အပိုင်း ၈၄

Chapter 84
သတင်းထူးကြီး


စားပွဲထိုး​က ဟင်းပွဲများ တည်ခင်းပြီး​သောအခါ ​မော့ကျန်းက လီယန်၏ ပန်းကန်ထဲသို့ ငါး​က​လေးအကြွပ်​ကြော်​တစ်​ကောင်ကို ထည့်​ပေးလိုက်သည်။ သူက ထိုဟင်းကို စားရန် ကျရှုံးခဲ့စဥ်က သူမ၏ မျက်လုံးများထဲမှ ဖုံးကွယ်ထား​သော ခါးသီးမှုများကို မှတ်မိ​နေဆဲ ဖြစ်သည်။

​​"ကျေးဇူးပါ... ကျန်းကျန်း"

လီယန်က ပန်းကန်ထဲမှ ငါးက​လေးကို ​​ပျော်​ပျော်ရွှင်ရွှင် ​ကောက်ယူလိုက်သည်။ သူမ ၎င်းကို ဝါး​နေသည့် အချိန်တွင် ​မော့ကျန်းက အမှတ်တမဲ့ ​​မေးလိုက်သည်။ "ဟုတ်သား... ယွမ်ဇယ် မင်းကို ဘယ်တုန်းက ဒီကို ​ခေါ်လာ​ပေးခဲ့တာလဲ"

"သူ ကျွန်မကို ဗယ်လင်တိုင်း​ဒေးမှာ ဝန်ခံခဲ့တာ​လေ"

​မော့ကျန်း: "…"

ဒီဟာကို စားစရာ မလို​တော့ဘူး...

​မော့ကျန်း၏ မျက်နှာ ရုတ်တရက် မဲ​မှောင်သွားသည်ကို ကြည့်လိုက်ပြီး လီယန်က အသံတိုးတိုးဖြင့် ထပ်​ပေါင်း ​ပြောလိုက်သည်။

"ဒါ​​ပေမယ့်... ကျွန်မ ငြင်းထားပြီးသား​လေ"

​ကောင်းပြီ​လေ... သူသိထားတာပဲ... သူ့ကို ရှာဖို့​ ဘားကို​တောင် သွားလိုက်​သေးတယ်... ဒါ​ပေမယ့် သူ့ကို မိန်းမတစ်​ယောက် ​ခေါ်ထုတ်သွားတယ်တဲ့... ​ပြောကာမှ အဲ့တစ်​ယောက်က ရှန်ပူ​တော့ မဟုတ်​လောက်ပါဘူး​နော်... ဟုတ်​နေမလား...

"ကျန်းကျန်း" ​မော့ကျန်း ​မိန်း​မော​တွေ​ဝေ​နေသည့်ပုံရသည်ကို ​တွေ့လိုက်ရ​သောအခါ လီယန်က တမင်သက်သက် အသံပြုလိုက်သည်။

"ဟမ်" ​မော့ကျန်းက အသိပြန်ဝင်လာ​ခဲ့သည်။ သူက ငါးက​လေးတစ်​ကောင်ကို ယူကာ လီယန်၏ ပန်းကန်ထဲသို့ ထည့်​ပေးလိုက်သည်။ "စား​​လေ"

"ကျန်းကျန်း... ရှင်လည်းစား" လီယန်က စားပွဲအလယ်ရှိ ပန်းကန်ထဲမှ ငါးက​လေးတစ်​ကောင်ကို ထည့်​ပေးလိုက်သည်။ ​မော့ကျန်းက ပန်းကန်ထဲက ​ရွှေ​ရောင် ငါး​ကြော်ကို ကြည့်ကာ မျက်လုံးများ နိမ့်ဆင်းသွားသည်။

"DSက ကိုယ့်ကို ​နောက်ဆုံးထွက်ထုတ်ကုန် အစုံနည်းနည်း​ ​ပေးလာတယ်... ကိုယ်မလိုဘူးဆို​တော့ မင်းယူလိုက်​လေ"

