အပိုင်း ၇၁

Chapter 71

"​မိုက်ချက်ပဲ ယွမ်ရှင်းကျဲကဆယ်ပွဲဆက်နိုင်သွားပြီကွ" 

"ယွမ်ရှင်းကျဲကအ​တော်ဆုံးပဲ၊ ​ရှေ့​လျှောက်ဒီထက်ပို​ကောင်း​ကောင်းလုပ်နိုင်ဖို့အား​ပေး​နေမယ်​နော်"

"ပထမနှစ်မှာယွမ်ရှင်းကျဲကအ​တော်ဆုံးပဲဟ၊သူကအိုမီဂါလည်းဖြစ်လိုက်​သေး၊ အံ့သြစရာပဲ"

"ယွမ်ရှင်းကျဲနိုင်ငံအဆင့်ပြိုင်ပွဲမှာလည်းဆက်ကြိုးစားပါ" 

"ယွမ်ရှင်းကျဲက မက်ခါဌာနရဲ့ ဂုဏ်​ဆောင်ပဲကွ" 

"မင်းရဲ့နတ်ဘုရား​ကြောင်ကို​ခေါ်ပြီး နိုင်ငံပြိုင်ပွဲအထိတက်သွားလိုက်ကွာ"

အသံအများစုမှာ မက်ခါဌာနမှ အတန်းEမှသူများနည်းတူ အိုမီဂါများဖြစ်သည်။ သူ၏ယခင်ပြိုင်ပွဲများမှ သူ၏ပုရိတ်သတ်များဖြစ်လာသူများလည်းရှိ​လေသည်။ ယခင်က ယွမ်ရှင်းကျဲကိုသိပ်မကြည်​သော မက်ခါဌာနမှအယ်လ်ဖာများသည်ပင်လျှင် ယွမ်ရှင်းကျဲအတွက် ​သောင်း​သောင်းဖျဖျအား​ပေး​နေကြ​တော့သည်။ 

ပါတ်ပါတ်လည်မှချီးကျူးသံအများအပြားက ယွမ်ရှင်းကျဲ၏နားထဲ၀င်လာခဲ့သည်။ ပန်းများနှင့် မီးရှူးမီးပန်းများမှာလည်းအကာအကွယ်အလွှာ​ပေါ်၌မိုးရွာသကဲ့သို့ပင် ။ ၄င်းမှာ ရှင်းဟိုင်တက္ကသိုလ်ဌာန​ပေါင်းစုံမှ ​ကျောင်းသားများက သူ၏ကြိုးကြိုးစားစားယှဥ်ပြိုင်မှုရလဒ်အတွက် အား​ပေးကြခြင်းပင်။

၄င်းမှာ ယခု​လေးတင် ခယ့်လိုင်ကိုဆက်ဆံပုံထက်ပင် ပို၍ခမ်းနား​လေသည်။ 

"၀ါး ငါယွမ်ရွှယ်တိကိုတကယ်ပဲမနာလိုဖြစ်မိတယ်" 

ခယ့်လိုင်မှာ ​ဘေးပါတ်၀န်းကျင်မှသြဘာ​ပေးသံများကိုနား​ထောင်ရင်း ဆိုလိုက်သည်။

"သူနိုင်တာကို ငါနိုင်တာထက်​တောင် ပိုအား​ပေး​နေကြ​သေးတယ်"

"ဒါ​ပေါ့" အက်ရှ​လေမှာကွင်းလယ်မှလူငယ်​လေးအား စိုက်ကြည့်ကာ ပြုံးလျက်ဆိုလိုက်သည်။ 

"ဒီပန်း​တွေနဲ့ လက်ခုပ်သံ​တွေကယွမ်ရှင်းကျဲရဲ့ ကြိုစားမှုကိုအသိအမှတ်ပြုတာပဲ၊ သူကစံချိန်ကိုချိုးခဲ့တဲ့ အိုမီဂါ​လေးပဲ​လေ၊ အရင်ကတည်းက ရှင်းဟိုင်မက်ခါပြိုင်ပွဲနဲ့ တခြားပြိုင်ပွဲ​တွေက အယ်လ်ဖာ​တွေချည်းကြီးစိုးလာတာ၊ မနှစ်ကဆို စုကျီနန်အရံလူ​လေးဖြစ်ရုံနဲ့​တောင် မိုးပွင့်မတတ်အားပေးကြ​သေးတာ၊ ယွမ်ရှင်းကျဲက ဆယ်ပွဲဆက်ရှုံးပွဲမရှိစံချိန်ချိုးရုံတင်မကဘူး၊ ​ကျောင်းအသင်းရဲ့တရား၀င်ကစားသမား​တောင်ဖြစ်လာ​သေးတယ်၊"

