အပိုင်း ၇၀

Chapter 70

ယွမ်ရှင်းကျဲ၏​သေနက်နှစ်ခုမှာ သူ့၏လျို့၀ှက်.လက်နက်များပင်။ ​လော့၀မ်ချွမ်းပင်လျှင် ဤအ​ကြောင်းကိုမသိခဲ့​ချေ။ ၄င်းတို့မှာ ဟယ့်​ဟောင်မင်ကို

နှိမ်နင်းရန်သူ၏ အ​သေသတ်ကွက်ဟုဆိုနိုင်သည်။ 

​လော့၀မ်ချွမ်းသည် ကွင်းပြင်ထဲမှ ထူးဆန်း​သောပုံသဏ္ဍာန်နှင့်မက််ခါကိုကြည့်လိုက်ပြီး သူ၏မျက်လုံးများမှအနည်းငယ်တုန်လှုပ်သွားခဲ့သည်။ ယခုတွင်မူ ယွမ်ရှင်းကျဲ၏မက်ခါအဆင့်မြင့်တင်​ရေးအစီအစဥ်ကအဘယ်​ကြောင့်ထူးဆန်း​နေခဲ့​နေ​ကြောင်း နားလည်​ချေပြီ။ 

သူလုံး၀မမှတ်မိနိုင်​သောအပိုင်းများပင်လျှင်ရှိသည်။ 

ယွမ်ရှင်းကျဲမှာ ဤစက်ရုပ်သားရဲကြီးကိုလုံး၀​ပြေင်းလဲပစ်လိုက်သည်ပဲ။ ​​​ငွေမှော်အကာအရံဖြင့် တိုက်ခိုက်မှုမှန်သမျှကိုတားဆီးနိုင်​သော ဒိုင်းကာကြီးအဖြစ်ကို​ပြောင်းနိုင်ရုံသာမက ကြီးမား​သော သေနတ်ကြီးအဖြစ်လည်းတဖန်ပြန်​ပြောင်းနိုင်သည်ပင်။ 

မက်ခါအဆင့်မြင့်တင်​ရေးတစ်ခုလုံးကိုသိထား​သော ​လော့၀မ်ချွမ်းပင်လျှင်ဤ​ပြောင်းလဲမှု​ကြီး​ကြောင့် အံ့အားသင့်သွားရသည်အထိ။ တချိန်တည်းမှာပင် အဆင့်မြှင်တင်မှုတွင် ချို့ယွင်းချက်ရှိ​နေမည်ကိုလည်းစိုးရိမ်သွားမိသည်။ 

တိုက်ပွဲအတွင်းရှိ ဟဲ့​ဟောင်မင်

မှာ ယွမ်ရှင်းကျဲ၏မက်ခါ​ပြောင်းလဲသွားပုံအားကြည့်​နေမိသည်။ သူ၏နှလုံးသားထဲတွင် အ​တော်​လေးအံ့သြသွားမိသည့်တိုင် စိတ်ကိုငြိမ်​အောင် အမြန်ပြန်ထိန်းလိုက်၏။

ယွမ်ရှင်းကျဲ၏ စိတ်စွမ်းအားမှာ Bအဆင့်နှင့် B+အထိသာရှိ​ကြောင်း သူသိထားသည်။ 

ထိုမျှကြီးမားပြီး စွမ်း​ဆောင်ရည်မြင့်လွန်းသော မက်ခါမှာ ယွမ်ရှင်းကျဲထိန်းချုပ်နိုင်​သော အတိုင်းအတာထက်​ကျော်လွန်​နေ​ချေပြီ။ ထို့​ကြောင့်ဟဲ့​ဟောင်မင်မှာ ​လှောင်​ပြောင်မှုတို့ မျက်လုံးတွင်ဖြတ်​ပြေးသွားကာ "​သေချင်​နေတယ်"

မုန်တိုင်းမက်ခါသည် သူ၏သံလိုက်ပုဆိန်ကိုထပ်မံ​မြောက်လိုက်ပြီး ယွမ်ရှင်းကျဲ၏မက်ခါထံ​​နောက်တစ်ကြိမ်​ပြေး၀င်သွားပြန်သည်။ ယွမ်ရှင်းကျဲထံမှ ပစ်ခတ်မှုများကိုပင်ဂရုမစိုက်ဟန်ပင်။ 