လီယန်က ပန်းကန်လုံးထဲမှ ​ခေါင်း​မော့လာပြီး သူမ​ရှေ့မှလူကို မျက်လုံးရွဲကြီးများဖြင့် ကြည့်လာခဲ့သည်။ HappyBirthdayမှာ "ချစ်သူ​ကောင်မ​လေးအတွက် အ​ကောင်းဆုံး ​မွေး​နေ့လက်​ဆောင်" ဟူ၍ တံဆိပ်ကပ်ထားခြင်း ဖြစ်ပြီး ၎င်းကို အမျိုးသမီးတစ်​ယောက်ထံ ​ပေးခြင်းက အမျိုးသားတစ်​ယောက်က အချစ်များ ပြုလုပ်ခြင်းနှင့် အတူတူပါပင်။

"အိုး... ​ကျေးဇူးပါ" ၎င်းက ပစ္စည်း အနည်းငယ်မျှသာ ဖြစ်​​သော်လည်း လီယန်က အနည်းငယ် ရှက်ရွံ့​နေဆဲ ဖြစ်ပြီး အနည်းငယ်... ​ပျော်​နေခဲ့​သေးသည်။

ထိုထမင်းတစ်နပ်က သဟဇာတ ဖြစ်လွန်းသဖြင့် လီယန်မှာ ကားပါကင်၌ ဖြစ်ပျက်ခဲ့သမျှကိုပင် ​မေ့သွားခဲ့သည်။ လီယန် သန့်စင်ခန်း ဝင်​နေချိန်၌ ​မော့ကျန်းက ထန်ချန်းကို ဖုန်း​ခေါ်လိုက်သည်။ ထန်ချန်းက ကုမ္ပဏီတွင် ​နေ့လည်စာ စားပြီးကာစ ဖြစ်​နေသည်။ သူ တစ်​ရေးအိပ်ရန် ပြင်​နေချိန်၌ ​မော့ကျန်း ဖုန်း​ခေါ်လာခဲ့သည်။

အ​ကြောင်းအချို့​ကြောင့် သူ့တွင် မ​ကောင်းသည့် ခံစားချက်များ ရလာခဲ့​လေသည်။

"ငါ့ရဲ့ ​ခြောက်ပါး​မြောက် အာရုံက ​ပြော​နေတယ်... ​ကောင်းတဲ့ ကိစ္စ​တော့ မဖြစ်နိုင်ဘူးတဲ့"

အခြားတစ်ဖက်မှ ​မော့ကျန်းက နူးနူးညံ့ညံ့ ရယ်​မောလိုက်ဟန်ပါပင်။ "မင်းရဲ့ အာရုံ​ခြောက်ပါးက အရမ်း စူးရှတာပဲ​​နော်"

….

ထန်ချန်းက မျက်​မှောင်မကြုံ့ဘဲ မ​နေနိုင်။ "အတိအကျ ဘာ​တွေ ဖြစ်သွားခဲ့တာလဲ"

"ငါ ​​ကောင်းထျန်း​ချောင်ကို တစ်ချက် ထိုးလိုက်တယ် ငါ ပါပီ​(ပါပါရာဇီ)တွေ ရိုက်တာ ခံလိုက်ရတယ် ထင်တယ်"

ထန်ချန်း"…"

နှလုံးခုန်သံ အကြိမ်တစ်ရာ ခုန်ပြီးသွားမှသာ သူ့ကိုယ်သူ စိတ်တည်ငြိမ်သွား​​အောင် ထိန်းလိုက်ရသည်။ "ဘာလို့လဲဆိုတာ ​ပြောပြလို့ရမလား"

"ကားပါကင်မှာ လီယန်ကို ထိကပါး ရိကပါး လုပ်​နေတာ ​တွေ့​တော့ မထိန်းနိုင်​တော့လို့"

"ဟားဟား မင်း​ အဲ့​နေရာမှာ သတင်း​ထောက်​တွေ ရှိမှန်း သိ​နေတာ​တောင် သူ့ကို သွားထိုးခဲ့တာလို့ ငါ့ကို ​ပြောမလို့လား"

​မော့ကျန်းက တစ်ခဏမျှ တိတ်ဆိတ်သွားသည်။ ထန်ချန်းက ဂွင့်​တွေ့သွားပြီ ဖြစ်ရာ ဆက်​ပြော​နေခဲ့သည်။

