အပိုင်း ၈၁

Chapter 81
ကျော်ကြားမှု



ချန်းချင်းယန်သာမက အင်တာနက်တစ်ခုလုံးကပါ ထိုကိစ္စအ​ပေါ် ဆူညံပွက်​လောရိုက်​နေကြသည်။

TOMATOက ​မော့ကျန်းကို ​မော်ဒယ်အဖြစ် ဖိတ်​ခေါ်ခဲ့ခြင်းမှာ မူလတွင် သူတို့၏ ထုတ်ကုန်များကို ​​ကြော်ငြာရန် ရည်ရွယ်ထားခြင်း ဖြစ်​သော်လည်း ​ကျော်ကြား​နေမှုက ဇာတ်​ကောင်သာ ဖြစ်ပြီး လူတိုင်းက ​မော်ဒယ်များကိုသာ ကြည့်ရန် အလုပ်ရှုပ်​နေကြပြီး မည်သူကမှ အဝတ်အစားများအ​ပေါ် စိတ်မဝင်စားကြ​တော့​​ပေ။

ဝတ်ရုံရှည်ဖိုရမ်ကလည်း TOMATO နှင့် ပတ်သက်ပြီး သတင်းများသာ ဖုံးအုပ်လုနီးပါးပင်။ ချန်းချင်းယန်က ​ရှေ့ဆုံးစာမျက်နှာကို စကန် ဖတ်ကြည့်လိုက်ပြီး လူကြည့်အများဆုံးပိုစ့်ကို သာမန်ကာလျှံကာ ဝင်ကြည့်လိုက်သည်။

ပိုစ့်တင်သူက မဂ္ဂဇင်း စာမျက်နှာများကို စကန်ဖတ်ထားပြီး ပုံများတွင် ဂျစ်​ဆော ပ​ဟေဠိများကို ပြုလုပ်ထားသည်။ သူက ၎င်းတို့အ​ပေါ်၌ ဧကရာဇ်​မော့ရဲ့ နူးညံ့တဲ့ အကြည့်၊ သူ သူမရဲ့ ဆံပင်ကို နမ်းလိုက်တဲ့အခါ ​တွေ့ရတဲ့ ပန်း​ရောင် ပူ​ပေါင်း​လေး​တွေ၊ နှစ်​ယောက်သားရဲ့ ထိကာနီး နှုတ်ခမ်း​လေး​တွေ ဟူ​သော မှတ်စုတို​လေးများစွာကိုပင် လုပ်ထားခဲ့သည်။

အဆုံးပိတ် စာသားက တစ်​ကြောင်းတည်းသာ... အချစ်စစ်ကသာ ဒီလို ပုံမျိုး ရိုက်နိုင်တယ်...

“ဧကရာဇ်​မော့က ကမ္ဘာကြီးကို ဘယ်တုန်းကမှ မ​တွေ့ဖူးဘူး .. ဒါ​ပေမယ့်လည်း​ ဧကရာဇ်​မော့ရဲ့သရုပ်​ဆောင်ပုံက အရမ်း​ကောင်း​နေတာ​ကြောင့်ပဲ​လေ[ဘိုင့်ဘိုင်]”

“​မော့ကျန်း သူမရဲ့ဆံပင်ကို နမ်းရတဲ့အတွက်... ​မော့ကျန်း သူမရဲ့ ခါးကို ဖက်ထားရတဲ့ အတွက်၊ ​မော့ကျန်း သူမကို နီးနီးကပ်ကပ် ကပ်တွယ်​နေရတဲ့အတွက်... ဓါတ်ပုံဆရာကို သတ်ကြမယ်”

“ငါ TOMATO ကို သိမ်းဖို့ ဆုံးဖြတ်လိုက်ပြီ... ငါ့ကို ဆု​တောင်း​ပေးကြပါ"

“ဒီ​မော်ဒယ်က ဘယ်သူလဲ ဆိုတာကို ငါပဲ သိချင်​နေကြတာလား... သူက TOMATOနဲ့ စာချုပ်​တောင် ချုပ်မထားဘူး​နော်"

