အပိုင်း (၁၀၆)
Viewers 34k
Chapters 322

Part 106 


သူ့မိဘများသေဆုံးသွားပြီး ဆွေမျိုးများက သူ့ကိုစောင့်ရှောက်ခဲ့ကြသည့်အတွက် မည်သူမျှ သူ့မွေးနေ့ကို မမှတ်မိကြပေ။ ထိုအချိန်တွင် စုန့်ထင်ရှန်းက နိုင်ငံခြားတွင် ကျောင်းတက်နေစဉ်အချိန်လည်းဖြစ်သည်။ သူ့မွေးနေ့တွင် ကျောင်းမှစားသောက်ဆိုင်သို့သွားကာ ခေါက်ဆွဲဝယ်စားရသည်။ ထိုခေါက်ဆွဲများကို အသက်ရှည်ခေါက်ဆွဲများ၏ အစားထိုးသဘောဖြင့် စားခြင်းသာဖြစ်သည်။ ယခင်နှစ်ပိုင်းများတွင် သူ၏စီးပွားရေးက တဖြည်းဖြည်းကြီးထွားလာခဲ့သည်။ သို့ဖြစ်၍ သူ့မွေးနေ့တွင် အချိန်အားလပ်ပါက သူ့အတွက်သူ ခေါက်ဆွဲချက်ခြင်းက အကျင့်တစ်ခုဖြစ်နေသည်။ သူ ဗိုက်မဆာလျှင်ပင် သူ့အမေ၏ ညွှန်ကြားချက်များကို အမှတ်ရပြီး ခေါက်ဆွဲတစ်ပန်းကန်ကို ကုန်အောင်စားလေ့ရှိသည်။


ကလေးဘဝက သူ့အမေ၏ ရည်ရွယ်ချက်ကို သူနားမလည်ခဲ့ပေ။ သူကိုယ်တိုင် ဖခင်ဖြစ်လာပြီးသည့်အချိန်မှသာ ထိုအဓိပ္ပါယ်၏ တချို့တစ်ဝက်ကို မှုန်တိမှုန်ဝါး နားလည်လာခဲ့သည်။ မိဘများတွင် တောင်းဆိုချက် များများစားသားမရှိကြပေ။ သူတို့၏ကလေးများ အသက်အရွယ်ကြီးသည်အထိ ဘေကင်းစွာဖြင့် ကျန်းကျန်းမာမာနေနိုင်ရန်သာ ဆန္ဒရှိကြသည်။


သူ့အဖြေကိုကြားပြီးသည့်အခါ ယွမ်ရှ နှုတ်ခမ်းကို တင်းတင်းစေ့ထားလိုက်သည်။


ဝတ္ထုထဲတွင် စုန့်ထင်ရှန်းအကြောင်း မျာများစားစားမရေး‌ထားသော်လည်း ကလေးဘဝတည်းက မိဘနှစ်ပါးကို ဆုံးရှုံးလိုက်ရကြောင်း သူမသိသည်။ သူက စကားလုံးအနည်းငယ်သာပြောလိုက်သော်လည်း နှစ်ပေါင်းများစွာခက်ခဲခဲ့မှုများကို ထိုစကားလုံးများတွင် ခံစားမိနိုင်သည်။


အတိတ်က သူမကိုယ်သူမ အလွန်သနားစရာကောင်းသည်ဟု ထင်ခဲ့မိသည်။ သူမကို အဖေဘက်မှ အဘိုးအဘွားများက စောင့်ရှောက်ပေးခဲ့ခြင်းဖြစ်သည်။ ထို့ကြောင့် နောက်ပိုင်းတွင် သူမ၏ မိဘများဘေးသို့ ပြန်ရောက်သွားသည့်အခါ အပြင်လူတစ်ယောက်ကဲ့သို့ ခံစားခဲ့ရသည်။ မည်သို့ပင်ဖြစ်စေ သူတို့က သူမ၏ မိဘအရင်းများသာဖြစ်သည်။ သူတို့နှင့် မည်မျှ အနေဝေးသွားပါစေ ဆွေမျိုးများ၏အရိပ်အောက်တွင်နေရသည့် ခါးသီးမှုများကို မခံစားခဲ့ရပေ။ သူမ မိဘများက သူမမွေးနေ့ကို အမြဲတမ်းမှတ်မိကြပြီး ထိုနေ့တွင် သူမနှစ်သက်သည့်ဟင်းလျာများကို စားပွဲအပြည့်ချက်ပေးကြသည်။ သူမအမေက ကိတ်မုန့်တစ်လုံးဝယ်ပေးပြီး သူမအဖေက သူမကြိုက်နှစ်သက်သည့်အရာတစ်ခုခုကို မွေးနေ့လက်ဆောင်ပေးလေ့ရှိသည်။


သူနှင့် နှိုင်းယှဉ်လိုက်လျှင် သူမက သနားစရာမကောင်းတော့ပေ။ 


စုန့်ထင်းရှန်ကဲ့သို့ ယောက်ျားမျိုးက အမျိုးသမီးများအတွက် ပျက်စီးစေနိုင်သော ညှို့ယူဖမ်းစားမှုတစ်ခုဖြစ်သည်မှာ သံသယဝင်စရာပင် မလိုပေ။


