အပိုင်း ၁၄၄

Chapter 144

Box Office Hit

အမှန်တကယ်တွင် ဘဲများကို မြှုပ်ရန် တွင်းများ တူးထားသူ၊ ညဘက် အိပ်ရင်း လမ်းထ​​လျှောက်ပြီး၊ မီးဖို​ချောင်အတွင်း ​နေရာအနှံ့ ​သွေးများ စွန်းသည်အထိ အသားများ ခုတ်ထားသူမှာ ယုလီ ဖြစ်​နေသည်။

သူမက ​ယောကျ်ားဖြစ်သူကို တစ်ချိန်လုံး သံသယ ရှိခဲ့​သော်လည်း သူမက ​နေမ​ကောင်း ဖြစ်​နေခဲ့သည်။

ထိုကဲ့သို့ ဇာတ်​ကြောင်း ​ပြောင်းလဲမှု အဆင့်က ကြည့်ရှုသူများစွာ ​တွေး​တောနိုင်မှုအတွင်း ရှိ​နေ​သော်လည်း အ​နောက်ဘက်ခုံတွင် သူမ၏ သားဖြစ်သူနှင့် ထိုင်​နေ​သော သူမ၏ သမီးမှာ အချိန်အ​တော်ကြာ ကတည်းက ​သေဆုံးပြီးသား ဖြစ်​နေ​ကြောင်းကို လူတိုင်း ရှာ​တွေ့သွား​သောအခါ လူတိုင်း ထိတ်လန့်သွားကြ​တော့သည်။

ယုလီ၏ စိတ်က​ယောင်​​ခြောက်ခြား ဖြစ်မှုနှင့် စိတ်ကစဥ့်ကလျား ​ရောဂါက အလွန်ပြင်းထန်​သော အဆင့်သို့ ​ရောက်​နေခဲ့သည်။

ယုလီ၏ တစ်ခါတစ်ရံ ရူးသွပ်မှုနှင့် တစ်ခါတစ်ရံ မသိမသာ ​နောက်​ကြောင်းပြန်မှုတို့အကြား ဇာတ်​ကြောင်း၏ ​နောက်ဆုံးအပိုင်းတွင် ကြည့်ရှုသူများက သူမ၏ သာမန်ကျပြီး ရုန်းကန်ရသည့်ဘဝကို ​တွေ့မြင်ခဲ့ရသည်။

ယုလီက ငယ်ကတည်းကပင် လူအများက ​ပြောကြသည်မှာ နာခံတတ်သည့် က​လေး​ကောင်း​လေးဟုပင်။ သူမက သူမ၏ ​မောင်​လေးကိုသာ အရာအားလုံး ယူခွင့် ​ပေးခဲ့ပြီး သူမ အိမ်မက်ကို လက်​လျှော့လိုက်ခြင်း အပါအဝင် သူမ မိဘများ ​ပြောသည်ကိုသာ နာခံခဲ့သည်။

တစ်​​ယောက်​ယောက်နှင့် လက်ထပ်ပြီးနောက် အတန်းပိုင်အဖြစ် ရာထူးတိုး​တော့မည့်အချိန်တွင် သူမ၏ ကိုယ်ဝန်​ကြောင့် အခွင့်အ​ရေးနှင့် လွဲသွားခဲ့ရသည်။

သို့​သော်လည်း သူမ၏ ​ယောကျ်ားနှင့် ​ယောက္ခမများက သူမ၏ အလုပ်အကိုင်ကို အာရုံ မစိုက်ခဲ့ကြ​ပေ။ သူတို့က သူမ၏ ဝမ်းဗိုက်ကိုသာ စိုက်ကြည့်၍ သား​လေး​မွေး​စေရန်အတွက် နတ်ဘုရားများထံ ဆု​တောင်းကာ ဗုဒ္ဓကို ပူ​​ဇော်ပသခဲ့ကြသည်။

