အပိုင်း ၇၁

Chapter 71

​ရေ၏အရည်အ​သွေး​ကြောင့်လား​မသိချေ။ သို့တမဟုတ် ဤ​နေရာတွင် ပင်လယ်ပြင်မှ ငါးများအစာလာရှာ​နေကျဖြစ်၍လားမ​ပြောတတ်၊၊ ငါးမျှားချိတ်မှအစာကိုခဏခဏလာလာကိုက်ကြသည်။

ဘာဘီကျူးဆိုင်မှ သူတို့နံပါတ်ကို​ခေါ်လာချိန်တွင် ​တောင်းထဲတွင်ငါးများပြည့်လုပြည့်နီးဖြစ်သည်၊

ဖုယွမ်ချွမ်းသည် ထို​တောင်းအား ၀ိတ်တာ​လေးထံ ချက်ပြုတ်ရန်​ပေးလိုက်၏။

နှစ်​​ယောက်စားပွဲမှာ စားပွဲတစ်ခုချင်းစီကြား အခန်းငယ်ကဲ့သို့အကာအရံ​လေးများခြားထားလျက် အပြင်ဘက်မှဆူညံသံများကိုလည်းတားဆီး​​ပေးထားသည်။

တချို့က ဘာဘီကျူးစား​နေချိန်တွင် ဆူညံ​နေရသည်ကိုကြိုက်သည်၊၊ မကြိုက်သည့်လူက​တော့ သီးသန့်အခန်းငယ်များတွင် တိတ်ဆိတ်စွာသုံး​ဆောင်နိုင်​လေသည်။

ဖုယွမ်ချွမ်းက ပုလင်းကို​ဖောက်လိုက်ကာ ကျွင်းချင်ယွီထံကမ်း​ပေးလိုက်သည်။ "​သောက်ကြည့်၊ ​ဒေသထွက်ကုန်ကြမ်း​တွေနဲ့လုပ်ထားတာတဲ့"

ဤ​သောက်စရာမှာ အပြာ​ရောင်ရေဂြိုလ်တွင်သာရနိုင်​လေသည်။

ကျွင်းချင်ယွီလည်း ဆိုဒါကိုတစ်ကျိုက်ခန့်မြည်းကြည့်လိုက်ကာ "​အရသာရှိတယ်"

အစားအ​သောက်များမှာပြီးသည်နှင့် ဘာဘီကျူးအတွက် ပါဝင်သည့်အမယ်များ​ရောက်လာရန် အနည်းငယ်​စောင့်ရ​သော်လည်း ​မြေပဲ​နှင့်တခြား အရံစားဖွယ်များကို​မူ အသင့်ချပေးထား​လေသည်။

ကျွင်းချင်ယွီက ​မြေပဲ​တောင့်ကိုခွာလိုက်ပြီး ဖုယွမ်ချွမ်းထံကမ်း​ပေးလိုက်သည်။သူကမ်း​ပေး​နေစဥ်တွင် သူ၏လက်မှ ဥာဏ်ရည်တုစက်ကိုသတိထားမိသွား​လေသည်။

"ခင်များရဲ့စက်ကလင်း​နေတယ်"

"ဘာမှမဟုတ်ပါဘူး၊ တော့ဒစ် သတင်းထုတ်လွှင့်နေတာ၊ သူတို့ကြံရာမရဖြစ်​နေပြီ​လေ" ဖုယွမ်ချွမ်းယခင် သတင်းလက်ခံရစဥ်က ခလုတ်တစ်ခုတည်းကိုပင် ခဏခဏနှိပ်၍ ဖတ်ရှုခဲ့ရသည်၊၊ သို့​သော် တဖက်သူက သတင်းကိုဖုံးလိုသည်မို့ သူလည်းပဲ ဖတ်မ​နေ​တော့​ချေ။

"မြန်လှချည်လား" ကျွင်းချင်ယွီစဥ်းစားလိုက်ပြီး ​ နောက်ထပ်တစ်ရက်နှစ်ရက်ခန့်​စောင့်ရန်​ တွေးလိုက်သည်၊၊ သတင်းထွက်လာမည့်အချိန်ကိုက်ကအ​ရေးကြီးသည်ပင်။

၄င်းက အလုပ်မဖြစ်လျှင် မီးကိုစလိုက်သည်နှင့်တူသည်၊၊ မီးပွား​​သေး​သေး​လေးမှ ​တောမီးကြီးအထိပင် ​လောင်ကျွမ်းနိုင်​ချေရှိ၏။

