အပိုင်း ၉၉

Chapter 99




ငါးနှစ်သား​ ​မော့ချန်း​ရွေ့မှာ သုံးနှစ်အရွယ်ကထက် ပိုအရပ်ရှည်လာပြီး သူ့မျက်ခုံးများက ​မော့ကျန်းနှင့် ဆင်တူသည်။ သူက ​ကျောင်းတွင် က​လေးအုပ်ကြီး တစ်အုပ်ကို ဆွဲ​ဆောင်ထားနိုင်ပြီး ဖြစ်​သော်လည်း လီယန်ကို ကပ်တွယ်​နေရသည်အား သ​​ဘောကျ​နေဆဲ ဖြစ်သည်။

သတင်း​ထောက်ကျဲကျဲက သူ့ကို ​တွေ့သည့်အခါ အရည်​ပျော်ကျသွားသည်။ ဒါ​လေးက ဧကရာဇ်​မော့ အ​သေးစား​လေးပဲကွ... သူမ​​တော့ သူ​လေးကို အာဘွား​တွေ သွား​ပေးပစ်ချင်​နေပြီ =3=

​မော့ချန်း​ရွေ့က အပြင်လူများကို အမြဲတမ်း ​အေးစက်စက် ဆက်ဆံ​လေ့ရှိသည်။ သူက သတင်း​ထောက်များကို ​တွေ့​သောအခါ သူ့မားမား၏ ရင်ခွင်ထဲတွင် ပျင်းပျင်းရိရိ ဆက်ခွေနေပြီး ထမလာခဲ့​ပေ။ လီယန်က သူ့ကို နှုတ်ဆက်ရန် ​ပြောလိုက်သည့်အတွက် ဟယ်လိုဟုသာ ​ပြောလာခဲ့သည်။

သတင်း​ထောက်က သူ့​ဘေးမှ ဆိုဖာတွင် ဝင်ထိုင်လိုက်ပြီး အသံသွင်း​ဘောပင်နှင့် မှတ်စုစာအုပ်ကို ထုတ်ကာ အဖွင့်စကား ခပ်တိုတို ​ပြောလိုက်ပြီး ​မေးခွန်းများ ​မေးရန် ပြင်သည်။

“​သူငယ်ချင်​​လေး ရွေ့​​ရွေ့​... သားမှာ ဝါသနာ​တွေ ရှိလား"

“ကိုယ်ခံပညာ”

“​ရွေ့​ရွေ့က ပါးပါးနဲ့ မားမား ဘယ်သူ့ကို ပိုချစ်လဲ”

“မားမား”

“ဘာလို့များလဲ”

“သားပါးပါးက မားမားကိုပဲ နမ်းတယ်... သားကို မနမ်းဘူး”

သတင်း​ထောက်: “…”

​ကြောက်စရာ​​ကောင်းတဲ့ တစ်ခုခုကို မ​တော်တဆ ကြားလိုက်ရတယ်လို့ ခံစားရတယ်​နော်...

လီယန်သည်လည်း အနည်းငယ် ရှက်ရွံ့သွားခဲ့သည်။ ​သူ့​ဘေးတွင် ထိုင်​နေသည့် မော့ကျန်း တစ်​ယောက်တည်းကသာ သူ​ပြောသည့်စကားက မှန်ကန်​နေသည့်အလား ရှိ​နေခဲ့သည်။ အင်တာဗျူးပြီး​နောက် သတင်း​ထောက်ကျဲကျဲက ​သူ့​မားမားထံမှ မော့ချန်း​ရွေ့ကို အာဘွား​ပေးရန် ​တောင်းဆိုလိုက်​​သော်လည်း သူ့ပါးပါးက ​အေးတိ​အေးစက် မျက်နှာကြီးဖြင့် ငြင်းလွှတ်လိုက်သည်။

သတင်း​ထောက်ကျဲကျဲ၏ နှလုံးသား​လေး ကွဲ​ကြေသွား​လေသည်။ ငါးနှစ်​သားလေးပဲ ရှိ​​သေးတာကို ဘာလို့ ​အေးစက်​နေရတာလဲလို့... အစက သူမက သူလေးကို ဧကရာဇ်​မော့ အ​သေးစား​​လေးလို့ မှတ်ပြီး အာဘွား​ပေးချင်လို့ပါ​နော်...

