အပိုင်း ၁၄၇

Chapter 147 (END)

မင်းသားနှင့် မင်းသမီး​လေး

ကြည့်ရှုသူများက ​ရှောင်​ပေါ်ကျန်းတွင် ​သွေး​ရေချိုးရန် ထပ်ပြီး ထပ်ပြီး ဗီဒီယိုများ တည်းဖြတ်​ပေးခဲ့သည်။ ​နောက်ပိုင်းတွင် ထိုကားက ဂျပန်နှင့် ကိုရီးယား၊ အ​ရှေ့​တောင်အာရှသို့ တင်သွင်းခဲ့ပြီး ထိုင်ဝမ်ထိပင် ​ပေါ်ပြူလာ ဖြစ်လာခဲ့သည်။ 

ထိုအချက်နှင့်ပင် ထန်​ချောင်း​ချောင်းက ဆုများ ratingများနှင့် ထိပ်တန်း ကြယ်ပွင့် တစ်​ယောက် ဖြစ်လာခဲ့သည်။ သူမ အလုပ်အကိုင်က ကြီးပွားလာခဲ့ပြီး သူမနှင့် ရှန်းယွဲ့တို့ လက်ထပ်ပွဲအ​ကြောင်းကိုလည်း အစီအစဥ်များတွင် ထည့်သွင်းခဲ့သည်။

ထန်​ချောင်း​ချောင်းက လက်ထပ်ပွဲကို သူမ၏ ကိုယ်ပိုင်ခြံတွင်သာ ကျင်းပရန် ဆုံးဖြတ်ခဲ့သည်။ သူမ၏ခြံက သဘာဝ ကျန်းမာ​ရေးအတွက် အလှဆုံး ​နေရာပင် ဖြစ်သည်။

သူမက ပွဲအကြီးကြီး မလုပ်ဘဲ ​ဆွေမျိုးများနှင့် မိတ်​ဆွေများကိုသာ ဖိတ်ကြားခဲ့သည်။ ​မောက်လီနှင့် ချမ်ချင်းက သူမ၏ သတို့သမီးအရံများ ဖြစ်​ပေးခဲ့သည်။

လက်ထပ်ပွဲကို လယ်​တော၏ ဟင်းလင်းပြင်​နေရာတွင် ကျင်းပခဲ့ပြီး တည်ခင်း​သော အစားအစာများမှာလည်း သူမ၏ လယ်တောမှ ထွက်​သော ပါဝင်ပစ္စည်းများ ဖြစ်သည်။ ထန်​ချောင်း​ချောင်းက အထူး​​ကောင်းမွန်​သော အလွှာ ငါးလွှာ ပါသည့် ကိတ်ကြီးတစ်လုံးကိုပင် ကိုယ်တိုင် ပြုလုပ်ထားခဲ့သည်။ ဧည့်သည်များက သူမကိုယ်တိုင် ပြုလုပ်ထား​​သော အခမ်းအနား အချိုပွဲတစ်ခုကိုလည်း ရရှိခဲ့သည်။

ထန်​ချောင်း​​ချောင်းနှင့် ရှန်းယွဲ့တို့က လက်ထပ်ပွဲကို စီစဥ်ထားခဲ့​သော်လည်း ရှန်းယွဲ့မှာလည်း ကိုယ်ပိုင်အ​တွေး ရှိ​နေခဲ့သည်။

ထန်​ချောင်း​ချောင်းက အမြဲတမ်း နှစ်လိုဖွယ်​ကောင်းသည့် မင်းသမီး​​​လေး ဖြစ်ချင်ခဲ့သည်ကို သူသိ​နေခဲ့သည်။ သူမက လုံးဝကျရှုံးသွားခဲ့​သော်လည်း ယခုတွင်မူ သူမက လူအများ မျက်လုံးထဲတွင် တင်စီးလွန်း​သော အစ်မချောင်း ဖြစ်​နေခဲ့သည်။ 

သို့​သော်လည်း ယခုက သူမ၏ လက်ထပ်ပွဲ ဖြစ်သည်။ ရှန်းယွဲ့က သူ့မိန်းမ​လေး၏ ဆု​သေး​သေး​လေးကို ပြည့်သွား​စေချင်သည်။

မင်းသမီး​လေးရဲ့ တွဲဖက်က ဘယ်သူ ဖြစ်လာမှာလဲ... ​သေချာ​ပေါက် သူက မင်းသား​လေး​ပေါ့...

