အပိုင်း ၁၄၀

Chapter 140

မေတ္တယျ ဗုဒ္ဓ

ထန်​ချောင်း​ချောင်း နှင်းလူ၏ အစိတ်အပိုင်းများနှင့် အလှဆင်ပစ္စည်းများ တပ်ဆင်လိုက်ပြီး​နောက်တွင် နှင်းလူသား၏ မျက်နှာက လူတိုင်း​ရှေ့တွင် ထွက်​ပေါ်လာ​တော့သည်။

၎င်းက အမှန်တကယ်တွင်မူ ​မေတ္တယျ ဗုဒ္ဓပုံသာ ဖြစ်​နေသည်။

ထန်​ချောင်းချောင်းက ​မေတ္တယျ ဗုဒ္ဓအတွက် နားရွက်ရှည်ကြီးနှစ်ခုကို ဂရုတစိုက် လုပ်​ပေးလိုက်ပြီး အနက်​ရောင် ဖန်လုံး နှစ်ခု ဖြင့် မျက်လုံး​​ကွေး​လေးများနှင့် ရယ်​မောနေ​သော နှုတ်ခမ်းတစ်စုံကိုလည်း ပုံ​ဖော်ထားခဲ့သည်။ 

​နောက်ထပ် ထန်​ချောင်း​ချောင်းက မေတ္တယျ ဗုဒ္ဓ၏ ပွင့်ဟ​နေသော ရင်ဖတ်နှင့် ရင်သား​နေရာတွင် ခရမ်းနီ​ရောင် အဝိုင်းအကြီးကြီး နှစ်ခုကိုလည်း တပ်​ပေးထားခဲ့သည်။

အ​​ဝေးမှ ကြည့်လျှင်ပင် ရယ်​မော​နေ​သော သက်ရှိ ဗုဒ္ဓကို မြင်​တွေ့ရသကဲ့သို့ ဖြစ်​နေသည်။

ရှန်းယွဲ့က စိတ်ရှုပ်​ထွေးသွားပုံပင်။

ရှန်းယုံမိသားစုမှ သုံး​ယောက်သားကလည်း ကြက်​သေ​သေသွား​တော့သည်။

ထန်​ချောင်း​ချောင်းက ​လှေကား​ပေါ်မှ ဆင်းလိုက်ပြီး​နောက် သူမ၏ လက်ရာ​အပေါ်တွင် အ​တော်​လေး စိတ်​​ကျေနပ်သွားခဲ့သည်။ သူမက လှည့်ကာ ရှန်းယွဲ့ကို စိတ်အားထက်သန်စွာဖြင့် ​မေးလိုက်​လေသည်။ 

"ဘယ်လိုလဲ... တူရဲ့လား"

ရှန်းယွဲ့၏ အမူအယာက ရှုပ်​ထွေး​နေသည်။ "ဘယ်လိုလုပ် ​မေတ္တယျ ဗုဒ္ဓ လုပ်ဖို့ ​တွေးမိတာလဲ"

ထန်​ချောင်း​ချောင်းက နှုတ်ခမ်းဆူကာ ​ပြောလိုက်သည်။

 "တကယ်က ချမ်းသာခြင်း နတ်ဘုရားကို လုပ်မလို့​လေ... ချမ်းသာခြင်း နတ်ဘုရားရဲ့ အဝတ်အစား​တွေကျ ရှုပ်​ထွေးလွန်းလို့ လက်​​လျှော့လိုက်တာ... ​မေတ္တယျဗုဒ္ဓက ရယ်​မောခြင်း နတ်ဘုရား​လေ... နှစ်သစ်ရဲ့ ပထမဆုံး​နေ့မှာ အနာဂါတ်မှာ လူတိုင်းကို မကြာခဏ ရယ်​မောနိုင်​စေဖို့ ​ဆု​တောင်း​ပေးလိုက်တာ"

'ချမ်းသာခြင်း နတ်ဘုရားလား'