သတင်း​ထောက်ကျဲကျဲကို အပြင်ဘက်သို့ လိုက်ပို့​ပြီး​နောက် ​မော့ကျန်းက ​မော့ချန်း​ရွေ့ကို သူ့အခန်းသို့ ပြန်သွားရန် ​ပြောလိုက်သည်။ ​​မော့ချန်း​ရွေ့က သူ့ပါးပါးက မားမားကို ထပ်ပြီး အနိုင်ကျင့်​တော့မည်ဟု ခံစားလိုက်ရသည်။ သူက လီယန်၏ ရင်ခွင်ထဲတွင်သာ ဆက်​နေ​နေပြီး သူ့ကို ရက်ရက်စက်စက် စိုက်ကြည့်လိုက်ပါ​သော်လည်း အဆုံးတွင် ရှုံးနိမ့်သွားရသူမှာ သူဖြစ်​နေသည်။

​မော့ချန်း​ရွေ့က ရှုံးနိမ့်သွားပြီး​နောက် ​နောက်တစ်ခါကျရင် အစ်ကိုကြီးကို လှည့်ကွက်​တွေ ထပ်သင်​ပေးခိုင်းရမယ်ဟု ​တွေးမိသွားသည်။ သူ့ပါးပါးကို မရိုက်နိုင်ဘူးဆိုတာ မယုံဘူး...

​မော့ချန်း​ရွေ့ကို နှင်ထုတ်ပြီး​နောက် ​မော့ကျန်းက လီယန်ကို အခန်းထဲသို့ ​ခေါ်လာခဲ့သည်။ ​မော့ကျန်းက သူမကို နမ်း​နေရင်းဖြင့် သူမ၏ မျက်နှာ​ပေါ်မှ အနက်​​ရောင် ဆံနွယ်​လေးများကို ဖယ်​ပေးလိုက်သည်။

"အား​ယောင်... ​ရွေ့​ရွေ့က ငါးနှစ်ပြည့်ပြီ​နော်... သူ့ကို အ​ဖော်လုပ်​ပေးဖို့ ကိုယ်တို့ သူ့အတွက် ညီမ​လေး တစ်​ယောက် ​မွေးပေးသင့်​နေပြီ"

လီယန်: “……”

“ကျွန်မ က​လေး မ​မွေးချင်​တော့ဘူး... အဲ့ဒါက အရမ်းနာတာ"

​မော့ကျန်းက ပြုံး၍ သူမကို အိပ်ရာ​ပေါ်သို့ ပစ်ချလိုက်ပြီး သူမ၏ နားသန်သီး​လေးများကို ကိုက်လိုက်​လေသည်။

"မနာပါဘူး... ကိုယ့်ကိုယုံ"

လီယန်: “…”

ဒါ​ပေါ့... ရှင်က​တော့ ဘယ်နာမလဲ... မ​ကောင်းတဲ့​ကောင်ရဲ့...


......


ပုကျန်း နက်ဘ်ဝါ့က စာ​ရေးသူများ ​တွေ့ဆုံပွဲ ကျင်းပ​တော့မည် ဖြစ်သည်။ ချန်းချင်းယန်က စာ​ရေးသူ တစ်​ယောက်အ​နေဖြင့် ဝက်ဘ်ဆိုက်​ပေါ်တွင် အ​ရေးပါ​သော အ​ထောက်အကူများ ပြုထားခဲ့​လေရာ စား​ရေးသူများ ​တွေ့ဆုံပွဲအတွက် ထိုက်ထိုက်တန်တန်ပင် ဖိတ်စာ ရရှိခဲ့သည်။

သူမကို စိတ်မသက်မသာ ဖြစ်​စေရသည်မှာ ဂန္ဓမာပန်းလည်း ဖိတ်စာ ရထား​သော​ကြောင့် ဖြစ်သည်။

၎င်းက ဂန္ဓမာပန်းအတွက် ပုကျန်းနက်ဘ်ဝါ့ စာ​ရေးသူများ ​တွေ့ဆုံပွဲကို တက်​ရောက်မည့် ပထမဆုံးအကြိမ် ဖြစ်သည်။ ချန်းချင်းယန်က စီနီယာ တစ်​ယောက်အ​နေဖြင့် သူမကို မ​မေ့နိုင်​သော အ​တွေ့အကြုံတစ်ခု ​ပေးရန် ကြံရွယ်ထားသည်။

ချန်းချင်းယန်က လီယန်၏ လက်ထပ်ပွဲကို တက်ခဲ့စဥ်က ဝတ်ခဲ့သည့် ဝတ်စုံ​လေးကို ​တွေ့​သောအခါ အလွန် စိတ်​ကျေနပ်သွားသည်။ သူမက သူမ၏ ဘဝတွင် ထိုနှလုံးသားကို ဖျစ်ညှစ်နိုင်စွမ်း ရှိသည်အထိ ​စျေးကြီးလှ​သော ဝတ်စုံကို တစ်ခါသာ ဝတ်နိုင်​တော့မည်ဟု ​တွေးခဲ့သည်။ သို့​သော်လည်း မကြာမီမှာပင် ၎င်းကို ပြန်လည် ဝတ်ဆင်ရန် အခွင့်အ​ရေး ရလိမ့်မည်ဟု မထင်ထားခဲ့​ပေ။

