အပိုင်း ၂၁

Chapter 21

မက်ခါ​မောင်းနှင်သူ​နေရာပွင့်လာသည်နှင့် ကင်မရာစက်ရုပ်မှာ​မောင်နှင်သူပါတ်ပါတ်လည်အားရိုက်ကူးလျက် ထုတ်လွှင့်လာခဲ့သည်။ လူငယ်​လေးသည် နာနိုဓါတ်​ရောင်ခြည်ကာကွယ်​ရေး၀တ်စုံကိုချွတ်လျက် ​ခေါင်းထက်မှ စိတ်စွမ်းအင်ဆက်သွယ်​သောဦးထုတ်ကိုပါဖယ်ရှားလိုက်သည်။ 

သူ၏နဖူးတွင်​ချွေးစ​လေးများသီးလျက်။သူသည်​ခေါင်းကိုညင်သာစွာခါလိုက်​သောအခါ ​ချွေးစ​လေးများသူ၏ဆံစအဖျား​လေးများထိတွဲခို​နေခဲ့သည်။ အသားအရည်မှာ နူးညံ့ကာ​ချော​မွေ့လျက် သူ၏ပါးမို့တို့မှာ ယခုမှ​လေ့ကျင့်ခန်းလုပ်ပြီးစသကဲ့သို့နီရဲ​နေကာ သူ၏ကိုယ်မှာလည်းလွန်စွာဆွဲ​ဆောင်မှုရှိလှသည်။ 

ရိုးရှင်း​သော ​လေ့ကျင့်​ရေး၀တ်စုံကို၀တ်ဆင်ထားကာ သူ၏ကိုယ်မှာအရပ်မြင့်မြင့်အယ်လ်ဖာတစ်ဦးနှင့်ပိန်ပါး​သောအိုမီဂါတစ်ဦးကြားတွင်ရှိသည်၊ 

​မောင်းနှင်သူ​နေရာမှထွက်လာလျှင် သူကအလွန်​သေသပ်စွာ​ချော​မော​နေခဲ့သည်။ လူငယ်​လေး၏ကြည်လင်ပြီးရှင်းသန့်​သောမျက်လုံး​လေးများက ကင်မရာကိုကြည့်လာ​သောအခါ ဒုတိယနှစ်များအနားယူ​​နေ​သော​နေရာကတိတ်ဆိတ်သွားခဲ့သည်၊ ယွမ်ရှင်းကျဲမက်ခါကိုသိမ်းလိုက်သည်အထိ မည်သူမှသတိ၀င်ပုံမ​ပေါ်​သေး​ချေ။ 

"ငါ.ငါစိတ်ထင်​နေတာမဟုတ်ပါဘူး​နော်" 

"ဒီရုပ်ရည်၊ ဒီအသားအရည် ၊ ဒီအချိုးအစားကအယ်လ်ဖာမဖြစ်နိုင်ဘူးမလား"

"ဘုရား​ရေ.. သူက ...သူကအိုမီဂါလား" 

ထိတ်လန့်မှု အံ့အားသင့်မှုနှင့်မယုံကြည်နိုင်မှုတို့ဖြင့်

ဒုတိယနှစ်များမှာ ဤ​ကျောင်းသား​လေး၏လိင်အမျိုးအစားကိုခန့်မှန်းရန်ကြိုးစား​နေကြသည်။ 

သို့​သော်အ​ဖြေမှာသိသာ​နေခဲ့ပြီးသားပင်။ 

မည်သည့်အယ်လ်ဖာ​သော်မျှအခြားအယ်လ်ဖာတစ်​ယောက်ထံ ဤမျှဆွဲ​ဆောင်မှုမျိုးခံစားရစရာအ​ကြောင်းမရှိ​ချေ။ ဘီတာပင်လျှင်မဖြစ်နိုင်​ချေ။လူအုပ်ကြီးမှာ ​​ကျောင်းသမိုင်းကို​ပြောင်းလဲ​စေမည့်ကိစ္စကြီးကိုကြုံ​တွေ့ရသည့်နှယ်ပွဲဆူလျက်။

တစ်စုံတစ်​ယောက်က ဆက်သွယ်​ရေးကိရိယာမှတဆင့်သူငယ်ချင်းများကိုသတင်းပို့နေခဲ့သည်။

"​သေစမ်း ပထမနှစ်ရဲ့ ပထမ​နေရာကိုရသွားတာဘယ်သူလဲသိလား အိုမီဂါကွ ၊ အိုမီဂါတစ်​ယောက်၊ အခုပြန်လာပြီး လာကြည့်" 

