အပိုင်း ၁၄၈

Chapter 148

 Bonus Chapter 1

လက်ထပ်ပြီး နှစ်နှစ်အကြာ မနက်ခင်းတစ်ခုတွင် ရှန်းယွဲ့က ​ရှောင်​လုံ​ပေါင်များ ဖြည့်ထား​သော စွပ်ပြုတ်၊ အမဲသားနှင့် ပဲပိစပ် ​ခေါက်ဆွဲ ပန်ကန်လုံးကြီး တစ်လုံး၊ အလွန်ထူလှ​သော အ​စေ့အဆန်​ပေါင်းစုံဖြင့် လုပ်ထား​​သော ပန်ကိတ် တို့ကို စား​နေပြီး အီကြာ​ကွေးများဆီ လက်လှမ်းလျက်ရှိသော ထန်​ချောင်း​ချောင်းကို ကြည့်​နေခဲ့သည်။ 

"ငါ့မိန်းမက ဒီ​နေ့ စားချင်စိတ် အပြည့် ရှိ​နေပုံပဲ"

ထန်​ချောင်း​ချောင်းက သူ့ကို ထူးဆန်းသည့်ဟန်ဖြင့် ကြည့်လိုက်သည်။ 

"ကျွန်မက ​နေ့တိုင်း အာသီသ ​ကောင်း​ကောင်း ရှိပါတယ်​နော်"

ထို အီကြာ​​ကွေးများကို အမဲသား​ခေါက်ဆွဲပြုတ်ထဲ နှစ်စားပါက ပိုအရသာ ရှိ​ပေသည်။

"ခုရက်​ပိုင်း ပိုစား​ကောင်း​နေသလားလို့" ရှန်းယွဲ့က ​ပြောလိုက်သည်။

ထန်​ချောင်း​ချောင်း၏ စားချင်စိတ်က သာမန်လူများထက် ပိုကြီး​သော်လည်း အစားကြူးသူ​တော့ မဟုတ်ပါ​ပေ။ သူမက အနပ်တိုင်း နွားတစ်​ကောင်လုံး စားနိုင်သူ မဟုတ်​ခဲ့​ပေ။ 

သို့​သော်လည်း လွန်ခဲ့သည့် လဝက်အတွင်း သိသိသာသာပင် သူမက ပုံမှန်ထက် ပိုစားလာခဲ့သည်။

ထန်​ချောင်း​​​ချောင်းက ထိုအ​ကြောင်းကို ကြား​သောအခါ ဝါး​နေသည့်နှုန်းကို ​နှေးလိုက်ပြီး ​သေချာ စဥ်းစားကြည့်လိုက်သည်။

ကြည့်ရသည်မှာ သူမက ပုံမှန်ထက် ပိုစားဖြစ်​နေပုံပင်။

ထိုအချိန်၌ အန်တီဝမ်က ​လော​လောလတ်လတ် ​​​ပေါင်းထား​သော ဖက်ထုပ်ကြည်ကြည်​လေးများကို ယူလာခဲ့ပြီး ထိုနှစ်​ယောက်၏ စကားများကို ကြားသည့်အချိန်ကိုက် ​ရောက်သွားခဲ့သည်။ သူမက သာမန်ကာလျှံကာမျှ စကားတစ်ခွန်း ထပ်​ပေါင်းလိုက်​လေသည်။

 "မဒမ်ရှန်းရဲ့ စားချင်စိတ် ရုတ်တရက် တိုးလာတဲ့ အချိန်တစ်ခု ရှိခဲ့ဖူးတယ်... အဲ့ဒါ မဒမ် ဆရာ့ကို လွယ်ထားတဲ့ အချိန်တုန်းက​လေ"

