အပိုင်း ၁၃၆

Chapter 136

လနှစ်သစ်ကူး ညစာ

နှစ်သစ်ကူး​နေ့မ​ရောက်ခင်တွင် ရှန်းယွဲ့၏ အစ်ကိုအကြီးဆုံး ရှန်းယုံနှင့် မရီး ဟူဟုန်တို့က ရှန်းလျန့်ကို ​ခေါ်ကာ မနက်​​စော​စောအချိန်တွင်ပင် ရှန်းမိသားစုအိမ်သို့ ​ရောက်လာကြသည်။

ရှန်းယုံက ရှန်းယွဲ့ထက် ဆယ်နှစ်မက ကြီးပြီး သူ့ပုံစံက ရှန်းယွဲ့နှင့် လုံးလုံးကွဲပြားသည်။ သူက ဘီယာဗိုက်နှင့် သက်လတ်ပိုင်းတရုတ်လူမျိုး စံပုံစံရှိ​ပေသည်။ ရှန်းလျန့်တစ်​ယောက် မိန်းမပျို​လေး တစ်​ထောင်ကို ဆွဲ​ဆောင်နိုင်သည့် မျက်နှာမျိုး ရသည်မှာ သူ့အ​မေကို ​ကျေးဇူးတင်ရမည်ပင်။

ရှန်းယုံက စကားအများကြီး မ​ပြော​ခဲ့​ပေ။ ထန်​​ချောင်း​ချောင်းကို ယဥ်ယဥ်​ကျေး​ကျေး နှုတ်ဆက်လိုက်ပြီး​နောက် ရှန်းယွဲ့ကို ရှာရန် အ​ပေါ်ထပ်သို့ တက်သွား​တော့သည် သူက သူ့ညီဖြစ်သူနှင့် စီးပွား​ရေးကိစ္စများ ​ပြောချင်​နေသည်။

ဟူဟုန်က နှစ်သစ်လက်​ဆောင်ကို အ​စေခံဆီ​ပေးလိုက်ပြီး ဧည့်ခန်းထဲမှ ထန်​ချောင်းချောင်းကို မြင်လိုက်ချိန်တွင် ​ထေ့​ငေါ့​​ပြောချင်​သော သ​​ဘောထားတို့ဖြင့် ရုတ်တရက် ထူးထူးဆန်းဆန်းပုံစံဖြစ်သွားသည်။ 

"လာခဲတဲ့ဧည့်သည်ပါလား... ထန်မိသားစုရဲ့ စတားကလည်း ဒီ​ရောက်​နေတာကိုး... ရှန်းယွဲ့ကလည်း​နော် နှစ်​တွေအကြာကြီး သူအ​မေနဲ့ နှစ်သစ်မှာ အတူကုန်ဆုံးဖို့ ပြန်မလာခဲ့ဘဲနဲ့ အခု​တော့ မိသားစုကို သိတတ်ပြီ​ပေါ့... ​သေချာ​ပါက် လူ​တွေက အိမ်​ထောင်ကျပြီးရင် ​ပြောင်းလဲသွားတတ်ကြတာပဲ"

ထန်​ချောင်း​ချောင်းက သူမ၏ အဆိုးမြင်ဝါဒီကို ဂရုစိုက်မ​နေ​​ပေ။ သူမက အသာအယာပြုံးကာ ​ပြောလိုက်သည်။ 

"ဒါ​ပေါ့... ​ယောက်မလည်း အကြီးဆုံးတူ​လေးကို ​နောက်ပိုင်း ​ယောက်မဆီ မကြာမကြာ လာ​တွေ့ဖို့ အိမ်​ထောင်ပြု​ပေးလိုက်​လေ... သူထန်ရို့နဲ့ မင်္ဂလာစကား ​ပြောပြီးသွားပြီလား... ဘယ်​တော့ လက်ထပ်ပွဲ လုပ်မှာလဲ... ကျွန်မတို့ကို ဖိတ်စာ​ပေးဖို့ မ​မေ့နဲ့အုံး​နော်"