"ဧကရာဇ်​မော့... မင်းက​တော့ ငါ့ ​ခွေးသူငယ်ချင်း(ပါပါရာဇီ)​တွေရဲ့ တကယ့် မိတ်​ဆွေစစ်ပဲ​နော်.. ဒီသတင်းက သူတို့တစ်နှစ်လုံး ထိုင်စား​နေဖို့ လုံ​လောက်​​နေပြီ"

သူ တကယ်ပဲ နားမလည်နိုင်​တော့... အချစ်က လူတစ်​ယောက်ရဲ့ IQကို နိမ့်ကျသွား​စေနိုင်တာလား... ​မော့ကျန်းလို သတိထားတတ်တဲ့လူ​တောင် ဒီလိုအ​ခြေအ​နေမျိုးမှာ လူတစ်​ယောက်ကို ရိုက်ချနိုင်တာလား... ကမ္ဘာကြီး အဆုံးသတ်သွား​တော့မှာလား...

"​မင်းလည်း ကောင်ထျန်း​ချောင်က ဘယ်လို လူမျိုးလဲ သိတာပဲ... သူလက်​တွေ ​ခြေ​တွေ ​လီယန်ဆီ ပစ်ဝင်​နေတာကို ထိုင်ကြည့်​နေရင် ​ယောကျ်ားတစ်​ယောက် မဟုတ်​တော့ဘူး"

ယခုတွင်မူ ထန်ချန်း တိတ်ဆိတ်သွားသည့်အလှည့်ပါပင်။ ​ကောင်းထျန်း​ချောင်၏ ဂုဏ်သတင်းက မည်မျှ ဆိုးဝါးလှသည်ကို မည်သို့​ဖော်ပြရမည်ပင် မသိနိုင်​တော့​ပေ။ သူယခင်က ​တွေ့ခဲ့​သည့် မိန်းက​လေးအ​ရေအတွက်မှာ မနည်းလှ​ပေ။

"​ကောင်းထျန်း​ချောင်​နောက် လိုက်​နေတဲ့ လူအများစုက "စတားစွယ်စုံကျမ်း"က သတင်း​ထောက်​တွေပဲ... သူတို့ကို ပြန်တည်းဖြတ်ဖို့ ​ပြောလိုက်မယ်" အတိတ်မှာ မ​ရေမတွက်နိုင်သည့် အကြိမ်​ပေါင်းများစွာ လုပ်ခဲ့​သော်လည်း အဆုံးတွင် ​ခေါင်းစဥ်တပ်ခံရသူမှာ ထန်ချန်းသာ ဖြစ်သည်။

"ဒါ​ပေမယ့် သူတို့ဆီမှာ ဒီ​လောက် ပစ္စည်း အကြီးကြီး ရှိ​နေတာ​နော်... စကား​ပြောဖို့ မလွယ်မှာ စိုးရတယ်"

"ငါသိတယ်... မင်း အရင် သွားညှိထားလိုက်အုံး... ရလဒ်ကိုသိမှ ငါ့ဆီပြန်ဆက်လိုက်" လီယန် သန့်စင်ခန်းထဲမှ ထွက်လာသည်ကို​ ​တွေ့လိုက်ရသည့်အတွက် ​မော့ကျန်း မြန်မြန် ဖုန်းချလိုက်သည်။

နှစ်​ယောက်သား စတူဒီယိုသို့​ ​ရောက်​သောအခါ ဝမ်​ရှောင်​ရှောင်က ရိုက်ကူး​နေ​လေပြီ။ လီယန်က သူမ၏ ထိတ်လန့်စရာ မျက်နှာကြီးကို ကြည့်၍ အမှတ်တမဲ့ဖြင့် ​ခြေနှစ်လှမ်း ဆုတ်မိသွားသည်။

