အပိုင်း ၁၄၅

Chapter 145

မင်းသားနှင့် မင်းသမီး​လေး

အင်တာနက်​ပေါ်က လူများကလည်း ထပ်ပြီး ​လီမွန်သီးများ စားရပြန်​တော့သည်။ သူ့ရဲ့ မဟာဗျူဟာ​မြောက် အမြင်ရှိပုံကိုသာ ကြည့်လိုက်ပါ... သူက အလှ​လေးရဲ့ နှလုံးသားကို ​​အောင်နိုင်ပြီး ​ငွေအများကြီးလည်း ရှာနိုင်လိုက်​သေးတယ်... ဘယ်သူက မနာလိုဘဲ ​နေမှာလဲ...

တစ်ချိန်တည်းမှာပင် ထန်​ချောင်း​ချောင်းက ပရိုမိုးရှင်း အစီအစဥ်များ ပြီး​နောက် "စစ်သည်​တော်များ" ရိုက်ကူး​ရေးသို့ ပြန်လာခဲ့သည်။ အရင်တစ်​ခေါက် ​ဖောက်ပြန်သည့် ​ကောလဟာလ​ကြောင့် ထန်​ချောင်းချောင်းက ​နောက်ပိုင်းတွင် လူတိုင်းနှင့် အတူတကွ စား​​သောက်သည့်အချိန်တိုင်း တိုက်ရိုက်လွှင့်ပြမှုတစ်ခုကိုသာ ရိုးရိုးရှင်းရှင်း တင်လိုက်သည်ပင်။ blackဖန်များ ​ပြောစရာ မဲ့သွားရုံသာမက ရိုက်ကူး​ရေး ပရိုမိုးရှင်း ဆင်းရန် ​နောက်ထပ် ချန်နယ်တစ်ခု ထပ်​ပေါင်းလိုက်သလိုပင်။ ချမ်​ပျောင်က အ​တော်​လေး ​ပျော်​နေခဲ့သည်။

ရလဒ်အ​နေဖြင့် "စစ်သည်​တော်များ" ရိုက်ကူး​ရေးရှိ လူများ ​​နေ့တိုင်း စား​သောက်​နေသည်ကို ကြည့်ရခြင်းက အင်တာနက် ​ပေါ်မှ လူအများ၏ ​ပျော်စရာ တစ်ခု ဖြစ်လာ​တော့သည်။

အချစ်စစ်ဖြင့် ချစ်ကြ​သော ဖန်များကလည်း သရုပ်​ဆောင်များ ​နေ့တိုင်း စား​သောက်​ကြ​သော အရာများကို မှတ်တမ်းတင်​နေကြချိန်တွင် အလုပ်အကိုင်ကို ချစ်ကြ​​သော ဖန်များမှာမူ ကွဲပြားသည်။ သူတို့က အမြဲတမ်း သရုပ်​ဆောင်များ၏ စား​​သောက်​နေထိုင်မှုကို ကြီးကြပ်​လေ့ရှိကြသည်။ အများကြီး မစားနဲ့... ဆီအများကြီး မစားနဲ့ စသည်ဖြင့်ပင်... ၎င်းတို့က သရုပ်​ဆောင်၏ ရုပ်ရည်သွင်ပြင်​ပေါ်တွင် သက်​ရောက်​စေလိမ့်မည်... 

သို့​သော်လည်း ဖန်များ စိတ်ပူ​နေသည်က အလကားသာ ဖြစ်သည်။ ထန်​ချောင်း​ချောင်းက အသားနှင့် အသီးအရွက်တို့ ပါဝင်မှုနှင့် သင့်တင့် မျှတသည့် အာဟာရကို အ​လေး​ပေး​လေ့ရှိသည်။ သူမက အန်တီဝမ်ကို သူမ၏ စိုက်ခင်းထဲမှ အသီးအရွက်များကို အဆက်မပြတ် ပို့ခိုင်းခဲ့သည်။ ထိုအသီးအရွက်များမှာ သူမ ဝိဥာဏ်စွမ်းအားဖြင့် ​အာဟာရဖြည့်ထားခြင်း ဖြစ်သည်။ ​နေရာတိုင်းတွင် ဝယ်၍ မရနိုင်​ပေ။ သရုပ်​ဆောင်များအတွက် အ​လေးချိန် မတက်ရုံသာမက ​ရေရှည်စားသုံးခြင်းက လူသား ခန္ဓါကိုယ်အတွက် အလွန် အ​ထောက်အပံ့​ပေးနိုင်သည်။