သို့​သော်ထိုအချိန်တွင် ယွမ်ရှင်းကျဲမက်ခါမှလက်နက်များ၏ အ၀တွင် အလင်း​ရောင်များတဖြည်းဖြည်းစုစည်းလာ​တော့သည်၊ ထိုအလင်းနှစ်ခုမှာ လွန်စွာထင်းလင်း​နေရကား ကွင်းပြင်ရှ်ပရိတ်သတ်များပင်လျှင် အံ့အားသင့်​နေကြ​တော့သည်။ 

ချီယုမှာလက်သီးကိုတင်းတင်းဆုပ်လျက်သူ၏နှုတ်ခမ်းကိုအသာဖွင့်ကာ 

"ယွမ်ရှင်းကျဲက တကယ်ပဲအဲဒီလက်နက်နှစ်ခုကိုသုံးနိုင်တဲ့စွမ်းအားရှိတာလား"

"မဖြစ်နိုင်တာ သူ့ရဲ့မက်ခါကအရင်ကအလင်းဓါးမက်ခါပဲ​လေ၊ ဒီ​လောက်အမျိုးစုံ​အောင်​ပေါင်းထည့်ပြီး လက်နက်ကြီး၂ခုပါထပ်ထည့်ထားရင် Bအဆင်ွစိတ်စွမ်းအားနဲ့သူကဘယ်လိုလုပ်​မောင်းနိုင်မှာတဲ့လဲ"

"အခုန​လေးက ဒိုင်းကာကြီးနှစ်ခုကလည်း ဘီအဆင့် စိတ်စွမ်းအားနဲ့ထိန်းချုပ်နိုင်တာမျိုးမဟုတ်ဘူး​လေ"

"ကြည့်လိုက် သူပစ်လိုက်ပြီ"

ထို​တော့မှဟယ့်​ဟောင်မင်လည်း ​တောက်ပ​သောအလင်း​ရောင်နှစ်ခုကိုသတိထားမိသွား​တော့သည်။ သူ့တွင်​ရှောင်စရာ​နေရာမရှိ​တော့​ချေ။ မျက်လုံးများပြူးကျယ်လျက် သူ​ကျောက်ရုပ်နှယ်စိုက်ကြည့်​နေမိ​တော့သည်။သို့​သော်လည်း ဟဲ့​ဟောင်မင်၏စိတ်စွမ်းအားမှာ တခြား Sအဆင့်စိတ်စွမ်းအင်ပိုင်ဆိုင်သူများထက် နိမ့်ကျ​နေ​စေကာမူ သူ၏တုန့်ပြန်နှုန်းကလည်းသိပ်​​တော့မဆိုးလှ​ချေ။ သူသည် ပုဆိန်ကိုအလျင်အမြန်သိမ်းလျက် ဒိုင်းကာကိုမြှင့်ကာ ကာရန်ပြင်လိုက်သည်။ 

ဒိုင်းကာကိုဖွင့်နိုင်လိုက်သည်နှင့် ယွမ်ရှင်းကျဲထံမှ​ပေါက်ကွဲမှုအားကို​ခုခံနိုင်လိမ့်မည်။ 

"ဘုန်း .. ဘုန်း ." 

ကြီးမား​လေးလံသော စွမ်းအင်မြင့် ​ပေါက်ကွဲမှု၂ခုက ယွမ်ရှင်းကျဲ၏လက်နက်များထံမှ​ပြေးထွက်လာခဲ့သည်။ ထိုသို့မပစ်ခတ်ခင်တွင် ယွမ်ရှင်းကျဲသည် တည်​နေရာချိန်ရွယ်မှုကိုအနည်းငယ်​ပြောင်းလဲခဲ့​ကြောင်းမည်သူမျှသတိမထားမိခဲ့​ချေ။ 

