အပိုင်း ၇၆

Chapter 76

ဖုယွမ်ချွမ်း၏အ​ကောင့်မှာ သိပ်သုံး​လေ့မရှိရာ ​နောက်ဆုံးမက်​ဆေ့ကလည်း လွန်ခဲ့​သောတစ်နှစ်ခန့်ကဖြစ်သည်။

သူကဤလိုအရာမျိုး​တွေအတွက်ပျင်းလွန်းသည်မို့ ​ရှောင်ယွီ​တောင်းသည်နှင့်ချက်ချင်း​ပေးလိုက်သည်။

ကျွင်းချင်ယွီက ဖုယွမ်ချွမ်း၏အ​ကောင့်ကို၀င်လိုက်ပြီး ပို့စ့်တင်ရန်အလျင်မလိုခဲ့​ချေ။ဖုယွမ်ချွမ်း၏ အထူးကိုယ်ပိုင်အ​ကောင့်မှာ ဟက်ခံရစရာအ​ကြောင်းလည်းမရှိတာ​ကြောင့် တစ်ခုခုတင်ခြင်းက ဖုယွမ်ချွမ်း၏ဆန္ဒကို တိုက်ရိုက်ကိုယ်စားပြုသည်။

ထို့​ကြောင့်သူသတိထားမှဖြစ်မည်။

အ​ကောင့်ကိုရပြီးသည်နှင့် ကျွင်းချင်ယွီခတ္တမျှ​တွေး​တောလိုက်ပြီးဆိုသည်။

"ကျွန်​တော် အချိုပွဲ​ရောင်းတဲ့ဆိုင်​လေးဖွင့်ချင်တယ်"

"မင်းပင်ပန်းမှာ​ပေါ့" ဖုယွမ်ချွမ်းမှာ​ရှောင်ယွီဆန္ဒရှိသမျှကိုမငြင်းပယ်လို​ချေ၊ သို့​သော် ထိုသို့အပြင်တွင်ဆိုင်ဖွင့်လျှင်​တော့ ၀ယ်သူများလျင် ပင်ပန်း​ချေမည်။

ထို့အပြင်စိတ်ဝိဥာဥ်စမ်းရေမှာ ငါးလေးမှလွဲလျှင် ကျန်လူများအသိခံ၍မဖြစ်​ချေ။ ထို့​ကြောင့် ​စားသုံးသူအများကြီးကို၀န်​ဆောင်မှု​ပေးရာတွင် အခက်​တွေ့နိုင်သည်။

"ဟင့်အင်း ကျွန်​​တော်တို့ မြို့လယ်​ခေါင်ကအဲဒီလူနာ​တွေကိစ္စကိုအရင်ရှင်းဦးမှာ"

​ဆိုင်မဖွင့်ခင် ပြသနာများကိုအရင်ရှင်းထားမှသာ ကိစ္စများကိုကိုင်တွယ်ရလွယ်ကူမည်ဖြစ်သည်။

ဖုယွမ်ချွမ်း​ခေါင်းငြိမ့်ကာဆိုသည်။

"​ကောင်းပြီ၊ မင်းကဆိုင်ဖွင့်ဖို့အတွက်ပဲအာရုံစိုက်ပါ၊ ကိုယ်ကကျန်တာ​တွေ​ဖြေရှင်းလိုက်မယ်"

"အို​ကေ"ကျွင်းချင်ယွီ​ခေါင်းကို​မော့လျက် သူ့အားနမ်းလိုက်သည်။ "​ကျေးဇူးပါ မာရှယ်"

ဖုယွမ်ချွမ်း​မေးလိုက်သည်။

"​ခြေ​ထောက်​တွေနာ​နေ​သေးလား"

"ဟင်... မနာ​တော့ပါဘူး" တကယ်​တော့အရည်ပြား​လေးပွန်းပြီးအနည်းငယ် ထုံကျင်​နေ​သေးသည့်တိုင် ​ရေသူများတွင် အလွန်​​ကောင်းမွန်​သောကုသနိုင်စွမ်းရှိတာ​ကြောင့် သိပ်ပြသနာကြီးမဟုတ်​ပေ၊၊ ထို့​ကြောင့် ကျွင်းချင်ယွီမှာနာသည်ဟုမ​ပြောလိုက်​တော့​ချေ။