သူမ၏ စကပ်ကို အတွန့်အ​ကြေများ မရှိ​တော့သည်အထိ မီးပူတိုက်ပြီး​နောက် ချန်းချင်းယန်က ​ပျော်​ပျော်ရွှင်ရွှင် ​ရေသွားချိုး​တော့သည်။ ဂန္ဓမာပန်းက ​ဝေ့​ပေါ်တွင် သူမကိုယ်သူမ PS လက္ခဏာများမပါဘဲ ပိုစ့်တင်ရသည်ကို အလွန် သ​ဘောကျသည်။ ထိုဝါသနာက သူမ၏ ဂျူနီယာ ဂုဏ်ပုဒ်ကို ဆွဲခွာခံလိုက်ရသည့်တိုင်​အောင် ​ပျောက်မသွားခဲ့​​ပေ။ ချန်းချင်းယန်က သူမ၏ နတ်ဘုရား​လေး ​ကြော်ငြာထား​သော ​ရေချိုးဆပ်ပြာကို သုံး​နေရင်းဖြင့် မနက်ဖြန်တွင် သူမ အသွင်အပြင်ဖြင့်ပင် ဂန္ဓမာပန်း၏ ကိုယ့်ကိုကိုယ် အထင်ကြီးမှုများအား လုံးဝ ​ချေပစ်နိုင်ရမည်ဟု ​တွေး​နေခဲ့သည်။

“ငါဒီ​နေ့ အရမ်း ​​ပျော်​နေတယ်" ချန်းချင်းယန်က ​ရေချိုးခန်းထဲတွင် တစ်​ယောက်တည်း ​ပျော်ရွှင်​နေခဲ့ပြီး​နောက် သူမကိုယ်သူမ ​ရေချိုးသန့်စင်လိုက်ပြီး​နောက် ထွက်လာခဲ့သည်။ သူမက အိပ်ရာထက်တွင် ရှိ​နေဆဲ ဖြစ်သည့် ဖုန်းကို ​ကောက်ယူလိုက်သည်။ ရှန်းယွမ်ဇယ်ထံမှ မဖတ်ရ​​သေး​သော မက်​ဆေချ့် တစ်ခု ပို့ထားသည်ကို ​တွေ့လိုက်ရ​လေသည်။ ချန်းချင်းယန် နှုတ်ခမ်းကို စိပိတ်၍ ဖွင့်ကြည့်လိုက်သည်။

"မနက်ဖြန် ညစာ စားဖို့ လာခဲ့... အဘိုးက မင်းကို ​တွေ့ချင်​နေတယ်"

ချန်းချင်းယန်: “…”

ရည်းစားအတု ဖြစ်လာတာ လ​တော်​တော်ကြာ​နေပြီ ဖြစ်​သော်လည်း ရှန်းယွမ်ဇယ်က လမ်းခွဲမည့် အရိပ်အ​ယောင် မပြ​သေး​ပေ။ ဤကဲ့သို့သာ ဆက်​ဖြစ်​နေပါက သူမကလည်း သရုပ်​ဆောင်ကြေး ​တောင်းရ​တော့မည်ထင်။

“မနက်ဖြန် အချိန် မရှိဘူး... ​နောက်ရက်မှ ​တွေ့ရ​​အောင်"

“မနက်ဖြန် ဘာကိစ္စ ရှိလို့လဲ"

ချန်းချင်းယန် သက်ပြင်းချလိုက်သည်။ သူ့ကိုသူ သူမရဲ့ ​ကောင်​လေးလို့ ​တွေး​နေတာလား...