ဟဲ့​ဟောင်မင်၏ဒိုင်းကာပွင့်လုဆဲဆဲတွင် လူတိုင်းက ယွမ်ရှင်းကျဲ၏ပစ်ခတ်မှုမှာ တားဆီးခံရမည်ဟုထင်​နေကြချိန်တွင် ထိုစွမ်းအင်မြင့်​ပေါက်ကွဲမှုအလင်းတန်းနှစ်ခုမှာ ဟဲ့​ဟောင်မင်၏ဒိုင်းကာကို​ဖောက်ထွင်းလျက် မက်ခါ၏ရင်ဘတ်ကိုတိုက်ရိုက်ထိမှန်သွား​တော့သည်။ 

အတိအကျ​ပြောရလျှင် ယွမ်ရှင်းကျဲ၏လက်နက်နှစ်ခုမှာ ဒိုင်းကာဖွင့်ပြီးသား မုန်တိုင်းမက်ခါကိုအပြည့်အ၀ထိမှန်သွားခဲ့တာပင်။ ထိုပစ်ခတ်မှုပြီး​​နောက် ကွင်းပြင်ပရှိပရိတ်သတ်များမှာတမဟုတ်ချင်းတိတ်ဆိတ်သွား​တော့သည်။ 

စုကျီနန်၏မျက်လုံးများပြူးကျယ်သွားခဲ့သည်။ ကြယ်တံခွန်မက်ခါ​မောင်းနှင်သူအ​နေနှင့် ထိုလက်နက်နှစ်ခုမှာ မည်မျှ ပြင်းထန်လှ​ကြောင်းသူ​ပြောနိုင်သည်ပင်။ ထို​ပေါက်ကွဲမှုအလင်းတန်းနှစ်ခုက သူ့မျက်လုံးအိမ်တွင်အလင်းပြန်လျက် ​ကြောက်ရွံ့လာ​စေသည်။

ခတ္တမျှကြာပြီး​နောက် တအံ့တသြဖြင့်တီးတိုး​ရေရွတ်သံများညံလာခဲ့သည်၊ 

"​သေစမ်း၊ ဟဲ့​ဟောင်မင်ကိုထိသွားတာလား"

"သူဒိုင်းကာကိုဖွင့်လိုက်နိုင်တယ်မဟုတ်ဘူးလား"

"ယွမ်ရှင်းကျဲသူ့ကိုဘယ်လိုများထိ​အောင်ပစ်လိုက်တာလဲ" 

"ဒါလုံး၀မဖြစ်နိုင်ဘူး၊ သိပ္ပံနည်းမကျလိုက်တာ"

ဟဲ့​ဟောင်မင်ကိုယ်တိုင်ပင်လျှင် မိမိမှာ ယွမ်ရှင်းကျဲဆီကအပစ်ခံရမည်ဟုမထင်ထား​ချေ။ ပြင်းစွာ​​သောနာကျင်မှုက သူ၏ရင်​ခေါင်းမှလှိုက်တက်လာ​တော့သည်။ 

မက်ခါအတွက်စွမ်းအင်ထုတ်လုပ်​ပေး​နေ​သော မိုက်ခရိုနျူကလီးယားစွမ်းအင်စက်မှာလည်း တချိန်တည်းမှာအပစ်ခံလိုက်ကာ အ​ရေး​ပေါ်အ​ခြေအ​​နေကိုကျ​ရောက်သွား​တော့သည်။ 

မုန်တိုင်းမက်ခါ၏ စွမ်းအင်မီးမှာတဖြတ်ဖြတ်နှင့် ဟဲ့​ဟောင်မင်၏အ​ခြေအ​​နေမှာမတည်ငြိမ်နိုင်​တော့​ချေ။ အက်ရှ​လေမှမျက်လုံးအပြူးသားဖြင့်ခယ့်လိုင်ကိုကြည့်လိုက်ကာ 

"​ရှောင်လိုင် မင်း​သေချာမြင်လိုက်ရဲ့လား၊ယွမ်ရှင်းကျဲရဲ့လက်နက်ကဘယ်လိုလုပ် ဟယ့်​ဟောင်မင်ရဲ့ မက်ခါကိုထိ​အောင်ပစ်နိုင်ရတာလဲ၊ ဟယ့်​ဟောင်မင်က ဒိုင်းကာကိုဖွင့်လိုက်တယ်​လေ"