​မော့ကျန်း မိတ်ကပ်ပြင်ပြီး မကြာမီမှာပင် ရိုက်ကူး​ရေး​လုပ်ရန် သွားခဲ့သည်။ ထိုသူက အလွန် ပ​ရော်ဖက်ရှင်ကျ​သော သရုပ်​ဆောင် တစ်တစ်​ယောက်ဟု ​ပြောရမည်ပင်။ စိတ်ရှုပ်စရာ ကိစ္စများ ရှိ​​နေ​သော်လည်း ​နေ့လည်ပိုင်း ရိုက်ကူး​ရေးကို သက်​ရောက်မှု မရှိခဲ့​ပေ။ လီယန်က ​ဘေးတွင် ထိုင်ကာ ​မော့ကျန်း သူမကို ​ပေးလာသည့် ​ရေချိုးဆပ်ပြာနို့ရည်ကို ကြည့်လိုက်သည်။ သူမက တခစ်ခစ် ရယ်ကာ ပုံရိုက်ပြီး ​ဝေ့​ပေါ်တွင် တင်လိုက်သည်။ "#အကြိုပြကွက် #​​ တကယ်​တော့ ကော်​ဇောနီ​ပေါ်မှာ ဧကရာဇ်​မော့ ​ပြောခဲ့တဲ့တစ်​ယောက်က ငါပါလို့ ​ပြောပါရ​စေ" ")."

ဖန်တစ်​သောင်း​ကျော် ရှိသည့် လီယန်မှာ ကွန်မန့်များစွာ ရလာပြီး ပိုစ့်အသစ်တင်ပြီး မကြာမီမှာပင် forwardများ လုပ်လာကြသည်။ သူမက ​​ပေါ်ထွက်လာ​သော အသိ​ပေးစာများကို ကြည့်ကာ ၎င်းတို့ကို စစ်ကြည့်ရင်း ပြုံး​နေ​လေသည်။

("လီယန်ရဲ့ တုံ့ပြန်ချက်က ​နှေးလွန်းတယ်​နော်... အဲ့ဒါက အခု​ပေါ်ပြူလာ မဖြစ်​တော့ဘူးလို့ 233333")

("ဟူးဟူး... သူက ငါ့ကို ​ပြော​နေတာ အသိသာကြီး... လက်မခံရင် တိုက်ခိုက်ကြမယ်")

("ခဏ​လေး ​စောင့်ကြပါအုံး... ပုံက HBရဲ့ ​နောက်ဆုံးထွက် ဆပ်ပြာနို့ရည်နဲ့ တူ​နေတယ်​နော်... လီယန်... ဘယ်လိုရလာတာလဲ")

("ဟမ့်... အဲ့ဒါ ငါ့ကို​ပေးလိုက်ရင် ခွင့်လွှတ်​ပေးမယ်")

လီယန်က ထိုကွန်မန့်ကို ကြည့်လိုက်ပြီး​နောက် တုံ့သွား​လေသည်။ ဖာခ့်... အရှက်မရှိလိုက်တာ... ရှမ်ပူ​မ... ​နောက်ဆုံး​တော့ ငါးစာလှမ်းဟပ်ပြီပဲ.. ဒါ​ပေမယ့် ဒီဆပ်ပြာရည်က...

("ဒါက တစ်​​ယောက်​ယောက်က ငါ့ကို ​ပေးထားတာ​လေ... ​နောက်တစ်​​ယောက်ကို ထပ်​ပေးလို့ မ​ကောင်းဘူး":)"

ချန်းချင်းယန်: "… …"

​သောက်ကျိုးနဲ... ကွာရှင်းလိုက်ကြစမ်းပါ... ဘယ်မှာလဲ... အချစ်...

​မော့ကျန်း အနားယူ​ရာ​နေရာသို့ ​ရောက်လာ​သောအခါ လီယန်မှာ ဖုန်းကိုင်ရင်း တခစ်ခစ် ရယ်​​မောနေခဲ့သည်ကို ​တွေ့လိုက်ရသည်။ သူမက အမှန်တကယ် တုံးအပုံ​ပေါ်​နေ​သော်လည်း သူမ၏ အပြုံး​​လေးက သူ့နှုတ်ခမ်းကို ​ကွေးတက်ကာ အပြုံး​လေး ဖြစ်သွား​စေခဲ့သည်။ "ဘာအ​ကြောင်း​ကြောင့် ​ပျော်​ပျော်ရွှင်ရွှင် ရယ်​နေရတာလဲ"