ထန်​ချောင်း​ချောင်း ထန်ရို့အ​ကြောင်း ​ပြောလိုက်ချိန်တွင် ဟူဟုန်၏ မျက်နှာ ပျက်သွားရသည်။

ထန်မိသားစု၏ သမီးက သူမကို လူကုံထံအမျိုးသမီးများကြား မျက်နှာပျက်​စေခဲ့ပြီး သူမသားကလည်း အင်တာနက်တစ်ခွင် ရယ်စားခံခဲ့ရသည်။ သူမက ထန်ရို့အ​ပေါ် ​စိတ်ရင်းဖြင့် ဆက်ဆံ​ပေးခဲ့​သော်လည်း သူတို့က လက်ထပ်ပွဲအ​ကြောင်း ​ဆွေး​နွေး​နေချင်​​သေးသည်။ ​နွေဦးက​​နေ ​ဆောင်းဦးအထိ အိမ်မက်မက်​နေ​လိုက်...

သူမက ​မာမာထန်ထန် ​ပြောလိုက်သည်။ "ရှန်းလျန့်နဲ့ ထန်ရို့က လမ်းခွဲပြီးတာ ကြာလှပြီ... မင်းလည်း ထန်မိသားစုကပဲ... ငါတို့ထက် ပိုသိသင့်​သေးတယ်"

ထန်​ချောင်း​ချောင်းက မ​ပျော်မရွှင် ဖြစ်​သော ​လေသံဖြင့် "သူက ကျွန်မမိသားစုမှ မဟုတ်တာ... ကျွန်မ ဘယ်လိုသိမှာလဲ"

ရှန်းလျန့်က သူ့မိဘများထက် ​နောက်ကျမှ ဝင်လာခဲ့သည်။ သူ​ဝင်လာသည်နှင့် သူ့အ​မေက ထန်ရို့ကို ပျက်ရယ်ပြုနေသည်အား ကြားလိုက်ရသည်။ သူအနည်းငယ် ရှက်ရို့သွားသလိုပင်။ ဘာပဲဖြစ်ဖြစ် သူနဲ့ ထန်ရို့တို့က လမ်းခွဲခဲ့​ပြီးပြီ...

ထန်ရို့နှင့် သူ့​အ​ကြောင်း ​ဖော်ထုတ်ခံလိုက်ရပြီး​နောက် သူအဘက်ဘက်မှ ဖိအားများစွာ ခံစားခဲ့ရသည်။ အထိတ်လန့်ရဆုံးအချက်မှာ ထန်ရို့၏ ဖုံးကွယ်ထား​သော သမီးအတုဟူ​သော အချက်ကို သူ့မိဘများ သိသွားကြခြင်းပင်။

ထန်မိသားစုက ​နောက်ပိုင်းတွင် ရှန်းယုံနှင့် သူ့ဇနီးထံသို့ ကိုယ်တိုင်ကိုယ်ကျ လာ​ရောက်​တောင်းပန်ခဲ့​သော်လည်း အကူအညီမဖြစ်​တော့​ပေ။

ဟူဟုန်၏ ထန်ရို့အ​ပေါ် ချစ်ခင်မှုများက ကွယ်​ပျောက်သွားခဲ့ပြီဖြစ်သည်။ သူမက ရှန်းလျန့်အား ထန်ရို့က သူတို့မိသားစုအတွင်းသို့ လုံးဝ ဝင်နိုင်မည် မဟုတ်​ကြောင်း သိသိသာသာဖြင့် တိတ်တဆိတ် ​ပြောပြခဲ့သည်။ သူမက ထိုကဲ့သို့​​သော ​ချွေးမမျိုးကို မလိုချင်​ပေ။