70.2

Sအဆင့် ကြယ်တံခွန်မက််ခါ​မောင်းနှင်သူတစ်​ယောက်အ​နေနှင့် ခယ့်လိုင်မှာ အ​ေ၀းရှိမက်ခါပစ်ခတ်မှုများကို​ကောင်းစွာခွဲခြားသိမြင်နိုင်သည်၊ သူ၏မျက်လုံးထဲမှ အံ့အားသင့်မှုကိုမဖယ်ပစ်နိုင်ခင် သူကအ​​ငေးသားဖြင့်ဆိုလာခဲ့သည်။ 

"ယွမ်ရှင်းကျဲရဲ့ လက်နက်​တွေက ဒိုင်းကာ​တွေကို တုန့်ပြန်မှုမရှိသလိုပဲ" 

"မဖြစ်နိုင်တာ" 

အက်ရှ​လေကမျက်​​မှောင်ကျုံ့လိုက်သည်။ 

"မုန်တိုင်းဒိုင်းကာက ဘယ်လိုပဲဖြစ်ဖြစ် ခုခံနိုင်ရမှာ​လေ"

"ငါ​ပြောချင်တာက ယွမ်ရှင်းကျဲက အားနည်းချက်ကိုရှာ​တွေ့သွားတာ" 

ခယ့်လိုင်ရုတ်ချည်းတက်ကြွလာ​တော့သည်။ 

 "သူက ဟယ့်​ဟောင်မင်ဒိုင်းကာကိုဖွင့်လိုက်တဲ့အချိန်မှာ တဖက်လူရဲ့အားနည်းချက်ကိုရှာ​တွေ့သွားတာ အဲဒီအခွင့်အ​ရေးကိုအမိအရအသုံးချပြီး ဒိုင်းကာနှစ်ခုကို​ကျော်ပြီးပစ်လိုက်နိုင်တာ"

ခဲ့လိုင်မှာ ကွင်းထဲရှိမက်ခါနှစ်စီးကိုကြည့်လျက် မ​နေနိုင်ပဲ ချီးကျူးမိလိုက်ရသည်။

"သူကတကယ့်ဥာဏ်ကြီးရှင်ပဲ"

​ဘေးမှ​လော့၀မ်ချွမ်း၏အသံကဖြတ်​ပြောလာခဲ့သည်။

"ပွဲပြီးပြီ"

ဟယ့်​ဟောင်မင်၏မက်ခါမှာအပစ်ခံလိုက်ရပြီ။ ယွမ်ရှင်းကျဲကသူ့ကိုတုန့်ပြန်ရန်အခွင့်အ​ရေးတစ်ခုမျှမ​ပေးခဲ့​ချေ။ ဟယ့်​ဟောင်မင်၏မက်ခါအားတရစပ်ပစ်ခတ်လျက်တမဟုတ်ချင်းနိဂုံးချုပ်ပစ်လိုက်ချင်းပင်။

ဟယ့်​ဟောင်မင်မှာသူ၏ဒိုင်းကာကိုဖွင့်ချင်ခဲ့​သော်လည်း နာကျင်မှု​ကြောင့် လှုပ်ပင်မလှုပ်နိုင်​တော့​ချေ။ ထိုနာကျင်မှုထက်စာလျှင် နှလုံးသားထဲမှ​ကြောက်ရွံ့မှုကပို၍ကြီးမား​လေသည်။ 

ယွမ်ရှင်းကျဲသူ့အားမည်သို့ထိ​အောင်ပစ်ခဲ့ပါသနည်း။

ဟယ့်​ဟောင်မင်၏မုန်တိုင်းမက်ခါအား​နောက်ဆုံးတစ်ချက်ပစ်ခတ်လျက် အလင်းဓါးဖြင့်ပိုင်းချပြီးသည့်​နောက် ယွမ်ရှင်းကျဲ၏နှုတ်ခမ်း​ထောင့်​လေး​ကွေးတက်သွားခဲ့သည်၊

ဟယ့်​ဟောင်မင်က ​ရှောင်ချင်ခဲ့​သော်လည်း သူ၏မက်ခါမှာ အပျက်အစီးများလှသဖြင့် မျှ​ချေမညီ​တော့ပဲ ​မြေပြင်​ပေါ်လဲကျသွား​တော့သည်၊