​ဒေါက်

ရှန်းယွဲ့လက်ထဲမှ တူများ စားပွဲ​ပေါ်သို့ ကျသွားခဲ့သည်။

သူနှင့် ထန်​ချောင်း​ချောင်းတို့ အချင်းချင်း ကြည့်မိလိုက်ကြသည်။ အ​တွေးတစ်ခုက သူတို့၏ ​ခေါင်းထဲတွင် တစ်ပြိုင်နက်တည်း ​ပေါ်လာခဲ့​လေသည်။

'ကိုယ်ဝန်လား'

ထန်​ချောင်း​ချောင်းနှင့် ရှန်းယွဲ့က က​လေးများအ​ပေါ်တွင် သာမန်သ​ဘောထားသာ ရှိခဲ့ပြီး က​လေးတစ်​ယောက် ယူရန်အတွက် တမင် ကြိုးစားခဲ့ခြင်း မရှိခဲ့​ပေ။ သူမ၏ ဓမ္မတာကို သတိထား​လေ့ မရှိ​သော ထန်​ချောင်း​ချောင်း၏ ​ကြောင့်ကြမဲ့ စိတ်​ကြောင့်လည်း သူတို့က ထိုအ​ကြောင်းကို ​တွေးထားခြင်း မရှိခဲ့​။

'တစ်ပတ်​လောက် ​နောက်ကျ​နေပြီမလား'

​နောက်တစ်စက္ကန့်တွင် ရှန်းယွဲ့က အစားရပ်လိုက်သည်။ သူက ​​တောင့်ခဲနေသော ထန်​ချောင်း​ချောင်း၏ လက်ထဲမှ အီကြာ​ကွေး​ချောင်းကို ယူကာ ချထားလိုက်ပြီး တုန်လှုပ်စွာ ​ပြောလိုက်သည်။ "သွား...သွားရ​အောင် ​ဆေးရုံကို"

​ဆေးရုံမှ စစ်​ဆေးချက် ရလဒ်သည်ကား သူမ ကိုယ်ဝန်ရှိ​နေသည်မှာ တစ်လ​ကျော်ပြီဟု ​ဖော်ပြလာခဲ့သည်။

ရှန်းယွဲ့က စိတ်လှုပ်ရှား​နေခဲ့သည်။ သူက သူမ​မွေးဖွားသည့်အချိန်၌ အိမ်တွင် အတူရှိ​နေရန်ကိုသာ အာရုံနှစ်ထားရန်အတွက် လက်ထဲရှိ အလုပ်အားလုံးကို ပစ်ချ​လိုက်ခါနီးနီးပင်။

ထန်​ချောင်း​ချောင်းက ​ပြောလိုက်ရသည်။

 "အခုမှ တစ်လပဲ ရှိ​သေးတာ... ​မွေးဖို့ ပြင်ဆင်ဖို့ အရမ်း ​စောလွန်း​နေ​သေးတယ်... မလို​သေးဘူး​လေ"

ရှန်းယွဲ့က သူမ၏ ဗိုက်ကို ဂရုတစိုက်ထိကာ အလွန် ရင်ခုန်စိတ်လှုပ်ရှား​နေဆဲပင်။ 

"ဒါ​ပေမယ့် ​ဒေါက်တာ​ပြောတာ ပထမဆုံးသုံးလမှာ မတည်ငြိမ်​သေးဘူး... အန္တရာယ်များတယ်တဲ့"

"စိတ်ငြိမ်ငြိမ် ထားစမ်းပါ... ကျွန်မ ကိုယ်ဝန်ရှိ​နေတာလား... ရှင်ပဲ ကိုယ်ဝန်ရှိ​နေတာလားပဲ" 

ထန်​ချောင်း​ချောင်းက သူမဗိုက်ထဲမှ အသက်​လေးတစ်ခုမှာ သူမကဲ့သို့ပင် အလွန်သန်မာ​ကြောင်း ခံစားမိ​နေသည်။

ထိုညမှာပင် ထန်​ချောင်း​ချောင်းက အခြားနာမည်​ကျော်များကဲ့သို့ သုံးလ မ​စောင့်​တော့ပဲ ​ဝေ့​ပေါ်တွင် ထိုသတင်း​ကောင်းကို ​ကြေညာလိုက်သည်။

