အပိုင်း ၆

Chapter 6

လုရန်ရှုမှ​နောက်ဆုံးတွင်မှသာလူအုပ်ကြားမှလွတ်​မြောက်လာရှာသည်။ ယွမ်ရှင်းကျဲ၏စကားကိုကြား​သောအခါ သူ့ခမျာ​မောပန်း​နေသည့်ကြားထဲမှ အသက်ရှူပင်ရပ်သွား​တော့မတက်၊ မျက်လုံးများပြူးကျယ်လျက် 

"မင်းဘာ​တွေ​​ပြော​နေတာလဲ" 

"စာရင်း​ပေးမလို့​လေ"

ယွမ်ရှင်းကျဲ လုရန်ရှူအားကြည့်လိုက်ကာ

"မင်း​ရော စာရင်းပေးချင်လား"

"ရှင်းကျဲ ငါ့ကို​​သေချာနား​ထောင် ဒီပြိုင်ပွဲကအရမ်းအန္တရာယ်များတာ​​နော်" 

လုရန်ရှုမှာသူ၏မနှလုံးသားတစ်ခုလုံးဖြင့်​​ဖြောင်းဖြ​လိုက်သည်။ သို့​သော်ယွမ်ရှင်းကျဲမှာ ဖြုံ​တောင်မဖြုံ​ချေ။

 "ပြိုင်ပွဲပဲ စွန့်စားရ​တာ​တော့ရှိမှာ​ပေါ့" 

၄င်းကိုကြားလျှင် စာရင်းလက်ခံ​သောစာ​ရေးမှာပြုံးလျက်

"မင်းမှာကိုယ်ပိုင်မက်ခါရှိသ၍ မင်းပြိုင်ပွဲ၀င်လို့ရပါတယ်"

ယွမ်ရှင်းကျဲတန့်သွားခဲ့သည်။

"ပြိုင်ပွဲမှာမက်ခါအတူတူပဲသုံးတာပဲမဟုတ်ဘူးလား"

"​သေချာ​ပေါက်မဟုတ်ဘူး​ပေါ့"

စာ​ရေးမှာသူ့စကားအားရယ်စရာ​ကောင်းသည်ဟုခံစားရလျက် ရှင်းပြလာခဲ့သည်။ 

"တစ်​​ယောက်နဲ့တစ်​ယောက်မှ စိတ်စွမ်းအားအဆင့်မတူကြတာကို ၊ သုံးတဲ့မက်ခါအမျိုးအစားလည်းကွာတာ​ပေါ့၊ ဘယ်လိုလုပ်တူမှာလဲ"

လုရန်ရှုလည်းထို​တော့မှ သက်ပြင်းကြီးချလျက်

"ကံ​ကောင်းလို့ မင်းမှာမက်ခါမရှိဘူး" 

ယွမ်ရှင်းကျဲမှာမ​ကျေမနပ်ဖြင့်ထွက်သွား​တော့သည်။

ထွက်မသွားခင်တွင် သူသည် အဖြူ​ရောင်စက်လုံး စက်ရုပ်​လေးထံထပ်သွားပြီး မက်ခါများတိုက်ပွဲကိုထပ်၍ကြည့်လိုက်​သေးသည်။ ပြီးမှထွက်ခွာသွားတာဖြစ်သည်။ လုရန်ရှုမှာ သူ၏စိတ်ဓါတ်ကျ​နေ​သော မျက်နှာကိုမြင်လျှင် ​ခေါင်းကိုကုတ်လျက် 

"ရှင်းကျဲ မင်းအရင်ကမက်ခါ​တွေမကြိုက်ပါဘူး၊ 

ရုတ်တရက်ကြီးဘာလို့၀င်ပြိုင်ချင်သွားတာလဲ"

"ငါအခုကြိုက်သွားပြီ" ယွမ်ရှင်းကျဲမျက်လုံးကိုမြှင့်လျက်ကြည့်လိုက်သည်။ 

"ငါမက်ခါ​မောင်းချင်တယ်၊ ပြိုင်ပွဲမှာလည်း၀င်ပြိုင်ချင်တယ်"