ကြီးမား​သော မုန်တိုင်းမက်ခါကြီး​မြေပြင်​ပေါ်လဲကျသွားလျှင် တုန်ခါသံကြီးဖြင့်​ဖုန်များတ​ထောင်း​ထောင်းထသွားခဲ့သည်။ ပွဲကြည့်စင်မှလူများမှာ ဤ​ပြောင်းပြန်လှန်​နေ​သောမြင်ကွင်​း​ကြောင့် အ​ကြောင်သားကြည့်​နေမိကြ​တော့သည်၊ 

ဒိုင်များမှာအ​ကြောင်သား​ငေး​နေရာမှ အလျှင်အမြန် စက္ကန့်ကို​ရေတွက်ရ​တော့သည်၊ ဟဲ့​ဟောင်မင် မည်မျှပင်ပြန်ထ​စေချင်ကာမူ ထိုမျှကြီးမားစွာပျက်ဆီး​နေ​​​​သော သတ္တုမက်ခါကြီးကိုထိန်းချုပ်နိုင်ရန်အခွင့်အလမ်းမရှိ​ဆော့​ချေ။

ဆယ့်စက္ကန့်​ကျော်လွန်သွားပြီး​နောက် ဒိုင်မှ ယွမ်ရှင်းကျဲအနိုင်ရရှိ​ကြောင်း​ကြေညာ​ပေးလိုက်​တော့သည်။ 

ဟဲ့ဟောင်မင်မက်ခါတွင်းမှထွက်လာလျှင် သူ၏တကိုယ်လုံးမှာ​ချွေးများစိုရွှဲလျက်။

သူ၏ပြာနှမ်း​နေ​သောမျက်နှာက အသက်ကိုပြင်းပြင်းရှူလျက် ယွမ်ရှင်းကျဲအားမုန်းတီးစွာကြည့်လိုက်သည်။ သို့​သော်အဆုံးတွင်​တော့သူသည် အံကိုကြိတ်ကာ မ​မေးပဲမ​နေနိုင်ခဲ့​ချေ။ 

"မင်း​...သောက်ကျိုးနည်း...ဘယ်လိုများပစ်ခဲ့တာလဲ"

"အဲဒါလား..." 

ယွမ်ရှင်းကျဲ မျက်ခုံးကိုပင့်လျက် သူ့အား ကြည့်လိုက်သည်။ 

"ဘယ်တစ်ခုလဲ၊ မင်းတိုက်ခိုက်မှုကိုတားလိုက်တာကိုလား၊ ငါမင်းကိုလဲ​အောင်ပစ်ချလိုက်တာကိုလား" 

ဟယ့်​ဟောင်မင်မှာ​လှောင်​ပြောင်ခံရ​သောခံစားချက်​ကြောင့်လက်သီးကိုတင်းဆင်းဆုပ်လိုက်သည်။

သူ၏ကိုယ်ကနာကျင်​နေသည့်တိုင် သူကတည်ငြိမ်စွာရပ်လျက်ဆိုလိုက်​သေးသည်။

"မင်းရဲ့အမှုန်စွမ်းအင်လက်နက်​တွေ ၊ ငါ့ကိုဘယ်လိုထိသွားတာလဲ..."

"​သြော်အဲဒါကို​မေးတာလား" 

ယွမ်ရှင်းကျဲက ဟယ့်​ဟောင်မင်အား​ပေါ့​ပေါ့ပါးပါးကြည့်လျက် သူ၏လက်ကို​မြှောက်ကာ ​သေနတ်ပစ်လိုက်ဟန်​လေးလုပ်ပြလိုက်သည်။

"ဒီတိုင်းပဲ​လေ"

အမှန်​တော့သူက ဟယ့်​ဟောင်မင်မက်ခါဒီဇိုင်း၏အားနည်းချက်ကိုအခွင့်​ကောင်းယူခဲ့ရုံသာ။

ဒိုင်းကာနှစ်ခုကို​မြှောက်ရာတွင် မဆိုစ​လောက်​လေးအချိန်ကွာခြားမှူရှိခဲ့သည်။

သူ၏​လေသံမှာအလွန်တရာမှ​မထီမဲ့မြင်မှုများနှင့် ပြည့်နှက်​နေကာ ဟယ့်​ဟောင်မင်မှာ စိတ်တိုလွန်းသဖြင့် ယွမ်ရှင်းကျဲအား​ပေါက်ထွက်မတက်စိုက်ကြည့်ရင်း 

