွေ့လိုက်ရလေသည်။ သူမ၏ အပြုံးက နှင်း​ဆီတစ်ပွင့်ကဲ့သို့ ​တောက်ပ​နေခဲ့သည်။

ထန်​ချောင်း​ချောင်းက တီဗီမျက်နှာပြင်ကို ဖြတ်ပြီး အ​သေးအဖွဲ့​လေးကို ငြင်းခုံ​နေကြသည့် အ​မေနှင့်သားကို ကြည့်ကာ မ​ရေနိုင်ဘဲ ရယ်မိသွား​တော့၏။ ရှန်းလျန့်မျက်နှာ​ပေါ်က ကူကယ်ရာမဲ့​နေ​သော အမူအရာက အလွန် မြင်ရခဲသည်​လေ။

မဒမ်​ရှန်း၏ မျက်လုံးများက သူမမျက်နှာ​ပေါ်တွင် မ​ရေရာ​သော အပြုံးတစ်ခုဖြင့် ရှန်းယွဲ့နှင့် ထန်​ချောင်း​ချောင်းအ​ပေါ်တွင် ကူးချည်သန်းချည် လုပ်​​နေခဲ့သည်။ ထို​​ချွေးမ​လေးက သူ့သားအ​ပေါ်တွင် တကယ်​ကောင်းသည့်ပုံပင်။

ထိုမိန်းက​လေးက သွက်သွက်လက်လက် ရှိပုံ​ပေါ်ကာ သူမအပြုံးများက ချိုသာ​နေပြီး သူမကို ပိုကြည့်​လေ​လေ ပိုချစ်စရာ ​ကောင်း​လေ​လေပင်။

ထိုကဲ့သို့​သော ချစ်စရာ ​ကောင်မ​လေးက သနားစရာ ဘဝကို ဖြတ်သန်းခဲ့ရသည်။ သူမက သူ​ဌေးသမီး​လေး ဖြစ်သည်မှာ ​သေချာ​​သော်လည်း နှစ်​ပေါင်းများစွာ ကံကြမ္မာ၏ ခြယ်လှယ်ခြင်းကို ခံခဲ့ရသည်။

မှန်​ပေသည်။ မဒမ်ရှန်း ဖုန်း​ခေါ်လာသည်မှာ ​ဝေ့​ပေါ်က ကိစ္စများ​ကြောင့် ဖြစ်​လေသည်။ သူမ ထိုသတင်းများကို ကြားသည့်အချိန်တွင် တစ်ခဏမျှ ​ရှော့ရသွားခဲ့သည်။ သူမက ကမ္ဘာ​​ပေါ်တွင် ထိုကဲ့သို့ မိဘများ ရှိ​သေးသည့်အတွက် ပို၍ပင် ​ရှော့ရသွားခဲ့ရသည်။

သူမက စိတ်မ​ကောင်းစွာဖြင့် ​ပြောလိုက်စည်၊ "ငါအဲ့အ​ကြောင်း သိပြီးသွားပြီ"

ထန်​ချောင်း​ချောင်းက မဒမ်ရှန်း ဖုန်း​ခေါ်လာရသည့် အ​ကြောင်းအရင်းကို ခန့်မှန်းမိခဲ့​သော​ကြောင့် ​​မေးလိုက်သည်၊ "မဒမ်က ကျွန်မကို အပြစ်မတင်ဘူးလား"

"ဘယ်လိုလုပ် မင်းကို အပြစ်တင်နိုင်မှာလဲ... မင်းရဲ့ ဖြစ်တည်မှုကို ဖုံးကွယ်ထားရတာ မင်းအမှား မဟုတ်ပါဘူးကွယ်... မင်းမိဘ​တွေ ရက်စက်လွန်းတာကိုသာ အပြစ်တင်ရမှာ"

 အဆုံးတွင်မူ ထိုထန်စုံတွဲ သူမကို လက်ထပ်ပေးပြီး နှင်ထုတ်ရန်အတွက် အစကတည်းက စဥ်းစားထားပြီးသား ဖြစ်​ပေလိမ့်မည်။

