အပိုင်း ၈၆

Chapter 86

Daddy's little ( 86)

ပါကာက တုန်ရီနေသည့်ချယ်လ်စီလေးအား ဖက်ထားလေသည် ။ 

ဘယ်လိုအိပ်မက်မျိုးက သူမကိုဒီလောက်ကြောက်လန့်စေတာလဲ?

နှစ်ယောက်စလုံးက သူမလေးအတွက်နည်းလမ်းပေါင်းစုံနှင့်အစွမ်းကုန်ချော့မော့နေကြကာ အချိန်အတော်ကြာမှ မောပန်း၍အိပ်ပျော်သွားလေသည် ။

" ထပ်ပြီးအိပ်မက်ဆိုးတွေမက်လောက်ဦးမယ်လို့ထင်လား... "

" ကိုယ်တော့မမက်တော့ဖို့မျှော်လင့်တာဘဲ... အရမ်းကြောက်နေရှာမှာ "

×××

ဂျိမ်းစ်က အလွန်လျှင်မြန်သောအမြန်နူန်းနှင့်မောင်းနှင်နေပြီး မီးနီတွေမီးဝါတွေဂရုမစိုက်နိုင်တော့သည့်အပြင် ယာဥ်တိုက်မူဖြစ်ရန်ပါ လက်မအနည်းသာလိုတော့သည် ။

လမ်းစည်းကမ်းချိုးဖောက်မူကြောင့် ယာဥ်ထိန်းရဲက အချက်ပေးသံဖြင့်နောက်မှလိုက်လာလေသည် ။

" သေစမ်း...ဒီနေ့မှဘာလို့ ပြဿနာတွေချည်းဘဲလဲကွာ "

" ဆရာ....ခင်ဗျားရဲ့ ကားကိုအခုရပ်လိုက်ပါ ".

ဂျိမ်းစ်က သွေးများဖြင့်စိုရွဲနေပြီဖြစ်သည့် နောက်ထိုင်ခုံအားကြည့်ကာ ဆဲရေးမိသော်လည်း အရှိန်တော့မလျှော့လိုက်ပါချေ ။ ဆေးရုံသို့ရောက်သောအခါ သူမအားကားထဲမှခေါ်ထုတ်နေစဥ်၌ ယာဥ်ထိန်းရဲရောက်လာလေသည် ။

" ကူညီပါဦး "

ယာဥ်ထိန်းရဲက သွေးအိုင်ကြိီးကြောင့် လန့်ဖြပ်သွားကာအမြန်ပင်ကူညီလေသည် ။ အရေးပေါ်ခန်းထဲသို့ပို့ပေးပြီးနောက်တွင် ဂျိမ်းစ်က ယာဥ်ထိန်းရဲနှင့်သာအပြင်တွင်ကျန်ခဲ့သည် ။

×××

နောက်တစ်နေ့မနက်၌ ရှာရွန်နှင့်လူးဝစ်မှာ ဖုန်းသံကြောင့်နိုးလာရလေသည် ။

" ဟယ်လို "

"........"

တစ်ဖက်မှ အကြောင်းအရာအားကြားသောအခါ ရှာရွန်၏မျက်လုံးများပြုးကျယ်သွားရသည် ။

" ဘာကြီး "

ရှာရွန်၏ ထိတ်လန့်နေသောအပြုအမူကြောင့် လူးဝစ်လည်းစိတ်ပူသွားရသည် ။ ရှာရွန်က အလောတကြီးအဝတ်လဲနေသောကြောင့် လူးဝစ်ကမေးလိုက်သည် ။

" ဘယ်သွားမလို့လဲ...ဘာဖြစ်လို့လဲ "

.

" လူးဝစ် မြန်မြန်ပါကာ့ကို ဖုန်းဆက်လိုက် ကာလိုဒ် ကိုမာဝင်သွားလို့တဲ့ "

" ဟမ်...."

" ငါလည်းမသိဘူး...သူ့ကို xxx ဆေးရုံကိုသာအခုလာဖို့ပြောလိုက် "

ရှာရွန်က အမြန်ထွက်သွားသည့်အတွက် လူးဝစ်မှာဖုန်းခေါ်ရင်းတန်းလန်း အနောက်မှပြေးလိုက်ရင်း နာနီအားလည်းအော်ပြောခဲ့ရသေးသည် ။

" တန်ညာ....ကလေးတွေကိုဂရုစိုက်ပေးပါဦး "

×××

ပါကာက မနက်စာစားနေပြီး ဒရိတ်ခ်က ချယ်လ်စီလေးအားထမင်းခွံ့ကျွေးနေစဥ်တွင် လူးဝစ်ထံမှဖုန်းဝင်လာလေသည် ။

