အပိုင်း ၄

Chapter - 4

" ချယ်လ်စီ "

ဒရိတ်ခ် ကနူးနူးညံ့ညံ့လေးခေါ်လိုက်သည် ။

" ဖေဖေက မီးမီးကို အရမ်းလွမ်းနေတာလို့ ပါးပါးကပြောတယ် "

ချယ်လ်စီ လေးကပျော်ရွှင်စွာပြောလိုက်သည် ။

ဒရိတ်ခ် က ချယ်လ်စီ လေးကိုချီထားသည့် ပါကာကိုကြည့် ကာ အံ့သြနေပုံရသည် ။ ကလေးမလေး ကိုချီဖို့ဆိုသည်မှာ ပါကာလုပ်မည့်အရာမဟုတ်ပေ ။

ပါကာ ချယ်လ်စီ လေးကိုချပေးလိုက်သည်နှင့် နတ်သမီးလေးက သူမ၏ဖေဖေဆီ အပြေးသွားခဲ့သည် ။ ဒရိတ်ခ် ကသူမနှဖူးလေးကို ညင်ညင်သာသာ နမ်းကာ ပါကာကိုလှမ်းကြည့်လိုက်ပြီး အေးစက်စွာပြောလိုက်သည် ။

" ငါကွာရှင်းစာချုပ်ကိုအသင့် ပြင်ထားပြီးသား မင်းပိုက်ဆံ အတွက်စိတ်ပူနေတယ်ဆိုရင် နစ်နာကြေးအတွက် ဒေါ်လာ သန်း၇၀ ရမယ် ချယ်လ်စီ လေးရှေ့ကိုသာ နောက်ထပ်ပေါ်မလာနဲ့ "

လန်လင်း "........."

သူမူလပါကာကို နောက်ထပ်သတ်ချင်သွားပြန်ပြီ! 

ပါကာက တောင်းပန်နေတဲ့လေသံလေးနဲ့ပြောလိုက်သည် ။

" ချယ်လ်စီ လေးရှေ့မှာ ဒီလိုအကြောင်းတွေပြောဖို့က သင့်တော်လို့လား "

ဤအပြုအမူက ဒရိတ်ခ် ကိုသတိထားမိသွားစေသည် ။ အရင်အချိန်များတွင် ပါကာက အမြဲလိုလိုအော်ဟစ်ဆူညံနေကြဖြစ်ပြီး ကလေးရှေ့တွင် ဘဲဖြစ်ဖြစ်ဂရုမစိုက်တတ်ပေ ။

' သူဘာတွေကြံနေပြန်တာလဲ... '

" ချယ်လ်စီ ဘာလို့သမီးအရုပ်တွေနဲ့သွားမကစားတာလဲ ဘန်ဘန်ကသမီးကိုလွမ်းနေလောက်ပြီ "

ဒရိတ်ခ် ကပြောလိုက်သည် ။ ချယ်လ်စီ လေးကပါကာဆီပြေးသွားကာ သူ့ရဲ့ ဘောင်းဘီ အနားစလေးကိုဆွဲကာ ပြောလိုက်သည် ။

" ဘန်ဘန် နဲ့သွားတွေ့ရအောင် ပါးပါး "

သူမလေး၏ ချစ်စရာကောင်းသည့် အပြုအမူလေးတွေကြောင့် ပါကာရဲ့ နှလုံးသား လေးအရည်ပျော်သွားရပြန်သည် ။

သူမက ဒရိတ်ခ် ကိုတစ်လှည့် ပါကာကိုတစ်လှည့် ကြည့်နေခဲ့သည် ။ ပါကာက သူမပါးလေးကို အသာလေးတို့ကာ ပြောလိုက်သည် ။

" ပါးပါးနဲ့ ဖေဖေက စကားပြောဦးမှာမို့လို့ ဘန်ဘန် ကိုနောက်မှတွေ့ရအောင်နော် နတ်သမီးလေး "

" ပါးပါး မီးမီးကို ဂတိပေးလား "

" အင်း ပါးပါး ဂတိပေးတယ်နော် "

ပါကာက နတ်သမီးလေး နှင့်လက်သန်းချင်း ချိတ်ကာဂတိပေးပြီးနောက် ချယ်လ်စီ လေးက ပျော်ရွှင်စွာနဲ့ သူမအခန်းကို ပြန်သွားတော့ သည် ။

ဒရိတ်ခ် ကပိုပြီး သတိထား မိသွားခဲ့သည် ။ ဘယ်အချိန်ကတည်းက ပါကာက ညင်ညင်သာသာ ပြောဆိုတတ်သွားရတာလဲ?

" အမ် ဒရိတ်ခ် "

" အခုတော့ မင်းငါ့နာမည်ကိုသိပြီပေါ့ မင်းက ငါ့သမီးကိုပြန်ပေးဆွဲရဲရအောင် သတ္တိတွေ ရှိနေတာလား ....