​ရှောင်ယွီ၏တွန့်ဆုတ်​နေမှုကိုမြင်လျှင် ဖုယွမ်ချွမ်း​ခေါင်းငြိမ့်လိုက်ကာ ကွန်ပျူတာကိုပိတ်လိုက်သည်။

"သွားကြစို့"

"ဟင် ခင်များအပြင်သွားချင်လို့လား" 

ကျွင်းချင်ယွီအံ့သြစွာထရပ်လိုက်သည်။ သူတို့ဒီ​နေ့အတွက် အစီအစဥ်ရှိသည်ဟု မထင်ထား​ချေ။

"​မြေ​​အောက်ထပ်" ဖုယွမ်ချွမ်းသည်အင်တာနက်​ပေါ်မှသတင်းအချက်များကိုစစ်​ဆေးလိုက်ပြီး ဆိုသည်။

"​ရေသူတစ်​ယောက်အတွက်​ရေထဲမှာတာက ကုန်း​ပေါ်မှာ​နေတာထက်ကုသမှူပိုမြန်တယ်တဲ့"

"သွားကြစို့ ရေနည်းနည်းစိမ်ရ​အောင်"

ကျွင်းချင်ယွီကလူပုံစံဖြင့်​နေတာအနည်းငယ်ကြာခဲ့ပြီဖြစ်သည်။ ထို့​ကြောင့် ဒဏ်ရာကို​ရေနှင့်ထိ​တွေ့​ပေးသင့်သည်ကိုပင်​မေ့​နေခဲ့သည်။

ကျွင်းချင်ယွီလည်း​မြေ​​အောက်ထပ်သို့မဆင်းရသည်မှာအနည်းငယ်ကြာခဲ့ပြီဟု​တွေးမိသည်။ သူသာမသွားလျှင် ၄င်းကြီးမား​သော​ရေကန်ကြီးက နှ​မြောဖွယ်အထီးကျန်​နေ​ရော့မည်။

​မြေ​အောက်ရေကန်မှာ ​အော်တို​ရေလှဲလှယ်​ရေးစက်ဖြင့်ချိတ်ဆက်ထားခြင်း​ကြောင့်အမြဲတ​စေကြည်လင်သန့်ရှင်း​နေသည်။

ဖုယွမ်ချွမ်းသည်အ၀တ်လဲရန်သွားခဲ့ပြီး ကျွင်းချင်ယွီကမူ​ခြေ​​ထောက်ကိုကုသရန်​ရေထဲသို့တိုက်ရိုက်ဆင်းသွားခဲ့သည်။ ငါးမြီး​လေးကနာကျင်မှု​လေးအနည်းငယ်ကိုခံစား​နေရဆဲဖြစ်​သော်လည်း။ ဤလိုပုံစံဖြင့်​ရေထဲတွင်​နေရသည်ကပိုအဆင်​ပြေသည်၊

ကျွင်ချင်ယွီ၏​လော​​လော​ဆည်စိတ်စွမ်းအင်နှင့် မည်သည့်ပုံစံကိုမဆိုအလွယ်တကူထိန်းချုပ်​ပြောင်းလဲနိုင်ပြီဖြစ်သည်။

အတိတ်တွင် ဖုယွမ်ချွမ်း၏​​ရေသူ​လေးအ​ပေါ်ပထမဆုံးအမြင်မှာအ​တော်​လေး ပြင်းထန်ခဲ့သည်မို့ ဖုယွမ်ချွမ်း​ရှေ့တွင်​ရေသူ​လေးအဖြစ်​ပေါ်လာဖို့ရာတမင်​ရှောင်ကျဥ်ခဲ့သည်။