"ဘာမှ မဟုတ်ပါဘူး" လီယန်က ​ဝေ့​ပေါ်ကို ပိတ်၍ ​မော့ကျန်းကို ​ရေ​​နွေးတစ်ခွက် ကမ်း​​ပေးလိုက်သည်။

"​ရေလို​သေးလား"

"အင်း" ​မော့ကျန်းက ​ရေခွက်ကို လှမ်းယူလိုက်ပြီး တစ်ငုံ​သောက်လိုက်ချိန်မှာပင် ဖုန်းမြည်လာခဲ့သည်။ ​မော့ကျန်းက ​ခေါ်ဆိုလာသူကို ကြည့်လိုက်ပြီး​နောက် ​ရေ​နွေးခွက်ကို ချကာ ဖုန်းကိုင်လ်ုက်သည်။

"ဘယ်လိုလဲ"

"တစ်ဖက်လူက ​တောင်းဆို​နေတာ လွန်လွန်းတယ်... အ​ပျော့​ရော အမာ​ရော စားချင်​နေတာ... စကား​ပြောတာ​တောင် ရိုးသားမှု မရှိဘူး"

ထန်ချန်းက ​ဒေါသထွက်​နေပုံပင်။ သို့​သော်လည်း အမှန်တကယ်မှာ ​အမျက်​​ချောင်း​ချောင်း ထွက်​နေခြင်း ဖြစ်သည်။ သူက မူလတွင် အနုပညာရှင်များကို ဒိတ်လုပ်ခြင်းမှ တားမြစ်ခြင်းက အ​တော်​လေး လူမဆန်လှ ဟု ​တွေးမိခဲ့​သော်လည်း ယခုတွင် ထိုမူဝါဒက ​သောက်ကျိုးနဲ မှန်သည်ဟု ခံစားလိုက်ရသည်။ လူတိုင်းသာ ​မော့ကျန်းကဲ့သို့ လုပ်ကြပါက သူ အ​နှေးနှင့် အမြန်ပင် အသက်ငယ်ငယ်ရွယ်ရွယ်နှင့် သေ​သွားန်ုင်သည်။

ထန်ချန်းက လည်စီးကို ​လျှော့ကာ ​ပြောလိုက်သည်။

"သူ့တို့ကို ​​နောက်က ​ပံ့ပိုး​​နေတဲ့သူ ရှိ​နေတဲ့ပုံပဲ... ​ကောင်းထျန်း​ချောင် ဖြစ်ဖို့ များတယ်"

"သူတို့ကို ဆက်​ပြော​နေ... သူတို့ တကယ်ကြီး တင်ချင်​နေလည်း လုပ်သာ လုပ်ခိုင်းလိုက်"

​ကော်လာထက်တွင် ရှိ​နေ​သော ထန်ချန်း၏ လက်များ တစ်ခဏမျှ ရပ်သွားပြီး ​ပြောလာခဲ့သည်။

"ငါသိပြီ" အခြားတစ်ဖက်ကသာ ထိုကိစ္စကို သတင်းလွှင့်မည်ဆိုပါက သူတို့ကလည်း ထိုအ​ကြောင်းနှင့် ပတ်သက်၍ လုပ်နိုင်သည့် အရာ မရှိ​တော့​​ပေ။ သို့​​သော်ငြား ဧကရာဇ်​မော့က ငြိမ်ခံ​နေမည့်သူမဟုတ်ဘဲ PR ဌာနကလည်း ​သေချာ​ပေါက် လွှတ်ထား​ပေးမည် မဟုတ်​ပေ။

အခြားတစ်ဖက်မှ သတင်းလွှင့်မည်ကို သူမ​ကြောက်​သော်လည်း လီယန် သူမကိုယ်သူမ အပြစ်တင်​နေမည်ကိုသာ သူ စိုးရိမ်​နေသည်။

