အပိုင်း ၄၅

Chapter 45

Daddy's little ( 45)

ဒီဗိုရာက သူမ၏ခေါင်းကိုခါယမ်းရင်း ပြောလိုက်သည် ။

" မဖြစ်နိုင်တာ ရှင်လိမ်နေတာ! "

" အော်ဟစ်မနေနဲ့ ဒီဗိုရာ အစကမင်းသဘောကျနေခွင့်ပြုပေးခဲ့ပေးမဲ့ မင်းရဲ့အပြုအမူတွေက အရမ်းလွန်လာတာ ကိုယ့်ကိုယ်တောင်သိရဲ့လား "

ဒန်းနစ်က သက်ပြင်းဖွဖွချလိုက်ရင်း သူမကိုစိတ်ပျက်စွာကြည့်နေသည် ။

" မင်းရဲ့ ပါးပါးက ငါနဲ့ရန်ဆဲလ်ရဲ့ အကြောင်းကိုဘယ်လိုပြောပြထားလဲငါမသိပေမဲ့ ရိုင်းစိုင်းတဲ့အပြုအမူတွေကိုငါဆက်ပြီးသည်းခံမှာမဟုတ်တော့ဘူး မင်းကမိသားစုနှစ်စု ပျော်ပျော်ရွှင်ရွှင်နေရမဲ့ခရစ်စမတ်ကိုဖျက်ဆီးပစ်လိုက်တာဘဲ...ဘာမှမသိသေးတဲ့ကလေးတစ်ယောက်ကိုစိတ်ဒဏ်ရာပေးရတာအရမ်းပျော်ဖို့ကောင်းနေလား "

ဒန်းနစ်က သူမကိုအံကြိတ်ရင်းမေးလိုက်သည် ။

" မင်းဒီလိုစိတ်ဓာတ်မျိုးရှိနေတာကိုသာ ရန်ဆဲလ် သိရင်အရမ်းစိတ်ပျက်သွားမယ်ထင်တယ် "

ဒီဗိုရာက သူမ၏ဒေါသတကြီးဖြင့် နူတ်ခမ်းကိုက်ကာပြောလိုက်သည် ။

" စိတ်မဝင်စားဘူး ကျွန်မရဲ့ပါးပါးကိုဘဲတွေ့ချင်တယ် "

ထို့နောက်တွင်သူမက ခြေဆောင့်ရင်းလှေကားပေါ်သို့တက်နေသည့်အချိန်၌ ဒန်းနစ်က လှောင်ရီကာမေးလိုက်သည် ။

" သူကမင်းကိုလိုချင်မှာတဲ့လား "

ဒီဗိုရာ၏ ခြေလှမ်းများမှာ ခေတ္တရပ်တန့်သွားပါသော်လည်း ဘာမျှပြန်ပြောမလာခဲ့ချေ ။

" ဖြစ်ခဲ့သမျှကိစ္စတွေအကုန်လုံးအတွက်တောင်းပန်ပါတယ် သူမကိုအရမ်းအလိုလိုက်ထားမိလို့ဖြစ်ရတာပါ ...နောက်တစ်ခါမရှိစေရအောင်သေချာဂရုစိုက်ပါ့မယ် "

ပါကာက ချယ်စီလေး၏ကျောကိုပုတ်ပေးနေရင်းပြောလိုက်သည် ။

" ဒီလောက်တောင် သူ့ပါးပါးနဲ့တွေ့ချင်နေမှတော့ ပေးတွေ့ခိုင်းလိုက်ပေါ့ "

" ဖြစ်ပါ့မလား "

" ကလေးမှမဟုတ်တော့တာကို ကိုယ်တိုင်ဆုံးဖြတ်ပါစေပေါ့ ပိတ်ရက်ကိုသူ့ပါးပါးနဲ့နေရအောင်လိုက်ပို့ပေးထားလိုက်လေ "

" ပါကာ... ဖြစ်ပါ့..."

" ဒီဗိုရာပြောသွားတဲ့ပုံကိုကြည့်လေ ယုံတဲ့ပုံမှမပေါ်တာ အတူတူနေခိုင်းပြီး သူ့ရဲ့အသုံးမကျတဲ့ပါးပါးက ဘယ်လောက်တောင်ချစ်ပေးနိုင်မလဲကြည့်ရအောင် သူတို့နှစ်ယောက်ကစရိုက်တူတော့ အဆင်ပြေချင်ပြေသွားမှာပေါ့ "

ဒန်းနစ်က ဤကိစ္စကိုဆွေးနွေးရန် ရန်ဆဲလ် အိမ်ပြန်လာချိန်ကိုစောင့်နေပြီး ပါကာက ချယ်လ်စီလေးကို ချီ၍အခန်းထဲသို့ဝင်သွားသည် ။ ထိုနေ့ည၌ ဒရိတ်ခ်နှင့်ပါကာ မည်မျှပင်ချော့မော့ပါစေ ချယ်လ်စီလေးကအိပ်စက်ရန်ငြင်းဆန်နေသည် ။

သူမ၏ငါးရုပ်ခေါင်းအုံးလေးကိုဖက်ထား၍ မျက်နှာတစ်ဝက်အားစောင်နှင့်အုပ်ထားပြီး သနားစဖွာ်မျက်ဝန်းရွဲကြီးများကိုသာဖော်ထားသည် ။