ထပ်​ပေါင်းရလျှင် ထိုအချိန်၌ သူ့ သရုပ်​ဆောင်အလုပ်သည်လည်း ​ပြောင်းလဲမှုများ ​တွေ့ကြုံခဲ့ရသည်။ သူမနှင့် ပြဿနာများ ပြီး​​နောက် ​သေချာမ ရှင်းလင်းနိုင်သဖြင့် ထန်ရို့က ဖြည်းဖြည်းချင်း သူ့အတွက် ထူးမခြားနားဖြစ်လာသလိုပင်။ ​နောက်ပိုင်းတွင် ထန်ရို့ ပါပါရာဇီများထံမှ ဓါတ်ပုံရိုက်ခံရသည့် ကိစ္စက သူမတမင်သက်သက် လုပ်ခဲ့သည့်ကိစ္စဖြစ်​ကြောင်း မ​တော်တဆ ရှာ​တွေ့ခဲ့ရသည်။ 

ထိုကဲ့သို့​​သော ထန်ရို့၏ပုံစံက သူ့အတွက် ထူးဆန်း​နေသည်။

သူမသိခင်ကပင် သူတို့အကြားမှ ဝိ​ရောဓိက နက်သထက် နက်နဲလာပြီး ဖယ်ထုတ်ရန် ခက်ခဲလာခဲ့သည်။ အရင်က သူမအ​ပေါ် ချစ်ခင်မှုများက ​ပျောက်ကွယ်သွား​လေပြီ။ 

ထူးဆန်းစွာပင် သူလမ်းခွဲရန် ​တောင်းဆိုလိုက်​သောအခါ ထန်ရို့ကလည်း အလွန်ပင် ​​လွယ်လွယ်ကူကူ လက်ခံလိုက်သည်။

ရှန်းလျန့်က သူ့အ​မေနှင့် ထန်​ချောင်း​ချောင်းတို့ကို ထပ်ပြး ငြင်းခုံ မ​နေ​စေချင်​တော့သဖြင့် ဟူဟုန်ကို သူ့အဘွားထံ စကားသွား​ပြောခိုင်းလိုက်သည်။ ဟူဟုန်က ​အေးစက်စွာဖြင့် နှာမှုတ်ကာ ​ခေါင်းကို ​မော့ချီ၍ ထွက်သွား​တော့၏။

ရှန်းလျန့်က ​ပြောသည်။ "မင်းမှာ ထန်မိသားစုနဲ့ ပတ်သက်မှုက​နေ အများကြီး ခံစားခဲ့ရတယ်ဆိုတာ ငါသိပါတယ်... ဒါ​ပေမယ့် သူတို့မိသားစုတစ်ခုလုံး ပြည်ပထွက်သွားကြတယ်ဆိုတာ ငါ​ပြောချင်လို့... ထန်ရို့လည်း လိုက်သွားတယ်"

ထန်​ချောင်း​ချောင်း: "ငါ​ပြောပြီးသား​​လေ... ငါနဲ့ ဘာမှ မဆိုင်ပါဘူးလို့"

ရှန်းလျန့်က သူမကို ​အေးစက်ပြီး ထူးမခြားနား​သော သ​​ဘောထားဖြင့် ကြည့်လိုက်ပြီး ရှင်းမပြနိုင်​အောင်ပင် ဒေါသထွက်သွားရသည်။ "ဘာလို့ အဲ့​လောက် ​သွေး​အေးရတာလဲ...ဘာပဲဖြစ်ဖြစ် သူတို့က မင်းရဲ့မိဘ​တွေပဲ​လေ... ထန်ရို့ကလည်း မင်းညီမပဲ"

ထန်​ချောင်း​ချောင်းက ရယ်​မောလိုက်သည်။ "ရှင်အဲ့လို​ပြော​နေတဲ့အချိန်မှာ ရယ်စရာ​ကောင်းတယ်လို့ မခံစားရဘူးလား... ရှင်က အဲ့​လောက် ချစ်တတ်​နေတာကို ဘာလိုများ ငယ်ချစ်ဦး​ ချစ်သူ​လေးကို စွန့်ပစ်ခဲ့တာလဲ"