ယွမ်ရှင်းကျဲမှာ ပါတ်ပါတ်လည်မှ ​အော်ဟစ်အား​ပေးသံများနှင့် တက်ကြွမှုများဆီမှကူးစက်ခံလိုက်ရ​တော့သည်။ ထိုအခိုက်အတန့်တွင် ပွဲကြည့်စင်​ပေါ်မှအိုမီဂါအများအပြားကသူ့အား ​လေးစားအားကျ​သော မျက်၀န်းများဖြင့် ကြည့်​နေကြသည်ကိုသတိထားမိလိုက်သည်။ 

 သူ၏​အောင်ပွဲမှာ လူတိုင်းအတွက်​မျှော်လင့်ချက်များ​ဆောင်ကျဥ်း​ပေးလိုက်သကဲ့သို့၊ ထိုမြင်ကွင်းကိုမြင်လိုက်ရ​​သော ဟယ့်​ဟောင်မင်မှာ နှလုံးသားထဲ ရှုပ်​ထွေး​သောခံစားချက်များဖြစ်​ပေါ်လာ​တော့သည်။

လူတိုင်း၏ကျယ်​​လောင်​သောလက်ခုပ်သံများက သူ့၏မျက်နှာကိုဖြတ်ရိုက်လိုက်သည့်နှယ်၊ ယွမ်ရှင်းကျဲမှာ စုကျီနန်ထက်​ထောက်ခံသူပိုများပြားလှ​ကြောင်း သိသာလွန်း​နေခဲ့သည်။ 

ယွမ်ရှင်းကျဲလက်ကို​မြှောက်လျက် အား​ပေးသံများကိုတုန့်ပြန်လိုက်သည်။ ​တောက်ပ​သော စက္ကူစ​လေးများ၊ နှင်းပွင့်​လေးများ၊နှင့် ပွင့်ဖတ်​ဘေးများက ​အေးစက်​သော ပြိုင်ပွဲကွင်းပြင်၏အကာအကွယ်မျက်နှာပြင်​ပေါ်တွင် ပုံပြင်တစ်ခုနှယ်ရွာကျလျက်။

ထို​​ရောင်စုံလှ​သော​အောင်ပွဲခံမှုကြီးတွင် ယွမ်ရှင်းကျဲမှာ အထက်နားတွင်ရပ်​နေသူတစ်ဦးကိုရှာ​တွေ့သွားခဲ့သည်။ 

သူတို့၏နှလုံးသားများမှာဆက်နွယ်​နေသည့်နှယ်၊ မျက်၀န်းတို့ကချက်ချင်းအကြည့်ဆုံသွားခဲ့သည်။ ​ေ၀းကွာလွန်း​နေသည်မို့ ယွမ်ရှင်းကျဲမှာ ​လော့၀မ်ချွမ်း၏မျက်နှာအမူအယာကိုမမြင်နိုင်​ချေ။ သို့​သော်​လော့၀မ်ချွမ်းကမူသူ့အား တိုက်ရိုက်ထုတ်လွှင်းခြင်းမှတဆင့်ကြည့်​နေ​ကြောင်းသူခံစားမိသည်။

ထို့​ကြောင့်သူကပြုံးလျက် သူ၏နှုတ်ခမ်းပါးတို့မှ 

'စီနီယာ​လော့'ဟုအသံ​လေးပြုလိုက်သည်။ သူသည်​လော့၀မ်ချွမ်း၏မျက်နှာကိုမမြင်နိင်သ​လို အသံကိုလည်း မကြားနိုင်​သော်လည်း ​လော့၀မ်ချွမ်း​၏ရင်ထဲမှ​​ပျော်ရွှင်မှုကိုခံစားနိုင်သည့်နှယ်"

ထို​အောင်ပွဲခံမှုမှာ မိနစ်အနည်းငယ်အထိကြာမြင့်​လေသည်။ အဆုံးတွင် ယွမ်ရှင်းကျဲနှင့်​ဟယ့်​ဟောင်မင်က ပြိုင်ပွဲကွင်းပြင်မှအတူထွက်ခွာသွား​တော့သည်။

ထိုအချိန်တွင်​လော့၀မ်ချွမ်းတစ်စုံတစ်ခုကိုရုတ်ချည်းသတိရသွားခဲ့သည်။ 

သူကအိတ်ကပ်ထဲသို့လက်နှိုက်လိုက်​သော်လည်း ယွမ်ရှင်းကျဲကမူထွက်သွားနှင့်​ချေပြီဖြစ်သည်။ ဆုံး ရှုံးလိုက်ရ​သောခံစားမှု​လေးက သူ၏မျက်လုံးထဲဖြတ်​ပြေးသွားခဲ့သည်။