ဒရိတ်ခ် ကအရမ်းဒေါသထွက်နေခဲ့သည် ။ သူကထရပ်လိုက်ပြီး ပါကာဆီ လျှောက် လာကာ ပါကာ့အား နံရံမှာဖိကပ်လိုက်သည် ။

" တကယ်တော့ သူမက ငါ့သမီးလဲဟုတ်တယ်လေ ဆိုတော့ ဒါကပြန်ပေးဆွဲတာမဟုတ်ဘူး "

ပါကာက စကားပြောရင်း တုန်ရီနေသည် ။

" အိုး .... အခုတော့မင်းမှာ သမီးတစ်ယောက် ရှိမှန်း သိပြီပေါ့ ။ သူမကို မမွေးဖွားလာရင် အကောင်းဆုံး လို့မင်းအမြဲပြောနေခဲ့တာ မဟုတ်ဘူးလား ဘယ်မိဘက ကိုယ့်သားသမီးကို အဲ့ဒီလိုပြောလို့လဲ "

' အဲ့လိုကြီး ဇွတ်အပြစ်မတင်နဲ့လေ အဲ့လိုတွေပြောခဲ့တာ မူလပါကာလေသူမှမဟုတ်တာ '

ပါကာက ခွေးကောင်မူလပါကာကို ကျိိန်ဆဲမိပြန်သည် ။

" ငါမင်းကို ချယ်လ်စီ လေးရှေ့မှာ တစ်သက်လုံး ပေါ်မလာစေချင်ဘူး ပိုက်ဆံတွေယူပြီး အေးအေးဆေးဆေး ထွက်သွား ငါမင်းကိုထပ်မမြင်ချင်ဘူး "

" ငါမလုပ်ချင်ဘူး "

ပါကာက ပြောလိုက်သည် ။ ဒရိတ်ခ် ကာသူ့ကိုစူးစူးဝါးဝါး စိုက်ကြည့်ကာပြောသည် ။

" မင်းထွက်သွားဖို့ ဘာလိုချင်လဲ "

" ရီစရာကောင်းတာက ငါထွက်မသွားချင်တာဘဲ "

ပါကာက ခေါင်းမာနေကာ အလျှော့မပေးပေ ။ 

" မရဘူး ပါကာ မင်းအရင်ကတည်းက မင်းဖြစ်ချင်တဲ့ဘဝကိုရွေးချယ်ပြီးသားဘဲ ချယ်လ်စီ လေးက သူ့အတွက်ကောင်းပြီး ဂရုစိုက်ပေးနိုင်တဲ့ အုပ်ထိန်းသူမျိုးကိုလိုအပ်နေတာ "

" ငါဖြစ်နိုင်ပါတယ် "

ပါကာက အလောတကြီး ဆက်ပြောသည် ။

" ငါဖြစ်မှာပါ "

" ဟမ့် မင်းက သူမအတွက် အမေကောင်းဖြစ်ချင်တယ်ပေါ့ "

ဒရိတ်ခ် ကအထင်သေးစွာကြည့်ကာပြောလိုက်သည် ။

" မင်းလိုချင်တာကိုဘဲ တည့်တည့်ပြောစမ်းပါ "

" မဟုတ်ဘူး ငါဘာမှမလိုချင်ဘူး ငါက ချယ်လ်စီ လေးအတွက်အမကောင်းဖြစ်ပြီး မင်းအတွက် ဇနီးကောင်း တစ်ယောက် ဖြစ်ချင်ရုံတင်ပါ "

နောက်ဆုံးတစ်ခွန်း ပြောသည့်အချိန်တွင် ပါကာက အရမ်းရှက်ရွံ့နေခဲ့သည် ။ 

 ပါကာသာတကယ် ထိုသို့ပြောင်းလဲမည် ဆိုလျှင် x အရမ်းပျော်မိမှာဖြစ်သည် ။

သို့သော်လည်းပါကာက တည်တည်ငြိမ်ငြိမ်  သူနောင်တရနေရမည်ဖြစ်သည် ။ ချယ်လ်စီ လေးကအကောင်းဆုံးတွေနှင့်သာထိုက်တန်သည် ။

" မင်းတကယ် ဘာကိုလိုချင်နေတာလဲ "

" ငါတကယ်ပြောတာပါ ငါ့ကိုတစ်လဘဲအချိန်ပေးပါ ငါတကယ်ပြောင်းလဲလာကြောင်း သက်သေပြပါ့မယ် "

" ဘာလို့လဲ ငါမင်းကို အချိန်တစ်နှစ်ပေးမယ် "

ဒရိတ်ခ် ကရွဲ့ပြောလိုက်သည် ။

" ငါအရင်တုန်းက မကောင်းတာတွေအများကြီး လုပ်မိခဲ့မှန်းငါသိပါတယ် ဒါပေမဲ့ ငါ့ကိုအချိန်တစ်လဘဲပေးပါ တစ်လအတွင်း သက်သေမပြနိုင်ရင် ငါပိုက်ဆံတပြားမှမယူဘဲ ကွာရှင်းပေးပါ့မယ် "

ပါကာ ကစိတ်ဆုံးဖြတ်ကာပြောလိုက်သည် ။ 

xxxxxxxxx