"ဒါက ဒါက ငါ့အ​မေ သ​ဘောမတူလို့လေ..." ရှန်းလျန့်က အားနည်း​ဖျော့​တော့စွာ ဆိုသည်။

ထန်​ချောင်း​ချောင်းက နှာမှုတ်လိုက်သည်။ "ဒီလို​ပြောရုံနဲ့ ရှင့်ကိုရှင် နှစ်သိမ့်နိုင်တယ်လို့ ​တွေး​နေရင် ရှင့်ဘာသာ လုပ်ချင်တာလုပ်... ကျွန်မကို လာရှင်းပြစရာမလိုဘူး... ဂရုမစိုက်ဘူး"

ထန်​ချောင်း​ချောင်းက ရှန်းလျန့်၏ မယဥ်​ကျေး​သော မှတ်ချက်များကို ဂရုစိုက်​ရန် မအားပေ။ အဆုံးတွင်​တော့ သူ ထန်ရို့နှင့် လမ်းခွဲရခြင်းအ​ကြောင်းမှာ သူ တကိုယ်​ကောင်းဆန်သည့် အချက်ကြောင့်သာပင်။

ရှန်းလျန့်က လည်နင်ကာ ဆူပူကြိမ်း​မောင်းလိုက်သည်။ "လူ​ကောင်းပုံဖမ်းမ​နေနဲ့... ထန်ရို့နဲ့ငါ ဒီ​​လောက်ထိ ဖြစ်သွားတာ မင်း​ကြောင့်ပဲ... မင်းသာ ထန်မိသားစုကို ပြန်မလာရင် ဒီလိုကိစ္စ​တွေ ဖြစ်လာမှာ မဟုတ်ဘူး"

ထန်​ချောင်း​ချောင်းက မျက်လုံးသာ လှိမ့်မိသွား​တော့သည်၊ ဘယ်လိုအရူးလဲ... "မဟုတ်တာ လုပ်ထားတဲ့လူက အရင် အထွန့်တက်တတ်တာပဲ​နော်... ထန်မိသားစုကသာ ကျွန်မကို ရှာ​တွေ့ပြီး ပြန်​ခေါ်တဲ့သူ​တွေပဲ... ရှန်းယွဲ့နဲ့ လက်ထပ်ပြီးကတည်းက ထန်မိသားစုက​နေ ထွက်လာခဲ့ပြီးပြီ... သူတို့နဲ့ ဘာမှ မပတ်သတ်​တော့ဘူး"

"​သေချာ​တာ​ပေါ့... အရာအားလုံးအတွက် ရှင့်ကို ​ကျေးဇူးတင်ရမှာပဲ... အစတုန်းက ရှင်ကပဲ ကျွန်မကို ရှင့်ဦး​လေးနဲ့ တွဲ​ပေးဖို့ အ​ကောင်းဆုံး ကြိုးစား​ပေးခဲ့တာ​လေ... ​ကျေးဇူးပဲ​နော်" ထန်​ချောင်း​ချောင်းက ပြုံးရွှင်စွာ ​ပြောလိုက်သည်။

ရှန်းလျန့်: "..." သူက​​တော့ ​ကျောက်တုံးကို မပြီး ကိုယ့်​ခြေ​ထောက်ကိုယ် ပစ်ချလိုက်မိသလိုပါပဲလား။

ဟူဟုန်က အမှန်တကယ်တွင် ထွက်မသွားဘဲ ​​ဘေးတွင်ပုန်းကာ ခိုးနား​ထောင်​နေခဲ့သည်။ သူမ၏သား ထန်​ချောင်း​ချောင်းကို ပြန်မ​ချေပနိုင်​​​​တော့ကြောင်း ​တွေ့သွား​သောအခါ မ​နေနိုင်ဘဲ ခုန်ထွက်လာပြန်သည်။ 

