အပိုင်း ၄၁

Chapter 41

 အိမ်လုပ် အမဲသားလုံးနှင့် ​​ခေါက်ဆွဲ

သူမက တံခွန်ကို အိပ်ခန်းထဲတွင် ချိတ်ထားလိုက်ပြီး ဝတ်စုံ​လှလှ​လေးဝတ်ကာ တံခွန်အလံ​လေးနှင့် ဆယ်ဖီဆွဲကာ ပိုစ့်တင်လိုက်သည်။ "ငါချိတ်ထားလိုက်ပြီ (​ယေး)"

...........

"ဘုန်း... ဘုန်း... ဘုန်း"

မနက်​စော​စောအချိန်တွင် ​အောက်ထပ် မီးဖို​ချောင်မှ ကျယ်​လောင်လှ​သော "ဘုန်း ဘုန်း"အသံ ထွက်လာခဲ့ပြီး ရှန်းယွဲ့၏ အိပ်​ရေး​ကောင်း​ကောင်း​လေးကို ​နှောက်ယှက်လိုက်သည်။

သူ​ ​​အောက်ထပ်သို့ ဒေါသတကြီး ဆင်းသွားသည့်အချိန်တွင် အဝါ​ရောင် ​အေပရွန် ဝတ်ကာ ခိုင်ခံ့​သော ဒလိမ့်တုံးကို ကိုင်ထားပြီး လက်ထဲမှ လှိမ့်လက်စ မုန့်တစ်ခုရှိ​နေ​သော ထန်​​ချောင်း​ချောင်းကို ​​တွေ့လိုက်ရသည်။ သူမက ဒလိမ့်တုံးဖြင့် အသားတစ်ပိုင်းကို ထု​နေခဲ့သည်။

ထန်​ချောင်း​ချောင်းက အံကြိတ်ကာ အကြီးမားဆုံး ရန်သူကို ထုနှက်​နေသကဲ့သို့ သူမလက်များက အင်အားအပြည့်ဖြင့် ထု​နေခဲ့သည်။

"မင်း ဘာလုပ်​နေတာလဲ" ရှန်းယွဲ့က အခုတင်​လေးမှ နိုးလာသည် ဖြစ်​သော​ကြောင့် အင်အားယုတ်​လျော့​နေသည်။ 

ထန်​ချောင်း​ချောင်းက လှည့်ကြည့်လိုက်ပြီး သူ့စကားများကို ကြားရသည့်အချိန်တွင် စိတ်လိုလက်ရ ပြုံးပြလာခဲ့သည်။ "ဂွတ်​မောနင်း"။ သို့​သော်လည်း သူမ လှုပ်ရှားမှုများက ရပ်တန့်မသွားခဲ့​ပေ။

ရှန်းယွဲ့တစ်​ယောက် ​ဒေါသများ ​ပျောက်သွား​တော့သည်။ 

"ငါ မင်းကို ​မေး​နေတယ်​လေ... မနက်​စော​စောကို ဘာလို့ ဆူဆူညံညံ​တွေ လုပ်​နေရတာလဲ... မင်းမီးဖို​ဆောင်ကို ဖြိုချမလို့လား"

"မ​တွေ့ဘူးလား အမဲသားကို ထု​နေတာ​လေ... ရှင့်အတွက် အမဲသားလုံး လုပ်​ပေးမလို့"

 ထန်​ချောင်း​ချောင်းက အမဲသားကို လှန်လိုက်ပြီး ဆက်လက် ထုရိုက်​နေခဲ့သည်။ 

"ဒါက ဒီမနက်မှ ပို့လာတဲ့ အလတ်ဆတ်ဆုံး အမဲသား​​လေ... အမဲသားလုံး လုပ်ဖို့ အသင့်​တော်ဆုံးပဲ... အ​ကောင်းဆုံး အမဲသားလုံးဆိုတာ လက်နဲ့ လုပ်ရတာ... ဒါမှ သူတို့​တွေက နူးညံ့ပြီး ​ပျော့အိ​နေမှာ"

ထန်​ချောင်း​ချောင်းက အားအပြည့် ဖြစ်​နေ​သော်လည်း တစ်ချက်ကြည့်ရုံဖြင့် ရှန်းယွဲ့က သူမ အနည်းငယ် ထူးဆန်း​နေ​ကြောင်း သိ​နေခဲ့သည်။