အင်တာနက်​ပေါ်မှ လူများက တစ်​ယောက်ပြီးတစ်​ယောက် ဆုမွန်​ကောင်း​တောင်း​ပေးလာကြသည်။ သကြားယုန်​လေးများကလည်း သူတို့တွင် ​ချောင်း​ချောင်း အ​သေးစား​လေး တစ်​ယောက် ရှိလာ​တော့မည်ကို သိလိုက်ရ​သောအခါ ​​ဂုဏ်ပြုသည့်အ​နေနှင့် ကံစမ်းမဲများကိုပင် ​ပျော်ရွှင်စွာ လုပ်​ပေးခဲ့ကြသည်။

ထန်​ချောင်း​ချောင်း၏ အလုပ်က ပုံမှန်ကဲ့သို့ပင်။ သို့​သော်လည်း ရှန်းယွဲ့က အမှန်တကယ်ပင် သူ့အလုပ်အများစုကို ​ဘေးပို့ထားလိုက်သည်။ သူက တစ်ဆင့်ချင်း ထန်​ချောင်း​ချောင်းကိုသာ အ​ဖော်ပြု​နေ​တော့သည်။

ထန်​ချောင်း​ချောင်း ရိုက်ကူး​ရေး လုပ်​နေလျှင် သူက ထိုင်​နေကာ ကိုယ်ဝန်​ဆောင်ခြင်းနှင့် က​လေး ထိန်း​​ကျောင်းမှုများအ​ကြောင်း စာအုပ်များ ဖတ်​နေခဲ့သည်။ သူ့မှတ်စုများက စာအုပ် ထုတ်၍ပင်ရ​နေပြီး ၎င်းကို မီဒီယာများက "ဇနီးကို ချစ်ခြင်းအဖြာဖြာ စာအုပ်"ဟု ချစ်စနိုး ​ခေါ်​ကြ​လေသည်။

ထိုကဲ့သို့ပင် ကိုယ်ဝန် ကိုးလ လွယ်ပြီး​သောအခါ သူတို့၏ က​လေး ရှန်းနန့်ထန် ​မွေးလာခဲ့​လေသည်။

က​လေး၏ အမည်ကို သူတို့နှစ်ဦး အတူ စဥ်းစား ထားခြင်း ဖြစ်သည်။ မူလတွင် ရှန်းယွဲ့က သူ့သမီး​လေးကို "ရှန်း အိုက် ထန်"ဟု ​ပေးချင်ခဲ့​သော်လည်း ထန်​ချောင်း​ချောင်းက ပယ်ချခဲ့သည်။

၎င်းက အလွန် ပ​ရောပရီ ဆန်လွန်း​ပေသည်။

[T/N အိုက်က "ချစ်တယ်"လို့ အဓိပ္ပါယ်ရတာ​ကြောင့် ရှန်းအိုက်ထန် = ရှန်း(ယွဲ့က) ထန်(​ချောင်း​​​ချောင်းကို) ချစ်တယ်]

ထန်​ချောင်း​ချောင်းက အလယ်နာမည်ကို ​ပြောင်းလိုက်ပြီး ​နန့်ထန်ဟု ​ခေါ်ကာ တော်ဖီ​လေး ဟူသည့် ချစ်စရာ အမည် ဖြစ်သွားသည်။ ဘယ်​လောက် ချစ်စရာ ​ကောင်းလိုက်လဲ

[T/N Nickname (奶糖) က နန့်ထန်=​တော်ဖီ ဆိုတဲ့ အသံထွက်​ပေမယ့် နာမည် ရှန်းနန့်ထန်(沈乃唐) ဆိုတဲ့ နာမည်နဲ့ ​ရေးနည်းကွာပါတယ်။]

သူမကိုယ်တိုင်က မင်းသမီး​လေး ဖြစ်ရန် အခွင့်အ​ရေး မရခဲ့သော်လည်း သူမ၏ သမီး​လေးကို ကမ္ဘာ​ပေါ်မှာ ချစ်စရာ အ​ကောင်းဆုံး မင်းသမီး​လေး အဖြစ် ပျိုး​ထောင်​ပေးမည်။

သို့သော်....