မဒမ်ရှန်းက အလွန် စဥ်းစားတတ်သည်။ သူမက ထန်​ချောင်း​ချောင်းအ​ပေါ်တွင် ပို​ကောင်း​သော အမြင်များရှိ​လေသည်။

သူမက ဆက်​ပြောလာသည်၊

 "မင်းမိဘ​တွေ မင်းကို ပြဿနာရှာကြမှာကို စိတ်မပူ​နဲ့​နော်... မင်းကို တစ်​ယောက်​ယောက်က အနိုင်ကျင့်ရင် ငါ့ကိုသာ လှမ်း​ပြောလိုက်... ငါပြန်တိုက်​ပေးမယ်​လေ"

" မင်းက ထန်မိသားစု၏ သမီးအရင်းပဲ ဖြစ်ဖြစ် သမီးအတုပဲ ဖြစ်ဖြစ်၊ ​ကျေးလက်မှာပဲ ​မွေး​မွေး ​ကျောင်း​ကောင်း​ကောင်းကပဲ ​အောင်​အောင် ကိစ္စမရှိပါဘူးကွယ်... အ​ရေးအကြီးဆုံးက မင်းတို့ ဇနီး​​မောင်နှံ အချင်းချင်း ကြင်နာပြီး ချစ်မြတ်နိုးကြဖို့ပါပဲ... မကြာခင် ​ငါ မြေး​လေး​တစ်​ယောက် ​ချီနိုင်ရင်​တော့ အ​ကောင်းဆုံး​ပေါ့"

ထိုအ​ကြောင်းကို ထန်ချောင်း​ချောင်း ကြားလိုက်​သောအခါ မ​တော်တဆ ဂျယ်လီနင်သွားပြီး ရုတ်တရက် ပြင်းပြင်းထန်ထန် ​ချောင်းထဆိုး​တော့သည်။ ထို့​နောက် သူမ တစ်ခဏမျှ အသက်မရှုန်ုင်​​တော့။

"တုံးလိုက်တာ... ဂျယ်လီ​အေး စား​တာတောင် နင်​နေ​သေးတယ်"

 ရှန်းယွဲ့က ချက်ချင်းပင် သူ့​ဘေးမှ ​ရေခွက်ကို ​ကောက်ကိုင်ကာ သူမကို လှမ်း​ပေးလိုက်သည်၊ "​ရေ​သောက်လိုက်"

ထန်​ချောင်း​ချောင်းက ရင်ဘတ်ကို ဖိကာ ပုံမှန်အ​ခြေအ​နေ ဖြစ်မလာခင်မှာပင် ​ရေတစ်ငုံ​သောက်လိုက်သည်။ ထိုအချိန်တွင် သူမက လက်ထဲတွင် ​ရှန်းယွဲ့​၏ ​ရေခွက်ကို ကိုင်ထားမိ​ကြောင်း ​တွေ့လိုက်ရ​လေသည်။

ရှန်းယွဲ့က သန့်ရှင်းမှုကို အလွန် နှစ်သက်ပြီး သူ့ ပန်းကန်ခွက်​ယောက်များကိုလည်း အခြားသူများနှင့် မ​ဝေမျှတတ်​ပေ။ ယခုအချိန်တွင်မူ ထိုသူက သူ့ကိုယ်ပိုင် ​ရေခွက်ကို​တောင် သူမအတွက် ​ပေးလာခဲ့သည်။ သူ့မျက်နှာမှ စိတ်ပူပန်​နေ​သော အမူအရာကို ​တွေ့လိုက်ပြီး​နောက် ထန်ချောင်း​ချောင်း ရင်ထဲ​ နွေး​ထွေးသွားရ​တော့၏။

ဖန်သားပြင် တစ်ဖက်မှ မဒမ်ရှန်သည်လည်း "ငါနားလည်တယ်"ဟူ​​သော အမူအယာဖြင် သူမတို့နှစ်​ယောက်ကို ကြည့်​နေခဲ့သည်။

သူမက သူမ၏ ​မျှော်လင့်ချက်များ မကြာခင် အ​​ကောင်အထည်​ဖော်နိုင်လိမ့်မည်ဟု ခံစား​နေရသည်။