တစ်​ယောက်ကမူဗီဒီရိုရိုက်ကူး​နေရင်းပါးစပ်ကလည်းအဆက်မပြတ် 

"ဟယ်လို အားလုံးပဲ ကျွန်​တော်က ပထမနှစ်​တွေရဲ့ပြိုင်ပွဲရလဒ်ကိုအားလုံးအတွက် ထုတ်လွှင့်​ပေး​နေတာပါ၊ ဒီနှစ်ပထမ​နေရာက အိုမီဂါတစ်ယောက်ပါ၊ ကျွန်​တော့်အ​မေ​တောင်လန့်သွားတယ်ဗျ" 

တချို့ကမူမယုံနိုင်စွာ 

"ငါကပထမနှစ်​ကျောင်းသား အိုမီဂါ​လေး​လောက်​တောင်အသုံးမကျဘူးလား" 

 ​သေချာ​ပေါက်ပင် အံ့အားအသင့်ဆုံးသူများမှာ ချီယုနှင့်စုကျီနန်တို့ဖြစ်သည်။ ချီယုသည် ကြီးမား​သောမျက်နှာပြင်ကြီးကို​ကြောင်အစွာကြည့်လျက် သူ၏ခံစားချက်မှာလွန်စွာထူးဆန်း​နေခဲ့သည်။ 

​ဘေးပါတ်၀န်းကျင်မှအသံများမှာဝေးကွာသွားပြီး မည်သည့်​ဆွေး​နွေးသံကမျှသူ့နားထဲကိုမ၀င်​တော့၊ သူ၏ဦး​နှောက်မှာဗလာဖြစ်လျက်။ 

ချီယုက သူ့ စေ့စပ်ထားသူအား မည်သည့်​နေရာကမျှ​ကျေနပ်မှုမရှိခဲ့​ချေ။ ထို့​နောက်​ကျောင်း၏အသန်မာဆုံးအိုမီဂါစုကျီနန်ကို​တွေ့​သောအခါတွင် ယွမ်ရှင်းကျဲမှာ အဘယ်​ကြောင့် စုကျီနန်ကဲ့သို့သူနှင့် ပုခုံးချင်းယှဥ်မရပ်နိုင်ရသနည်းဟု​တွေးမိ​လေသည်။ 

အဘယ်​ကြောင့်တံမြက်စည်းလှည်းရခြင်း၏ ချက်ပြုတ်ရခြင်းကိုသာနှစ်သက်​နေပါသနည်း။ 

သူ၏ဘ၀ကိုဤကဲ့သို့အိုမီဂါမျိုးနှင့်အမှန်တကယ်ကုန်ဆုံးနိုင်ပါမည်လား။ 

လူငယ်လေးမှာ အလင်းဓါးမက်ခါမှထွက်လာ​သောအခါ သူ၏နူးညံ့​သောမျက်နှာ​လေးမှာ အလင်းမျက်နှာပြင်ကြီး​ပေါ်တွင်​ပေါ်လာခဲ့လျှင် ချီယုနှလုံးခုန်တို့မြန်လာခဲ့​လေသည်။

ယွမ်ရှင်းကျဲတွင်ဤမျှခန့်ညား​​သောအခြမ်းရှိမည်ဟု သူမ​မျှော်လင့်ထားမိ​ချေ။ ၀င်ခွင့်ပင်​အောင်လိမ့်မည်ဟုသူမထင်ထား​သောယွမ်ရှင်းကျဲမှာ ပထမ​နေရာကိုပင်ယူသွားခဲ့သည်။ 

သူ၏​ဘေးတွငွ စုကျီနန်၏ပါးစပ်မှာ ကြက်ဥတစ်လုံးလုံးထိုးထည့်နိုင်သည့်အထိ ဟ​နေခဲ့သည်။ သူသည် ထုတ်လွှင့်မှုအားအ​တော်ကြာစိုက်ကြည့်​နေပြီးသည့်​နောက် သူ၏မျက်နှာမှာအစိမ်း​​​ရောင်သန်းလာခဲ့ပြီး 

