MM Story Teller

အပိုင်း ၁၆၃

Viewers 14k

အခန်း(၁၆၃) - အတူတူ အိမ်ပြေးခြင်း

လျန်ယို့ရှောင်က ကြက်သေသေသွားခဲ့သည်။

သူ့သူငယ်ချင်းက ပိုရဲတင်းလာသည်။

သူက မေးခဲ့သည်။ "မင်းက သူ့ကို ရိုက်မလို့လား။"

ရှီလွေ့က ခဏလောက်တွေးပြီး ဆတ်ကတည်းပြောလိုက်သည်။ "မင်းဘာတွေ တွေးနေတာလဲ၊ ငါက လုပ်ရဲပါ့မလား။"

သူက ဆက်ပြောခဲ့သည်။ "ငါ အိမ်ကနေ ထွက်ပြေးဖို့ ဆုံးဖြတ်ထားတယ်၊ ငါ့အဖွား ဘုရားကျောင်းက ပြန်လာရင် ငါ့အဖေ ငါ့ကိုရိုက်လို့ အိမ်ပြေးသွားတယ်ဆိုတာ သိသွားလိမ့်မယ်၊ ဒါဆိုရင်တော့ သူလည်း ကောင်းကောင်းလေး တန်ပြန်ခံရမှာ ဟမ့်။"

လျန်ယို့ရှောင်က ဆွံ့အသွားခဲ့သည်။ မင်းဆီက သင်ယူလေ့လာပါ့မယ်။

လျန်ယို့ရှောင်က မေးစေ့ကိုထိကိုင်ကာ ပြောခဲ့သည်။ "ဒါဆို ငါလည်း မင်းနဲ့ အတူတူ အိမ်ပြေးမယ်ကွာ။"

သူ မကြာသေးမီက အမေနှင့် အဖွားကို စိတ်ပျော်အောင် ချော့ခဲ့ပြီးပြီဖြစ်သည်။

ဒီတစ်ခါတော့ သူ အိမ်ပြေးအောင် ဖိအားပေးခဲ့သူက သူ့အဖေ ဖြစ်သည်။

သူ့အဖေ ဘယ်လို ရှင်းပြချက်တွေပေးမလဲဆိုတာ ကြည့်ကြသေးတာပေါ့ ဟမ့်။

ရှီလွေ့က ပြုံးပြီး လျန်ယို့ရှောင်ရဲ့ ပုခုံးကို ဖက်လိုက်သည်။ "ထင်တဲ့အတိုင်း ငါတို့က ညီအစ်ကိုတွေပဲကို အတူတူသွားကြတာပေါ့။"

ထို့ကြောင့် ရှီလွေ့နှင့် လျန်ယို့ရှောင်က သူတို့အဖေတွေ ရုံးတော်သွားသည့်အချိန် အခွင့်အကောင်းယူပြီး အထုပ်အပိုးတွေပြင်ကာ အိမ်ပြေးခဲ့ကြလေသည်။

သူတို့ မြို့တော်က ထွက်မည့်အချိန်မှာပဲ မြို့တော်က နာမည်ကြီး နတ်ဆိုးဘုရင်မနှင့် တွေ့ခဲ့လေသည်။

သူတို့ အိမ်ကပြေးပြီး စကိတ်ဘုတ်ပြား တီထွင်သည့်လူကို သွားရှာမှာကို သူမ သိသည်။

ထို့ကြောင့် သူမလည်း တုံ့ဆိုင်းခြင်းမရှိဘဲ လိုက်သွားခဲ့လေသည်။

ထိုကိစ္စက ရှီလွေ့နှင့် လျန်ယို့ရှောင်က ခေါင်းကိုက်သွားခဲ့သည်။

တစ်ဖက်က ရှာ့ရှီရွာတွင် ဖြစ်သည်။

ရှီလွေ့နှင့်တခြားလူတွေက အိမ်ပြေးလာကာ သူမ အိမ်ကို လာနေမည့်အကြောင်း ရှစ်ချင်းလျို့ မသိသေးပေ။

ထိုအချိန်မှာ သူမက ခြံထဲမှာ မကြာခင်ကမှ စီရင်စုမြို့ကို ပြန်လာသည့် ပိုင်ရွှီနှင့် စကားပြောနေသည်။

