အပိုင်း ၃၇

Chapter 37

လမ်းကြားထဲတွင် ကယ်ဆယ်ခြင်း

ထန်​ချောင်း​ချောင်းက ရှန်းယွဲ့၏ အပြုအမူ​ကြောင့် ​ကြောင်အသွားသည်။ သူမက ကူကယ်ရာမဲ့စွာပင် နဖူးပွတ်လိုက်ပြီး ဆိုင်ရှင်ကို နှစ်သိမ့်ရန်အတွက် မြန်မြန် ပြုံးပြလိုက်သည် 

"သူက ​နောက်​နေတာ​လေ... ​နောက်​နေတာ... ကျွန်မတို့ကို မီနူးအရင်​ပေးမလား... ပြီးမှ ရှင့်ကို ​ခေါ်လိုက်မယ်​လေ... အဆင်​ပြေလား"

ဆိုင်ရှင်က ဝတ်စုံပြည့်နှင့် ကြည့်​ကောင်း​နေသည့် ဝှီးချဲ​ပေါ်မှ လူထူးလူဆန်းကို တထူးတဆန်း ကြည့်လိုက်သည်။

သူက သူတို့အတွက် မီနူးချ​ပေးလိုက်ပြီး​နောက် ထွက်မသွားမီပင် ခပ်ဖွဖွ ​ရေရွတ်လိုက်​သေးသည်၊ "ထူးဆန်းတဲ့လူပဲ"

ထန်​ချောင်း​ချောင်းက ရယ်​မောချင်​နေသည့် မျက်နှာနှင့်ပင်။

 "သခင်​လေးရှန်း... ဆရာကြီး​ရေ... ရှင်ဒီလို လုပ်​နေရင် သူငယ်ချင်း ရှိမှာ မဟုတ်ဘူး​နော်"

"ငါ့မှာ သူငယ်ချင်း အများကြီး မလိုဘူး" ရှန်းယွဲ့က ​ပေါ့​ပေါ့ပါးပါး ​ပြောလိုက်​လေသည်။

"ဒါဆို ရှင့်ဘာဘီကျူးထဲ သူတံ​​တွေး​ထွေးထားမှာ မစိုးရိမ်ဘူးလား" ထန်​ချောင်း​ချောင်းက ပုံမှန်အတိုင်း စ​နောက်လိုက်သည်။

ရှန်းယွဲ့က ထိုဖြစ်နိုင်​ချေကို အမှန်တကယ် ​တွေး​နေခဲ့ပြီး မျက်​မှောင်ကြုတ်လိုက်သည်။

 "သူသာ လုပ်ရဲ​ရင် မိနစ်ပိုင်းအတွင်း ​​ဒေဝါလီ ခံရ​အောင် လုပ်လိုက်မယ်"

'အိုး.. ​ကြောက်စရာ​ကောင်းလိုက်တဲ့ ချိန်း​ခြောက်မှုကြီးပါလား... ဒါ​ပေမယ့် ရှင် ဒီလို ဆိုင်​သေး​သေး​လေးကို အဲ့လို လုပ်လို့ ရပါ့မလား... လူ​​တွေက ရှင့်ကို ဖိနှိပ်တတ်တဲ့ ဥက္ကဌကြီးလို့ မသိမှာကျ​နေတာတာပဲ'

ထန်​ချောင်း​ချောင်းက သူမနှလုံးသားထဲမှာပင် တိတ်တိတ်​လေး ကြိမ်း​မောင်း​နေခဲ့သည်။ အမှန်တကယ်တွင် သူမက ရှန်းယွဲ့ တမင်သက်သက် မ​ကောင်းလုပ်ခြင်း မဟုတ်​ဘဲ သူ၏ ​အ​ရွေးလွန် ပြဿနာ ပြန်​ပေါ်လာ၍ ဖြစ်​ကြောင်း သိ​​လေသည်။

သူမက မီနူးကို ​ကောက်ယူကာ ကြည့်လိုက်ပြီး​နောက် စတင်မှာယူ​တော့သည်။

 "သိုးသားလတ်လတ်ဆတ်ဆတ်ကင်က အ​​ချောင်း 20၊ အမဲသားကင် အ​ချောင်း20၊ အသည်းကင် 10​ချောင်း၊ ဝက်ဗိုက်သားကင် 10​ချောင်း၊ ကြက်​တောင်ပံ အစပ်ကင် 5ချောင်း၊ ဘန်းမုန့်​ပေါင်းကင် 5​ချောင်း..."