“အ​ပေါ်ထပ် + 1 တရားဝင် ဝက်ဆိုက်မှာလည်း သူ့အ​ကြောင်း တစ်ခုမှ မရှိဘူး​နော်... ဒါ​ပေမယ့် သူက TOMATOရဲ့ ​ထောက်တိုင်​တွေ အများကြီးကို ညှစ်ထုတ်နိုင်စွမ်း ရှိတယ်ဆိုရင် သူ့​နောက်ခံက အရမ်း​တောင့်လို့ပဲ ဖြစ်ရမယ်"

“ငါ သူ့မျက်နှာ​ပေါ်မှာ ငါ့ပုံ ​ပြောင်းထားပြီးသွားပြီ”

“…”

“ဒီ​မော်ဒယ်က အရမ်းလှတာပဲလို့ ငါ ဘာလို့ ​တွေးမိ​နေပါလိမ့်... ဒီ​မော်ဒယ်က အရမ်းလှတာပဲလို့ ငါ ဘာလို့ ​တွေးမိ​နေပါလိမ့်... သူက ဧကရာဇ်​မော့နဲ့ အရမ်း လိုက်ဖက်​နေတာ... ငါ့ကို နိုးထ​အောင် လုပ်​ပေးကြပါအုံး"

“အ​ပေါ်ထပ်က တစ်​ယောက်ကို သတ်ကြ​ဟေ့”

“ငါက​တော့ သူ့ဝတ်စုံ​လေးကို ကြိုက်တယ်... ပန်း​ရောင်​လေး အပြာ​ရောင်​လေး​တွေနဲ့ အရမ်း ချစ်စရာ ​ကောင်းတာပဲ"

အယ်ဒီတာကြီးမှာ မျက်ရည်ကျလုမတတ် ရင်ထဲ ထိသွားသည်။ ​နောက်ဆုံး​တော့ တစ်​ယောက်​ယောက်က သူမရဲ့ အဝတ်​တွေကို သတိထားမိသွားပြီ...

၎င်းက ကမ္ဘာသစ်တစ်ခုကို တံခါးဖွင့်​ပေးလိုက်သလိုပါပင် စိတ်အာရုံ အလုံးစုံက သူတို့၏ အဝတ်အစား၊ ဆံပင်ပုံစံ၊ မိတ်ကပ်နှင့် အိတ်များထံသို့ ​အောင်​အောင်မြင်မြင် ​ရွေ့​ပြောင်းသွားခဲ့သည်။

"ဒီ​မော်ဒယ်ကို အန်းယိ ပုံ​ဖော်ပေးထားတာ... ငါ ဒီ​လို လှိုင်းပုံစံ​လေးလည်း ​ကောက်ချင်တယ်"

“လှိုင်းအကြီးကြီး​တွေ ​ကောက်ရင် ရင့်တဲ့ ပုံ​ပေါက်သွားတယ်... ဒီ​မော်ဒယ်က​တော့ ငယ်သွားတဲ့ ပုံစံ​ပေါ်လို့ ကြည့်​ကောင်းတယ်​နော်"

“ဖာ့ခ်.. အိတ်က ယွမ်2000ထက်​တောင် များ​နေ​သေးတယ်... ဘယ်တုန်းက TOMATOက အဆင့်မြင့်သွားရတာလဲ"

“TOMATOကို ​တွေ့ကတည်းက ကြာလှပြီ အ​ပေါ်ထပ်​ရေ... ခုတ​လော ​​​စျေးနှုန်း​တွေက ​​ကျောင်းသား​တွေကို မျက်နှာမှာ ​သွေး​တွေ ဖုံးပြီး ​သေသွားချင်​အောင် လုပ်​နေကြသလိုပဲ"

ချန်းချင်းယန်: “… …”

အ​ပေါ်က သ​ဘောတူထားတဲ့ သ​ဘောတူညီချက်က​ရော... ဘာလို့ ရုတ်တရက်ကြီး ​ပျော်​ပျော်ရွှင်ရွှင် စကားဝိုင်းဖွဲ့​နေကြတာလဲလို့... အဝတ်​တွေအ​ကြောင်း စကားစတဲ့သူက ဖိုရမ်ထဲ ခိုးဝင်လာတဲ့ TOMATOက ​အေးဂျင့်တစ်​ယောက်ပဲ ဖြစ်ရမယ် ..

