အပိုင်း ၇၈

Chapter 78

Daddy's little ( 78 )

လူးဝစ်မှာ ချားလ်အားထမင်းကျွေးနေပြီး တေလာက ရိုင်လီလေးအားဒိုက်ပါလဲပေးနေရင်းစကားစမြည်ပြောနေကြသည် ။

" မင်းကြည့်ရတာ နည်းနည်းဝမ်းနည်းနေသလိုဘဲ ...ရေးနဲ့အဆင်မပြေလို့လား "

" အဆင်ပြေပါတယ်... အရမ်းကြီးတော့မဆိုးပါဘူး...အချိန်ကုန်တာမြန်တယ်လို့ ခံစားနေရရုံပါ "

တေလာက ရိုင်လီလေး၏ခြေထောက်ကိုကိုင်လိုက်သည့်အခါ သူမကတခစ်ခစ်ရီမောလာလေသည် ။

" ကလေးတွေက တစ်ခါတစ်လေရူးချင်လောက်အောင်သောင်းကျန်းကြပေမဲ့ တစ်ခါတစ်လေကျရင်လဲအရမ်းချစ်ဖို့ကောင်းနေပြန်ရော... သူတို့ကိုကလေးအဖြစ်ဘဲနေစေချင်ပေမဲ့ တစ်ခါတစ်လေ မြန်မြန်အရွယ်ရောက်လာစေချင်တယ်... အား "

လူးဝစ်က သူ၏လက်အားကိုက်လိုက်သည့် ကလေးငယ်လေးအားကြည့်ကာပြောလိုက်သည် ။ 

" အိုခေ... သားဗိုက်ပြည့်နေပြီဘဲ "

သူက ကလေးငယ်လေးအားချီကာပုခုံးတွင်မှီစေ၍ လေချဥ်တက်စေရန်ခပ်ဖွဖွပွတ်သပ်ပေးနေလေသည် ။ တေလာက ထိုသားအဖကိုကြည့်ကာပြုံးလိုက်ပြီးနောက် ရိုင်လီလေးကိုချီလိုက်ကာဝမ်းနည်းနေသည့်လေသံနှင့်ပြောလိုက်သည် ။

" ရေးကမကြာခင်အလုပ်ခရီးတစ်ခုသွားရမယ်တဲ့...ငါသူ့ကိုရက်အတော်ကြာတွေ့နိုင်မှာမဟုတ်ဘူး...ပြီးတော့ သူမကြာခင်အိမ်ပြောင်းဖို့စီစဥ်မယ်ထင်တယ် "

လူးဝစ်က မေးလိုက်သည် ။

" မင်းကနေခဲ့ချင်တာလား "

" အင်း...ဒါပေမဲ့ ရေးကအလုပ်ကိုအရမ်းစွဲလမ်းနေတော့ ပြောင်းတာကပိုပြီးအဆင်ပြေလိမ့်မယ်လို့ငါထင်တယ် "

တေလာသည်လည်း ရေးမှာအဘယ့်ကြောင့်အလုပ်သရဲဖြစ်နေရသနည်းနားမလည်နိုင်ပါချေ ။ သူမည်မျှနားချသည်ဖြစ်စေ အနားယူရန်ငြင်းဆန်နေလေသည် ။

" အဲ့တာကရူပ်ထွေးလွန်းတယ် မင်းမလိုက်သွားဘူးဆိုရင်လည်း မင်းသူနဲ့အချိန်အတော်ကြာတွေ့ရမှာမဟုတ်ဘူး...တကယ်လို့မင်းလိုက်သွားမယ်ဆိုရင်လဲ မင်းပျော်ရမှာမဟုတ်ဘူး...တတိယနည်းလမ်းကတော့ကွာရှင်းဖို့ဘဲရှိတော့လိမ့်မယ် "

တေလာကမေးလိုက်သည် ။

" ငါဘာလုပ်သင့်လဲ "

လူးဝစ်က တုံ့ဆိုင်းခြင်းမရှိဘဲပြန်ဖြေလိုက်သည် ။

" ငါဆိုရင် သေချာပေါက်လိုက်သွားမှာပေါ့... ဒါပေမဲ့ နေရာအသစ်ရဲ့အခြေအနေကိုလည်းသေချာပေါက်ကြည့်ရမှာပေါ့ "

တေလာက လူးဝစ်၏အပူအပင်မရှိသည့်ပုံစံလေးကိုပင်အားကျသွားရသည် ။ လူးဝစ်၏ရွှေရောင်ဆံနွယ်များမှာပျော့ပြောင်းကာ နို့နှစ်ရောင်အသားအရေနှင့် မျက်နှာသေးသေးလေးအပြင် ပင်လယ်ပြာရောင်မျက်ဝန်းတစ်စုံအားပိုင်ဆိုင်ထားလေသည် ။

နှင်းဆီရောင်နူတ်ခမ်းပါးလေးနှင့် နှစ်လိုဖွယ်ကောင်းသည့်အပြုံးပိုင်ရှင်ဖြစ်သော်ငြား အပြောဆိုးသည်မှာတော့ အမှန်ပင် ။ ရှာရွန်မှာ အပြောဆိုးသည့်အစားသရဲလေးလူးဝစ်အား ပုံအောချစ်ပြနေသည်မှာလည်းအံ့သြစရာမရှိပေ ။ 