"စစ်သည်​တော်များ" အဖွဲ့၏ သရုပ်​ဆောင်များမှာ ထန်​​ချောင်းချောင်း ချက်​သော ဟင်းများကို တစ်လ နှစ်လမျှ စားခဲ့ရသည်။ သူတို့က အားအင် ပြည့်ဝ​နေပြီး အသားအရည်မှာလည်း ပို၍ပင် ​စိုရွှမ်းလာကြ​တော့သည်။

အခြားအဖွဲ့မှ သရုပ်​ဆောင်များမှာ ရိုက်ကူး​ရေး ကြာလာသည်နှင့်အမျှ နွမ်းနယ်လာ​လေ့ရှိကြသည်။ သို့​သော်လည်း "စစ်သည်​တော်များ"မှ သရုပ်​ဆောင်များကမူ ပို၍ ပို၍ လန်းဆန်းတက်ကြွ​နေကြသည်။ အမျိုးသား သရုပ်​ဆောင်များကမူ သိပ် ဂရုစိုက်​လေ့မရှိဘဲ သူတို့အတွက် မသိသာ​သော်လည်း အမျိုးသမီး သရုပ်​ဆောင်များကမူ သူတို့ အသားအရည်ကို အလွန်အမင်း ဂရုစိုက်​လေ့ရှိကြသည်။ သူတို့က ထန်​ချောင်း​ချောင်း၏ အစားအစာများကို ကပ်စားပြီး​နောက် သူတို့၏ အသားအရည် ပို​ကောင်းလာ​ကြောင်း ​သိသွားကြသည်။

သူတို့၏ ​ကျေးဇူးသိတတ်မှုကို ပြသရန်အတွက် သူတို့က ထန်​ချောင်း​ချောင်းကို အရသာ ရှိပြီး လှပ​သော ပစ္စည်း​ကောင်း​လေးများစွာ ပေးလာကြသည်။ ၎င်းတို့က အလွန် ​စျေးကြီးပြီး အ​တွေးအမြင်များ အပြည့်ပါ​နေသည်။

ထန်​ချောင်း​ချောင်းက သူမကိုယ်တိုင် စိုက်​သော အသီးအရွက်များကို အသုံးပြုသည့်အ​ကြောင်း သူတို့ သိသွားချိန်တွင် သူတို့အားလုံးက သူမစိုက်ထားသည့် သန့်စင်​သော အသီးအရွက်များမှာ လှပ​စေပြီး ကိုယ်တွင်း အဆိပ်အ​တောက်များ ​ပြေ​လျော့ ​စေနိုင်သည့် အာနိသင်များ ရှိသည်ဟု လက်ခံလိုက်ကြသည်။ သူတို့ အားလုံးက သူမထံမှ အသီးအရွက်များ ဝယ်နိုင်ရန်အတွက် ​ငွေသုံးရန် ရည်ရွယ်ထားကြသည်။

ထန်​ချောင်း​ချောင်းက စီးပွား​ရေး အခွင့်အလမ်းတစ်ခုကို သတိပြုမိသွားသည်။ သူမ၏ ​ကျော်ကြားမှုသည်လည်း မြင့်တက်လာသည်​ကြောင့် သူမကို ချစ်ကြ​သော လူအများထံမှ ရရှိသည့် ဝိဥာဏ်စွမ်းအားများကလည်း တစ်​နေ့ထက်တစ်​နေ့ တိုးလာ​နေသည်။ သူမ ကိုင်တွယ်နိုင်သည့် ​နေရာကလည်း အ​နောက်ဘက်ခြံ​လေး​လောက်သာ မဟုတ်​တော့​ပေ။

သူမက ရှန်းယွဲ့နှင့် တိုင်ပင်ပြီး​နောက် ဗီလာ​​နောက်မှ ​​မြေအကျယ်ကြီးအား အသီးအရွက်များ စိုက်ပျိုးထားလိုက်သည်။ သူမက ကြက်နှင့် ဘဲများ ​မွေးမြူရန် ​နေရာတစ်ခုလည်း လုပ်ထားခဲ့သေးသည်။ 

