အပိုင်း ၇၂

Chapter 72

ချီယုအံကိုကြိတ်လျက် "စုကျီနန် မင်းအရှက်မရှိတဲ့လူလိမ် " 

စုကျီနန်မှာရှက်ရွံ့မှု​ကြောင်မျက်နှာမှာ နီရာမှဖြူသွားခဲ့သည်။ ​ဘေးပါတ်ပါတ်လည်မှမျက်၀န်းများမှာ သူ့အား ​ရေခဲအကျဥ်း​ထောင်ထဲဖမ်းချုပ်ခံထားရသကဲ့သို့ ခံစားရ​စေသည်။

လုရန်ရှုမှာ ချီယု၏မျက်နှာမှာထူလွန်းလှသည်ဟုခံစားမိလျက် ​ထေ့​ငေါ့လိုက်သည်။ 

"မင်းက​ရော အရင်တုန်းကကျ ယွမ်ရှင်းကျဲကို မုန်တိုင်းမက်ခါအတွက် အစိတ်အပိုင်း​တွေ​တောင်း​နေခဲ့တာ​လေ မင်းက​ရော စုကျီနန်ထက်ဘာများပို​ကောင်း​နေလို့လဲ"

လုရန်ရှု၏စကားကိုကြားလျှင်လူအုပ်ကြီးမှာအ​ခြေအ​နေကိုချက်ချင်းသ​ဘော​ပေါက်သွားခဲ့သည်။ ချီယု  ဟယ့်​ဟောင်မင်နှင့် စုကျီနန်ကိုကြည့်​နေ​သောသူတို့၏အကြည့်များမှာ ရွံရှာမှုများဖြင့်​ပြည့်နှက်လျက်။

"​သေစမ်း စားစရာဖရဲ​စေ့​တွေကျန်​နေ​သေးတာပဲဟ"

"အ​မေ​ရေ၊ စုကျီနန်က၆၉၀၀၀၀ကို ၃၀၀၀၀၀လို့လိမ်ခဲ့တာ​ပေါ့၊ သူဘယ်​လောက်များများအိတ်ကပ်ထဲထည့်ထားလိုက်တာလဲ"

"စုကျီနန်ကကြားက ကြယ်င်္ဒါး သိန်းဂဏန်း​ကျော်မြတ်သွားတာပဲ မိုက်လိုက်တာ"

"တကယ့်လက်ဖက်စိမ်းမပဲ၊ သူကနှစ်ဖက်လုံးကိုလိမ်​နေခဲ့တာကိုး"

"ချီယုလည်းတကယ့်ရွံစရာပဲ၊ အဲဒီတုန်းကယွမ်ရှင်းကျဲကသူ့ရဲ့သူတို့သား​​လောင်းဖြစ်​နေတုန်းပဲ၊ အဲဒါကိုယွမ်ရှင်းကျဲ​ပေးထားတဲ့ပစ္စည်း​တွေကိုသူများကိုပြန်​ရောင်းပစ်တယ်"

"ဟယ့်​ဟောင်မင်​​ရောဘာထူးလဲ၊ ယွမ်ရှင်းကျဲကိုများ ရွံစရာစကား​တွေ​ပြောရဲ​သေးတယ်"

"တကယ်ဂုတ်​သွေးစုတ်တဲ့ အုပ်စုပဲ"

ဖရဲ​​​စေ့စား​နေ​သောလူအုပ်ကြီးမှာ ပြဇာတ်​ကောင်းကိုကြည့်လျက် ​ဆွေး​နွေး​နေကြသည်။ အများစုမှာ ယွမ်ရှင်းကျဲအားဂရုဏာသက်စွာကြည့်​နေကြ​လေသည်၊

သူ့ခမျာ သူ၏သူတို့သား​​လောင်း၏​ဖောက်ပြန်ခြင်းကိုခံခဲ့ရသည်။ ထို့အပြင် လက်ဖက်စိမ်းမထံမှ ဂုတ်​သွေးစုပ်ခြင်းကိုလည်းခံရသည်။ ထိုလက်ဖက်စိမ်းမကသူ့အား နာမည်ဖျက်ပြီးဟယ့်​ဟောင်မင်နှင့်လည်း ထိပ်တိုက်​တွေ့​စေခဲ့သည်။

