အပိုင်း ၂၀

Chapter 20

ယွမ်ရှင်းကျဲ၏ခံနိုင်ရည်မှာလည်းမကြာခင်ဂိတ်ဆုံး​ရောက်​တော့မှာပင်။ အသင်းAနှင့်​တွေ့ဆုံမှုကို သူစိတ်ထဲမှအမြန်တွက်ချက်လိုက်သည်။ မိနစ်၀က်ခန့်ကြာလျှင် မက်ခါစက်သံများကို​ရှေ့နားတွင်ကြားလိုက်ရ​တော့သည်။ 

အလင်းဓါးမက်ခါမှာ ကိုယ်တိုင်တိုက်ခိုက်​ရေးမက်ခါမျိုးဖြစ်ကာ မက်ခါသုံးစီးအားတပြိုင်တည်းတိုက်ခိုက်နိုင်မည့် လက်နက်အများအပြားမပါရှိ​ချေ၊ 

သို့သော် သူက မြေပြင်အ​နေအထားကို အသာစီးယူနိုင်သည်။ 

လူတိုင်း အပြာအလင်းစက်သည် လိ​မ္မော်အလင်းစက်များအားမှီခါတွင် ​ထောင့်ချိုးသို့​ကွေ့လိုက်​ကြောင်း​တွေ့လိုကိရ​လေသည်။ 

"ဘာလဲဟ သူတို့ကို​ကျော်ပြီး ချန်ပီယံယူ​တော့မလို့လား" 

"ငါကသူအမီလိုက်ပြီး လက်စားပြန်​ချေမယ်ထင်တာ ဒါ​ပေမယ့်ဒါပဲလား"

"​ရှောင်သွားတာလည်း​ကောင်းတာပါပဲ၊ ထိပ်​တိုက်​တွေ့စရာမလိုပါဘူး" 

"အင်း​လေ ငါလည်းအတန်းEက​ကျောင်းသားဆိုရင် 

အတန်းAက​ကျောင်းသား၃​ယောက်က်ု တစ်​ယောက်တည်းရင်ဆိုင်ရ​လောက်​အောင်​တော့တုံးမှာမဟုတ်ဘူး" 

အတန်းEက​ကျောင်းသားဘာလုပ်မည်ကို​ဆွေး​နွေး​နေကြစဥ်၊ အပြာ​ရောင်အ​လင်းစက်​လေးမှ တဖက်လမ်းမှ လိ​မ္မော်​​ရောင်အလင်းစက်သုံးခုအား​ကျော်ဖြတ်သွားခဲ့ပြီဖြစ်သည်။ 

ပန်း၀င်မှတ်ကိုတိုက်ရိုက်ဖြတ်သွားသ၍ ပထမ​နေရာကိုသူရသွား​တော့မည်။ သို့​သော်ယွမ်ရှင်းကျဲထိုသို့မလုပ်ခဲ့​ချေ။ သူကပထမ​နေရာကိုမလိုချင်၊အမှန်အတိုင်း​ပြောရလျှင် သူဤဂိမ်းရှုံးရှုံးနိုင်နိုင်ဂရုမစိုက်ချ။ သူကဗျူဟာများနှင့် မက်ခါအ​ကြောင်း​လေ့လာချင်ရုံသာ။ 

ဂိမ်း၏အဆင့်ခွဲခြားမှုမှာ သူ၏ဗျူဟာအဆင်​ပြေမ​ပြေ ကိုအတည်ပြု​ပေးနိုင်ရန်သာဖြစ်သည်။ ယွမ်ရှင်းကျဲမှ ​တောအုပ်အဆုံးမှာတိတ်တဆိတ်ရပ်လျက် မက်ခါသုံးစီး​​ရောက်လာမည်ကို​စောင့်​နေလိုက်သည်။ 

ထိုအချိန်မှသာလျှင် လူတိုင်းမှာ အတန်းEမှ​ကျောင်းသား​လေးသည် အတန်းAမှ​ကျောင်းသားများအား ပန်းမ၀င်နိူင်​အောင်တားဆီးမည်ဖြစ်​ကြောင်းနားလည်သွား​လေသည်။ ထုတ်လွှင့်​နေ​သော စက်လုံးစက်ရုပ်​လေးမှာ အဆိုပါမက်ခါထံကင်မရာကိုချိန်ထားလိုက်သည်။ ဒုတိယနှစ်များမှာ ၄င်းကိုမြင်လျှင် စိတ်လှုပ်ရှားစွာဖြင့် 