"နည်းနည်း​လေး တ​လေးတစား ​ပြောလို့မရဘူးလား... ဒါ ရှန်းမိသားစုအိမ်​နော်... မင်းကို အလိုလိုက်​ပေးမဲ့ ထန်မိသားစုလို ​​​နေရာသေး​​သေး​လေး မဟုတ်ဘူး"

"ရှင်လည်း ဒီ​နေရာမှာ အရမ်းကြီးကြီးမြတ်ပုံ​ပေါ်မ​နေပါဘူး​နော်... မဟုတ်ရင် ​နောက်ဆို ရှင့်မိသားစု ရှန်းဟူလို့ ​ခေါ်ရ​တော့မှာလား... " ထန်​ချောင်း​ချောင်း သူမကို ​လှောင်​ပြောင်လိုက်သည်။

ဟူဟုန်: "နင်..."

"​တော်​​တော့" ရှန်းယုံက ရှန်းယွဲ့ကို ဓါတ်​လှေကားထဲမှ တွန်းထုတ်လိုက်ပြီး​နောက် ဟူဟုန်ကို တည်ငြိမ်​နေ​သော မျက်နှာဖြင့် ​ပြောလိုက်သည်။ 

"တရုတ်နှစ်သစ်ကူးမှာ ဘာလို့ အဲ့​လောက် အာကျယ်အာကျယ်​တွေ​ပြောနေရတာလဲ... ငါ မင်းကို အ​မေ့ဆီ ​အ​ဖော်ပြု​ပေးဖို့ ​ခေါ်လာတာကွ... ငြင်းခုံ​နေဖို့ မဟုတ်ဘူး"

ဟူဟုန်က စိတ်အ​နှောင့်အယှက် ဖြစ်သွားသည်။ "သူကမှ ကျွန်မကို အရင် ရက်ရက်စက်စက် ​ပြောလာတာ"

ရှန်းယုံ: "မဟုတ်တာ​တွေ... မင်းနဲ့ ​ချောင်း​ချောင်းကြား ဘာမ​ကျေနပ်ချက် အာဃာတ​တွေမှ ရှိတာမဟုတ်ဘူး... မင်းရဲ့ အာကျယ်တဲ့ ​ပါးစပ်ကသာ ရန်ဖြစ်စရာအ​ကြောင်းတွေ ရှာမ​တွေ့ရင် အကုန်အဆင်​ပြေသွားမှာ"

ဟူဟုန်မှာ မှားယွင်းစွပ်စွဲခံရသဖြင့် ​မ​ကျေနပ်မှုအပြည့်ပင်။ သူမက သူမ​ယောကျ်ားကပါ ထန်ချောင်း​ချောင်းဘက်သို့ ပါသွားမည်ဟု မ​မျှော်လင့်ခဲ့။ ထိုအ​​ခြေအ​နေမျိုးက မလွယ်ကူ​ပေ။ ထို့​ကြောင့် သူမက ​ဒေါသကို မျိုသိပ်လိုက်ရုံသာ တတ်နိုင်​တော့သည်။

ရှန်းယွဲ့က ဘာစကားမှ မ​ပြောဘဲ သူ့​ရှေ့မှ သရုပ်​ဆောင်​နေကြ​သော လူနှစ်ဦးကိုသာ ကြည်၍ နှုတ်ခမ်း​ထောင့်များ မြင့်တက်လာသည်။

အမှန်တကယ်တွင် ရှန်းယုံက သူ့ညီဖြစ်သူကို တစ်ခါတစ်ရံတွင် အနည်းငယ် ထိတ်လန့်ရဆဲပင်။ မည်သို့ပင်ဆိုစေကာမူ ရှန်းယွဲ့က သူ့အစ်ကိုကြီးကို မျက်နှာသာ ​ပေး​လေ့ရှိ​ပေသည်။

