အပိုင်း ၃၃

Chapter 33

ထန်​ချောင်း​ချောင်း ​ဝေ့​ပေါ်က တိုက်ရိုက်ထုတ်လွှင့်မှုကို ဖွင့်လိုက်လိုက်ချင်းပင် ဖန်တစ်သိန်း​ကျော်က ချက်ချင်းပင် အ​ပြေးအလွှား​ရောက်လာကြ​တော့သည်။ သူတို့ထဲတွင် သူမ၏ဖန်များနှင့် စိတ်လှုပ်ရှားစရာများ ကြည့်ရန်လာသူများ နှစ်မျိုးစလုံး ပါ​နေသည်။ အဆုံးတွင်​တော့ ၎င်းက မုန်တိုင်းကြီးတွင် ပါဝင်ပတ်သက်ခဲ့သူတစ်ဦး၏ ပထမဆုံး လူ​ရှေ့ထွက်​ပေါ်လာခြင်း ဖြစ်​လေသည်။

[​ချောင်း​ပေါင်က ဟင်းချက်ပြဖို့ ထပ်ပြီး တိုက်ရိုက်လွှင့်လာပြီ​​ဟေ့... ဒီ​နေ့ဘာချက်မှာလဲ... ငါကြိုသိချင်လာပြီ]

[​ချောင်း​ပေါင်မှာ ​ဖော်လိုဝါ တစ်သန်းရှိ​နေပြီ... ​ထောက်ပံ့​ပေးဖို့ ​မျှော်လင့်ပါတယ်]

[ထန်​ချောင်း​ချောင်း... ထန်ရို့နဲ့ ရှန်းလျန့်က ဘာဖြစ်ကြတာလဲ... ရှင်းရှင်းလင်းလင်း ​ပြောပြ​ပေးပါ]

[သူက ​ဝေ့​ပေါ်မှာ နားမလည်နိုင်တဲ့ ပိုစ့်ကို တင်လာပြီး အခြားသူ​တွေ စိတ်​သောကာ​ရောက်​အောင် လုပ်ထားပြီးမှ ဘာမှမဖြစ်သလို ​ခေါင်း​ရှောင်သွားတာ​နော်]

[ အရင်က လူ​တွေ ချောင်းပေါင်ရဲ့ live က​နေ ထွက်သွားကြစမ်းပါ... မင်းတို့ နားမလည်တာက မင်းတို့မှာ ဦး​နှောက် မရှိလို့​လေ... သူက ​သောက်တုံး​တွေကို ရှင်းပြ​နေရအုံးမှာလား]

ထန်​ချောင်း​ချောင်းက တိုက်ရိုက်ထုတ်လွှင့်မှုမှ စိတ်မချမ်း​မြေ့ဖွယ် မှတ်ချက်အချို့ကို ​ကျော်ကာ အပြုံး​လေးတစ်ခုဖြင့် ​ပြောလာခဲ့သည်၊ 

"ဒီ​နေ့ ကျွန်မဖန်​တွေက တစ်သန်း​ကျော်သွားပြီ... ကျွန်မရဲ့ ချစ်စရာ သကြားယုန်​လေး​တွေကို ​ကျေးဇူးတင်ဖို့အတွက် ဒီ​နေ့ မင်းတို့အတွက် သ​ရေစာနှစ်မျိုး လုပ်ပြပါမယ်"

သကြားယုန်က သူမ၏ဖန်ဂရုနာမည် ဖြစ်သည်။

 "သကြား"က သူမ၏ မျိုးရိုးနာမည်နှင့် ဆင်တူပြီး "​ချောင်း​ချောင်း"က "ယုန်က​လေး ဂျိုဂျို"မှ "ဂျိုဂျို"နှင့် ဆင်တူသည်။ ဖန်များသည်လည်း သူမက ယုန်က​လေးတစ်​ကောင်ကဲ့သို့ ချစ်ဖို့​ကောင်းသည်ဟု ​ပြောနိုင်​ပေသည်။

[T/N MCရဲ့ မျိုးရိုးနာမည်ထန်က တိုက်ခိုက်ခြင်း ဖြစ်ပြီး သကြားလို့ အဓိပ္ပါယ်ရတဲ့ ထန်​​ နောက်တစ်မျိုးလည်း ရှိပါ​သေးတယ်]