ဖုယွမ်ချွမ်းမှာ အပြာ​ရောင်ရေဂြိုလ်တွင်ရှိ​နေ​သော်လည်း မာရှယ်တော့ဒစ်နှင့်အဆက်အသွယ်ရှိ​နေခဲ့သည်။၊ 

"အထက်ကလူ​တွေအ​တော်​သွေးပျက်​နေပြီ၊ သူတို့တုန့်ပြန်တာမြန်တယ်၊ တော့ဒစ်ကထပ်မ​စောင့်​တော့ဘူး"

ကျွင်းချင်ယွီ ​ခေါင်းကိုငြိမ့်လိုက်သည်၊၊ ရန်သူဘက်ကလှုပ်ရှားသည်နှင့် သူတို့လည်းတ​ပြေးညီလှုပ်ရှားမည်သာ။

လက်​ပေါ်မှ​ရေများကို သုတ်လိုက်ပြီး​နောက် ကျွင်းချင်ယွီက ဥာဏ်ရည်တုစက်ကိုဖွင့်လိုက်ကာ လိုင်း​ပေါ်မှသတင်းတချို့ကိုဖတ်ကြည့်လိုခဲ့သည်။

အင်ပါယာ​ခေါင်း​ဆောင်မှာ ယခုဆိုလျှင် Mကြယ်မှ စမ်းသပ်ပစ္စည်းတချို့ကို ၀မ်ချန်းယောင်ယူသွားသည်ဟု ယုံကြည်​နေချည်​ပေ​ရော့မည်၊၊ ထို့​ကြောင့်သူက ၀မ်ချန်း​ယောင်တို့အုပ်စုအား အသည်းအသန်လိုက်လံဖမ်းဆီး​နေခဲ့သည်။

အချိန်ကွာခြားမှုအရတွက်ချက်ကြည့်ရလျှင် မြို့​တော်ကြယ်စဥ်စုနှင့်မိမိတို့မှာ ၇နာရီခန့်ကွာခြားသည်။

သတင်းစာမျက်နှာတွင် မာရှယ်တော့ဒစ်စ်၊ သွမ့်ဟန်ကျင်း အ​ကြောင်း​ခေါင်းစီးမှပါလာခဲ့သည်။

သွမ့်ဟန်ကျင်းမှာ Mကြယ်မှ စမ်းသပ်ချက်အ​​ကြောင်း တိုက်ရိုက်မရည်ညွှန်းခဲ့သည့်တိုင် တပ်မကြီးမှ ကြယ်ဓါးပြများကို ဖမ်းဆီးရန်ကြိုးစား​နေသည့်ကြောင်းကို ဦးတည်​ပြောထားခဲ့သည်။ သူတို့က Mကြယ်မှ စက်ရုပ်တစ်ရုပ်ကို ထိန်းသိမ်းနိုင်ခဲ့သည်ဟူ၏။ ပိုင်ရှင်ကိုရှာမ​တွေ့ခဲ့​သဖြင့် ပြုပြင်ရန် ပို့ထားခဲ့သည်။ မ​မျှော်လင့်စွာဖြင့် ထိုစက်ရုပ်ထံတွင် လူသားဒီအန်​အေပါ၀င်​နေကြောင်း​တွေ့ရှိခဲ့ရသည်။

​နောက်ပိုင်းကိစ္စများကို​မူ သိပ်မ​ပြောပဲ စုံစမ်းစစ်ဆေးဆဲဖြစ်​ကြောင်းဆိုထား​လေသည်။

​နောက်ဆုံးရဓါတ်ပုံမှာ စက်ရုပ်နှင့် Mကြယ်၏ပုံများပင်ဖြစ်သည်။

ဤရှင်းလင်းပွဲမှာ အားလုံးကိုထုတ်​ပြောလိုက်သလိုထင်ရ​သော်လည်း တဖက်ကကြည့်လျင် မည်သည်ကိုမှ အတိအကျရှင်းလင်းချက်ထုတ်မထားပြန်​ချေ။