​မော့ကျန်းက သူငယ်ချင်း​ဟောင်းတစ်​ယောက်နှင့် ခင်မင်မှု အဆုံးသတ်သွားသည့် အလား မျက်နှာအမူအယာတို့ဖြင့် ​အခန်းထောင့်​လေးမှ ထွက်လာခဲ့သည်။ လီယန်က သူမ၏ ခုံတွင် ထိုင်နေဆဲ ဖြစ်ပြီး ဖုန်းကိုသာ ရူးရူး​ကြောင်​ကြောင်ပြုံး၍ ကြည့်​နေခဲ့သည်။ သူက တိတ်တိတ်က​လေး ​လျှောက်လာကာ ကြည့်လိုက်သည်။ ကြည့်ရသည်မှာ သူမက ​ဝေ့​ပေါ်ကို ​မွှေ​နှောက်​နေဟန်ပင်။

သူက အ​ကောင့်တုကို ဝင်၍ လီယန်၏ ​ဝေ့​ပေါ်ထဲသို့ ဝင်ကြည့်လိုက်သည်။ မကြာ​သေးမီက တင်ထားခဲ့​သော သူမ၏ ပိုစ့်ကို ကြည့်ကာ ​မော့ကျန်း၏ နှုတ်ခမ်း​ထောင့်​လေးများ ​ကော့တက်သွား​လေသည်။

သစ်​တော်သီး​တွေ စား​နေတယ်က လီယန်ကို စာပြန်လိုက်သည်: ကိုယ်လည်း သူမင်းကို ​ပြောတယ်ပဲ ထင်​နေတာ...

ထိုကွန်မန့် ​ပေါ်လာသည့်နှင့် လီယန် ကြက်​သေ​သေသွားသည်။ အတိတ်တွင် သစ်​တော်သီး(လီဇီ)​တွေ စား​နေတယ်ကို ထူးထူးခြားခြား မ​တွေးခဲ့... သို့​သော်လည်း ယခုတွင် လူတိုင်းက သူမကို လီဇီဟု ခေါ်​နေကြရာ ရုတ်တရက် အခွင့်အ​ရေး ယူခံလိုက်ရသလို ခံစားလိုက်ရသည်။
(T/N သစ်​တော်သီး​တွေ စား​နေတယ်မှာ သစ်​တော်သီးက လီဇီပါ... အဲ့​တော့ လီယန်ကို စား​နေတယ်​ပေါ့... အဟွတ်... ​မော့​မော့ကလည်း အဲ့လို အဓိပ္ပါယ်နဲ့ ​ပေးထားတာပါတဲ့ကွယ်)

ပြီး​တော့ ​နောက်ဆုံးတစ်ခုက ရှက်စရာ ​ကောင်းလ်ုက်တာ...

လီယန် စာပြန်လိုက်သည်။ ":3"

သူမ ဒီမက်​ဆေချ့်ကို ဘာလို့ စာပြန်ရတာလဲလို့ ဘယ်သူ​တွေက ​မေး​လောက်လဲ...

ဒီ သစ်​တော်သီး​တွေ စားနေတယ်မှာ အိပ်​မွေ့ချနိုင်တဲ့ စွမ်းရည် ရှိရမယ်...

လီယန်၏ မျက်နှာ​လေးကို ကြည့်၍ ​မော့ကျန်း မရယ်ဘဲ မ​နေနိုင်​တော့​ပေ။

အားလပ်ချိန်က ​​ပျော်​ပျော်ရွှင်ရွှင် ပြီးဆုံးသွားပြီး အဖွဲ့သားများ အားလုံးက ညနက်သည်အထိ အားတက်သ​ရော အလုပ်လုပ်ခဲ့ကြသည်။ ​မော့ကျန်းက မူလတွင် ထန်ချန်းကို ဖုန်း​ခေါ်ပြီး သူမည်ကဲ့သို့ လှုပ်ရှား​နေသည်ကို ​မေးချင်ပါ​သော်လည်း ဖုန်းထက်မှ အချိန်ကို ကြည့်လိုက်​သောအခါ ထိုအကြံကိုလက်လွှတ်လိုက်သည်။

​နောက်တစ်​နေ့မနက်တွင် ​မော့ကျန်းက ​စော​စောနိုးထလာရသည်။ ​သေချာ​ပေါက် အလိုအ​​လျောက်နိုးလာခြင်း​တော့ မဟုတ်။ သူ ထန်ချန်း၏ ဖုန်း​ကော​ကြောင့် နိုးလာရခြင်း ဖြစ်သည်။

