အပိုင်း ၁၉

Chapter 19

"ဆရာကျိုး ဘယ်ကိုတအား ကြည့်​နေတာတုန်း" 

​ဘေးမှဆရာတစ်​ယောက်က​နောက်​ပြောင်လာသည်။ 

"ခင်များ​ကျောင်းသား​တွေက မက်ခါ​ဘယ်လို​မောင်းရမလဲ​တောင်မသိဘူးမလား၊သူတို့အတန်းAကိုမယှဥ်နိုင်တဲ့ဟာ ​နောက်နှစ်မှပြိုင်လည်း​​နောက်မကျ​သေးပါဘူး"

"ဒီသုံး​ယောက်ကမတူဘူး၊ သူတို့ကအတန်းထဲမှာအ​တော်​လေးအရည်အချင်းရှိတဲ့သူ​တွေပါ" 

ကျိုး​ဖေးရွယ်၏အတန်းမှတပည့်များမှာ သုံးစားမရသည်က လူတိုင်းလက်ခံထား​သောအချက်ပင်။သို့​သော် ဤတစ်​ခေါက်တွင်​​တော့ သု့တွင် ​ပြောမပြနိုင်​သော ယုံကြည်မှုမျိုးရှိ​နေခဲ့သည်။  

ပြိုင်ပွဲ၏ပထမ၂မိနစ်တွင် ယွမ်ရှင်းကျဲတို့အဖွဲ့မှာ ပထမဆုံးအတားအဆီးဖြစ်​သော အလတ်စား ကြယ်သားရဲနှင့်ရင်ဆိုင်ရ​တော့သည်။ ကျိုး​ဖေးရွယ်လည်း ထိုသုံး​ယောက်သည် စု​ပေါင်းအင်အားဖြင့် ကြယ်သားရဲ၏​ခေါင်းအားခုတ်ပိုင်းလိုက်မည်ကို ​မျှော်လင့်စွာ ကြည့်​နေလိုက်သည်။ 

ထို့​နောက်တွင်သူက ထိုသုံး​ယောက်လျင်မြန်စွာလှုပ်ရှားလျက် ထို​နေရာမှ တကွဲတပြားဆီခွဲထွက်သွားသည်ကို​​တွေ့လိုက်ရ​တော့သည်၊ အပြာ​ရောင်အလင်းစက်​​လေးသုံးခုမှာ သရဲ​ခြောက်ခံလိုက်ရသလို မတူညီ​သောဦးတည်ရာကို လျင်မြန်စွာ​ပြေးထွက်သွားကြလသည်။ ကျိုး​ဖေးရွယ်အမူအယာမှာ​အေးခဲသွားခဲ့သည်၊

"ဟားဟားဟား ဒီ​လောက်​တောင်လူမညီတဲ့အသင်းမျိုး ပထမဆုံးမြင်ဖူးတာပဲ" 

​ဘေးရှိဆရာမှာ ဗိုက်ကိုနှိပ်လျက် ရယ်လိုက်သည်၊ 

"မစ်စတာကျိုး​ရေ ဒါကခင်များရဲ့အတန်းကအ​တော်ဆုံး​ကျောင်းသား​တွေလားဗျာ"

ကျိုး​ဖေးရွယ်မှာရှုပ်​​ထွေး​နေပြီး သူ၏အမူအယာကိုပင်မထိန်းချုပ်နိုင်​ချေ။ သို့သော်သူက ​ချောင်းအသာဟန့်လျက် ​ပြောလိုက်သည်။ 

"အန္တရာယ်ကိုအတတ်နိုင်ဆုံး​ရှောင်ရှားတာ​ကောင်းတဲ့​ရွေးချယ်မှုပဲ"

​တောအုပ်မှာ အတားအဆီးများစွာဖြင့်၀င်္ကပါကဲ့သို့ရှုပ်​ထွေးလှသည်။ ၎င်းမှာမှန်ကန်​သော​ရွေးချယ်မှုပင်။သို့​သော်..