သူမက အမွှာတစ်စုံကို ​မွေးဖွား ​ပေးခဲ့သည်။ သူ့မ ယောက္ခမများက အလွန်​ပျော်ရွှင်ခဲ့ကြ​သော်လည်း သူမအတွက်မူ ကပ်​ဘေး တစ်ခုသာ ဖြစ်လာခဲ့သည်။

အမွှာ​လေးများကို ပြုစု ​စောင့်​ရှောက်ရန် တာဝန်က သူမပုခုံး​ပေါ်သာ ကျလာခဲ့သည်။ သူမက တစ်​နေ့လုံး စာသင်ရန် အတန်းကိုသွားရပြီး ​နေ့ခင်းပိုင်းတွင် အိမ်စာများကို ​ အမှတ်ခြစ်ရသည်။ သူမ ည​နေပိုင်း ပြန်လာသည့်အချိန်တွင် က​လေးများကို ​စောင့်​ရှောက်ရ​သေးသည်။ သို့​သော်လည်း သူမ၏ ​ယောကျ်ားက စားလိုက် ကစားလိုက် အိပ်လိုက်ဖြင့်သာပင်။ ရံဖန်ရံခါ က​လေးများကို ​ချော့မြှူခြင်းကပင် အကြီးကျယ်ဆုံး အ​ထောက်အပံ့ကြီး ပြုခဲ့ရသည်ဟု ​တွေးခဲ့သည်။

သူမကို ပို၍ ရှက်ရွံ့​စေသည်မှာ သူမ​ယောကျ်ားက သူမဗိုက်မှ အ​ကြောပြတ်ရာများကို ​တွေ့သည့်အချိန်တွင် သူ့မျက်လုံးထဲမှ ရွံရှာမှုများကို ဖုံးကွယ်မထားခဲ့။

​နောက်ပိုင်းတွင် ​ယောကျ်ားဖြစ်သူ၏ ဝီချက်မှ မ​ရေမရာ မက်​ဆေချ့်များကို ​တွေ့ခဲ့ရသည်။

သို့​သော်လည်း သူမက အရင်ကအတိုင်းပင်။ သူမက ​ရှောင်ကြဥ်မှသာ ဖြစ်မည်။

​နောက်ပိုင်း ဖြစ်ပွားခဲ့သည့် ကိစ္စတစ်ခုက ယုလီ၏ စိတ်ဝိဥာဏ်ကို လုံးဝ လှုပ်ခါသွား​စေခဲ့သည်။

သူမ အတန်းရှိသည့်အတွက် အချိန်ပို ဆင်းရသည့်​​နေ့တွင် သူမ၏ ​ယောကျ်ားထံ က​လေးများကို လွှဲ​ပေးထားခဲ့သည်။ သူ့ချစ်သူနှင့် ​တွေ့ရန်အတွက် ​ယောကျ်ားဖြစ်သူကလည်း ယုလီ၏ ​ယောက္ခမထံ က​လေးများကို ပို့ထားခဲ့သည်။

​ယောက္ခမဖြစ်သူမှာ သမီးများထက် သားကို ပိုအ​လေး​ပေးတတ်သဖြင့် ​မြေးဖြစ်သူကိုလည်း အလွန်ချစ်သည်။ သူမက ​စျေးဝယ်ထွက်ချိန်တွင် ​မြေးဖြစ်သူကိုသာ ​ခေါ်ရန် သတိရပြီး ​မြေးမ​ကိုကား အိမ်တွင် တစ်​ယောက်တည်း ထားခဲ့သည်။ ​ကြောက်ရွံ့သည့်အတွက် ယုလီ၏ သုံးနှစ်အရွယ် သမီး​လေးက မ​တော်တဆ ပြတင်း​ပေါက်​ပေါ် တက်မိရင်း ​​အောက်သို့ ပြုတ်ကျသွားရသည်။ သူမက ပြုတ်ကျ၍ ​သေဆုံးသွားခဲ့ရသည်။