လီ​ရှောင်က မဂ္ဂဇင်းကို ရပြီး​နောက် ကြက်​​သေ​သေသွား​လေသည်။ သူမရဲ့ ဝမ်းကွဲက ဧကရာဇ်​မော့နဲ့ တိတ်တိတ်​လေး တွဲခုတ်​နေတယ်... သူမက​တော့ ဒါကို သည်းမခံနိုင်ပါဘူး​နော်... သူမက မဂ္ဂဇင်းကို ကိုင်ကာ ထိုကိစ္စကို အစီအရင်ခံရန်အတွက် လီယန်၏ အိမ်သို့ ချက်ချင်း သွား​လေသည်။

“ဒါ တကယ်ကြီး သူ့မျက်နှာလား” မားမားလီက မျက်နှာ​ပေါ်တွင် မယုံနိုင်ခြင်းတို့ ချိတ်ဆွဲထားသည်။

"ငါ့သမီးက ဘာလို့ အဲ့​လောက် ချစ်စရာ ​ကောင်း​နေရတာလဲ"

“ဒါက အဓိက အချက် မဟုတ်ဘူး” ပါးပါးလီက စားပွဲကို ရိုက်ကာ ထရပ်လိုက်ပြီး ​မော့ကျန်း၏ ပုံကို အားပြင်းပြင်းဖြင့် ရိုက်ချလိုက်သည်။

"ဒီ​ကောင်က ဘယ်သူလဲ... ဘာလို့ ငါတို့သမီးနဲ့ အရမ်း နီး​နေရတာလဲ"

“ဒါက ဧကရာဇ်​မော့​လေ... ​နေ့တိုင်း တီဗီမှာ သူ့​ကြော်ငြာ​တွေ ​တွေ့​နေရတာပဲဟာ" မားမားလီက မျက်လုံး​တောက်​တောက်​လေးများဖြင့် ဆိုလိုက်သည်။

"ကျွန်မရဲ့ သမီးကို ဒီလို​ချော​မောတဲ့ ​ကောင်​လေးနဲ့ သိ​နေလိမ့်မယ်လို့ တစ်ခါမှ မ​ထင်ထားခဲ့ဘူး"

ပါးပါးလီ: “…”

အခန်းထဲက အသိဥာဏ်​တွေ နိမ့်ဆင်းလာသလိုပဲ​နော်...

ကျန်းမိသားစု ဘိုးဘွားပိုင်အိမ်တွင် အကြီးဆုံး ဆရာတူအစ်ကိုက မဂ္ဂဇင်းတစ်အုပ်ကို လက်ထဲတွင် ကိုင်၍ ​ဥယျာဥ်​လေးထဲသို့ အ​ပြေး​ရောက်လာသည်။

"ဆရာ... ဆရာ​ရေ... ဆရာတူ ညီမ​လေး အသားယူခံ​နေရပြီ"

အကြီးဆုံးအစ်ကို​နောက်တွင် ဒုတိယ၊ တတိယ၊ စတုတ္ထနှင့် ပဥ္စမဆရာတူ အစ်ကိုတို့ လိုက်ပါလာခဲ့ကြသည်။ သူတို့က မဂ္ဂဇင်းကို စားပွဲ​ပေါ်သို့ ပစ်ချကာ ကျန်းချန်ကို စိတ်အားထက်သန်စွာ ကြည့်လာကြသည်။

လူအိုကြီးကျန်းက လက်ထဲမှ လက်ဖက်ရည်ခွက်ကို ချထားလိုက်ပြီး မဂ္ဂဇင်းကို ​ကောက်ယူကာ စာမျက်နှာအချို့ လှန်​လှော ကြည့်လိုက်သည်။

"လီယန်အတွက် တကယ့် ​ပြောင်းလဲမှုကြီးပဲ... သူ့မျက်နှာ​လေးက သူ့အ​မေ ငယ်ငယ်ကထက်​တောင် ပိုလှလာ​သေးတယ်"

အကြီး​ဆုံး ဆရာတူအစ်ကို: “…”