ထန်​ချောင်း​ချောင်းက ထိုနာမည်လှလှ​လေးကို ချက်ချင်း သုံးခဲ့သည်။

ဖန်များက ယုန်သည် ချစ်စရာ ​ကောင်းပြီး ထန်​ချောင်း​ချောင်းကဲ့သို့လည်း အင်အားကြီးသည်ဟု မ​ပြောနိုင်ခဲ့ကြ​ပေ။

သို့​​သော်လည်း မ​ပြောသည်က ပို​ကောင်း​ပေမည်။ မဟုတ်လျှင် သူမက ထပ်ပြီး မ​ကျေမနပ် ဖြစ်လာမည်ဖြစ်သည်။ 

" ရှင်တို့ကို လက်​ဆောင်​ရွေးခွင့်​ပေးမယ်... အချိုအရသာ ကြိုက်လား... အငန်အရသာမုန့် ကြိုက်လား"

ဖန်များက ထန်​ချောင်း​ချောင်းတစ်​ယောက် ကိုယ်တိုင် မုန့်များ လုပ်ပြီး ပို့​ပေးမည်ဟု ကြားလိုက်ကြ​သောအခါ လူအုပ်ကြီးက ရူးသွပ်တော့မလို ဖြစ်သွားကြသည်။

[အချို​လေး လိုချင်တယ်... အချိုမုန့်​တွေက အ​မှန်ဆုံး နည်းလမ်းပဲ]

[အငန်​လေး စားချင်ပါတယ်.... အရမ်းချိုလွန်းတာကို မ​ထောက်ခံပါ]

[​ချောင်း​ပေါင်းရေ ... ငါက​တော့ အကုန်စားတယ်... မ​ရွေး​တော့ဘူး​နော်]

​ရွေးရန် ခက်ခဲ​နေ​သောအခါ ထန်ချောင်း​ချောင်းက တစ်ခဏမျှ ​တွေး​တောကာ တစ်ခုက ချိုပြီး တစ်ခုက ငန်​သည့် မတူညီ​သော အရသာ နှစ်မျိုးလုပ်ရန်သာ ဆုံးဖြတ်လိုက်​တော့သည်။

အချိုအရသာ ရှိ​သော သ​ရေစာက ကြာပွင့်အကြွပ်ဖြစ်ပြီး အချိုပွဲ အဖြစ်လည်း အသုံးပြုနိုင်​ပေသည်။

ယခု​ခေတ်လူများက များ​သောအားဖြင့်အလုပ်ရှုပ်မခံ​တော့ဘဲ အစားအစာဆိုး​ဆေးများကို တိုက်ရိုက်သုံးလိုက်ကြသည်က များလေသည်။ သို့​သော်လည်း ထန်​ချောင်း​ချောင်းအတွက်အမူ အရမ်း မခက်ခဲပါ​ချေ။ သူမက အသီးအရွက်စိုက်ခင်းထဲမှ သကြားမုန်လာနှင့် ဟင်းနုနွယ်တို့ကို အရည်ညှစ်ကာ ပန်း​ရောင်နှင့် အစိမ်း​ရောင် အ​ရောင်နှစ်မျိုးရရှိရန် သုံးလိုက်သည်။

အသီးအရွက်အရည်များကို မုန့်သားများထဲသို့ ခွဲထည့်ကာ ​​ရေဓါတ်ပြည့်ပြီး ဆီဝင်း​နေ​သော မုန့်သားများရရန်အတွက် ဝက်ဆီနှင့် ​ရေကိုလည်း အတူတကွ ထည့်လိုက်သည်။

ပန်း​ရောင်မုန့်သားက ချစ်စရာ​ကောင်းပြီး အစိမ်း​ရောင်မုန့်သားက လန်းဆန်းသွား​​စေသည်။ သူမက ၎င်းတို့ကို ​ဘေးတွင် ထားလိုက်ကာ အချိန်အနည်းငယ် နှပ်ထားလိုက်သည်။

အစာသွပ်မုန့်အကာက ထိုမုန့်အတွက် မရှိမဖြစ် ဖြစ်ပြီး အဖြူ​ရောင်အဆီခဲဖြင့် ပြုလုပ်လျှင် ပို​ကောင်းသည်။ သူမက မုန့်မှုန့်များထဲသို့ အဆီခဲကို ထည့်လိုက်ပြီး ​ခြောက်​သွေ့​နေ​​သော ​နေရာ မရှိ​တော့သည်အထိ နှံ့နှံ့စပ်စပ် နယ်ကာ အပိုင်း​သေး​သေး​လေးများ ခွဲထားလိုက်သည်။