"ရှင် အပြင်ထွက်ပြီး ​စောင့်​နေ​လေ... ခန​နေရင် ပြီး​တော့မှာ"

ရှန်းယွဲ့က မျက်​မှောင်ကြုပ်ကာ လှည့်ထွက်သွားခဲ့သည်။

ထန်​ချောင်း​ချောင်းက တတွတ်တွတ် ​ရေရွတ်ကာ အမဲသားကို ဆက်ထု​နေခဲ့သည်။ 

"ငါ့ခွန်အားက ဘာဖြစ်​နေလို့လဲ... ရိုက်ပစ်မယ်... ရိုက်ပစ်မယ်"

ထန်​ချောင်း​ချောင်းက သူမနှလုံးသားထဲမှ စိတ်ပျက်လက်ပျက် ဖြစ်​နေမှု အများစုက အမဲသားကို လုံးဝ နုပ်နုပ်စင်းအသား ဖြစ်သွားသည့်အချိန်တွင် ​ပျောက်ကွယ်သွားသည်။

ပုံမှန်အားဖြင့် လူအများက အမဲသားကို အနည်းဆုံး တစ်နာရီ နှစ်နာရီမျှ ခုတ်ပိုင်းရန် လိုအပ်​သော်လည်း ထန်​ချောင်း​ချောင်း၏ လက်ထဲတွင်မူ အမဲပေါင်သား အပိုင်းကြီး တစ်ပိုင်းကို နုပ်နုပ်စင်းအသား ဖြစ်လာရန်အတွက် နာရီဝက်သာ ကြာခဲ့သည်။

ထို့​နောက် ​​ပြောင်း​​ကော်မှုန့် အနည်းငယ်၊ အရည်အ​သွေးမြင့် ငါး​အနှစ်​ဆော့စ်၊ ဆား​ချောနှင့် ဟင်းချိုမှုန့်တို့ကို ဖြူးခဲ့သည်။ အရသာ ပိုမို ​ချော​မွေ့သွားရန်အတွက် သူမက ဝက်ဆီတုံး​လေးများကို အတုံး​လေးများ တုံးကာ အရသာ ဝင်ရန်အတွက် လုံးဝ ​ရော​နှောသွားသည်အထိ ထပ်ကာ ထပ်ကာ ထု​နေခဲ့သည်။

ထန်​ချောင်း​ချောင်းက ​ရေခဲ​သေတ္တာထဲမှ ​အေးခဲထား​သော ပုစွန်အနှစ်ကို ထုတ်ယူလိုက်သည်။ ပုစွန်အနှစ်က ပုစွန်ဆိတ်​လေးများကို အနှစ်ဖြစ်လာသည်အထိ ခုတ်ပိုင်းထားခြင်း ဖြစ်သည်။ ထို့​နောက် သူမက ​အေးခဲထား​သော ပုစွန်အနှစ်ကို ရွယ်တူ အတုံး​လေးများ အဖြစ် တုံးလိုက်သည်။

ထိုအချိန်တွင် အမဲသားကို ​ပျော့​ပျောင်းသည်အထိ ထုရိုက်ပြီးသွား​လေပြီ။ ထို့​ကြောင့် ၎င်းတို့ကို ​ဇလုံထဲသို့ ​လောင်းထည့်ကာ ထုကြီးကြီး ဖြစ်လာသည်အထိ တစ်ဖက်တည်း ​မွှေ​နေလိုက်သည်။ ထို့​နောက် သူမက နုပ်နုပ်စင်း အမဲသားတစ်ပိုင်းကို ​ကောက်ယူကာ လက်မနှင့် လက်ညှိုးတို့ကို သုံး၍ အသားလုံးဖြစ်လာ​စေရန် စက်ဝိုင်းပုံ လှိမ့်​နေလိုက်သည်။ ထို့​နောက် သူမက အသားလုံးအတွင်းသို့ ပုစွန်အနှစ်ကို အဆာသွပ်ကာ ​ရေဆူဆူထဲသို့ ထည့်၍ အပူချိန်ကို ​လျှော့ကာ အမဲသားလုံးများ ကျက်လာသည်အထိ ပြုတ်လိုက်သည်။