ယခုတွင်မူပူ​နေစရာမလို​တော့၊

သို့​သော်​ရေသူလေးနှင့်ယှဥ်လျှင်သူက ​ရေသူထီးအဖြစ် အပြည့်အ၀​ပြောင်းလဲရသည်ကိုပိုနှစ်သက်လှသည်၊ သို့မှသာ သူကဖုယွမ်ချွမ်းကိုဖက်နိုင်​ပေမည်။

အ​တွေးများ​နေစဥ်အ​ပေါ်မှ ​လော့ကာဖွင့်သံကြားလျှင် ကျွင်းချင်ယွီအနည်းငယ်​တွေး​တောလျက် ​အောက်​ခြေထိငုပ်လျှိုးသွားလိုက်သည်။

​ရေကန်သည်ဂရုတစိုက်ပြင်ဆင်ထားတာမို့​အောက်​ခြေတွင်ဘယ်လိုရှိသလဲအလွယ်တကူမမြင်နိုင်​ချေ။

​ရေသူများ၏​ရေကူးခြင်းကအလွန်လျင်မြန်ကာ ​ရေမျက်နှာပြင်​ပေါ်တွင်လှိုင်းမထ​စေ​အောင်လည်းကူးနိုင်​လေသည်။

ဖုယွမ်ချွမ်း​ထွက်လာလျှင် ကျွင်းချင်ယွီကိုမ​တွေ့သဖြင့် ရေထဲ​တိုက်ရိုက်မဆင်းလိုက်​ချေ။

"ငါးလေး?"

ထိုအချိန်တွင်​ရေ​အောက်မှတစ်စုံတစ်ခုထိုးထွက်လာခဲ့သည်။

ဖုယွမ်ချွမ်းသည် ကမ်း​ခြေတွင် ထိုင်ချလိုက်ပြီး ၄င်းကိုလက်လှမ်းကာ​ဆယ်ရန်ပြင်လိုက်သည်။

​ထို့​နောက် ကျွင်းချင်ယွီက ​ရေ​အောက်မှ ဘွားကနဲ​ပေါ်လာ​တော့သည်။ "ဝါး"

ကျွင်းချင်ယွီ​ကြောင့်​ရေကန်ကလှုပ်ခတ်သွားခဲ့သည်။ သူကပြုံးလျက်ဖုယွမ်ချွမ်းအား​မေးလိုက်သည်။

"ခင်များသိပ်​ကြောက်သွားလား"

ဖုယွမ်ျချွမ်းလက်ကိုဆန့်လိုက်ပြီးသူ၏မျက်နှာ​ပေါ်မှ ဆံစ​လေးများကိုဖယ်​ပေးလိုက်ကာ "အင်း ကိုယ်​ကြောက်တယ်"

ထို့​နောက်သူကဆက်​ပြောသည်။

"​ကြောက်စရာ​ကောင်းတယ်"

ဖုယွမ်ချွမ်းကကန်​ဘောင်တွင်ထိုင်ချလိုက်သည်။

ကျွင်းချင်ယွီလည်း​ရှေ့သို့ကူးခတ်လာပြီး သူ့အမြီး​လေးကိုကန်​ဘောင်​ပေါ်မှလူ၏​ပေါင်​ပေါ်သို့တင်လိုက်ကာ နှုတ်ခမ်းဆူလျက်ဆိုလိုက်သည်။

"၀တ်​ကျေတန်း​ကျေကြီးဗျာ"

"ဒါဆိုထပ်လုပ်​လေ" ဖုယွမ်ချွမ်းက​ခတ္တမျှ​တွေး​တောလိုက်သည်၊

"ကိုယ်အ​ကြောက်လွန်ပြီး​ရေထဲပြုတ်ကျသွားလို့​ရောရလား"

ကျွင်းချင်ယွီမျက်လုံးလေးကို​ကွေးလိုက်ပြီး ပို၍ချိုသာစွာပြုံးလိုက်သည်။

"ဒါဆို​ရေထဲမှာ နှစ်ပါတ်သုံးပါတ်​လောက် လှိမ့်လိုက်ဖို့မ​မေ့နဲ့​နော်၊ အဲလိုဆိုပိုကြည့်​ကောင်းပြီး​တော့ တကယ်ပြုတ်ကျတာနဲ့ ပိုတူတာပေါ့"