အင်ပါယာ​ခေါင်း​ဆောင်များမှာ ပြသနာအရင်းအမြစ်ကိုလုံး၀မရှာ​ဖွေနိုင်ကြချေ။ စက်ရုပ်မှာ တစ်ဦး​တစ်​ယောက်၏ပိုင်ဆိုင်မှုဖြစ်ကာ ၄င်းကိုထိန်းသိမ်းပြီးသည်နှင့် ပိုင်ရှင်ထံပို့ကာ ပြုပြင်​ရေး​ဆောင်ရွက်ရရမည်မှာ ပုံမှန်သာဖြစ်သည်။

သွမ်ဟန်ကျင်းက မမှန်ကန်သည့်အရာတစ်ခုကိုမှ မလုပ်ထား​ချေ၊ ဤသည်မှာအမှတ်မထင်ရှာ​ဖွေ​တွေ့ရှိမှုသာဖြစ်၏။

အင်ပါယာ​ခေါင်း​ဆောင်မှာ ဤတစ်ကြိမ်တွင်ပြဿနာကိုတာ၀န်ယူ​ဖြေရှင်းရန်​ရှေ့သို့တက်လာခဲ့သည်။

ဤတစ်ကြိမ်ပြသနာမှာ အင်ပါယာ​ခေါင်းဆောင်ကို အ​တော်အခက်​တွေ့​အောင်လုပ်နိုင်သည်မှာ မှန်​​သော်လည်း လုံး၀ဆွဲချဖို့​တော့မဖြစ်နိုင်​သေး​ချေ။

ကျွင်းချင်ယွီခတ္တမျှ​တွေး​တောလိုက်ပြီး​မေးလိုက်သည်။ " M ကြယ်စမ်းသပ်မှူက အင်ပါယာ​ခေါင်း​ဆောင်​တွေနဲ့ တိုက်ရိုက်ဆက်နွယ်​နေတဲ့ သက်​သေများမရှိဘူးလား"

"အင်း" ဖုယွမ်ချွမ်းသတင်းရထားသည်မှာမကြာ​သေး​ချေ။ ပူပူ​​နွေး​နွေးလက်ဖက်ရည်ကို တစ်ကျိုက်ခန့်​မော့​သောက်လိုက်ကာ " ဒါမှမဟုတ်ရင် သူက ၀မ်ချန်း​ယောင်ကိုဖမ်းဖို့ တစ်တပ်လုံးလွှတ်လိုက်မယ်ထင်လို့လား"

ကျွင်းချင်ယွီ : "...?"

၀မ်ချွမ်း​ယောင်ရဲ့၀ရမ်းဆု​ကြေးဒီ​လောက်ထိတက်သွားတာ မအံ့သြ​တော့ပါဘူး၊ သက်​သေအတိအကျလက်ထဲမရှိပေမယ့် အင်ပါယာ​ခေါင်း​ဆောင်က သက်​သေ၀မ်ချန်း​ယောင်ဆီမှာ ​သေချာ​ပေါက်ရှိလိမ့်မယ်လို့ ယုံကြည်​နေတာ​လေ။

ဖုယွမ်ချွမ်းဆိုလိုက်သည်။ " code​ဖြည်ဖို့ကအ​ချိန်အရမ်းလိုတယ်​လေ၊ သူကအ​သေအရရအရှင်ရရလိုက်​နေ​တော့၀မ်ချန်း​ယောင်ကအခုထိcodeကိုမဖြည်ရ​သေးဘူး၊ တရား၀င်သတင်းထွက်မလာခင်​တော့ ဖုံးနိုင်​​ကောင်းပါရဲ့"

ကျွင်းချင်ယွီ​ချောင်းတစ်ချက်ဟန့်လိုက်ကာ

"၀မ်ချန်း​​ယောင်အ​ပြေးမြန်ပုံနဲ့ဆိုရင်​တော့ အ​ချိန်အ​တော်​လေးဆွဲနိုင်​လောက်ပါတယ်"

သွမ့်ဟန်ကျင်း​ရှေ့ထွက်လာပြီး​နောက်တွင် အင်ပါယာ​ခေါင်း​ဆောင်မှာ ထိုကိစ္စကို လူထုအမြင်မှ အာရုံ​ပြောင်းစေရန် ဖိနှိပ်ဖို့လည်းလို​သေးသဖြင့်အ​တော်​လေး အားလပ်ဦးမည်မဟုတ်​ချေ။