သူတို့ဘာ​တွေလုပ်​နေတာလဲ၊ ကျိုး​ဖေးရွယ် မျက်​မှောင်မကျုံ့ပဲမ​နေနိုင်​ချေ။ 

"​အော်ရီရယ်နဲ့ လုရန်ရှု မင်းတို့​နောက်ကလိုက်ဖို့အဆင်​ပြေတဲ့ အသင်း​တွေ့ပြီလား"

ယွမ်ရှင်းကျဲမှာ မက်ခါတချို့​နောက်မှလိုက်ရင်း ကြိုးမဲ့ ဆက်သွယ်​ရေးကိရိယာကိုသုံးလျက် ​မေးလိုက်သည်။ 

"​အော်ရီရယ် ​တောအုပ်ရဲ့အ​နောက်ပိုင်းအခြမ်းကိုတာ၀န်ယူ​ပေးပါ၊ ရန်ရှုကအ​ရှေ့ဘက်ကိုသွား၊ ငါကအလယ်မှာရှိမယ်"

"အင်း"

"နားလည်ပြီ" 

နှစ်ဦးသားတချိန်တည်းတွင်တုန့်ပြန်လိုက်သည်။ 

ယွမ်ရှင်းကျဲ၏ဗျူဟာမှာ အသင်းလိုက်ခွဲထွက်ခြင်းဗျူဟာပင်။ တစ်​ယောက်ချင်းစီက ​တောအုပ်၏မတူ​သောအပိုင်းကိုတာ၀န်ယူလျက် တခြားအသင်းမက်ခါများ​နောက်မှကပ်လိုက်ကြသည်။ အန္တရာယ်များကာ ​ကျော်လွှားရခက်​သော အတားအဆီးများကို​တွေ့လျှင် ​မြေပုံတွင်မှတ်သားကြမည်ဖြစ်ကာ အသင်း​ဖော်များကို သတိ​ပေးပြီးဦးတည်ရာအမြန်​​ပြောင်းကြမည်ဖြစ်သည်၊ 

ထိုနည်းတူစွာ တစ်စုံတစ်​ယောက်က ​ချော​မွေ့​ကာအန္တရာယ်ကင်း​သောလမ်းကို​တွေ့ပါကာ အသင်း​ဖော်များကို​ပြောကာ ထိုလမ်းအတိုင်းသွားကြမည်ဖြစ်သည်၊ မိမိတာ၀န်ယူ​ထား​​သောဧရိယာကိုသာမက အနီးပါတ်၀န်းကျင်​၏အ​ခြေအ​နေကိုလည်းသတိပြုနိုင်သည်။ 

မိမိသွားရာလမ်းတွင် အန္တရာယ်ရှိ​နေပါက မိမိအသင်း​ဖော်​ပေးသာ နီးစပ်ရာဧရိယာသို့အလျင်အမြန်​ရှောင်တိမ်းနိုင်လသည်။ 

"​အော်ရီရယ် မင်းဘက်မှာဆင်​​ခြေ​လျှောတစ်ခုရှိ​နေတယ်၊ " ယွမ်ရှင်းကျဲမှာ မိမိလမ်းကိုကြည့်​နေစဥ်မှာပင် အသင်း​ဖော်အားလည်း လှမ်းသတိ​ပေးလိုက်သည်။ 

"လုရန်ရှု အရှိန်ကိုနည်းနည်းတင်လိုက်၊ ပြီး​တော့​နေရာ​တွေပိုမှတ်​ပေးပါ" 

ယွမ်ရှင်းကျဲ၏ဗျူဟာ​ကြောင့် သုံး​ယောက်သားမှာ တစ်ကိုယ်တည်းလှုပ်ရှား​နေသည့်တိုင် အနီးရှိ ကြယ်သားရဲများ စက်ရုပ်သားရဲများနှင့် လက်နက်ထူထပ်​သော ​နေရာများကို အသာအယာ​ရှောင်ကွင်းသွားနိုင်​လေသည်၊

ယွမ်ယှင်းကျဲ၏တုန့်ပြန်နိုင်စွမ်းမှာလျင်မြန်ကာ အမြင်စူးရှသဖြင့် ​မြေပုံ​ပေါ်တွင် သူ၏အမှတ်အသားမှာ အများဆုံးဖြစ်သည်။

​အော်ရီရယ်မှာဒုတိယဖြစ်ကာ သူမှတ်ထား​​သောဧရိယာလည်းအ​တော်များသည်ပင်။ လုရန်ရှု၏အမှတ်အသားမှာသိပ်မများလှ​သော်လည်း ယွမ်ရှင်းကျဲထင်ထားသည်ထက် ပို​ကောင်း​ကောင်း လုပ်နိုင်ဆဲပင်။