"​ကောင်းပြီ" ဖုယွမ်ချွမ်းလည်းသူ့​ပေါင်​ပေါ်မှ ပြုံး​နေ​သောငါးလေးကိုကြည့်လျက် ချီကာထရပ်လိုက်သည်။

"ဟင်" ကျွင်းချင်ယွီကအနည်းငယ်ရုန်းကန်လာသည်။

"ခင်များ မလှိမ့်ချင်ဘူးမလား"

ဖုယွမ်ချွမ်းက ကိုယ်ကိုကိုင်းလျက် ​ရေကန်ထဲထိုးဆင်းလိုက်​တော့သည်။

ကျွင်းချင်ယွီသည် သူ၏​ကျောပြင်ကိုမှီတွယ်ရင်း ​ရေကန်ထဲတွင် ပူ​ဖောင်း​လေးများအတန်းလိုက်ထသွားသည်ကိုကြည့်​နေခဲ့သည်။ သူက မသိစိတ်နှင့်အတူ ဖုယွမ်ချွမ်းအားသူ၏အမြှီးနှင့်ရစ်ပါတ်ထားခဲ့သည်။

အလျင်နှင့်ခုန်ချသည်မို့ သူ့အားကန်​အောက်​ခြေအထိအလွယ်တကူမြုပ်သွား​စေသည်။ ထို​နောက်အနည်းငယ်သာကြာပြီးကန်​ပေါ်ပြန်​​​ပေါ်လာ​တော့သည်။

ဖုယွမ်ချွမ်းသည်တုန်ရီ​နေ​သောငါးက​လေး၏အမြှီးကိုငုံ့ကြည့်လိုက်မိသည်။

​ရေသူလေးများ၏အမြှီးကို တိုက်ခိုက်ရန်အတွက်အသုံးပြုသည်။ ​​မွေးကင်းစ​ရေသူက​လေး၏အမြှီးကပင် ရုတ်တရက်တုန့်ပြန်မှုများကိုမူတည်၍ တိုက်ခိုက်မှုအနည်းငယ်မျှဖြစ်ဖြစ်ပြုလုပ်နိုင်သည်။သို့​သော် ဤငါးလေးက​တော့ သူ့ကို​ရေထဲဆွဲချသွားသည်နှင့် ပထမဆုံးတုန့်ပြန်မှုမှာတိုက်ခိုက်ရန်မဟုတ်ဘဲ သူ့အားရစ်ပတ်ထားရန်သာဖြစ်ခဲ့သည်။

​ရေ​ပေါ်တဖြည်းဖြည်းပြန်​ပေါ်လာလျှင်သတိပြန်၀င်လာ​သောကျွင်းချင်ယွီကသူ၏လည်တိုင်ကိုခို၍ဖက်လာခဲ့သည်။ ထို့​နောက် လူကို​​ရေ​အောက်ထံ ပြန်ဆွဲချသွားကာပူဖောင်း​လေး​တွေမှုတ်ထုတ်ရင်းပြုံးပြလိုက်သည်။

ဖုယွမ်ချွမ်းက သူ့ကိုဖက်လျက်​ရှေ့သို့ကူးခတ်လိုက်သည်။ ကျွင်းချင်ယွီကမူ ရံဖန်ရံခါအမြှီး​​လေးကိုလှုပ်ခတ်လိုက်​သော်လည်း အချိန်အများစုတွင် ဖုယွမ်ချွမ်းထံ၌သာတွယ်ကပ်ထားခဲ့သည်။

​​ရေထဲတွင်ကြာကြာ​နေနိုင်​သော​​​ရေသူနှင့်စာလျှင် ဖုယွမ်ချွမ်းမှာအသက်ရှုရန်​​ရေပေါ်သို့ခဏခဏတက်ရသည်။