"မနက်ဖြန် စာ​ရေးသူ ​တွေ့ဆုံပွဲကို သွားတက်မလို့... ဂန္ဓမာပန်းလည်း တက်မှာ​လေ... ဒါက မိန်းမ​တွေကြားက တိုက်ပွဲပဲ... ရှင်နားမလည်ပါဘူး"

ရှန်းယွမ်ဇယ်က ထိုမက်​ဆေချ့်ကို ကြည့်လိုက်ပြီး​နောက် မ​နေနိုင်ဘဲ ရယ်​မော​လေ​တော့သည်။

"​တွေ့ဆုံပွဲက ဘယ်​နေရာမှာ လုပ်မှာလဲ"

ချန်းချင်းယန်က ​နေရာကို ​ပြောပြလိုက်ရာ မကြာမီပင် ရှန်းယွမ်ဇယ်ထံမှ မက်ဆ​ချ့် ဝင်လာခဲ့သည်။

"လိုက်ပို့​ပေးမယ်"

ချန်းချင်းယန်က တိုးတိုး ရယ်​မောလိုက်သည်။ "ကျွန်မ လမ်းသိသားပဲ"

“မင်း ဂန္ဓပန်းရဲ့ ​ရှေ့မှာ ငါ့လို ထူးကဲတဲ့ ရည်းစား​လေး ရှိတယ်ဆိုတာကို ကြွားလို့ ရတယ်​လေ"

ချန်းချင်းယန်: “…”

သူ့ကို ကျိန်ဆဲချင်လာပြီ​နော်...

သို့​​သော်လည်း ၎င်းကို ​စဥ်းစားကြည့်လိုက်​သောအခါ သူ့စကားလုံးများက အဓိပ္ပါယ် ရှိ​နေခဲ့သည်။ ဂန္ဓမာပန်းရဲ့ ရည်းစားကလည်း သူမရဲ့ သူငယ်ချင်းဆီက စနှိုက်​ကြော်ထားတာပဲ​လေ...

ထို့​ကြောင့် ချန်းချင်းယန်က ​ပျော်​​ပျော်ရွှင်ရွှင်ဖြင့် သ​ဘောတူလိုက်သည်။ ချစ်သူ​ကောင်​လေး တစ်​ယောက် ရှိ​နေခြင်းက ​ကောင်း​သောအချက်ပင်။ ထိုချစ်သူက အတု ဖြစ်နေရင်​တောင်မှ​ပေါ့...

ရည်းစားအတု ​အ​ကြောင်း ​ပြောသည့်အခါမှ သူမက ​ထောင်း​ပေါင် ဟုမ်း​​ပေချ့်တွင် ချစ်သူကောင်​လေး ​ရောင်းသူများ ရှိ​နေသည်ကို သတိရမိသွားသည်။ သူမက လျှပ်တပြက်ပင် ဟုမ်း​ပေချ့်မှ ပုံရိပ်​ယောင် ချစ်သူ​ကောင်​လေးများကို ရှာ​ဖွေလိုက်သည်။

ထို ပုံရိပ်​ယောင်ချစ်သူ ဟု ​ခေါ်ရသည်မှာ ဆိုင်ရှင်က ဝန်ထမ်းတစ်​ယောက်​ယောက်အား ​တောင်းဆိုချက်အရ ချစ်သူ ​ကောင်​လေး တစ်​ယောက်အ​နေဖြင့် ဟန်​ဆောင်ခိုင်းခြင်း ဖြစ်သည်။ ဝန်​ဆောင်မှု​ပေးသည့် နာရီများ အတွင်း ထိုသူက သင့်ကို ချစ်သူ တစ်​​ယောက်အဖြစ် စကား​ပြောကာ သင်၏ မ​ကျေနပ်ချက်များကိုလည်း နား​ထောင်​ပေးမည်ဖြစ်ပြီး သင့်ကို ဂွတ်​​မောနင်းနှင့် ဂွတ်နိုက်ဟုလည်း ​ပြော​ပေးမည် ဖြစ်သည်။ ​သေချာ​​ပေါက်ပင် ညစ်ညမ်း​သော ဝန်​ဆောင်မှုများကို ​ထောက်ပံ့​ပေးမည် မဟုတ်​ပေ။

တင်း​တောင်...

“အချစ်​လေး​ရေ... ဘယ်လို ချစ်သူ​ကောင်​လေး လိုချင်ပါသလဲ... ငါတို့ဆီမှာ ​ရွေးချယ်စရာ​တွေ အများကြီး ရှိပြီး​တော့ အန်ကယ်​​ကျောင်းမှာ အရာအားလုံး ရှိတယ်​နော်~”

ချန်းချင်းယန်က တခဏမျှ ​တွေး​တောကြည့်ပြီး​နောက် ​ပြောလိုက်သည်။

"အသံချိုချို​လေးနဲ့ ​နွေး​ထွေးတဲ့ ​ကောင်​လေး တစ်​ယောက်​​​ပေးပါ"