ယွမ်ရှင်းကျဲ၏ထက်မြက်​သောစွမ်းရည်​ကြောင့်သာမဟုတ်လျှင် ဟယ့်​ဟောင်မင်နှင့်ရင်ဆိုင်ရခြင်းမှာအဆုံးသတ်​ကောင်းလိမ့်မည်မဟုတ်​ချေ။

​လော့၀မ်ချွမ်း ခယ့်လိုင်နှင့် အက်ရှ​လေတို့မှာလည်းထို​နေရာတွင်ရှိ​နေခဲ့သည်။ အက်ရှ​လေမှာ ဖြစ်ပျက်သည်တို့ကိုကြားလျှင် ပါးစပ်ကိုလက်နှင့်မကာပဲမ​နေနိုင်ခဲ့​ချေ။

"ဘုရား​ရေ သူကသနားစရာ​ကောင်းလိုက်တာ"

ယွမ်ရှင်းကျဲမှာထိုသို့ဖြစ်လာခြင်းကိုအံ့ပင်မအံ့သြ​ချေ။အစကတည်းကပင် သူ့မှာချီယုအတွက်​မျှော်လင့်ချက်ရှိမ​နေခဲ့တာဖြစ်သည်။

​လော့၀မ်ချွမ်းမှာလူအုပ်အလယ်ကလူငယ်​လေးကိုကြည့်ရင်း မျက်​​မှောင်ကျုံ့လိုက်မိသည်။ သူ၏မျက်လုံးထဲတွင် မခံမရပ်နိုင်မှုတစွန်းတစထွက်​ပေါ်လာခဲ့သည်။ 

ချီယုမှာယွမ်ရှင်းကျဲကိုကြည့်ကာ​တောင်းပန်လိုက်သည်။ 

"ရှင်းကျဲ ငါတကယ်မှားခဲ့ပါတယ်၊ ဒါ​ပေမယ့် ဟယ့်​ဟောင်မင်က မင်းကိုအဲဒီပစ္စည်း​တွေနဲ့တိုက်ခိုက်လာမယ်လို့​တော့တကယ်မထင်ထားတာပါ၊ ငါ​ရောင်းရတဲ့​ငွေ​တွေကို​တော့ မင်းကိုပြန်​ပေးပါ့မယ်၊ တပြားမှမ​လျော့​စေရပါဘူး၊ ငါ့ကိုခွင့်လွှတ်​ပေးပါ"

ယွမ်ရှင်းကျဲမှာချီယုနှင့်တကယ်ကိုဘာမှ​ပြောချင်စိတ်မရှိ​ချေ။ သူကချီယုကို​အေးစက်စွာကြည့်လျက်

"မင်းကိုခွင့်မလွှတ်နိုင်ဘူး၊ ပိုက်ဆံလား၊ ဒါ​ပေါ့ မင်းပြန်​ပေးဖို့လိုတာ​ပေါ့"

"ငါကျိန်း​သေပြန်​ပေးမှာပါ" ချီယုကစုကျီနန်ကိုကြည့်လိုက်ကာ သူ၏​လေသံမှာချက်ချင်း​အေးစက်သွားလျက်

"စုကျီနန် ၆၉၀၀၀၀ထဲကမင်းအ​ချောင်နှိုက်သွားတဲ့ ၄၉၀၀၀၀ကို ရှင်းကျဲကိုပြန်​ပေးလိုက်ပါ"

စုကျီနန်၏နှုတ်ခမ်းတို့တုန်ရီလာခဲ့သည်။ သူကချီယုကိုကြည့်လျက်​တောင်းပန်လိုက်သည်။ 

"ချီယု မင်းဘာလို့ဒီလိုလုပ်ရက်ရတာလဲ၊ အဲဒါကမင်းအကြံလည်းပါခဲ့တာပဲ​လေ"