တေလာက စနောက်လိုက်သည် ။

" မင်းကတစ်ခုခုတော့တစ်ခုခုဘဲ "

လူးဝစ်က တေလာ၏စကားကြောင့်ရူပ်ထွေးသွားရလေသည် ။

" အဲ့တော့မင်းကငါ့ကိုဝေဖန်နေတာလား "

ပါတီပွဲမှာစည်ကားသက်ဝင်နေဆဲဖြစ်ကာ ရှာရွန်နှင့်အခြားသူများမှာ ဝိုင်းဖွဲ့စားသောက်နေကြပြီး လန်လင်းကပါကာနှင့်စကားပြောနေလေသည် ။

 အိုလီဗာနှင့်အခြားကလေးများမှာ ဘောလုံးကန်နေကြစဥ် ဂျော်ဒန်ကချယ်လ်စီလေးအားပြောလိုက်သည် ။

" ဟေး...ချယ်လ်ချယ်လ်လေး နင်ကမကြာခင်အကြီးဖြစ်တော့မှာဆို... စီနီယာကြီးကပြောပြရမလား ".

ချယ်လ်စီလေးက နားမလည်ဟန်ဖြင့်သူမ၏ခေါင်းလေးအားစောင်းကြည့်လိုက်သည် ။

" ဟမ်... "

" အငယ်တွေရလာပြီဆိုတာနဲ့...နင့်ကိုဘယ်သူကမှစောင့်မကြည့်နိုင်တော့ဘူး... လုပ်ချင်တာလုပ်လို့ရပြီ...ပြီးတော့ အရသာရှိတဲ့အစားအသောက်တွေကိုလည်းမျှဝေပေးရဦးမယ် "

" ကို...ကို "

ထိုအချိန်တွင် ရိုင်လီလေးက ဂျော်ဒန်၏ခြေထောက်ကိုလာဖက်သောကြောင့် ဂျော်ဒန်ကစိတ်ဆိုးစွာပြောလိုက်သည် ။

" ပြီးတော့ သူတိူ့ကနေရာတကာ...လျှောက်.... "

ဂျော်ဒန်က သူအဖေ၏အကြည့်စူးစူးများကိုခံစားမိ၍သူမလေး၏ခေါင်းကိုပုတ်ကာ အမြန်ပြောင်းပြောလိုက်ရသည် ။

" သူ...သူတို့ကအရမ်းချင်ဖို့ကောင်းတယ်...ဟဲ ဟဲ...ချစ်ဖို့ကောင်းတယ် "

ချယ်လ်စီလေးက ရီမောကာ ရိုင်လီလေး၏ခေါင်းကိုပွတ်ရင်းပြောလိုက်သည် ။

" ဟုတ်တယ်...ရိုင်လီလေးကမင်းသမီးလေးအဝတ်အစားနဲ့အရမ်းချစ်ဖို့ကောင်းတာ "

ရိုင်လီလေးက ချယ်လ်စီလေးက ကြည့်ကာရှက်၍ဂျော်ဒန်၏နောက်၌ဝင်ပုန်းကာ မပီကလာပီကလာပြောလိုက်လေသည် ။

" မ.မလဲ... လှတယ် "

ဂျော်ဒန်ကတိုးတိုးလေးပြောလိုက်သည် ။

" နင်တို့မိန်းမတွေကတော့ "

×××

ဂျိမ်းစ်က ဒေါသထွက်နေသည့်သူ၏မိဘများအားထိုင်ကြည့်နေလေသည် ။

" ငါတို့ကမိန်းမကောင်းလေးလို့ထင်ခဲ့တာ အခုတော့ကြည့်စမ်းပါဦး "

" ငါ့သားလေးအပေါ်ဒီလိုလုပ်ရက်တယ်ပေါ့ "

" စိတ်လျော့ပါဦးမိန်းမရယ် ကိုယ်တို့စိတ်အေးအေးထားရမယ်လေ "

ဟူစတန်က သူ၏အမျိုးသမီးအားနှစ်သိမ့်နေပုံရပါသော်လည်း သူ့ကိုယ်သူပါပြန်နှစ်သိမ့်နေမိသည် ။

" မားကတ်စ် ဘယ်မှာလဲအဖေ "

" သူကတော့ထပ်ပြီးအိမ်ထောင်ဖက်တွေ့ဖို့စီစဥ်နေမှာပေါ့ "

" သူကွာရှင်းပြီးတဲ့အချိန်ကတည်းက တခြားဘယ်သူနဲ့မှထပ်မတွဲဖြစ်ဘူးမလား... သူကို့အရမ်းကြီးဖိအားမပေးပါနဲ့ "

အခန်းမှာခဏမျှတိတ်ဆိတ်သွားပြီးနောက် ဂျန်က သက်ပြင်းချကာမေးလိုက်သည် ။

" သားပြောပြတာတွေကအကုန်ဘဲလား တခြားဘာတွေထပ်ဖြစ်ခဲ့တာရှိသေးလဲ "

ဂျိမ်းစ်က ပြန်ဖြေလိုက်သည် ။ 

" ကျွန်တော်ဘယ်ကစပြောရမလဲမသိတော့ဘူး..."

" စိတ်မပူပါနဲ့ သားဘက်မှာအမေတို့ရှိပါတယ် "

Xxxxxx