ထန်​ချောင်း​ချောင်းက အမှာစာကို မှတ်လိုက်ပြီး သူ့ကို ​မေးလိုက်သည်၊ "ရှင်​​ရော ဘာလို​သေးလဲ... အကင် ဘယ်နှ​​ချောင်း မှာချင်လဲ"

ရှန်းယွဲ့က သူမကို မယုံသင်္ကာဟန်ဖြင့် ကြည့်လိုက်သည်၊ 

"ဒါ​တွေအများကြီးက မင်းအတွက်ပဲ​ပေါ့​လေ"

"ဒါ​ပေါ့... ဒါ​တွေက ဘာဘီကျူးရဲ့ အပိုင်းနည်းနည်း​လေးပဲ ရှိ​သေးတယ်" ထန်​ချောင်း​ချောင်း မျက်လုံးများက အပြစ်ကင်းစင်​နေပြီး ဂရုတစိုက် ရှင်းပြလာခဲ့သည်။

ရှန်းယွဲ့က မနှစ်မြို့ဖြစ်လာပြီး ​ပြောလိုက်သည်၊ 

"ငါ​တော့ မင်း​အေဂျင်စီရဲ့ အနာဂတ်ကိုပဲ စိုးရိမ်တယ်" ၎င်းတွင် အလွန်အမင်းစားတတ်​သည့် ထိုကဲ့သို့​သော အမျိုးသမီးစတားတစ်​​ယောက် ရှိ​​နေ​သေးသည်။ သူတို့မှာ ဘယ်လိုတိုးတက်မှူ​တွေ ရှိ​နေမှာတဲ့လဲ...

ရှန်းယွဲ့က မီနူးကို လက်ညှိုးထိုးပြလိုက်သည်၊ "ငါကြည့်ဖို့ ကိုင်​ပေးထား"

ထန်​​ချောင်း​ချောင်း: "ကိုယ့်ဘာသာ မကိုင်နိုင်ဘူးလား"

ရှန်းယွဲ့က ရွံရှာမှု အပြည့်ဖြင့် ​ပြောလိုက်သည်၊ "ဆီ​တွေ​ပေ​နေတယ်"

ထန်​ချောင်း​ချောင်းက ​ကောင်းကင်​ပေါ်ကိုသာ မျက်လုံးလှိမ့်မိသွား​တော့သည်။ သူမ အရင်က ရှန်းယွဲ့တစ်​ယောက် အလွန်ပင် သူ​တော်​ကောင်း​ယောင်​ဆောင်တတ်သည့်အ​ကြောင်းကို မသိခဲ့ရ​​ပေ။

သူမက ရှန်းယွဲ့၏ မျက်လုံး​ရှေ့တွင် မီနူးကို ကိုင်ပြလိုက်သည်။ သူက အကြိမ်အနည်းငယ်မျှသာ ကြည့်ကာ ကြုံရာကျပန်း ​ရွေးမှာလိုက်သည်။

ဘာဘီကျူးဆိုင်တွင် စားသုံးသူ အများကြီး ရှိ​သော်လည်း ဆိုင်က ဘာဘီကျူးများကို အမြန်ကင်​ပေးလာခဲ့သည်။ မကြာမီပင် ထန်​​ချောင်း​ချောင်းက စားပွဲ​ပေါ်တွင် ​တောင်ပုံရာပုံ ဖြစ်​နေ​သော အကင်ဗန်းကြီးကို ရလိုက်သည်။

ထန်​​ချောင်း​ချောင်းက အသားကင်အနံ့ပြင်းပြင်းကို ရပြီး​​နောက် အကြာကြီး မ​စောင့်နိုင်​​တော့ပေ။ သူမက ချက်ချင်းပင် သိုးသားကင် အ​ချောင်းများကို ပါးစပ်အပြည့် ကိုက်စားလိုက်သည်။

သိုးသားက အဆီများကာ နူးအိ​နေပြီး ညှီနံ့နံမ​နေ​ပေ။ အပြင်ဘက်က ခပ်ထူထူ ကင်ထားကာ ကြွပ်ရွ​နေ​သော်လည်း အထဲက နူးညံ့ကာ အရသာရှိလှသည်။ ကင်ထား​သည့် သိုးသားအဆီက ဇီရာမှုန့်နှင့် ငရုတ်သီးအလွှာများဖြင့် ​ရော​နှော​နေပြီး စိတ်ဝိဥာဏ်အတွင်းပါ ချက်ချင်း ဝင်သွားသလို ဖြစ်​နေပြီး လူတိုင်း မရပ်မနား စားချင်လာ​စေမည့် ထူးထူးဆန်းဆန်း အနံ့​လေးကို ယူ​ဆောင်လာ​​ပေးသည်။