မဒမ်ရှန်းနှင့် ဗီဒီယို​ကော ​ပြောပြီး​နောက် ထန်​ချောင်း​ချောင်းက ရှန်းယွဲ့ကို ထပ်ပြီး နှိပ်နယ်​ပေးကာ အပ်စိုက်​ပေးခဲ့သည်။ ဒီတစ်ကြိမ်တွင် သူမ၏ လုပ်ရည်ကိုင်ရည်က ပိုမို ကျွမ်းကျင်လာခဲ့ပြီး ရှန်းယွဲ့ကလည်း ဆက်လက် မခုခံ​တော့​ပေ။

"အပ်စိုက်တာနဲ့ moxibustionကို အကြိမ်နည်းနည်း​လောက် လုပ်ပြီးရင် ပြန်လည်ထူ​​ထောင်​ရေး ​လေ့ကျင့်ခန်း​တွေ လုပ်မယ်... ​နောက်ဆို ကျွန်မတို့ ​သေ​သေချာချာ စစ်​ဆေးဖို့ ​ဆရာဝန်ဆီ သွားရမယ်"

[T/N moxibustion က တရုတ်တိုင်းရင်း​ဆေးနည်းပါ ​ဆေးရွက်​တွေကို ခန္ဓါကိုယ်​ပေါ်အုံပြီး မီးရှို့​ပေးတဲ့ နည်းပါ]

ရှန်းယွဲ့က ​သေ​သေချာချာ နားမ​ထောင်ဘဲ သူ့​ခြေ​ထောက်​ပေါ်က သူမ၏ လက်သွယ်သွယ်​လေးများကိုသာ ကြည့်​နေခဲ့သည်။ သူက ရုတ်တရက်ပင် အခု​လေးတင် ​သူ့အ​မေ ​ပြောသွားခဲ့သည့် "​မြေး​လေးတစ်​ယောက် ချီမယ်" ဟူ​သောစကားကို သတိရမိသွား​တော့သည်။

သူက ရှင်းမပြနိုင်​သော မသက်မသာ ခံစားချက်ကို ခံစား​နေရပြီး သူမကို ကြည့်​နေခဲ့သည့် သူ့မျက်နှာကို အ​ဝေးသို့ လှည့်လိုက်​​တော့သည်။ သို့​သော်လည်း ထိုအချင်းအရာက သူ့အ​ရေပြားကို ထိ​​တွေ့​နေသည့် သူမလက်က​လေး​၏ အထိအ​တွေ့ကို ပို၍ပင် ရှင်းရှင်းလင်းလင်း ဖြစ်လာပြီး သူ့တစ်ကိုယ်လုံးက ဓါတ်လိုက်​နေသကဲ့သို့ ဖြစ်လာခဲ့သည်။

ထန်​ချောင်း​ချောင်းက သူ့ကို ထူးထူးဆန်းဆန်း ကြည့်လာခဲ့သည်၊

 "ရှင့်မျက်နှာက ဘာလို့ နီ​နေတာလဲ"

ရှန်းယွဲ့၏ မူလအသားအရည်က ဖြူစွတ်စွတ် ဖြစ်​သော​ကြောင့် အနီ​ရောင်သန်းလာသည်က တဖြည်းဖြည်း သိသာလာခဲ့သည်။

ရှန်းယွဲ့က သူ့ပါးစပ်ကို လက်သီးဖြင့် အုပ်ကာ အနည်း​ငယ် ​ချောင်းဆိုးလိုက်သည်၊

 "မင်းဖိထားတာ အရမ်းပြင်းလွန်းတယ်... ဖြည်းဖြည်း​လေးပဲ ဖိ"

"ဟုတ်ကဲ့ပါ" ထန်​ချောင်း​ချောင်းက ​ဒေါသမထွက်ဘဲ တမင်သက်သက်ပင် သူမအသံကို ဆွဲဆန့်လိုက်သည်၊ "သခင်ကြီးရှန်း"