ကျွန်​တော်တို့က ဒါကို ကြားချင်တာ မဟုတ်ဘူးလို့... "ဆရာ... ညီမ​လေးရဲ့​ဘေးက ​ကောင်​လေးကို ကြည့်လိုက်... သူ့လက်​တွေကို ညီမ​လေးရဲ့ ခါးမှာ တင်ထား​သေးတယ်... ဒီ​ကောင် ​တော်​တော်​လေး သည်းမခံနိုင်စရာပဲ"

“အစ်ကိုကြီး ​ပြောတာ မှန်တယ်” တတိယ၊ စတုထနှင့် ပဥ္စမ ဆရာတူအစ်ကိုတို့ကလည်း ဝင်ရောက် ​ဆွေး​နွေးလာကြသည်။

“ဒါဆို ငါ့ကို ဘာလုပ်​စေချင်​နေတာလဲ”

“သူနဲ့ ဘဝအ​ကြောင်း စကား​ပြောမှ ဖြစ်မယ်"

"သူ့ရဲ့ ကိုယ်ခံပညာကို စစ်​ဆေး​ပေးပါ"

"ကိုယ်ခံပညာ ပြိုင်ပွဲရဲ့ မိတ်​ဆွေ ဖြစ်လာစမ်းပါ"

"ဟားဟားဟား"

….

လူအိုကြီးကျန်းက သူတို့ကို ကြည့်လိုက်ပြီး​နောက် သူ့လက်ထဲမှ မဂ္ဂဇင်းကို ကြည့်လိုက်သည်။ "​ပြောကာမှ... မင်းတို့​တွေက ဒီလို မဂ္ဂဇင်း​တွေကို ဖတ်​နေတုန်းပဲလား"

….

“ကျွန်​တော်တို့ဟာ မဟုတ်ပါဘူး... ကိုယ်ခံပညာလာသင်တဲ့ ​ကောင်မ​လေး ယူလာတာ" အစ်ကိုကြီးက သူ့ဂုဏ်သတင်းကို ခုခံ​​ပြောဆိုရန် အ​လောတကြီး ကြိုးစားလိုက်ရသည်။

တစ်ချိန်တည်းမှာပင် ဝတ်ရုံရှည်ဖိုရမ်၌ သတင်းအသစ်တစ်ခု တက်လာ​နေသည်။

“ဒီ ​မော်ဒယ်ညီမ​လေးကို သိပါတယ်လို့ ​တွေး​နေတာ... ငါ့ကို ကိုယ်ခံပညာသင်​ပေးခဲ့တဲ့ ဂျူနီယာညီမ​လေး​လေ... သူ အရင်တုန်းက ငါ့ကို သင်ခန်းစာ​တွေ သင်​ပေးဖူးတယ်... သူက လူ​ကောင်းလေးတစ်​ယောက်ပါ​နော်... ပြီး​တော့ အရမ်းလည်း မိုက်​သေးတယ်...သူက ငါ့နတ်ဘုရားမလို့ မ​ပြောဘူး​နော်"

“​သောက်ကျိုးနဲ... တကယ်ကြီးလားဟ... ​မော်ဒယ်မမက အရမ်းမိုက်တာပဲလား"

“တကယ်ကြီးလို့... အခု ငါ့ရဲ့ နည်းပြက သူ့ကို မှတ်မိသွားတဲ့ပုံပဲ... နည်းပြ​တွေ အုပ်လိုက်ကြီး ​ခေါ်သွားပြီး ​ခေါင်း​ဆောင်ကို သွားပြ​နေကြတယ်... သူတို့ရဲ့ အသံအ​နေအထားအရ​တော့... သူတို့ရဲ့ ဆရာတူညီမ​လေးက အသားယူခံ​နေရတယ်ဆိုပြီး ​တွေး​နေကြပုံပဲ... ပြီး​တော့ သူ့အတွက် တရားမျှတမှု ရှာဖို့ ကြိုးစား​နေကြတာ"

“ဘာလို့လဲ... ငါရုတ်တရက် ဧကရာဇ်​မော့အတွက် ဖ​ယောင်းတိုင် ထွန်း​ပေးချင်သွားပြီ"

“ဧကရာဇ်​မော့​ရေ... ဂရုစိုက်ပါ”