ထန်​ချောင်း​ချောင်းက အသားလုံးကို ပန်းကန်လုံးကြီး တစ်ပန်းကန် လုပ်လိုက်ပြီး ​ခေါက်ဆွဲတစ်ပန်းကန်စာ ချန်ကာ အများစုကို ​ရေခဲ​သေတ္တာထဲသို့ ထည့်ထားလိုက်သည်။

​ခေါက်ဆွဲများကို ထန်​ချောင်း​ချောင်းကိုယ်တိုင် လက်ဖြင့် လုပ်ထားခြင်း ဖြစ်သည်။ ​ထပ်ကာထပ်ကာ နယ်ပြီး​နောက် ဖြန့်ရင်း ဆွဲရင်း ပစ်​​ပေါက်ကာ ​ခေါက်ပြီးသွားသည့်အချိန်တွင် ​ခေါက်ဆွဲများက သန်မာကာ ​ချော့​မွေ့လာသည်။

စွပ်ပြုတ် အခံရည်က အသင့်ပြုလုပ်ထား​သော ပစ္စည်းဖြစ်သည်။ ထန်​ချောင်း​ချောင်းက ​​မီးဖို​ချောင်ထဲတွင် ​နေ့တိုင်း အမဲသားနှင့် ဝက်ရိုးတို့ကို နို့အဖြူ​ရောင်အရည်များ ဖြစ်လာသည်အထိ ပြုတ်ကာ စွပ်ပြုတ်အခံရည် လုပ်ထားခဲ့သည်။ တစ်ခါတစ်ရံ သူမက ခန္ဓါကိုယ် အားဖြည့်​စေ​သော ​ဆေးရွက်များကို ထည့်ခဲ့​သေးသည်။

​ခေါက်ဆွဲများ ​ရေပွက်ပွက်ဆူတွင် ပြုတ်ပြီးသွား​သောအခါ စွပ်ပြုတ်ထဲတွင် ထည့်၍ ခဏအကြာ ပြုတ်ခဲ့​သေးသည်။ စွပ်ပြုတ်အခံရည်က လုံ​လောက်​လောက်​လောက် အရသာ ရှိ​နေခဲ့ပြီးသား ဖြစ်သည်။ သူမက ဆားအနည်းငယ်ဖြူးရုံသာ လိုအပ်​​ပေသည်။

ထို့​နောက် သူမက အသီးအရွက် စိုက်ခင်းဆီသို့ သွားလိုက်ပြီး မုန်လာဥနီ အညွန့်​ပေါက်​လေး လက်တစ်ဆုပ်ကို ခူးလိုက်သည်။ သူတို့ကို လှီးသင်ရန်အတွက် စက္ကန့်အနည်းငယ်သာ အချိန်ယူရ​ပေသည်။ ​နောက်တွင် သူမက ၎င်းတို့ကို ​ခေါက်ဆွဲ​ပေါ်တွင် အသားလုံးများနှင့်အတူ ဖြန့်ထည့်လိုက်ပြီး လှီးထား​သောကြက်သွန်မြိတ်များနှင့် အနီ​ရောင်ဂိုဂျီဘယ်ရီအချို့ကို ဖြူးလိုက်သည်။

ရှန်းယွဲ့က ထမင်းစာပွဲ​ပေါ်တွင် အချိန်ခဏကြာ ​အ​တွေးနက်​နေရင်း စောင့်ဆိုင်း​နေခဲ့သည်။

"အိမ်လုပ်အသားလုံး​ခေါက်ဆွဲ​တွေ ရပါပြီ"

ထန်​ချောင်း​ချောင်းက အစားအ​သောက်ခန်းမများက စားပွဲထိုး​​​လေးတစ်​ယောက်ကဲ့သို့ ​အော်ဟစ်လိုက်သည်။ သူမက အစားအစာလင်ပန်းကို ကိုင်ကာ ​ခြေလှမ်းအနည်းငယ်မျှ ​ပြေးလာခဲ့သည်။

"စားကြည့်ပါ" သူမက ​ကြွေရည်သုတ်ပန်းကန်လုံးကို ရှန်းယွဲ့​ရှေ့တွင် ချထား​ပေးလိုက်သည်။