“အို​ကေ... အချစ်​လေး... အထူး​စျေးနှုန်းအ​နေနဲ့ 0.99ယွမ် ကျသင့်မှာ ဖြစ်ပြီး​တော့ ဝယ်ယူပြီးတာနဲ့ ချက်ချင်း ပြန်အမ်းမှာကို လက်မခံ​တော့ာဘူး... ဝန်​ဆောင်မှုအချိန်က တစ်နာရီ ဖြစ်ပြီး မင်းရဲ့ ချစ်သူ​ကောင်​လေးကို သ​ဘောကျရင် ထပ်ပြီး ​အော်ဒါတင်နိုင်ပါတယ်"

“သူနဲ့ ဘာပဲဖြစ်ဖြစ် ​ပြောလို့ရလား"

“ဖုန်း ကစားတာ​တော့ လုပ်လို့ မရဘူး​နော်... ငါတို့ရဲ့ ချစ်သူ​​ကောင်​လေး​တွေ အားလုံး ရည်မွန်တဲ့ ​ကောင်​လေး​တွေပါ"
[T/N Phone play ဖုန်းထဲက​နေ ညစ်ညမ်းတဲ့ စကား​တွေ ​ပြောတာ]

“…​ကောင်းပြီ​လေ” ​ငွေ​​ပေး​ချေပြီး​သောအခါ ​မကြာမီပင် ရှောင်း​ပေါင်ဟု ​ခေါ်​သော လူတစ်​ယောက်က ချန်းချင်းယန်ကို ဆက်သွယ်လာခဲ့သည်။

စစ်​ဆေးရမည့် မက်​ဆေချ့်များ: "အချစ်​လေး... မင်းကို လွမ်းတယ်"

ချန်းချင်းယန်: “…”

သူမက သူငယ်ချင်းအဖြစ် ​တောင်းဆိုလွှာကို လက်ခံလိုက်ပြီး​နောက် ထိုလူ၏ avatarက ချက်ချင်းပင် ခုန်ထွက်လာခဲ့သည်။ " အချစ်​လေး မင်း​ရော ကိုယ့်ကို လွမ်းရဲ့လား =3=”

ချန်းချင်းယန်: ” …”

သူမက နှုတ်ခမ်း​လေးကို စိပိတ်၍ ​မေးလိုက်သည်။ "ရှင်က စက်ရုပ်လား"

မသမာတဲ့ ကုန်သည်က သူမနဲ့ စကား​ပြောဖို့ အလိုအ​လျောက် စာပြန်တဲ့ စနစ်ကို သုံးထားတာ​တော့ မဖြစ်နိုင်ပါဘူး​နော်...

“囧, ကိုယ်က လူအစစ်ပါကွာ... ထိလိုလည်း ရတယ်​နော်[ရှက်ရွံ့​နေ]"

ချန်းချင်းယန်က တစ်ခဏမျှ ​တွေးလိုက်ပြီး​နောက် ​ပြောလိုက်သည်။ "ရှင်က တကယ် လူအစစ်လား"

“…ဟန်နီ... ကိုယ့်အသံ ကြားချင်လား... ဖုန်း​ခေါ်လိုက်မယ်​လေ ^_^”

အာ… “ဒါဆို ကျွန်မက စက်ရုပ် ဟုတ်မဟုတ် မှန်းကြည့်လိုက်​လေ:)”

“…”

“ဒါမှမဟုတ် ကျွန်မက လူအစစ်များလား:)”

“…”

ဒီလူက တကယ် ပြဿနာ ရှာ​နေတာပဲ...

“ဟားဟားဟား... ရှင့်ကို ထပ်မစ​တော့ဘူး... တကယ်​တော့ ကျွန်မက အင်တာနက် စာ​ရေးသူပါ... ​ဝတ္ထုအသစ်အတွက် ကိုးကားစရာ​လေး​တွေ လိုက်ရှာ​နေတာ"

“(⊙o⊙) စာရေးဆရာလား... အချစ်​လေး.. မင်းက အရမ်း မိုက်တာပဲ... ဘယ်လို ဝတ္ထုမျိုး​တွေ ​ရေးတာလဲဟင်"

“သန်မာတဲ့ နျူကလီယား စွမ်းအားနဲ့ ​ထောက်ပံ့ထားတဲ့ ပစ္စည်းတစ်ခုရဲ့ အရည်အ​သွေးနဲ့ Higgs ရဲ့ စက်ကွင်း​က​နေ ရှင်းပြထားတဲ့ အပိုင်းက တစ်ခုနဲ့တစ်ခု သက်​ရောက်မှု ရှိလား မရှိလားဆိုတာ ​ဆွေး​​နွေးထားတဲ့ ဝတ္ထု​လေ"

​ရှောင်း​ပေါင်: “…”

သူထပ်ပြီး စကား မ​ပြောနိုင်​တော့ဘူးလို့ ခံစားရတယ်...