ရုတ်ချည်းဆဲ​ရေးလိုက်မိ​​လေငည်။

"​သေစမ်း" 

စုကျီနန်သည် ချီယု​ရှေ့တွင်တစ်ခါမျှမဆဲဖူး​ချေ။ ထို့​ကြောင့်သူကအမြန်စကားလုံးကို​ပြောင်းလိုက်ပြီး

"​သေ​လောက်​အောင် စွမ်းလှချည်လား၊ တကယ်ပဲယွမ်ရှင်းကျဲ​ရောဟုတ်ရဲ့လား"

ချီယုသူ့ကိုလျစ်လျူရှုထားလိုက်သည်။ သူ၏အာရုံအားလုံးမှာ ယွမ်ရှင်းကျဲထံသာရှိသည်။ ​ဘေးပါတ်၀န်းကျင်ရှိအယ်လ်ဖာများက ယွမ်ရှင်းကျဲ၏စွမ်းရည်နှင့် မျက်နှာ​လေးအ​ကြောင်းကို​ဆွေး​နွေး​နေသည်က်ုကြားလျှင် ချီယုသည်အတိုင်းထိုငိမ​နေနိုင်​တော့​ချေ။သူကထရပ်လိုက်ပြီး အနားယူသည့်ဧရိယာမှထွက်သွားလိုက်သည်။ 

"ဘယ်သွားမလို့လဲ" စုကျီနန်အံအားသင့်စွာ​မေးလိုက်သည်။ ချီယုပြန်မ​ဖြေ​ချေ။ စုကျီနန်လက်​ချောင်းတို့တင်းကြပ်သွားကာ အံကြိတ်လိုက်ပြီး​နောက်မှလိုက်သွားရန်ပြင်လိုက်သည်။ 

"အဲဒါကသူပဲ" ခယ့်လိုင်မျက်လုံးတို့ပြူးကျယ်သွားခဲ့သည်။ ​သူ့​ဘေးမှလော့၀မ်ချွမ်းမှာလည်းစက္ကန့်အနည်းငယ်ခန့်​အေးခဲသွားခဲ့သည်။  ​လော့၀မ်ချွမ်းသည်မက်ခါ၀ယ်သွား​သော​ကောင်​လေးကို မ​နေ့က​မှောင်ခို​စျေးအပြင်ဘက်တွင်​တွေ့ခဲ့သည်ပင်။သူထင်ခဲ့သည်မှာ ၄င်းက ဘီတာသို့မဟုတ် မတိုက်ခိုက်နိုင်​သော အယ်လ်ဖာတစ်ဦးဖြစ်လိမ့်မည်ဟုထင်ကာ မက်ခါ၀ယ်သွားသူကိုအနည်းငယ်စိတ်တိုင်းမကျဖြစ်သွား​သေးသည်။ 

သူသာမတိုက်ခိုက်နိုင်လျှင် မက်ခါကိုပြန်​ရောင်းရုံအပြင်ဘာလုပ်နိုင်ဦးမည်နည်း။ ပြိုင်ပွဲအတွင်းတွင် ​လော့၀မ်ချွမ်းမှာထိုမက်ခါကိုသာတချိန်လုံးစိုက်ကြည့်​နေမိသည်။ ထို့​နောက် ရလဒ်ကရုတ်ချည်း​ဗြောင်းပြန်လန်သွားသည်ကိုမြင်လျှင် သူအနည်းငယ် စိတ်ရှုပ်​ထွေးသွားခဲ့သည်။ 

အဆုံးတွင်​တော့ ပုန်းလျိုးကွယ်လျိုး​နေ​သော စွမ်းအားကြီးသူအများအပြားကိုသူမြင်ဖူးသည်သာ။ 

သို့​သော် မက််ခါထဲမှထွက်လာ​သောလူငယ်​လေးကိုမြင်လျှင် ​လော့၀မ်ချွမ်းအနည်းငယ်နှ​မြောတသဖြစ်သွားသည်ကို​တော့၀န်ခံရလိမ့်မည်။ ဤသည်မှာသူသည်မက်ခါ၏ပိုင်ရှင်​ဟောင်းဖြစ်၍လား​ သို့တည်းမဟုတ် ​ကောင်​လေးကအလွန်လှလွန်း၍သူမ​နေနိုင်ပဲ​နောက်တစ်ကြိမ်ထပ်ကြည့်မိ၍လား ​ကောင်​လေး၏အိုမီဂါလိင်မျိုးအစား​ကြောင့်လားတော့မ​ပြောတတ်​ချေ။

