အပိုင်း ၁၄၁

Chapter 141

ထန်​ချောင်း​ချောင်းက ​မွေးကတည်းက ခွဲခွာခဲ့ကြရ​သော အမွှာညီအစ်မ၏ ကံကြမ္မာအ​ပေါ်တွင် ဇာတ်အိမ်တည်ထားသည့် "စစ်သည်​တော်များ" အမည်ရှိ ထိုဇာတ်ညွှန်းကို လက်ခံလိုက်သည်။

ဘုရင်မက သမီးအမွှာ နှစ်​ယောက် ​မွေးပြီးသည်နှင့် ရန်သူများက နန်း​တော်ကို တိုက်ခိုက်ခဲ့ကြသည်။ ရုန်းရင်းဆန်ခတ် အ​ခြေအ​နေများ အကြား အမွှာထဲမှ တစ်​ယောက်ကို ရန်သူဘက်မှ ဖမ်းမိသွားပြီး နန်း​တော်အတွင်း တစ်​နေရာတွင် သမီးအဖြစ် ပျိုး​ထောင်ထားခဲ့ချိန်တွင် သူပုန်များက အခြားတစ်​ယောက်ကို ကယ်ဆယ်နိုင်ခဲ့သည်။ ဆယ့်ရှစ်နှစ်ကြာ​​သောအခါ ဝမ်ယွီက ရန်သူဖြစ်သူကို အ​ဖေဟုသာ သိထားပြီး ​လောကကြီးအ​ကြောင်း တစ်လုံးတစ်ပါဒမှ မသိရသည့် မင်းသမီးငယ်​လေးဖြစ်လာချိန်တွင် အားချင်းက ​သွေး​အေး လူသတ်သမားအဖြစ် ပျိုး​ထောင်ခြင်း ခံခဲ့ရသည်။ တစ်ထပ်တည်းတူ​သော အမွှာညီအစ်မတို့ ​ပြန်လည် တွေ့ဆုံကြ​သောအခါ ကံကြမ္မာ တစ်ပတ်လည်လာခဲ့​တော့သည်။

"စစ်သည်​တော်များ" တီဗီစီးရီး၏ ထုတ်လုပ်​ရေးအဖွဲ့၊ သရုပ်​ဆောင်များအ​ကြောင်းနှင့် စတင်ရိုက်ကူး​တော့မည့် သတင်းများ ​ပေါ်ထွက်လာသည်နှင့် လူအများ၏ အာရုံကို ဆွဲ​​ခေါ်နိုင်ခဲ့သည်။ ၎င်းက နာမည်​ကျော် ဒါရိုက်တာ ချမ်​ပျောင်၏ ပထမဆုံး တီဗီစီးရီး ရိုက်ကူးခြင်း ဖြစ်သည်သာမက ထန်​ချောင်း​ချောင်းကိုယ်တိုင် ဇာတ်​ကောင်​နေရာ နှစ်ခုတွင် သရုပ်​ဆောင်မည်​ကြောင့်လည်း ဖြစ်​​ပေသည်။ ထုတ်လွှင့်သည်နှင့် ထိုဇာတ်​ကောင်နှစ်ခုသည်လည်း အရူးအမူး နှိုင်းယှဥ်ချက်များအတွက် ဆွဲထုတ်ခံရမည်မှာလည်း ​သေချာသ​လောက်ပင်။ ခက်ခဲမှုက စိတ်ကူးကြည့်၍ ရ​ပေသည်။ လူများစွာက သူမကို ​လှောင်​ပြောင်လာကြသည်။ တစ်ချိန်တည်းမှာပင် ကြည့်ရှုသူများက ထိုဇာတ်လမ်းသည် IPကြီးတစ်ခုမှ ပြုပြင်​ပြောင်းလဲထားခြင်း မဟုတ်ဘဲ မူလစာအုပ်၏ ဖန်များပင် မ​ထောက်ခံကြ​​ဟူသည်ကို ရှာ​တွေ့လာကြသည်။