ကျွင်းချင်ယွီသည်သူ၏ပုခုံးတွင်​မှီလျက် ပါးကိုနမ်းလိုက်ကာ​မေးလိုက်သည်။

"​မော​နေပြီလား"

ဖုယွမ်ချွမ်း​ခေါင်းခါလိုက်ကာ ​​ရေသူက​လေးကိုဖက်လျက် ကန်စပ်တွင်လှဲချလိုက်သည်။

"မင်းရဲ့ခြေ​ထောက်​တွေ​​ရောကိုက်ခဲ​နေ​သေးလား"

ကျွင်းချင်ယွီဆိုလိုက်သည်။

"​ရေထဲဆင်းပြီး​တော့ အ​တော်သက်သာလာတယ်"

တိတိကျကျ​ပြောရမည်ဆိုလျှင် ငါးအမြှီးအဖြစ်ပြန်​ပြောင်းလဲပြီးကတည်းကနာကျင်မှုမရှိ​တော့တာဖြစ်သည်။

ဖုယွမ်ချွမ်းအချိန်ကိုကြည့်လိုက်ပြီးဆိုသည်။

"​နောက်ထပ်နာရီ၀က်​လောက်ထပ်စိမ်လိုက်ဦး"

"​ကောင်းပါပြီ"

တဖြည်းဖြည်း​မှောင်လာချိန်တွင်မှု ​ရှောင်ယွီမှာဤရက်ပိုင်း​ကောင်းမွန်စွာအချိန်ပြည့်မအိပ်စက်ရ​သေးသည်ကို​တွေးမိပြီး ငါးလေးကိုချီ၍အ​ပေါ်သို့ပြန်တက်လာ​လိုက်သည်။

ကျွင်းချင်ယွီက အ၀တ်များမလဲရ​သေးသလိုငါးမြှီးကိုလည်း မ​ပြောင်းလဲရ​​သေး​ချေ။

"ကျွန်​တော်ကိုခုံတစ်ခုံ​ပေါ်တင်​ပေး"

ငါးအမြှီးကခုချိန်ထိ​ရေတစက်စက်ကျ​နေဆဲပင်။

​ခြေ​ထောက်အဖြစ်ပြန်​ပြောင်းလဲပြီးသည့်​နောက်​ရေချိုးကာ အိပ်ရန်ပြင်လိုက်​တော့သည်။

ဖုယွမ်ချွမ်းသည်​ရှောင်ယွီကိုဖက်ထားရာမှထကာ​နောက်သို့တစ်စုံတစ်ခုသွားယူလိုက်သည်။

ကျွင်းချင်ယွီမူလကထင်သည်မှာအ၀တ်သွားလဲသည်ဟု။ သို့​သော်ဖုယွမ်ချွမ်းကလိမ်း​ဆေးအဆီကိုကိုင်ပြီးပြန်လာသည်ကိုမြင်လျှင် ကျွင်းချင်ယွီမှာ​တောင့်သွားကာ ထိုအတိုင်းကြည့်​နေမိသည်။

ဖုယွမ်ချွမ်းသူ့​ရှေ့တွင်ထိုင်ချလျက်ပင်

"​ဆေးလိမ်းလိုက်ဦး"

ကျွင်းချင်ယွီ"..."

ကျွင်းချင်ယွီ​၏မျက်နှာကတမဟုတ်ချင်းနီရဲသွားကာ

"​ကောင်းသွားပြီ"

"လိမ္မာ​နော်"

---

​​ရေသည်​ဆေးမဟုတ်​ချေ။ ​ရေသူများသည်​ရေနှင့်ထိ​တွေ့ပါကပြန်​ကောင်းနိုင်စွမ်းတိုးသွားသည်မှာမှန်​သော်လည်း​ရေစိမ်လိုက်သည်နှင့်ချက်ချင်း​ကောင်းသွားတာမျိုးမဟုတ်​ချေ။

​​ရေထဲတွင်စိမ်ပြီး ​​ဆေးလည်းပုံမှန်လိမ်း​ပေးမှသာ အရှင်း​ပျောက်​ပေလိမ့်မည်။

......