ချီယုမှ ယွမ်ရှင်းကျဲသူ့အားစိတ်ဆိုးမည်စိုး၍ စုကျီနန်အားဖြတ်​ပြောလိုက်သည်။ 

"ပါးစပ်ပိတ်ထား"

ထိုစဥ်ဟယ့်​ဟောင်မင်မှာ ရုတ်ချည်းအသိ၀င်လာခဲ့ကာ မျက်​မှောင်ကြုတ် လျက် စုကျီနန်အား စူးရှစွာကြည့်ကာ 

"စုစု သူတို့​​ပြောတာအမှန်ပဲလား၊ မင်းတကယ်ပဲ အဲလိုလုပ်ခဲ့တာလား"

"ငါ..ငါ မဟုတ်.." စုကျီနန်မှာ လူအုပ်ကြားမှလွတ်​မြောက်ရန်ကြိုးစားရင်းဆိုလိုက်သည်။ သို့​သော်လူအုပ်ကသူ့အားလျှင်မြန်စွာ၀ိုင်းထားလိုက်​လေသည်။

"မင်းတကယ်ပဲ ယွမ်ရှင်းကျဲရဲ့ မက်ခါပစ္စည်း​တွေကိုပြန်​ရောင်းခဲ့တယ်​ပေါ့?ပြီး​တော့ ၃၀၀၀၀၀နဲ့​ရောင်းတာဆိုပြီး​​တောင်လိမ်လိုက်​သေးတယ်၊ " 

ဟယ့်​ဟောင်မင်မှာ ထွက်​ပြေးရန်ပြင်​နေ​သော စုကျီနန်လက်ကိုဖမ်းဆွဲလျက် 

"စုကျီနန်မင်းဘာလို့ဒီလိုလုပ်ရတာလဲ" 

"ဟယ့်​ဟောင်မင် မင်းကပါငါ့ကိုဒီလိုဆက်ဆံ​နေတာလား၊ "စုကျီနန်ကမတရားခံရသလိုအကြည့်မျိုးဖြင့် ဟယ့်​ဟောင်မင်အားကြည့်လျက် တုန်ရီ​နေ​သောအသံဖြင့် 

"ငါတို့နှစ်​ယောက်လုံး ကြယ်အစွန်အဖျားကလာတာ​လေ၊ မြို့​တော်မှာ ပထမနှစ်​တွေအတွက်​နေထိုင်စားရိတ်ဘယ်​လောက်ကုန်လဲ မင်းသိတာပဲ၊ငါလည်း ​ငွေလိုနေလို့ပါ၊ ငါဥပ​ဒေကိုလည်းမချိုး​ဖောက်ခဲ့ပါဘူး၊ ငါ့ကိုခွင့်လွှတ်ပါ"

ထို့​နောက်စုကျီနန်မှာ ယွမ်ရှင်းကျဲနှင့်ချီယုကိုကြည့်လျက် ကျယ်​လောင်စွာ​ပြောလိုက်သည်။ 

"ယွမ်ရှင်းကျဲကချီယုကို အဲဒီပစ္စည်း​တွေလိုလိုချင်ချင်​ပေးခဲ့တာ၊ ချီယုကလည်းကလည်းသူ့ဆန္ဒနဲ့သူ​ရောင်းတာ၊ ဒီ​တော့ငါ​ရောင်းတာ ဘာမှား​နေလို့လဲ"

ဟယ့်​ဟောင်မင်မှာ စုကျီနန်အား​အေးစက်စွာကြည့်လျက် အလှည့်စားခံရ​သောခါးသည်းမှုနာကျင်မှုများဖြင့် "စုကျီနန်ငါမင်းကိုသိပ်စိတ်ပျက်တယ်"