​ခေါက်ဆွဲပန်းကန်လုံးကြီး တစ်လုံးဖြစ်သည်။

​ကြီးမားသည့် ကြွေရည်သုတ် ပန်းကန်ထဲတွင် အဖြူ​ရောင် ​ခေါက်ဆွဲသားများ၊ မြစိမ်း​ရောင် အသီးအရွက်စိမ်းများနှင့် ကြီးမားပြီး လုံးဝန်း​နေ​သော အမဲသားလုံး ရှစ်ခုကို သပ်သပ်ရပ်ရပ်နှင့် လှပစွာ စီစဥ်ထား​လေသည်။

ထို ဂိုဂျီဘယ်ရီအနီ​ရောင်များက ကြည့်​ကောင်းရန်အတွက်သာဟု ရှန်းယွဲ့ ​တွေး​နေမိသည်။

ရှန်းယွဲ့က တူများကို မ​ရွေ့​သေးဘဲ ထန်​ချောင်း​ချောင်း၏ မျက်နှာကို ​​သေ​သေချာချာ ကြည့်လိုက်သည်။

'မဟုတ်​သေးပါဘူး... တစ်ခုခု မှား​နေပြီ... သူ့ကို ကြည့်ရတာ ဒီ​နေ့ ​တော်​တော်​လေး ပို ပြီး စိတ်လှုပ်ရှား​နေသလိုပဲ'

ထန်​ချောင်း​ချောင်းက သူ့အ​တွေးများကို သိမ​နေခဲ့သည့်အတွက် သူ့ကို တိုက်တွန်း​နေသည်။ 

"မြန်မြန်စား​လေ"

သူမက တစ်မနက်လုံး အမဲသားနှင့် ပုစွန်အနှစ်တို့ကို ​ထောင်း​နေခဲ့ရသည်။ သူမက အလွန်ဗိုက်ဆာ​နေပြီး ​ခေါက်ဆွဲ တစ်လုတ်အပြည့်ကို ​ကောက်ယူရန်အတွက် အစပြုလိုက်ပြီး သူမပါးစပ်ထဲသို့ ထည့်လိုက်​လေသည်။

ထိုအသံကို ကြား​သောအခါ ရှန်းယွဲ့က အသားလုံး တစ်ခုကို ကိုက်စား​တော့မည်ဆဲဆဲ ဖြစ်သည်။ ထန်​ချောင်း​ချောင်းက ရုတ်တရက် ​ပြောလိုက်သည်။ "ဂရုစိုက်အုံး... အမဲသားလုံး​တွေက ​ပေါက်တတ်တယ်"

ရှန်းယွဲ့က အမဲသားလုံး၏ မျက်နှာပြင်ကို ကိုက်စား​နေပြီးသား ဖြစ်သည်။ အမဲသားလုံးမှ စိမ့်ထွက်လာမည့် ​ကြောက်မက်ဖွယ် အရည်များကို မ​တွေ့ကြုံရရန်အတွက် သူက ချက်ချင်းပင် အမဲသားလုံး တစ်ခုလုံးကို ပါးစပ်ထဲသို့ သွပ်လိုက်​လေသည်။

ရုတ်တရက်ပင် အသားလုံးထဲမှ အရည်များက သူ့ပါးစပ်ထဲတွင် ​ပေါက်ကွဲထွက်လာပြီး ပုစွန်အသား၏ ချိုမြမြရနံ့​​လေးက အာရုံခံဖု​လေးများတွင် ကခုန်​နေကြပုံ ​ပေါ်သည်။ အနည်းငယ်​သော အပူအရသာ​လေးက သူ့မျက်လုံးကို မှိတ်ပြီး အရသာခံမိသွား​စေသည်။

'စား​ကောင်းလွန်းတယ်'

သူက အမဲသားလုံးကို ထပ်ဝါးလိုက်သည်။ အသားက မအိမမာ​လေး ဖြစ်ကာ ချက်ထားသည့် အ​နေအထားက လန်းဆန်းသွား​စေပြီး ပိုဝါး​လေ ပိုကြိုက်လာ​လေပင်။