ရှန်းယွဲ့က ရှန်းမိသာစု ခြံဝင်းတွင် ချမ်းသာခြင်း နတ်ဘုရား ​ရွှေ​​ချောင်းကို ကိုင်လျက် ရပ်​နေမည့် မြင်ကွင်းကို ​တွေးကြည့်မိလိုက်သည်။ ထန်​ချောင်း​ချောင်း သူမစိတ်ကူးကို ​ပြောင်းလိုက်သည့်အတွက် ​ကျေးဇူးတင်ရမည်လားပင် မ​ပြောတတ်​တော့။

ထန်​ချောင်း​ချောင်းက ​ပြောသည်။ 

"အဆင်​ပြေလား မ​ပြေလား မ​ပြောရ​သေးဘူး​လေ"

"အဆင်​ပြေတယ်"

သူတို့​နောက်မှ ကျယ်​လောင်​သော ကြည်ညိုသံထွက်လာခဲ့သည်။ မဒမ်ရှန်းက ထူထဲ​သော ဂွမ်းဂျက်ကတ်ကို ဝတ်ထားပြီး အံ့သားသင့်​နေ​သော ​မျက်နှာနှင့် ​မေတ္တယျ ဗုဒ္ဓဆီသို့ ​ပြေးလာကာ အ​မောတ​ကော ဆိုသည်။ 

"လက်ရာမြောက်လွန်းတယ်... ​ချောင်း​ချောင်း သမီးကိုယ်တိုင် လုပ်ထားတာ​လား"

ထန်​ချောင်း​ချောင်းက ပြုံးကာ ​ခေါင်းငြိမ့်ပြလိုက်သည်။

"တကယ် လက်ရာ​မြောက်တယ်... ငါ ရှိခိုးရမယ်" အ​မေရှန်းက ​မေတ္တယျဗုဒ္ဓကို ဦးညွှတ်လိုက်သည်။ ရှန်းယွဲ့က သူမနှင့် ထန်​​ချောင်း​ချောင်းတို့က အ​မေနှင့် သမီးအစစ် ဖြစ်သင့်သည်ဟု ​တွေးမိသွားသည်။ မဟုတ်လျှင် သူတို့၏ အ​တွေးများက အဘယ်​ကြောင့် တူညီ​နေရမည်နည်း။

မဒမ်ရှန်းက နှင်းလူရုပ်ကို ​ခေတ္တမျှသာ ကြည့်နိုင်သည်။ အဆုံးမှာ သူမက အပြင်ဘက်က အ​အေးဒဏ်ကို ခံနိုင်ရန် အသက်ကြီးလွန်း​နေ​ပေပြီ။ သူမက ပြန်မဝင်ခင် သူတို့ကို အပြင်တွင် အကြာကြီး မ​နေရန် ​ပြောခဲ့​​သေးသည်။

ထန်​ချောင်း​ချောင်းက နှင်းလူကို ကြည့်​လေ​လေ စိတ်​ကျေနပ်လေ​လေပင်။သူမက ထိုကဲ့သို့​သော လက်ရာကောင်းမျိုးကို သူမချည်းသာ တန်ဖိုးထားရန်မသင့်ဟု ​တွေးမိသဖြင့် ဖုန်းကို ထုတ်၍ သူမ၏ ချစ်လှစွာ​​သော ဖန်​လေးများကို ပြသရန် ပြင်ဆင်လိုက်သည်။

တိုက်ရိုက်မလွှင့်သည်မှာလည်း အ​တော်ကြာ​နေပြီဖြစ်သဖြင့် ထန်​ချောင်း​ချောင်းက တိုက်ရိုက်ကြည့်ရှုမှုကိုသာ တန်းဖွင့်လိုက်သည်။ နှစ်သစ်၏ မနက်အချိန်တွင် လူအ​တော်များများက အိမ်တွင်သာ ​နေ​နေကြသည်။ သူမ၏ တိုက်ရိုက် ထုတ်လွှင့်မှု စတင်သည်နှင့် ဖန်​အ​တော်များများက ချက်ချင်း တိုးဝင်လာကြ​တော့သည်။

"​​ဟေး လူတိုင်း Happy New Yearပါ... မင်းတို့အားလုံး ချမ်းသာ ကြွယ်ဝပြီး ကံ​ကောင်းကြဖို့ ဆု​တောင်း​ပေးပါတယ်..." 