အသီးအရွက်များ ရင့်မှည့်ချိန်တွင် ထန်​ချောင်း​ချောင်းက ဝီချက်​ပေါ်တွင် ​အော်ဒါတင်နိုင်ရန် လုပ်​ဆောင်ခဲ့သည်။ ​​စျေးနှုန်းက သာမန် အသီးအရွက်များထက် အ​တော်​လေးများ​သော်လည်း အကုန် ​ပြောင်သည်အထိ ​ရောင်းကုန် သွားဆဲပင်။

​နောက်ပိုင်းတွင် ထန်​ချောင်း​ချောင်း၏ စိုက်ပျိုး ​မွေးမြူ​ရေး စီးပွား​ရေးက ကြီးသထက် ကြီးလာပြီး သူမကိုယ်ပိုင် လယ်​တော တစ်ခုပါ ပိုင်ဆိုင်နိုင်ခဲ့သည်။ သို့​သော်လည်း ထိုအရာများက ​နောက်ပိုင်းမှ ဖြစ်လာမည့် ကိစ္စများပင်။

ဇွန်လ ဝင်​သောအခါ ​လေးလတာ ရိုက်ကူး​ ပြီး​နောက် "စစ်သည်​​တော်များ" ရိုက်ကူး​ရေးသည်လည်း အဆုံးသတ်သို့ ​ရောက်ရှိလာခဲ့သည်။ လူတိုင်းက ရိုက်ကူး​ရေးနှင့် ခွဲခွာရန် တွန့်ဆုတ်​နေကြသည်။ အချို့​သော သရုပ်​ဆောင်များက ထန်​ချောင်း​ချောင်းကို ဖက်တွယ်ထားတာ သူမကို လွှတ်​မပေးလိုကြ။ သူတို့က သူမ၏ ​နောက်လာမည့် အလုပ်ကို ​မေး​နေကြသည်။ သူတို့က ထို​နေရာတွင် ပဲအနှစ်​ဆောစ့်များ လုပ်ရမည်ဆိုလျှင်​တောင် ပါဝင်လို​နေကြသည်။

ထန်​ချောင်း​ချောင်း: 'မဟုတ်​သေးပါဘူး... အဲ့​လောက် မလိုပါဘူး​နော်'

အပြီးသတ် မ​ရောက်ခင်​လေးမှာပင် ထန်​ချောင်း​ချောင်းအတွက် သတင်း​ကောင်း ကြားရသည်။ သူမ ရုပ်ရှင် "ပိုးအိမ်" က နှစ်စဥ်ကျင်းပနေကြဖြစ်​သော ​ရွှေပုလဲ ရုပ်ရှင်ပွဲ​တော်တွင် စကားတင်ဝင်နိုင်ခဲ့သည်။ သူမကိုယ်တိုင်ကပင် အကောင်းဆုံး အမျိုးသမီး သရုပ်​ဆေင်ဆုအတွက် ဆန်ကာတင်ဝင်ခဲ့​ပေသည်။

​ရွှေပုလဲ ဆု​ပေးပွဲက ပြည်တွင်းရုပ်ရှင်များ၏ အမြင့်ဆုံး ဆု​ပေးပွဲ ဖြစ်သည်။ "ပိုးအိမ်"က ထိုရုပ်ရှင်ပွဲ​တော်၌ စကားတင် ဝင်ခဲ့ခြင်းကပင် လူအများ၏ ​မျှော်မှန်းချက်ထက် အလွန်အမင်း သာလွန်သွားခဲ့သည်။ မထင်မှတ်ထားရသည်မှာ ထန်​ချောင်း​ချောင်းပင် အ​ကောင်းဆုံး အမျိုးသမီး သရုပ်​ဆောင်အတွက် ဆန်ကာတင် ဝင်ခဲ့ခြင်း ဖြစ်သည်။

အဆုံးတွင်မူ ထိုရုပ်ရှင်က ထန်​ချောင်း​ချောင်းပထမဆုံး ပါဝင်ခဲ့သည့် အကြီးဆုံး အလုပ်ဖြစ်သည်ပင်။

ဒီ ဒဏ္ဍာရီလာ ကံ​ကောင်းတဲ့ ကြယ်ပွင့်လေးက ​ကောင်းကင်က ကျလာတာများလား...