ရှန်းယွဲ့က ဥာဏ်များ​သော လှည့်စားမှုသေး​သေး​လေးကို စီစဥ်ထားသည်။ သူ ထန်​ချောင်း​ချောင်းကို မ​ပြောပြခဲ့​သော်လည်း လက်ထပ်ပွဲ​​နေ့တွင် သူပ အဖြူရောင် ဝတ်စုံဝတ်၍ မြင်းဖြူကြီးစီးကာ လက်ထပ်ပွဲ​နေရာသို့ တဖြည်းဖြည်း ရောက်လာခဲ့သည်။

သူက ​ချော​မော​သော အ​ရောင်အဝါတို့ဖြင့် မြင်းတစ်​ကောင်​ပေါ် ထိုင်​နေသည်။ မနီးမ​ဝေးတွင် လှပ​သော သတို့သမီး ဝတ်စုံ ဝတ်ထား​​သော သတို့သမီး​လေး ရှိ​နေခဲ့သည်။ ​နောက်ခံတွင် ရိုမန့်တစ်ဆန်​သော မင်္ဂလာသီချင်းတစ်ပုဒ် ဖွင့်ထားခဲ့သည်။ ဧည့်သည်အားလုံးက ထရပ်ကာ သူ့ကို ကြည့်​နေခဲ့သည်။

'အားလုံးက ပြီးပြည့်စုံ​နေတာပဲ'

'ကိုယ်လာ​နေပြီ ကိုယ့်ရဲ့ မင်းသမီး​လေး'

ရှန်းယွဲ့က သူ့နှလုံးသားထဲတွင် အနည်းငယ် လှုပ်ရှား​နေခဲ့သည်။ သို့သော်လည်း သူ ထန်​ချောင်း​ချောင်းအနား ​ရောက်​တော့မည့် အချိန်တွင် မြင်းဖြူကြီးက ရှင်းမပြနိုင်​စွာပင် အငြိမ်မ​နေတော့။ သူက ​ခွာများကိုလက်လွတ်စပယ် ရှေ့​နှင့်​နောက် ခုန်​ပေါက်​နေသည်။

ရှန်းယွဲ့က မြင်းစီးရာ၌ မကျွမ်းကျင်ဘဲ မြင်းကလည်း ထိန်းရခက်လာသည်။ ဧည့်သည်များကလည်း ထိတ်လန့်​နေကာ မည်သူမျှ သူ့အနား မကပ်ရဲကြ​ပေ။

ဆိုးဆိုးဝါးဝါး ဖြစ်ပျက်​တော့မည့် အချိန်တွင် သတို့သမီးအလှ​လေးက ပန်းစည်းကို ပစ်ထုတ်ကာ ​ဒေါက်ဖိနပ်ကို ကန်လွှတ်၍ ဂါဝန်အနားစကို ​ကောက်မလိုက်သည်။ ထို့​နောက် သူမက အငြိမ်မ​နေ​သော မြင်းဖြူကြီးဆီ ​ပြေးလာပြီး ကြိုးကို ဆွဲလိုက်သည်။ ထို့​နောက် အလင်းကဲ့သို့ အလျင်ဖြင့် လွှားခနဲ ခုန်ကာ မြင်း၏ကျော​ပေါ် တက်ထိုင်လိုက်သည်။

ထန်​ချောင်း​ချောင်းက မည်ကဲ့သို့ လုပ်ရမည်ကို သိ​နေသည်။ သူမတက်လိုက်သည်နှင့် ဇက်ကြိုးကို ဆွဲကာ မြင်း၏ တင်ပါးကို စည်းချက်မှန်မှန် ပုတ်​ပေးလိုက်ပြီး မကြာမီပင် မြင်းက ငြိမ်ကျသွားသည်။

"မြင်း​ကောင်း​လေးပဲ" ထန်​ချောင်း​ချောင်း ချီးမွမ်းလိုက်သည်။

ရှန်းယွဲ့က ကြက်​သေ​သေသွားရ​တော့သည်။

သူ၏ ပြီးပြည့်စုံ​သော အစီအစဥ်မှာ: ​လျှောက်သွားပြီး ထန်​ချောင်း​ချောင်းကို ​မြင်း​ပေါ် ​ခေါ်လိုက်ကာ သူ့ကိုယ်​ပေါ်တွင် မှီထား​စေမည်။ ၎င်းက မင်းသားနှင့် မင်းသမီး​လေးတို့၏ စံသတ်မှတ်ထား​သော မြင်းစီးပုံပင်။

အခု ဘာ​တွေ ဖြစ်​နေတာလဲ...လမ်း​ကြောင်း ​ပြောင်းသွားပြန်ပြီ.... သူအခု ထန်​ချောင်း​ချောင်းရဲ့ လက်​မောင်းထဲမှာ အဖက်ခံထားရပြီး ငှက်တစ်​ကောင်လို မှီ​နေရတဲ့သူ ဖြစ်​နေတယ်...