သူမ၏ သမီး​လေးကလည်း လမ်းလွဲသွားပုံ ရသည်သာ။

.......

​နေ​ရောင်က ​တောက်ပပြီး ​ကောင်းကင်က ကြည်လင်​နေသည်။

နှစ်​ပေါင်းများစွာ ပျိုး​​ထောင်လာပြီး​နောက် ထန်​ချောင်း​ချောင်း၏ လယ်​တောက နိုင်ငံ၏ အကြီးဆုံးနှင့် အကျိုးအမြတ် အများဆုံး ကိုယ်ပိုင် လယ်​တော တစ်ခု ဖြစ်လာခဲ့ပြီး နိုင်ငံအနှံ့ လက်ခွဲများစွာ ဖွင့်လှစ်နိုင်ခဲ့သည်။ မြို့​တော်တွင် ရှိ​သော ထိုလယ်​တောက ဧရိယာ အကြီးဆုံး ဖြစ်ကာ အထဲတွင် သူမ၏ အစားအ​​သောက်များ ထုတ်လုပ်ရာ အပန်း​ဖြေအိမ်ရာ တစ်ခု ရှိ​သေးသည်။ ထိုအပန်း​ဖြေအိမ်အတွက် လည်ပတ်ချင်သူများက အ​တော်​လေး မြင့်မားလှသည်။ တစ်နှစ် ကြိုတင် မှာယူထားရန် လိုအပ်​ပေသည်။

"ဘန်းဘန်းဘန်း"

အ​စောင့်က တစ်​ရေးအိပ်​နေချိန်တွင် တံခါးကို ထုသည့်အသံအား ကြားလိုက်ရသည်။ ထိုအသံက ထူးဆန်းသည်။ တံခါး၏ ​အောက်ပိုင်းမှ လာခြင်း ဖြစ်​လေသည်။

တံခါး​စောင့်က အ​ပေါ်ဘက် ပြတင်း​ပေါက်မှ ​​ခေါင်းပြူကာ ကြည့်လိုက်ချိန်၌ တံခါး၏ အမြင့်တစ်ဝက်ထက်ပင် နိမ့်​သော က​လေးမ​လေး တစ်​ယောက်က လည်ပင်းဆန့်ကာ သူ့ကို ကြည့်​နေသည်အား ​တွေ့လိုက်ရသည်။

"​တော်ဖီ​လေးပါလား... ဒီ​နေ့လည်း ထပ်​ရောက် လာတာ​ပေါ့"

က​လေး​လေးက သူ​ဌေး၏ သမီး ဖြစ်​ပေသည်။ သူမကို လျစ်လျူရှုထား၍ မရ​ပေ။

​မျက်နှာ ဝိုင်းဝိုင်း​လေးနှင့် က​​လေးမ​လေး၏ ဆံပင်ကို ​​ဘောလုံး​လေးသဖွယ် သခွပ်ပန်း ဆံပင်စည်းကြိုး​လေးဖြင့် စုချည်ထားသည်။ သူမ၏ ကြီးမား​သော အနက်ရောင် မျက်လုံး​လေးများက လှည့်ပတ်ကြည့်​နေကာ အရည်လဲ့​နေပြီး အဖြူ​ရောင် ပါး​ဖောင်း​ဖောင်း​​လေး ​ပေါ်တွင် ပါးအို့နီ နှစ်ခုလည်း ရှိ​နေ​သေးသည်။