"နင်တို့​တွေ လီမွန်ပြုတ်ရဲ့ ဘ​​လောခ့်ကို follow လုပ်ထားကြ​သေးလား... ဒါက သူတစ်ခါက တင်ခဲ့ဖူးတဲ့ပုံပဲ... ညာဘက်က မိန်းက​လေးက ​မော်ဒယ်မမနဲ့ တူတယ်လို့ မထင်ကြဘူးလား"

“​သောက်ချီး... ​သေချာ​ပေါက် တစ်​ယောက်တည်းပဲဟ”

“ညာဘက်ကတစ်​ယောက်က စုယန်မလား... မင်းမှာ ​အုတ်မြစ်ကောင်း​ကောင်း ရှိ​နေတာပဲ"

“လီမွန်ပြုတ်ရဲ့ ​နောက်ဆုံးပိုစ့်မှာ သူ့ရဲ့ အ​ကောင်းဆုံး သူငယ်ချင်းက နတ်ဘုရားကို ဖက်ထားလို့ ခင်မင်မှုကို အဆုံးသတ်​တော့မယ်လို့ ​ပြောခဲ့တာ... ဒါကို ​ပြောချင်တာလားမသိ"

“လီမွန်ပြုတ်ရဲ့ အရင်က ပိုစ့်​တွေကို ကြည့်ပြီးပြီ... ​မော်ဒယ်မ​​လေးရဲ့ အ​ကောင့်က ဒါဖြစ်မယ် ထင်တယ်"

ချန်းချင်းယန်: “… …”

ဖိုရမ်မှ မိန်းက​လေးများမှာ တိုက်ခိုက်လိုစိတ်များ ပြည့်ဝ​နေကြသည်။ ​နေ့တစ်ဝက်အတွင်းမှာပင် ​ဝေ့​ပေါ်မှ အချက်အလက်များအားလုံးကို တူးထုတ်ခဲ့ပြီး​လေပြီ။

ချန်းချင်းယန်က လီယန်၏ ​ဝေ့​ပေါ်ပိုစ့်ကို ထုတ်ကာ ​ဝေ့​ပေါ်မှ လီယန်၏ ဓါတ်ပုံကိုလည်း ဖျက်လိုက်သည်။ သို့​​သော်လည်း ဖိုရမ်မှ အင်အားပြည့်​နေကြသည့် မိန်းက​လေးများကို မရပ်တန့်နိုင်ခဲ့​ပေ။ ​တစ်​နေ့လည်​လေး အတွင်းမှာပင် လီယန်၏ ​ဝေ့​ပေါ်က ​ထောင်ဂဏန်းအထိ တိုးလာသဖြင့် ကွန်ပြူတာကို ဗိုင်းရပ်စ်များ ဝင်​လေသည်လားဟု ​တွေးမိပြီး ထိတ်လန့်သွား​လေသည်။

"ကျန်းကျန်း... ကျွန်မ နာမည်ကြီးလာ​တော့မယ် ထင်တယ်" လီယန်က သူမ၏ notebookကို ကိုင်ကာ ​မော့ကျန်း​ရှေ့သို့ ​ပြေးလာခဲ့သည်။ သူတို့ အခု​လေးတင်မှ ရိုက်ကူး​ရေးမှ ပြန်​ရောက်လာခြင်းဖြစ်ပြီး ​မော့ကျန်းသည်ပင် စားပွဲတွင် ထိုင်ကာ ညလယ်စာ စား​နေဆဲ ဖြစ်သည်။ သူက လီယန် သူ့ထံ ကမ်း​ပေးလာ​သော ကွန်ပြူတာကို တစ်ချက် ကြည့်လိုက်သည်။ သူမ၏ ဖန်အ​ရေအတွက်က 500​ကျော်မှ 3000​ကျော်သို့ ​ရောက်​နေသည်ဟူ​သော အချက်ထက် သူမထံတွင် ကွန်မန့် ​​မြောက်များစွာ ရှိ​နေသည်။

“​မော်ဒယ်မမကို ရှာဖို့ ဖိုရမ်က​နေ ​ရောက်လာတာပါ”

“မမ​ရေ... မမရဲ့ သင်တန်း​ကျောင်းက တပည့် လက်ခံ​သေးလားဟင်... ကျွန်မလည်း ကိုယ်ခံပညာ သင်ချင်တယ်လို့... အရမ်းလှလွန်းတာလည်း ပြဿနာပဲ"

“ငါက​တော့ ဧကရာဇ်​မော့ ငါ့ကို ရှူး ​ရေကန်ဆီ သယ်သွား​ပေးမလားလို့ ​မေးချင်​နေတာ"

“ရတနာ​လေး​ရေ... တစ်ရက်ကို ယွမ်300 ရတဲ့ အချိန်ပိုင်းအလုပ် ရှိပါတယ်... စိတ်ဝင်စားရင် add​ပေး​နော်"

….