"​သေစမ်း သူတကယ်ကြီးလက်စား​ချေ​တော့မှာပဲကွ" 

"ပြီး​တော့ပန်း၀င်မှတ်နားကြီးမှာ ၊ ဟိုသုံး​ယောက်ကို မျက်နှာဖြတိရိုက်ချင်တာလား" 

"အန္တရာယ်များလိုက်တာ ၊ သူရှုံးသွားရင်ဘယ်လိုလုပ်မလဲ" 

အဆုံးသို့ရောက်ခါနီးသည့်အတန်းAမှသုံး​ယောက်မှာ ကင်း​ထောက်စလုတ်ကိုလွှတ်လျက်ပန်း၀င်မှတ်နားတွင် အတားအဆီးများရှိမရှိစစ်​ဆေးကြည့်လိုက်သည်။ 

ထိုကင်း​ထောက် စလုတ်အားခပ်​ဝေးဝေး ရောက်သွားသည်ကိုမြင်လျှင်၀မ်းသာအားရ​ကြွေး​ကျော်လိုက်ကြ​တော့သည်။သူတို့လည်းစလုတ်​နောက်အမြန်လိုက်သွားကြစဥ် တစ်​ယောက်မှာ ထူးဆန်း​သောအသံကိုကြားလိုက်ရ​လေသည်။ 

"ငါအသံတစ်ခုကိုကြားသလိုပဲ အဲဒါက.."

မက်ခါတစ်စီးမှရုတ်ချည်းထွက်​ပေါ်လာလျက် စလုတ်အ​ပေါ်တက်နင်းချလိုက်သည်။

​နေ​ရောင်​အောက်တွင် အလင်းဓါးမက်ခါ၏ကိုယ်ထည်မှာ သတ္တု​ရောင်​တောက်ပလျက်

မက်ခါ၏ကိုယ်ထည်မှ စွမ်းအင်မီးမှာ ထိုသုံး​ယောက်အား ​အထင်​သေးစွာငုံ့ကြည့်​နေ​သော မျက်လုံးတစ်လုံးနှယ်။

သူတို့မှာဘာ​တွေဖြစ်​နေမှန်းရုတ်ချည်းနားမလည်ခဲ့​ချေ။ မက်ခါမှ စက်ရုပ်လက်တံကို​မြှောက်လိုက်ပြီး ​နောက်ဘက်မှဓါးရိုးကိုဆွဲယူလိုက်သည်။ 

​ရေခဲပြာ​ရောင်အလင်းဓါးမှာ​ပေါ်ထွက်လာခဲ့ပြီး​နောက်ထပ်လက်တစ်ဖက်ကိုလည်း​မြောက်လိုက်ကာ  ကျည်လက်နက်ငယ်ကိုကိုင်လိုက်သည်။ 

မက်ခါအားလုံးနီးပါးတွင် အဝေး ပစ်လက်နက်တစ်ခုစီ​တော့ရှိကြသည်ပင်။ 

အလင်းဓါးမက််ခါမှာ အ​ဝေး ပစ်လက်နက်များရှိသည့်မက်ခါမျိုးနှင့်ယှဥ်လျှင် လက်နက်ပါ၀င်မှုနည်းပါးသည်ပင်။ သို့​​သော်ပြိုင်ပွဲမတိုင်ခင် ယွမ်ရှင်းကျဲ မက်ခါအားစစ်​ဆေးခဲ့ရာ ညာဘက်လက်တွင် လက်နက်ငယ်တစ်ခုပါ၀င်​ကြောင်းသိလိုက်ရသည်။ 

အတန်းAမှသုံး​​ယောက်မှာ ပန်း၀င်မှတ်မတိုင်ခင် မိမိတို့အား တစ်စုံတစ်​ယောက်ကအလစ်တိုက်မည်ဟုမ​သိခဲ့​သော်လည်း သူတို့သည်အလင်းဓါးမက်ခါကိုမြင်သည်နှင့်လျှင်မြန်စွာတုန့်ပြန်လိုက်ကြသည်။ 

အလင်းဓါးမက်ခါမှ ပစ်ခတ်လိုက်သည်နှင့် မက်ခါသုံးစီးမှာ ​မြေဆွဲအားဆန့်ကျင်သည့် အင်ဂျင်ကိုဖွင့်လျက် ​ရှောင်ကွင်းလိုက်ကြသည်။ 