အပြာ​ရောင်နှင့် အဖြူ​ရောင် မူကြို ဝတ်စုံကို ဝတ်ထားလျက် ရှန်းနန့်ထန်က အ​စောင့်ကို ​ခေါင်းငြိမ့်ပြလိုက်သည်။ ထို့​နောက် သူမလည်ပင်းတွင် ချိတ်ဆွဲထား​သော ကဒ်ကို ထုတ်ကာ နူးနူးညံ့ညံ့ အသံ​လေးနှင့် ​ပြောလိုက်သည်။ 

"ဦးဦး သမီးကို တံခါးဖွင့်ဖို့ ကူညီ​ပေးပါအုံး"

ဝန်ထမ်းများက လယ်​တောကို ဝင်​ရောက်သည့် အချိန်နှင့် ထွက်ခွာချိန်များတွင် သူတို့၏ ကဒ်ကို ပွတ်ဆွဲကာ တံခါးဖွင့်​ရပြီး ရှန်းနန့်ထန်တွင်​လည်း ကဒ်တစ်ခု ရှိသည်။ သို့​သော်လည်း ကဒ်ဆွဲရသည့်စက်က သူမအတွက် မြင့်လွန်း​နေသည်။ သူမဝင်သည့် အချိန်တိုင်း အ​စောင့် ဦးဦးကို သူမအတွက် ကူညီ​ပေးရန် ​ပြောရသည်။

​မေးခွန်း: သူမမျက်နှာ​လေး ပြလိုက်တာနဲ့ ဘာလို့ ဝင်လို့မရတာလဲ...

အ​ဖြေ: ဒါက သူမ​တောင်းဆိုထားတဲ့ အရာပါပဲ... သူမက ဒါကို ဓ​လေ့ထုံးတမ်းကို လိုက်နာခြင်းလို့ ​ခေါ်ပါတယ်...

"အို​ကေ ဦးဦး လုပ်​ပေးမယ်​နော်" အ​စောင့်က ရှန်းနန့်ထန်အတွက် ကဒ်ဆွဲ​ပေးလိုက်ပြီး တံခါး ဖွင့်​ပေးလိုက်သည်။

ရှန်းနန့်ထန်က ကဒ်ကို ​ပြန်ယူပြီး ပုံမှန်အတိုင်း လည်ပင်းတွင် ပြန်ချိတ်ထားလိုက်ကာ နာခံစွာဖြင့် ​ပြောလိုက်သည်။ "ကျေးဇူးတင်ပါတယ် ဦးဦး"

အ​စောင့် ကပြုံးလိုက်သည်။ "ရပါတယ်ဗျာ... အထဲကို ဦးဦး လိုက်ပို့​ပေးရမလား"

သူမက ခပ်ဖြည်းဖြည်း ​ပြောလိုက်သည်။ "​မလို​တော့ဘူး... သမီး လမ်းသိတယ်"

ထို့​နောက် အ​စောင့်က ​ရွှေဖရုံသီး ပုံစံ အဝါ​ရောင် ​ကျောင်းလွယ်အိတ်​လေးကို သယ်ကာ ​ကျောက်စရစ်​လေး​လေးသို့ ​လျှောက်သွား​သော က​လေးမ​လေးကို ကြည့်​နေခဲ့သည်။

သူက နှလုံးသားထဲတွင် ကြိမ်း​မောင်း​နေခဲ့သည်။ သူ့သူ​ဌေးက ဘာ​တွေ​တွေး​နေပါလိမ့်... သူတို့က က​လေးငယ်​လေးကို ဒီကို ခဏခဏ လာ​​ဆော့ဖို့ ခွင့်ပြု​ပေးထားတယ်... တစ်ခုခု ဖြစ်သွားမှာ မ​ကြောက်ကြဘူးလား...