သကြားယုန်များကလည်း ဤတစ်ကြိမ်တွင် ကြွားဝါ​ကြခြင်း မရှိ​တော့​ပေ။ သူတို့က ဤတစ်ကြိမ်တွင် ပို၍ သိုသိုသိပ်သိပ်​​နေ​လေ ဆန်ကာတင်စာရင်းက ပို၍ ခိုင်မာ​လေ​လေ ဖြစ်မည်ဟု ​တွေးထား​ကြသည်။ ​ချောင်း​ပေါင်​လေး အ​ကာင်းဆုံး အမျိုးသမီး သရုပ်​ဆောင်ဆုအတွက် ဆန်ကာတင်စာရင်း ဝင်သည်ကပင် သူတို့အတွက် အ​ကောင်းဆုံး အင်အား ဖြစ်​နေပြီးပြီ။ သူမက ရုပ်ရှင်​လောကတွင် ​​လျှောက်လမ်းရမည့် လမ်းက အရှည်ကြီး ရှိ​နေ​သေးသည်။ သူမ ဆုမရလျှင်​တောင် အ​တွေ့အကြုံ​ကောင်းတစ်ခု ဖြစ်လာမည်ပင်။

ထန်​ချောင်း​ချောင်း ကိုယ်၌က ဖန်များထက်ပင် တည်ငြိမ်​သေးသည်။ သူမအတွက် ​ရွှေဖလား ဖြစ်ဖြစ် ​ငွေဖလားဖြစ်ဖြစ် သူမအ​ပေါ် ပရိတ်သတ်တို့၏ အချစ်​လောက် မ​ကောင်းနိုင်​ပေ။ သို့​သော်လည်း သိသိသာသာပင် သူမ​ဘေးမှ လူအများက ပို၍ စိတ်လှုပ်ရှား​နေကြသည်။ သူမ၏ ​အေဂျင်စီကလည်း ပါတီတစ်ခု ကြိုလုပ်​ပေးသည်။ မဒမ်ရှန်းက ချွေးမဖြစ်သူ အတွက် အလွန်အမင်း ဂုဏ်ယူ​နေပြီး ဘိုးဘွားများထံမှ လက်ဆင့်ကမ်းခဲ့​သော ပုလဲလက်ဝတ်ရတနာ တစ်စုံကိုလည်း သူမထံ ​ပေးလာခဲ့သည်။

ပြီး​တော့ ရှန်းယွဲ့သည်ကား...

သူက မအားလပ်​သော်လည်း ဆု​ပေးပွဲသို့ ထန်​ချောင်း​ချောင်းကို အ​ဖော်ပြုတက်​ရောက်ရန် ဆုံးဖြတ်လိုက်သည်။

ရှန်းယွဲ့​ပြောသည်မှာ "မင်းဆု​ရခဲ့ရင် မင်းကို ဂုဏ်ပြု​ပေးမဲ့ ပထမဆုံးလူ ဖြစ်ချင်တယ်... မင်း ဆုမရရင်​တော့ မင်း မှီထားလို့ ရမယ့် ပထမဆုံးလူ ဖြစ်​ပေးမယ်"

၎င်းက အ​တော်​လေး အငြင်းပွားဖွယ် ဖြစ်​နေ​သော်လည်း သူက ရုပ်ရှင်၏ ထုတ်လုပ်သူလည်း ဖြစ်​ပေသည်။ ထုတ်လုပ်သူက သူမနှင့်အတူ ​ကော်​ဇောနီ​ပေါ် တွဲ​လျှောက်သည်ကလည်း မမှန်ကန် သည့် အရာမဟုတ်​ပေ။

​ရွှေပုလဲ ဆု​ပေးပွဲတွင် စတားများက တလက်လက် ​တောက်ပ​နေကြသည်။ ​ကော်​ဇောနီ၏ ပထမဆုံးအပိုင်းတွင် ဖန်များက နှစ်ဖက်လုံး၌ ပြည့်​နေပြီး ဒုတိယအပိုင်းတွင် ကင်မရာ အကြီးကြီးများ သယ်ထား ကြ​သော မီဒီယာသမားများ အုပ်စုလိုက် ရှိ​နေကြသည်။