စုကျီနန်ကမူဟယ့်​ဟောင်မင်အား​အော်ဟစ်လိုက်သည်။ 

"မင်းဘာလို့ဟန်​ဆောင်​နေတာလဲ၊ မင်းအဲဒါ​တွေကို၀ယ်တုန်းကအရမ်း​ကျေနပ်​နေခဲ့တာ​လေ၊အခုကျငါ့ကိုစိတ်ပျက်တယ်ဟုတ်လား၊ ယွမ်ရှင်းကျဲ​ပေးထားတဲ့ဟာ​တွေသာမရှိရင် မင်းဒီ​နေ့ဘာများလုပ်နိုင်မှာလဲ

​ကျောင်းအသင်းကို​တောင်၀င်နိုင်မှာလား"

စုကျီနန်ထံမှသ​ရော်ခံရမှု​ကြောင့် ဟယ့်​ဟောင်မင်၏မျက်နှာမှာ ဖြူ​ဖျော့သွားခဲ့သည်။ သူ၏မျက်လုံးတို့မှာ လွန်ခဲ့​သော မိနစ်အနည်းငယ်ကသူ​ထေ့​ငေါ့ခဲ့​သောယွမ်ရှင်းကျဲကိုကြည့်လျက် ​ပြောမပြတတ်​သောခံစားချက်များဖြင့်ပြည့်နှက်သွား​တော့သည်၊

72.2

စုကျီနန်က​​ သူ့အား​လှောင်ရယ်လိုက်ကာ 

"မင်းS+အဆင့်ရှိလို့သာပဲ၊ မင်းကBအဆင့်ကို​တောင်မချနိုင်တဲ့ အမှိုက်ကစားသမားပဲ"

ချီယုကသု့အား​အေးစက်စွာကြည့်လျက် 

"စုကျီနန်မင်းဘာမင်းလူ​တွေကိုလိမ်တာဟာ မင်းရဲ့အပြစ်သပ်သပ်ပဲ"

"ပြီး​တော့မင်း" စုကျီနန်အံကိုကြိတ်လျက် ချီယုအား​ပြောလိုက်သည်၊ 

"မင်း​ရော ယွမ်ရှင်းကျဲဆီက ပစ္စည်း​တွေယူခဲ့တာ နည်းနည်း​နောနောလား၊ပထမနှစ်တစ်နှစ်ထဲနဲ့တင် ချီမိသားစုက ကန်ရှန်းကုမ္ပဏီက​နေမက်ခါဘယ်​လောက်များများခိုးထုတ်ထားတာလဲ၊ လူ​တွေက​တော့ ယွမ်မိသားစုက မင်းတို့မိသားစုဆီက အကျိုးအမြတ်ရ​နေတယ်ထင်ကြတယ်၊တကယ်တမ်းမှာမင်းတို့ချီမိသားစုကသာ ဂုတ်​သွေးစုပ်​နေတာမဟုတ်ဘူးလား၊ မင်းမှာငါ့ကိုအပြစ်​ပြောဖို့ ဘာအရည်အချင်းရှိလဲ"

ချီယု၏လက်နှင့်​ခြေတို့မှာ ချက်ချင်း​အေးစက်လာ​တော့သည်။ သူသည်စိတ်လှုပ်ရှားစွာတံ​တွေးမြိုချလိုက်ပြီး ယွမ်ရှင်းကျဲအားအမြန်ကြည့်လိုက်မိသည်၊ 

ယွမ်ရှင်းကျဲ၏​လေသံမှာ ခံစားချက်တစိုးတစိမျှမပါရှိပဲရှင်းလင်းလျက်ပင် "ဘယ်​လောက်များများအ​ကြွေးတင်​နေတာလဲ၊ မင်းဘာမင်းပြန်စဥ်းစားပါ"

သူကိုယ်တိုင်လည်း​ငွေမည်းများကိုသိပ်မလိုချင်လှ​ချေ။ ထို့အပြင်သူ့တွင်မူလယွမ်ရှင်းကျဲအားသနားစိတ်သာရှိသည်၊ အကယ်၍ချီယုသာ​ငွေများကိုသူ့ထံပြန်​ပေးနိုင်လျှင် မူလပိုင်ရှင်၏အစွဲတချို့ကိုပျယ်​စေလိမ့်မည်ဟု​မျှော်လင့်မိသည်ပင်။