သူတစ်လုံး စားပြီးသွား​သောအခါ သူ​နောက်ထပ်တစ်ခုကို စားရန်မ​​စောင့်နိုင်​တော့။

အမဲသားလုံးများကို စားပြီး​သောအခါ နူးညံ့​သော ​ခေါက်ဆွဲ​လေးများကို စမ်းကြည့်ရန် ပြင်လိုက်ကာ နူးအိပြီး အရည်ရွှမ်း​သော မုန်လာဥနီ အညွန့်လေးများနှင့် အတူ ကိုက်စားလိုက်ပြီး အနံ့​မွှေး​သော စွပ်ပြုတ်ရည် တစ်ဇွန်းကို ​သောက်လိုက်သည်။

မကြာမီပင် သူက အမဲသားလုံး​ခေါက်ဆွဲ တစ်ပန်းကန်ကို ​​ပြောင်စင်​အောင် စားပြီးသွားပြီ ဖြစ်​သော်လည်း ​​မ​တင်းတိမ်နိုင်​သေး​​ပေ။

ရှန်းယွဲ့က တူများကို ​ကျေနပ်အားရစွာ ချလိုက်​​သော်လည်း သူ့တစ်ဖက်တွင် ထိုင်ကာ ​မေး​စေ့က စားပွဲအနားထိ ကျ​နေ​သော ထန်​ချောင်း​ချောင်းကို ​တွေ့လိုက်ရသည်။ သူမက ​ခပ်မြင့်မြင့် ပျံ​နေ​​သော ​ဘောလုံးတစ်လုံး ရုတ်တရက် ပြုတ်ကျလာသကဲ့သို့ ခေါင်းကို ငုံ့ပြီးရင်း ငုံ့​နေခဲ့သည်။

"အဲ့အ​ကြောင်း ​ပြောရ​​အောင် မင်းဘာဖြစ်​နေတာလဲ" 

ရှန်းယွဲ့က သူမ​​စိတ်ထဲတွင် ရှိ​နေမည့် တစ်ခုခုကို ခန့်မှန်းလိုက်သည်။ ဘာပဲဖြစ်ဖြစ် သူ့မှာ အချိန်ပိုအချို့ ရှိ​နေသည်​လေ...

ထန်​ချောင်း​ချောင်းက ခပ်ပြင်းပြင်း သက်ပြင်းချပြီး​နောက် ခပ်ရှက်ရှက် ​ပြောလိုက်သည်။

 "ရှန်းယွဲ့ ကျွန်မ အလုပ်လက်မဲ့ ဖြစ်​​တော့မယ် ထင်တယ်"

ရှန်းယွဲ့က မျက်ခုံးပင့်လိုက်သည်။

 "ဘာလို့လဲ မင်းရဲ့ ​အေဂျင်စီကုမ္ပဏီက ​နောက်ဆုံး​တော့ မင်း အစားကြီးတာကို သိသွားပြီး မင်းနဲ့ စာချုပ်ဖျက်ဖို့ ဆုံးဖြတ်လိုက်ပြီ​ပေါ့​လေ"

"မ​နောက်စမ်းပါနဲ့" သူမက ​ခေါင်းကို ခါယမ်းလိုက်သည်။ "ကျွန်မအတွက် ဘာအလုပ်မှ မရှိဘူး... အစ်ကိုချမ် ကျွန်မကို ဖုန်းမ​ခေါ်တာ တစ်ပတ်​​လောက် ရှိ​နေပြီ"

ထန်​ချောင်း​ချောင်း အလွန် ပူ​ဆွေး​နေသည်ကို ​တွေ့ရသည်မှာ အလွန်ရှားပါး​သော​ကြောင့် ရှန်းယွဲ့သည်လည်း ရှင်းမပြနိုင်စွာပင် ခပ်မြူးမြူး ဖြစ်သွားရသည်။

"မဟုတ်​သေးပါဘူး... မင်းက ရဲရင့်ပြီး သတ္တိရှိတယ် မဟုတ်ဘူးလား" 

ထိုတံခွန်ကို သူမအခန်းတွင် ချိတ်ဆွဲထားဆဲ ဖြစ်​သော်လည်း ရှန်းယွဲ့က သူမ၏အမြင်ကို သ​ဘောမကျပါ​ချေ။ ချိတ်ထား​သောအ​နေအထားက အခန်းဒီဇိုင်း၏ အလှအပကို လုံးဝဖျက်ဆီး​နေသည်။

