အပိုင်း ၈၃

Chapter 83

Daddy's little ( 83)

တေလာက ပုံဆွဲနေသည့်ဂျော်ဒန်နှင့် ဂျော်ဒန်၏ဆံပင်များအားဆော့ကစားနေသည့်ရိုင်လီလေးတို့အားကြည့်နေလေသည် ။

" ဖယ်စမ်းပါ ရိုင်လီ! ကိုယ့်အရုပ်တွေနဲ့ကိုယ်သွားကစားနေပါလား "

တေလာက သူတို့နှစ်ဦးကိုကြည့်ကာပြုံးမိသည် ။ 

သူတို့လေးတွေကအကြီးမြန်လိုက်တာ....

ထိူ့နောက်သူ၏ဗိုက်ကိုထိကာတွေးလေ၏ ။

' ငါသာ ကျန်းမာရေးကောင်းနေရင် ဒီလိုတွေးမိမှာမဟုတ်ဘူး '

အဝတ်လျှော်ရန်သွားသည့်အခါတွင် အဝတ်များမှာလျှော်ဖွယ်ပြီးနေလှန်းပြီးသားဖြစ်နေသည် ။

သေချာပေါက် ရေး လုပ်သွားတာဖြစ်ရမယ်... 

သူက ကိုယ်ဝန်ထပ်မဆောင်နိုင်တော့သည့်အတွက် ရေးက နှစ်သိမ့်သောအားဖြင့်အရင်ကထက်ပိုမိုကြင်နာပြနေလေသည် ။

ထိုနေ့၌ ရေး ပြန်လာသည့်အခါ တေလာမှာစိတ်နှင့်လူနှင့်မကပ်ဖြစ်နေလေသည် ။

" တေလာ...တေလာ...တေလာ..."

" ဟမ်..."

ရေးက သူ၏ပခုံးကိုကိုင်ထားရင်း စိုက်ကြည့်နေသည့်အတွက်တေလာ ကြောင်အသွားရသည် ။

" အင်း....ဘာဖြစ်လို့လဲ "

" မင်း ဘာတွေနက်နက်နဲနဲစဥ်းစားနေတာလဲ "

တေလာက မေးလိုက်သည် ။

" မင်းအိမ်ပြောင်းဖို့စီစဥ်နေတာလား "

" မဟုတ်ပါဘူး...မင်းကအိမ်ပြောင်းချင်လို့လား "

" မဟုတ်ဘူးလေ...မင်းရဲ့အလုပ်က..."

ရေးက ညင်သာစွာပြောလိုက်သည် ။

" အိမ်မပြောင်းပါဘူး...ငါဘဲ..သွားလိုက်ပြန်လိုက်လုပ်ပြီး ပင်ပန်းခံပါ့မယ် "

တေလာက ပျော်ရွှင်သွားကာပြောလေ၏ ။

" ဒါ...ဒါဆိုဝမ်းသာစရာပေါ့...ဒီညအပြင်မှာထွက်စားရအောင်...ငါ..နေရာစီစဥ်လိုက်မယ် "

" နေပါဦး...နောက်တစ်ပတ်ထဲမှာ ငါမင်းအတွက် အံ့သြစရာအကြီးကြီးစီစဥ်ထားတယ် "

သူက တေလာ၏နူတ်ခမ်းအားနမ်းလိုက်သည် ။

" အော့ အော့..ရွံစရာကြီး "

ဂျော်ဒန်က ထအော်လိုက်သောကြောင့် တေလာမှာ သူ၏နူတ်ခမ်းကိုအုပ်ကာရင်း ရေး၏ရင်ခွင်ထဲသို့တိုးဝင်ကာရီမောလေတော့၏ ။ ရေးက ဂျော်ဒန်၏နဖူးအားတစ်ချက်နမ်းကာပြောလိုက်သည် ။

" အရူပ်ထုပ်လေး "

×××

" ပါးပါး မီးမီး အိုင်ဒေါတစ်ယောက်ဖြစ်ချင်တယ် "

ပါကာက ရုတ်တရက်ကမ္ဘာကြီးပြိုကွဲသွားသလိုခံစားလိုက်ရပြီး မျက်ရည်ဝဲလာလေတော့သည် ။ဒရိတ်ခ်အားကြည့်လိုက်သည့်အခါ၌လည်း ဒရိတ်ခ်မှာ သက်ပြင်းချရုံသာတတ်နိုင်၍ပါကာ့ စိတ်ကြိုက်ပြုမူခွင့်ပေးထားရလေ၏ ။

ပါကာက နှပ်ချေးညှစ်ကာပြောလိုက်သည် ။

" ကျွန်တော်သိတယ် ဒရိတ်ခ်...ကျွန်တော်တို့ရဲ့ ကလေးလေးကမြန်မြန်အရွယ်ရောက်လာပြီး လက်ထပ်ကလေးမွေးတော့မှာ... ပြီးတော့ အလုပ်ကြိုးကြိုးစားလုပ်နေတုန်းမှာ ကျွန်တော်တို့ကို မကောင်းဆိုးဝါးအိမ်ဖော်တွေနဲ့ပစ်ထားတော့မှာ "