ရုပ်ရှင်အဖွဲ့များ တစ်ဖွဲ့ပြီး တစ်ဖွဲ့ ​ကော်​ဇောနီ​ပေါ်တွင် ​လျှောက်သွားကြသည်။ အမျိုးသမီးသရုပ်​ဆောင်များ၏ ပြိုင်ဆိုင်မှုက ​ကော်​ဇောနီ​ပေါ်မှာ ကတည်းက စတင်​နေသည်။ အဖွဲ့တစ်ခုချင်းစီက စိတ်လှုပ်ရှားမှု အပြည့်ဖြစ်ပြီး အလှအပအတွက် ယှဥ်ပြိုင်​နေကြသည်။ ဆု​ပေးပွဲမှာ ဖြစ်ဖြစ် အင်တာနက်​ပေါ်တွင် ဖြစ်ဖြစ် အလွန်အမင်း အသက်ဝင်​နေကြသည်။ 

အခမ်းအနားမှုက အ​ရှေ့ဖက်မှ ​ကြေညာလိုက်သည်။ "​ကော​ဇောနီ​ပေါ် ​နောက်ထပ် ​လျှောက် လာမဲ့သူ​တွေက​တော့ Hitဖြစ်သွားတဲ့ ရုပ်ရှင် "ပိုးအိမ်"ရဲ့ အဓိက သရုပ်​ဆောင်​တွေ ဖြစ်ပါတယ်... "ပိုးအိမ်"

က​တော့ လတ်တ​လောမှာ အထင်အမြင်​ကောင်း​တွေ အများကြီး ရရှိထားတာပါ" ဒါရိုက်တာ ချန်​ဟောင်က အဖွဲ့၏ အလယ်တွင် ရှိ​နေပြီး သူ့အပြုံး​ကြောင့် မျက်လုံးများက ​မှေးကျဥ်း​နေခဲ့သည်။

သတင်း​​ထောက်များက ရှာပြီးရင်း ရှာကြ​သော်လည်း ဇာတ်လိုက်ဖြစ်သူ ထန်​ချောင်း​ချောင်းကို မ​တွေ့ကြရ​ပေ။

"ထန်​ချောင်း​ချောင်း မတက်ဘူးလား"

"အ​ကောင်းဆုံး သရုပ်​​ဆောင်ဆု ဆန်ကာတင်ဝင်တဲ့သူ တစ်​ယောက်က ဘယ်လိုလုပ် မလာဘဲ​နေမှာလဲ"

သ​တင်း​ထောက်များ ပ​ဟေဠိ ဖြစ်​နေချိန်မှာတွင် အ​နောက်ဘက် ဖန်အုပ်စုထံမှ မိုး​လောက်မြင့်​သော ​အော်သံများ ​ပေါက်ကွဲလာသည်ကို ရုတ်တရက် ကြားလိုက်ကြရသည်။ 

သတင်း​ထောက်များနှင့် ဓါတ်ပုံဆရာများ လည်ပင်းဆန့်ပြီး အ​နောက်ဘက်ကို ကြည့်လိုက်ကြသည်။ ​နောက်ဆုံးတွင် သူတို့​မျှော်​နေ​သောသူက ​ယောကျ်ားတစ်​ယောက်၏ လက်ကို တွဲကာ ​ကော်ဇော​နီ တဖြည်းဖြည်း ​လျှောက်လှမ်းလာသည်ကို တွေ့လိုက်ကြရ​လေသည်။

ထိုသူက ထန်​ချောင်း​ချောင်း ဖြစ်​သော်လည်း သူမ​ဘေးမှ ထို​ယောကျ်ားက သရုပ်​ဆောင် တစ်​ယောက် မဟုတ်ခဲ့​ပေ။

သူတို့ အနီးကပ်ကြည့်လိုက်​သောအခါ ထိုလူက ရှန်းယွဲ့ဖြစ်​နေသည်။

ထန်​​ချောင်း​ချောင်းနှင့် ရှန်းယွဲ့က လက်ချင်းတွဲကာ ဆု​ပေးပွဲကို ဆက်​​ရောက်လာသည်။

ထိုအခိုက်အတန့်​လေးက စိတ်လှုပ်ရှားမှု အပြည့် ဖြစ်​နေသည်။ ကင်မရာသမားများက ရှန်းယွဲ့နှင့် ထန်​ချောင်း​ချောင်းကို မရပ်မနား တဖျတ်ဖျတ် ရိုက်​နေသည်။သတင်း​​ထောက်များက ထိုအခိုက်အတန့်​လေးကို သတင်း​ခေါင်းစီးအကြီးကြီး တစ်ခု ပြုလုပ်ရန် အ​ပြေးအလွှား ဖမ်းယူ​နေကြသည်။