ဒီတစ်ခေါက်တော့ ပိုင်ရွှီက သိုးအဆီနှင့် သိုးမွေး လှည်းအနည်းငယ်စာ ယူလာခဲ့သည်။

ပိုင်ရှီက ထိုပစ္စည်းတွေအတွက် ငွေလက်ခံယူခဲ့သည်။ "ဒါတွေ ယူပြန်လာဖို့ တော်တော်အားထုတ်လိုက်ရတယ်။"

ရှစ်ချင်းလျို့က စိတ်ခံစားချက် ကောင်းမွန်နေသည်။ "အေးပါ အေးပါ ကျေးဇူးတင်ပါတယ်။"

ပိုင်ရွှီက ဆွံ့အသွားခဲ့သည်။ ဘာလို့ အဲလောက် ဝတ်ကျေတန်းကျေ ပြုမူနေတာလဲ။

"ဒါတွေနဲ့ ဘာများ လုပ်မလို့လဲ။"

ဟိုးတုန်းကတော့ ထိုပစ္စည်းတွေကို အကုန်လွှင့်ပစ်ကြတာဖြစ်သည်။

ရှစ်ချင်းလျို့က သူ့ကို မျက်လုံးတစ်ဖက် မှိတ်ပြခဲ့သည်။ "ဒါတွေက သိပ်အသုံးဝင်တာ၊ အချိန်ကျရင် ရှင်သိလိမ့်မယ်။"

ပိုင်ရွှီက ဆွံ့အသွားခဲ့သည်။

ဒီအမျိုးသမီးက သူ့ကို အမြဲသိချင်အောင်လုပ်သည်။

"တစ်ခုခု အသစ်အဆန်းရှိလာရင် ငါ့ကို မမေ့နဲ့နော်။"

မြို့တော်ကလာသည့် ကောင်လေးတစ်ယောက်က မြို့တော်မှာ စကိတ်လုပ်ငန်း အောင်မြင်နေတာ သူသိပြီးပြီဖြစ်သည်။

ရှစ်ချင်းလျို့က ပြောခဲ့သည်။ "ဒါပေါ့ ပြီးသွားရင် ရှင့်ကို တစ်သုတ် ပေးပါ့မယ်။"

ပိုင်ရွှီက ပြုံးခဲ့သည်။ "ဒီလိုဆိုရင်တော့ ကောင်းတာပေါ့။"

သူက မေးခဲ့သည်။ "စကူတာနဲ့ စကိတ်ဘုတ်ပြားတွေကော ရနိုင်မလား။"

စကိတ်ဘုတ်ပြားနှင့် စကူတာတွေက မြို့တော်မှာ သိပ်ရေပန်းစားနေကြောင်း သူသိသည်။

သူက လူတစ်ယောက်ကို ငွေများစွာပေးပြီး စကူတာကို သုတေသန ပြုခိုင်းထားသည်။

စကူတာရဲ့ ကိုယ်ထည်နားက 'နန်ရှီ' ဟူသည့် စာသားကိုမြင်တော့ ထိုအရာက ရှစ်ချင်းလျို့ဆီကဖြစ်ကြောင်း သူသိခဲ့သည်။

ထို့နောက် မြို့တော်မှာ မာကျောက်နှင့် ဖဲကစားသည့် ဆန်းသစ်သည့် လောင်းကစားရုံရှိကြောင်း သိခဲ့ရသည်။

သူလည်း စမ်းကြည့်ဖို့ သွားခဲ့ပေမယ့် လူတွေပြည့်နေကာ သူ့အတွက် နေရာလွတ် မရှိခဲ့ပေ။

လောင်းကစားရုံပိုင်ရှင်က စကူတာထုတ်သည့် ပိုင်ရှင်နှင့် အတူတူပဲဟု ကြားသိခဲ့ရတော့ ရှစ်ချင်းလျို့ကို သူထပ်တွေးမိခဲ့သည်။

ကြည့်ရတာ သူမက ထိုဆန်းသစ်သည့် အရာတွေကို ပေးခဲ့သူဖြစ်နိုင်သည်။

ထိုအချိန်မှာပဲ သူနန်ရှီစီရင်စုမြို့ကနေ တခြားနေရာသွားခဲ့ရသည်ကို နောင်တရနေခဲ့သည်။

ရှစ်ချင်းလျို့က ခေါင်းခါပြခဲ့သည်။ "ရှင်ကစားဖို့ဆိုရင်တော့ အနည်းငယ် ပေးလိုက်လို့ရပေမယ့် ရောင်းဖို့ဆိုရင်တော့ မရနိုင်ဘူး၊ ဒါ့အပြင် ကျွန်မကို အဲ့တာတွေကို ဒီမှာ မလုပ်ဘူး၊ လျန်ယို့ရှောင်ကို လွှဲပေးလိုက်ပြီ။"