ထန်​ချောင်း​ချောင်းက လက်အိတ်ဝတ်ထား​​သော လက်​လေးများဖြင့် ကင်မရာသို့ လက်ကို ​ဝှေ့ယမ်းပြလိုက်သည်။ ပန်းပွားလုံး​လေးနှစ်ခုက သူမ၏ ဦးထုပ်​ဘေးဘက်များမှ တွဲ​လောင်းကျ​နေခဲ့သည်။ သူမ၏ ပါးအို့​လေးများက အ​အေးဒဏ်​ကြောင့် နီရဲ​နေ​သော်လည်း အသားအရည်​လေးကမူ နှင်းကဲ့သို့ ဆွတ်ဆွတ်ဖြူ​နေ​ပေသည်။ သူမ၏ အရည်လဲ့​နေ​သော မျက်လုံး​လေးများက ​ကျောက်နက်​လေးများကဲ့သို့ပင် အလွန်လှပ​နေခဲ့​ပေသည်။

[ ​New Year​နေ့မှာ ချောင်းပေါင်ရဲ့ liveကို ကြည့်ရ​တော့မယ်ကွ]

[​ချောင်း​ပေါင်ရဲ့ နှစ်သစ်ကူး​နေ့ အနီ​ရောင် ဦးထုပ်​လေး ​ဆောင်းထားတာက ချစ်စရာ ​ကောင်းလိုက်တာ]

[မင်း ချက်ပြုတ်တာကို တိုက်ရိုက် လွှင့်မလို့လား]

ထန်​ချောင်း​ချောင်းက တိုက်ရိုက်ထုတ်လွှင့်မှု စကား​ပြောခန်းကို ကြည့်လိုက်ပြီး ပြုံးကာ ​​ပြောလိုက်သည်။ 

"ဒီ​နေ့ရဲ့ တိုက်ရိုက်ထုတ်လွှင့်မှုက ဟင်းချက်ပြဖို့ မဟုတ်ပါဘူး... မ​နေ့က နှင်း​တွေအများကြီးကျတယ်​လေ... ကျွန်မ အခု​လေးတင် နှင်းလူရုပ်လုပ်ထားတာ... ရှင်တို့ကို ကျွန်မရဲ့ လက်ရာ​လေး ပြမလို့"

"တဒါ.... မှန်းကြည့်... ကျွန်မ ဘာလုပ်ထားတာလဲ မှန်းကြည့်​လေ"

ထန်​​ချောင်း​​ချောင်းက စိတ်လှုပ်ရှားစွာဖြင့် ဖုန်းကင်မရာကို နှင်းလူရုပ်ထံ လှည့်ပြလိုက်သည်။ သူမက နှင်းလူရုပ်၏ ​အောက်​ခြေမှ အ​ပေါ်သို့ တဖြည်းဖြည်း မြှင့်ပြလိုက်ပြီး ကြည့်ရှုသူများကလည်း ကင်မရာ​နောက်လိုက်ကာ ခန့်မှန်း​နေကြသည်။

ကြည့်ရှုသူများမှာ ထိုနှင်းလူက အ​တော်​လေးကြီးကာ အရပ်ရှည်လှသည်ဟု ​တွေး​နေကြသည်။ အ​တော်ကြာသည်အထိ အ​​ပေါ်ဆုံးသို့ပင် မ​ရောက်​သေးပါ​ချေ။

ထန်​ချောင်း​ချောင်းက ရိုက်ကူး​နေရင်းပင် ကြည့်ရှုသူများ၏ သိလိုစိတ်များကို ဆွဲယူ​နေ​လေသည်။

"ဒါက ဝမ်းဗိုက်​လေ... ပြီး​တော့ အ​ပေါ်က..." 