"အိုး... ရှင်နားမလည်ပါဘူး" ထန်​ချောင်း​ချောင်းက သူမလက်ကို စားပွဲ​ပေါ်တွင် တင်ထားလိုက်ပြီး ထို​နယ်ပယ်တွင် ကျွမ်းကျင်သူ တစ်​ယောက်ကဲ့သို့ သာမန်လူ ရှန်းယွဲ့ကို ရှင်းပြလိုက်သည်။ 

" ကျွန်မဖန်​တွေ ကျွန်မကို ​ထောက်ပံ့ကြရင်​တောင် ကျွန်မပုံရိပ်က အရမ်း မ​ပြောင်းသွားဘူး... ပြဿနာကို ​ရှောင်လွှဲလို့ မရဘူး... အနုပညာ​လောကထဲက ထုတ်လုပ်သူ​တွေ ဒါရိုက်တာ​တွေက ကျွန်မကို မသုံးရဲကြဘူး​နေမယ်"

ရှန်းယွဲ့က ထိုရုတ်တရက် တိုင်တန်းလာသည့် အ​ကြောင်းကို နား​ထောင်ပြီး​နောက် မျက်​မှောင်ကြုပ်မိသွားသည်။

"မင်းဘယ်လို သိတာလဲ"

"ကျွန်မ ခန့်မှန်းလိုက်တာ​လေ... မဟုတ်ရင် ဘာလို့ ကျွန်မ ဒီတ​လော အလုပ်တစ်ခု​လေး​တောင် မရရတာလဲ"

ထန်​ချောင်း​ချောင်းက ထိုအ​ကြောင်းကို ​တွေးလိုက်မိသည်နှင့် စိတ်ဖိစီးလာရပြီး ညအချိန်တွင်လည်း ​ကောင်း​ကောင်း မအိပ်နိုင်ခဲ့ရ​ပေ။ ထို့​ကြောင့် သူမက ​စော​စောနိုးလာပြီး သူမ၏ ​စိုးရိမ်​သောကများကို ဖြေ​ဖျောက်ရန်အတွက် အမဲသားများကို ထု​နေရခြင်း ဖြစ်သည်။

တစ်ခါတစ်လေ ရှန်းယွဲ့တစ်​ယောက် ထန်​ချောင်း​​ချောင်း၏ ဖရဲသီး​ခေါင်းကို တကယ် ထုကာ ထိုအထဲတွင် ဘယ်လိုအရာများ ရှိ​နေသလဲဟု ကြည့်လိုက်ချင်ပါ၏။ 

သူ့တွင် ​ဖျော်​ဖြေ​ရေး ​လောကနှင့် အဆက်အသွယ်များစွာ မရှိ​သော်လည်း ထိုကိစ္စများ၏ အချို့အရာများက သူမ​ပြောသကဲ့သို့ အလွန် ထိတ်လန့်ဖွယ် ကောင်း​မနေမှန်း သူသိပါ​သေးသည်။

"မင်းတကယ် စတားတစ်​​ယောက် ဖြစ်ချင်တာလား" 

သူက အမြဲတမ်း သူမကို ထို​မေးခွန်း ​မေးချင်​နေခဲ့သည်။ သူမက လက်ထဲတွင် အလုပ်အများကြီး မရှိ​ဘဲ အများ​ဆုံးအ​နေဖြင့် ဝက်ဘ်ဒရာမာထဲမှ ​မြေ​ခွေးနတ်ဆိုးအဖြစ် သရုပ်​ဆောင်ရသည့် ဧည့်သည်အခန်းသာ ရှိ​​သေးသည်။ ဘယ်အရာကများ သူမကို ဆက်ပြီး အလုပ်လုပ်ချင်စိတ်​ပေါက်​အောင် လုပ်ခဲ့ပါလိမ့်...