​မော့ကျန်းက ကွန်ပြူတာကို သူ့​​ရှေ့တွင် ထားလိုက်ပြီး ဝတ်ရုံရှည် ဖိုရမ်တွင် စကားလုံး​လေးလုံးကို ရိုက်ရှာလိုက်သည်။ ​​ဖျော်​ဖြေ​ရေးစီးပွား​ရေးအပိုင်းသို့ ​ရောက်​သောအခါ screenကို လီယန်ဆီ ပြန်လှည့်​ပေးလိုက်သည်။ "အ​ဖြေက ဒီမှာ ရှိ​လောက်တယ်"

လီယန်က မဂ္ဂဇင်း ဓါတ်ပုံများ ပြည့်​နေသည့် ပိုစ့်၏ ​ရှေ့စာမျက်နှာကို ကြည့်ကာ မပြုံးမိဘဲ မ​နေနိုင်​တော့။ ​မော့​ရှောင်းက ​ခေါင်းစဥ်ကို ကြည့်၍ "​မော်ဒယ်မ​လေးရဲ့ ​ဝေ့​ပေါ်က​နေ ပြန်လာပြီး​တော့ အချက်လက်အချို့ စု​ပေးထားတယ်" ဟူ​သော ပိုစ့်ကို နှိပ်လိုက်သည်။

[(နံပါတ်တစ်... ကျဲကျဲက မြို့​တော်တက္ကသိုလ် တရုတ်စာဌာနက သာမန် ​​ကျောင်းသူတစ်​ယောက် ဖြစ်တဲ့ပုံပဲ... ဇွန်လ​နောက်ပိုင်းမှာ ဘွဲ့ရထားတာ... သူ့မှာ ​နောက်ခံ​ကောင်း​ကောင်းရှိလို့ဆိုတဲ့ဟာ​​တွေ ​ကျေးဇူးပြုပြီး ဒူး​ထောက်လိုက်ကြ...

နံပါတ်နှစ်... မနှစ်က ကျဲကျဲက အရမ်း​နေမ​​ကောင်း ဖြစ်သွားတဲ့ပုံပဲ... ဒီနှစ်စ​ရောက်မှ သက်သာလာတာ... ဧပြီမှာ အလုပ်ရတယ်... ငါ့ကျဲကျဲက သူ့​ဘောစ့်ရဲ့ ပုံဆိုပြီး ဧကရာဇ်​မော့ရဲ့ ပုံ​တွေ သုံးထား​သေးတယ်...

နံပါတ်သုံးအချက်... ကျဲကျဲက တကယ် လှတာ​နော်... ​ဝေ့​ပေါ်မှာ သူ့မျက်နှာလှလှ​လေးကို ​တွေ့ပြီး​တော့ ဦး​နှောက်မရှိတဲ့ ဖန်​လေး ဖြစ်သွား​တော့တာပဲ...

နံပါတ်​လေး... ဒါ​လေးက အကျဥ်းချုပ်​လေးပါ​နော်... ရန်ဖြစ်ချင်ရင် ​နောက်ထပ်ပိုစ့်တစ်ခု ဖွင့်လိုက်")]

​မော့ကျန်းက အတန်းလိုက်မှ ပထမဆုံးအထပ်အထိ တက်ပြီးသွား​လေပြီ။ ​ကြောင်​တောင်​တောင် ဖြစ်​နေဆဲ လီယန်ကို ကြည့်လိုက်ပြီး ​ပြောလိုက်သည်။ "တုံ့ပြန်ချက်​တွေက ကိုယ်ထင်ထားတာထက်​တောင် ​ကောင်း​သေးတယ်... သူတို့မင်းကို အရှင်လတ်လတ် အ​ရေခွံနွှာကြလိမ့်မယ်လို့ ​တွေး​နေတာ"

လီယန်: “…”

နမ်း​နေတဲ့ပုံသာ ထည့်လိုက်ရင် ဒါနဲ့ ​ဝေး​တော့မှာ မဟုတ်ဘူး...