မပျော်ရွှင်ခဲ့ရသောကလေးဘဝနှင့် လူငယ်ဘဝအပြင် ထိုအခြေအနေများကြားတွင် စီးပွားရေးလောက၌ အောင်မြင်အောင် လမ်းဖောက်နိုင်မှုဖြင့် သူ့ကံကြမ္မာကို ပြောင်းလဲနိုင်မှုတို့ကြောင့် သူ့ထံတွင် လူငယ်များ၌ မရှိသည့် ကိုယ်ရောင်ကိုယ်ဝါနှင့် ဆွဲဆောင်မှုရှိသည်ဟု ပြောနိုင်သည်။ ၎င်းက သူနှင့်ရွယ်တူ ငွေဇွန်းကိုက်မွေးလာသည့် တခြားလူများတွင်ပင် မရှိသည့်အရာဖြစ်သည်။


ယွမ်ရှက စုန့်ထင်းရှန်ဆီသို့လျှောက်လာပြီး ပြံးပြလိုက်သည်။

" အသက်ရှည်ခေါက်ဆွဲကို မွေးနေ့ရှင်ကိုယ်တိုင်လုပ်လို့ဘယ်ဖြစ်မလဲ ... ကျွန်မ ချက်ပေးပါ့မယ် ... ကျွန်မက ဟင်းချက်မကောင်းပေမယ့် ခေါက်ဆွဲတော့ကောင်းကောင်းချက်တတ်ပါတယ် ..."


မီးဖိုချောင်က အလွန်ကျယ်ဝန်းလှသည်။ သူမ ရေခဲသေတ္တာထဲမှ ကြက်ဥနှင့် အသားများထုတ်ယူလိုက်ပြီးနောက် ရေနွေးတည်လိုက်ကာ ခေါက်ဆွဲလက်တစ်ဆုပ်စာခန့်ကို ရေနွေးထဲထည့်လိုက်သည်။


ပါဝင်ပစ္စည်းများ အလျှံအပယ်ရှိနေပါက ခေါက်ဆွဲချက်ရသည်မှာ အလွန်လွယ်ကူလှသည်။ ယွမ်ရှက အသားတုံးကို အသားလွှာလေးခုဖြစ်အောင် လှီးလိုက်ပြီး အိုးထဲထည့်လိုက်သည်။ အသားက ချက်ချင်းပင်အရောင်ပြောင်းသွားသည်။ သူမ သူ့ဘက်ကိုလှည့်ပြီးမေးလိုက်သည်။

" ကြက်ဥကို မကျက်တကျက်စားမလား ..."


စုန့်ထင်ရှန်းက ခေါင်းငြိမ့်ပြလိုက်သည်။

" ဘာပဲဖြစ်ဖြစ် ရပါတယ် ..."


ကြက်ဥကို အိုးထဲဖောက်ထည့်လိုက်ပြီးနောက် ကြက်သွန်မြိတ်အနည်းငယ်ထည့်လိုက်သည်။ ဆားနှင့် ပဲငံပြာရည်အပြင် တခြားဟင်းခတ်မွှေးကြိုင်များကို အသုံးမပြုခဲ့ပေ။


ခဏအကြာတွင် အရောင်အဆင်းလှပသည့် အသက်ရှည်ခေါက်ဆွဲတစ်ပန်းကန်က စားသုံးရန် အဆင်သင့်ဖြစ်နေပြီဖြစ်သည်။


" အရသာကတော့ ကောင်းမယ်ထင်တာပဲ မြည်းကြည့်ပါဦး ..."

ယွမ်ရှက သူနှင့် မျက်နှာချင်းဆိုင်တွင် ထိုင်လိုက်သည်။ သူမက ပြုံးပြပြီး ဇွန်းနှင့် တူတစ်စုံကမ်းပေးလိုက်သည်။

" တကယ့်အသက်ရှည်ခေါက်ဆွဲအစစ်မှာ ခေါက်ဆွဲအရှည်တစ်ချောင်းတော့ပါရတယ် ... ဒါပေမဲ့ အခုက ညရောက်ပြီဆိုတော့ ပါဝင်ပစ္စည်းတွေ သွားဝယ်ချိန်မရတော့လို့ပါ ပြီးတော့ ခေါက်ဆွဲသားကို ဘယ်လိုဆွဲဆန့်ရတယ်ဆိုတာလည်း ကျွန်မ မသိဘူး ... ဒီအတိုင်းလေးပဲ စားလိုက်လို့ရတယ်မလား ..."


စုန့်ထင်ရှန်း သူမကိုကြည့်လိုက်သည်။ သူမထံမှ တူနှင့် ဇွန်းကိုယူပြီး အချိန်အတော်ကြာပြီးမှ အသံဩဩဖြင့် ပြောလိုက်သည်။

" ကျေးဇူးတင်ပါတယ် ..."


ယွမ်ရှ ပြုံးလိုက်သည်။

" ကျေးဇူးတင်စရာမလိုပါဘူး ...ရှင့်ကို အသက်ရှည်ရှည်နေရဖို့ အမျှော်လင့်ဆုံးလူက ကျွန်မပဲလေ ~ "

Prev Next