​နောက်ပိုင်းတွင် ​ယောက္ခမက နှစ်ကြိမ်မျှ ငို​ကြွေးခဲ့​သော်လည်း ဘာပဲဖြစ်ဖြစ် သူမမှာ သားရှိ​နေ​သေးသည်ဟု ​ပြောခဲ့သည်။ သူမ၏ ​ယောကျ်ားကပင် သူမကို မပူ​ဆွေးတော့ရန် အကြံ​ပေးလိုက်​သေးသည်။ 

ထိုအချိန်မှစ၍ ယုလီက ပြင်းထန်သည့် ​သွေး​လေ​​ခြောက်ခြားမှု ရှိလာခဲ့သည်။

သူမက ပိုး​ကောင်​အိမ်​လေးကဲ့သို့ တစ်စုံတစ်ခုတွင် ရှုပ်​ထွေးငြိတွယ်​နေခဲ့ပြီး သူမကို တင်းတင်းကြပ်ကြပ် ညှစ်​နေကာ သူမ၏ အသားများထဲအထိတင်းတင်းကြပ်ကြပ် ဖိညှစ်၍ ​သွေး​ကြောများအထိ ဖိညှစ်​နေ​သော​ကြောင့် အသက်ရှု၍ပင် မရ​တော့သည်အထိ။

ဒီတစ်ကြိမ် ဗီလာမှ အဖြစ်အပျက်များသည်ကား သူမကို ပိုး​​ကောင်အိမ်​လေးကို ချိုးဖြတ်နိုင်​စေခဲ့သည်။

အဆုံးတွင် ယုလီ ရူးသွပ်သွားပြီး​နောက် ယုလီ​၏ ခင်ပွန်းက သူမကို ​ကြောက်ရွံ့လာသဖြင့် သူ့သားကို ​ခေါ်ကာ ထွက်​ပြေးရန် ကြိုးစားခဲ့​သော်လည်း ​နောက်ကျသွားခဲ့​လေပြီ။ ယွီလီက မီးရှို့ခဲ့ပြီး ဗီလာတစ်ခုလုံးကို မီး​လောင်တိုက်သွင်းခဲ့သည်။ အိမ်နီးချင်းများက အ​ပြေး​ရောက်လာပြီး သူမ သားကိုသာ ကယ်တင်နိုင်ခဲ့သည်။

ရုပ်ရှင်၏ အဆုံးသတ် ဇာတ်ကွက်တွင် ယုလီက မီး​တောက်များအကြား စိတ်ကြီးဝင်​နေဟန် ရယ်​မော​နေကာ သူမ​နောက်က မီး​တောက်များက လိပ်ပြာ​တောင်ပံများကဲ့သို့ ​တောက်​လောင်​နေခဲ့သည်။

ရုပ်ရှင် ပြီးသွားပြီး​နောက် ကြည့်ရှုသူများမှာ ​ရှောခ့်ရသွားကြ​တော့သည်။

လူအများစုက "ပိုးအိမ်" ကို အခြား​သော အိမ်တွင်း သည်းထိတ်ရင်ဖို ဇာတ်လမ်းဟုသာ ​တွေးခဲ့ကြ​သော်လည်း ၎င်းက လူအများကို ဤကဲ့သို့ surpriseအကြီးကြီး ​ပေးလာမည်ဟု မ​မျှော်လင့်ထားခဲ့ကြ​ပေ။

ဒါရိုက်တာက ​ကြောက်မက်ဖွယ် ပတ်ဝန်းကျင်ကို ​သေချာ တည်​ဆောက်ထားသည်။ ကြည့်ရှုသူများကို ရုတ်တရက် ​ခြောက်လှန့်မှုများနှင့် လန့်ပြီး ခုန်သွား​စေမည့် အဆင့်နိမ့် သည်းထိတ်ရင်ဖို ရုပ်ရှင်မျိုး မဟုတ်ဘဲ စိတ်ပိုင်းဆိုင်ရာကပါ ​ထိတ်လန့်​ကြောက်ရွံ့​စေမည့် အမျိုးအစား ဖြစ်သည်။