သူမမှာ နောက်ထပ် အလုပ်ရုံဖွင့်ဖို့ အားမရှိပေ။

ပိုင်ရွှီရဲ့ စိတ်ပျက်နေသည့် မျက်နှာကိုမြင်တော့ သူမက သတိပေးခဲ့သည်။ "ရှင်စီးပွားရေး တိုးချဲ့ချင်တာကောင်းပေမယ့် ခိုင်မြဲတဲ့ခြေလှမ်း လှမ်းတာ ပိုကောင်းတယ်၊ ခြေလှမ်းကျဲကျဲလှမ်းရင် ခြေကျင်းဝတ် အဆစ်လွဲနိုင်တယ်၊ မြို့တော်မှာ လျန်ယို့ရှောင် လုပ်တဲ့ပစ္စည်းက ဘာပဲဖြစ်ဖြစ် မြို့တော်မှာပဲ ရှိလိမ့်မယ်၊ တကယ်လို့ ပိုင်မိသားစုက စီမံခန့်ခွဲမယ်ဆိုရင်တော့ သူများက စီးပွားရေးကို ဝါးမျိုသွားလိမ့်မယ်။"

စကိတ်တွေက အတုခိုးလွယ်သည့် ပစ္စည်းတွေ ဖြစ်သည်။

အကယ်၍ ထိုကိစ္စကို ပိုင်မိသားစုသာ ကိုယ်တွယ်မည်ဆိုပါက သူတို့ရဲ့ စီးပွားရေးကို သူများတွေ ခိုးယူဖို့ ၁၀ရက်တောင် ကြာမည် မဟုတ်ပေ။

အကယ်၍ မကောင်းသည့်ရည်ရွယ်ချက်နှင့် လူကို ကြုံတွေ့ပါက သူတို့က ပိုင်မိသားစုကို မြို့တော် အပြင်ထွက်အောင် တွန်းထုတ်ပစ်နိုင်သည်။

ဒါတောင် စကိတ်ဘုတ်ပြားကိစ္စသာ ရှိသေးသည်။

အကယ်၍ လောင်းကစားရုံသာ ဖွင့်မည်ဆိုပါက ပိုင်မိသားစု အဆုံးသတ်ကောင်းမည် မဟုတ်ပေ။

ပိုင်ရွှီက ငတုံး မဟုတ်ပေ။

ရှစ်ချင်းလျို့ရဲ့ သတိပေးချက်ကို နားထောင်ပြီးနောက် သူလည်း တူညီသည့်အတွေးကို တွေးမိခဲ့သည်။

သူက တော်ဝင်ခုံရုံးမှာ အဆင့်၄အရာရှိ ဦးလေးရှိသော်လည်း ပြည်သူ့အုပ်ချုပ်ရေးမှူးစံအိမ်က သခင်လေးနှင့် ယှဥ်ပါက သူက ဘာမှမဟုတ်ပေ။

"ကောင်းပြီ။ အနာဂတ်မှာ ပစ္စည်းကောင်းတွေရှိရင် ငါ့ကိုပြရမယ်နော်။"

သူက ထပ်ပြောခဲ့သည်။ "မင်း သိုးအဆီနဲ့ သိုးမွေးတွေရဖို့ ငါဆက်ကူညီပေးမယ်။"

ရှစ်ချင်းလျို့က သူထိုသို့ပြောတာကို စောင့်နေတာဖြစ်သည်။ "ကိစ္စမရှိဘူး။"

ပိုင်ရွှီ ပြန်သွားပြီးနောက် ရှစ်ချင်းလျို့က သိုးအဆီတွေယူကာ ဆပ်ပြာလုပ်ဖို့ သွားခဲ့သည်။

ထို့နောက် သူမက သိုးမွေးတွေယူကာ အမေရှောင်နှင့် ရှောင်ပိုင်လီကို သွားရှာခဲ့သည်။

သူမက သူတို့နှင့် သိုးမွေးတွေကို အမျိုးအစားခွဲပြီး အပ်ချည်လေးတွေအဖြစ် လိပ်လိုက်သည်။