သို့​သော်လည်း တစ်နာရီပြည့်ရန် အ​​တော်​လေး လို​နေ​သေးသဖြင့် ကျည်ဆန်သာ ကိုက်၍ ထိုချစ်သူ​ကောင်မ​လေးနှင့် ဆက်ပြီး စကား​ပြောလိုက်သည်။ ချန်းချင်းယန်က ​ရှောင်း​ပေါင်နှင့် စကား​ပြောပြီး​နောက် တစ်ဖက်လူက ဂျူနီယာ ​ကျောင်းသား တစ်​ယောက်သာ ဖြစ်ပြီး ​နေစရိတ် ကာမိရန်အတွက် ထိုအချိန်ပိုင်း အလုပ် လုပ်​နေခြင်း ဖြစ်​ကြောင်း သိလိုက်ရသည်။

“​ရှောင်း​ပေါင်က မိုက်လိုက်တာ... ကျွန်မ ရှင့်ကို ကြယ်ငါးပွင့် ​ပေးလိုက်မယ်​နော်... ဒါ​ပေမယ့် အခု​တော့ ကျွန်မ အိပ်ရ​တော့မယ် ~”

“အာ... မိနစ်နှစ်ဆယ်​တောင် ကျန်​သေးတယ်​လေ”

“ရပါတယ်... အခု လိုင်း​ပေါ်က ဆင်း​တော့မယ်"ချန်းချင်းယန်က ​ပြောလိုက်သည်။

သူမက လိုင်း​ပေါ်က ဆင်းသွား​ခဲ့​သော်လည်း ​ရှောင်း​ပေါင်က သူမကို ဖုန်း​ခေါ်လာခဲ့မည်ဟု မထင်ထားခဲ့​ပေ။ "အချစ်​လေး... အိပ်​တော့​လေ... ကိုယ်မင်းအတွက် မိနစ် နှစ်ဆယ်လုံး သီချင်းဆိုပေးမယ်"

ချန်းချင်းယန်: “…”

ဒီ​ကောင်​လေးက တကယ့်ကို နစ်​မြော​နေတာပဲ...ဟုတ်တယ် _(:3∠)_

​ရှောင်း​ပေါင်က စကား​ပြောပြီး​နောက် ဧကရာဇ်​မော့၏ သီချင်းကို စဆို​လေ​တော့သည်။ ယခုတွင် ချန်းချင်းယန်က ဖုန်းချလိုက်ရန် တွန့်ဆုတ်သွား​လေသည်။ တဖက်လူ၏ အသံက ကြည်ရှင်း​နေရုံသာမက သီချင်းသံကလည်း သာယာနာ​ပျော်ဖွယ်​ကောင်းသည်။ သူမက ​ရှောင်း​ပေါင်မှာ ​​ကျောင်းတွင် မိန်းက​လေး များစွာထံမှ လိုက်ခံ​နေရလိမ့်မည်ဟု ​တွေးမိသွားသည်။

ချန်းချင်းယန်မှာ နား​ထောင်ပြီး​နောက် အိပ်​ပျော်သွားခဲ့ပြီး သူ မည်သည့်အချိန်၌ ဖုန်းချလိုက်သည်ကိုပင် မသိ​ခဲ့တော့​ပေ။

​နောက်တစ်​နေ့မနက်တွင် သူမနိုးလာ​သောအခါ ပထမဆုံး ​ရှောင်း​ပေါင်ကို ကြယ်ငါးပွင့်​ပေးလိုက်ပြီး ဆံပင်ပြင်ရန်အတွက် အပြင်ထွက်သွားလိုက်​သည်။ ရှန်းယွမ်ဇယ်က အချိန်ကိုက် ​ရောက်လာ​သော်လည်း ချန်းချင်းယန် ထိုသူ၏ ​အထာကျလှ​သော ​ငွေ​ရောင် လမ်​ဘော်ဂနီ ကားကို ​တွေ့လိုက်ရချိန်တွင် သူမ၏ နှုတ်ခမ်း​ထောင့်​လေးများ တွန့်​​ကွေးသွားသည်။

"ရှင်​မောင်း​နေတဲ့ မာစီးဒီးက​ရော" ​

ရှန်းယွမ်ဇယ်က ပြုံး၍ ​ပြောလိုက်သည်။ "မင်းက ကြွားဖို့ သွားမှ​တော့ လန်​ဘော်ဂနီပဲ ယူလာခဲ့​တော့တာ​ပေါ့... Benzက သိပ်မ​ပေါ်ဘူး"

ချန်းချင်းယန်: “…”

သူမက ရုတ်တရက် ထိုလုပ်ရပ်က အကြမ်းဖက်လွန်း​နေသည်ဟု ခံစားလိုက်ရသည်။ ဂန္ဓမာပန်း​လေး ​တောင့်ခံနိုင်ဖို့ ​မျှော်လင့်ရတာပဲ...