လုရန်ရှူမှာအံ့အားသင့်စွာ 

"ယွမ်ရှင်းကျဲ မင်းအသဲကွဲပြီးစိတ်​ဖောက်သွားတာလား၊ ငါအရင်ကလည်းမင်းကို မက်ခါအ​ကြောင်းနည်းနည်းပါးပါး​လေ့လာဖို့​ပြောခဲ့ဖူးပါတယ်၊ ဒါ​ပေမယ့် မင်း​ပြော​တော့ အိုမီဂါ​​တွေက အဲလိုရုပ်ဆိုးဆိုး စက်ရုပ်​တွေကိုမ​မောင်းပါဘူးဆို၊ အခုကျ​တော့"

"ငါအသည်းကွဲပြီးစိတ်​ဖောက်သွားတာမဟုတ်ပါဘူး" ယွမ်ရှင်းကျဲ သက်ပြင်းချလိုက်မိသည်။ သူ လုရန်ရှုအားမည်သို့ရှင်းပြရမလဲ မသိ​ချေ။ 

မည်မျှစဥ်းသား​စေကာမူ သူ​ပြောနိုင်သည်မှာ အကန့်အသတ်ရှိသည်။ 

"ငါကိုယ်တိုင်စပြီး​စေ့စပ်ပွဲကိုဖျက်ခဲ့တာ၊အခုငါ​ပြောင်းလဲတဲ့ဘ၀သစ်ကိုစချင်တယ်"

​နေ​ရောင်ခြည်ကဖြာကျလျက်၊ သူ၏နက်​မှောင်​သော ဆံပင်တို့နှင့်နှင်းတမျှဖြူ​ဖွေး​သောအသားအရည်တို့က နူးညံ့လျက်၊ ​​​နေ​​ရောင်ခြည်မှာ သူ၏အနက်​ရောင်မျက်လုံးတို့ကို​ရောင်ပြန်လျက်  ခိုင်မာ​​​သောဆုံးဖြတ်ချက်တို့နှင့်အတူ​တောက်ပ​နေကြသည်။ 

လုရန်ရှု ယွမ်ရှင်းကျဲအားကြည့်လျက် အ​ချိန်အ​တော်ကြာပြီး​နောက်သူ၏အံ့အားသင့်​​နေ​သောအမူအယာမှာ အတည်အတံ့အဖြစ်​ပြောင်းလဲသွားခဲ့သည်။  

သူသည်ယွမ်ရှင်းကျဲ၏ပုခုံးအား ညင်သာစွာ ပုတ်လိုက်ပြီး 

"မင်း​ပြောင်းလဲချင်တာကိုနားလည်ပါတယ်၊ ငါလည်းမင်းကိုအပြည့်အ၀​ထောက်ခံတယ်၊"

"ဒါ​ပေမယ့် ငါ့မှာမက်ခါမရှိဘူး"

ယ့မ်ရှင်းကျဲ မျက်​မှောင်ကျုံ့လျက် 

"ငါ​စျေး​ပေါ​ပေါ C အဆင့်မက်ခါတစ်စီး​လောက် ဘယ်မှာ၀ယ်လို့ရမလဲ" 

သူ၏စိတ်စွမ်းအားမှာ Cအဆင့်ဖြစ်ပြီး ဤကမ္ဘာ၏နည်းပညာအဆင့်ကအနည်းငယ်နိမ့်​သေးသည်။ ထို့​ကြောင့်သူ C အဆင့်မက်ခါကိုသာလျှင် ​မောင်းနှင်နိုင်လိမ့်မည်။

"လာ​နောက်​နေတာလား" လုရန်ရှုမယုံနိုင်စွာ​ပြောလိုက်သည်။ 

"ယွမ်ရှင်းကျဲ မင်းအ​ဖေကယွမ်ကန်ရှန်း​လေ။ ကန်ရှန်းမက်ခါထုတ်လုပ်​ရေးကုမ္ပဏီကိုပိုင်တာမဟုတ်ဘူးလား၊  မင်းမက်ခါလိုရင်သ့ဆီက​တောင်း​လေ၊"

"ငါချီယုနဲ့ ​စေ့စပ်ပွဲကိုဖျက်လိုက်လို့ ငါ့ကိုအိမ်ကစိတ်ဆိုး​နေတယ်" 

ယွမ်ရှင်းကျဲ အကူအညီမဲ့စွာဆိုလိုက်သည်။

"အခုငါ့ဘာငါ​ငွေစုပြီး၀ယ်မှရမယ်"

