အပိုင်း ၇၅

Chapter 75

ပြင်ဆင်ပြီး​သောညလယ်စာများကိုစားပွဲ​ပေါ်တင်ပြီးနောက် ဖုတ်လက်စကိတ်၏ အပူချိန်လည်း​လျော့နည်းသွားခဲ့သည်။

ကျွင်းချင်ယွီ ​အော်တိုစက်​လေးနှင့်အ​ပေါ်ခရင်များလုပ်ရန်ပြင်လိုက်သည်။ သူသည်ယခင်က ကိုယ်တိုင်ထိန်းချုပ်ရ​သောစက်များကသာ ပို၍အသုံးပြုရလွယ်သည်ဟုခံစားမိဆဲပင်။

​ရေခဲသကြားမှုန်တချို့နှင့် ခရင်မ်များမှာ အလွန်နူးညံ့ကာ ချိုမြပုံ​ပေါ်​လေသည်။

သူရုန်းကန်​နေရစဥ်အပြင်ဘက်မှ တံခါးဖွင့်သံထွက်​ပေါ်လာခဲ့သည်။

အပြင်ဘက်မှ ကင်းလှည့်​နေ​သောလူများမှာ တံခါးဖွင့်၍မရ​ချေ၊ သူတို့က စက်ရုပ်မှတဆင့် ကျွင်းချင်ယွီ၏ခွင့်ပြုချက်ကို​တောင်းပြီးမှသာ၀င်နိုင်​​လေသည်။

ထို့​ကြောင့်၄င်းမှာ ဖုယွမ်ချွမ်းသာဖြစ်လိမ့်မည်။

ကျွင်းချင်ယွီအသံကိုကြားလျှင် သူကအ​ပျော်လွန်လျက် စက်ကိုအမြန်ပိတ်ကာထွက်သွားချင်ခဲ့သည်။ သို့​သော်သူ၏လက်လှုပ်ရှားမှု​ကြောင့် ဇလုံအပြည့်ခရမ်ဖြူများမှာအပြင်သို့လွတ်ထွက်ကုန်​တော့၏။

"​ကောင်း​ရော"

သို့မှာသာ ခရင်မ်​​မွှေစက်မှာအလိုလိုရပ်သွားခဲ့သည်၊ သို့​သော် ကျွင်းချင်ယွီ၏တစ်ကိုယ်လုံးမှာခရင်မ်များ​ပေပွနှင့်ခဲ့ပြီဖြစ်သည်။

ဖုယွမ်ချွမ်းသည်အတွင်းမှအသံဗလံများကိုကြားလျှင် အမြန်၀င်လာခဲ့​လေ၏၊

"ဘာဖြစ်လို့လဲ"

ခရင်များဖြင့်ဖုံး​နေ​သောငါးက​လေးကိုကြည့်ပြီး သူကတန့်သွားကာဆိုလာသည်၊

"မျက်လုံး​တွေထဲ၀င်သွား​​သေးလား"

ကျွင်းချင်ယွီ​ခေါင်းကိုခါလိုက်သည်၊ သူ၏လည်ပင်းတွင်​ရော မျက်နှာတွင်​ရော တစ်ကိုယ်လုံး​ပေပွလျက်။

နှုတ်ခမ်းကိုတင်းတင်း​စေ့လျက်ပင် လျှာ​ပေါ်မှအချိုအရသာကိုခံစား​နေမိသည်။

ဖုယွမ်ချွမ်းသည်တစ်ရှုးကိုယူလျက် ​ရှောင်ယွီ၏လက်အားညင်သာစွာပွတ်သုတ်​ပေးလိုက်သည်၊

"လက်သွား​ဆေးလိုက်​နော်"

"အင်း"

ကျွင်းချင်ယွီသည်လူမရှိ​သော ဧည့်ခန်းကိုကြည့်လိုက်ပြီး​နောက်သူ့​ဘေးမှ ဖုယွမ်ချွမ်းကိုကြည့်လိုက်သည်။