"သ​ဘောကျတယ်" ထန်​ချောင်း​ချောင်းက တ​​လေးတနက် ​ခေါင်းငြိမ့်ပြလိုက်သည်။ 

"ကျွန်မကို လူ​​တွေ သ​ဘောကျကြတာကို ကြိုက်တယ်" 

ဖန်များ၏ အချစ်များက သူမ ဝိဥာဏ်စွမ်းအင်ကို တိုးလာ​​စေသည်​ကြောင့်သာမက ဖန်​​​တွေ သူမကို "​ချောင်း​ပေါင်"ဟု ​ခေါ်ကြသည်ကိုလည်း သ​​ဘောကျ​ပေသည်။ သူမက လူတိုင်း သူမ၏ ဟင်းပွဲများကို မြည်းစမ်းကြရန် ဆန္ဒရှိကြသည့်အချိန်များကိုလည်း သ​ဘောကျပြီး သရုပ်​​ဆောင်​နေစဥ် မတူညီ​သော ခံစားချက်များကိုလည်း နှစ်ခြိုက်​သေးသည်။

ရှန်းယွဲ့က သူမ၏ ခိုင်မြဲ​သော မျက်လုံးများကို ကြည့်လိုက်ပြီး သူ့နှလုံးသားတွင် လှုပ်ရှားသွားသလို ခံစားလိုက်ရသည်။ သူက ခပ်​ပေါ့​ပေါ့ ​ချောင်းဆိုးလိုက်သည်။

 "မင်းသာ ဒီလုပ်ငန်းကို တကယ်ပဲ ဆက်လုပ်ချင်တယ်ဆိုရင် တစ်ခြားနည်းလည်း မရှိ​တော့ရင်တောင် ငါ့အတွက်​တော့ ကိစ္စကြီး မဟုတ်ဘူး

..."

"ငါမင်းအတွက် ဒရာမာတစ်ခု ရင်းနှီး မြှုပ်နှံ​ပေးနိုင်တယ်"ဟူသည့် သူစကားမဆုံး​သေးသည့်အချိန်တွင် ထန်​ချောင်း​ချောင်းဖုန်း မြည်လာခဲ့သည်။

သူမက ​ခေါ်ဆိုသူ၏ အမည်ကို ​တွေ့လိုက်လိုက်ချင်းပင် သူမက ရှန်းယွဲ့ကို "ရှူး" ဟု လက်ဟန်ပြလိုက်သည်။

သူမက ဖုန်းပြန်​ဖြေလိုက်ပြီး "အစ်ကိုချမ်" ဟု​ ခေါ်လိုက်​လေသည်။

"တကယ်လား"

"ဟမ်"

"​ကောင်းတာ​ပေါ့"

"ကျွန်မ ဘာမဆို လုပ်နိုင်တယ်"

"ကျွန်မ လက်မှတ်ထိုးမယ်"

"ဘယ်အချိန်လဲ"

"ကိစ္စမရှိဘူး"

ထန်​ချောင်း​ချောင်း ဖုန်းချလိုက်သည်နှင့် သူမမျက်နှာ​ပေါ်မှ စိုးရိမ်ပူပန်မှုများ လွင့်ပြယ်သွား​လေသည်။ သူမက တက်ကြွလာပြီး သွားစွယ်​လေးများ ​ပေါ်လာသည်အထိ ပြုံးပြလိုက်သည်။

"အား... ကုမ္ပဏီတစ်ခုက ကျွန်မကို ​​ Spokesperson အဖြစ် ခန့်ချင်​နေတယ်"

"ဘယ်လိုကုမ္ပဏီကများ ဒီလိုထူးဆန်းတဲ့ အမြင် ရှိ​နေတာလဲ"

 ရှန်းယွဲ့က အဆိပ်ပြင်းစွာ ​ပြောလိုက်သည်။

"အ​​ဖျော်ကုမ္ပဏီတစ်ခုကပဲ... တံဆိပ်ကလည်း မ​သေးဘူး​နော်... ကုမ္ပဏီပိုင်ရှင်က ​တော်​တော်​လေး အမြင်ကျယ်မဲ့ပုံပဲ... သူက ကျွန်မရဲ့ ချစ်စရာ​ကောင်းပြီး နူးညံ့တဲ့ ပုံစံ​လေးကို ရှာ​တွေ့သွားတာ ဖြစ်မယ်" 

ထန်​ချောင်း​ချောင်းက အလွန်အမင်း စိတ်လှုပ်ရှားမ​နေ​ခဲ့ပေ။ သူမက ရှန်းယွဲ့ အနည်းငယ် ချဥ်စုပ်စုပ် ဖြစ်​နေ​သော အသံအ​​နေအထားကို သတိမမူခဲ့​။

Xxxxxxx