လီယန် သူ့လက်​ထောက် ဖြစ်လာကတည်းက ထန်ချန်းက သူ့ကို ဖုန်းဆက်မနှိုးလာသည်မှာ အချိန်အ​​တော်ကြာခဲ့​လေပြီ။ ယ​နေ့ ​စော​စော​ခေါ်လာခြင်းမှာ သတင်းထူး​တော့ မဟုတ်နိုင်။

"ဒီ​နေ့ စတားလျှို့ဝှက်ချက် သတင်းစာရဲ့ အထူး​ခေါင်းကြီးပိုင်းသတင်းကို ​တွေ့ပြီးပြီလား" ​မော့ကျန်း ဖုန်းကို ​ကောက်ကိုင်လိုက်သည့် အခိုက်မှာပင် ထန်ချန်း၏ အသံ ထွက်လာခဲ့သည်။ သူ ​ခေါင်း​​ပေါ်မှ ဆံပင်ရှုပ်ရှုပ်​လေးများကို ထိုးဖွကာ ထထိုင်လိုက်ရသည်။

"နား​ထောင်ကြည့်ရ​အောင်"

"အဟမ်း အဟမ်း" ထန်ချန်းက လည်​ချောင်းရှင်းပြီး သာယာနာ​ပျော်ဖွယ်​ကောင်းစွာဖြင့် ဖတ်ပြလာခဲ့သည်။

"ကားပါကင်ထဲက ကံ​ဆိုးမိုး​မှောင်ကျမှု... ဧကရာဇ်​မော့က လက်သီး​ကို လွှဲပြီး ဒုတိယသခင်​လေး​ကောင်းကို ထိုးခဲ့တယ်... အချိန်အကြာကြီးကတည်းက ရှိ​နေခဲ့တဲ့ အာဃာတ​တွေ​ကြောင့်လား... ဒါမှမဟုတ် သူ့ရဲ့အစစ်အမှန် စရိုက်တွေ ​ပေါ်သွားပြီလား"

စကားလုံးများကို ရှင်းရှင်းလင်းလင်း ​ရေးသားထားပြီး ပုဒ်ဖြတ်​နေရာများတွင် ပါဝင်​နေခဲ့သည့် အီမိုဂျီများကိုပင် သူ့အား အတိအကျ ​ဖော်ပြထားခဲ့သည်။​

မော့ကျန်း "…"

"မ​ကောင်းတဲ့မှတ်ချက်​တွေ​ရော ယူထား"

ထန်ချန်းက ရယ်​မောလိုက်သည်။

"ငါ့ဆီကလား... သတင်း​ခေါင်းစဥ်ကလား"

"အားလုံးပဲ"

ထန်ချန်းက သူ့လက်ထဲမှ စကားလုံးများ ပြည့်​နေသည့် သတင်းစာကို တစ်ချက်ကြည့်ကာ အပြုသ​ဘော​ဆောင်သည့် မှတ်ချက်တစ်ခု ​ပေးလိုက်သည်။

"​ခေါင်းစဥ်က ယဥ်​ကျေးမှု သိပ်မရှိ​ပေမယ့် အ​ကြောင်းအရာက​ အရမ်း​ကောင်းတယ်... သူတို့က မင်း လူရိုက်လိုက်တာကို အ​နှေးပြကွက်နဲ့ အကျယ်ချဲ့​ပြပေးထားကြတာ ... ​ကောင်းထျန်း​ချောင်ရဲ့ မျက်နှာပေါ်က ဒဏ်ရာ​တွေတောင် ထင်း​နေတာပဲ... အာ... မင်းလက်သံ​​တော်​တော်​ပြောင်တာပဲ​နော်"

​မော့ကျန်းက ဗီရိုထဲက အဝတ်များကို လှမ်းယူ​နေပြီး ပြန်ဖြေမလာခဲ့​ပေ။ ထန်ချန်းက ဆက်ပြီး ရှင်းပြ​နေသည်။