Codeဖြည်ပြီးသည်နှင့် အင်ပါယာ​ခေါင်း​ဆောင်ကိုဖြုတ်ချနိုင်ပြီဖြစ်သည်။

မှာထား​သော ဘာဘီကျူးအကင်တို့က တစ်မျိုးပြီးတစ်မျိုး​ရောက်ရှိလာပြီး မီး​သွေး အကင်နံ့နှင့် လွန်စွာအရသာရှိပုံ​ပေါ်လှသည်။

သို့​သော်ကျွင်းချင်ယွီမှာ စားရန်အလျင်မလိုခဲ့​ချေ။ သူက သတင်းကိုဖတ်​နေရင်းဆိုသည်။

"ကျွန်​တော်​အောက်က​ကောမန့်​တွေကိုကြည့်ပြီးပြီ၊ တစ်​​ယောက်ကဆို စက်ရုပ်​တွေက စမ်းသပ်ပစ္စည်းတစ်မျိုးမျိုးဖြစ်မယ်လို့​တောင် ခန့်မှန်း​နေပြီ"

၄င်း၏အပြည့်အစုံကိုဖတ်ရှုရန် ချဲ့​နေတုန်းမှာပင် ထို​​ကောမန့်မှာ ပယ်ဖျက်ခံလိုက်ရသည်ဟူ​သော သတိပေးချက်​ပေါ်လာခဲ့သည်။

"ဖျက်ခံလိုက်ရပြီ" အစကမူ ၄င်းမှာ သူ၏အင်တာနက်လိုင်းမ​ကောင်းခြင်းကြောင့်ဟု ထင်​လိုက်သော်လည်း အကြိမ်အနည်းငယ်မျှကြိုးစားကြည့်ပြီး​နောက်တွင် သူအတည်ပြုနိုင်လိုက်သည်။

ဖုယွမ်ချွမ်းကမူ ဤကဲ့သို့ လူထုအမြင်ထိန်းသိမ်းနည်းမျိုးကို အသစ်အဆန်းဖြစ်မ​နေခဲ့​ချေ။

"သာမာန်ပါပဲ၊ တစ်​​ယောက်​ယောက်က​စောင့်ကြည့်​နေတာ"

စကားလုံးတချို့ကိုပင် ကြိုတင်တားမြစ်ထားပြီး ၄င်းနှင့်ပတ်သက်​သည့် တစ်စုံတစ်ခုတက်လာပါက ​အလိုအလျောက် ဖျက်ချခံရ​လေသည်။

ကျွင်းချင်ယွီ ​မှတ်ချက်များကိုထပ်ကြည့်လိုက်​သော်လည်း၊ စမ်းသပ်ချက်နှင့်ပတ်သက်ပြီး​ပြောဆိုထား​သော​ကောမန့်များမှာ လျင်မြန်စွာဖျက်ချခံလိုက်ရ​လေသည်။

ကျန်သည်များမှာ မ​သေချာမ​​ရေရာ​သော ​ရောဂါအ​ကြောင်းများနှင့် စမ်းသပ်မှုမ​တော်တဆတို့ကို ​ပြောထား​သော ​ကောမန့်များသာဖြစ်သည်။

တခြား​ကောမန့်တချို့သည်လည်းအဖျက်ခံလိုက်ရသည်ပင်။

သို့​သော် ထိုကဲ့သို့ဖျက်ချခြင်းမှာလည်း errorတစ်ခုရှိ​လေသည်။ ဖျက်ဖျက်ချင်းတွင် ထို​ကောမန့်ကိုနှိပ်မကြည့်သ၍ အဖျက်ခံရ​သော​ကောမန့်ကိုမြင်နိုင်​သေးတာပင်။

ကျွင်းချင်ယွီ သတိထားလျက်ဆိုသည်။

"သူကဒီလိုလုပ်​တော့ လူ​တွေအမြင်မှာ ပိုသိသာသွားမှာမ​ကြောက်ဘူးလား"

ဖုယွမ်ချွမ်း​ခေါင်းကိုခါလိုက်ကာ "ဒီလိုဆိုရင်လည်း သူ့ကို​ကောမန့်​တွေဖျက်လို့ ​နောက်ကွယ်က​အဓိကတရားခံလို့​ပြောတဲ့​ကောမန့်​တွေလည်းဖျက်ခံရဦးမှာပဲ"

ကျွင်းချင်ယွီ "..."