မုန့်သားအားလုံးနပ်သွား​သောအခါ သူမက အရွယ်တူဆိုဒ်​လေးများ ခွဲကာ လှိမ့်လိုက်သည်။

ထို့​နောက် အစာသွပ် မုန့်အကာ၏ မုန့်သားကို အ​ရောင်စုံ မုန့်သား ဖြစ်လာသည်အထိ ​ရော​နှောလိုက်ပြီး အကြိမ်များစွာ ပြားလိုက်​ခေါက်လိုက် လုပ်​နေခဲ့ပြီး​နောက်တွင် ပြားသည်အထိ လှိမ့်လိုက်ကာ အဆာပလာများကို ထည့်ရမည်ပင်။

ဒီတစ်ကြိမ်တွင် ထန်​ချောင်း​ချောင်းက အုန်းနို့အနှစ်နှင့် ကြက်ဥအနှစ်တို့ကို အစာသွပ်ရန် ​ရွေးချယ်လိုက်သည်။ ​ထောပတ် နူးညံ့လာ​သောအခါ သူမက ကြက်ဥအနှစ်၊ သကြား၊ အုန်းသီး နှင့် နွားနို့တို့ကို ထည်လိုက်သည်။ ထို့​နောက် ​သေချာ​​ရော​နှောကာ အဝါ​ရောင် ​ဘောလုံး​လေးဖြစ်လာသည်အထိ နယ်​ပေးလိုက်သည်။

ထို့​နောက် သူမက အဝါ​ရောင်​ဘောလုံး​လေးကို အစာသွပ် မုန့်အကာထဲသို့ ဌာပနာလိုက်ပြီး ခပ်ဝိုင်းဝိုင်း အလုံး​လေးဖြစ်လာသည်အထိ လှိမ့်လိုက်သည်။

​နောက်တစ်ဆင့်တွင် သူမက ဓါးတစ်လက်ကို သုံးကာ အလုံး​လေး၏ ထိပ်တွင် ပန်းပွင့်ချပ်များ ပုံ​ဖော်ခဲ့ပြီး ​နောက်ဆုံးမှာ အ​ရေးကြီးဆုံး အဆင့်ဖြစ်သည့် ​အတွင်းထဲထိ ကျက်​အောင် ​ကြော်ခြင်း ဖြစ်​လေသည်။

ထန်​ချောင်း​ချောင်းက ဆီအပူချိန်ကို စမ်းလိုက်ပြီး​နောက် ​ဘောလုံးဝိုင်း​လေးများကို ဆီဒယ်အိုးထဲသို့ ထည့်ကာ ​ကြော်လိုက်သည်။ အပူချိန်က အလွန်မမြင့်​သင့်​ပေ။ ​ကြော်​နေသည့်အချိန်တွင် ​ဘောလုံးဝိုင်း​လေးများက ကြာပန်းပုံစံအဖြစ် တဖြည်းဖြည်းပွင့်အာသွားမည် ဖြစ်သည်။ မုန့်သားအကာကို အချိန်အကြာကြီး ​ခေါက်ထားခဲ့​​သော​ကြောင့် ပွင့်ဖတ်များက အထပ်​လေးများဖြစ်ကာ ပါးလျပြီး ကြွပ်ဆတ်​နေမည် ဖြစ်သည်။

ကြာပန်းက အပြည့်အစုံ ပွင့်သွားပြီး​သောအခါ အ​ကြော်အိုးထဲမှ ဆယ်ယူနိုင်​ပေသည်။

ဖန်များ ကြာပန်းမုန့် ပွင့်အာလာသည့် ဖြစ်စဥ်တစ်ခုလုံး ရှင်းရှင်းလင်းလင်း မြင်​စေရန်အတွက် ထန်​ချောင်း​ချောင်းက ဖုန်းကို ​မြှောက်ကာ အ​ကြော်အိုးကို ပြသထားခဲ့သည်။

[အားးးးးးး]

[လှချက်ပဲ... တကယ့်ကြာပွင့်ဖတ်​တွေလိုပဲ... စားချင်လိုက်တာ]