ဖုယွမ်ချွမ်း​မေးလိုက်သည်" ဘာလို့လဲ"

ကျွင်းချင်ယွီပြုံးလိုက်ပြီး​ခေါင်းကိုခါလိုက်သည်။

​​ရှောင်ယွီသည် ခရင်များ​ပေ​နေ​သောမျက်နှာ​လေးဖြင့် ပွတ်သပ်လိုက်လျှင် ဖုယွမ်ချွမ်းကမူ ​ဆော့ချင်​နေသည်သာထင်လျက် "မင်း.."

သူ​ပြောလို့မပြီးခင်မှာပင် ကျွင်းချင်ယွီက​ရှေ့သို့တိုးကာ ခရင်မ်တို့​ပေပွ​နေ​သောနှုတ်ခမ်း​လေးဖြင့် ဖုယွမ်ချွမ်းအားနမ်းလိုက်သည်။

​နေရာတွင်​​အေးခဲ​နေ​သောဖုယွမ်ချွမ်းအားပြုံးလျက်ကြည့်ကာ ကျွင်းချင်ယွီမျက်​တောင်ခတ်လျက်ဆိုလိုက်သည်။

"ချိုလား"

ဖုယွမ်ချွမ်း၏လည်စလုပ်ကအသာလှုပ်ခတ်သွားလျက် သူ၏အသံကအနည်းငယ်သြကာ ရှတ​နေခဲ့သည်၊ 

"ခရင်မ်ကို​ပြောတာလား မင်းကို​ပြောတာလား"

"ဟင်..." ကျွင်းချင်ယွီတွန့်ဆုတ်စွာဆိုလိုက်သည်။

"ခရင်မ်​ပေါ့.."

ဖုယွမ်ချွမ်းကအတည်ကြီးစဥ်းစား​နေလိုက်သည်၊

ကျွင်းချင်ယွီမျက်လုံး​လေးများကို​ကွေးလျက်ပြုံးကာ

"ကျွန်​တော်ဆိုရင်​ရော"

ဖုယွမ်ချွမ်းချက်ချင်းပြန်မ​ဖြေ​ချေ၊ သို့​သော်​ရှောင်ယွီနားသို့ကိုင်းလာပြီး ခါး​လေးကိုအသာဆွဲဖက်လိုက်သည်။

ကျွင်းချင်ယွီမှာနားမလည်နိုင်စွာကြည့်လျက်

"ဟင်"

ဖုယွမ်ချွမ်းသည်သူ၏လည်တိုင်မှခရင်မ်ကိုဖယ်လိုက်ပြီး အနီ​ရောင်အမှတ်​လေးကိုကြည့်လျက် နူးညံ့စွာဆိုလိုက်သည်၊

"ကိုယ်ထပ်မြည်းကြည့်ဦးမယ်၊ အရသာ​သေချာမခံလိုက်ရဘူး"

ကျွင်းချင်ယွီကက သူ၏မျက်လုံးကို ဖွင့်လိုက်ကာ လက်က​လေးဖြင့်တွန်းထုတ်လို​သော်လည်း သူ၏ခါးမှာတင်းကြပ်စွာ ဖက်ထားခြင်းခံ​နေရသည်။

ဖုယွမ်ချွမ်းကအလျင်မလိုပဲ ခရင်မ်ကိုမြည်းစမ်းလိုက်ပြီးမှ သူ၏​ပါးပြင်ထက်မှ ခရင်မ်​လေးကိုဖြည်းညင်းစွာလျက်လိုက်ကာဆိုသည်။

"ရှိသေးလား"

"မ..မရှိ​တော့ဘူး"

"သွား​ဆေး​ကြောပြီး အင်္ကျီလဲလိုက်​တော့"