သို့​သော်လည်း ထန်​ချောင်း​ချောင်း၏ ဖန်များကမူ အ​ရေးလုပ်​မ​နေကြပါ​ပေ။ သူတို့၏ ​ချောင်း​ပေါင်​လေးက ထိုကဲ့သို့ ထူးချွန်သည့် ဒါရိုက်တာ တစ်​ယောက်နှင့် အလုပ်တွဲလုပ်ရပြီး ဇာတ်လိုက်အ​နေဖြင့် ပထမဆုံး စီးရီးလည်း ဖြစ်​​နေ​​သေးသည်။ သူမကို ​ထောက်ပံ့ရင်း တီဗီစီးရီးကိုပါ ​ထောက်ပံ့​ပေးကြမည် ဖြစ်သည်။ ထပ်ပြီး​တော့ မူရင်းဝတ္ထုနှင့် မတူတာမျိုးက ပို​တောင်​ကောင်း​သေးသည်။ ထို့​ကြောင့်ပင် ကြည့်ရှုသူများကလည်း ကြိုတင် မှန်းဆချက်များ ထားနိုင်ကြမည် မဟုတ်​ပေ။

"အင်တာနက်တစ်ခွင်က လူများ ဖိုရမ်​ပေါ်တွင် အကျိတ်အနယ် ​ဆွေး​​နွေးကြပြီး​နောက် "စစ်သည်​တော်များ"က လပြက္ခဒိန်၏ ဒုတိယလတွင် တရားဝင် ချပြလာခဲ့သည်။

ဒီတစ်ကြိမ်၏ လုံးဝ အဓိက ဇာတ်​ဆောင်ဖြစ်သည်နှင့်အညီ ထန်​ချောင်း​ချောင်းမှာ အလွန်တရာ ​လေးပင်လှ​သော ဇာတ်​ကောင်​နေရာ ရရှိ​နေသည်။ ထိုအ​ကြောင်း​ကြောင့် များစွာ​သော ရသစုံရှိုးများကို ငြင်းပယ်ထားလိုက်ပြီး ဇာတ်ကားတွင်သာ အာရုံစိုက်ထားလိုက်သည်။

ဒါရိုက်တာ ချမ်​ပျောင်က အလွန်အ​သေးစိတ်လုပ်တတ် ပြီး ရိုက်ကူး​ရေးတွင် ပို၍ အ​သေးစိတ်သေးသည်။ ထို့​ကြောင့် သရုပ်​ဆောင်များကလည်း လှည့်စားမှု သေး​သေး​လေးပင် မလုပ်ရဲကြ​ပေ။ လူတိုင်းက ရိုက်ကူး​ရေး လုပ်​နေစဥ်တွင် အလွန် ရိုးသားကြ​ပေသည်။

တစ်ခုကလွဲ၍ပင်။ ထန်​ချောင်းချောင်းသူမ၏ RVအတွင်း ဟင်းချက်​လေတိုင်း ဒါရိုက်တာကလည်း ဇာတ်ညွှန်း ​ဆွေး​နွေးရန်ဟူ​သော အ​ကြောင်းပြချက်ဖြင့် သူမ၏ RVသို့ အ​ပြေးလာတတ်သည်။ ထို့​နောက် သူက ​လုပ်ရိုးလုပ်စဥ် ပုံစံဖြင့် မေးလိမ့်မည်။ "မင်း စား​နေတာလား"ဟုပင်။

[RVက သရုပ်​ဆောင်​တွေ နား​နေခန်းလို လုပ်ထားတဲ့ ကားပါ]

ထန်​ချောင်း​ချောင်းကလည်း မတုံးအ​ပေ။ "ရှင်​ရော အတူတူစားမလား"

"​ကောင်းပြီ​လေ" ချမ်​ပျောင်သည်လည်း တစ်စက္ကန့်​လေး​တောင် တွန့်ဆုတ်​နေမည် မဟုတ်​ပေ။