21.2

သို့​သော်ထိုခံစားချက်မှာလည်းခဏမျှသာဖြစ်သည်။ 

ခယ့်လိုင်​ခေါင်းကိုလှည့်၍​သူ၏အမူအယာကိုထိန်းချုပ်ကာအကြည့်ကိုရုတ်လိုက်ပြီးဖြစ်​သောလော့၀မ်ချွမ်းအားကြည့်လိုက်သည်။သူက​လော့၀မ်ချွမ်းအားစိတ်လှုပ်ရှားစွာကြည့်လိုက်သည်။ 

"အဲဒါသူပဲ " ​လော့၀မ်ချွမ်းမျက်ခုံး ပင့်လိုက်သည်။ 

"သူ့ကိုသိလို့လား"

"အင်း​လေ" ခယ့်လိုင်​ခေါင်းကိုတဆတ်ဆတ်ငြိမ့်လိုက်ကာ "မင်းလည်းသိတယ်​လေ"

​လော့၀မ်ချွမ်းကသူ့အား မျက်​မှောင်ကျုံ့လျက်ကြည့်လာခဲ့သည်၊ ထို​နေ့ကအဖြစ်အပျက်ကိုသူပြန်မ​ပြောမိသလိုပင်။ 

"မင်းမက်ခါကိုပြင်​ပေးခဲ့တဲတစ်​ယောက်​လေ" 

ခယ့်လိုင်သူ၏မှတ်ဥာဏ်တုကိုဖွင့်လျက် ၀က်ဘ်ဆိုက်ကိုဖွင့်လိုက်သည်။ 

"ဟုတ်တယ် သူက [ပြု​ပြင်​ရေးအတွက် ဆက်သွယ်ပါ]ဆိုတဲ့တစ်​ယောက်ပဲ ၊ သူမျိုးရိုးနာမည်က ယွမ်၊ ယွမ်ရှင်းကျဲ "

​လော့၀မ်ချွမ်း​ခေါင်းကို​မော့လျက် ထုတ်လွှင့်မှုအားကြည့်လိုက်​သော်လည်း ကင်မရာမှာ ​နောက်တစ်​ယောက်ကိုပြသ​နေပြီဖြစ်​လေသည်။ သူ၏အကြည့်ကိုအသာလွှဲလိုက်ကာ ​အေးစွာတုန့်ပြန်လိုက်သည်။ 

"တကယ်လား" 

"အင်း ငါလုံး၀မမှားနိုင်ဘူး၊ ​ကျောင်းထဲမှာကြည့်​ကောင်းတဲ့အိုမီဂါအများကြီးမှမရှိတာ" 

ခယ့်လိုင်​ပြောလိုက်လျှင် ​လော့၀မ်ချွမ်းကသူ့ကိုလှည့်ကြည့်လာခဲ့သည်။ 

"ငါသူ့ကိုတခြားအ​တွေး​တွေ​သေချာ​ပေါက်မရှိပါဘူး​နာ်"ခယ့်လိုင်ကနီရဲ​နေ​သောမျက်နှာဖြင့်အမြန်​ပြောလိုက်သည်။ 

"ငါကဒီတိုင်းချီးမွှမ်းတာပါ" ​ပြောပြီး​နောက် သူက​လော့၀မ်ချွမ်းအားကပ်လျက် တီးတိုး​ပြောလိုက်သည်။ 

"တာ့ချွမ်း ငါ့မှာအကြံရှိတယ်၊ "

​လော့၀မ်ချွမ်းသာမန်ကာလျှံကာ ဆိုလိုက်သည်။ 

"​ပြောစရာရှိတာကို​ပြော" 

"ယွမ်ရှင်းကျဲကအိုမီဂါဆို​ပေမယ့် သူက မက်ခါဘယ်လိုပြင်ရမလဲ​ကောင်း​ကောင်းသိတဲ့အပြင်၊ မက်ခါလည်း​မောင်းနိုင်​သေးတယ်" 

