အပိုင်း ၆၄

Chapter 64

Daddy's little ( 64)

လန်လင်းက ဆိုင်ထဲတွင် အလွန်တရာမှစိတ်မရှည်သည့်ပုံစံနှင့်ထိုင်စောင့်နေလေသည် ။ ဆိုင်ပိတ်သွားပြီဖြစ်သော်လည်း ထိုလူလာယူမည်ဆိုသောကိတ်မုန့်ဘူးအားကိုင်ကာ ထိုင်စောင့်နေရ၍ ဒေါသထွက်နေသည် ။

စိတ်ပျက်စရာအရူပ်အထွေးများနှင့်ပြည့်နှက်နေသည့် သူ၏အရင်ဘဝနှင့်လုံးဝပြန်လည်မပက်သက်ချင်ပေ ။ သူ၏ သွေးရင်းညီမက ယောက်ဖနှင့်ေဖာက်ပြန်သည်ဟုစွပ်စွဲခဲ့ကာ သူ၏မိဘများမှာလည်း အသက်နှစ်ဆယ်သာရှိသေးသည့်သူ့အား အတင်းအကျပ်အိမ်ထောင်ချပေးခဲ့ကြသည် ။

လွပ်လွပ်လပ်လပ်ပျော်ပါးနေသင့်သည့်ငယ်ရွယ်သောအသက်အရွယ်ကာလအပိုင်းအခြားတွင် သူ့အားအိမ်တွင်းအောင်း၍နေစေချင်ခဲ့ကြသည် ။ မူလလန်လင်း၏ ငယ်ဘဝနှင့်နိူင်းယှဥ်ပါက သူ၏ငယ်ဘဝမှာမိသားစုနှင့်အတူကြီးပြင်းခဲ့ရ၍ကံကောင်းသည်ဟုဆိုနိုင်သော်လည်း ရူပ်ထွေးသည့်မိသားစုတွင်းပဋိပက္ခများအား သည်းမခံနိုင်ပေ ။

သို့သော်လည်း သူ၏မိသားစုအားသတိမရဟုမဆိုလိုပေ ။ တင်းကျပ်သောစည်းမျဥ်းများနှင့် ထိန်းချုပ်ရန်ကြိုးစားသည့်အချက်ကိုသာမုန်းတီးခြင်းပင် ။

ချယ်လ်စီလေး အားမွေးဖွားပြီးသည့်အချိန်တွင် သူနှင့်တထရောတည်းတူညီသည့်ကလေးမလေးအားမြင်ရသည်နှင့် သံခြေကျင်းပတ်ထားရသလိုခံစားရသည် ။

သူမကသူ့လိုဘဲ ကြီးပြင်းလာရမှာလား?

သူ့၏ ရိုးရှင်းသောရည်ရွယ်ချက်လေးမှာ ကဖေးဆိုင်လေးနှင့် သူချစ်သောစာအုပ်များနှင့်အတူ နေ့ရက်တိုင်းအားဖြည်းညင်းစွာခံစားဖြတ်သန်းခြင်းပင် ။

မိဘတစ်ယောက်နှင့် အိမ်ထောင်သည်တစ်ယောက်ဖြစ်သွားခဲ့ရပြီ ဟူသည့်အသိအား သူ့အားညတိုင်းလိုလိုအသက်ရူကြပ်စေသည် ။

" ဟယ်လို "

လန်လင်းက သက်ပြင်းချလိုက်သည် ။

" ခင်ဗျားရဲ့ ပါဆယ်ကိုလာယူတာလား "

ထိုလူက လက်ပ်တော့အားငုံ့ကြည့်ကာမေးလိုက်သည် ။

" မင်းဘာတွေကြည့်နေတာလဲ "

လန်လင်းက လက်ပ်တော့ကိုအမြန်ပိတ်ကာပြန်ဖြေလိုက်လေသည် ။

" ဘာမှမဟုတ်ပါဘူး "

ထိုလူက လန်လင်းနောက်မှ ပါဆယ်ယူရန်လိုက်လာသည် ။

" ဒီအချိန်အထိစောင့်နေပေးလို့ ကိုယ်မင်းကိုကျေးဇူးတင်ရမှာဘဲ "

" ခင်ဗျားက ပိုက်ဆံပေးထားတယ်လေ ကျွန်တော့်ဘက်ကတန်အောင်တော့လုပ်ပေးရမှာပေါ့ "

လန်လင်း ကိတ်မုန့်အားထုပ်ပိုးပေးနေသည့်အချိန်တွင် ထိုလူကပြုံးကာမေးလိုက်သည် ။

" မင်းကိုယ်တိုင်က သူဌေးတစ်ယောက်ဘဲမဟုတ်လား "

လန်လင်းက ထိုလူအားတည့်တည့်ကြည့်မေးလိုက်သည် ။

" ခင်ဗျားက လက်ထပ်ထားတာမဟုတ်ဘူးမလား "

" ဘယ်ကနေဘယ်လို ဒီအ​​ကြောင်းရောက်လာရတာလဲ "

ထိုလူက သူဇနီးနှင့်ပက်သက်သည့်အရာများအားပြောချင်ပုံမရသည့်အပြင် အနည်းငယ်ဒေါသထွက်သွားပုံရသည် ။

လန်လင်းက ထိုသူ၏စိတ်ခံစားချက်အားဂရုစိုက်ခြင်းမရှိဘဲ အေးစက်စွာပြောလိုက်သည် ။

" ခင်ဗျား ကျွန်တော့်ကို ပရောပရီလာလုပ်နေမဲ့အစား ခင်ဗျားရဲ့အိမ်ထောင်ဖက်ကိုဘဲအချိန်ပိုပေးသင့်တယ် "