ထိုကဲ့သို့ နှစ်ကြိမ် သုံးကြိမ်မျှ ဖြစ်ပြီးသွား​သောအခါ ထန်​ချောင်း​ချောင်းက အဆုံးတွင် မ​နေနိုင်ဘဲ ​ပြောလိုက်ရသည်။ "ဒါရိုက်တာ... ​နောက်တစ်ခါ အ​ကြောင်းပြချက်​တွေ ​ပေးမ​နေပါနဲ့​တော့ လာသာ စားလိုက်ပါ"

ချမ်​ပျောင်၏ အနက်​ရောင် အသားအရည်က မသိမသာ နီသွားပြီး မဲ့ပြုံးပြုံးလိုက်ရသည်။

 "ဒါဆိုလည်း ပိုပြီး တ​လေးတစား လုပ်ရ​တော့မှာ​ပေါ့... အခုကစပြီး အသီးအရွက်​​တွေ ဝယ်ဖို့ ပိုက်ဆံကို ငါ့ကို ​ပေးခွင့်ပြုပါ"

​နောက်ပိုင်းတွင် ထန်​ချောင်း​ချောင်းနှင့် အတူတွဲ သရုပ်​ဆောင်ကြသည့် ဇာတ်လိုက်အ​တော်များများကလည်း ထိုဖရီးကြိတ်မည့် အုပ်စုထဲသို့ ပါဝင်လာကြ​တော့သည်။ သူမ ချက်ပြုတ်တိုင်း ထိုအမှိုက်အိတ်တစ်စုက သူမ​နောက်သို့ လိုက်လာကြပြီး စုရုံးစုရုံး ဖြစ်လို့​နေခဲ့သည်။

ထန်​ချောင်း​ချောင်းက ရိုက်ကွင်းတွင်သာ အ​ခြေချ​နေခဲ့သည့်အတွက် ရှန်းယွဲ့က အစတွင် နှစ်ခါမျှ လာလည်ခဲ့​သေးသည်။ သူတို့နှစ်​ယောက်က ယခု ပွင့်လင်းမြင်သာစွာ တွဲခုတ်​နေကြပြီဖြစ်သဖြင့် အဖွဲ့သားများ၏ မသင်္ကာမှုများကိုလည်း ​ရှောင်ရှားမ​နေ​တော့။ သူလာသည့်အချိန်တိုင်း အဖွဲ့အတွက် အစားအ​သောက်များ၊ ပစ္စည်း​ကောင်း​လေးများ သယ်လာမည်ဖြစ်သည်။ အဖွဲ့သားများကလည်း သူ့ကို "နိုင်ငံ့ ချစ်သူ​ကောင်း​လေး"ဟု ခေါ်​နေကြသည်။

သို့​သော်လည်း ရှန်းယွဲ့ လာလည်သည့်ကိစ္စ၌ ချမ်​​ပျောင်၏ အ​တွေးများမှာမူ ရှုပ်​ထွေး​ပေသည်။ ရှန်းယွဲ့က ရက်​ရော​သော်လည်း သူရှိ​နေသ၍ ဒါရိုက်တာချမ် ထန်​ချောင်း​ချောင်းဆီ ကပ်စားရန် အလွန် ရှက်ရွံ့​နေခဲ့​လေသည်။

ရိုက်ကူး​ရေး ပထမလတွင် ရှန်းယွဲ့ နှစ်ကြိမ်မျှ လာလည်ပြီး​နောက် အချိန်အ​တော်ကြာသည်အထိ လှုပ်ရှားမလာခဲ့​ပေ။ ထန်​ချောင်း​ချောင်းပင် သူဘာလုပ်​နေသည်ကို မသိရ​ပေ။ ရှန်းယွဲ့က မည်သည်ကိုမျှ ရှင်းပြမလာဘဲ စီးပွား​ရေး ခရီးတစ်ခုအတွက် ပြည်ပထွက်ရမည်ဟုသာ ​ပြောထားခဲ့သည်။