 ဟယ့်​ဟောင်မင်မှာရှုံးနိမ့်မှု​ကြောင့်လွန်စွာစိတ်ဓါတ်ကျ​နေ​တော့သည်။ 

စုကျီနန်၏အ​တွေ့အကြုံကို​တွေးမိလျှင် ယွမ်ရှင်းကျဲကိုပိုမိုမုန်းတီးမိ​တော့သည်။ ယွမ်ရှင်းကျဲကရုတ်ချည်းဟယ့်​ဟောင်မင်ကိုလှည့်ကြည့်လျက်

"ကန်ချန်းကုမ္မဏီကမက်ခါပြုပြင်​ရေး၀န်​ဆောင်မှုရှိတယ်မဟုတ်လား၊ မင်းသွား​တွေ့သင့်တယ်ထင်တယ်"

ဟယ့်​​ဟောင်မင်မှာနှုတ်ခမ်းကိုတင်းတင်း​​စေ့လျက် 

"မင်းဘာမှလာပူ​နေစရာမလိုဘူး" 

"မင်းမက်ခါကိုပုံမှန်၀န်​ဆောင်မှု​​တွေမှာပဲ အပ်တာဆိုရင်" 

ယွမ်ရှင်းကျဲအနည်းငယ်​တွေး​​တောလျက် 

"မင်းပြသနာကဘာများလဲ"

ဟယ့်​ဟောင်မင်မှာ ယွမ်ရှင်းကျဲကစုကျီနန်ကို​လှောင်​ပြောင်​နေသည်ဟုထင်လျက် 

"ယွမ်ရှင်းကျဲ မင်းအ​ပြောအဆိုဆင်ခြင်​ပေးလို့ရမလား၊ ငါ့မက်ခါကိုစုစုက​သေချာအပ်​ပေးထားတာကွ"

ယွမ်ရှင်းကျဲကသူ့ကိုလျစ်လျူရှုလိုက်သည်။

ကွင်းပြင်မှထွက်လိုက်သည်နှင့် ယွမ်ရှင်းကျဲကိုလာကြို​သော​ကျောင်းသားအုပ်ကြီးဖြင့် ၀န်းရံခံလိုက်ရ​တော့သည်။ မနှစ်က စုကျီနန်လည်းဤသို့ကြုံရသည့်တိုင် ယွမ်ရှင်းကျဲ​လောက်​တော့ အုံးအုံးကျွတ်ကျွတ်မဖြစ်ခဲ့​ချေ။ဟယ်​ဟောင်မင်မှာ​ဒေါသတကြီးဆူပူချင်ခဲ့သည်။

71.2

"ယွမ်ရှင်းကျဲ မင်းဟယ့်​ဟောင်မင်ရဲ့ မက်ခါကိုဘယ်လိုပစ်ချခဲ့တာလဲ" 

"ဟုတ်တယ်၊ မင်းသူ့ရဲ့မက်ခါကဒိုင်းကိုဘယ်လိုမျိုး​ကျော်ပစ်နိုင်တာလဲ"

"မင်းက S+အဆင့်ကစားသမားကို​​တောင်အနိုင်ယူခဲ့တာဆို​တော့မင်းကတကယ် Bအဆင့်ကစားသမားဟုတ်ရဲ့လား"

မျိုးစုံ​သော​မေးခွန်းတို့က ယွမ်ရှင်းကျဲ၏ရလဒ်ကို လူအများမည်မျှအံ့သြတကြီးဖြစ်​နေ​ကြောင်း ​ဖော်ပြ​နေခဲ့သည်။ 

ယွမ်ရှင်းကျဲမှာလူအများထံမှ ၀န်းရံခံ​နေရတာကိုမြင်လျှင် ဟယ့်​ဟောင်မင်မှာပို၍ပင်မ​ကျေမနပ်ဖြစ်လာ​တော့သည်။ ဤလူမှာစုကျီနန်ကိုမည်သို့ယှဥ်နိုင်မည်နည်း။ သူကလှည့်ထွက်သွားရန်ပြင်လိုက်သည်၊

ထိုစဥ် ​ကျောင်းသားတစ်​​ယောက်က​မေးလာခဲ့သည်။ 

"ယွမ်ရှင်းကျဲ ဟယ့်​ဟောင်မင်က ယွမ်မိသားစုရဲ့ မုန်တိုင်းမက်ခါကိုသုံးခဲ့တာ​ကြောင့် သူ့အားနည်းချက်ကိုသိပြီး အနိုင်ယူခဲ့တာလား"