အစီအစဥ်မှုးက သူတို့နှစ်​ယောက်ကို မိတ်ဆက်​ပေးလိုက်သည်။ "ထန်​ချောင်း​ချောင်းနဲ့ ရွှမ်ချောင်း မီဒီယာရဲ့ သူ​​ဌေးလည်းဖြစ် "ပိုးအိမ်" ရဲ့ ပရိုဂျူဆာလည်း ဖြစ်တဲ့ ရှန်းယွဲ့တို့ ​ကော်​ဇောနီ​ပေါ် အတူ ​လျှောက်လှမ်း​နေကြတာပါ"

ထိုမိတ်ဆက်စကားက အလွန် ​လေးနက်ပြီး အလွန် တရားဝင်ဆန်​နေသည်။ သို့​သော်လည်း ရလဒ်အ​နေဖြင့် အင်တာနက်​ပေါ်မှ လူများက ကသုတ်ကရက်ပင် ဖုန်းမျက်နှာပြင်ကို ပွတ်ဆွဲ​နေကြ​တော့သည်: 

【အားးးးးးးးးးးးးးးးးးးးးးးးးးးးးးးးးးးးးးးးးးးးးးငါ​တော့ အ​ခေါင်းထဲမှာ လဲ​နေရရင်​တောင် အက်ကွဲ​နေတဲ့အသံနဲ့ ထ​အော်လိုက်အုံးမယ်... ရှန်းယွဲ့နဲ့ ထန်​ချောင်း​ချောင်းတို့က အလိုက်ဖက်ဆုံး အတွဲပဲဟေ့】

【ငါက​တော့ အလှ​လေးနဲ့ ရုပ်​ချော​ချော ​ကောင်​လေးကိုပဲ မြင်ချင်ရုံ​လေး.... သူတို့က ဘာလို့ အချစ်​တွေ ပြ​နေရတာလဲ.... ချိုလွန်းတယ်လို့ အိုး...】

【​သောက်ကျိုးနည်း... ဥက္ကဌရှန်း ပွဲဦးမထွက်တာက အင်တာတိန်းမန့်​လောကရဲ့ အကြီးမားဆုံး ဆုံးရှုံးခြင်းပဲ​နော်... သူက ရှန်းလျန့်ထက်​တောင် ​ချော​သေးတယ် 】

【ဖာခ့်... ငါ CP​တွေကို မကြိုက်တာ​တောင်မှ တွင်းထဲကို ခုန်ဆင်း​တော့မယ်​ဟေ့!】

【ဒီအတွဲက ဘာလို့ နတ်ပုံပြင်ထဲကလိုနဲ့ တူ​နေပါလိမ့်... ငါ​​ကြေညာတယ်.... ဒီညရဲ့ အ​ကောင်းဆုံး ဝတ်စုံဆုကို လမင်းယုန်​လေး CPက ရသွားပါတယ်】

ထိုဆု​ပေးပွဲက နိုင်ငံအဆင့်ဆု​ပေးပွဲ ဖြစ်သည့်အတွက် ထန်​ချောင်း​ချောင်းက အထူးပြုပြင် ချုပ်လုပ်ထား​သော တရုတ်ရိုးရာ Cheng sam ဝတ်စုံကို ​ရွေးချယ်ခဲ့သည်။ တောက်ပ​သော အဝါ​ရောင် ဖဲသားတွင် ပန်းထိုးထား​ကာ ​ကျော့ရှင်း လှပ၍ ​ခြေ​ထောက်များတွင် အခွဲ​ကြောင်းများ လုပ်ထား​သော ဒီဇိုင်းဖြင့် Chengsam ဖြစ်သည်။ ၎င်းက ထန်​​ချောင်း​ချောင်း၏ စတိုင်ကျပြီး သိမ်​မွေ့လှ​သော ပုံရိပ်ကို အပြည့်အဝ ​ပေါ်လွင်​စေသည်။ သူမ၏ နက်​မှောင်လှသော ဆံနွယ်များကို ​​ခေါင်းအ​နောက်ဘက်တွင် ရိုးရိုးကျစ်ဆံမြီးကျစ်ကာ ထုံးဖွဲ့ထားသည်။ သူမက မဒမ်ရှန်း​ပေး​သော ပုလဲလက်ဝတ်ရတနာများ မဝတ်ခဲ့ဘဲ ရှန်းယွဲ့ သူမအတွက် ​လေလံဆွဲ​ပေးခဲ့​သော ​ကျောက်စိမ်း လက်​ကောက်ကိုသာ ဝတ်ဆင်ထားသည်။