ဧည့်သည်များမှာ တ​သော​သော ရယ်​မောကြ​တော့သည်၊ လူတိုင်းက ထန်​ချောင်း​ချောင်းရှိ​နေသည်နှင့် အရာအားလုံးက မထင်မှတ်ထား​သော ထူးဆန်းသည့် လမ်း​ကြောင်း​ပေါ်သို့ ​ရောက်သွားမည်ဖြစ်​ကြောင်း သိလိုက်ကြသည်။

သို့​သော်လည်း ရလဒ်က ထိုကဲ့သို့​သော အ​နှောင့်အယှက် ပြီးသွားသည်နှင့် ပို​​ကောင်းလာ​သေးသည်။ ထို​နေရာရှိ ​လေထုက စိတ်လှုပ်ရှားမှုများ ​ပေါက်ကွဲထွက်လာကြသည်။

ထိုဗီဒီယိုကို ဧည့်သည်များ ​ဝေ့​ပေါ်တွင် တင်လိုက်​သောအခါ အင်တာနက်​ပေါ်ရှိ လူထုကြီးကို ရယ်​မောသွား​​စေ​တော့သည်။

[​ချောင်းပေါင်က ​ချော​​မောပြီး အင်အားပြည့်​နေတာပဲ]

[မစ္စတာရှန်းက ချစ်ဖို့​ကောင်းလိုက်တာ]

[မင်းသား​လေး​ချောင်းနဲ့ မင်းသမီး​လေး??? ငါ့CPက​တော့ ​ပြောင်းပြန်ဖြစ်ကုန်ပါပြီ... ဒါ​ပေမယ့် ငါကြိုက်တယ်... ဟားဟားဟား]

ထန်​ချောင်း​ချောင်းက မြင်း​ပေါ်တွင် အလွန်အမင်း စိတ်လှုပ်ရှား​နေကာ ဧည့်သည်များဆီ လက်​ဝေ့ယမ်းပြ​နေခဲ့သည်။

ရှန်းယွဲ့ "....."

ထန်​ချောင်း​ချောင်းက မြင်း​ပေါ်တွင် အလွန်အမင်း စိတ်လှုပ်ရှား​နေကာ ဧည့်သည်များဆီ လက်​ဝေ့ယမ်းပြ​နေခဲ့သည်။

ရှန်းယွဲ့ အစီအစဥ်မှာ အ​တော်​လေး ဖန်တီးနိုင်စွမ်းရှိသည်။ သူမက မင်္ဂလာဦးည၏ မင်္ဂလာအခန်း၌ သူ့ကို ဆုအချို့​ပေးရမည်။

ရှန်းယွဲ့က ရုန်းကန်​နေရသည်ကို ရပ်လိုက်ပြီး သူမကိုသာ ဦး​ဆောင်ခွင့်​ပေးလိုက်သည်။ ဘာပဲဖြစ်ဖြစ် သူ့မင်းသမီး​လေးဆီက​နေ ဖက်ခံ​နေရတဲ့ပုံက အင်တာနက်​ပေါ် ပျံ့သွား​​လောက်ပြီပြီ။ အခုအချိန်တွင် မြင်းဖြူ​ပေါ်တွင် စီးနင်း​နေ​​သော လူနှစ်​ယောက်သာ ဖြစ်သည်။

သို့​သော်လည်း ထိုကိစ္စ၌မူ ထန်​ချောင်း​ချောင်း သ​ဘောမကျ​တော့။ သူမက မြင်းဖင်ကို ပုတ်ကာ အပြုံး​လေးဖြင့် ဆိုလိုက်သည်။ "သွား​တော့... မြင်းစီးကြမယ်​လေ"

ရှန်းယွဲ့: 'ဟမ်'

ဓါတ်ပုံဆရာများက ထန်​ချောင်း​ချောင်းနှင့်ဥက္ကဌရှန်းယွဲ့တို့ မြင်း​ပေါ်၌ ကဆုန်​ပေါက် ပါသွားပုံကို အမိအရ ရိုက်ယူထားသည်။အင်တာနက်​ပေါ်က လူများကလည်း ၎င်းကို နာမည်​ကျော်များ၏ မင်္ဂလာပွဲများမှ ဂန္တဝင် ဓါတ်ပုံများအဖြစ် ​ရွေးချယ်ခဲ့သည်။

​နောက်ပိုင်းတွင် ထိုဓါတ်ပုံကို ထန်​ချောင်း​ချောင်းနှင့် ရှန်းယွဲ့တို့၏ အိပ်ခန်းတွင် ချိတ်ဆွဲထားခဲ့​လေသည်။

××××××××××× The End ×××××××××××××

(ထန်​ချောင်း​ချောင်းနဲ့ ရှန်းယွဲ့တို့ရဲ့ ဇာတ်လမ်းက ဒီမှာ ပြီးပါပြီ)

[T/N ​နောက်မှာ bonus chapter သုံးပိုင်း ရှိ​နေပါ​သေးတယ်]

Xxxxxxxxxx