' ဒီလောက်ပြောလိုက်တယ်ဆိုရင် သေချာပေါက်စိတ်ပျက်ပြီးထွက်သွားလောက်မှာပါနော်... ငါဒီလူနဲ့တကယ်မပက်သက်ချင်ဘူး '

" မင်းစကားပြောတဲ့အမူအရာကအစ ပါကာနဲ့တစ်ထပ်တည်းတူနေတာဘဲ "

" ကျွန်တော်က ပါကာမဟုတ်ဘူး ကျွန်တော့်နာမည်က လန်လင်းဆိုတာခင်ဗျားကို ဘယ်နှခေါက်တောင်ထပ်ပြောပြရဦးမှာလဲ "

" ကိုယ်တစ်ကယ်ပြောတာပါ မင်းကကိုယ့်အမျိုးသမီးရဲ့ မောင်လေးနဲ့တစ်ကယ်ကိုတူတာ "

" ခင်ဗျားရဲ့ လူတွေကိုမှတ်သားတဲ့မှတ်ဥာဏ်ကအရမ်းဆိုးဝါးနေပုံဘဲနော် အားရင်ဆေးသွားစစ်ကြည့်သင့်တယ် "

ဂျိမ်းစ်က သက်ပြင်းချကာ ကိတ်မုန့်ကိုလှမ်းယူလိုက်သည် ။ မည်သည့်အတွက်ပါကာက ဤကဲ့သို့ဟန်ဆောင်နေသည်အားမသိတော့ချေ ။

ဂျိမ်းစ် ထပ်မံစကားပြောမည့်အခြေအနေမရှိတော့မှသာ ပါကာက စိတ်သက်သာရာရစွာသက်ပြင်းချလိုက်မိသည် ။ သူ၏လက်ရှိဘဝအတွင်း အတိတ်မှအကြောင်းအရာများက ဝင်ရောက်ဖျက်ဆီးသွားမည်ကိုမလိုလားပါချေ ။

" အချိန်လည်းမစောတော့ဘူး မင်းက လန်လင်းဘဲဖြစ်ဖြစ်ပါကာဘဲ ဖြစ်ဖြစ်ပါနောက်ထပ်ထပ်တွေ့ချင်ပါသေးတယ် "

ဂျိမ်းစ်က ထိုသို့ပြောကာ ထွက်သွားတော့သည် ။

×××

ရေး အလုပ်မှအိမ်ပြန်လာသည့်အချိန်တွင် ဂျော်ဒန်က သူ၏ဆံပင်များအားလက်ဖြင့်ထိုးဖွနေလေသည် ။ 

တေလာက ရေးအားပွေ့ဖက်ကာ ကြိုဆိုသည့်အနမ်းလေးပေးလိုက်ရင်း ရေးပင်ပန်းနေသည့်အကြောင်းအရင်းအားမေးလိုက်သည် ။

" ဘာများဖြစ်လို့လဲ "

" ကိုယ်ရေချိုးပြီးတာနဲ့ အလုပ်ကိုအချိန်ပိုဆင်းဖို့သွားရမယ် "

" ဟမ်...မင်းလွန်ခဲ့တဲ့နှစ်ရက်ကမှ အချိန်ပိုဆင်းထားတာလေ "

" ကိုယ်လည်းသိတယ် ဒါပေမဲ့ ကုမ္ပဏီက နယ်ပယ်အသစ်တွေမှာစျေးကွက်ချဲ့ထွင်ဖို့ပြင်ဆင်နေတယ်လေ "

တေလာက ရေး၏ ကျန်းမာရေးအတွက်ပူပန်နေရသည် ။ ယလုရက်ပိုင်းအတွင်း​ ရေးမှာ အိမ်ပြန်လာသည့်အချိန်တိုင်း ပင်ပန်းနွယ်နယ်နေပြီး တန်းအိပ်ပျော်သွားလေ့ရှိသောကြောင့် ကလေးများနှင့်ပင်မဆော့ကစားနိုင်ပါတော့ချေ ။ တေလာက တစ်လလောက်ကြာသည်အထိ အလုပ်များနေမည်ထင်ခဲ့သော်လည်း ယခုမူထို့ထက်ပိုမိုကြာမြင့်မည့်ပုံပင် ။

" ဒယ်ဒယ် "

" သမီးလေး ဖေ့ဖေ့ကိုလွမ်းနေတာလား "

ရေးက ရိုင်လီလေးအား ချီကာနမ်းလိုက်သည့်အချိန်တွင် သူ၏နောက်စေ့အားရေသေနတ်ဖြင့်ချိန်ပစ်ခံလိုက်ရလေသည် ။ 

" သားက ရေတပ်သားကြီးတစ်ယောက်ဘဲ "

" ဖေ့ဖေ့မှာ သေနတ်မရှိတော့အတူတူကစားလို့မရဘူး "

ဂျော်ဒန်က သူ၏စကိတ်ဘုတ်လေးကို ကြည့်ရင်းအသံတိုးတိုးလေးနှင့်မေးလိုက်သည် ။

" အဲ့တာရော ကစားလို့ရလားဟင် "

ရေးက မက်တပ်ရပ်ကာပြုံးရင်းပြောလိုက်သည် ။

" အိုကေ... ကစားကြမယ် "

Xxxxxxx