ရှန်းယုံနှင့် ရှန်းယွဲ့က အသွင်အပြင် ကွဲပြားရုံသာမက သူတို့၏ လုပ်​ဆောင်မှုများကလည်း ကွဲပြား​သေးသည်။ ရှန်းယွဲ့က ရဲရင့်ပြီး စီးပွား​ရေးနယ်ပယ်တွင် မထင်မှတ်ထား​သော ဆန်းသစ်တီထွင်မှုများ မကြာခဏ လုပ်​လေ့ရှိပြီး တစ်ဖက်က ရှန်းယုံကမူ သူ့နာမည်ကဲ့သို့ ​ရှေးရိုးဆန်​​ပေသည်။ သူက အ​​ခြေခံအ​နေဖြင့် အာမခံချက်နှင့် ​ရှေ့​ရေး​မျှော်​တွေးမှုများကို လုပ်​ဆောင်​လေ့ရှိသည်။ ရှန်းယွဲ့၏ ကားမ​တော်တဆမှု​​ကြောင့်သာ မဟုတ်ခဲ့ပါက ရှန်းအုပ်စု၏ ​ခေါင်း​ဆောင် ဖြစ်မလာနိုင်​ပေ။

[T/N: ရှန်းယုံရဲ့ "ယုံ"က "ခိုင်ခံ့​သော နံရံ" လို့ အဓိပ္ပါယ်ရပါတယ်]

မည်သို့ပင် ဆို​စေကာမူ ရှန်းအုပ်စုက သူ့လက်ထဲတွင် လွန်ခဲ့သည့် နှစ်နှစ်တာကတည်းက ရှိ​​နေခဲ့သည်။ တိုးတက်မှုက သာမန်မျှသာ ဖြစ်ပြီး အသစ်အသစ်သောလူများကလည်း သူတို့၏ လုပ်ငန်းအချို့ဆီသို့ ဖြန့်ကျက်ဝင်​ရောက်လာကြသည်။ 

ရှန်းယုံ မူလက ​တွေးခဲ့သည်မှာ သူသာ ရှန်းအုပ်စု၏ ​ခေါင်း​ဆောင် ဖြစ်လာပါက သူ့ညီထက် မြင့်သည့်​နေရာတွင် ရပ်နိုင်ပြီဟုပင်။ သူက ရှန်းယွဲ့ ထို​နေရာကို သူ့လက်ထဲမှ ပြန်လုယူမည်ကိုလည်း အမြဲတ​စေ သတိထားခဲ့ရသည်။

သို့​သော်လည်း ညီအစ်ကို နှစ်​ယောက်က နံရံကို ဖြိုဖျက်မည့် ဒရာမာမျိုးကလည်း တစ်ခါမှ ဖြစ်မလာခဲ့​ပေ။ သူ အဘယ်​ကြောင့် ဖြစ်ရသည်ကို သ​ဘော​ပေါက် သွားခဲ့​လေပြီ။ ရှန်းယွဲ့က ထိုအ​ကြောင်းကို လုံးလုံး ဂရုမစိုက်ခဲ့သည့် အတွက်ကြောင့်သာ။ သူ့ကိုယ်ပိုင် ကုမ္ပဏီ ​အောင်းရှင်း ရင်းနှီမြှုပ်နံ​ရေးက စီးပွား​ရေး လောကတွင် ဦး​ဆောင်သူ ဖြစ်လာခဲ့သည်။ ယခုတွင်ပင် ရှန်းအုပ်စု၌ ပ​ရောဂျက်ကြီးတစ်ခု ရှိလာခဲ့ပြီး သူ့မှာ အကူအညီအတွက် ရှန်းယွဲ့ဆီကို ​ဦးလှည့် နေရ​ပေပြီ။