သို့​သော်လည်း သူမ​ပြော၍ မပြီးခင်မှာပင် တိုက်ရိုက်ထုတ်လွှင့်မှုက ရုတ်တရက် မဲ​မှောင်သွားသည်။ ​ပေါ်လာသည်မှာ "သင့်ရဲ့ တိုက်ရိုက်ထုတ်လွှင့်မှုမှာ ညစ်ညမ်းတဲ့ အ​ကြောင်းအရာအချို့ ပါ​နေသည်ဟု ယူဆရသဖြင့် 12နာရီ blockခံရမည်"ဟူ၍ပင်။

ထန်​ချောင်း​ချောင်း: 'မြှောင်​မြှောင်'။

သူမက ဥပ​ဒေကို လိုက်နာတဲ့ အမျိုး​ကောင်းသမီး​လေးပါ​... အသိုင်းအဝိုင်းထဲ ဂုဏ်သ​ရေရှိတဲ့သူ ဖြစ်တဲ့အပြင် ​ပေါင်းသင်းရလွယ်ပြီး ကြင်နာတတ်​သေးတယ်... သူမက စည်းမျဥ်း​တွေ ချိုး​ဖောက်တယ်ဆိုတာ ဘယ်လိုဖြစ်နိုင်မှာလဲ...

စိတ်အားထက်သန်စွာ ကြည့်ရှု​နေကြသူများကလည်း တစ်ခဏမျှ ရှုပ်​ထွေးသွားသည်။ သူတို့က screenshotsများ ရိုက်ကာ ​အဘယ့်​ကြောင့် သူတို့ လက်လွတ်စပယ် blockခံရသည့်အ​ကြောင်းကို ​ဝေ့​ပေါ် လက်​​ထောက်​လေးထံ ​မေးမြန်းလာကြသည်။

ရှန်းယွဲ့က ထန်​ချောင်း​ချောင်း ကြက်​သေ​သေ​နေပုံရသည်ကို ​တွေ့လိုက်ရသဖြင့် ​မေးလိုက်သည်။ "ဘာလို့ ရပ်လိုက်တာလဲ"

ထန်ချောင်း​ချောင်းက ထုံထုံအအဖြင့် ​ပြန်​ဖြေလိုက်သည်။ "ကျွန်မ blockခံလိုက်ရတယ်"

သူမက ရှန်းယွဲ့ကို တိုက်ရိုက်ထုတ်လွှင့်မှုမှ စာ​ကြောင်းအား ပြလိုက်ပြီး​နောက် သူက ​​မေးလာခဲ့သည်။

 "မင်း... ခုနက ဘယ်​နေရာကို ရိုက်​နေတာလဲ" 

"ကျွန်မ ရင်ဘတ်ကို ရိုက်လိုက်တာ... " ထန်​ချောင်း​ချောင်း မျက်လုံးများ ပြူးကျယ်သွားသည်။ အိုး... နားလည်သွားပြီ"

သူမ ခုနက တိုက်ရိုက်ထုတ်လွှင့်တဲ့ အချိန်တုန်းက နှင်းလူရဲ့ ရင်ဘတ်ကို ရိုက်မိလို့ စည်းမျဥ်း​တွေ ချိုး​ဖောက်တယ်လို့ ယူဆလိုက်လိုက်ကြတာ​ပေါ့...

ဝူး...

သူမက တုံ့​​အော် ထက်​တောင် မှားယွင်းစွပ်စွဲခံရတာ​ပဲ...။

[T/N တုံ့​အော်က ကွမ်ဟန်ချင်း ​ရေးတဲ့ "တုံ့​အော်ရဲ့ မတရားခံရမှု" လို့​​ခေါ်တဲ့ ယွမ်မင်းဆက်က ဝမ်းနည်းစရာ ဇာတ်လမ်းတစ်ပုဒ်ရဲ့ အဓိက ဇာတ်​ကောင်ပါ... ဇာတ်လမ်းက အ​တော်​လေး ရှည်ပါတယ်... Googleမှာ Injustice to Dou Eဆိုပြီး ရှာနိုင်ပါတယ်]

ရှန်းယွဲ့သည်လည်း ကိစ္စများကို ဤသို့ ထူးဆန်းကာ ရယ်​မောစရာ ကိစ္စဖြစ်လာမည်ဟု မထင်ထားခဲ့​ပေ။ ထန်​ချောင်း​ချောင်းက အမှန်တကယ်ပင် ​သူ၏ ပျော်စရာ သစ်သီး​လေးပင်။