" ဟမ်...သူဘာတွေများလုပ်ဖို့ခေါ်တာလဲမသိဘူး "

ပါကာက ဖုန်းကိုင်လိုက်လေသည် ။

" ဟယ်လို "

" ကာလိုဒ် ကိုမာဝင်သွားလို့တဲ့ "

" ဟမ်...ဘာကြီး "

ပါကာမှာ နားမလည်နိုင်ပါချေ ။

" ငါလဲအကြောင်းစုံမသိဘူး... xxxဆေးရုံကိုသာမြန်မြန်လာခဲ့စမ်းပါ...ငါတို့လဲအခုအဲ့ဒီကိုသွားနေတာ "

" နေ.."

ပါကာ ဘာမျှမမေးရသေးခင်မှာတင်ဖုန်းကျသွားပြီး ဒရိတ်ခ်က သိချင်နေသည့်မျက်နှာပေးဖြင့်ကြည့်နေလေသည် ။

" ဘာဖြစ်လို့လဲ "

" ကာလိုဒ် ကိုမာဝင်သွားလို့တဲ့ "

ဒါရိတ်ခ်က ခုံမှထလိုက်သည် ။

" ဘယ်ဆေးရုံမှာတဲ့လဲ... "

ထို့နောက် ဒရိတ်ခ်က ချယ်လ်စီလေးအားကြည့်ကာပြောလိုက်သည် ။

" ချယ်လ်ချယ်လ်... ဖေဖေနဲ့ပါးပါးက အသိတစ်ယောက်ဆီသွားမလို့ သမီးလိမ်လိမ်မာမာနေခဲ့နော် "

သူမလေးက မေးလိုက်လေသည် ။

" မီးမီးရောလိုက်လို့ရလားဟင် "

ဒရိတ်ခ်က ပါကာ့အားကြည့်လိုက်သောအခါ ခေါင်းညိမ့်ပြသည်ကိုမြင်၍ လက်ခံလိုက်သည် ။

" အင်း "

×××

" ခွေးမသား "

လူးဝစ်က အရှိန်ဖြင့်ပြုတ်ကျလာသည့် ဂျိမ်းစ်အား ထိန်းကိုင်ထားရပြီး ရှာရွန်က အလွန်ဒေါသထွက်နေသည့် ကလိုဒ်အား ဖမ်းထားရလေသည် ။

" ငါ့ကိုလွှတ်စမ်းရှာရွန်... ကွာရှင်းတာကတောင်တော်တော်တရားလွန်နေပြီ... "

ကလိုဒ်က ရုန်းကန်ရင်းအော်ဟစ်နေလေသည် ။

" မင်းဘယ်လိုလုပ်ပြီးဖောက်ပြန်နိုင်ရတာလဲ?  ငါ့သမီးသတ်သေရတဲ့အထိ မင်းဘယ်လောက်တောင်နှိပ်စက်ခဲ့တာလဲ "

" မင်းရဲ့ကလေးကိုတောင် ဂရုမစိုက်ဘူးလား ခွေးကောင်ရဲ့! "

ဂျိမ်းစ်က လူးဝစ်အားထိန်းကိုင်ပေးထားသည့်အတွက် ကျေးဇူးတင်သည့်အနေနှင့် ပြုံးပြလိုက်သည် ။ 

" ကျေးဇူးတင်ပါတယ်... လူးဝစ် "

ဂျိမ်းစ်က သွေးထွက်နေသည့် သူ၏နူတ်ခမ်းအားလက်ဖြင့်သပ်လိုက်ရင်း သွေးများကိုကြည့်ကာပြောလိုက်သည် ။

" အဲ့ဒီမျိုးမစစ်ကလေးက တကယ်ကျွန်တော့သွေးသားဖြစ်နိုင်ပါ့မလား "

ကလိုဒ်က ဂျိမ်းစ်အား ဆက်တိုက်ထိုးနှက်နေခဲ့ပြီး ဂျိမ်းမှာနံရံတွင်ကာကပ်မှီနေရုံသာတတ်နိုင်လေသည် ။ 

ရှာရွန်က တရားလွန်နေသည့်လုပ်ရပ်ကြောင့်အော်ဆဲလိုက်လေသည် ။

" *ီးဘဲ "

လူးဝစ်က ရှာရွန်သောင်းကျန်းမည်ဆိုး၍ အနားသို့ပြေးသွားလိုက်ရလေသည် ။ ကလိုဒ်မှာ အကြိမ်အရေအတော်များများထိုးနှက်ပြီးမှ မောသွားဟန်ရကာခဏရပ်တန့်သွားလေသည် ။

Xxxxxx