" မီးမီး အိပ်နေတုန်းစန်တာရောက်လာပြီး သူရဲ့သွားချွန်ချွန်ကြီးတွေနဲ့ မီးမီးကိုကိုက်စားသွားရင်ဘယ်လိုလုပ်မလဲ...မအိပ်ချင်ဘူး "

ကလေးသူငယ်ညှင်းပန်းနှိပ်စက်မူ ဥပဒေနှင့်သာမညိပါက ဒီဗိုရာအား အမှန်ပင်အားရပါးရဆွဲထိုးလိုက်ချင်သည် ။ ယုန်ပေါက်လေးတစ်ကောင်ကဲ့သို့ ကြောက်ရွံ နေသောချယ်လ်စီ လေးကိုကြည့်၍ ပါကာအရမ်းစိတ်မကောင်းဖြစ်သွားရသည် ။

" စန်တာက သမီးကိုစားမှာမဟုတ်ပါဘူး အဲ့ဒီလူဆိုးကြီးက စန်တာ့ရဲ့အမြွှာညီလေ "

ဒရိတ်ခ်က ထိုသို့ပြောရင်းသူမလေးကိုဖက်ထားလိုက်သည့်အခါ ချယ်လ်စီလေး ကစောင်အောက်မှခေါင်းထွက်၍ စိတ်ဝင်တစားမေးလိုက်သည် ။

" အမြွှာ! "

" အင်း...မလိမ္မာတဲ့ကလေးတွေကိုဘဲစားတဲ့အမြွှာညီ "

" မလိမ္မာတဲ့ကလေးတွေလား?  ဒါပေမဲ့ ကလေးတွေကိုစားတာဘဲလေ ဖေဖေရယ် "

" အဲ့တာကဘာဖြစ်လို့လဲဆိုတော့ သူတို့ကအရမ်းဆိုးသွမ်းနေပြီး ခရစ်စမတ်ပွဲတော်ကိုဖျက်စီးကြတာကြောင့်မို့ "

ဒရိတ်ခ်က သူမလေး၏ခေါင်းကိုခပ်ဖွဖွပွတ်သပ်ပေးနေသည် ။

" အဲ့တာဆို သူက မမဒီဗိုရာကိုစားပစ်မှာလားဟင် "

" ကောင်းကောင်းမွန်မွန်မနေဘဲ ဆိုးနေဦးမယ်ဆိုရင်တော့အစားခံရလိမ့်မယ် "

" ဒါပေမဲ့ သမီးကမမကို အစားမခံရစေချင်ဘူး အဲ့တာကအရမ်းနာမှာ မီးမီးမမကိုလိမ္မာလာအောင်ပြောပေးမယ်လေ "

ပါကာက ခေါင်းညိမ့်လိုက်သော်လည်း ချယ်လ်စီလေး အား ဒီဗိုရာနှင့်ထပ်ပြီးမတွေ့စေချင်တော့ပေ ။ ထိုညတွင် ပါကာပြောသည့်အတိုင်းလုပ်ဆောင်ရန် ဒန်းနစ်က ရန်ဆဲလ် နှင့်တိုင်ပင်သည် ။

" မရဘူး ဒီဗိုရာက ဆိုးသွမ်းတယ်ဆိုပေမဲ့ အဲ့ဒီလူနဲ့ပေးတွေ့လိုက်မယ်ဆိုရင် ပိုဆိုးသွားနိုင်တယ် "

" အကြာကြီးမဟုတ်ဘူးလေ ငါတို့လဲစောင့်ကြည့်နေကြမှာဘဲကို "

" မဖြစ်နိုင်လောက်ဘူး သူကသေချာပေါက် ဒီဗိုရာကိုအသုံးချလိမ့်မယ်  သူ့အတွက်သာအကျိုးရှိမယ်ဆိုရင် ဘာကိုမှဂရုမစိုက်တတ်တဲ့လူမျိုးဆိုတာမင်းသိနေတာဘဲ "

ဒန်းနစ်က သက်ပြင်းချလိုက်ပြီးနောက် တစ်နည်းမဟုတ်တစ်နည်းဖြင့် ဆက်လက်ကြိုးစားရန်ဆုံးဖြတ်လိုက်သည် ။

" ဒါဆိုလဲ သူ့ကိုဒီအိမ်ထဲခဏခေါ်ထားရအောင် "

" ဟမ် "

" ဒီဗိုရာက အရမ်းတွေ့ချင်နေတာဘဲ အဆင်ပြေမှာပါ "

" ဒရိတ်ခ်တို့မိသားစုလည်း အတူတူရှိနေတယ်လေကွာ "

" ငါသိပါတယ် ဒါပေမဲ့ အရာအားလုံးကိုသူမကိုယ်တိုင်ရှင်းရှင်းလင်းလင်းသိသင့်နေပြီလေ "

ရန်ဆဲလ်က သဘောတူလိုက်သော်လည်း လူစုံတက်စုံရှိသည့်အချိန်၌ မည်သည့်ဆိုးရွားသောအဖြစ်အပျက်များမဖြစ်စေရန်သာ ဆုတောင်းလိုက်သည် ။

xxxxxx