အငန်မုန့်အတွက်ကိုကား သူမက ဟင်းအနှစ်အစာသွပ်မုန့်ကို ​ရွေးချယ်ထားခဲ့သည်။

ဟင်းအနှစ်အစာသွပ်မုန့်က ကြာပွင့်အကြွပ်​ကြော်နှင့် တူညီ​သော မုန့်သားကို အသုံးပြုရသည်။ သူတို့သည်လည်း အစာသွပ် မုန့်အကာကို အသုံးပြုရန် လိုအပ်ပြီး အမဲသားကို ဟင်းအနှစ်နှင့် ကြက်သွန်နီတို့ဖြင့် ချက်ထား​သော အဆာပလာကို ဖြည့်သည်သာ ကွဲပြား​လေသည်။ အစာသွပ်မုန့်၏ မုန့်အကာ ထဲသို့ ချက်ထား​သော အဆာပလာများကို ထည့်ရပြီး ဖက်ထုပ်များကဲ့သို့ အစွန်းတွင် အတွန့်အ​ခေါက်ပုံစံ လုပ်ရသည်။

ဟင်းအနှစ်အစာသွပ်မုန့်ကို မ​ကြော်ဘဲ ဖုတ်ရသည်။

​နောက်ဆုံးထွက်လာသည့် ပစ္စည်းကို ပိုကြည့်​ကောင်း​စေရန်အတွက် မုန့်ဖုတ်စက်ထဲ မထည့်ခင်တွင် ထန်​ချောင်း​ချောင်းက ဟင်းအနှစ် အစာသွပ်မုန့်တစ်ခုစီကို ကြက်ဥအနှစ်များ သုတ်လိုက်သည့်အတွက် မုန့်ချိုက ပို၍ ​ရွှေ​ရောင်သန်းကာ ကြွပ်ဆတ်လာမည် ဖြစ်သည်။

[အိုး... အိုး... အိုး... ဒီဟင်းအနှစ်မုန့်က ကြည့်ရတာ​ နှိုက်စားချင်စရာ​လေး... ငါ ငန်တဲ့ မုန့်​တွေကို ကြိုက်တယ်... ဟင်းအနှစ် အစာသွပ်မုန့်ကို ကြိုက်တယ်... ငါ့ကို မှတ်ထား​ပေးပါ... နတ်ဘုရားမ​လေး​ရေ]

[အနံ့​တောင် ရလာသလိုပဲ... တစ်ခုခု​​တော့ မှား​နေပြီ... မုန့်ချိုက ဘယ်မှာလဲ]

[ဒီ​ကောင်မ​လေးက တစ်လလုံး အသီးအရွက်ပဲ စားပါ့မယ်... ဘုရားသခင်... ကျွန်မ မဲကျပါ​စေ]

[အား အား အား.... ​ချောင်း​ပေါင်ရေ... ငါ့ကို မဲကျမှ ဖြစ်မယ်​နော်]

[ငါ​တော့ ကြာပွင့်အကြွပ်​ကြော်ကို အကြိုက်ဆုံးပဲ... ကြည့်လို့ အရမ်း​ကောင်းတာပဲ]

[​ချောင်း​ချောင်းမှာ စားလို့​ကောင်းတဲ့ ဟင်းလျာ​​​တွေ ဘယ်​လောက်​တောင် ရှိ​နေ​သေးတာလဲ... သူမက ဒီလို အချိုမုန့်​တွေ​တောင် လုပ်နိုင်တယ်... သူက အရမ်း ကျွမ်းကျင်တာပဲ]

ထန်​ချောင်း​ချောင်းက အားလုံးပြီးသွား​သောအခါ လက်သုတ်လိုက်ပြီး ကင်မရာကို ပြုံးပြလိုက်သည်၊

 "ဒီ​နေ့ရဲ့ ပွဲအ​ရေအတွက်က ကန့်သတ်ချက်ရှိပါတယ်... လူငါးဆယ်ကိုပဲ ​ရွေးချယ်သွားမှာပါ... လူတစ်​ယောက်စီက ကြာပွင့်အကြွပ် နဲ့ ဟင်းအနှစ်အစာသွပ်မုန့် အပါအဝင် ကျွန်မ လက်မှတ်ထိုးထားတဲ့ ဓါတ်ပုံတစ်ပုံ ရရှိပါမယ်... ကံစမ်းမဲက​တော့ နာရီဝက်အတွင်း နှိုက်​ပေးမှာပါ... လူတိုင်း... ရှင်တို့ရဲ့ သီးသန့်မက်​ဆေ့ချ်​တွေကို ​သေချာ ကြည့်ထားကြပါ... အကယ်၍ ရှင်တို့ မဲကျခဲ့ရင် ​ကျေးဇူးပြု၍ အိမ်လိပ်စာကို ချက်ချင်း​ပေးကြပါ... သူတို့​တွေကို ချက်ချင်း ပို့​ပေးဖို့ လိုပါတယ်... ဒီမုန့်​တွေကို တစ်​နေ့အတွင်း စားမှ ဖြစ်မှာပါ"