ခယ့်လိုင်အတည်အတံ့ဆိုလိုက်သည်။ 

"ပိုအ​ရေးကြီးတာက သူက​ငွေလို​နေတာ၊ မင်းပဲသီးသန့် မက်ခါပြင်​ပေးမယ့်သူတစ်​ယောက်လို​နေတာမဟုတ်ဘူးလား၊ ငါထင်တာ​တော့သူကအ​တော်​လေး​ကောင်းတာပဲ"

သီးသန့်မက်ခါမာစတာများမှာ မက်ခါများကိုအဆင့်မြှင့်​ပေးသူ ၊ စစ်​ဆေး​ပေးကာ ဒီဇိုင်းဆွဲ​ပေးသူများဖြစ်သည်။ စာချုပ်ကာလအတွင်းတွင် သူတို့သည် မက်ခါတိုက်ခိုကိ​​ရေးသမားတစ်ဦးအတွက်သာအလုပ်လုပ်​ပေးသည်။ ၄င်းမှာတိုက်ပွဲအတွင်းတွင်လည်းအလွန်​အသုံးများ​သောနည်းပင်။ 

စစ်သားများစုတွင် ကိုယ်ပိုင်မက်ခါမာစတာတစ်​​ယောက်ရှိသည်။ အန္တရာယ်နှင့်ကြုံလာလျှင် အတူ​သေဖို့ပင်၀န်မ​လေးကြ​ချေ။ မက်ခါတိုက်ခိုက်​ရေးသမား​သေဆုံးလျှင် မက်ခါမာစတာတချို့ကလည်း ရန်သူ့ထံအချက်အလက်​ပေါက်ကြားခြင်းကိုကာကွယ်ရန်မိမိကိုယ်ကိုယ်သတ်​သေရန်​ရွေးချယ်တတ်ကြသည်။ 

 သို့​သော် ၄င်းမှာအလွန်ပြင်းထန်​သောအ​ခြေအ​နေမျိုးမှသာဖြစ်ပြီး ​တွေ့ရသည်မှာရှားသည်။ ​လော့၀မ်ချွမ်းသည်မျက်လုံးများကို​အေးစက်စွာ ​မှေးကျဥ်းလျက် ခယ့်လိုင်အားကြည့်လိုက်သည်။ 

"မင်းအိုမီဂါတစ်​​ယောက်ကို မက်ခါမာစတာအဖြစ်မလိုချင်မှန်းသိပါတယ်၊"ခယ့်လိုင်ဆက်​ပြောလိုက်သညွ။ 

"ဒါ​ပေမယ့်သူကထိန်းချုပ်​ဆေးကိုအချိန်မှီသုံးနိုင်သ၍ ဘီတာနဲ့မှမခြားတာ၊ ပြီး​တော့သူ့အစွမ်းနဲ့ဆို ​ကျောင်းအသင်းကို၀င်နိုင်​ချေလည်းများတယ်၊ မင်းနဲ့​​နေ့​ရောည​​ရောအတူရှိနိုင်မှာ"

ခယ့်လိုင်လည်းသူ့စကားကအနည်းငယ်ထူးဆန်း​နေသည်ဟုခံစားမိကာ အနည်းငယ်​ပြောင်းလိုက်သည်။

"မင်းတို့မကြာခဏ​တွေ့ပြီး ပူး​ပေါင်းလို့ရတယ်ကွာ အရမ်းအဆင်မသင့်ဘူးလား" ​လော့၀မ်ချွမ်းကခဏမျှတိတ်ဆိတ်သွား​သော်လည်း ထရပ်ကာထွက်သွား​တော့သည်။ 

"မလိုဘူး"

"​ဟေး မင်းမလိုချင်လည်း၊ ငါသူ့ကို​ခေါ်မယ်"

ခယ့်လိုင်က​ပြောလိုက်သည်။

"ဒီနှစ်ငါလည်းမက်ခါမာစတာတစ်​ယောက်ရှာ​နေတာ "​လော့၀မ်ချွမ်းကလှည့်လျက် ​အေး​ဆေးသာ​မေးလိုက်သည်။ 

"မင်းတတ်နိုင်တယ်​ပေါ့" ၄င်းမှာ​ရန်စခြင်းဖြစ်​သော်လည်းမှန်ကန်​နေပြန်သည်။ ကိုယ်ပိုင်မက်ခါမာစတာတစ်​ယောက်ကိုဖိတ်​ခေါ်ရန်မှာ လတိုင်းကြီးမား​​သောလစာ​ပေးရန်လိုအပ်သည်။ မက်ခါတစ်စီးကိုပြုပြင်ရန်နှင့် အဆင့်မြှင်ရန်လည်း ပစ္စည်းများစွာလိုအပ်သည်ပင်။ 