ရုပ်ရှင်၏ ပထမပိုင်းတွင် ကြည့်ရှုသူအများက တုန်လှုပ်​နေကြကာ ​အော်ပြီးရင်း ​အော်​နေခဲ့ကြ​သော်လည်း ဒုတိယပိုင်းတွင် ရုပ်ရှင်ရုံက တိတ်ဆိတ်၍သွားသည်။ လူတိုင်းက အလွန်အမင်း စိတ်ဓါတ်ကျပြီး နာကျင်ရ​သော ခံစားချက်များဆွင် နစ်မြုပ်သွားကြသည်။ ထိုကဲ့သို့ နှလုံးသားအတွင်းသို့ ထိုး​ဖောက်​စေသည့် ​အေးစက်မှုမျိုး​ကြောင့် ခံစားချက်က ပထမပိုင်းထက် ပိုဆိုး​လေသည်။ ထို စိတ်ဓါတ်ကျပြီး နာကျင်ရသည့် ခံစားချက်က လူတိုင်းကို လှည့်ပတ်​နေကာ သူတို့ကိုယ်တိုင် ဖြစ်ပျက်​နေသကဲ့သို့ပင်။

အမျိုးသမီး တစ်​ယောက်က အစ်မ​ကောင်းတစ်​ယောက် ဖြစ်ရမည်။ ရိုးရိုးကုပ်ကုပ်​နေကာ သိတတ်၍ နာခံတတ်ရန်၊ မိသားစုကို အမြဲတမ်း ​စောင့်​ရှောက်ရန်၊ ​ယောကျ်ားနှင့် က​လေးများ ရှိလာရန်၊ နာခံတတ်ပြီးလိုက်​လျောတတ်ရန်၊ အရင်ဆုံး ဂုဏ်သိက္ခါထိန်းသိမ်းတတ်ကြရန်... စသည်ဖြင့်ပင်...

ထိုကဲ့သို့​သော အ​ကြောင်းအရာများနှင့် ဘဝ၏ အစိတ်အပိုင်းများက ယုလီကို သာမန် လူတစ်​ယောက်မှ ရူးသွပ်သူ တစ်​ယောက်အဖြစ် တွန်းပို့​ပေးခဲ့သည်။ အမှန်ကမူ သူမက မီးတွင်း စိတ်ကျ​ရောဂါ လက္ခဏာများ ရှိ​နေပြီးသားဖြစ်ပြီး မည်သူကမှ ထိုအ​ကြောင်းကို ဂရုမစိုက်ခဲ့ကြခြင်းပင်။

ရုပ်ရှင်အဆုံးတွင် သူမက ​ယောကျ်ားဖြစ်သူကိုပါ ​သေတွင်းသို့ ဆွဲ​ခေါ်သွားခဲ့သည်။ ကြည့်ရသည်မှာ သူမက လှပ​သော ​တောင်ပံ​လေးများကို ဖြန့်ကား​နေသည့် လိပ်ပြာ​လေးကဲ့သို့ လုံးဝ စိတ်သက်သာရာရသွားဟန်ပင်။ သို့​သော်လည်း ၎င်းက ဘယ်​တော့မှ ဖြစ်မလာသင့်သည့် ဝမ်းနည်းဖွယ်ရာ ဇာတ်လမ်းတစ်ခုဖြစ်မှန်း သိ​နေကြသည်။

ကြည့်ရှုသူများ ထွက်လာ​သောအခါ သူတို့ အမူအယာများမှာ အထူးသဖြင့် အမျိုးသမီးများမှာ ဝမ်းနည်း မှုန်မှိုင်း​နေကြသည်။ မိန်းမ​ငယ်​လေးများစွာကလည်း လမ်း​လျှောက်ရင်း တရှုံ့ရှုံ့ငို​နေကြကာ "ယုလီက အရမ်း ဝမ်းနည်းစရာ ​ကောင်းပြီး သနားစရာ ​ကောင်းတယ်"ဟု ​ရေရွတ်လာကြသည်။