ထန်​ချောင်း​ချောင်း စိုက်ကြည့်ခြင်းကို ခံလိုက်ရပြီးမှ သူပြုံးကာ ​ပြောလိုက်သည်။ 

"ဒီဘက်က​ ​ပြော​နေတာ မင်းလုပ်ထားတဲ့ နှင်းလူက အသက်ဝင်လွန်းတယ်တဲ့... မင်းကို အဲ့ဒီ အနီ​ရောင် အစက်ကြီးကြီး ချထားရမယ်လို့ ​ပြောလို့လဲ... ​တွေးတတ်လိုက်တာ"

ထန်​ချောင်း​ချောင်းက ​ဒေါသတကြီး ​ပြောလိုက်သည်။ "​ကျေးဇူးပါ​နော်"

ဤအကြိမ်က ထိုကဲ့သို့ အ​ခြေအ​နေကို ကြုံဖူးခြင်း ဖြစ်သည်။ သူမ ​မေတ္တာရပ်ခံနိုင်မည့် ကိစ္စတစ်ခုခု ရှိမည်လားဟု ရှာ​ဖွေရအုံးမည်ပင်။

ရှန်းယွဲ့က အ​တော်ကြာရယ်​မောခဲ့ပြီးသွား​လေပြီ။ သူက ဖုန်းကို ​ကောက်ကိုင်ကာ ​မေတ္တယျဗုဒ္ဓ​၏ ပုံကို ရိုက်ယူလိုက်သည်။ လည်ပင်း ​အောက်ပိုင်းနှင့် ဝမ်းဗိုက်​အ​ပေါ်ကို ​နေရာကို ချိန်ထားခြင်းဖြစ်သည်။ ထိုပုံကို ​​အောက်ပါစာ​ကြောင်းဖြင့် ​ဝေ့​ပေါ်တွင် တင်လိုက်သည်။ "သူ​ပြောတာ သူက တုံ့​အော် ထက်​တောင် မတရားခံ​နေရတယ်တဲ့...@​ဝေ့​ပေါ်လက်​​ထောက်​ရေ

[ကိစ္စက ဒီလို​ပေါ့... ငါ​ပြောပါတယ် ထန်​ချောင်း​ချောင်းရဲ့ တိုက်ရိုက်ထုတ်လွှင့်မှုမှာ ဘယ်လို ညစ်ပတ်တဲ့ အရာကများ ရှိ​နေမှာလဲလို့... ဒါက ဒီလို ဖြစ်​သွားတာကိုး ဟားဟားဟား

[အိုးမိုင်​ဂေါ့... နှစ်သစ်ရဲ့ ပထမဆုံးရက်မှာတင် ကျယ်ကျယ်​လောင်​​လောင် ရယ်ချလိုက်ပြီ... ထန်​ချောင်း​ချောင်းက ​မေတ္တယျ ဗုဒ္ဓကို ဒီ​​လောက်မြင့်​အောင် လုပ်ထားတယ်... ​သေစမ်း]

[လူတိုင်းက ​နေရာတိုင်းမှာ အဝါအ​ရောင် ​ဆန်ကုန်​မြေ​လေး ကိစ္စ​တွေ လုပ်​နေကြတာပဲကို တစ်​ယောက်​ယောက်က နှင်းလူရဲ့ ပုံ​လေး ရိုက်မိတော့ ဘ​လော့တယ်​ပေါ့... ဆင်ဆာဖြတ်တဲ့​ကောင် ထွက်လာရင် အရိုက်ခံရသင့်တယ်]

[နှင်းနဲ့ လုပ်ထားတာလေး​တောင် တိုက်ရိုက်ထုတ်လွှင့်မှုက blockခံရတယ် ​ချောင်း​ပေါင်​လေး တုံ့​အော် ထက် မတရားခံ​နေရတာပဲ]

...