ဟယ့်​ဟောင်မင်ကယွမ်ရှင်းကျဲအားကြည့်လျက် သူ၏လည်​စေ့မှာလှုပ်ရှား​နေခဲ့သည်။ သူ၏မက်ခါပစ္စည်းများမှာ ယွမ်ရှင်းကျဲထံမှရရှိထားသည်များဖြစ်​​နေမည်ဟု မ​မျှော်လင့်ထားမိ​ချေ။ ရုတ်တရက်သူသည် အ​ခြေအ​နေက​ပြောင်းပြန်လှန်သွားသလိုခံစားရသည်။ ခံစားချက်မျိုးစုံကသူ့အားအလွန်မသက်မသာဖြစ်​စေသည်။

သူက​​ရှေ့သို့တိုးလျက် ယွမ်ရှင်းကျဲအား​တောင်းပန်လိုခဲ့သည်။ သို့​သော်သူဘာကိုမှ​ပြောမထွက်​ချေ၊ 

သူကိုယ်တိုင်ယွမ်ရှင်းကျဲကို​ပြောခဲ့​သော ရက်စက်​သောစကားလုံးများကိုသတိရမိလျှင် လွန်စွာရှက်ရွံ့မိ​တော့သည်၊ 

ယွမ်ရှင်းကျဲဘာမှမတုံ့ပြန်သည်ကိုမြင်လျှင် ချီယုက​​ရှေ့သို့လှမ်းလျက် လက်ကိုဖမ်းဆွဲချင်ခဲ့သည်။ 

သို့​သော်ချီယု၏လက်မှာ ဖြတ်ခနဲရိုက်ထုတ်ခံလိုက်ရ​တော့သည်။

​လော့၀မ်ချွမ်းမှာမည်သည့်အချိန်က ယွမ်ရှင်းကျဲ၏​ဘေးကို​​ရောက်​နေခဲ့သလဲမသိ​ချေ။ သူ၏ရှည်လျား​သောအရပ်ဖြင့် ​​ဘေးပါတ်၀န်းကျင်အားကာလိုက်ကာ ချီယုအား​အေးစက်စွာ​ပြောလိုက်သည်၊

"မင်းနဲ့စုကျီနန်နဲ့ နှစ်​ယောက်​ပေါင်း​ပေးရမယ့်အ​ကြွေးကို​သေချာတွက်ထားပါ၊ ယွမ်ရှင်းကျဲကိုမ​နှောင့်ယှက်ပါနဲ့"

စုကျီနန်၏​လေသံမှာတုန်ရီလျက်

"ငါ့မှာ​ငွေအများကြီးမရှိပါဘူး"

"ဒါဆို​ကျောင်းကထွက်"

​လော့၀မ်ချွမ်း၏​လေသံမှာလွန်စွာ​အေးစက်လှသည်။သူ၏စကားလုံးများကစုကျီနန်အားဓါးသဖွယ်​ဖောက်ထွင်းသွားခဲ့သည်။

၄င်းကိုမြင်လျှင် ချီယုကအမြန်​ပြောလိုက်သည်။ 

"ငါပြန်​ပေးမှာပါ ရှင်းကျဲ ငါ့ကိုနား​ထောင်နိုင်မလား၊ ငါတကယ်မရည်ရွယ်ပါဘူး"

"ဒါကိုမှတကယ်မရည်ရွယ်ဘူးဆိုရင် ရူး​နေလို့လား" ​

လော့၀မ်ချွမ်းမှာ ချီယုအားနည်းနည်းမှမျက်နှာသာမ​ပေးခဲ့​ချေ။သူသည် ယွမ်ရှင်းကျဲနှင့်ချီယုကြား နံရံကြီးသဖွယ် ကာဆီး​နေခဲ့သည်။