သူတို့အနားမှ ချစ်သူ​ကောင်​လေးများက နှစ်သိမ့်လိုကြ​သော်လည်း သူတို့၏ ​ကောင်မ​လေးများထံမှ "ရှင်တို့ ​ယောကျ်ား​တွေရဲ့ အပြစ်ပဲ"ဟု ​ပြောရင်း လွှင့်ပစ်ခံလိုက်ရသည်။

ထန်​ချောင်း​ချောင်းက လူအုပ်ကြီးနှင့်အတူ အပြင်ဘက်သို့ လိုက်ထွက်လာခဲ့ပြီး ကြည့်ရှုသူများ၏ အမူအယာများကို ကြည့်​နေခဲ့သည်။ သူမက စိတ်သက်သာရာရသွားပြီး ရှက်လည်း ရှက်သွားသည်။ တစ်ချိန်တည်းမှာပင် သူမယုလီအဖြစ် ရှိခဲ့စဥ်က အချိန်များကိုလည်း ပြန်သတိရသွား​တော့သည်။ 

ရှန်းယွဲ့က သူမ၏ လက်​လေးများကို ခါယမ်းကာ ​ခိုင်ခိုင်မာမာ ဆိုလိုက်သည်။

 "မင်း ဘယ်​တော့မှ ယုလီလို ဖြစ်လာမှာ မဟုတ်ဘူး... မင်း ဘာပဲ လုပ်ချင်ချင် ကိုယ်က ​ထောက်ပံ့​ပေးမှာ"

ထန်​​ချောင်း​ချောင်းက ပြုံးလိုက်ပြီး သူ့လက်များကို တင်းတင်းကြပ်ကြပ် ဆုပ်ထားလိုက်သည်။

မကြာမီပင် "ပိုးအိမ်" ရုပ်ရှင် ကြည့်သူများ၏ ပထမဆုံး တုံ့ပြန်ချက်လှိုင်းများ ထွက်​ပေါ်လာပြီး အင်တာနက်​ပေါ်မှ ​ဆွေး​နွေးချက်များကလည်း အသက်ဝင်လာ​တော့သည်။

【ငါက​တော့ ဘာမှမဟုတ်ဘဲ လက်မှတ် ဝယ်ဖို့ ​ငွေသုံးလိုက်ရမယ်လို့ပဲ ပြင်ထားခဲ့တာ... ဒါ​ပေမယ့် အရမ်း ငိုခဲ့ရမယ်လို့ မထင်ထားဘူး... အဓိကဇာတ်လိုက် အတွက် တကယ် စိတ်မ​ကောင်းဘူး... သူ့သမီး​လေး ​သေသွား​တာကို သာမန်ကာလျှံကာပဲ သ​ဘောထားခဲ့ကြတာ... သူ့​ယောကျ်ား မိသားစုက တကယ့် မိမစစ် ဖမစစ်တွေပဲ】

【ငါလည်း အတူတူပဲ ခံစားခဲ့ရတယ်... ယုလီနဲ့ငါ့မှာ တူတဲ့ အ​တွေ့အကြုံ​တွေ ရှိခဲ့တယ်... ငါ က​လေး​မွေး​တော့ လူ​တွေ ဝင်ချည်ထွက်ချည်နဲ့ ​မွေးခန်းထဲမှာ လဲ​နေခဲ့ရတယ်​လေ... ဂုဏ်သိက္ခါ မရှိတဲ့ အဝတ်စုတ်လိုပဲ... ငါ့​ယောက္ခမက သူ့​မြေးကို ကြည့်ဖို့ပဲ သိတယ်... အဲ့ဒီတုန်းက တကယ် ​အေးစိမ့်​နေခဲ့ရတာ】

【ငါ့ကိုလည်း မုဆိုးမလို လက်ထပ်ခြင်းမျိုးမှာ ထည့်လိုက်... ငါ တစ်​ယောက်တည်း က​လေးကို အိပ်​ပျော်သွား​အောင် ​ချော့မြူခဲ့ရတာ... ငါ့​ယောက္ခမက ငါ့ကို အ​မေ​ကောင်း မဟုတ်ဘူးဆိုပြီး မကြိုက်ဘူး... ငါ့​ယောကျ်ားက နည်းနည်း​လောက် ဖက်​ပေးရုံနဲ့ အ​ဖေ​ကောင်းဆိုပြီး ချီးကျုးခံရ​ရော(အန်ချင်​နေပြီ)】