ကျွင်းချင်ယွီ​​ တောင့်​တောင့်ကြီးခေါင်းငြိမ့်လိုက်သည်။ သို့​သော်သူမသွားနိုင်ခင်ဖုယွမ်ချွမ်း၏​ပွေ့ချီခြင်းကိုခံလိုက်ရပြန်သည်။

ထိုအချိန်တွင်ကျွင်းချင်ယွီ လည်းအထိတ်တလန့်ဖြင့် ဧည့်ခန်းတွင်တစ်​ယောက်​ယောက်ရှိ​နေမလားလှည့်ကြည့်လိုက်မိသည်။ ကံ​ကောင်းစွာဖြင့် ကင်းလှည့်ချိန်မှလွဲလျှင် မည်သူမှဆင်းမလာတတ်​ချေ။

ကျွင်းချင်ယွီစိတ်သက်သာရာရစွာသက်ပြင်းချလိုက်ကာ ဖုယွမ်ချွမ်း၏ရင်ခွင်တွင်မှီလျက် သူ၏ဆံပင်မှ ခရင်မ်များကို သူ့ပုခုံးတွင်ပွတ်သုတ်​နေလိုက်​လေသည်။

​ရှောင်ယွီ​လေး၏ က​လေးလိုချွဲနွဲ့နွဲ့အပြုအမူ​လေးကိုခံစားမိချိန်တွင် ဖုယွမ်ချွမ်းဘာမှမဆိုနိုင်ခဲ့​ချေ။ ရှောင်ယွီအားအ​ပေါ်ထပ်သို့ချီ​ခေါ်လျက်​ရေချိုးကန်​လေးထဲထည့်ကာ ​ရေအပူအ​​အေးကိုချိန်ဆလိုက်သည်။

ကိုယ်မှာသန့်စင်သွားခဲ့​သော်လည်း အင်္ကျီ​ပေါ်တွင်​တော့ ခရင်မ်အများအပြားကျန်ရှိ​နေဆဲပင်။

ကျွင်းချင်ယွီလည်းကြယ်သီးများကိုဖြုတ်ကာ သူ၏ဂျက်ကတ်ကိုအရင်ချွတ်ရန်ပြင်လိုက်သည်။ ထိုစဥ်​ရေချိုးခန်းတံခါးပိတ်သံကိုကြားလိုက်ရသဖြင့် ဖုယွမ်ချွမ်းက သူ့အတွက်တံခါးပိတ်ထား​​ပေးခဲ့သည်ဟုသာ ​တွေးလိုက်မိသည်။

သို့​သော် ​နောက်ထပ် အတွင်းမှ ပိတ်​လိုက်သော ကလစ်ဟူ​သောအသံကိုပါတပါတည်းကြားလိုက်ရ​လေသည်။

သူကအံ့အားသင့်စွာလှည့်ကြည့်လိုက်မိသည်။

ဖုယွမ်ချွမ်းကထွက်မသွားခဲ့​ပေ။

"ခင်များ..."

ဖုယွမ်ချွမ်းသည် ဂျက်ကတ်ကိုစင်​ပေါ်တွင်တင်လိုက်ပြီး သြ၍ရှတတအသံဖြင့်ဆိုလိုက်သည်။

"အတူချိုးရ​အောင်"

---

ကျွင်းချင်ယွီပြင်ထား​သော ညစာမှာ စားပွဲ​ပေါ်တွင်ထိုအတိုင်းရှိ​နေဆဲပင်။

ဖုယွမ်ချွမ်း​အောက်သို့ဆင်းသွားလျှင် ဟင်းပွဲများမှာ ​အေးစက်​နေခဲ့ပြီဖြစ်သည်။

ဟင်း​တွေကအများကြီးပင်၊ သို့​သော်အိပ်ခါနီး အစားများများစားရန်မသင့်​တော်လှ​ချေ။

သူက ငါးလေးကြိုက်​သောဟင်းပွဲများကို​ရွေးလိုက်ပြီး ပြန်​နွှေးလိုက်သည်။

အိပ်ခန်းထဲတွင် ကျွင်းချင်ယွီမှာမိမိကိုယ်ကို ​စောင်ပုံထဲတွင်နစ်မြှုပ်ထားလျက်ငြိမ်​နေခဲ့သည်။ သို့​သော်​စောင်ကထူ၍ပင်လားမ​ပြောတတ်ပေ။ မျက်နှာများကပူလာပြီးကြာကြာမပုန်းနိုင်​ချေ။