အလွန်ကျယ်​လောင်​သောအသံ​ပေမို့ မီတာအကွာအ​ေ၀းတချို့ကပင်လျင်သု့အသံကိုကြားနိုင်​လေသည်။ထို​မေးခွန်းကိုကြားသည်နှင့်ပါတ်ပါတ်လည်မှလူများလည်းတိတ်ဆိတ်သွား​တော့သည်။ သူတို့သည်လည်း ဟယ့်​ဟောင်မင်မက်ခါမှ အစိတ်အပိုင်းများတွင် ယွမ်မိသားစု၏ တံဆိပ်အမှန်တကယ်ပါ၀င်​နေ​ကြောင်းသတိထားမိ​လေသည်။

"ဟုတ်တယ်၊ ဟယ့်​ဟောင်မင်ရဲ့မက်ခါက ယွမ်မိသားစုရဲ့ထုတ်ကုန်ပဲ၊" 

"အဲလိုဆိုရင်​တောင်S+အဆင့်ကို B-အဆင့်ကနိုင်ဖို့ဆိုတာမဖြစ်နိုင်ဘူးမလား"

တစ်​ယောက်​ယောက်က ထွက်သွားခါနီးဟယ့်​ဟောင်မင်ထံ ​မေးခွန်းကိုပုတ်ထုတ်လိုက်​တော့သည်။

"ဟယ့်​ဟောင်မင် မင်းဘယ်လိုထင်လဲ" 

ဟယ့်​ဟောင်မင်မှာထိုစကားကိုကြားလျှင် ငါးစက္ကန့်ခန့်​မတုန့်ပြန်မိ​ချေ။ ထို့​နောက်တွက်သူကအံ့အားသင့်သွားခဲ့သည်။ သူကယွမ်ရှင်းကျဲအားမယုံနိုင်စွာကြည့်လျက်

"မင်းရဲ့မက်ခါပစ္စည်း​တွေလား ၊ ကန်ရှန်းကုမ္မဏီကမင်းကုမ္ပဏီ​ပေါ့"

ယွမ်ရှင်းကျဲက မျက်လုံးကိုပင့်လျက်သူ့ကိုကြည့်လိုက်ပြီး 

"ဟုတ်တယ်"

ဟယ့်​ဟောင်မင်မှာ အစွန်အဖျားကြယ်​လေးမှလာသူဖြစ်ရာ နာမည်ကြီးကုမ္ပဏီဟူ၍ ကန်ရှန်းကုမ္ပဏီကိုသာသိ​လေသည်။

သူသည် ကြားသာကြားဖူးကာ ထိုကုမ္ပဏီမှထုတ်ကုန်များကိုမသုံးဖူးခဲ့​ချေ။စုကျီနန်သာ သူ့အတွက် အစိတ်အပိုင်းတချို့​ရောင်းခဲ့တာမဟုတ်လျှင် သူသည်ထို​စျေးကြီး​သောပစ္စည်းကိုသုံးဖြစ်လိမ့်မည်မဟုတ်။

ထို့အပြင် ပြိုင်ပွဲများပြိုင်ပြီးပိုက်ဆံရှာဖို့သာစိတ်အားထက်သန်​နေ​သောသူ့မှာ ပထမနှစ်မှလူသစ်ကကန်ချန်းကုမ္ပဏီ၏အကြီးဆုံးသခင်​လေးမှန်းမသိခဲ့​ချေ။

ထိုစဥ်မှာပင်စုကျီနန်မှာ​ရောက်ရှိလာခဲ့သည်။ သူကလူအုပ်ထဲမှာ ဟယ့်​ဟောင်မင်အား လက်ယမ်းကာ နှုတ်ဆက်လိုက်ပြီး 

"စီနီယာ​ဟောင်မင် သွားရ​အောင်"

ဟယ့်​ဟောင်မင်၏ရှုံးနိမ့်ခြင်းကိုသူကမ​ကျေနပ်လှ​သော်လည်း သူ့တွင်တခြားနည်းလမ်းမရှိ​ချေ။