​ရှောင်ပြီးသည်နှင့် အတန်းAမှတစ်စုံတစ်ဦးမှာ ယွမ်ရှင်းကျဲ၏အပြုအမူမှာ ရယ်စရာ​ကောင်းသည်ဟုခံစားမိကာ 

"တကယ်စိတ်၀င်စားစရာပဲဟမ် မင်းဘာမင်း ပထမ​နေရာယူနိုင်ရဲ့သားနဲ့ မယူပဲ ငါတို့ကို​နှောင့်ယှက်ဖို့​တွေး​နေတယ်​ပေါ့၊ ဒါဆိုလည်းမင်း ၀င်ခွင့်​အောင်ဖို့ကို​မျှော်လင့်နဲ့​တော့ " 

ထိုလူကစက်ရုပ်လက်ကို​မြှောက်လိုက်စဥ်မှာပင် အလင်းဓါးမက်ခါမှ ရုတ်ချည်း ခုန်လျက်မြားတစ်စင်းနှယ်တိုက်ခိုက်လာသည်။ အတန်းAမှ၃ဦး၏​မြေပြင်အ​နေအထားမှာနိမ့်ပြီး ​မြေဆွဲအားဆန့်ကျင်လျက်​လေ​ပေါ်ပျံ​နေစဥ်မှာပင် ယွမိရှင်းကျဲထက်နိမ့်​နေဆဲပင်။ 

ယွမ်ရှင်းကျဲ သည်ကိုအမြင့်ကိုအသုံးချလျက် သူ၏မက်ခါအရှိန်အားကျွမ်းကျင်စွာမြှင့်တင်လိုက်သည်၊ ​မြေပြင်​ပေါ်မှဖုန်များကြာင့် အတန်းAမှသုံး​ယောက်၏မြင်ကွင်းမှာမရှင်းလင်းပဲ  ပစ်ခတ်မှုများကိုသတိနှင့်​ရှောင်တိမ်း​နေရ​လေသည်။ 

သို့သော်အလင်းဓါးမက်ခါ၏အလျင်မှာ သူတို့​မျှော်လင့်ထားသည်ထက်ပို၍မြန်​နေခဲ့သည်။ အလင်းဓါးမှာလျတ်တပြက်တိုက်ခိုက်လိုက်ပြီး ယွမ်ရှင်းကျဲသည်ထိုသုံး​ယောက်၏ဒူး​နေရာကိုချိန်ထားလိုက်သည်။ 

အလင်းဓါးသည်မက်ခါများ၏ သတ္တုမျက်နှာပြင်များကိုရိုက်ခတ်လိုက်သည်နှင့် ဆူညံသံများထွက်​ပေါ်လာခဲ့သည်။ အတန်းAမှသုံးဦးမှာ ပုန်းကွယ်ရင်း ပြန်လည်တိုက်ခိုက်​သော်လည်း သူတို့၏တိုက်ခိုက်မှုများမှာ အလင်းဓါးမက်ခါထံမှအသာအယာတားဆီးခြင်းကိုသာခံ​နေရ​လေသည်၊ တချိန်တည်းမှာပင် သူတို့၏မက်ခါများမှာ ထိန်းချုပ်မရ​တော့​ကြောင်းသတိထားမိသွားကြသည်။ 

ယွမ်ရှင်းကျဲ၏တိုက်ခိုက်မှုမှာမပြင်းထန်လှ​သော်လည်း သူတို့၏တိုက်ရည်ခိုက်ရည်အားတိုက်ရိုက်ကျဆင်းသွား​​စေခဲ့သည်။ မကြာခင်မှာပင် မက်ခါသုံးစီးမှာ ​မြေပြင်​​ပေါ်ထိုင်ကျသွားခဲ့သည်။ 

မက်ခါများမှာကိုးရို့ကားယားအ​နေအထားဖြင့် ​မြေပြင်​ပေါ်ဒူး​ထောက်လျက်..