【စင်ဂယ်​ခွေး​လေး​တွေက ယုလီလို ဘဝမျိုး မကြုံကြ​သေးဘူး... ဒါ​ပေမယ့် အရမ်း အသက်ရှုကျပ်ရတယ်...ငါသာဆို ရူးသွားတာ ကြာပြီ】

【အမျိုးသမီး​တွေရဲ့ ရုန်းကန်လှုပ်ရှားရတဲ့ အကျပ်အတည်း​တွေကို ရိုက်ပြတဲ့ ရုပ်ရှင်​တွေ ​တော်​တော်ရှားတယ်... ငါ "ပိုးအိမ်"နဲ့ ထန်ချာင်း​ချောင်းအတွက် ရူး​လောက်​အောင် ငိုခဲ့ရပြီးပြီ... မင်းတို့မကြည့်ရ​သ​သေးရင် ​ကျေးဇူးပြုပြီး တစ်ရှူးဆောင်ထားကြပါ】

【ဇာတ်ကွက်ရဲ့ ​လေးနက်မှုကို မ​ပြောနဲ့အုံး... ထန်​ချောင်း​ချောင်းက အ​ကောင်းဆုံး သရုပ်​ဆောင်ဆု ဆန်ကာတင်ဝင်ဖို့ ထိုက်တန်တယ်​နော်... သူကအ​စောပိုင်း သံသယဝင်​နေတာက​နေ အဆုံးမှာ လုံးဝ ရူးသွားတဲ့အထိ ​ပြောင်းလဲသွားတာ... အဲ့ဒါက ငါ့ကို တကယ် ​ကြောက်သွား​စေခဲ့တာ】

【သကြားယုန်​လေးအ​နေနဲ့ ငါရုပ်ရှင်မ​ကောင်းမှာကို စိတ်ပူခဲ့ရတာ... အတန်း​ဖော်​တွေကို သွားကြည့်ဖို့ ​ခေါ်ဖို့ကို ရှက်​နေခဲ့တာ​လေ... အခု အခန်းတစ်ခုလုံး သွားကြည့်ဖို့ ​ခေါ်ရမယ်... တကယ်က နှစ်ခါ​ပြန်​တောင် လုပ်သင့်​သေးတာ... ​ချောင်း​ပေါင်အတွက် ဂုဏ်ယူတယ်】

......

ရုပ်ရှင်က ချီးကျူးမှုများ ဆက်တိုက်ရနေပြီး ​နောက်ထပ် ​နောက်ထပ် ကြည့်ရှုသူများကလည်း လူတိုင်းကို ပရိုမိုးရှင်းဆင်း​နေခဲ့ကြသည်။

Douban scoreက 8.2ဖြစ်ပြီး မကြာ​သေးမီက နှစ်များအတွင်း ratingအမြင့်ဆုံး အိမ်တွင်း သည်းထိတ်ရင်ဖို ဇာတ်ကား ဖြစ်လာခဲ့သည်။ ​​ကောင်းမွန်​သော ဂုဏ်သတင်းများက ကြည့်ရှုသူများ ထပ်တိုးလာပြီး ရုပ်ရှင်ရုံများကလည်း သဘာဝကျကျပင် ပြသသည့်​နေရာများ ထပ်တိုးလာရ​တော့သည်။ 

စတင် ရုံတင်ပြီး သုံးရက်အတွင်း "ပိုးအိမ်"​၏ Box officeက 200 မီလီယံ​ကျော်သွားခဲ့သည်။ ကုန်ကျစရိတ် နည်းနည်းဖြင့် အိမ်တွင်း၌သာ ရိုက်ကူးထားသည့် သည်းထိတ်ရင်ဖို ရုပ်ရှင်တစ်ခုအတွက် ထိုရလဒ်က အ​တော်​​ကောင်းသည်။ အနုပညာ​လောကမှ လူအများကပင် အ​တော်​လေး ​ရှောခ့်ရသွားကြသည်။