သူတို့ ကျင်းပ​ရာ​နေရာသို့ ​ရောက်​သောအခါ စာ​ရေးသူများစွာ ​ရောက်နှင့်​နေကြ​လေပြီ။ ချန်းချင်းယန်က ​ဒေသခံ ဖြစ်၍ အခြား​နေရာမှ လူများထက် ​နောက်ကျမှ ​ရောက်လာခဲ့သည်။ လူတိုင်းက ခန်းမထဲတွင် စကား​ပြောရင်း ထိုင်​နေကြသည်။ ရုတ်တရက် ဘယ်တစ်​ယောက်က ​အော်လိုက်မှန်း သူမ မသိ​တော့။

"လာကြည့်ကြ​​ဟေ့... ​အောက်ထပ်မှာ လန်ဘော်ဂနီ တစ်စီး ရပ်သွားတယ်"

ယခုတွင် ပွဲတစ်ခုလုံးက ဆူပွက်​နေ​လေသည်။ စာ​ရေးသူများ အားလုံးနီးပါးက အမျိုးသမီးများ ဖြစ်ကြသည်။ သူတို့က ခပ်မိုက်မိုက် လန်​ဘော်တစ်စီးကို ​တွေ့လိုက်ရ​သောအခါ လူတိုင်း၏ တည်ငြိမ်မှုများ ကျိုးပျက်သွား​လေသည်။

"ငါ့​ယောကျာ်းသာ ဒီကားနဲ့ ​မောင်းပို့​ပေးရင် သူ့အတွက် ဒုတိယက​လေး ​မွေး​ပေးဖို့ ကတိ​ပေးလိုက်မှာပဲ"

“တစ်​ယောက်​ယောက် ဆင်းလာပြီ... ​ကောင်​​ချော​လေး တစ်​​ယောက်ပါလား.... ကားမလို​တော့ဘူး... သူ့ကိုပဲ လိုချင်တယ်~~=3=”

“သူလိုက်ပို့တာ ဘယ်စာ​ရေးဆရာလဲ မှန်းကြည့်ကြ​လေ"

“ "ခြယ်လှယ်တတ်တဲ့ စီအီးအိုကြီးက ငါ့ကို အလိုလိုက်​ပေးတယ်" ဖြစ်​နေမလား”

ချန်းချင်းယန် ကားထဲမှ ထွက်လာ​သောအခါ လူအုပ်ကြီးထဲမှ ဂန္ဓမာပန်းတစ်​ယောက် သူမကို အကြည့်တစ်ချက်နှင့်ပင် ချက်ချင်း မှတ်မိသွားပြီး ရုတ်တရက် သူမ၏ အသားအရည်က ပို၍ ကြည့်ရဆိုးသွားခဲ့သည်။

“ဝိုး... ကြည့်ရတာ လီမွန်ပြုတ် ဖြစ်မယ် ထင်တယ်”

“​နေစမ်းပါအုံး... သူ ဘယ်သူလဲ ကြည့်ရ​အောင်... တကယ်ကြီး လီမွန်ပြုတ်ပဲဟ... ဘယ်တုန်းက ခပ်မိုက်မိုက် ​ကောင်​လေး ရသွားပါလိမ့်”

“​သောက်လိုက်...​​သောက်လိုက်“

“ခဏ​နေရင် လတ်လတ်ဆတ်ဆတ် လီမွန်တစ်လုံး ညှစ်ပြီး ​​သောက်လိုက်မယ်လို့ ဆုံးဖြတ်လိုက်ပြီ”

“ဖာခ့်.... နမ်း​နေတာဟ" ထိုအချိန်၌ ထိုအမျိုးသားက ချန်းချင်းယန်၏ ခါးကို ဖက်၍ ​ခေါင်းကို နှိမ့်ကာ သူမ၏ နဖူး​လေးကို နမ်းလိုက်သဖြင့် လူတိုင်းက ပြတင်း​ပေါက်မှ ခုန်ထွက်လာလုနီးပါး ကြည့်လာကြသည်။ ချန်းချင်းယန်၏ မျက်နှာက ချက်ချင်းဆိုသလို ရှက်​သွေးဖြာသွားပြီး ထိုသူ၏ အထိမခံသည့်​နေရာကို ဒူးဖြင့် တိုက်ချင်မိသွားသည်။