ဖုယွမ်ချွမ်းကဟင်းပွဲများကိုချလိုက်ပြီး ​စောင်ပုံ​အောက်မှ ငါးလေး၏ ​ခေါင်းကိုပုတ်လိုက်သည်။

"ထပြီးတစ်ခုခုစားလိုက်ဦး"

ငါးက​လေး၏ ဝါးတားတားအသံ​လေးက​စောင်​အောက်မှထွက်လာခဲ့သည်။

"ကျွန်​တော်အိပ်​ပျော်​နေပြီ"

ဖုယွမ်ချွမ်းရယ်လိုက်ပြီး

"ထွက်မလာဘူးဆို ကိုယ်မင်း​စောင်ကိုဆွဲဖယ်မှာ​နော်"

ကျွင်းချင်ယွီဟွန့်ခနဲအသံပြုလျက် ဖြည်းညင်းစွာထလာခဲ့သည်။ သို့​သော်​၀တ်ရုံ​လေးလိုစောင်ကို​ခေါင်းမြှီးခြုံထားဆဲပင်။

​ခြေ​ထောက်များမှာ မခိုင်ပဲ ​ညောင်းကိုက်မှုနှင့် ထုံကျဥ်မှုတို့ကိုခံစား​နေရဆဲပင်၊၊ ကျွင်းချင်ယွီမျက်​မှောင်ကျုံ့လိုက်မိသည်။ သူငုံ့ကြည့်လိုက်​သော်လည်း ​ဆေးအဆီလူးထားသည်မှလွဲ၍ ကျန်တာဘာကိုမှမ​တွေ့ရ​ချေ။

၄င်းက ​ဆေးရနံ့သင်းသင်း​လေးပျံ့​နေခဲ့သည်။

​ရေချိုးခန်းထဲတွင် အဆုံးထိမသွားခဲ့​သော်လည်း ကျွင်းချင်ယွီမှာ ​ညောင်းညာမှုကိုက်ခဲမှုတို့ကိုခံစား​နေရဆဲဖြစ်သည်။ အကြာကြီးရပ်ခဲ့ရ၍ဖြစ်နိုင်သည်။

အပို​ဆောင်းအ​နေဖြင့် မ​နေ့ညကလည်းတစ်ညလုံးမအိပ်ထားသဖြင့် သူကအလွန်အိပ်ချင်နေခဲ့သည်။

ဖုယွမ်ချွမ်းလည်း သူ့အားထူမလျက် စားပွဲ​လေး​ပေါ်တွင် ညစာကိုပြင်​ပေးလိုက်သည်။

"နည်းနည်း​လေးပဲစားလိုက်​နော်၊ ပြီးရင်အိပ်​တော့"

အချိန်ကလျင်မြန်စွာကုန်ဆုံးသွားခဲ့သည်။ မသိလိုက်ခင်တွင်မိုးလင်း​ခါနီးနေခဲ့​ချေပြီ။

ကျွင်းချင်ယွီ​ခေါင်းငြိမ့်လိုက်သည်။ ဆန်ပြုတ်အနည်းငယ်​သောက်လိုက်ပြီး​နောက်ထပ်မစားနိုင်​တော့​ချေ။ ဖုယွမ်ချွမ်းလည်းစားပြီးသည့်​နောက် စားပွဲအားပြန်သိမ်းလိုက်သည်။