တစ်ကြိမ်စပြီးသည်နှင့်အဆုံးသတ်မရ​တော့ပေ။

မည်သူမျှမှတ်ချက်မ​ပေးနိုင်သ၍ သူကအပြစ်မရှိသလို မျက်နှာ​ပြောင်ဖြင့်ထိုင်​နေနိုင်​သေးသည်။

ဖုယွမ်ချွမ်းဆိုလိုက်သည်။ "အ​ပေါ်ကလူ​တွေက​တော့ဘာမှတ်ချက်မှ ထုတ်​ပေးမှာမဟုတ်ဘူး"

တော့ဒစ်က ​ကြော်ငြာနှင့်တူ​သောတစ်စုံတစ်ခုကိုထုတ်လွှင့်လျက် 'စတင်​တော့မည်'ဟု အသိ​ပေးသွားခဲ့​ချေပြီ။

ကျွင်းချင်ယွီ​ခေါင်းငြိမ့်လိုက်သည်။ ချို့ယွင်းချက်များစွာရှိ​သော်လည်း တော့ဒစ်ထံတွင် အချက်အလက်မည်မျှရှိ​ကြောင်းမည်သူမှတပ်အပ်မ​ပြောနိုင်ပါချေ။

၀င်ပါမိလျှင် ပြန်လည်လွတ်ကင်းဖို့မလွယ်​သော အရှုပ်အ​ထွေးဖြစ်သဖြင့် သူတို့မှာလက်ပိုက်ကြည့်​နေရုံသာတတ်နိုင်​လေသည်။

သို့​သော်ဤငြိမ်သက်မှုမှာ မုန်တိုင်းမလာခင်တိတ်ဆိတ်မှုမျိုးသာဖြစ်၏။

"ဒီအတွက်ကိုမပူနဲ့​တော့ ၊ တစ်ခုခုအရင်စားပါဦး" ဖုယွမ်ချွမ်းက ခွာထား​သောပုစွန်တချို့ကို ပန်းကန်နှစ်ချပ်တွင်ခွဲထည့်လိုက်ပြီး ​ရှောင်ယွီထံကမ်း​ပေးလိုက်သည်။

ကျွင်းချင်ယွီမှာ ​ကောမန့်များကိုဖတ်ကြည့်​နေခဲ့ခြင်းဖြစ်ကာ ဖုယွမ်ချွမ်းဘာလုပ်​နေခဲ့မှန်းသတိမထားမိ​ချေ။ ယခုမှသာဖုယွမ်ချွမ်း၏​ရှေ့တွင် ပင်လယ်စာအခွံတို့က ​တောင်ပို့​လေးနှယ်ပုံ​နေ​ကြောင်း​တွေ့လိုက်ရ​လေသည်။

သူကသိပ်မဆာလှသဖြင့် "ခင်များစားပါ ကျွန်​တော်ခွာ​ပေးမယ်" ဟုဆိုရင်းဖြင့် ပုစွန်ကျားတစ်ပန်းကန်ကိုလှမ်းယူရန်ပြင်လိုက်သည်။

ဖုယွမ်ချွမ်းကသူ့လက်ကိုအမြန်ဖမ်းယူလိုက်ကာ

"သူ့အခွံမှာဆူး​တွေနဲ့၊ ​လျှောက်မထိနဲ့​တော့"

ဤကဲ့သို့ဆူး​လေးများမှာ ဘာမှမဟုတ်​ချေ။ သို့​သော်စူးမိလျှင်​တော့ ရက်အ​တော်ကြာအောင် နာ​နေတတ်သည်။

ကင်ထား​သော ပင်လယ်စာတံစို့တို့ကလည်း ကျွင်းချင်ယွီနားတစ်ဝိုက်မှာသာ ရှိနေသည်။

ဖုယွမ်ချွမ်း​ရှေ့တွင်မူ အခွံနွာရန်လို​သော ပန်းကန်တချို့သာရှိ​နေ​၏။

စား​သောက်ဆိုင်မှာအဆင့်မြင့်လှပြီး အခွံသင်ရန် ကိရိယာတချို့ ​ပေးထားရာ လက်ဖြင့်ခွာရသည်ထက်ပိုမြန်​လေသည်။

ကျွင်းချင်ယွီ ပါးစပ်ကိုအသာဟလျက် တစ်ကိုက်ကိုက်လိုက်ပြီးနောက် ဖုယွမ်ချွမ်းမှာ တစ်လုပ်ပင်မစားပဲ အခွံခွာ​နေသည်ကိုသာသတိထားမိ​လေသည်။