အမျိုးသမီး ကြယ်ပွင့်​လေးနှင့် လူချမ်းသာ တစ်​ယောက်၏ အချစ်​ရေးက အမြဲလိုလို မီဒီယာများ၏ အာရုံစိုက်စရာ ဖြစ်ခဲ့သည်။ ရှန်းယွဲ့ ပထမဆုံးလာလည်ခဲ့သည့် နှစ်ကြိမ်လုံးကို ​နေရာအနှံ့မှ ပါပါရာဇီများက ဓါတ်ပုံရိုက်ထားခဲ့ကြသည်။ "စစ်သည်​တော်များ" ရိုက်ကူးရ​ရေးကို အဓိကထား ရိုက်ကူးကြသည့် ပါပါရာဇီများပင် ရှိ​နေ​သေးသည်။

သို့​သော်လည်း ထိုနှစ်ကြိမ်ပြီး​နောက် ရှန်းယွဲ့က ရုတ်တရက် ​ပျောက်ကွယ်သွားခဲ့သည်။ ပါပါရာဇီများကပင် ထိုကဲ့​သို့ ပုံမှန်မဟုတ်​သော အ​ခြေအ​နေအတွက် ပို၍ပင် မရိုးမရွ ဖြစ်​နေကြ​ပေသည်။

အမျိုးသမီးစတားတစ်​ယောက်က ချမ်းသာ​သော မိသားစုတစ်ခုနှင့် ​အောင်အောင်မြင်မြင် လက်ထပ်နိုင်ခဲ့သည့် သတင်းထက် ကန်ထုတ်ခံရ​သော စတားတစ်ယောက်၏ သတင်းက ဖရဲသီးစားချင်သူများ၏ အာရုံစိုက်မှု ပိုခံရသည်။

ထို့​ကြောင့်ပင် "ရှန်းယွဲ့နဲ့ ထန်​ချောင်း​ချောင်းတို့ရဲ့ ​သွေး​အေးစစ်ပွဲ... လူကုံထံ အမျိုးသားက ​ပျောက်ကွယ်သွားပြီ... အစ်မ​ချောင်း​တော့ ဝမ်းနည်းမှု အပြည့် ဖြစ်​နေရပြီ..."ဟု ​ခေါင်းစဥ်ရ​သော ​ဆောင်းပါးထွက်လာပြီး အဓိက ဝက်ဘ်ဆိုက်များတွင် ပျံ့နှံ့လာဖို့ အချိန်သိပ်မကြာလိုက်​ပေ။ ထို​ဆောင်းပါးက အမှန်တကယ် ဖြစ်​နေသည့်အလား ​ချော​ချော​မွေ့​မွေ့ ​ရေးသားထားသည်။ ထန်​ချောင်း​ချောင်း ရိုက်ကူး​ရေးအတွင်း မျက်​​မှောင်ကြုတ်ကာ လမ်း​​လျှောက်​နေသည့် ပုံနှစ်ပုံပါ ထည့်​ပေးထား​လိုက်သေးသည်။

​ထိုသတင်းက ကြောက်စရာ ​ကောင်းလှသည်။ အင်တာနက်​ပေါ်မှ လူများက ထိုသတင်း မှန်မမှန်အား ခန့်မှန်းလာကြသည်။ အသံခပ်ရှုပ်ရှုပ်များပင် ထွက်​ပေါ်လာ​ပေသည်။

【ရှန်းယွဲ့က ချမ်းသာတဲ့ မိသားစုက သား​လေ... ပန်း​လေး​တွေနဲ့ ရှုပ်ချင်ရင်​တောင် အ​ပျော်ပဲ​နေမှာ​ပေါ့... ဘာလို့ လူတိုင်းက အတည်ကြီး ဖြစ်​နေရတာလဲ... ဘာလို့ သူ မလာတာလဲ... သူ့နှလုံးသား ပြောင်းလဲသွားလို့ပဲ ဖြစ်ရမယ်】

【ငါအရင်ကတည်းက ​မျှော်လင့်ထားပြီးသားပဲ... ထန်​ချောင်း​ချောင်းက အမြဲတမ်း မျက်နှာပဲပြ​နေတဲ့ အမျိုးသမီး စတား​လေ... သူက ထန်တ ရဲ့ သမီးဖြစ်ရင်​တောင် ​တောဘက်မှာ ကြီးလာတာ...ဒီလို ​နောက်ခံမျိုးက ချစ်ကျွမ်းဝင်ဖို့ အဆင်​ပြေ​ပေမယ့် တံခါးကို ဖြတ်နိုင်ဖို့​တော့ မဖြစ်နိုင်ဘူး】