အပြင်ဘက်တွင်သိမ်းဆည်းရန်​စောင့်​နေ​သောစက်ရုပ်က​လေးအားပန်းကန်များကိုထည့်​ပေးလိုက်ပြီး စက်ရုပ်က​လေးက၄င်းတို့ကို ​အလိုအလျောက်ပန်းကန်​ဆေးစက်ထံသယ်သွားခဲ့သည်။

ဖုယွမ်ချွမ်းပန်းကန်တို့ကိုသိမ်းပြီးသည်နှင့် လှည့်ကြည့်လိုက်လျှင် အိပ်ယာ​ပေါ်တွင်တ​စောင်းလေးအိပ်​နေ​သော​ရှောင်ယွီက အပြုံး​လေးဖြင့်သူ၏အိပ်ယာ​ဘေးမှ ​နေရာလွတ်​လေးကိုပုတ်ပြ​နေသည်ကို​တွေ့လိုက်ရ​လေသည်။

ဖုယွမ်ချွမ်းလည်းအကူအညီမဲ့စွာပြုံးလိုက်မိသည်။

ဖုယွမ်ချွမ်းမလှုပ်ရှားလျှင် ကျွင်းချင်ယွီကဆိုလိုက်သည်။

"လာပါ အိပ်ရ​အောင်ပါဆို"

"လာပါပြီ"

အလုပ်များ​သောတ​နေ့တာအပြီး ဖုယွမ်ချွမ်းလှဲချလိုက်လျှင် ကျွင်းချင်ယွီကသူ့လက်​မောင်းများကို​ခေါင်းအုံးလျက် မျက်လုံး​လေးကိုမှိတ်လိုက်​လေ​တော့သည်။

"​ကောင်း​သောညပါ"

အိမ်မှ ဆင်ဆာအလင်းတို့လည်း​ အလိုအလျောက်ပိတ်ကျသွား​တော့သည်။

ဖုယွမ်ချွမ်းက လက်ကို​ကွေးလျက်ရင်ခွင်ထဲမှ ငါးလေးကိုတင်းကြပ်စွာဖက်ပြီး ဆိုလိုက်သည်။

"​ကောင်း​သောညပါ..."

---

အင်ပါယာ​ခေါင်း​​ဆောင်က မာရှယ်များကိုအ​ရေး​​ပေါ်အစည်းအ​ဝေးခေါ်ခဲ့သည်။ အစည်းအ​ဝေးအချိန်ကမတို​​တောင်း​သော်လည်း ​ထွေ​ထွေထူးထူး ထူးခြားမှူမရှိခဲ့​ချေ။

တနည်းဆိုရလျှင် သူ့တွင်တခြားအကြံရှိ​သော်ငြား မာရှယ်များကလက်မခံခဲ့​ချေ။

ကျွင်းချင်ယွီသည်အိပ်ယာ​ဘေးတွင်ထိုင်လျက် အင်တာနက်ကိုအ​တော်ကြာကြည့်​နေမိသည်။ သို့​သော်​နောက်ဆုံးရသတင်းများကရှိမ​နေ​ချေ။သူ စားပွဲတွင်အလုပ်ရှုပ်​နေ​သောဖုယွမ်ချွမ်းကိုကြည့်လျက် ခဏ​တွေး​တောလိုက်ကာ ​လျှောက်လာလိုက်သည်။

"ဘာဖြစ်လို့လဲ"

သူလာသည်ကိုမြင်​တော့ဖုယွမ်ချွမ်း ငါးက​လေးကိုဆွဲဖက်ပြီး​မေးလာခဲ့သည်။

"​ခြေ​ထောက်​တွေနာ​နေ​သေးလား"

မ​နေ့ညကအိပ်တာ​နောက်ကျသည်မို့ သူနိုးလာချိန်တွင်​နေ့လည်ခင်းပင်ဖြစ်​နေခဲ့ပြီ။ ရှောင်ယွီက​​ခြေ​ထောက်​တွေကိုက်သည်ဟု ​ပြောခဲ့သည်မို့ သူ​ဆေးလိမ်းပေးခဲ့သည်။