"ဒါ​​ပေမယ့် မင်းရဲ့ ​ဝေ့​ပေါ် ​ဖော်ထုတ်ခံလိုက်ရပြီ ဆို​တော့ သူတို့ကို ပြန်​ဖြေဖို့ စာတစ်​စောင် ပို့​ပေးတာ ​ကောင်းမယ်"

“ဟမ်” လီယန်က သူ​ပြောသည့် စကားကို ကြား​သောအခါ စိတ်လှုပ်ရှားလာခဲ့သည်။ "ကျွန်မ ဘာ​ပြောသင့်လဲ"

​မော့ကျန်းက ရယ်​မောလိုက်သည်။ "ကျေးဇူးတင်စကား နည်းနည်း​လောက်ကို မင်း ဝေ့​​ပေါ်မှာ တင်​လေ့ရှိတဲ့ အသံအ​နေအထားလိုမျိုး တင်လိုက်​​ပေါ့" ​​

"အိုး" လီယန်က မျက်နှာပြင်ကို ကြည့်ကာ စတင်​တွေး​တော​နေသည်။ သူမက ​ရေးသည်၊ ဖျက်သည်၊ ထို့​နောက် စာလုံးများ ​​ပြောင်းခြင်းကို အကြိမ် အနည်းငယ်မျှ လုပ်ပြီး​နောက် ​ဝေ့​ပေါ်တွင် ပိုစ့်တင်လိုက်သည်။

“မင်းတို့ ငါ့ရဲ့ ​ဝေ့​ပေါ်ကို ဘယ်လို ရှာ​တွေ့မှန်း မသိ​ပေမယ့် စိတ်ဝင်စားပေးကြလို့ ​ကျေးဇူးတင်ပါတယ်... ဒီတစ်​ခေါက် မဂ္ဂဇင်းမှာ ငါ့ပုံ​တွေ ပါလာတာက မူလ​မော်ဒယ်က မ​တော်တဆမှုတစ်ခု ဖြစ်သွားလို့ သူ့​နေရာမှာ အစားဝင်လိုက်တာပါ... ငါက အလုပ်များတဲ့ ​ကောင်မ​လေး တစ်​ယောက်ပါပဲ... ​နောက်ဆုံး​​အ​နေနဲ့ မိန်းက​လေး​တွေကို သင်တန်းလာတက်ကြဖို့ ဖိတ်​ခေါ်ပါတယ်... ငါတို့ သင်တန်း​ကျောင်းမှာ အလုပ်သင်​လေး​​တွေလည်း ​ခေါ်​နေတယ်​နော်... နည်းပြ​တွေကလည်း လက်ထပ်သင့်တဲ့ အရွယ်​ရောက်​နေတဲ့ ဆင်ဂယ်အမျိုးသား​တွေပါပဲလို့... စိတ်ဝင်စားရင် သီးသန့်လာဆက်သွယ်ပါ​နော်"

​ဧကရာဇ်မော့​က လီယန်၏ မိုက်ခရိုဘ​လောခ့်ကို ကြည့်လိုက်ရာ သူမ၏ ​ဖော်​ရွေမှူကို ပြထားပြီး မျက်နှာချို​သွေး​နေပုံ မ​​ပေါ်​ပေ။ သူမက ​နောက်ခံမရှိပါဟု ပညားပါပါ ​ပြောထားပြီး သင်တန်းကိုလည်း ​ကြော်ငြာရန် မ​​မေ့ခဲ့။ အ​ရေးကြီး​ဆုံး အချက်မှာ ပိုစ့်တစ်ခုလုံးက ချစ်စရာ ​ကောင်းလှသည်။

သူမ၏ လူထုဆက်ဆံ​ရေး စ​ကေးများက ပြီးပြည့်စုံလှ​ပေသည်။ သူမက အနုပညာရှင်တစ်​ယောက် မဟုတ်သည်မှာ စိတ်မ​ကောင်းစရာပင်။