ထို့​ကြောင့်ပင် ဖန်များက ထန်​ချောင်း​ချောင်း၏ ​နောက်ဆုံးပိုစ့်တွင် အပြုံလိုက်ဖြစ်​နေကြပြီး ​ဝေ့​ပေါ်တွင် ​ဝေမျှလာကြသည်။ မှတ်ချက်များနှင့် likeများက နဂါးတစ်​ကောင်ကဲ့သို့ပင် ရှည်လျား​လေသည်။ အစားအစာအတွက်နှင့်ပင် ဆု​​တောင်းပုံ နည်းလမ်း အမျိုးမျိုးပါ အသုံးပြုခဲ့ကြ​သေးသည်။ မကြာခင်ပင် ထို​​ဝေ့​ပေါ်ပိုစ့်က ​ပြန်လည်မျှ​ဝေမှုများ သောင်း​ပေါင်းများစွာ ဖြစ်လာသည်။

ပို၍ ထင်မှတ်မထားသည်မှာ ​မောက်လီသည်လည်း သူမ၏ တရားဝင်အ​ကောင့်မှ​နေ အွန်လိုင်း​ပေါ် ​ရောက်လာခဲ့ပြီး "ငါ့ကို​ရွေး"ဟု ​​အလွန်​အေးစက်စွာဖြင့် ​ပြောခဲ့​သေးသည်။

ဖန်များက တစ်စုတစည်းတည်း ဖြစ်သွားကြ​တော့သည်။

ထို့​နောက် ​ဝေ့ရီချီနှင့် ဟူ​မြောင်ပါ ​ဘေးထွက်မ​နေ​တော့ဘဲ အလျင်အမြန် ပါဝင်လာကြ​တော့​လေသည်။ သူတို့က နာမည်​ကျော်များ ဖြစ်သည့်အ​လျောက် သူတို့၏ မှတ်ချက်များက အင်အားပိုကြီး​လေသည်။ သူတို့၏ ပြန်လည်မျှ​ဝေမှုများက ​ရေပန်းစားသည့် မှတ်ချက်များ ဖြစ်လာ​တော့သည်။

ဖန်များက တစ်​ယောက်ပြီးတစ်​ယောက် စာပြန်လာကြသည်။

[???]

[မင်းတို့အားလုံး ချောင်း​ချောင်းရဲ့ ဟင်း​တွေကို စားဖူးကြပြီးပြီပဲ... ဘာလို့များ ငါတို့နဲ့အတူ အချိုမုန့်​တွေ လိုက်လုချင်​နေရ​သေးတာလဲ]

[ငါက​တော့ ​မောက်လီ၊ ဟူ​မြောင်နဲ့ ​​​ဝေ့ရီချီတို့လို စတား​တွေနဲ့ ပြိုင်ရ​တော့မယ်... ​နောက်မှ ​တွေ့ကြ​တာပေါ့]

[တကယ်ကြီးလား... လူ​တွေပိုများလာပြီ... အခွင့်အ​ရေးက ထီလက်မှတ်ဝယ်ရသလိုပါပဲလား]

ရှန်းယွဲ့သည်လည်း ထန်​ချောင်း​ချောင်း၏ ကံစမ်းမဲ အစီအစဥ်တွင် ပါဝင်ခဲ့သည်။ သူမက သူ့ကို ကြာပွင့်အကြွပ်နှင့် ဟင်းအနှစ်အစာသွပ်မုန့်ဝေစု တစ်စု ​ပေးခဲ့​သော်လည်း ​ဝေ့ရီချီနှင့် ဟူ​မြောင်တို့ ​ယောကျ်ားသားနှစ်​ယောက် ကံစမ်းမဲတွင် ပါဝင်လာကြသည်ကို ​တွေးမိ​သွား​သောအခါ အလွန် စိတ်ပျက်သွားရ​တော့သည်။

ထို့​ကြောင့်ပင် သူသည်လည်း ပြန်လည်မျှ​ဝေခဲ့သည်။ သူကံစမ်းမဲ မ​ပေါက်ခဲ့ရင်​တောင် ကိစ္စမရှိ​ပေ။ သူက ထို​ယောကျ်ားနှစ်​ယောက်၏ ကံထူးနိုင်မည့် အခွင့်အ​ရေးကို နည်းသွားရန်သာ လုပ်ခဲ့ခြင်း ဖြစ်​ပေသည်။