ရှန်းနန့်ထန် လမ်းချိုး​လေးသို့ ဝင်သွားသည်နှင့် အ​စောင့်က သူမ၏ ​နောက်​ကျော​လေးကို ထပ်မမြင်ရ​တော့သည်​ကြောင့် ပြန်လှည့်လိုက်ချိန်တွင် အံ့အားသင့်သွားရသည်။

​နေကာ မျက်မှန်တပ်ထား​​သော အနက်​​ရောင် အ​နောက်တိုင်း ဝတ်စုံဝတ် လူ ​ခြောက်​ယောက်က အတန်းနှစ်ခုဖြင့် တန်းစီကာ တံခါး​ရှေ့တွင် ရပ်​​နေကြ​လေသည်။

သူက ခပ်မြန်မြန် ​ခေါင်းငြိမ့်ကာ ဦးညွှတ်လိုက်ရသည်။ 

"ဟယ်လို... ​ကျေးဇူးပြုပြီး ဝင်ကြပါ"

တံခါး​စောင့်က နှဖူးမှ ​ချွေးများကို သုတ်လိုက်ရသည်။ သူက ဘာ​တွေ စိတ်ပူ​ပေး​နေတာပါလိမ့်... ဒီ​လောက် ​ဘော်ဒီဂတ်​တွေ အများကြီးက က​လေး​နောက်ကို တိတ်တိတ်​လေး လိုက်​နေကြတာ... တစ်ခုခု ဖြစ်သွားတယ် ဆိုတာကမှ ထူးဆန်းအုံးမယ်...

ရှန်းနန့်ထန်က ​လျှောက်ရင်း ​လျှောက်ရင်းဖြင့် သူမ၏ ဦးတည်ရာသို့ ​​ရောက်လာခဲ့သည်။ ထို စမ်းသပ်စိုက်ခင်း အ​​သေး​​လေးက ထန်​ချောင်း​ချောင်း သူမအတွက် အထူးတလှယ် လုပ်​​ပေးထားခြင်း ဖြစ်သည်။

မှန်​ပေသည်။ ထိုက​လေး ရှန်းနန့်ထန်က သူမမိခင်၏ ဝိဥာဏ်စွမ်းအင်နှင့် အသီးအရွက် စိုက်ပျိုးသည့် ဝါသနာကို ဆက်ခံထားသည်။ အခြားက​လေးများက ဘာဘီရုပ်​​လေးများနှင့် ဆူဆူညံညံ ​ဆော့ကစား​နေချိန်တွင် ရှန်းနန့်ထန်က အသီးအရွက် စိုက်ခင်း၏ ရွှံ့ထဲတွင် တစ်​​ယောက်တည်း ကစား​နေရင်းဖြင့် အချိန်ဖြုန်းနိုင်သည်။

၎င်းက သူမအတွက် လှပ​​သော မင်းသမီး ဝတ်စုံ​လေးများ တစ်ခန်းအပြည့် ပြင်ဆင်ထား​​သော ထန်​ချောင်း​ချောင်းကို ရင်ကျိုး​စေခဲ့​ပေသည်။

ယခုတွင် ရှန်းနန့်ထန်က သုံးနှစ်အရွယ် ဖြစ်ပြီး ထန်​ချောင်း​ချောင်းက သူမ၏ ကံကြမ္မာကို လက်ခံကာ သူမ၏ လယ်​တောတွင် က​လေးအတွက် စိုက်ခင်းအ​သေး​​လေးတစ်ခု လုပ်​ပေးခဲ့သည်။ သူမက သမီး ဖြစ်သူကို စိုက်ခင်းအတွင်း သွားခွင့်ပြုကာ သူမ မည်သည်ကို စိုက်ပျိုးနိုင်မည်အား ကြည့်​ပေးခဲ့သည်။

ရှန်းနန့်ထန်က ဝန်ထမ်းများ အနားယူ​လေ့ရှိ​သော လယ်​တောအတွင်းမှ အိမ်က​လေးထဲကို ဝင်သွားခဲ့သည်။ သူမက ​ကောက်ရိုးဦးထုပ်​လေးကို ယူကာ ဦးထုပ်​လေးဖြင့် ​ခေါင်း​ပေါ်မှ ဆံပင်အထုံး​လေးကို ဖုံးလိုက်ပြီး မှန်ကိုကြည့်၍ သူမ၏ ​မေး​အောက်တွင် ဦးထုပ်ကြိုးကို ​သေ​သေချာချာ ချည်လိုက်သည်။ ထို့​နောက် ခြင်း​​သေး​သေး​လေးနှင့် ​ဂေါ်ပြား​​သေး​သေး​လေးကို ယူကာ သူမ၏ စိုက်ခင်း​လေးသို့ သွားခဲ့သည်။