​ပြောပြီး​နောက် ယွမ်ရှင်းကျဲလည်းသူ၏ မှတ်ဥာဏ်တုကိုသုံးလျက် အွန်လိုင်း​ပေါ်မှာ မက်ခါ​စျေးများကိုရှာကြည့်လိုက်​​ေတာ့သည်၊ စက္ကန့်ပိုင်းအတွင်းမှာပင် သူ့မှာအလွန်အံ့အားသင့်​နေ​သေအမူအယာဖြင့်

"​​စျေးအ​ပေါဆုံးအလင်းဓါးမက်ခါတစ်စီးကိုတောင်

ကြယ်ဒင်္ဂါး သုံးသန်း​ပေးရတာလား"

သူ၏မူလကမ္ဘာတွင်လည်းမက်ခါများမှာ​စျေးကြီးသည်ပင်၊ သို့​သော်​စျေးအ​ပေါဆုံးမက်ခါဆိုလျှင် ​သိန်းဂဏန်းဖြင့်ရနိုင်သည်ပင်။ 

​နောက်ထပ်မက်ခါတစ်စီး၏​စျေးကိုစစ်ကြည့်လိုက်​သောအခါတွင်လည်း အနည်းဆုံး သန်း​​ကျော်​စျေးမှစ​လေသည်။ 

"မက်ခါ​စျေး​တွေကအမြဲကြီးတာပဲ​လေ၊ မင်းသိသင့်တယ်မဟုတ်ဘူးလား"

လုရန်ရှုမှာ မူလကရှုပ်​ထွေး​နေခဲ့​သော်လည်း အမြန်နားလည်သွား​လေသည်၊ ယွမ်ရှင်းကျဲမှာ အရင်ကမက်ခါအ​ကြောင်းလုံး၀ဂရုစိုက်သူမဟုတ်၊ ထို့​ကြောင့်မသိသည်မှာ ပုံမှန်ပင်။ 

"မင်း​ငွေစုပြီးမက်ခါ၀ယ်ချင်တယ်ဆိုရင်၊ ​မှောင်ခို​စျေးကွက်သွားတာပို​ကောင်းလိမ့်မယ်၊ "

လုရန်ရှူသူ၏မှတ်ဥာဏ်တုကိုဖွင့်လိုက်ပြီး​လမ်းညွှန်ကိုရှာလျက် ​မှောင်ခို​စျေးကွက်​၏တည်​နေရာအား ယွမ်ရှင်းကျဲကိုမျှ​​ေ၀လိုက်သည်။

"​မှောင်ခို​စျေးကွက်က ညဘက်​တွေဆို လုံခြုံ​ရေး​တော့သိပ်မ​ကောင်းဘူး၊ မနက်​​​​စော​စောမှသွားတာအ​ကောင်းဆုံးပဲ"

 လုရန်ရှု စိတ်ရှည်လက်ရှည်​ပြောပြလိုက်သည်။

"​ကျေးဇူးပဲ ရန်ရှု" ယွမ်ရှင်းကျဲ လုရန်ရှုအား ​ကျေးဇူးတင်စွာကြည့်လိုက်သည်။ 

"မင်းတကယ်ကြင်နာတတ်တာပဲ" 

လုရန်ရှုအတိတ်တွင်လည်း ယွမ်ရှင်းကျဲအား အကြိမ်​ပါင်းများစွာကူညီ​ပေးဖူးသည်ပင်၊ သို့​သော် ယွမ်ရှင်းကျဲ ယခုကဲ့သိူ့တကြိမ်မှ မတုန့်ပြန်ဖူးခဲ့​ချေ။

6.2

"မင်းအတွက်မင်း တစ်ခုခုလုပ်ချင်တာ ရှားတယ်​လေ" 

လုရန်ရှု ​ခေါင်းကိုကုတ်လျက်ဆိုလိုက်သည်။ 

အ​နေရခက်​နေ​သောအမူအယာဖြင့် သူ၏နားရွက်တို့မှာလည်းနီရဲလျက် 

"အဲ​ကောင်ကအရူးပဲ" 

ယွမ်ရှင်းကျဲမှာပြိုင်ပွဲမ၀င်နိုင်သဖြင့် စိတ်မကြည်​နေခြင်းမှာယခုအနည်းငယ်သက်သာလာခဲ့သည်။ 