ခယ့်လိုင်၏အမူအယာ​ပြောင်းလဲသွားကာ ​လော့၀မ်ချွမ်း​နောက်သို့ရှက်ရွံ့စွာလိုက်သွားခဲ့သည်။ 

"ငါစဥ်းစား​နေတုန်းပါ၊ အ​ဖေကငါ့ကိုသနားပြီး မုန့်ဖိုးများများ​ပေးမယ်ဆို ငါသူ့ကိုခေါ်ဖို့လုံး၀စဥ်းစားထားတာကွာ၊ တစ်လဆို​တောင်​ခေါ်မှာ"

​လော့၀မ်ချွမ်းသူ၏ဆုံးဖြတ်ချက်ကိုမ​ပြောင်း​ချေ။ 

သူသည်အိုမီဂါတစ်ဦးအား သူ၏မက်ခါမာစတာအဖြစ်​​ရွေးရသည်အထိမရူး​သေး​ချေ။ တဖက်လူမှာအမှန်တကယ်အံ့အားသင့်စရာ​ကောင်းလှပါ​သော်လည်း။ ထို့အပြင်​နောက်ဆုံးတစ်​ခေါက်ကပြုပြင်ခြင်းမှာ တံ​တောင်​ကွေးပြုပြင်မှု​လေးသာဖြစ်သည်။ တိုက်ဆိုင်ရုံသာဖြစ်​ကောင်းဖြစ်လိမ့်မည်။ သူမည်သိူ့မျှဆုံးဖြတ်ချက်ကိုမ​ပြောင်းနိုင်​ချေ။ သို့​သော်ခယ့်လိုင်၏စကားကို​တော့သ​ဘောတူလိုက်သည်။ 

"သူ​ကျောင်းအသင်းထဲကို​တော့၀င်နိုင်ပါတယ်"

ထိုနှစ်ဦးအနားယူသည့် ဧရိယာမှထွက်သွားချိန်တွင် ယွမ်ရှင်းကျဲက ထိုဧရိယာ၏၀င်​ပေါက်ထံ​​ရောက်လာခဲ့သည်။ 

အိုမီဂါအ​နေနှင့်စံချိန်သစ်တင်သွား​​သောလူငယ်​လေးအားလက်ခုပ်တီးသံများဂုဏ်ပြုသံများညံလျက်။ 

ထို​တော့မှသာ ဒုတိယနှစ်မှစီနီယာဘယ်​လောက်များများ ပြိုင်ပွဲကိုကြည့်​နေခဲ့မှန်းသတိထားမိ​တော့သည်။

​မ​မျှော်လင့်ထားစွာ ၀င်​ပေါက်တွင် ယွမ်ရှင်းကျဲ၏​ရှေ့၌ အရပ်ရှည်ရှည်ကိုယ်တစ်ခုကပိတ်ရပ်လာသည်။ ချီယုကယွမ်ရှင်းကျဲအား ရှုပ်​ထွေး​နေ​သောမျက်၀န်းများဖြင့်ကြည့်လျက်  

"မင်းတကယ်ကြီးမက်ခါအ​ကြောင်းကို​လေ့လာရုံမက ပထမ​နေရာပါရသွားမယ်မထင်ထားဘူး"

သူ၏​လေသံများ အံ့အားသင့်မှုများနှင့်ပြည့်နှက်လျက်ပင်။ ပထမဆုံးအကြိမ်အဖြစ် ချီယုမှာ ယွမ်ရှင်းကျဲအား မနှစ်မြို့​သောအမူအယာမရှိ​ပေ။ ယွမ်ရှင်းကျဲကမူ​​ခေါင်း​မော့လျက် ချီယုအားကြည့်ကာ ​အေးစက်စွာဖြင့် 

"လမ်းဖယ်" 

သူကချီယုအားတိုက်ရိုက်ဖြတ်​ကျော်သွားလို​သော်လည်းချီယုကသူ့အား​​နောက်တစ်ကြိမ်ပိတ်ရပ်လိုက်သည်။ ယွမ်ရှင်းကျဲ၏​အေးစက်​သော အမူအယာကိုမြင်လျှင် ချီယုအလွန်မသက်မသာခံစားလိုက်ရသည်။ အရင်ကသူ့ကိုပြုံးရယ်ပြ​လေ့ရှိ​သော ယွမ်ရှင်းကျဲကိုလွမ်းလှသည်။ 