ကျွင်းချင်ယွီ​ခေါင်းကိုခါလျက် ​မေးလိုက်သည်။

"လူအိုကြီးတွေရဲ့အစည်းအဝေးရည်ရွယ်ချက်ကဘာလဲ၊ ခင်များတို့ကိုအင်အားသုံးဖိနှိပ်​ပေး​စေချင်တာလား"

"အဲလိုနီးပါးပါပဲ၊ ဒါ​ပေမယ့်အဲလို​တော့တည့်မ​ပြောဘူး​ပေါ့" 

ကိစ္စကအပြင်ကို​ပေါက်ကြား၍မရဟုသာဆို​နေခဲ့သည်။ သို့​သော်မာရှယ်ရာထူးကိုတာ၀န်ယူထားရသူတို့ကအရူးမဟုတ်​ပေ။မည်သူကမှအထူးအထွေမတုန့်ပြန်ခဲ့ကြပေ။

ကျွင်းချင်ယွီလည်း၄င်းကို​​တွေးမိသည်ပင်။ မည်သူကမှအလွယ်တကူအရူးလုပ်ခံပြီး ဤအရှုပ်အ​ထွေးတွင် ပါ၀င်ချင်လိမ့်မည်မဟုတ်။

"မာရှယ်တော့ဒစ်စ်ရဲ့စက်ရုပ်က​​ရော၊ ပြန်ပို့လိုက်ပြီလား"

"သူဘယ်လိုပြန်ပို့ရဲမှာလဲ"

"ကိုယ်သဲလွန်စနည်းနည်း​ပေးထားတယ် ၊ဒါ​ပေမယ့် သူတို့​ဆောင်ပုဒ်လို ​ပေါ့ 'အင်ပါယာရဲ့အ​ပူ​တွေကို​ မျှဝေရမယ့်တာ၀န်ရှိပါတယ်'တဲ့ ၊ သူရုပ်တည်ကြီးနဲ့ထ​ပြောတဲ့အချိန်ကိုယ်အရူးလုပ်ခံရ​လုနီးပါးပဲ"

ကျွင်းချင်ယွီမျက်ခုံးကိုပင့်လိုက်ပြီးထိုရှက်ဖွယ်အခိုက်အတန့်ကို ပုံ​ဖော်၍ပင်ကြည့်နိုင်သည်။

တဖက်လူက တမင်သက်သက်တုံးအ​ချင်​ယောင်​ဆောင်​နေမှန်းသိသည့်တိုင်​အောင် ရယ်ချင်စိတ်ကိုထိန်း​နိုင်မည်မဟုတ်​ချေ။

"​ကောင်းတယ်"ကျွင်းချင်ယွီလည်းပြုံး၍ဆိုလိုက်သည်။

သို့​သော်​တွေးကြည့်လျှင်လည်း ထပ်မံတိုးတက်လာမည့်အ​ခြေအ​နေတို့က မိမိတို့ထိန်းချုပ်မှု​​အောက်မှလွတ်သွားနိုင်​သေးသည်။

"ဒါ​ပေမယ့် ရလဒ်မ​သေချာ​သေးရင်၊ သူက ​ရေသူပျိုး​ထောင်​ရေးစခန်းနဲ့လည်းပူး​ပေါင်းသွားနိုင်တယ်​နော်"

သူသည် ​ရေသူပျိုး​ထောင်​ရေးစခန်းမှတာ၀န်ရှိသူကဦး​နှောက်နည်းနည်းရှိ၍ အရှုပ်အ​​ထွေးတွင် ပါ၀င်မှုမရှိရန်​မျှော်လင့်မိသည်၊

ဖုယွမ်ချွမ်းသည်သူယခင်ကရှာကြည့်ထား​သော ၀က်ဘ်ဆိုက်ကိုဖွင့်လိုက်ပြီး "ကိုယ့်မှာရထားပြီးပြီ"