ချယ်လ်စီလေးက ပါကာပြောသည်အား နားမလည်၍ သူမ၏ပါးပါးအဘယ့်ကြောင့်ငိုနေရသည်အားမသိသော်လည်း အနားကပ်လာကာပြောလိုက်သည် ။

" ပါးပါး မငိုနဲ့နော် မီးမီး ဘယ်မှမသွားတော့ဘူး...မီးမီး အဆိုတော်ဖြစ်ချင်တာက ပါးပါးနဲ့ဖေ့ဖေ့ကို သီချင်းတွေအများကြီးဆိုပြချင်လို့ပါ "

ပါကာက မျက်ရည်များကိုသုတ်ရင်းပြောလိုက်သည် ။

" သမီးက တစ်​ယောက်ယောက်နဲ့လက်ထပ်ဖို့ ထွက်ပြေးတော့မှာ... "

" ဟင့်အင်း... ချယ်လ်ချယ်လ်က ပါးပါးနဲ့ဘဲနေပြီး ပါးပါးကိုသီချင်းတွေအများကြီးဆိုပြမှာ "

ပါကာက သူမလေးအားပွေ့ဖက်ရင်းမေးလိုက်သည် ။

" ချယ်လ်ချယ်လ် သမီးမောင်လေးကိုနာမည်ပေးချင်လား "

ချယ်လ်စီလေးက ပါကာ့ကိုတစ်လှည့် ဒရိတ်ခ်ကိုတစ်လှည့်ကြည့်ကာ ထို့နောက် ဗိုက်ပူပူလေးကိုထိလိုက်ပြီးအသေအချာစဥ်းစားနေလေ၏ ။

" ပါးပါး... ဟီးဗန်းဆိုရင်ရော "

( means ' Heavan ' )

နှစ်ယောက်စလုံးကြောင်အသွားရသည် ။

" မီးမီးက အိန်ဂျယ်လ်ဆိုရင် မောင်လေးက ဟီးဗန်းပေါ့ "

ပါကာက ထိုနာမည်အားသဘောကျသော်လည်း ဒရိတ်ခ်ကစဥ်းစားနေဆဲပင် ။

" လာစမ်းပါ...ခင်ဗျားကလည်း...နာမည်လေးကချစ်ဖို့ကောင်းသားဘဲကို "

" ဒါပေမဲ့...ဟီးဗန်း ဆိုတာက..."

" ကျွန်တော်လဲကြိုက်တယ်... ချယ်လ်စီလေးလဲ ကြိုက်တယ်လေ ခင်ဗျားကဘာကိုအတွန့်တက်ချင်နေသေးတာလဲ "

ဒရိတ်ခ်က သက်ပြင်းချကာအရူံးပေးလိုက်ရလေသည် ။

" အင်းပါ...မင်းတို့သဘောဘဲ "

ပါကာက ဒရိတ်ခ်အား ဖက်နမ်းရင်းရီမောလိုက်လေသည် ။

×××

ရှာရွန်မှာ အလုပ်မှပြန်လာသည်ဖြစ်၍ ပင်ပန်းနေပြီး သူ၏ဆံပင်များမှာလည်း ရူပ်ပွနေလေသည် ။

လူးဝစ်က ဘာလို့ထွက်မကြိုရတာလဲ...

ရှာရွန်က လူးဝစ်ကလေးထိန်းနေသည်ဟု တွေးမိလိုက်သော်လည်း ထိုအချက်အားအမြန်ပင်ပယ်ချလိုက်ရလေသည် ။

ကလေးတွေက သူ့ကိုပြန်မထိန်းနေရရင်ဘဲကံကောင်းလှပါပြီ!

ကလေးသုံးယောက်မှာ ဧည့်ခန်းအတွင်၌ ပြဇာတ်အသေးလေးတစ်ပုဒ်ဖန်တီးကပြနေပြီး လိုရီတိုနှင့်သီအိုဒေါတို့မှာ သရုပ်ဆောင်လိုက်သီချင်းဆိုလိုက်လုပ်နေကြသည် ။

အငယ်ဆုံးလေး ချားလ်စ်မှာ သူ၏အစ်ကိုများ၏အသံကိုတု၍ မပီကလာပီကလာ ဝူးဝူးဝါးဝါးလိုက်ပြောနေပြီး သူ၏လက်သေးသေးများနှင့်ပင်ချစ်စဖွယ်အမူအရာများလုပ်ပြနေးသေး၏ ။

ရှာရွန် ၏ရီသံက ကလေးသုံးယောက်၏အာရုံကိုဖမ်းစားသွား၍ သီအိုဒေါနှင့်လိုရီတိုတို့မှာ အမြန်ပြေးလာကာရှာရွန်အားဖက်လိုက်သည် ။ ချားလ်စ်မှာ သူ၏ခြေတံတိုတိုလေးများနှင့်အမြန်ပြေးလာပါသော်လည်း အစ်ကိုများကိုမမှီနိုင်ခဲ့ပါချေ ။

" ဖေဖေ...."

" ဒယ်..ဒယ် "

ရှာရွန်က အမြွှာနှစ်ယောက်အား နမ်းပြီးနောက် ချားလ်စ်လေးအားချီကာနမ်းရူံ့လိုက်သည်နှင့် ကောင်ငယ်လေးမှာတခစ်ခစ်ရီမောလာလေသည် ။

Xxxxx