ရှန်းယွဲ့က ​သေးငယ်​သော လည်စည်းနှင့် အနက်​ရောင် အ​​နောက်တိုင်း ဝတ်စုံ ဝတ်ထားပြီး ဆံပင်များ ​နောက်လှန်ဖြီးထားသည်။ ထိုသူက လုံးဝ ​ချော​မော​နေခဲ့​လေသည်။ 

ရှန်းယွဲ့ အ​ပေါ်ယံ တည်ငြိမ်​နေ​သည်ကိုသာ မကြည့်ပါနှင့်။ အမှန်တကယ်တွင်မူ သူက လည်​ချောင်းကိုဖိကာ ထန်​ချောင်း​ချောင်းကို ​ပြောလိုက်သည်၊ "ကင်မရာ အလင်း​ရောင်​တွေ​ကြောင့် ကိုယ့်မျက်လုံး​တွေ ကန်းလုနီးနီးပဲ" 

ထန်​ချောင်း​ချောင်းက မသိက​အောက် ပြုံးလိုက်ရသည်။ ကင်မရာများထံမှ အရူးအမူး လျှပ်တပြက် အလင်း​ရောင်များနှင့် ရင်ဆိုင်ရခြင်းသည် နာမည်​ကျော်များအတွက် မဖြစ်မ​နေ လုပ်​ဆောင်ရမည်သာ ဖြစ်သည်။

အ​ကောင်းဆုံး အမျိုးသမီး သရုပ်​​ဆောင်ဆုကဲ့သို့သော ဆုများမှာ ​နောက်ဆုံးမှသာ ​ပေး​လေ့ရှိသည်။ အခမ်းအနားအတွင်း ထန်​ချောင်း​ချောင်းနှင့် ရှန်းယွဲ့တို့က အတူတူထိုင်ကြသည်။ သူတို့နှစ်​ယောက်က အချင်းချင်း တီးတိုး​ပြောကာ ရယ်​မော​နေကြသည်။ ၎င်းတို့အားလုံးကို ကင်မရာမှ ရိုက်ကူးထားသည်။ အင်တာနက်​ပေါ်က လူအများမှာ ချဥ်စုပ်စုပ် လီမွန်များ​ကြောင့် ​သေလုနီးနီးပင်။ သို့​သော်လည်း သူတို့က စားရန် ၎င်းတို့ကို တူး​ထုတ်​နေကြဆဲ။ 

ည ဆယ်နာရီ ​ကျော်​သောအခါ အ​ကောင်းဆုံး အမျိုးသမီး သရုပ်​ဆောင်ဆုကို ​ကြေညာရန် အချိန်​ရောက်လာခဲ့သည်။

ဤတစ်ကြိမ်၌ ဆန်ကာတင်ဝင်​သော နှစ်​ယောက် သုံး​ယောက်မှာ စွမ်း​ဆောင်ရည်ရှိ​သော စီနီယာ သရုပ်​​ဆောင်များဟု အသိအမှတ် ပြုခံရသူများပင်။ ထန်​ချောင်း​ချောင်းက အလွန်တည်ငြိမ်​​သော စိတ်အ​ခြေအ​နေ ရှိ​နေ​သော်လည်း ဖန်သားပြင်​ပေါ် မှ သူမ၏ ဆန်ကာတင်ဝင်​သော ဇာတ်ကား အပိုင်းတိုလေးကို ပြသသည့် အလှည့် ​ရောက်​သောအခါ ရှင်းမပြနိုင်​အောင်ပင် မတည်မငြိမ် ဖြစ်သွားသည်။

ရှန်းယွဲ့က သူမ၏ လက်ကို ခပ်ဖွဖွ လှုပ်ခါကာ အား​ပေးလိုက်သည်။

Xxxxxx