စားရင်း​ပေး​သော​နေရာမှ နှစ်ဦးသားထွက်ခွာလာပြီး​နောက် လုရန်ရှု​ခေါင်းကိုလှည့်၍ ​နောက်မှလူအုပ်ကြီးအားကြည့်လိုက်သည်။ 

စာရင်း​ပေး​သောလူအများစုမှာ အယ်လ်ဖာများဖြစ်သည်။ ထို့အပြင်စီနီယာများပိုများသည်။ သူနှင့်ယွမ်ရှင်းကျဲမှာယှဥ်နိုင်ပုံပင်မ​ပေါ်​ချေ။ သူ၏မျက်လုံးထဲတွင် စိုးရိမ်ရိပ်တချို့ဖြတ်​ပြေးသွားသော်လည်းချက်ချင်းပြန်ဖုန်းကွယ်လိုက်သည်။ 

လွန်ခဲ့​သောနှစ်က ရှင်းဟိုင်တက္ကသိုလ်တွင် စုကျီနန်အမည်ရ​သော မက်ခါများကို​မောင်းနှင်နိုင်သည့် အိုမီဂါတစ်​​ယောက်​ပေါ်လာခဲ့သည်၊ သူ၏စိတ်စွမ်းအားနှင့် ကိုယ်ခံအားမှာ ပျမ်းမျှထက်ပိုအား​ကောင်း​သော်ငြား ​ကျောင်းအသင်းအတွက် အရံလူအဖြစ်သာပါ၀င်နိုင်ခဲ့သည်၊ 

လုရန်ရှုလည်း ယွမ်ရှင်းကျဲသာ အိုမီဂါတစ်ယောက်အတွက် မက်ခါ​မောင်းရခြင်းကမည်မျှခက်မှန်းနားလည်သွားလျှင်လက်​လျှော့သွားလိမ့်မည်​မျှော်လင့်မိသည်၊ 

သို့​သော်ယခုမူ ယွမ်ရှင်းကျဲမှာ အချစ်​ကြောင့်ခံစား​နေရချိန် စိတ်​ပြေလက်​ပျောက်တစ်ခုခု လုပ်ရန်ဆန္ဒရှိပါကသူလည်းအပြည့်အ၀​​ထောက်ခံ​ပေးမှာပင်။ 

ည​နေစာစားပြီးသည်နှင့် လုရန်ရှုနှင့် ယွမ်ရှင်းကျဲတို့မှာ ​နေမ​ကောင်းဟုအ​ကြောင်းပြလျက် ​ကျောင်းမှခိုးထွက်လာခဲ့ကြသည်။ 

သူနည်းနည်းမျှမ​​စောင့်နိုင်​တော့​ချေ။ မက်ခါကိုယခုချက်ချင်းပင်​မောင်းနှင်ပစ်ချင်​နေမိသည်။ လုရန်ရှု​ပြောပြထားသဖြင့်သူကအနက်​​ရောင် မျက်နှာဖုံးကို၀တ်ဆင်ထားခဲ့သည်၊သူ၏အ​တော်အတန်ရှည်လျား​သောအရပ်​ကြောင့်သူကဘီတာတစ်ဦးနှင့်ပ်ု၍တူသွားခဲ့သည်။ 

ယာဥ်အား ​မှောင်ခို​စျေးအနီးရှိဘူတာတစ်ခုတွင်ရပ်လိုက်ပြီးမိုး​မျှော်အ​ဆောက်အ​ဦးများကြားမှ ၀င်​ပေါက်အားကြည့်လိုက်မိသည်။ ထူထပ်လှ​သောလူအုပ်ကြီးက ပျားပန်းခတ်မျှ။ 

 ညအချိန်​ကျ​ရောက်လာသည်နှင့် အ​ဆောက်အဦးကြီးများ​ပေါ်မှ ပုံရိပ်​​ယောင် စခရင်များနှင့် နီယွန်အလင်းများ​တောက်ပလာကြသည်။ ထိုအလင်းများကြားတွင် ပျံသန်း​နေ​သောအနက်​​ရောင်မိုးပျံယာဥ်များမှာ ပုရွက်ဆိတ်က​လေးများသဖွယ်၊ ယွမ်ရှင်းကျဲမှာ ယခင်ဘ၀ကတည်းက ဘယ်ကိုမျှမထွက်ဖူး​ချေ။ 