မနက်ခင်း၌ မနက်စာစား​သောက်​နေစဥ်တွင် ရှီခိုင်ရှင်းတစ်​ယောက်အ​ပြေး​ရောက်လာကာ ကျွင်းချင်ယွီကိုပင်နှုတ်ဆက်ရန်သတိမရပဲ အလျင်စလို​ပြောလာသည်။

"မာရှယ်တစ်ခုခု​တော့ဖြစ်​နေပါပြီ"

ကျွင်းချင်ယွီသည်​ပေါက်စီကိုတမြုံ့မြုံ့နှင့်ဝါး​နေဆဲ၊

ဖုယွမ်ချွမ်းလည်းအထူးအ​ထွေစိတ်လှုပ်ရှားမှုရှိမ​နေ​ချေ။

အခွံခွာထား​သောကြက်ဥကို ငါးလေး၏ပန်းကန်ထဲထည့်​ပေးလိုက်ကာ လက်ကိုလက်ကိုင်ပုဝါဖြင့် ပွတ်သုတ်လျက်ဆိုလိုက်သည်။

"အရင်စားနှင့်​နော်၊ ကိုယ်ပြန်လာခဲ့မယ်"

"အင်း သွား​လေ"

ဖုယွမ်ချွမ်းနှင့်ရှီခိုင်ရှင်းထွက်သွားသည်ကိုမြင်လျှင် ကျွင်းချင်ယွီ ခတ္တမျှ​တွေး​တောလျက် စားလက်စကိုရပ်ကာ သတင်းများကိုဖွင့်ကြည့်လိုက်သည်။

အင်ပါယာ​ခေါင်း​ဆောင်များမှာ ပြည်သူများရှိသူတို့၏ပုံရိပ်ကိုပြန်လည်ဆေး​ကြောရန်ကြိုးစား​နေပုံရသည်။တစ်စုံတစ်ခုကြီးကြီးမားမားဖြစ်ပျက်လျှင်ပင် သတင်းထုတ်လွှင့်မှုမရှိ​ချေ။

လွန်ခဲ့​သောရက်အနည်းငယ်ခန့်တွင် မည်သည့်အ​ထွေအထူးလှုပ်ရှားမှုမျှမရှိခဲ့​သော်လည်း မြို့လည်မှ ​ရောဂါကူးစက်နှုန်းက ယခုချိန်အထိထိန်းချုပ်ရန်ခက်ခဲနေဆဲပင်ဖြစ်သည်။

လူ​ပြောများ​နေ​သောအ​ကြောင်းအရာများကိုရှာ​ဖွေလျက်နှိပ်ကြည့်လိုက်မိလျှင် ၄င်းမှာ​ရေသူပျိုး​ထောင်​ရေးစခန်းမှ​ရှေ့ထွက်လာ​သော သတင်းဖြစ်​နေခဲ့သည်။

​ရေသူပျိုး​ထောင်​ရေးအခြေစိုက်စခန်းတရား၀င်အ​ကောင့်:[​ရေသူလေးများ၏အခွင့်အ​ရေးကို​တန်ဖိုးထား​လေးစား​သောအားဖြင့် ပြင်ပ၀ယ်ယူမှုကိုတားမြစ်ထားပါသည်။]

[အင်ပါယာ​ခေါင်း​ဆောင်တစ်ဦးဖြစ်တဲ့ မစ္စတာဖုရဲ့​ရေသူလွတ်လပ်စွာ၀ယ်ယူနိုင်ခွင့်ကို တိုးမြှင့်​ပေးရန်​တောင်းဆိုမှုကိုကျွန်​တော်တို့ဘက်ကစဥ်းစားခဲ့​ပေမယ့်လည်း ​ကောင်းကျိုးဆိုးကျိုးများကိုချိန်ဆကြည့်ပြီးတဲ့အခါမှာကျွန်​တော်တို့ပယ်ချဖို့ဆုံးဖြတ်လိုက်ပါတယ်၊]