ထို့​နောက် "ပိုးအိမ်"သာ ဆိုးဝါးသည့် ရုပ်ရှင် မဟုတ်ခဲ့ပါက သူ့ကီးဘုတ်ကို liveလွှင့်ကာ စားပြမည်ဟု ဆိုခဲ့သည့် "အင်တာတိန်းမန့် သခင်ကြီးရှစ်"ဟူသည့် အတင်းအဖျင်းများ တင်သည့် မားကတ်တင်း အ​ကောင့်သည်လည်း သူ့ကံကြမ္မာကို နာနာခံခံ ဝန်ခံခဲ့သည်။ သူက ​ဘေးဘက်က ​ဘောလုံးမှန်သွားပြီး ကီးဘုတ်ပုံစံ ​​ချောကလက်ပြားကို စားခဲ့သည်။ သူက အထူးတန်း လက်မှတ်ပုံကို ပိုစ့်တင်ကာ ထန်​ချောင်း​ချောင်းကို ​တောင်းပန်ခဲ့သည်။ အင်တာနက်​ပေါ်မှ လူများကလည်း ကီးဘုတ် အစစ်စားပြရန် ​သေချာ​ပေါက်တွန်းအား မ​ပေးခဲ့ကြ​သော်လည်း ထိုမားကတ်တင်းအ​ကောင့်က လူတိုင်း၏ ဟာသပြက်လုံးတစ်ခု ဖြစ်လာရ​တော့သည်။

"ပိုးအိမ်" က အမျိုးမျိုး ​ပြောင်းလဲမှု အပြည့် ဖြစ်သွားပြီး ​ဆွေး​နွေးမှုများလည်း မြင့်တက်လာသည်။ box office မှာလည်း အလွန်အမင်း တိုးတက်လာ​တော့သည်။ ရုံတင်ပြီးသည်နှင့် တစ်ဘီယံပင် ​ကျော်လွန်သွား​တော့သည်။

ထို ရုပ်ရှင်၏ ​ပေါက်ကွဲမှုက ထန်​ချောင်း​ချောင်း၊ အခြား​သော ဇာတ်လိုက်သရုပ်​ဆောင်များ၊ လူသိနည်း​​သော ဒါရိုက်တာများကို ​ကျော်ကြားလာ​စေ​သော်လည်း တကယ့် ​အောင်နိုင်သူအစစ်မှာ ရှန်းယွဲ့ဖြစ်​ကြောင်း ရှာ​တွေ့လာကြသည်။

ရုပ်ရှင်၏ အဓိက ထုတ်လုပ်သူအ​နေဖြင့် သူ​ငွေအများကြီး ဝင်ခဲ့​​လေသည်။ သူက မကြာမီမှာပင် ရုပ်ရှင်နှင့် တီဗီ ဇာတ်လမ်းတွဲ​လောကကို ဝင်ရန်အတွက် "ရွှမ်ချောင်း မီဒီယာ"ဟူ​သော ကုမ္ပဏီခွဲတစ်ခုကို တည်​ထောင်လိုက်​တော့သည်။ 

အင်တာနက်​ပေါ်က လူများကလည်း ထပ်ပြီး ​လီမွန်သီးများ စားရပြန်​တော့သည်။ သူ့ရဲ့ မဟာဗျူဟာ​မြောက် အမြင်ရှိပုံကိုသာ ကြည့်လိုက်ပါ... သူက အလှ​လေးရဲ့ နှလုံးသားကို ​​အောင်နိုင်ပြီး ​ငွေအများကြီးလည်း ရှာနိုင်လိုက်​သေးတယ်... ဘယ်သူက မနာလိုဘဲ ​နေမှာလဲ...

Xxxxxxxx