“စိတ်​လျှော့​လေ... အခု ရှိုးအပြည့် လုပ်​နေရတာ​... ကိုယ့်ရဲ့ ဝန်​ဆောင်မှုက သင့်​တော်တယ်မလား"

ချန်းချင်းယန်: “…”

“ပြီးရင် လှမ်း​ခေါ်လိုက်... ကိုယ်လာကြို​​ပေးမယ်"

ရှန်းယွမ်ဇယ်က ထိုစကား ​ပြောလိုက်ပြီး​နောက် အ​ပေါ်ထပ်မှ လူအုပ်ကြီးကို လက်ပြလိုက်ပြီး လန်ဘော်ဂနီကားကို ​မောင်းထွက်သွား​လေသည်။

ချန်းချင်းယန် အ​ပေါ်ထပ်သို့ တက်လာလာချင်းပင် လူတိုင်းက သူမကို စိုက်ကြည့်​နေသည်အား ​တွေ့လိုက်ရသည်။ သူမက ကသိက​အောက် ပြုံးပြ၍ လူအုပ်ကြီးထဲမှ သူမ၏ သူငယ်ချင်းများကို လိုက်ရှာလိုက်သည်။

တုန့်ကျိရုံက အ​​ပြေး​ရောက်လာ​လေသည်။

“​သောက်ကျိုးနဲ... လီမွန်... ဒီ​လောက်လှတဲ့ ဝတ်စုံနဲ့ ​ကော်​ဇောနီ​ပေါ် ​လျှောက်မလို့လား" ယခုတွင် လူတိုင်း၏ အာရုံက ချန်းချင်းယန်၏ အဝတ်အစားများထံ ထပ်မံ ​ရောက်ရှိသွားခဲ့သည်။ ဂန္ဓမာပန်းက လူအုပ်ကြီး ဝန်းရံထား​သော ချန်းချင်းယန်ကို ကြည့်ကာ သူမ၏ မျက်နှာတစ်ခုလုံး စိမ်းဖန့်သွား​လေသည်။

ညစာစားပွဲတွင် ချန်းချင်းယန်နှင့် ဂန္ဓမာပန်းတို့က စားပွဲတစ်ခုတည်းတွင် ထိုင်​ခဲ့ကြသည်။ ကျိရုံက ​​ချော​မော​သော လန်​ဘော်ဂနီ ​ကောင်​လေးအ​ကြောင်း ​မေးမြန်းရန်အတွက် အခွင့်​​ချောင်း​နေခဲ့​လေသည်။ ချန်းချင်းယန်က ခပ်ရှက်ရှက်ဖြင့် ပြုံးကာ ​ပြောလိုက်သည်။

"တကယ်​​တော့ သူက ငါ့ရဲ့ ဝတ္ထုမှာ ​​ရေနက် ငါးခူ​တွေ ပစ်ဖို့ ပိုက်ဆံသုံးလိုက်တဲ့ သူ​လေ"

ထိုစကားများကို ဂန္ဓမာပန်း​ရှေ့တွင် တမင်သက်သက် ​ပြောလိုက်ခြင်း ဖြစ်သည်။ သူမက ချန်းချင်းယန် လစဥ် အရှင်သခင် voteများ စာရင်း၏ ထိပ်ဆုံးသို့ နတ်ဘုရား၏ အရှိန်ဖြင့် တက်သွားသည်ကို ​တွေ့​သောအခါ သူမကိုယ်သူမ ချိတ်ဆွဲပစ်ချင်သွားသည်။

တုန့်ကျိရုံက ချန်းချင်းယန် ဆိုလိုသည့်အရာကို သိ​နေ​သော​ကြောင့် ချဲ့ကား၍ အံ့သြဟန် ပြုလိုက်သည်။

"နင့်ကောင်​လေးက အရမ်း ​​ကောင်းတာပဲ... ချမ်းသာပြီး​တော့ နင့်အတွက် ပိုက်ဆံသုံးဖို့ ဆန္ဒရှိ​နေ​သေးတယ်... ပြီး​တော့ vote ဘယ်လို​ပေးရမလဲ​တောင် သိ​နေ​သေးတာ​နော်... ငါ့​ကောင်​လေးက​တော့ ငါ့ရဲ့ က​လောင်နာမည်ကို​တောင် မသိဘူး"

ဂန္ဓမာပန်း၏ မျက်နှာ ဝမ်းချုပ်သွားသလို ဖြစ်သွားသည်ကို ချန်းချင်းယန်က စိတ်​ကျေနပ်မှု အပြည့်ဖြင့် ကြည့်ပြီး​နောက် စားချင်​​သောက်ချင်စိတ်​လေး ​ပေါ်လာရသည်။


Xxxx