ထန်​ချောင်း​ချောင်း ရှန်းယွဲ့၏ ​ဝေ့​ပေါ်ကို ​တွေ့ပြီး​နောက် အထွန့်တက်လိုက်သည်။ 

"ရှင် ကျွန်မရဲ့ နှင်းလူကို ​ဖော်လိုက်ပြီ... စိတ်ဝင်စားစရာ ​ကောင်း​တော့မှာ မဟုတ်ဘူး"

ရှန်းယွဲ့ ​ပြောသည်မှာ "မင်းရဲ့ နှင်းလူက ဘယ်​လောက်ပဲ ဆန်းကြယ်​နေပါ​စေ... မင်းသာ blockခံထားရရင် ဒါ​ကိုတောင် စဥ်းစားနိုင်မှာ မဟုတ်ဘူး"

ထန်​ချောင်း​ချောင်း: ...

ရုတ်တရက်ပင် ကြည့်ရှုသူအုပ်လိုက်ကြီးက ထိုပုံနှစ်ပုံကို ကိုင်ကာ ထန်​ချောင်း​ချောင်း၏ မတရားမှုကို ​ဖော်ထုတ်လိုက်ကြပြီး ဆင်ဆာ​ကောင်​လေး၏ အာရုံစိုက်မှု ရသွားခဲ့သည်။ နားလည်မှု လွဲသည်ကို သိသွား​သောအခါ သူမ တိုက်ရိုက်ထုတ်လွှင့်မှုသည်လည်း ရုတ်တရက် block​ပြေသွားသည်။

သို့​သော်လည်း ထန်​ချောင်း​ချောင်း တိုက်ရိုက်ထုတ်လွှင့်မှု ပြန်ရလာချိန်တွင် 

ကြည့်ရှုသူများက လနှစ်သစ်၏ ပထမဆုံးရက်တွင် ရှန်းယွဲ့က ထန်​ချောင်း​ချောင်းနှင့် အတူရှိ​နေရသည့်အ​ကြောင်းကိုသာ ပိုစိတ်ဝင်စား​နေကြသည်။ သူတို့နှစ်​ယောက် အတူတူ​နေကြပြီလား စသည်ဖြင့်ပင်...

မည်သူကမှ သူမ နှစ်နာရီကြာ​အောင် ကြိုးစားခဲ့ရသည့် လက်ရာ​လေးကို ဂရုမစိုက်ကြ​ပေ။

ထန်​ချောင်း​ချောင်းက သူ့လက်များကို ရဲရဲတင်းတင်း ဖြန့်ကား​နေသည့် ရှန်းယွဲ့ကိုသာ စိုက်ကြည့်မိ​တော့သည်။

အဆုံးတွင် သူမက စကားအများကြီး မ​ပြော​တော့ဘဲ တိုက်ရိုက်ထုတ်လွှင့်မှုကိုသာ ပိတ်လိုက်​တော့သည်။ သို့​သော်လည်း လမင်းယုန်​လေး CP ဖန်များက သူတို့အ​ကြောင်းကို ဂရုစိုက်​နေဆဲပင်။

ထန်​ချောင်း​ချောင်းက ထိုနှစ်သစ်တွင် နှစ်ရက်ခန့်သာ နားခဲ့ပြီး ဇာတ်ညွှန်းတစ်ခုက သူမ၏ တံခါးဝအထိ ​ရောက်လာခဲ့သည်။ ဒါရိုက်တာက ထန်​ချောင်း​ချောင်း၏ အသည်း ​ခေါက်ဆွဲအ​ရောက​နေ ဖမ်းမိသွားခဲ့သည့် လူများထဲမှ တစ်​ယောက် ဖြစ်သည်။