"ဟင်" ကျွင်းချင်ယွီအံ့သြသွားမိသည်။

တကယ်ကြီးလား အရမ်းမြန်မ​နေဘူးလား။

အချိန်ကိုကြည့်လိုက်လျှင် သတင်းမှာ သူတို့​အိပ်​နေစဥ်ကပင် ထွက်လာခဲ့ပုံပင်။

သို့​သော်​ရေသူပျိုး​ထောင်​ရေးစခန်းနှင့်ဆက်စပ်​သောတစ်စုံတရာမှမပါ၀င်​ချေ။ ၄င်းကလူ​နေထူထပ်​​သောဧရိယာတွင်ဖြစ်ပွားခဲ့​သော စိတ်​ရောဂါဗိုင်းရပ်အ​ကြောင်းသာဖြစ်သည်။ လူတစ်​ယောက်​ယောက်မှ ထို​ရောဂါဖြစ်​စေ​သော​ဆေးဝါးကိုရည်ရွယ်ချက်ရှိရှိလာချထား​ကြောင်းလည်းမပါ၀င်​ချေ။ ခြုံ​ပြောရလျှင် ဓါတ်​ရောင်ခြည်ယိုဖိတ်မှုပြသနာဟုသာဆိုထားသည်။

ရလဒ်အ​နေဖြင့် သတင်းကိုမြင်​သောလူများမှာပို၍စိတ်လှုပ်ရှားလာကြသည်။ ​ဓါတ်​ရောင်ခြည်ယိုစိမ့်မှုကိုမည်သူမျှမ​ရှောင်ရှားနိုင်​​ချေ။ မိမိတို့လည်းဓါတ်​ရောင်ခြည့်အသင့်လွန်ပါက ​ရောဂါကူးစက်ခဲရမည်​​လော​တွေးပူ​နေကြ​တော့သည်။

သို့နှင့် ၄င်းသတင်းကပင် M ကြယ်သု​တေသနစမ်းသပ်မှုဖြစ်စဥ်ကိုအနည်းငယ်ဖုံးလွှမ်းသွား​စေခဲ့သည်။

ကျွင်းချင်ယွီ၏အမူအယာကအနည်းငယ်​​အေးစက်လျက်

"သူတို့ကိုယ်တိုင်ဒါကိုလုပ်ပြီး​​တော့ ခင်များကိုထိုးချချင်ခဲ့တာ၊ အခုကျ​တော့ ဒီလုပ်ဇာတ်ကသူတို့ရဲ့ အသက်ကယ်​ကောက်ရိုးဖြစ်သွားပြန်ပြီ"

ဖုယွမ်ချွမ်းလည်း​ရှောင်ယွီ၏​​ကျော​လေးကိုပုတ်​ပေးလိုက်ပြီး "ကိုယ်စိတ်မတိုပါဘူး"

"ခင်များအ​ကောင့်နဲ့ လျှို့ဝှက်နံပါတ်ကျွန်​တော့်ကို​​ပေး" 

ကျွင်းချင်ယွီထိုလူများကို​ဒေါသထွက်​နေရန်အားလပ်မ​နေ​ပေ။ အခြေအ​နေကိုကြည့်ရလျှင် သူတွေးထာသည်နှင့် သိပ်ကွာမည်မဟုတ်ချေ။

"​ကောင်းပြီ"

ဖုယွမ်ချွမ်း၏အ​ကောင့်မှာ သိပ်သုံး​လေ့မရှိရာ ​နောက်ဆုံးမက်​ဆေ့ကလည်း လွန်ခဲ့​သောတစ်နှစ်ခန့်ကဖြစ်သည်။

သူကဤလိုအရာမျိုး​တွေအတွက်ပျင်းလွန်းသည်မို့ ​ရှောင်ယွီ​တောင်းသည်နှင့်ချက်ချင်း​ပေးလိုက်သည်။

Xxxxxxx