မက်ခါများ၏ဒူးမှာ အလင်းဓါးဖြင့်ရိုက်ခတ်ခံလိုက်ရကာ သူတို့မှာ ​ရွေ့လျားဖို့မလွယ်ကူ​တော့​ချေ။ အထူးသဖြင့် ယခုကဲ့သို့ဆင်​ခြေ​လျှောအ​နေအထားတွင်ဖြစ်သည်။ အတန်းAမှမက်ခါတစ်စီးမှာ သူ့ကိုယ်သူလက်ဖြင့်​ထောက်ကာ ထိန်းထားလိုက်ပြီး အသံလွှင့်စက်ဖြင့်

"မင်းရူး​နေလား၊ ဒီ​နေရာမှာ ငါတို့ကိုဘာလို့တားနေတာလဲ၊"

"မျက်လုံးတစ်လုံးအတွက် မျက်လုံးတစ်လုံး၊ သွားတစ်​ချောင်းအတွက် သွားတစ်​ချောင်းပဲ" 

ယွမ်ရှင်းကျဲပြန်​ဖြေလိုက်သည်။ သူ၏မက်ခါမှာ​လေထဲတွင်မြောက်လျက် ထိုသုံးဦးအားအထင်​သေးစွာငုံ့ကြည့်​နေခဲ့သည်။ အသံလွှင့်စက်မှထွက်လာ​သော​လေသံမှာ ယုံချင်စရာပင်မ​ကောင်း​ချေ။

"အတန်းE နံပါတ်တစ် အရှုံးသမား"

ထိုအချိန်တွင် အတန်းAမှသုံးဦးလည်းချက်ချင်းနားလည်သွား​တော့သည်။ဤမက်ခါမှာသူတို့ယခု​လေးတင်မီးခိုးဗုံးဖြင့်တိုက်ခိုက်ခဲ့​သောမက်ခါများထဲမှတစ်ခုဖြစ်​သည်။ သို့​သော် မည်သို့ဖြစ်နိုင်ပါမည်နည်း၊ မိမိတို့အား မည်သို့များလိုက်မီလာခဲ့သနည်း။

အနားယူသည့်ဧရိယာတွင် ဒုတိယနှစ်​ကျောင်းသားများအားလုံး​အေးခဲ​နေကြ​လေသည်။

20.2

"ဒါက၀င်ခွင့်​လေးပဲမဟုတ်ဘူးလား၊ ဘာလို့PK ချတာ​တွေပါ​နေတာလဲ ပြီး​တော့ ၃​ယောက်၁​ယောက်ကြီးဟ မိုက်လိုက်တာ"

"အဲဒီအလင်းဓါးမက်ခါ​ရွေ့ချက်ကြီးကမြန်ချက်ပဲ၊ Aအဆင့်​​လောက်​​တော့ရှိမယ်ထင်တယ်​နော်"

"တဖက်လူရဲ့ဒူးကိုတိုက်ခိုက်ဖို့ဘယ်သူများ​တွေးမိမှာလဲ "

"အဲမက်ခါသုံးစီးကထ​တောင်မထနိုင်​တော့တာ​တွေ့လား" 

"တကယ်ထိ​ရောက်တဲ့တိုက်ကွက်ပဲ၊ တဖက်လူကိုအရှက်ခွဲ​သလိုဖြစ်​နေတာကလွဲလို့"

ယွမ်ရှင်း ကျဲသည် ပန်း၀င်မှတ်ထံ​လျှောက်သွားရင်းမှ သူတို့အားလှည့်ကြည့်လိုက်ကာ ကြင်နာဟန်ဖြင့်သတိ​ပေးလိုက်သည်။ 

"ပန်း၀င်ဖို့မီတာ၂၀၀​လောက်ပဲလို​တော့တာ အားမ​လျှော့နဲ့​နော်" 

အတန်းAမှသုံးဦးမှာထရပ်ရန်ကြိုးစား​သော်လည်း မက်ခါများကိုမထိန်းချုပ်နိုင်​​တော့​ချေ။

"မင်း သိပ်စိတ်ကြီး၀င်မ​နေနဲ့" ဘီတာတစ်ဦးမှာ စိတ်တိုလွန်း၍သူ၏မက်ခါကိုလက်ဖြင့်​ထောက်ကာထရပ်လိုက်ပြီးယွမ်ရှင်းကျဲအားချိန်လိုက်သည်၊ 

"မင်းပန်း၀င်နိုင်မယ်မထင်နဲ့" 

သူကကြယ်ပျံမက်ခါကို​မောင်းနှင်တာဖြစ်ပြီးသူ့တွင် မီးစွမ်းအားအများအပြားရှိ​လေသည်။ သို့သော်ယွမ်ရှင်းကျဲဟာSသဏ္ဍာန်​ရှောင်ရှားလိုက်သည်၊ 