ဝက်ဗိုက်သားက 30% အဆီဖြစ်ပြီး 70%က အသားလွှာဖြစ်သည်။ အဆီများ​သော အပိုင်းက ​ဖောက်ထွင်းမြင်ရသည်အထိ ကင်ထားပြီး အစွန်းများက အနည်းငယ် မီးဟပ်ထားသည့်ပုံပင်။ သူမက ဆလတ်ရွက်တစ်ရွက်ကို ယူကာ ကြက်သွန်ဖြူ နှစ်ပြားသုံးပြား​၊ ပန်းငရုတ်သီး တစ်ပိုင်းနှင့် ဝက်ဗိုက်သားကို ဆိုင်၏ အထူးစပယ်ရှယ် လျှို့ဝှက်နည်းဖြင့် လုပ်ထားသည့် ​ဆော့စ့်တွင်နှစ်၍ ထည့်လိုက်သည်။

ဆလတ်ရွက်ကို ဝက်သား ထည့်ကာ ထုပ်ပြီးနောက် ဆလတ်ရွက်၏ လတ်ဆတ်မှုက အရသာပြင်းကာ အဆီရွှမ်းသည့် ဝက်ဗိုက်သားဖြင့် ​ပေါင်းစပ်သွားသည်။ စကားတစ်ခွန်းတည်းဖြင့် ​ပြောရမည်ဆိုလျှင်- စိတ်​ကျေနပ်ခြင်းသာ ဖြစ်​ပေမည်။

ထန်​ချောင်း​ခေါင်း၏ ပါးစပ်က ဆလတ်ရွက်နှင့်ထုပ်ထား​သော အသားများဖြင့် ပြည့်​နေပြီး သူမ၏ ပါး​လေးနှစ်ဖက်က ဟမ်းစတား​လေးကဲ့သို့ ​ဖောင်းကား​နေခဲ့သည်။ သူမ၏ မျက်လုံးများကလည်း ​ပျော်ရွှင်စွာ ​မှေးကျဥ်း​နေကြ​လေသည်။

ရှန်းယွဲ့၏ အမူအယာသည်ကား ရှင်းပြရန် ခက်ခဲ​ပေသည်။ အကယ်၍ ထန်​​ချောင်း​ချောင်းသာ သူ့ကို မတူကွဲပြားစွာ သ​ဘောထား​နေပါက အဘယ်​ကြောင့် သူ့​ရှေ့မှာပင် လက်လွတ်စပယ် စား​သောက်​နေရပါသနည်း။

ထန်​​ချောင်း​ချောင်းက ပိုစား​လေ ပိုစွဲလမ်း​​လေ ဖြစ်​နေသည်။ 

"သူတို့ရဲ့ အထူးဟင်းပွဲ​တွေ စားကြည့်ရ​အောင်"

မီး​သွေးနှင့် ကင်ထား​သော အမဲလျှာက စားပွဲတစ်ခုတွင် သုံးပွဲသာ ကန့်သတ်ထားသည်။ တစ်ကိုက်စားပြီးသည်နှင့် ထန်​ချောင်း​ချောင်း တစ်​ယောက် ၎င်းက အလတ်ဆတ်ဆုံး အမဲလျှာဖြင့် ပြုလုပ်ထား​ကြောင်း သိလိုက်သည်။ ဆိုင်ရှင်က အမှန်ကယ် လူ​ကောင်းတစ်​ယောက် ဖြစ်​ပေသည်။ အမဲလျှာက ပါးပါး​လေး မလှီးထားသလို အခြား​သော အထူး အရသာမှုန့်များလည်း သုံးမထား​​ပေ။ ရိုးရိုး ဆားကြမ်းနှင့် ငရုတ်​ကောင်းမှုန့်က အမဲလျှာ၏ umami အရသာကို လှုံ့​ဆော်​ပေးရန် လုံ​လောက်​ပေသည်။ ၎င်းက အပြင်ဘက်တွင် ဝါးရလွယ်ပြီး အထဲတွင် နူးညံ့လှ၏။ အရသာရှိ​သော အရည်များက လျှာထဲတွင် ပိတ်​လှောင်​နေခဲ့ပြီး ပါးစပ်ထဲသို့ တစ်ကိုက် ကိုက်လိုက်သည်နှင့် စိမ့်ထွက်လာခဲ့သည်။ အရမ်း မိုက်တာပဲ....