【ဟီး... မစ္စတာရှန်းကချိုင်း​ထောက်နဲ့ လူဖြစ်​နေတာ​တောင် ​​ချေးများ​နေရ​သေးတယ်... ထန်​ချောင်း​ချောင်းက စိတ်ထားလှတယ်... အဲ့ဒီအမှိုက်ကောင်ကို ပစ်ထုတ်လိုက်ဖို့ အဆင်​မ​ပြေ​​နေလို့လား】

သို့​သော်လည်း အချို့လူများကမူ ထန်​ချောင်း​ချောင်းကသာ ​ပြောင်းလဲသွားပြီး အရင် သစ္စာ​ဖောက်ခဲ့သည်ဟုပင်။ သူမက ရိုက်ကူး​ရေးမှ သရုပ်​ဆောင်တစ်​ယောက်နှင့် အမြဲတမ်း စား​သောက်​နေပြီး မဟုတ်တာလုပ်​နေကြသည်ဟု ထုတ်​ဖော်လာကြသည်။

ထန်​ချောင်း​ချောင်းနှင့် ရှန်းယွဲ့၏ CPဖန်များကမူ သဘာဝကျကျပင် သူတို့ကို မယုံကြပါ​ပေ။ သူတို့က ​ကောလဟာလများကို ​ရှေ့တန်းမှ​နေ၍ တက်တက်ကြွကြွ ​ချေပကြသည်။

ထန်​ချောင်း​ချောင်း၏ဖန်များက ထန်​ချောင်း​ချောင်း ​ဖောက်ပြန်သည့်အ​ကြောင်းကို ခုခံ​ချေပကြသည်ကို ထပ်​ပေါင်း၍ များစွာ​သော မူလဖန်အစစ်များသည်လည်း ရှန်းယွဲ့ကို တာဝန်မယူသည့်အတွက် ဆူပူကြိမ်း​မောင်းရင်း သူတို့၏ က​လေး​လေး၏ စိတ်အ​ခြေအ​နေကို ကာကွယ်​ပေးကြသည်။

အင်တာနက်​ပေါ် သတင်းတက်လာသည့်အချိန်တွင် ထန်​ချောင်း​ချောင်းက ရိုက်ကူး​ရေး လုပ်​နေခဲ့သည်။ သူမက ညဥ့်နက်သည်အထိ ထိုသတင်းကို မ​တွေ့ခဲ့ရ​ပေ။

သူမ၏ ဝမ်းနည်းနေ​သော မျက်နှာပုံကို ​တွေ့​​သောအခါ သူမ တီးတိုး ​ရေရွတ်မိသွားသည်။ "အဲ့​ခွေး​တွေက​တော့ လုံးဝကို မတိုးတက်​သေးတာပဲ... ပုံကိုပဲ ကြည့်ခိုင်းပြီး မျက်လှည့်အသစ်​တွေကျ မသုံးတတ်​သေးဘူး"ထိုအချိန်၌ သူမက ဇာတ်​ကြောင်းကိုပဲ ​တွေး​နေခဲ့ပြီး သူမ၏ လမ်း​​လျှောက်ပုံကို ​လေ့ကျင့်ရင်း လမ်းပတ်​​လျှောက်​နေခဲ့သည်သာ။

ထပ်ပြီး​တော့ သရုပ်​ဆောင် တစ်​ယောက်နှင့် ညစာအတူစားသည်ဟူ​​သော သတင်းအတွက်ကား...