စုကျီနန်မှာချီယု၏လုပ်ပုံကိုမြင်လျှင်မ​ကျေမနပ်မှုများကမျက်လုံးထဲဖြတ်​ပြေးသွားခဲ့သည်။ သို့သော်သူကအလျင်အမြန်ဖုံးကွယ်လျက် အပြုံးဖြင့်ဆိုလိုက်သည်၊ 

"ဂုဏ်ယူပါတယ် ယွမ်ရွှယ်တိ၊ ငါ မင်းမက်ခါဘယ်လိုမောင်းရမလဲ သိ​နေမယ်မထင်ထားဘူး။ပထမ​နေရာ​တောင်ရသွား​သေးတယ်၊ ကံ​ကောင်းလိုက်တာ" 

"​ကျေးဇူးပါ၊ ပြီး​တော့ ဒသမ​နေရာရသွားတဲ့အတွက်လည်းကျွန်​တော်က ဂုဏ်ပြုပါတယ်​နော်၊ အစ်ကိုလည်းအ​တော်ကံ​ကောင်းတာပဲ"

ယွမ်ရှင်းကျဲလည်း စုကျီနန်၏ဂုဏ်ပြုစကားကိုပြန်ပစ်​ပေးလိုက်သည်။ စုကျီနန်၏အမူအယာကပျက်ယွင်းသွားပြီး သူ၏မျက်နှာကိုအ​တော်​လေးထိန်းချုပ်ကာ ပြုံး​နေရန်ကြိုးစားလိုက်သည်။ 

ချီယုကမူ စုကျီနန်၏စကားကို သ၀န်တိုလို့ဖြစ်သည်ဟု အဓိပ္ပါယ်​ကောက်ကာ အမြန်ရှင်းပြလာခဲ့သည်။ 

"စုကျီနန်နဲ့ငါနဲ့ကတကယ်သူငယ်ချင်း​​တွေပါပဲ၊ မင်းဒီအ​ကြောင်းကိုတချိန်လုံးစိတ်ပူ​နေစရာမလိုပါဘူး"

စုကျီနန်၏အပြုံးကပို၍ပျက်ယွင်းသွား​သော်လည်း

"ဟုတ်တယ်။ အကိုယုက ငါ့ကိုအိုမီဂါလိုမဆက်ဆံပါဘူး၊ ငါတို့ကသံမဏိညီအစ်ကို​တွေပါ၊ မင်းတို့နှစ်​ယောက်အတူရှိရင်လည်းငါကဂုဏ်ပြု​ပေးဦးမှာပါ"

သို့​သော်သူ၏နှလုံးသားကမူ ခါးသီးလျက်ပင်၊ 

 "မလိုဘူး" ယွမ်ရှင်းကျဲစိတ်မရှည်စွာ​ပြောလိုက်သည်။

"ငါကမင်းတို့နှစ်​ယောက်ကိုမခွဲပါဘူး၊ မင်းတို့ကဒီ​လောက်လိုက်ဖက်​နေတာကို" ချီယုကမူ၄င်းကိုကြားလျှင် ယွမ်ရှင်းကျဲသ၀န်တို​နေသည်ဟုပို၍ပင်​သေချာသွားခဲ့သည်၊ 

"ရှင်းကျဲ ပြသနာ​တွေရှာမ​နေနဲ့​တော့၊ မင်းပြသနာ​တွေမလုပ်​တော့ပဲ ​ကောင်း​ကောင်းကြိုးစားသ၍ ငါမင်းကို​ကျောင်းကထွက်ရ​အောင်မလုပ်ဘူး"

ချီယုဤသို့​​​ပြောရခြင်းမှာ ယ​နေ့ယွမ်ရှင်းကျဲမှာ အလွန်ကြည့်​ကောင်း​နေ၍ဖြစ်သည်။ သူ၏စိတ်ကူးထဲမှ စုကျီနန်၏သန်မာ​သော အိုမီဂါ ပုံရိပ်ထက်ပို၍ သာ​နေ၍ပင်။ 

xxxx