ထန်​ချောင်း​ချောင်းက အစားစား​နေသည်ကို မရပ်တန့်နိုင်​တော့​ပေ။ ထို့​ကြောင့်ပင် သူမက မှတ်ချက်​ပြုလိုက်သည်။ 

"ဒီအမဲလျှာက ​တော်​တော်​လေး စား​ကောင်းတာ... ကြယ်ငါးပွင့် အဆင့် အရသာပဲ... နာမည်​ပေးထားတာ အလဟဿ ဖြစ်မသွားဘူး"

ဝက်အရွတ်သားက အသားအများကြီး ပါပုံမ​ပေါ်​သော်လည်း ကြွတ်ဆတ်ကာ နူးညံ့သည့် အရသာ​လေးပင်။ အရသာမှုန့်များကလည်း အလွန်အမင်း ပြင်းထန်မ​နေခဲ့​ပေ။ အ​ရေအတွက် ကန့်သတ်ထားသည်သာ မဟုတ်လျှင် ထန်​ချောင်း​ချောင်းတစ်​ယောက် အကင်​ချောင်းများ ဒါဇင်နှင့်ချီပြီး မှာမိမည်သာ။

ခရမ်းသီးကင်သည်လည်း အလွန်​ကောင်းလှသည်။ ပါးပါးလှီးထား​သော ကြက်သွန်ဖြူကို ​ပေါင်းထည့်ပြီး ခရမ်းသီး ကျက်ခါနီးအချိန်တွင် ကြက်ဥတစ်လုံးပါ ထည့်​ပေးမည် ဖြစ်သည်။ ခရမ်းသီး အပူချိန်က ကြက်ဥကိုပါ ကျက်သွား​​စေသည်။ နူးညံ့လှ​သော ကြက်ဥအသားက ခရမ်းသီးအလွှာ​ထဲတွင် တွဲ​​လောင်းကျ​နေသည်။ အရသာ ရှိလွန်းသဖြင့် သူမ​အော်မိမတတ်ပင်။

အကယ်၍ သင်သာ ဘာဘီကျူးကို အများကြီးစားမိပါက အီဆိမ့်လာမည် ဖြစ်သည်။ ထန်​​ချောင်း​ချောင်းက ​ရွှေ​ရောင်သန်းကာ ကြွပ်ရွပြီး အရသာရှိလှသည့် ဘန်းမုန့်​ပေါင်းတစ်ချပ်ကို စားလိုက်ပြီး အီဆိမ့်​နေမှုကို ​ချေဖျက်လိုက်သည်။

ထန်​ချောင်း​ချောင်း ဘန်းမုန့်​ပေါင်းကို ဝါးစား​နေပြီး ရှန်းယွဲ့ကို ဇ​ဝေဇဝါ ​မေးလိုက်သည်၊ 

"ဘာလို့ မစားတာလဲ... ရှင့် စားချင်စိတ်နဲ့ မကိုက်လို့လား"

ရှန်းယွဲ့က ​ခေါင်းခါပြလိုက်သည်။ သူနည်းနည်း မြည်းကြည့်ခဲ့​သေးသည်။ အားလုံးက ​စျေးသင့်ပြီး ဒီစား​သောက်ဆိုင်၏ အရသာ အထူးသဖြင့် မီး​သွေးနှင့်ကင်ထား​သော အကင်များ က ​အမှန်တကယ် ​​ကောင်းပေသည်။ အမဲလျှာကလည်း Michelin စား​သောက်ဆိုင်များတွင် သူစားဖူးသည့် အရာများနှင့်ပင် ယှဥ်နိုင်သည်။

[T/N Michelin guide bookဆိုတာ စား​သောက်ဆိုင်​တွေကို rating​ပေးတဲ့ တစ်ခုပါ... star​တွေနဲ့ သတ်မှတ်​ထားပါတယ် အ​ကောင်းဆုံး ဆိုင်​တွေကပဲ Michelin စာရင်းဝင် ဖြစ်တာပါ]

သူ့ပါးစပ်က ထိုအချိန်ကာ​လ​လေးပြီးသည့်​နောက်တွင် သူမလက်ရာများနှင့် ကျင့်သားရသွားရုံသာ။ အခြား​သော အစားအစာများက အမြဲတမ်း တစ်ခုခု လိုအပ်​နေသလို ခံစား​နေရသည်။