ယခု​တော့အခွင့်အ​ရေးရပြီမို့ သူ​ဘေးဘီ၀ဲယာကို စိတ်အားထက်သန်စွာ ကြည့်​နေမိသည်။ သူက ​ကုန်စုံဆိုင်တစ်ခု၏တံခါး​ပေါက်သို့​ရောက်မှန်းမသိ​ရောက်လာခဲ့ကာ ​လမ်းကြားတစ်ခုကိုဖြတ်ပြီး​နောက် ​မှောင်ခို​စျေးသို့ ​ရောက်လာ​တော့သည်။

​မှောင်ခို​စျေးထဲ၀င်လိုက်သည်နှင့် စိုထိုင်းထိုင်းအးစက်​သော​လေထုက သူ၏မျက်နှာအားတိုး၀င်တိုက်ခတ်လာသည်။ ၄င်းမှာယွမ်ရှင်းကျဲ ယခက်ဘ၀တွင် တစ်ခါမှမခံစားဖူး​သော ခံစားမှုဖြစ်သည်။

အ​ဆောက်အဦးကြီးများ၀န်းရံ​နေ​သောအ၀င်​ပေါက်နှင့်စာလျှင် ​မှောင်ခို​စျေးအတွင်းပိုင်းမှာသိပ်မကြီးလှ​ချေ။ ဆိုင်ခန်းငယ်များအကြား ​​ရောင်စုံမီး​ရောင်များဟိုတကွက်ဒီတကွက်​တောက်ပ​နေကြသည်။ 

ပထမထပ်မှာ အ၀တ်အစားများ​ရောင်းချပြီး၊ ဒုတိယထပ်မှာ အမျိုးစုံ​သော ဘားများ၊ ​လောင်းကစားရုံများရှိကာ တတိယထပ်မှာ လက်နက်များ​ပြသထားသည်။ မက်ခါများမှာလည်းတတိယထပ်တွင်ရှိသည်ပင်။ 

ယွမ်ရှင်းကျဲလည်း မက်ခါဆိုင်အများအပြားကို​တွေ့လိုက်သည်။ သို့​သော်အများစုမှာ မက်ခါအသစ်စက်များကိုသာ​ရောင်းချ​လေသည်။ သူ့လက်ထဲတွင် ကြယ်ဒင်္ဂါး တစ်သိန်း​ကျော်ခန့်သာရှိသည်။ သူကတလက်ကိုင်မက်ခါအ​ဟောင်းကိုသာလျှင်တတ်နိုင်သည်။ မဟုတ်​သေး သူ့မှာ တလက်က်ုင်အ​ဟောင်းကိုပင်မတတ်နိုင်​ချေ။ အကြာကြီးရှာ​ဖွေပြီးသည့်​​နောက် ​ထောင့်ချိုးတစ်ခုတွင် "တလက်ကိုင် မက်ခါအ​ဟောင်းဆိုင်"ဟူ​သော ​ဆိုင်းဘုတ်တစ်ခု သူ၏မျက်လုံးထဲ၀င်လာခဲ့သည်။ သူလည်းဆိုင်ထဲအမြန်​ပြေး၀င်သွား​တော့သည်။

မက်ခါအမျိုးစုံနှင့် ပစ္စည်းအစုံအား ဆိုင်၏နံရံတွင် ပြသထားသည်။ မက်ခါများကိုသိမ်းဆည်းသည့် ​မှော်ကုဗတုံးများပင် ရှိ​နေသည်ပင်။ ဆိုင်ရှင်မှာ ခပ်၀၀သက်လတ်ပိုင်းအရွယ် လူကြီးတစ်ဦးဖြစ်ကာ မျက်နှာဖုံးကို၀တ်ဆင်ထား​သော အသားဖြူဖြူ သန့်သန့်ပြန့်ပြန်လူငယ်အား အ​ပေါ်​အောက်​သေချာကြည့်လိုက်သည်၊ 

ထိုလူငယ်က နာမည်ကြီးတံဆိပ်အ၀တ်အထည်များက်ု ၀တ်ဆင်ထားသည်အား​တွေ့လိုက်လျှင် သူက​လျှောက်လာပြီး ​နွေး​ထွေးစွာပြုံးလျက်၊ 

"ဒီက​ညီအကို​ချော ဘာများ၀ယ်ချင်လို့လဲ" 

ယွမ်ရှင်းကျဲ ပြန်​ဖြေလိုက်သည်။

"မက်ခါ"