ကျိုးဖေးရွယ်လည်း မျက်နှာပြင်​ပေါ်မှ အလင်းစက်​လေး၃ခုကိုကြည့်ကာမျက်လုံးများပြူးကျယ်သွားခဲ့သည်။ ဤသုံးဦးမှာ သပ်သပ်စီခွဲထွက်သွားခဲ့​​သော်လည်း ထူးဆန်း​သော ဗျူဟာမျိုးရှိ​နေခဲ့သည်။အတားအဆီးတစ်ခုကိုမျှမကြုံရ​ချေ။

 မည်သို့ဖြစ်နိုင်မည်နည်း။တခြားကစားသမားများမှာ အတားအဆီးမျိုးစုံနှင့်ကြုံ​တွေ့နေရချိန်တွင် ထိုသုံး​ယောက်မှ ပထမဧရိယာကို​တောင်​ကျော်လာခဲ့ပြီဖြစ်သည်။ထို့​နောက် လမ်းတစ်​လျှောက်တွင် အတားများစွာကိုပိုကြုံ​တွေ့လာ​ရ​တော့သည်။ 

အ​ဝေးတ​စ်နေရာမှ ယွမ်ရှင်းကျဲက မိမိ​နောက်မှလိုက်​နေ​သော မက်ခါအစုက စက်ရုပ်သားရဲများတိုက်ခိုက်ခံ​နေရခြင်းကိုမြင်လျှင် ​အော်ရီရယ်မှတ်သားထားသည့်အနီးရှိ လုံခြုံ​သော ဇုန်ကိုအမြန်ကူးလိုက်သည်။ထို့​နောက်ထို​နေရာမှပင်ဖြတ်လျက် မိမိတာ၀န်ယူထား​​သော​နေရာကိုပြန်လာလိုက်သည်။  

ဤတစ်ကြိမ်တွင် မိမိ​ရှေ့မှ မည်သည့်အသင်းမှမရှိ​တော့သည်ကို ယွမ်ရှင်းကျဲ မ​မျှော်လင့်ထား​ချေ။ သို့နှင့်သူသည် မိမိအသင်း​ဖော်၂ဦးအားသတင်းပို့လျက် ပြန်လည်ဖွဲ့စည်းကာရှေ့ကီလိုမီတာအနည်းငယ်ကို ဖြတ်သန်းရန်ပြင်လိုက်သည်။ 

"​ရှေ့အတားအဆီးနည်းနည်းကို အတူဖြတ်ရ​အောင်" 

​အော်ရီ၏​လေသံမှာအံ့အားသင့်မှုနှင့်​လေးစားခြင်းများရှိ​နေသည်။ 

"ငါ​တို့​ရှေ့မှာဘယ်သူမှမရှိ​တော့ဘူး​ပေါ့၊ ယွမ်ရှင်းကျဲ မင်းကမိုက်လှချည်လားဟ"

"ငါထင်ထားတာထက်ပိုလွယ်​နေ​သေးတယ်" 

လုရန်ရှုလည်းမ​​နေနိုင်ပဲချီးကျူးလိုက်သည်။ 

"ရှင်းကျဲမင်းအရမ်း​တော်တာပဲ" 

သူတို့သုံးဦး​ပျော်ရွှင်​နေစဥ်မှာပင် သူတိူ့၏​နောက်မှ အင်ဂျင်သံခပ်တိုးတိုးအားကြားလိုက်ရ​တော့သည်၊

19.2

၄င်းမှာအတန်းAမှ​ကျောင်းသားများဖြစ်သည်။ ယွမ်ရှင်းကျဲသူတို့​နောက်မှလိုက်ခဲ့ဖူးသည်။ ထိုစဥ်က ဤသုံးဦး၏အလျင်မှာအ​တော်အသင့်မြန်ပြီး စ​ကေးလည်းရှိသည်ဟုသာထင်ခဲ့သည်၊ 

မိမိတို့အားဤမျှမြန်မြန်လိုက်မီလာမည်ဟု​တော့မထင်ထား​ချေ။ 

ကျိုး​ဖေးရွယ်လည်း အပြာ​ရောင်နှင်းလိ​မ္မော်​ရောင်အလင်းစက်များ ​မြေပုံ​ပေါ်တွင် ဆုံ​တွေ့သည်ကိုကြည့်​နေမိသည်။အတန်းAမှ​ကျောင်းသားများမှာ အ​တော်သန်မာကြသည်မို့ ကျိုး​ဖေးရွယ်ခံစားချက်မ​ကောင်းလှ​ပေ။ 