ထန်​ချောင်း​ချောင်း ​နောင်တရသွား​တော့သည်။ 

"ဒါဆို ကျွန်မ ဒကာခံမဲ့ ကိစ္စက ကျရှုံးသွားပြီ​ပေါ့... ရှင်က စားရတာမှ မကြိုက်တာ"

"အိမ်ပြန်ပြီး ငါ့အတွက်ကြက်ဥ​ခေါက်ဆွဲသာ လုပ်​ပေး" ရှန်းယွဲ့က တုန့်ဆိုင်းခြင်း မရှိဘဲ ​တောင်းဆိုလိုက်သည်။ 

ထန်​ချောင်း​ချောင်းက "အို​ကေ"ဟူ​​သော လက်အမူအရာ လုပ်ပြလိုက်​လေသည်။

ရှန်းယွဲ့က အများကြီး မစားသော်လည်း ထန်​ချောင်း​ချောင်းက သူမ​ခေါင်းကို အစားစားခြင်းတွင်သာ နစ်မြုပ်ထားသည်။ ​နောက်ဆုံးတွင် သူမက လန်းဆန်းသွား​စေမည့် ဇီး​ဖျော်​ရည်ချဥ်ချဥ်​အေး​အေး​လေးကို ပါးစပ်အပြည့် ​လောင်းထည့်လိုက်သည်။

စား​သောက်ပြီး​နောက် သူမက ဝမ်း​အောက်ပိုင်း တင်းကျပ်လာသလို ခံစားလိုက်ရသည်။

ယခု သူမ အလျင်လို​နေ​လေပြီ။ ​ဘေးပတ်လည်ကို လှည့်ကြည့်လိုက်​သောအခါ ဆိုင်​ဘေးတွင် အိမ်သာဆီသို့ သွားသည့်လမ်းကို ပြထားသည့် သ​​​င်္ကေတကို ​တွေ့လိုက်ရသည်။

အိမ်သာက လမ်းကြား​လေးထဲတွင် ရှိပြီး နှစ်ကြိမ်မျှ လမ်းချိုးပြီးမှ ​ရောက်လာခဲ့သည်။ အထဲက အလွန် သန့်ရှင်း​နေပြီး အပြင်ဘက်လမ်းမီးက ပြုပြင်ရန်လိုအပ်​နေကာ မှိတ်တုတ်မှိတ်တုပ် ဖြစ်​နေသည်က လွဲရင်သာ။

ထိုလမ်းကြား​လေး၏ အခြားတစ်ဖက် အဆုံးက မည်သည့်​နေရာတွင် ရှိ​နေသည်ကို ဘယ်သူမှ မသိနိုင်​ပေ။ အထဲသို့ သွား​လေ​လေ မီး​ရောင်က ပိုမှိန်လာ​လေ​လေ ဖြစ်သည်။

ထန်​ချောင်း​ချောင်း အိမ်သာမှ ထွက်လာ​သောအခါ သူမလှည့်ကြည့်ပြီး ထွက်သွား​တော့မည့် အချိန်တွင် စူးစူးရှရှ ​အော်ငိုလိုက်သံကို ရုတ်တရက် ကြားလိုက်ရသည်။

"ကယ်ကြပါ"

"ကယ်ကြပါ"ဟု ​​အော်သံက အလွန်တို​တောင်းပြီး လုံးလုံး​ထွေး​ထွေး ငိုသံသာ လိုက်လာခဲ့သည်။ တစ်စုံတစ်ခုက လူတစ်​ယောက်၏ ပါးစပ်ကို ပိတ်ဆို့​နေသကဲ့သို့ပင်။

ထန်​ချောင်း​ချောင်း၏ စူးရှသည့် အလိုလိုသိစိတ်က လမ်းကြားထဲတွင် မ​ကောင်းတာ တစ်ခုခုဖြစ်မှန်း နားလည်သွား​​​သော​ကြောင့် သူမက ပြန်လှည့်ကာ တုန့်ဆိုင်းမ​နေဘဲ လမ်းကြားထဲသို့ မြန်မြန် ​ပြေးသွား​တော့သည်။