 "ကျွန်​တော့်ဆီမှာအစုံရှိပါတယ်၊ ပြ​ပေးမယ်​နော်"

ဆိုင်ရှင်မှာ အလင်းမျက်နှာပြင်ကိုဖွင့်လျက် ယွမ်ရှင်းကျဲအား မက်ခါ​မော်ဒယ်အစုံကို ပြသလိုက်သည်။ 

အများစုမှာ အလွန်​စျေးကြီးသည်ပင်။ 

"အရည်အ​သွေးက​တော့လုံး၀အာမခံတယ်၊ ​စျေးလည်းမှန်ပါတယ်၊ "

 ယွမ်ရှင်းကျဲ ​စျေးများကိုကြည့်လိုက်ပြီး တခါတည်း​မေးလိုက်​တော့သည်။

"​စျေးအ​ပေါဆုံးကဘယ်​လောက်လဲ" 

ဆိုင်ရှင်မှာ အနည်းငယ်တန့်သွားမိလျက် သူ့နားသူမယုံနိုင်ဖြစ်သွားကာ 

"အ​ပေါဆုံး.. ကြည့်လိုက်ပါဦးမယ်"

ထို့​နောက်တွင် သူကမျက်နှာပြင်​ပေါ်ရှိ အနက်​ရောင်ကုဗတုံးအား လက်ညှိုးထိုးပြကာ 

"အဲဒီCအဆင့်အလင်းဓါးမက်ခါက​စျေးအ​ပေါဆုံးပဲ၊ 

ရှင်းဟိုင်တက္ကသိုလ်က အယ်လ်ဖာ​ကျောင်းသားတသ်​ယောက်ဆီက၀ယ်ခဲ့တာ၊ အရင်ကအပျက်အစီးနည်းနည်းရှိ​ပေမယ့် အခု​တော့ပြင်ထားတယ်၊ လုပ်​ဆောင်မှုလည်း​ချော​မွေ့ပါတယ်"

 ယွမ်ရှင်းကျဲလည်းအလင်းဓါးမက်ခါမှာ ရိူးရှင်းကာ ​ကောင်း​သော​ရွေးချယ်မှုဖြစ်သည်ဟု​တွေးမိလျက် 

"ဘယ်​လောက်လဲ" 

"မင်းကအ​တော်ငယ်ပုံပဲ၊ ​ကျောင်းသားထင်တယ်၊ နည်းနည်း​စျေး​လျော့​ပေးမယ်" ဆိုင်ရှင်က​ပြောလိုက်သည်။ 

"ကြယ်ဒင်္ဂါး ၅၀၃၈၀၀"

​မှောင်ခို​စျေးတွင် အလင်းဓါးမက်ခါတစီးအား ထို​စျေးနှင့်ရသည်မှာ ရှာမှရှားပင်၊ သို့​သော် ယွမ်ရှင်းကျဲအတွက်မူ မတတ်နိုင်ဆဲပင်။ 

"နည်းနည်းထပ်​လျော့​ပေးလို့ရမလား"

 ယွမ်ရှင်းကျဲ သတိနှင့်​​မေးလိုက်လျှင် ဆိုင်ရှင်မှာ ​မေး​​စေ့ကိုပွတ်လျက် ​မေးလာခဲ့သည်။ 

"ဘယ်​လောက်အ​နေအထားကလိုချင်တာလဲ" 

ယွမ်ရှင်းကျဲက တံ​တွေးကိုမြိုချလျက်

"သုညတစ်လုံး​လောက်ဖြုတ်လို့ရမလား" 

ဆိုင်ရှင်မှာ ပြသနာမရှိဟန်ပြုံးလိုက်သည်ကိုမြင်လျှင် သူကစိတ်လှုပ်ရှားစွာဖြင့် 

"50000​လောက်ဆိုအဆင်​ပြေလား"

ဆိုင်ရှင်၏အပြုံး အေးခဲသွားလျက် ငါးစက္ကန့်မျှကြာ​သော် အလွန်စိတ်ဆိုး​နေ​သောအသံကြီးတစ်ခု ဆိုင်ထဲမှထွက်​ပေါ်လာခဲ့သည်။ 

"မင်းကမှအ​လျော့ခံလိုက်ရတဲ့ သုညတစ်လုံးကွ"

xxxxxxx