အခု​လေးတွင်ပင် ရှန်းယုံက အ​ပေါ်တက်ကာ ရှန်းယွဲ့နှင့် စကား​ပြောလာခဲ့သည်။ သို့​​သော်လည်း ရှန်းယွဲ့က ချက်ချင်း သ​ဘောတူမလာခဲ့​ပေ။ သူက စဥ်းစားဦးမည်ဟုသာ ပြောလာခဲ့သည်။ ထိုအ​ခြေအ​နေတွင် သူက ဟူဟုန်နှင့် ရှန်းလျန့်ကို ရှန်းယွဲ့၏ မိန်းမအား ဆန့်ကျင်ပြီး သူ့ဆီ ဒုက္ခများ သယ်လာမည်ကို ခွင့်မပြုနိုင်​ပေ။

မတိုင်မီကပင် ရှန်းလျန့်က ပြစ်မှုတစ်ခုကို စုံစမ်း ​မေးမြန်းသည့်ပုံ မာန်တက်​နေ​သော အမူအယာ ရှိခဲ့သည်။ သူ့အ​ဖေ ထွက်လာသည်ကို ​တွေ့လိုက်သည်နှင့် ချက်ချင်းပင် နှုတ်ဆိတ်သွား​တော့သည်။ ထို့​နောက် အရာအားလုံး ​သေချာ မြင်လိုက်ပုံရ​သော ရှန်းယွဲ့ကို ​တွေ့လိုက်ရသည်။ သူကသိက​အောက် ဖြစ်သွား​သော်လည်း နာခံစွာဖြင့် ​ခေါ်လိုက်သည်။

 "ဦး​လေးငယ်"

ရှန်းယုံက ​အေးစက်စွာ ​ပြောလိုက်သည်။ "မင်း အခု​လေးတင် ဦး​လေးငယ်ကို နှုတ်ဆက်လိုက်တယ်... ​ချောင်း​ချောင်းကို​ရော နှုတ်ဆက်ပြီးပြီလား"

"သူ့ကို နှုတ်ဆက်ရမှာလား" ရှန်းလျန့်က ခံစားချက်မရှိသည့် မျက်နှာမျိုး ပြလာသည်။

"သူက မင်းရဲ့ အ​ဒေါ်ပဲ​လေ... ငါတို့ မင်းကို စည်းကမ်း​တွေသင်ထားတာ အလကား မဟုတ်ဘူး" ရှန်းယုံက ​ပြောလိုက်သည်။

ဟူဟုန် သူမသားကို ပို၍ အ​နေမကျပ်​စေလို​တော့​ပေ။ 

"သူတို့နှစ်​ယောက်က ရွယ်တူ​တွေပဲ​လေ... ထားလိုက်ပါ... လူငယ်​တွေက ဒါမျိုး​တွေ သိပ်မကြိုက်ကြဘူး"

ရှန်းလျန့်က တိုးတိုး​ရေရွတ်လိုက်သည်။ 

"သူ့ကို အ​ဒေါ်လို့ ​ခေါ်ရမှာလား... မဖြစ်နိုင်တာ..."

" မင်း ဘာ​ပြောလိုက်တာလဲ" ရှန်းယုံက အသံမာမာဖြင့် ​ပြောလိုက်သည်။ "သူက မင်းထက် ငယ်​နေရင်​တောင် ​ခေါ်ရမယ်... ဒါ​လောကဝတ်ပဲ"

ရှန်းယွဲ့နှင့် ထန်​ချောင်း​ချောင်းတို့က အချင်းချင်း ကြည့်လိုက်ကြသည်။ သူတို့နှစ်​ယောက်က အသံမပြုဘဲ နှုတ်ခမ်းကိုသာ တွန့်​ကွေး​နေပြီး ထိုသုံး​ယောက် သရုပ်​ဆောင်ကြမယ့် အရာရာတိုင်းကို ကြည့်ရန် အသင့်ပြင်ထားလိုက်သည်။

Xxxxxxx