သုံး​လေး​​ကွေ့မျှ ချိုးပြီး​နောက် အမဲရောင် အဝတ်အစားများနှင့် လူတစ်​ယောက်က မိန်းက​လေးတစ်​ယောက်ကို ဖိထားသည်အား ​တွေ့လိုက်ရသည်။ ထိုသူက အ​လင်း​ရောင်မှိန်သည့် ​ထောင့်​လေးတွင် မိန်းက​လေး အဓ္ဓမကျင့်ရန် ကြိုးပမ်း​နေခဲ့သည်။

ထန်​ချောင်း​ချောင်းက ထို​ရှော့ရစရာ မြင်ကွင်းနှင့် တိုးမိသွားပြီး​နောက် သူမရင်ထဲမှ​ ဒေါသမီး​တောက်များ ဟုန်းဟုန်း​တောက်လာခဲ့သည်။

"တိရစ္ဆာန်​ကောင်"

သူမက ချက်ချင်း ​ပြေးသွားကာ ​ယောကျ်ားကြီးကို ပုခုံးမှ ကိုင်ဆွဲ​ပြီး ​မလိုက်ကာ ​ဘေးသို့ ပစ်ချလိုက်သည်။

အနိုင်ကျင့်ခံရသည့် မိန်းက​လေးက ​ကျောင်းသူတစ်​ယောက် ဖြစ်ပုံပင်။ သူမလည်ပင်းတွင် လက်​ချောင်းရာများ ထင်​နေဆဲဖြစ်ပြီး ဂျာကင်ကလည်း စုတ်ပြဲ​နေသည်။ ထိုအချိန်မှသာ သူမက အဆုံးတွင် လက်​မြောက်သွားပြီး နီရဲ​နေ​သော မျက်နှာဖြင့် ပြင်းပြင်းထန်ထန် ​ချောင်းဆိုး​တော့သည်။

"အဆင်​ပြေရဲ့လား" ထန်​ချောင်း​ချောင်းက အဝတ်များကို ပြန်ပြင်​ပေးလိုက်ပြီး "ရဲ​ခေါ်လိုက်" ဟု မ​ပြောခင်မှာပင် နံရံကို မှီ၍ ထိုင်နိုင်ရန် ကူညီ​ပေးလိုက်သည်။

သူမက ပြန်လှည့်ကာ ​​မြေပြင်​ပေါ်မှ ကတုန်ကယင် ထလာသည့် လူကို ကြည့်လိုက်သည်။ သူထရပ်လိုက်​​​သောအခါ အနည်းငယ် ​သောက်ထားသည့်ပုံပင်။

သူက လုံးဝ ​ကြောက်ရွံ့မ​နေပါ​ချေ။ ၎င်းက ဦးထုပ်​ဆောင်းပြီး အနက်ရောင် ဝတ်စုံ ဝတ်ထားသည့် အမျိုးသမီးတစ်​ယောက်သာ ဖြစ်​ကြောင်း ​တွေ့လိုက်ရသည်။ သူက ​ကောက်ကျစ်​သော အပြုံးတစ်ခုဖြင့် ဆိုလိုက်သည်။

 "​နောက်ထပ် မိန်းက​လေးတစ်​ယောက် ​ရောက်လာပြီ... ဒါဆို ငါတို့သုံး​ယောက် အတူတူ ကစားကြမလား"

"အတူတူတဲ့လား ​သောက်မ​ကောင်းဆိုးဝါး​ကောင်"

 ထန်​ချောင်း​ချောင်းက ထိုလူ အသိတရား မရ​ဘဲ ညစ်ညစ်ညမ်းညမ်း စကားများ ထွက်ကျလာ​သေးသည်ကို ​တွေ့လိုက်ရသည်။ သူ့မျက်လုံးများက မ​ကောင်းစိတ်များ ပြည့်​နေသည့်အတွက် ပို၍ပင် ​ဒေါသထွက်လာရသည်။

စကားတစ်ခွန်းမှ မ​ပြောဘဲ သူမက ထိုသူဆီသို့ သွားကာ ပုခုံးကို ဆုပ်ကိုင်လိုက်ပြီး ရုတ်တရက်ပင် သူမ​ခြေ​ထောက်ကို မလိုက်သည်။ သူမဒူးက ထိုလူ၏ ထိလွယ်ရှလွယ် အပိုင်းကို ပြင်းပြင်းထန်ထန် တိုက်လိုက်ပြီး​နောက် ညာဘက်လက်ကို ဝိုက်ကာ ထိုသူ၏ ​မေး​စေ့ကို ပစ်ထိုးလိုက်သည်။

Xxxxxxxx