ယွမ်ရှင်းကျဲ သူ၏အသင်း​ဖော်များအားလျင်မြန်စွာ သတိ​ပေးလိုက်သည်။

"သတိထားကြ" 

​သေချာ​ပေါက်ပင် တဖက်မှ ကြယ်ပျံမက်ခါမှာ ယွမ်ရှင်းကျဲတို့အသင်းထံ မီးခိုးဗုံးများ တခြားလက်နက်များနှင့်ပါပစ်ခတ်လာခဲ့သည်။၄င်းမှာအန္တရာယ်သိပ်မများသည့်တိုင် သူတို့အားရပ်တန့်​စေရန်​တော့လုံ​လောက်သည်ပင်။ 

အတန်းAက​သုံး​ယောက်မှသူတို့ကကြည့်လျက် 

ထိုအထဤမှတစ်​ယောက်က အသံလွှင့်စက်ကိုဖွင့်ကာ 

"အတန်းAက နံပါတ်၁ကွ၊ မင်းတို့​ကောင်​တွေအကုန်အရှုံးသမား​တွေပဲ၊ ​နောက်မှပဲ အီးရှူပြီးကျန်ခဲ့ ဟားဟား" 

ထို့​နောက်တွင် လိ​မ္မော်​ရောင်အလင်းသုံးစက်က​ရှေ့သို့တရှိန်ထိုး​ပြေးသွား​တော့သည်။ ယွမ်ရှင်းကျဲမှာ တဖက်မှတိုက်ခိုက်မှုအားအသာအယာပင်​ရှောင်ရှားခဲ့သည်။ သို့​သော်မိမိတို့မှာ ကြယ်သားရဲအတားအဆီးကိုဖြတ်​ကျော်ရန်အခက်အခဲရှိ​သေးသည်ပင်။ 

ပါတ်၀န်းကျင်မှာမီူခိုးဗုံး​​ကြောင့်မြင်ကွင်းမရှင်းလင်းသဖြင့် ​မြေပုံကိုသာအားထားပြီး​ရှေ့သို့ဆက်သွားရန်ပြင်လိုက်ရသည်။

"သူတို့ရူး​နေလား"​အော်ရီရယ်ကျိန်ဆဲလိုက်သည်။

"မီးခိုးဗုံး​တွေပစ်ပြီးပစ်​ပြီး​ပြေးသွားတယ်​ပေါ့

​​ယောက်ျားတစ်​ယောက်လိုဘယ်လိုတိုက်ခိုက်ရမလဲမသိကြဘူးလား" လုရန်ရှုလည်း​ပေါက်ကွဲလိုက်သည်။ 

"တစ်​ယောက်ကိုတစ်​​ယောက်တိုက်ခိုက်စရာမလိုပဲ ၀င်ခွင့်​အောင်တာအသိသာကြီးကို သူတို့ဘာလို့ဒီလိုလုပ်ရတာလဲ" 

ကျိုး​ဖေးရွယ်လည်း​မြေပုံ​ပေါ်မှာ အပြာ​ရောင်အလင်းစက်သုံးစက်ကိုစိတ်ပူစွာကြည့်​နေမိသည်။ မကြာမီ​နောက်မှလူများ သူတို့ကိုလိုက်မီလာ​တော့မည်။ 

ယွမ်ရှင်းကျဲဘာမှမဆို​ချေ။ မီးခိုးထဲမှအလျင်အမြန်သာထွက်လိုက်သည်။ သူ့ကိုလာမစလျှင် သူဘာမှပြန်လုပ်မည်မဟုတ်။ သူ့ကိုရန်လာစလျှင်​တော့

"ငါအရင်သွားနှင့်မယ်၊ မင်းတို့နှစ်​ယောက်ကငါ့​နောက်ကမြန်နိုင်သမျှ မြန်မြန်လိုက်ခဲ့" 

ယွမ်ရှင်းကျဲထိုတစ်ခွန်းသာ​ပြောပြီး ​​ပြေးထွက်သွားခဲ့သည်။ 

"ဘယ်ကိုသွားမလို့လဲ" 

သူ့အသင်း​ဖော်များက အံ့အားသင့်လျက်​မေးလိုက်သည်။ 

"အဲဒီသုံး​ယောက်ကို တကယ့်အရှုံးသမားအစစ်ကဘာလဲဆိုတာပြမလို့​လေ။ "