 "မင်းကိုယ်မင်း သိပ်အထင်ကြီးမ​နေနဲ့၊ ငါကသတိနည်းနည်းလွတ်သွားလို့ပါ။ ယွမ်ရှင်းကျဲ ဒီအ​ကြွေးကိုငါမှတ်ထားမယ်"

"မင်းလိုSအဆင့်ကစားသမားက Bအဆင့်ကစားသမားကိုမှတ်ထားမယ်တဲ့လား" 

ယွမ်ရှင်းကျဲမျက်ခုံးပင့်လိုက်သည်။ 

"ငါသာမင်း​နေရာမှာဆိုခုလိုရပ်​နေရမှာ​တောင်အ​တော်ရှက်မှာ"

ဟယ့်​ဟောင်မင်မှာ ယွမ်ရှင်းကျဲ၏စကားလုံးများ​ကြောင့် ​ဒေါသထွက်လွန်း၍တကိုယ်လုံးပင်တုန်လာခဲ့သည်။ သူ၏ဖြူ​ဖျော့​နေ​သောမျက်နှာဖြင့် ယွမ်ရှင်းကျဲအားရွံရှာစွာကြည့်လျက် 

"ယွမ်ရှင်းကျဲမင်းကငါ့ကိုနိုင်တယ်ဆိုရင်​တောင် မင်းက​သောက်ကျင့်မ​ကောင်းတဲ့ အိုမီဂါပဲ၊ မင်းကိုကြိုက်မယ့်လူရှိမယ်ထင်လား၊ မင်းသာစုကျီနန်ကို​ချောက်မချရင် သူ့အမှတ်ကမင်းထက်ပို​ကောင်းဦးမှာ..."

ယွမ်ရှင်းကျဲမှာမူ ဟယ့်​ဟောင်မင် ရူး​နေသည်ဟုသာခံစားမိကာ 

"မင်းစုကျီနန်ကိုဘာလို့အရမ်း​တွေ​ထောက်ခံ​နေတာလဲ၊ ငါတကယ်ကိုနားမလည်တာ..."

"သူကကြင်နာတတ်တယ်၊ ငါ့ကိုအမြဲတမ်းကူညီ​ပေးတယ်၊ မင်းဘာသိလို့လဲ"

ဟယ့်​ဟောင်မင်က ယွမ်ရှင်းကျဲအားမုန်းတီးစွာကြည့်လျက်

"ငါသိသားပဲ မင်း.ကစုကျီနန်ကမင်းထက် ​ထောက်ခံတဲ့သူပိုများလို မနာလိုဖြစ်​နေတာ၊ ကံမ​ကောင်းတာက သူအနားယူသွားရင်​တောင် သူ့ကို​ထောက်ခံတဲ့သူအများကြီးရှိဦးမှာပဲ၊ မင်းဆီကို​တော့​ရောက်မလာဘူးကွ..."

ဟယ့်​ဟောင်မက်စကားမဆုံးခင်မှာပင် ကျယ်​လောင်​သောလက်ခုပ်သံတို့ကာ သူ့စကားကိုဖုံးလွှမ်းသွားခဲ့သည်။ ယွမ်ရှင်းကျဲရုတ်ချည်းတန့်သွားကာ ပွဲကြည့်စင်များထံ​မော်ကြည့်လိုက်မိ​တော့သည်။

 ဒိုင်များမှာ ပြိုင်ပွဲရလဒ်ကို​ကြေညာပြီးဖြစ်ပုံပင်။ 

ယွမ်ရှင်းကျဲမှာ ဆယ်ပွဲဆက် ရှုံးပွဲမရှိစံချိန်ကိုယူထား​သော သုံး​ယောက်​​မြောက်ကစားသမားဖြစ်လာ​ချေပြီ၊ ၄င်း​ကြောင့်ပင် အား​ပေးသံများညံ​နေခဲ့ခြင်းဖြစ်သည်။

xxxxx