မကြာမီပင် TOMATO၏ မိုက်ခရို​ဘ​လောခ့်မှ လီယန်၏ပိုစ့်ကို forward လုပ်လာခဲ့သည်။ "​မော်​ဒယ်​လေး မန့်မန့်တ(ချစ်စရာ​ကောင်း)... မင်းတို့ကို တိတ်တိတ်​​လေး ​ပြောပြမယ်​နော်... ငါတို့ရဲ့ အယ်ဒီတာကြီးက သူ့ကို စာချုပ်ချုပ်ဖို့ ကမ်းလှမ်း​ပေမယ့် သူ့ရဲ​ဘောစ့်က သ​ဘောမတူခဲ့ဘူးတဲ့"

ဧကရာဇ်​မော့က ထိုပိုစ့်ကို ကြည့်၍ တစ်ခဏမျှ ​တွေးလိုက်ပြီး​နောက် တိုက်ရိုက်ပင် forward လုပ်လိုက်သည်။

သူတို့၏ ကူညီမှုနှင့်ပင် လီယန်၏ ဖန်အ​ရေအတွက်က ညတွင်းချင်း 10000ကိုပင် ​ကျော်လွန်သွားခဲ့သည်။ သူမက ညတွင်းချင်း ​ကျော်ကြားလာမှုကို ​တွေ့ကြုံလိုက်ရ​လေပြီ။

ထန်ချန်းသည်ပင် ထိုကိစ္စကို အာရုံစိုက်လာခဲ့သည်။ လီယန်၏ ကိုယ်လုံးကိုယ်​​ပေါက်က ဆွဲ​ဆောင်မှု ရှိသည်။ သူ အချိန်ကို ကြည့်လိုက်ပြီး​နောက် ​​မော့ကျန်းထံ ဖုန်း​ခေါ်လိုက်သည်။
"ဧကရာဇ်​မော့... အခုထိ မအိပ်​သေးဘူးလား"

"​ပြောစရာရှိတာပြော" ​မော့ကျန်း၏ အသံက အိပ်ရာမှ နိုးထလာရသည့်အလား အက်ကွဲ​နေ​သည်။

ထန်ချန်းက ​စေ့​စပ်​သော သ​ဘောထားကို ကျင့်သားရပြီးသား ဖြစ်သည်။ "​နောက်ဆုံးတစ်​ခေါက် မင်း သူ့အ​ကြောင်း ​ပြောတဲ့ဟာ​လေ... သူက ​​တွေးပြီးပြီတဲ့လား"

ရုပ်ရှင်ဘုရင်များ၊ ဧကရာဇ်များ မရှားပါး​သော်လည်း ရုပ်ရှင်ဧကရီ တ​စ်ယောက်တ​လေပင် မရှိပါ​ပေ။ ထင်ရှား​ကျော်ကြား​သော အမျိုးသမီး အနုပညာရှင်များမှာ မင်းသမီး​​လေးများအဖြစ်သာ ​ဘောင်ခတ်ခံခဲ့ရသည်။ အခု​တော့ ကြည့်ရတာ သူမက ကွာဟချက်ကို ဖြည့်နိုင်​တော့မဲ့ပုံပဲ...

လီယန်၏ အပြင်ပိုင်း အသွင်အပြင်များက ထက်မြက်​နေပြီးသား ဖြစ်ကာ ပ​ရော်ဖက်ရှင်နယ် ​လေ့ကျင့်မှူနှင့် တွဲလိုက်ပါက သူမကို ​တောက်ပလာမည့် တစ်ကိုယ်​တော် အနုပညာရှင် တစ်​ယောက်အဖြစ် လုပ်နိုင်ရန် ယုံကြည်ချက်ရှိသည်။

​မော့ကျန်းက ပြန်​​ဖြေမလာခင် တစ်ခဏမျှ ​တွေး​တောလိုက်သည်။ "ငါ့ကို အချိန်ထပ်​ပေး"

“​ကောင်းပြီ​လေ... တတ်နိုင်သမျှ မြန်မြန် အ​ဖြေပြန်​ပေး”


Xxxxx