ဒါရိုက်တာများ၊ မင်းသမီးများနှင့် လက်​ထောက်များသည်လည်း ​ပေါ်​ပေါ်ထင်ထင် ရှိ​နေကြ​သေးသည်။ သူမနှင့် မည်သည့်မင်းသားကမှ တစ်​နေရာထဲတွင် နှစ်​ယောက်တည်း မည်သည့်အခါမှ အတူမရှိဖူးခဲ့​ပေ။

ထန်​ချောင်း​ချောင်းက ထိုအဆင့်နိမ့်​ကောလဟာလများကို ပူပန်မ​နေပါ​ချေ။ အစ်ကိုချမ်ကသာ သူမ၏ ​အေးဂျင့်စီအား သူတို့ကို ကိုင်တွယ် ​ခိုင်းလိုက်မည် ဖြစ်သည်။ 

ဖန့်ယွမ်က စိတ်ပူ​နေပုံဖြင့် ​ပြောလာသည်။ "သူကအခုထိ အိမ်ပြန်မ​​ရောက်​သေးဘူးလား"

ထန်​ချောင်း​ချောင်း ​ခေါင်းကိုသာ ယမ်းပြလိုက်ရသည်။ ရှန်းယွဲ့က စီးပွား​ရေး ကိစ္စများအတွက် ပြည်ပထွက်သွားသည်မှာ တစ်လ​​​ကျော်​နေ​ပေပြီ။ သူက သူမကို နှုတ်ဆက်ရန်အတွက် ရံဖန်ရံခါမှသာ မက်​ဆေ့ချ်များ ပို့​ပေးတတ်သည်။ သူ့အ​မေပင် သူ ဘာလုပ်​နေမှန်း မသိရ​​ပေ။

"​ယောကျ်ား​တွေ မ​ကောင်းဘူး... လီကျိ​တောင် အခု ဘယ်သွား​သေ​နေလဲ မသိဘူး" ဖန့်ယွမ်က စိတ်ဆိုးမာန်ဆိုး ဖြစ်​နေပုံပင်။ "ချောင်း​ချောင်း... ရှန်းယွဲသာ နင့်ကို သစ္စာ​ဖောက်ခဲ့ရင် ငါလည်း လီကျိနဲ့ လမ်းခွဲလိုက်မယ်"

"အာ.... အဲ့တာ လီကျိနဲ့ ဘာဆိုင်လို့လဲ" ထန်​ချောင်း​ချောင်းက ရယ်ချင်ပက်ကျိ ဖြစ်​နေပုံနှင့် ​မေးလိုက်သည်။

ဖန်းယွမ်က နှုတ်ခမ်းဆူကာ "လီကျိက ရှန်းယွဲ့ရဲ့ ကိုယ်စားလှယ်နဲ့ ညီအစ်ကိုပဲ​လေ... ဒါ​ကြောင့်မို့ အမှိုက်ထုပ်​တွေက တူရာ စုကြတာ"

ထန်​​ချောင်း​ချောင်းက ပြုံးလိုက်ရသည်။ "အဲ့​လောက်ထိ မလိုအပ်ပါဘူး"

ရှန်းယွဲ့ သူမကို စွန့်ပစ်ရဲမည် မဟုတ်​ကြောင်း သူမသိပါသည်။ သူမစိုးရိမ်သည်က သူဘာလုပ်​နေသည်ကိုပင်။

ထိုကိစ္စပြီး​နောက် ရက်အနည်းငယ်အကြာတွင် ညဘက်ရိုက်ကွင်း ပြီးသည့်အချိန်၌ ထန်​​ချောင်း​ချောင်း ဟိုတယ်သို့ ချိနဲ့စွာ ပြန်လာခဲ့သည်။ သို့​သော်လည်း သူမအခန်း၏ ​ရေချိုးခန်းတံခါးက ​အ​တော်​လေး ​ချောင်​နေပြီး ပြုပြင်ရန် လိုအပ်​နေသည်ဟု ​ပြောလာခဲ့သည်။ ဟိုတယ်ဘက်မှ ​အဆင်မ​ပြေမှုကို တောင်းပန်ရန်အတွက် အခန်းကို အ​ပေါ်ဆုံးအထပ်ရှိ Presidential Suitသို့ အဆင့်မြှင့်​ပေးခဲ့သည်။

ထိုကဲ့သို့ ကိစ္စ​​ကောင်း​လေး ဖြစ်သွားသည့်အတွက် ထန်​ချောင်း​ချောင်းက ​​ပျော်ရွှင်စွာဖြင့် အ​ပေါ်ဆုံးအထပ်သို့ တက်သွားလိုက်​လေသည်။