[ဒါ​ပေမယ့်မစ္စတာဖုက ကျွန်​တော်တို့ဆီခဏခဏလာပြီး လူ​တွေရဲ့အသက်ကိုကယ်ဖို့​ရေသူ​လေးတစ်​​ကောင်၀ယ်ခွင့်ရ​အောင်အကြိမ်ကြိမ်ကြိုးစားခဲ့တာကို​တွေ့​တော့ မစ်စတာဖုရဲ့စိတ်ရင်းကိုကျွန်​တော်တို့တကယ်ခံစားရပါတယ်]

[ဒါ​ကြောင့်တာ၀န်ရှိသူ​တွေကဆုံးဖြတ်ပြီး မစ်စတာဖုအတွက်​ရေသူက​လေးတစ်​ကောင်ကိုသင့်​လျော်တဲ့​စျေးနှုန်းနဲ့​ရောင်းချပြီး ဒီမ​တော်တဆမှုမှာ ​ရေသူပျိုး​ထောင်​ရေးစခန်းအ​နေနဲ့ပါ၀င်ကူညီဖို့ဆုံးဖြတ်လိုက်ပါတယ်]

...

ကျွင်းချင်ယွီသရော်လိုက်မိသည်။ အင်ပါယာ​ခေါင်း​ဆောင်က ပုဂ္ဂလိကအဖွဲ့အစည်းမှအတင်းအကြပ်၀ယ်ယူ​ချင်​နေ​ပေသည်။

ဘယ်​​လောက်​တောင်သနားစရာ​ကောင်းလိုက်လဲ။

ဤသည်မှာအနည်းငယ်အရှက်မဲ့​သော်လည်း အ​တော်​လေးထိ​ရောက်သည်ဟုဆိုရမည်ပင်။သတင်းဌာနတချို့ကလူတချို့ကိုလွှတ်၍အင်ပါယာ​ခေါင်း​ဆောင်မှ​ရေသူပျိုး​ထောင်​ရေးစခန်းသို့သွားခဲ့​သောပုံများကိုရယူကာ အင်တာနက်​ပေါ်တွင်တင်​စေခဲ့သည်။

​​ရေသူပျိုး​ထောင်​ရေးစခန်း၏မယိမ်းယိုင်​သောပုံရိပ်က လူ​တွေ၏ရင်ထဲမှာအ​ခြေတည်​နေ၍ဖြစ်နိုင်သည်။

ထို့အပြင်​ရေတပ်​ကောမန့်တချို့ကလည်း အင်ပါယာ​ခေါင်း​ဆောင်အတွက် မည်မျှခက်ခဲခဲ့​ကြောင်း စီကာပတ်​ကုံး​ပြောပြ​နေခဲ့သည်။

​နောက်ကွယ်တွင်လည်း အင်ပါယာ​ခေါင်း​ဆောင်များတွင် တသီးတသန့်ကြွယ်၀မှုတို့မရှိပဲ ​ငွေအားလုံးကို အင်ပါယာအ​ဆောက်အအုံအတွက်အသုံးပြုခဲ့သည်ဟုသတင်းထွက်​နေခဲ့သည်။

ကျွင်းချင်ယွီစိတ်အချဥ်​ပေါက်သွားမိသည်။ ဤ​ကောမန့်ပိုင်ရှင်အ​​ကောင့်များမှာတစ်ခုခုမှား​နေတာပင်။

သို့​သော်၄င်းတွင်​ကောမန့်အစစ်ဖြစ်​သော:[​နောက်ဆုံး​တော့သတ္တိ​မွေးပြီး ​ရေသူပျိုး​ထောင်​ရေးစခန်းကို​တောင်ဒီကိစ္စထဲဆွဲထည့်ပြီး​ရေသူတစ်​ကောင်ကို​တောင်၀ယ်နိုင်လိုက်​သေးတယ်​ပေါ့၊စိတ်၀င်စားစရာပဲ]

Xxxxxxx