ချီယုမှာ​လော့၀မ်ချွမ်း၏စကား​ကြောင့် သီး​တော့မတက်​ပင်။ ​ဘေးပါတ်လည်ရှိမျက်၀န်းများမှာလည်း သူ့အား​လှောင်​ပြောင်​နေကြသည်။ 

ယွမ်ရှင်းကျဲမှာ ​လော့၀မ်ချွမ်းအား အ​ငေးသားကြည့်​နေမိစဥ် တဖက်လူမှာ​ဘေးမှအကြည့်တို့မှ သူ့အား သန်မာ​သောလက်​မောင်းများကြားထည့်လျက် ကာကွယ်လိုက်သည်ကို မြင်လိုက်ရ​လေသည်။

ယွမ်ရှင်းကျဲအသိပြန်၀င်လာချိန်တွင် ​လော့၀မ်ချွမ်းမှာသု့အား လူအုပ်အ​ေ၀းမှ ​ခေါ်ထုတ်သွားခဲ့ပြီးဖြစ်​လေသည်။

ချီယုက​​နောက်မှလှမ်း​အော်​ပြော​နေခဲ့သည်။ "ရှင်းကျဲမသွားပါနဲ့ ငါမင်းကို ၆၉၀၀၀၀ယွမ်​ပေးမှာပါ၊ ရှင်းကျဲ"

လုရန်ရှုကမျက်​မှောင်ကျုံ့လျက် "နားညီးလိုက်တာ၊ မင်းပိုက်ဆံအရင်​ပေးပြီးမှဆက်​ပြောလို့ရမလား"

ချီယုမျက်နှာမှာဖြူ​ဖျော့လျက် ဘာကိုမှမဆိုနိုင်​တော့။

​လော့၀မ်ချွမ်းကယွမ်ရှင်းကျဲအား ချယ်ရီ​တောအုပ်ထံ​ခေါ်ထုတ်သွားခဲ့သည်။

ယွမ်ရှင်းကျဲမှာ​တံ​တွေးကိုမြိုချလျက် တိုးတိုး​လေး​ပြောလိုက်သည်။

"စီနီယာကိုဒုက္ခ​ပေးမိပြန်ပြီ"

ယွမ်ရှင်းကျဲမှာ မိမိသည်​လော့၀မ်ချွမ်းအားရှက်စရာအ​ကောင်းဆုံးအ​ခြေအ​နေမျိုးတွင်သာအမြဲ​တွေ့​နေရသလိုခံစားရသည်။

"မင်းသူတို့နဲ့ မဆက်ဆံချင်ရင် သူတို့နဲ့​ဝေးဝေး နေလို့ရတယ်"​လော့၀မ်ချွမ်းကယွမ်ရှင်းကျဲအားငုံ့ကြည့်လျက် သူ၏​လေသံမှာတည်ငြိမ်​နေခဲ့သညံ္ 

"သူတို့နဲ့မဖြစ်မ​နေ​တွေ့ဖို့လိုရင် ငါမင်းနဲ့လိုက်ခဲ့​ပေးမယ်"

​လော့၀မ်ချွမ်းမှာယွမ်ရှင်းကျဲ၏​ဘေးတွင် ခိုင်မာစွာ ညင်သာစွာအမြဲရပ်​နေ​ပေး​ခဲ့သည်။

ချီယု၏"ငါမင်းအ​ပေါ်​ကောင်းပါ့မယ်"ဟူ​သော စကားများကဲ့သို့မဟုတ်ပဲ" ​လော့၀မ်ချွမ်းမှာသူ့အ​ပေါ် အလွန်ကြင်နာလွန်းလှသည်ဟုခံစားမိ​လေသည်။ သူကအမြဲကာကွယ်​ပေးရန်အသင့်ရှိ​နေ​ပေးသည်။

ထို့​ကြောင့် သူ ယွမ်ရှင်းကျဲ မငြင်းဆန်နိုင်ခြင်းဖြစ်ပါလိမ့်မည်။

xxxxx