သူမက ​ရေတစ်ပုံးကို အသီးအရွက်ခင်း​လေးဆီ ဆွဲသွားလိုက်သည်။ အ​မှောင်ထဲတွင် ပုန်းနေ​သော ​ဘော်ဒီဂတ်များမှာ အနည်းငယ် စိတ်ပူသွားကြ​သော်လည်း သူတို့က ​​နေမြဲအတိုင်း​နေရဆဲပင်။

ရှန်းနန့်ထန်က ​သေးလွန်းသဖြင့် စိုက်ခင်း​လေးထဲ ထိုင်ချလိုက်သည်နှင့် ဦးထုပ် အနား​လေးကိုသာ မြင်နိုင်​တော့သည်။

သူမက ​​ဂေါ်ဖီထုပ်အရွက်များကို သူမ၏ လက်ကလေးဖြင့် ညင်ညင်သာသာ ပွတ်​ပေးလိုက်သည်။

သူမက ခရမ်းချဥ်သီး အစိမ်း​လေးများကို ကြည့်လိုက်ပြီး​နောက် သူမထည့်​ပေး​သော ဝိဥာဏ် စွမ်းအင်များက မလုံ​လောက်​သေး​ကြောင်း ခံစားလိုက်ရသည်။ သူမက ​နောက်ထပ်လို​နေ​သော်လည်း သူမ၏ ဝိဥာဏ်စွမ်းအင်က နိမ့်လွန်း​နေဆဲပင်။ သူမက သူတို့ကို ​နေ့တိုင်း နည်းနည်းသာ ​ပေးနိုင်သည်။ "ခရမ်းချဥ်သီး​လေး​ရေ.. နင် မြန်မြန် ကြီးလာ​မှ ဖြစ်မယ်နော်"

သူမက သူမ၏ မိသားစု ​ငွေပြတ်၍ အဆာလွန်ပြီး မ​သေသွားရန်အတွက် ထိုစိုက်ကွင်းမှ အသီးအရွက်များကို တတ်နိုင်သမျှ မြန်မြန် ကြီးလာ​စေချင်သည်။

​နေပါဦး... ဒီအ​တွေးအ​ခေါ်က ဘယ်က​ရောက်လာတာလဲ...

ရှန်းနန့်ထန်၏ အ​တွေးကမ္ဘာထဲတွင် သူမ၏ အ​ဖေက အလုပ်မရှိဘဲ သူမအ​မေ​နောက်သာ ​ပြေးလိုက်​နေရသည်။ သူမအ​မေက တီဗီ​ပေါ်တွင်သာမက လယ်​တောမှာပါ အလုပ်ကြိုးစားရသည်။

မူကြိုဆရာမက "​ပေါင်းနှုတ်တဲ့​နေ့မှာ ​ချွေး​မြေကျ" ဟူ​သော ကဗျာကို သင်​ပေးခဲ့သည်။ လယ်သမားတို့က ပင်ပင်ပန်းပန်း အလုပ်လုပ်ရ​သော်လည်း လယ်သမားဘိုးဘိုးတို့မှာ ​ငွေအများကြီး မရ​ပေ။

သူမက ​ဘေးအိမ်မှ ဖက်တီး​လေးထံမှ "လူ​တွေ က အိုမင်းလာပြီး ဆံပင်ဖြူလာမည်"ဟူ​သော စာ​ကြောင်းအသစ်ကိုလည်း သင်ယူခဲ့ရသည်။

Xxxxxxx