ရှစ်ချင်းလျို့ တက္ကသိုလ်တက်တုန်းက သူတို့အဆောင်မှာ သိုးမွေးမာဖလာထိုးတာ ခေတ်စားခဲ့သည်။

သူမက သိုးမွေးထိုးခြင်းကို စိတ်ဝင်စားသွားကာ အင်တာနက်ပေါ်က ဗီဒီယိုတွေကနေ သင်ယူခဲ့သည်။

သို့ပေမယ့် သူမက မာဖလာထိုးနည်းသာ ရခဲ့ပြီး ကျန်တာတွေ မထိုးဖူးပေ။

ထို့ကြောင့် သူမက အမေရှောင်နှင့် ရှောင်ပိုင်လီကို မာဖလာထိုးနည်း အရင်သင်ပေးခဲ့သည်။

"အမေနဲ့ ပိုင်လီ ဒီသိုးမွေးတွေနဲ့ အဝတ်တွေထိုးကြည့်လေ။"

သူမက အဝတ်တွေကို သိုးမွေး မထိုးဖူးသော်လည်း အင်တာနက်ပေါ်က ဗီဒီယိုတွေ ကြည့်ဖူးခဲ့တာကြောင့် သိတာလေးတွေ ပြောပြခဲ့သည်။

"သိုးမွေးဘောင်းဘီနဲ့ ခြေအိတ်တွေလည်း ထိုးလို့ရတယ်။"

ထိုနေရာမှာ အမေရှောင်က သိပ်ကျွမ်းကျင်သည်။

သူမက ပြုံးကာ ပြောခဲ့သည်။ "ကိစ္စမရှိဘူး၊ အမေတို့တာဝန်ထားလိုက်။"

ရှောင်ပိုင်လီကလည်း အဝတ်တွေကို သိုးမွေးထိုးတာ သိပ်စိတ်ဝင်စားသည်။

သူမက သူမယောက်မ ထိုးခဲ့သည့် မာဖလာကို ထိခဲ့သည်။

သူမက ပြုံးကာ ပြောခဲ့သည်။ "သိုးမွေးနဲ့ထိုးတဲ့အထည်တွေက သိပ်နွေးတယ် မဟုတ်လား။"

ရှစ်ချင်းလျို့က ခေါင်းငြိမ့်ပြခဲ့သည်။ "ဆောင်းတွင်းကျရင် သိုးမွေးနဲ့ထိုးတဲ့ အင်္ကျီတွေ ဘောင်းဘီတွေဝတ်ရင် သိပ်နွေးတာ၊ အခုတော့ သိုးမွေးနဲ့ပဲလုပ်ဦး၊ မနက်ဖြန်ကျရင် စီရင်စုမြို့က ဆေးဆိုးရုံကိုသွားပြီး သိုးမွေးတွေကို ဆေးဆိုးခိုင်းလိုက်ရင် ဆွယ်တာတွေက ပိုပြီး လှသွားလိမ့်မယ်။"

အမေရှောင်က ပြောခဲ့သည်။ "ဒါဆို ဆေးဆိုးဖို့အတွက် သိုးမွေးချည်တွေ များများလုပ်ရမယ်။"

သူမက ခြင်ပြေးအမွှေးတိုင်နှင့် နို့ချိုချဥ်ထုတ်လုပ်ရေးကို ဦးဆောင်ပြီးကတည်းက ရှစ်ချင်းလျို့ရဲ့ နူးညံ့သည့်အုပ်ချုပ်မှုအောက်မှာ သူမ ပိုယုံကြည်ချက်ရှိလာခဲ့သည်။

သူမက အလုပ်မှာ ပိုပိုပြီး ကျွမ်းကျင်လာခဲ့သည်။

ရှစ်ချင်းလျို့က ခေါင်းငြိမ့်ပြခဲ့သည်။ "ကောင်းပြီ ကျွန်မလည်း အတူတူလုပ်ကူမယ်။"

မျက်စိတစ်မှိတ်အတွင်းမှာပဲ ရှစ်မိသားစုရဲ့ စတုတ္ထသား မင်္ဂလာဆောင်ရမည့် အချိန်ရောက်ပြီဖြစ်သည်။

သူမက ရှစ်မိသားစုရဲ့ ယာယီမဟာမိတ်ဖွဲ့ထားတာကြောင့် ရှစ်ချင်းလျို့နှင့် ရှောင်ဟန်ကျန့်က ရှစ်မိသားစုရဲ့နေအိမ်ကို သွားခဲ့သည်။