ထန်​ချောင်း​ချောင်းတစ်​ယောက် သူမ၏ သန်းချီ​သော ဖန်များအတွက် လုပ်​​ပေး​သော ကံစမ်းမဲက ထိုကဲ့သို့ ကိစ္စကြီးတစ်ရပ် ဖြစ်သွားမည်ဟု မထင်ထားခဲ့​ပေ။ သူမသာ ကြိုသိခဲ့ပါက မုန့်များကို ပိုပိုလိုလို လုပ်ထားခဲ့မည် ဖြစ်သည်။ ​​သေချာ​ပေါက် ​မောက်လီ၊ ဟူ​မြောင်နှင့် ​ဝေ့ရီချီတို့က သူမအတွက် လူသိများလာ​အောင် လုပ်​ပေးခဲ့ကြသည်။

အမှန်တကယ်ဆိုလျှင် ထိုသူများက အဘယ်​ကြောင့် ကံစမ်းမဲနှိုက်သင့်ပါမည်နည်း။ ထိုသူများသာ သူမကို ​ပြောလာပါက သူမသည်လည်း သူတို့ကို မုန့်များပို့​ပေးမည်သာ ဖြစ်သည်။

သို့​သော်လည်း ​မောက်လီက သူမကို သီးသန့်မက်​ဆေ့ ပို့လာခဲ့သည်၊ "ငါ ကံစမ်းမဲ ​ပေါက်မှပဲ ပို့လိုက်"

၎င်းက အစားကြိုက်သူတစ်ဦး၏ ကြိုးပမ်းမှုသာ ဖြစ်​လေသည်။

ကံစမ်းမဲတွင် လူများစွာ ပါဝင်လာ​သော​ကြောင့် ကံစမ်းမဲနှိုက်သည့်စနစ်ပင် ပျက်လုနီးနီး ဖြစ်သွားခဲ့သည်။ ရလဒ် ထွက်လာရန်အတွက် အချိန်အ​တော်ကြာခဲ့​လေသည်။

[ဂုဏ်ပြုပါတယ်... သ​ရေစာပုံးနဲ့ ​ချောင်း​ချောင်းရဲ့ လက်မှတ်ထိုးထားတဲ့ ဓါတ်ပုံ ကံထူးသွားခဲ့တဲ့ ​မောက်လီ၊ အစားကြိုက်တဲ့ ​ကြောင်က​လေး၊ ​​ချောင်း​​ချောင်းအပိုင်၊ ​​ဆောင်းရာသီရဲ့ ​လမင်းကြီး နှင့် အခြားအသုံးပြုသူ ငါးဆယ်တို့​ရေ... ​ဝေ့​ပေါ်ရဲ့ တရားဝင် ကံစမ်းမဲစနစ်က မဲကို ကြီးကြပ်ထားပါတယ်... ရလဒ်​​တွေက တရားမျှတပြီး အကျိုးသက်​ရောက်မှု ရှိပါတယ်]

[အား အား အာ... ငါတကယ်ကြီး မဲ​ပေါက်တယ်... ငါတစ်လလုံး အသီးအရွက်ပဲ စားမယ်ဆိုတဲ့ကတိကို တည်ပါ့မယ်] 

[​​မောက်လီက တကယ် ရသွားတာဟ... အခွင့်​အ​ရေးက အပုံငါးသိန်းမှ တစ်ပုံထဲကို​လေ... အား ဒီ Koi ငါးကြင်း​လေး... အထီးကျန်လွန်းလို့ သက်ပြင်းချတဲ့.ပုံ]

[ရင်ခုန်ရတဲ့ဟာ​လေးက သူတို့အပိုင် ဖြစ်သွားပြီ... ငါက​​​​​တော့ ဘာမှ မရလိုက်ပါ... ဝူး]

သူမ မဲ​ပေါက်သည်ကို သိသွား​သောအခါ ​မောက်လီက ပန်းကန်အလွတ်တစ်ခု၏ ပုံကို တင်လိုက်ပြီး ထန်​​ချောင်း​ချောင်းဆီသို့ ပြန်ပို့လိုက်သည်၊ "လိပ်စာ ပို့​ပေးပြီးပြီ​နော်... ငါ​စောင့်​နေတယ်"

ထန်​​​ချောင်း​ချောင်းက ပြန်တုံ့ပြန်ခဲ့သည်၊ "ရှင့်ကို ​သေချာ​ပေါက် အရင်ဆုံး ပို့​ပေးလိုက်မယ်​နော်"

Xxxxxx