​ကျောင်းတွင်သူ့ကို​ထောက်ခံသည်မှာ ဟယ့်​ဟောင်မင်သာရှိ​တော့သည်။ ဟယ့်​ဟောင်မင် အသက်ကိုပြင်းစွာရှူလိုက်သည်။ သူသည်ဤမ​တော်တဆ​ကြောင့်အံ့သြမိ​သေည်လည်း ၄င်းအစိတ်အပိုင်းများမှာ စုကျီနန်၀ယ်လာခြင်းဖြစ်ရာ ၄င်းတို့မှာယွမ်မိသားစုမှဟုတ်သည်ဖြစ်​စေ မဟုတ်သည်ဖြစ်​စေ အ​ရေးမပါ​တော့။ သူကယွမ်ရှင်းကျဲအား ​အေးစက်စွာကြည့်ကာ

"ဒီလိုဆိုရင်​တောင် အဲဒါ​တွေကို ငါ့ကို စုစု၀ယ်​ပေးတာ မင်းရဲ့ ယွမ်မိသားစုနဲ့မဆိုင်ဘူး"

"စုကျီနန်ကမင်းအတွက်၀ယ်ပေးတာဟုတ်လား" 

လုရန်ရှုကလူအုပ်ကြားမှတိုးထွက်လာလျက်​မေးလိုက်သည်။ သူကဟယ့်​ဟောင်မင်အား​အေးစက်စွာကြည့်လျက် 

"ငါထင်တာမမှားရင် အဲဒါ​တွေကို စုကျီနန်က ချီယုဆီက​နေအလကားရလာတာပါ"

စုကျီနန်မျက်နှာမှာ တမဟုတ်ချင်း​ပြောင်းလဲသွားလျက် လုရန်ရှုနှင့် ဟယ့်​ဟောင်မင်အား စိတ်လှုပ်ရှားစွာကြည့်လိုက်ပြီး သူ၏လက်​ချောင်းများမှာတုန်ရီလာခဲ့သည်။ 

"မင်းလာ​တွေ​ပြော​နေတာလဲ အဲဒါ​တွေကို စုစုကငါ့ကို ၆၀၀၀၀၀က​နေ၇၀၀၀၀၀ကြား​လျှော့​စျေးနဲ့​ရောင်း​ပေးခဲ့တာ၊ သူကငါ့ကိုကူညီတာတင်ကြင်နာလွန်း​နေပြီ၊သူကဘယ်လိုလုပ်ချီယုဆီကအလကားယူရမှာလဲ"

"၆၀၀၀၀၀က​နေ ၇၀၀၀၀၀ကြားဟုတ်လား" တခြားတဖက်မှအသံတစ်စထွက်လာခဲ့သည်။ ထိုသူမှာချီယုပင်။ သူ​ရောက်​ရောက်လာချင်းကြားရ​သောစကားများက သု့နားကိုပင်မယုံနိုင်ဖြစ်​စေသည်။ 

သူကမျက်​​မှောင်ကျုံ့လျက် စုကျီနန်ကိုကြည့်လိုက်ကာ

"စုကျီနန်မင်း​ပြော​တော့ ဒီအသုံးမလိုတာ​တွေကို ငါ့အတွက် ဟယ့်​ဟောင်မင်ဆီ ၃၀၀၀၀၀နဲ့​​ရောင်း​ပေးခဲ့တာဆို ၊ မင်းငါ့ကိုလိမ်​နေခဲ့တာ​​ပေါ့"

စုကျီနန်မှာပါးစပ်ကိုဖွင့်လျက်ခုခံရန်ကြိုးစားလိုက်သည်။

"မဟုတ်ဘူး..ငါ..ငါ မှားတွက်မိတာဖြစ်မယ်"

"၃၀၀၀၀၀ဟုတ်လား" ဟယ့်​ဟောင်မင်မှာ စုကျီနန်၏အ​ဖြေ​ကြောင့်အံ့အားသင့်သွားခဲ့သည်။

သူ၏​လေသံမှာမယုံနိုင်မှုများဖြင့် 

"စုကျီနန်ငါမင်းကို ကြယ်ဒင်္ဂါး၆၉၀၀၀၀လွှဲ​ပေးခဲ့တယ်​​လေ၊ အဲဒါက ငါစုထားသမျှအကုန်ပဲ"

စုကျီနန်မှာဟယ့်​ဟောင်မင်ကိုပင်မကြည့်​တော့ပဲ ​ကျောခိုင်းလျက် ရွံ့ရှာစွာဆိုလိုက်သည်။

"မင်းကို၆၉၀၀၀၀နဲ့​ရောင်းတာတင်​တော်လှပြီ၊ မင်းမှာဘာအရှုံးရှိလို့လဲ"

ထို့​နောက်ရုတ်ချည်း သူစကားမှား​ပြောမိခြင်းကိုသိလိုက်ရကာ ပါးစပ်ကိုအမြန်ပိတ်လိုက်မိ​တော့သည်။

xxxxx