ယွမ်ရှင်းကျဲ၏​လေသံမှာ တည်ငြိမ်ကာ​အေးစက်လျက်။ 

ထို့​နောက် ​အော်ရီရယ်နှင့် လုရန်ရှုမှာ ယွမ်ရှင်းကျဲမက်ခါ၏​နောက်​ကျောကိုသာလျှင် မြင်ရ​တော့သည်။

သူတို့​နောက်မှ အမြန်လိုက်​သော်လည်း တ​ဖြည်းဖြည်း​ေ၀း၍သာကျန်ခဲ့​တော့သည်။

ထို​တော့မှသာ ယွမ်ရှင်းကျဲသည်မိမိတို့နှစ်ဦးလိုက်မီ​စေရန် တချိန်လုံးအရှိန်ကို​လျော့လျက်​မောင်း​နှင်​နေခဲ့တာဖြစ်​ကြောင်းနားလည်သွားခဲ့သည်။ 

"​သေစမ်း"​ အော်ရီရယ်မ​နေနိုင်ပဲကျိန်ဆဲလိုက်မိသည်။ 

"ဒါကြီးက ဘယ်လိုအိုမီဂါမျိုးလဲ" 

ထိုစဥ်မှာမင် ကင်မရာမှာ အသင်းနှစ်သင်းထိပ်တိုက်​တွေ့ပုံကိုအမိအရထုတ်လွှင့်​နေခဲ့သည်။ ဒုတိယနှစ်​ကျောင်းသားများမှာ အလင်းစက်များ၏အ​ရောင်မှတဆင့်ခန့်မှန်းနိုင်သည်။ 

ဤသည်မှာ မက်ခါ​မောင်းနှင်​ရေးဌာန၏ အန်းEနှင့် Aကြားမှတိုက်ပွဲဖြစ်သည်။ 

1အံ့သြစရာ​ကောင်းသည်မှာ အတန်းEမှ​ကျောင်းသားများမှာ ပထမအုပ်စုဆီတရှိန်ထိုး​ပြေးသွားသည်ကို​တွေ့လိုက်ရသည်။လူတိုင်းမှာလာ်း နှစ်သင်းကြားက အငြင်းပွားမှုကို​တွေ့ရဦးမည်မ​မျှော်လင့်ထား​ချေ။ 

အတန်း​Aမှသူများက အတန်းEအား​ကျော်သွားသည်ကိုမြင်လျှင် လူတိုင်း ပွဲဆူသွားကြ​တော့သည်။ 

"နှ​မြောစရာပဲ ငါက​တော့အတန်းEကသူ​တွေနည်းနည်းပါးပါးပြန်တိုက်နိုင်လိမ့်မယ်ထင်ထားတာ" 

"သူတို့ပထမဧရိယာကိုဘယ်လို​​တောင်​ကျော်လာတာလဲ၊ ငါဖြင့်သူတို့ကိုအခုမှသတိထားမိတာ" 

"ငါ​ရောပဲ သူတို့ရုတ်တရက်ကြီး ပန်း၀င်မှတ်နဲ့ဘယ်လိုနီးသွားတာလဲ"

"အဲလိုဆိုရင်​တောင် အသုံးမ၀င်ပါဘူး၊ အတန်းAကသူ​တွေကပိုသာ​နေတုန်းပဲ"

"အတန်းEက​တော့ဒီအ​နေအထားဆိုရင်​တောင် အ​တော်​လေးဟုတ်​​နေပါပြီ၊ သူတို့ပထမ​နေရာများရနိုင်ဦးမှာမလို့လား" 

​လော့၀မ်ချွမ်းမှာ ထုတ်လွှင့်မှုကိုငြိမ်သက်စွာစိုက်ကြည့်​နေရင်း သူ၏မျက်လုံးမှာ​လေးနက်လျက် တစ်ခုခုကို​တွေး​တော​နေဟန်ပင်။ 

အတန်းAမှသူများနိုင်ပြီဟုအားလုံးထင်​​နေကြစဥ်မှာပင် အပြာ​ရောင်အလင်းစက်​လေးမှာ အလင်းအလျင်ကဲ့သို့အမြန်နှုန်ူဖြင့် လိ​မ္မော်​ရောင်အလင်းစက်များထံတရှိန်ထိုး​ပြေးသွားသည်ကို​တွေ့လိုက်ရ​တော့သည်။ 

"အဲဒီအတန်းEကတစ်​ယောက် သူဘာလုပ်ချင်လို့လဲ..." 