သူ "ငါတို့မိသားစု" အဖွဲ့တွင် ဧည့်သည်အဖြစ် ပါဝင်ခဲ့စဥ်က ချမ်​ပျောင်က ထန်​ချောင်း​ချောင်း၏ သရုပ်​​ဆောင်မှုက သဘာဝဆန်ပြီး ကိုယ်ပိုင် အ​ရောင်အဝါလည်း ရှိ​နေသည်ကို ​တွေ့ခဲ့ရသည်။ ထိုအချိန်ကတည်းက သူ ထန်​ချောင်း​ချောင်းနှင့် အလုပ်တွဲလုပ်နိုင်မည့် အခွင့်အ​ရေးကို ရှာ​ဖွေ​နေခဲ့သည်။ မကြာ​သေးမီက သူမက အချိန်တစ်ခုအထိ ရှိုးများကို ရိုက်ကူးမည်မဟုတ်ကြောင်း ကြားသိခဲ့ရပြီး သူသည်လည်း အလွန်​ကောင်းမွန်သည့် တီဗွီဒရာမာ ပ​ရောဂျက် တစ်ခု လက်ထဲရှိ​နေခဲ့သည်။ ဝူလင်းနှင့် ပြန်လည်တိုင်ပင်ပြီးနောက် သူသည်လည်း တီဗွီဒရာမာ နယ်ပယ်နှင့် အကျွမ်းတဝင်ရှိ​​လာခဲ့​လေပြီ။

ဤတစ်ကြိမ်က သူ တီဗွီစီးရီး ရိုက်ကူးရန် ပထမဆုံး ယုံကြည်မှု ရခဲ့ခြင်းဖြစ်သည်။ ချမ်​ပျောင်က သရုပ်​ဆောင် ရွေးချယ်ခြင်းကို အလွန်အ​လေးထား​နေသည်။ ထန်​ချောင်း​ချောင်းမှ လွဲ၍ ပိုမိုသင့်​တော်​သော ဇာတ်လိုက်ကို မစဥ်းစားမိပေ။

ချမ်​ပျောင်က သူအနည်းငယ် အတ္တကြီးမိ​ကြောင်းကို ဝန်ခံပါ၏။ ​ကောင်းပြီ​လေ... အနည်းငယ်ထက်​တော့ ပိုတာ​ပေါ့... သူက ထန်​ချောင်း​ချောင်း၏ အရသာရှိ​သော အစားအ​သောက်များကို ​​လောဘတက်မိ၍ သူမအတွက် ဇာတ်လိုက်​နေရာကို ​ပေးရန် ဆန္ဒရှိ​နေခြင်းဖြစ်သည်။

ထို တီဗွီစီးရီး၏ ဇာတ်လိုက်က လူနှစ်​ယောက်ပင်- ကွဲပြားသော ကိုယ်ရည်ကိုယ်​သွေးများ ရှိကြသည့် အမွှာ ညီအစ်မတစ်တွဲဖြစ်သည်။

ထိုအ​ကြောင်းကို ချမ်​ပျောင်က ထန်​ချောင်း​ချောင်းကို ​ပြောခဲ့သည်။ "​နေရာနှစ်ခု သရုပ်​ဆောင်ရမှာ... နှစ်ခုလုံးက ဇာတ်လိုက်ပဲ... တကယ့်ဇာတ်လိုက်အ​​ကောင်ကြီး​တွေ​နော်... အဲ့လို ဆိုရင်​​ရော... ရင်ထဲ မထိသွားဘူးလား"

သူက ထပ်​ပြော​သေးသည်။ "အဲ့ညီအစ်မ​တွေရဲ့ အကျင့်​တွေက မင်းနဲ့တူတယ်... တစ်​ယောက်က နူးညံ့ပြီး အားနည်းတယ်... တစ်​ယောက်က အရမ်း အားသန်တယ်"

ထန်​ချောင်း​ချောင်း: "​စောင်း​ပြော​နေတာပဲ"

သူမမှာ ပုံစံနှစ်မျိုး ရှိတယ်ဆိုပြီး ​ပြော​နေတယ်လို့ ​ခံစား​နေရပါလိမ့်... သူမက အဲ့လိုဟုတ်လို့လား...

လူ​တွေ ​​ပေါက်ကရ လာ​ပြော​ရင် ​သေ​လောက်တဲ့အထိ ကန်​ပေးလိုက်မယ်...

အဆုံးတွင် ထန်​ချောင်းချောင်းက အဓိက ​မေးခွန်းကို ​မေးလိုက်သည်။ 

"ဒါဆို ဝင်​ငွေက​ရော နှစ်ဆရမှာလား"

ချမ်​ပျောင်: ...

နှစ်ဆမဟုတ်သော်လည်း ​သေချာ​ပေါက် နည်းမည် မဟုတ်​ပေ။

Xxxxxxx