ရှစ်မိသားစုက သူတို့ရဲ့ ချွေးမအသစ်ကို မကြည်ဖြူတာကြောင့် ငွေကုန်ကြေးကျ မများချင်တာကြောင့် ရှစ်ချင်းလျို့ကရွာက နွားလှည်းတစ်စီးငှားကာ ဝူမိသားစုက သတို့သမီးကို သွားခေါ်ခိုင်းဖို့ အကြံပေးခဲ့သည်။

ထိုအရာက ဝူမိသားစုကို ဒေါသထွက်စေခဲ့သည်။

အကယ်၍ သူတို့သမီးသာ ဒီလိုအိမ်ထောင်ပြုရပါက သူတို့ ဘယ်လောက်အရှက်ကွဲမည်နည်း။

သူတို့တွေက သည်းမခံနိုင်ကာ နွားလှည်းအစား ဝူမိသားစုက မြင်းလှည်းအစားထိုးပေးခဲ့သည်။

ထို့ကြောင့် မင်္ဂလာရှိသည့်အချိန်ကို နှောင့်နှေးစေခဲ့ကာ ဝူမိသားစုကိုလည်း လူရယ်စရာ ဖြစ်စေခဲ့သည်။

ဝူရှီရှီက လက်မထပ်ချင်သော်လည်း သခင်ကြီးဝူက သူမ လက်မထပ်ချင်ပါက သူမနှင့် သူမအမေ သတ်သေဖို့ ပိုးကြိုးအဖြူ တစ်ချောင်းစီပေးမည့်အကြောင်း ပြောခဲ့သည်။

ဝူရှီရှီက မသေချင်သေးတာကြောင့် သဘောတူခဲ့ရသည်။

ရှစ်မိသားစုရဲ့ စတုတ္ထသားက နွားလှည်းငှားကာ သူမကို လာကြိုသည့်အကြောင်းကြားတော့ မင်္ဂလာပွဲက ထွက်ပြေးချင်စိတ်ပင်ပေါက်ခဲ့သည်။

သူမဘေးက ပုံစံကိုကွယ်ဝှက်ထားကာ နူးညံ့ပြီးဆွဲဆောင်မှုရှိသည့် အစေခံမလေးရဲ့ ဖျောင်းဖျမှုကြောင့် မြင်းလှည်းပေါ် တက်ခဲ့ရသည်။

ရှာ့ရှီရွာကိုရောက်ပြီးနောက် မင်္ဂလာပွဲလုပ်ဆောင်မှုတွေနှင့် ကောင်းကင်ဘုံကို ကန်တော့ပြီးနောက် ဝူရှီရှီကို မင်္ဂလာအခန်းထဲ ပို့ခဲ့သည်။

ပွဲက လူတွေ စားပြီးခါနီးမှာပဲ အစေခံမလေးက ပြောခဲ့သည်။ "မမလေးစားဖို့ စားစရာ သွားယူပေးမယ်။"

ဝူရှီရှီက ဒီအစေခံမလေးရဲ့ အလှကို မနာလိုဖြစ်သော်လည်း သခင်ကြီးဝူက ရှစ်မိသားစုအိမ်မှာ ဒီအစေခံမလေးရဲ့ စကားနားထောင်ဖို့ မှာကြားခဲ့သည်။

သူမက စိတ်မရှည်စွာ လက်ခါယမ်းပြခဲ့သည်။ "သွား။"

အစေခံမလေးက ခပ်ဖွဖွပြုံးကာ တံခါးဖွင့်ပြီး အပြင်ထွက်သွားခဲ့သည်။

မကြာခင်မှာ သူမဘေးကို သက်လတ်ပိုင်း အမျိုးသားတစ်ဦးရောက်လာခဲ့သည်။ "ရှောင်ဟန်ကျန့်က တစ်ယောက်တည်း ပြန်သွားတယ်၊ တံခါးဆီ လိုက်သွားပြီး မမလေးဝူကို တစ်ခုခုယူပေးသလို ဟန်ဆောင်လိုက်၊ အခွင့်အရေးကို အရယူ။"

ရှစ်ချင်းလျို့က သတင်းစကားတစ်ခုကြောင့် အလုပ်ရုံကိုပြန်သွားနှင့်ပြီဖြစ်သည်။

သူမက စိတ်ချပါ ဟူသော အကြည့်ဖြင့်ကြည့်ခဲ့သည်။ "ကောင်းပြီ။"

Prev Next