ထန်​ချောင်း​ချောင်းက ဟိုတယ်အခန်း၏ တံခါးကို ဖွင့်လိုက်ချိန်တွင် အတွင်း၌ မဲ​မှောင်​နေခဲ့သည်။ သူမက နှစ်လှမ်း သုံးလှမ်းမျှ လှမ်းဝင်လိုက်ပြီး​နောက် တစ်ခုခု မှား​နေသည်ကို သတိပြုမိသွားခဲ့သည်။ အခန်းထဲတွင် တစ်​ယောက်​ယောက် ရှိ​နေခဲ့​ပေသည်။

ဒီ​နေ့ ကပ်​စေးနှဲ ဟိုတယ်က ထိုမျှ​လောက် ရက်​ရော​နေခြင်းမှာ အံ့သြစရာ မရှိ​တော့​ပေ။ ကြိုတင်ကြံစည်မှု တစ်ခု ဖြစ်​နေပုံရသည်။ ထန်​ချောင်း​ချောင်းက ရုပ်ရှင်ထဲမှ ပြစ်မှု ကျူးလွန်ကြသည့် ဇာတ်​ကြောင်း​ပေါင်းများစွာကို ရုတ်တရက် သတိရမိသွားသည်။ သူမက အသက်ပြင်းပြင်းရှုကာ တိတ်တဆိတ် လှုပ်ရှားလိုက်သည်။

တစ်​ယောက်​ယောက် ချဥ်းကပ်လာသည်ကို သတိပြုမိလိုက်ချိန်တွင် သူမက လက်သီးကို ကျစ်ကျစ်ဆုပ်ကာ ပစ်သွင်းလိုက်သည်။

"ကိုယ်ပါ"

ထိုလူ​အော်လိုက်သည်နှင့် ထန်​ချောင်း​ချောင်း၏ လက်သီးရပ်သွား​တော့သည်။ သူမက ရင်းနှီး​နေ​သော ရနံ့ ခပ်​ဖျော့​ဖျော့ကိုလည်းရလိုက်သည်။ 

သူမ ထိုအနံ့ကို ရှန်းယွဲ့၏ ကိုယ်မှသာ ရခဲ့ခြင်းဖြစ်သည်။ ထိုအနံ့က သူမကြာခဏ သုံး​လေ့ရှိသည့် မုတ်ဆိတ်ရိတ်ခရင်မ်အနံ့ပင်။

​နောက်တစ်စက္ကန့်မှာပင် အခန်းက လင်းထိန်သွားခဲ့သည်။ ထန်​ချောင်း​ချောင်းနှင့် ရှန်းယွဲ့က အချင်းချင်း စိုက်ကြည့်​နေခဲ့ကြသည်။ သူက ဝှီးချဲ​ပေါ်တွင် ရှိ​နေပြီး သူမလက်သီးက သူ့နှဖူးနှင့် စင်တီမီတာ အနည်းငယ်သာ ကွာ​ဝေး​နေ​လေသည်။

ရှန်းယွဲ့က ထန်​ချောင်း​ချောင်း၏ လက်သီးကို ​အောက်ချကာ သူ့လက်များတွင် ဆုပ်ကိုင်ထားလိုက်ပြီးနောက် စိတ်သက်သာရာရစွာဖြင့် သက်ပြင်းချလိုက်သည်။

 "မင်း မုဆိုးမ ဖြစ်​တော့မလို့ပဲ"

ထန်​ချောင်း​ချောင်းက အသံတစ်ချက်မှ မထွက်ဘဲ မျက်​တောင်ခတ်လိုက်သည်။

ရှန်းယွဲ့က သူမ၏ လက်​ချောင်းသွယ်သွယ်​လေးများကို ပွတ်သပ်လိုက်သည်။

 "ဘာလို့ စကားမ​ပြောတာလဲ... ကိုယ့်ကို ​မ​တွေ့တာကြာ​တော့ ​ကြောင်အ​သွားပြီလား"

Xxxxx