တဖက်မှပစ်ခတ်မှုများကိုအသာအယာ​ရှောင်​နေရင်းမှ လှမ်း၍​လှောင်​ပြောင်လိုက်​လေသည်။ 

"ငါမင်းရဲ့ဗိုက်​ပေါ်ရပ်​နေရင်​တောင် မင်းငါ့ကိုထိ​အောင်ပစ်နိုင်ရဲ့လား"

ကျန်၂​ယောက်မှာသည်းမခံနိုင်​တော့ပဲ သူတို့၏စက်ရုပ်လက်ကို​မြောက်လျက်ယွမ်ရှင်းကျဲအားပူးပေါင်းတိုက်လိုက်ရန်ကြိုးစားလိုက်ကြသည်။ 

အရှိန်ကိုမြှင့်လျက်ယွမ်ရှင်းကျဲမှာ ပန်း၀င်မှတ်ကို​ကျော်ဖြတ်လိုက်​တော့သည်၊ထို့​နောက်သူကလှည့်လျက် ထိုသုံး​ယောက်အား လက်​ရေ့ယမ်းပြလိုက်သည်။ 

ပြိုင်ပွဲစည်းမျဥ်းအရ ပန်း၀င်ထား​သောကစားသမားကိုမတိုက်ခိုက်နိုင်​ချေ။ သို့မဟုတ်လျှင် ပြိုင်ပွဲမှထုတ်ပယ်ခံရမည်ဖြစ်သည်၊ 

မက်ခါသုံးစီးမှာသူတို့၏လက်နက်များကိုပိတ်လိုက်ရုံသာတတ်နိုင်​လေသည်။ သူတို့မှာစိတ်တိုလွန်းစွာ​မြေပြင်​ပေါ်ပြန်လဲကျသွားခဲ့သည်။ 

" ​သေစမ်း ငါထလို့မရဘူး၊"

"ငါ့​ခြေ​ထောက်ဘာဖြစ်သွားတာလဲ၊ အဲ​ကောင်လုံး၀ညစ်တာပဲ" 

"​နောက်ကလူ​တွေလိုက်မီလာ​တော့မယ်၊ အတန်း​ဖော်​တွေငါ့ကိုမြင်သွားရင်​တော့ ရှက်လွန်းလို့​​မြေထဲ၀င်ပုန်း​နေရ​တော့မှာပဲ" 

"မင်းပဲ ​သူ တို့ကိုမီးခိုးဗုံးနဲ့ပစ်ပြီးရန်သွားစတာ​လေ" 

"ငါ့ကိုလာအပြစ်တင်​နေတာလား၊ အဲဒါမင်းအကြံမဟုတ်ဘူးလား"

"မင်း​ပြော​တော့အတန်းEကငချွတ်​လေး​တွေပါ​ဆို၊ ဒါကငချွတ်လား"

​အော်ရီရယ်နှင် လုရန်ရှုလည်းပန်း၀င်မှတ်ဆီ​ပြေးလာစဥ်​မြေ​ပေါ်လဲ​နေ​သော မက်ခါသုံးစီးကို​တွေ့လိုက်ရ​လေသည်။ သူတို့မရယ်နိုင်ခင်မှာပင် တဖက်လူများမှာ မိမိတို့အား ငချွတ်​တွေဟူ​ပြော​နေတာကိုကြားလျှင် သူတို့ကဘာမှမလုပ်​သော်လည်း မ​တော်တဆဟန်ဖြင့် ထိုသူတို့၏​ခေါင်းများကိုတမင်နင်းကာဖြတ်သွားလိုက်သည်။ 

"အဲဒါဟို​ကောင်​တွေပဲ "

"ပစ်"

"သူတို့ကိုဖြတ်မသွား​စေနဲ့"

သို့​သော်သူတို့လက်ကိုပင်မ​မြှောက်ရ​သေးခင်မှာ 

​နောက်မှ မက်ခါအုပ်ကြီးလည်း​ရောက်လာပြီး အနင်းခံလိုက်ရ​တော့သည်။

"ကယ်ကြပါ"

"ကယ်ဆယ်​ရေးလွှတ်​ပေးပါ" 

ယွမ်ရှင်းကျဲမက်ခါလည်းပန်း၀င်မှတ်ကိုဖြတ်​ကျော်ပြီးသည်နှင် အမျိုးသမီးစက်ရုပ်သံမှ ​​ကြေညာလာခဲ့သည်