"ရိုက်ချက်​​ထောင့်က အရမ်း ​ကောင်းလို့လား... ​နောက်မှ ပြန်ပြင်လိုက်တာလား မသိဘူး... ဓါတ်ပုံထဲမှာ လီယန်​တော့ မပါဘူးကွ... မင်းတို့နှစ်​ယောက်ပဲ ရှိ​နေတယ်လို့ ထင်ရတယ်.. စာထဲမှာတော့ မင်းကို အကြင်နာတရားမရှိ ရက်စက်ပြီး ကျိုး​ကြောင်းမညီတဲ့လူလို့ ​ပြောထား​​လောက်တယ်... "

​မော့ကျန်း: "…"

သူ​ခေါင်း​လေးကို ​စောင်းကာ ဖုန်းကို ပုခုံး​ပေါ် တင်ထားခဲ့သည်။ ရှပ်အင်္ကျီကို ကြယ်သီးတွယ်​နေဆဲမှာပင် ​မေးလိုက်သည်။

"ကုမ္ပဏီက ဘယ်လို​ဖြေရှင်းမယ် စီစဥ်ထားလဲ"

ထန်ချန်းက ​ပြောသည်။ "ပုံအပြည့်ရဖို့ နည်းလမ်းရှာဖို့ စဥ်းစား​နေတယ်... ပြီးရင် ငါတို့နဲ့ အလုပ်သ​ဘောအရ ဆက်ဆံ​ရေး ​ကောင်းတဲ့ မီဒီယာ​တွေနဲ့ ဆက်သွယ်မယ်​လေ... ကုမ္ပဏီက ​ဖြေရှင်းချက် မထုတ်ခင်အထိ ဒီကိစ္စကို ပြန်မတုံ့ပြန်နဲ့"

​မော့ကျန်း: "အမ်... ငါ့ကို ဒီ​နေ့ ခွင့်တစ်ရက် မ​ပေးချင်ဘူးလား"

ထန်ချန်းက နှုတ်ခမ်းကို တင်းတင်း​စေ့ထား​လေသည်။ "မ​နေ့က အထိုးခံခဲ့ရတဲ့သူသာ မင်းဖြစ်​​နေရင် စဥ်းစား​ပေးချင်​ပေးမှာ"

"ကားပါကင်မှာ ​စောင့်ကြည့်ကင်မရာ ရှိ​လောက်တယ်"

ထန်ချန်း: "အဲ့ဒီ ​သောက်လုံခြုံ​ရေးက မ​နေ့က ​စောင့်ကြည့်ကင်မရာမှာ ပြဿနာ တစ်ခုရှိ​နေတယ်လို့ ​ပြော​နေတယ်​လေ"

​မော့ကျန်း: "ဟမ်း... သခင်​လေး​ကောင်းရဲ့ လက်တံ​တွေက​တော့ ​တော်​တော် ရှည်တာပဲ"

ထန်ချန်းက အထင်အမြင်​သေးစွာ ​ပြောလိုက်သည်။ "ငါ သူတို့ကို လက်လှမ်းမမီနိုင်​အောင် လုပ်ပစ်မယ်"

​မော့ကျန်းက ချီးကျူးလိုက်​လေသည်။ "ဟုတ်ပါတယ်... တုန့်တုန့်က ဧကရာဇ်ရဲ့ ပြိုင်ဘက်ကင်း မန်​နေဂျာ ဖြစ်ဖို့ ထိုက်တန်ပါတယ်"

ထန်ချန်း၏ နှုတ်ခမ်း​ထောင့်များ တွန့်ထားလိုက်သည်။ မင်းလို နာမည်​​ကျော်တစ်​ယောက်သာ သူ့လက်​အောက်မှာ ရှိ​နေရင် အနိုင်ဖဲချပ် နှစ်ချပ် ရှိရင်​တောင် ​ထိပ်တိုက်ရင်ဆိုင်​နေရအုံးမှာပဲ... "ဟုတ်သားပဲ... အွန်လိုင်း​ပေါ်တက်ပြီး ကြည့်လိုက်အုံး​လေ... စတား​လျှို့ဝှက်ချက် ​ဝေ့​ပေါ်က ​တော်​တော်​လေး စိတ်လှုပ်ရှားဖို့​​ကောင်းတယ်"

ထန်ချန်းက ​ပြောပြီးနောက် ဖုန်းချသွား​တော့သည်။ ​


Xxxxx