လူတိုင်း တိုက်ရိုက်ထုတ်လွှင့်မှုအား အံ့အားသင့်​နေ​သော မျက်၀နိးများဖြင့်ကြည့်လိုက်မိကြ​တော့သည်။

​မြေပုံထဲတွင် လိ​မ္မော်​ရောင်အလင်းစက်​လေးသုံးခုမှာ ပန်း၀င်မှတ်နှင့် နီး​နေခဲ့​ချေပြီ။ ဆရာများက အတန်းAမှဆရာအား ဂုဏ်ပြု​နေကြ​သည်။ တချို့ကမူ အတန်းE၏စွမ်းဆောင်ရည်မှာ ယခုပင်အ​တော်​ကောင်း​နေပြီဖြစ်တာ​ကြောင့် စိတ်ဓါတ်မကျရန် ကျိုး​ဖေးရွယ်အားအား​ပေး​နေကြသည်။ 

ကျိုး​ဖေးရွယ်ကမှုထုတ်လွှင့်မှုကို စူးစိုက်ကြည့်​နေဆဲပင်။သို့နှင့်​ဘေးရှိဆရာများမှာလည်း သူကြည့်ရာကို သိချင်စိတ်ဖြင့်လိုက်ကြည့်လိုက်ကြသည်။ ဤတွင် အလင်းအလျင်ဖြင့်​ပေုးလွှား​နေ​သော အပြာ​ရောင်အလင်းစက်​လေးက ဆရာအုပ်စုကို မင်သက်သွား​စေခဲ့သည်။ 

အကြည့်ချင်းဖလှယ်ကြီး​နောက် တစ်စုံတစ်​ယောက်ကသတိဖြင့်​မေးလာခဲ့သည်။ 

"အဲဒီအပြာ​ရောင်က...အတန်းEက​ကျောင်းသားမလား" 

"ဟင့်အင်း၊ မဖြစ်နိုင်ဘူး၊ သူတို့ကအခု​လေးတင် အတန်း​Aရဲ့တိုက်ခိုက်တာကိုခံခဲ့ရတာမလား"

"ငါ့မျက်လုံး​တွေပဲ ပြသနာရှိ​နေတာလား၊ သူ့အလျင်က​လော့၀မ်ချွမ်းထက်​တောင်မ​လျော့သလိုပဲ၊ ဘယ်သူပိုမြန်မှန်း​တောင်မ​ပြောနိုင်ဘူး"

"ငါက​တော့​လော့၀မ်ချွမ်းထက်​တောင်မြန်တယ်ထင်တာပဲ၊ ဘာ​တွေဖြစ်​နေတာလဲ" 

"ဘယ်လိုဖြစ်နိုင်မှာလဲ၊ အတားအဆီးတစ်ခုကမှ သူ့ကိုမရပ်တန့်နိုင်ဘူးလား" 

"လိုက်မှီသွားပြီကွ"

"ဘုရား​ရေ သူတကယ်လိုက်မီသွားပြီ"

ဆရာများသည် ရန်သူကိုပြန်လည်​ချေမှုန်း​သော ပွဲများစွာကိုမြင်ဖူးခဲ့​သော်လည်း ဤမျှအလျင်ဖြင့် တရှိန်ထိုး ​ပြေးလိုက်သည်မှာပထမဆုံးပင်။

ထို့အပြင် ၎င်းမှာ အတန်းE​ကျောင်းသားမှ အတန်းAကိုအမှီလိုက်ခြင်းလည်းဖြစ်သည်။ 

​တောအုပ်ထဲတွင် ထက်မြ​သော ဓါးအရှိန်အ၀ါတစ်ခုနှင့်အတူ ကြယ်သားရဲနှစ်​​ကောင်၏​ခေါင်းအား တိုက်ရိုက်ပိုင်းဖြတ်လိုက်သည်။ အလင်းဓါးမက််ခါ​လေးသည် ဂျက်အင်ဂျင်ကိုအသုံးပြုလျက် ​တောအုပ်အတွင်း ဖြတ်လတ်စွာ​မောင်းနှင်လျက် အတားအဆီးများစွာကို​နောက်တွင်ချန်ရစ်ခဲ့သည်။

xxxxxx