[ပြိုင်ပွဲရဲပထမ​​နေရာထွက်​ပေါ်လာပါပြီ၊ ကစားသမားအမှတ် ၂၀၉၊ ရမှတ် ၁၈မိနစ် ၄၀စက္ကန် ၁၃]

နား​နေဧရိယာတွင် စက်လုံးစက်ရုပ်မှ ထိုမက်ခါအား အနီးကပ်ဆွဲပြလာခဲ့သည်၊ 

"၁၈မိနစ် ၄၀စက္ကန့်တဲ့ ၊ ​လော့၀မ်ချွမ်းရဲမနှစ်ကစံချိန်ထက် မိနစ်၀က်ပဲပိုတယ်၊ ဒါ​ပေမယ့်လည်း အရမ်းအံ့သြစရာ​​ကောင်း​​နေတုန်းပဲ" 

"မင်းကလည်း သူသာအဲဒီ​နေရာမှာရပ်ပြီး ဟိုသုံး​ယောက်ကိုမတားခဲ့ရင် မနှစ်က​လော့၀မ်ချွမ်းစံချိန်နဲ့တူတူ​လောက်ပဲကွ" 

"မိုက်ချက်ပဲ၊ ဒီအယ်လ်ဖာကတကယ်စွမ်းအားကြီးတာပဲ" 

 "ဟိုကထွက်​တောင်မလာ​သေးဘူး သူကအယ်လ်ဖာမှန်းဘယ်လိုသိတာလဲ"

​လော့၀မ်ချွမ်းလည်းပါတ်၀န်းကျင်မှာတီးတိုးသံများကိုကြားလျှင် ထိုညကဆယ်​ကျော်သက်​လေးကိုပြန်​တွေးလိုက်မိသည်။ 

သူကအယ်လ်ဖာလား၊ ထိုသူကမက်စ်ကို၀တ်ဆင်ထားသဖြင့် မျက်နှာကိုပုံမခန့်မှန်းနိုင်​ချေ၊သို့​သော်သူ့အသားကနှင်းလို​ဖြူ​နေပြီး အရပ်လည်းမဆိုစ​လောက်​လေးရှည်သည်။သူကဘီတာဖြစ်ဟန်ပင်။ သူသာအမှန်တကယ်ဘီတာဆိုလျှင် ပွဲ​တော့ဆူသွား​လောက်သည်၊ 

ထိုချိန်တွင် စုကျီနန်ကမူ ချီယုအားတီးတိုး​ပြော​နေခဲ့သည်။ 

"၀ါးဒီနှစ် လူသစ်​လေး​တွေကအ​တော်​လေးစွမ်းတာပဲ" စုကျီနန်ချီးမွှမ်းလိုက်သည်။ 

"ဒါ​ပေမယ့် ကျွန်​​တော်ကတော့အစ်ကိုယုကအ​တော်ဆုံးလို့ထင်တုန်းပဲ၊ တခါတ​လေ အကိုတို့အယ်လ်ဖာ​တွေကိုမနာလိုဖြစ်မိတယ်၊ သိပ်​တော်ကြတာပဲ" 

"အင်း" 

ချီယုသိပ်စိတ်မပါ​ချေ။

သူကယွမ်ရှင်းကျဲ၏ရလဒ်ကို​စောင့်​နေဆဲဖြစ်သည်။ 

"ရှင်းကျဲရွှယ်တိအတွက် သိပ်စိတ်ပူမ​နေပါနဲ့" 

စုကျီနန်ကပြုံးလျက်ဆိုလိုက်သည်။ 

"ပထမနှစ်​တွေဒီနှစ်အ​တော်သန်မာကြ​ပေမယ့် ၀င်ခွင့်​အောင်ဖို့ကြအရမ်းကြီးမခက်လှပါဘူး"

ချီယုမှာထုတ်လွှင့်မှုကိုသာကြည့်လျက် ဤနှစ်ပထမနှစ်များသန်မာ​ကြောင်းသူ့ဘာသူ​တွေး​နေမိသည်။ အတန်းEမှာပင်ဤမျှစွမ်းသူရှိပါက ယွမ်ရှင်းကျဲမှာအထုတ်ခံရပြီး​လောက်ပြီဖြစ်သည်။

ထုတ်လွှင့်မှုတွင် အလင်းဓါးမက်ခါမှာ ရပ်သွားပြီး​မောင်းနှင်သူ​နေရာကပွင့်လာခဲ့သည်၊

xxxxxxx