ပုစွန်စားပြီးသည်နှင့် ကျွင်းချင်ယွီ​မေးလိုက်သည်။

"ခင်များဘာလို့မစားတာလဲ" သူကဤမတိုင်ခင် မုန့်အချို့လည်းစားထားရာ သိပ်မဆာ​ချေ။ သို့​သော်ဖုယွမ်ချွမ်းကမူ ဘာမှမစားရ​သေး​ချေ။

​နောက်ဆုံးကျန်​သောပုစွန်ကိုခွာပြီး​နောက်တွင် သူ၏လက်ကိုပုဝါတွင်ပွတ်သုတ်လိုက်ပြီး ကျွင်းချင်ယွီကိုကြည့်လျက် မျက်​တောင်ပင်မခတ်ပဲဆိုလာသည်။

"ကိုယ်ကငါးကိုစားဖို့​စောင့်​နေတာ"

ကျွင်းချင်ယွီ ကအံ့အားသင့်လျက်ပင်" ဟင်"

ခင်များ...ကျွန်​တော့်ကိုဘာလို့အဲလိုကြီးလာကြည့်​နေတာလဲ ။

ကျွင်းချင်ယွီ မှာ ဖုယွမ်ချွမ်း၏အကြည့်တို့ကိုခတ္တမျှမတုန့်ပြန်နိုင်ဖြစ်သွားခဲ့သည်။ သူတို့အ​တော်ကြာအကြည့်ချင်းဆုံ​နေပြီးမှ မျက်ခုံးကိုအသာပင့်လျက်ဆိုလိုက်သည်။

"ခင်များ"

သူပါးစပ်ဟလိုက်သည်နှင့် အပြင်ဘက်မှ ၀န်​ဆောင်မှု​ခေါင်း​​လောင်း​လေးကမြည်လာခဲ့သည်။

"ဟယ်လို ငါးကင်နဲ့ ကိုယ်တိုင်ဖမ်းငါး​တွေကိုပြင်ဆင်ပြီးပါပြီခမျ"

အဆိုပါ ဟင်းပွဲများ​ရောက်လျှင် ဖုယွမ်ချွမ်းက ​ချောင်းအသာဟန့်လျက်ဆိုလိုက်သည်။

"၀င်ခဲ့ပါ"

ဝိတ်တာ​လေးက ငါးကင်နှင့် အခြားငါးဟင်းပွဲများကို စားပွဲ​ပေါ်တွင်အစီအရီချလာသည်။

"သုံး​ဆောင်ကြပါ"

ထို့​နောက်တွင်တံခါးကိုပြန်ပိတ်ပြီးထွက်သွား​တော့သည်။

 စားပွဲထိုး​​လေးကအမြန်၀င်ပြီးအမြန်ထွက်သွား​သော်လည်း စကားကတ၀က်တပြတ်ဖြတ်​တောင်ခံလိုက်ရ​ချေပြီ။

ဖုယွမ်ချွမ်းကသူ့အား အရိုးမပါ​သော ငါးတုံး​လေးကိုထည့်​ပေးလိုက်သည်။

"အရင်ဆုံးစားရ​အောင်"

ပင်လယ်ငါးများမှာ ရုပ်ဆိုး​သော်လည်းအရသာ​​ကောင်းလှသည်။

အသားထူပြီးအရိုးနည်းသဖြင့် စားရသည်မှာလည်း အခက်မ​တွေ့လှ​ချေ။

ကျွင်းချင်ယွီ ငါးတဖဲ့ကိုကိုက်ယူလိုက်သည်။ ငါးကင်၏အပြင်ခွံမှာကြွပ်ရွ​နေသည်။အပူချိန်မှာလည်းအ​တော်ပင်၊သို့သာသူကဗိုက်ဆာမ​နေခဲ့​ချေ။ထို့အပြင်တခြားပင်လယ်စာတချို့ကိုလည်းစားထားပြီး​ချေပြီမို့ ထိုတစ်တုံးစားပြီး​နောက်တွင် တူကိုပြန်ချထားလိုက်​တော့သည်။

ဖုယွမ်ချွမ်းမှာ အစက​နေအဆုံးအထိ သူ့အား တစ်ခုပြီးတစ်ခုထည့်​ပေး​နေခဲ့သည်။ အခွံနွာလိုက် အရိုးနွင်လိုက်နှင့် သူ့ဟာသူသိပ်မစားဖြစ်​ချေ။

Xxxxxxx