ဖြတ်သွားသည့် အန်တီဝမ်က မ​နေနိုင်ဘဲ ရယ်​​မောမိသွားရသည်။ ရယ်လိုက်ပြီးနောက် သူမက ထိုဇနီး​မောင်နှံ၏ ဆက်ဆံ​ရေးက ​ကောင်းသထက် ​ကောင်းလာသည်ကို ​တွေး​နေမိသည်။

လူနှစ်​ယောက်က ကြမ်းပြင်မှ မျက်နှာကျက်အထိရှိသော ပြတင်း​​ပေါက်​ဘေးတွင် ထိုင်​နေကြပြီး အချို့​သော ​နေ​ရောင်ခြည်​လေးများက မှန်ကို ဖြတ်ပြီး သူတို့အ​ပေါ်တွင် လွှမ်းခြုံ​ပေး​နေသည်။ လူ​ချော​လေးနှင့် မိန်းမ​လေးတို့၏ ပုံ​ရိပ်က ပန်းချီကားတစ်ချပ်နှယ်။

အမျိုးသမီးက သူ့​ခြေ​ထောက်များကို အာရုံစူးစိုက်ကာ နှိပ်​ပေး​နေပြီး သူမ မမြင်နိုင်​သော်လည်း အမျိုးသား၏ မျက်လုံးများက နူးညံ့​နေခဲ့သည်။

အန်တီဝမ်က ဆရာက သူ့ဇနီးကို ကြည့်လိုက်သည့် အချိန်တွင် သူ့မျက်လုံးများ ​ပြောင်းလဲသွားတတ်သည်ကိုပင် မသိ​လောက်ဟု ​​သေချာ​ပေါက် ​ပြောနိုင်​ပေသည်။

ရှန်းလျန့်နှင့် ထန်ရို့တို့၏ ခိုး​ကြောင်ခိုးဝှက် ဓါတ်ပုံများ​ကြောင့် ဖြစ်လာသည့် ဂယက်က ရက်အ​တော်ကြာ ရှိ​နေခဲ့သည်။ သို့​သော်လည်း ထန်တအုပ်စုနှင့် ရှန်းအုပ်စုတို့က လူထုအမြင်ကို စတင် ထိန်းချုပ်ခဲ့ပြီး အ​ခြေအ​​နေက ဆက်ပြီး ထိန်းမရပြုမရ ဖြစ်မသွား​တော့​ပေ။ အင်တာနက်ပေါ်က လူအများက ထင်​​ကြေး​ပေးကြရုံသာ တတ်နိုင်​တော့သည်။

သို့​​သော်လည်း မ​မျှော်လင့်​ထားသော အမြတ်အစွန်းသည်လည်း ရှိ​နေခဲ့​သေးသည်။ ထန်​ချောင်း​ချောင်း၏ ​ဝေ့​ပေါ်ဖန်များက အဆုံးတွင် တစ်သန်း​ကျော်သွားပြီ ဖြစ်သည်။

၎င်းက သူမဘဝတွင် ပထမဆုံးအကြိမ် ဖန်တစ်သန်း​ကျော် ရလာခြင်းဖြစ်သည်။ ထို့​ကြောင့်ပင် ဖန်များစွာက သူမကို တည်ငြိမ်​သော ဝိဥာဏ်စွမ်းအင်စီး​ကြောင်းကြီး ​ပေးလာကြပြီး ​ထောက်ပံ့လာကြ​တော့သည်။ ထန်​ချောင်း​ချောင်းက အလွန် ​​ကျေးဇူးတင်​နေပြီး သူမ၏ ချစ်စရာဖန်​လေးများ အတွက် အထူးလက်​ဆောင်တစ်ခု ပြန်​ပေးချင်ခဲ့သည်။ အစ်ကိုချမ်သည်လည်း သူမကို ဖန်တွေအတွက် ကံစမ်းမဲ လုပ်​ပေးရန် အကြံ​ပေးခဲ့သည်။

ထန်​ချောင်း​ချောင်းက ကိုယ်တိုင်ပင် သ​ရေစာနှစ်မျိုး ပြုလုပ်ပြီး ကံစမ်းမဲနှိုက်ရန်အတွက် သူမပိုစ့်ကို ပြန်လည်မျှ​ဝေ​ပေးကြရန် ​ပြောလိုက်သည်။

Xxxxxx