အပိုင်း ၇၇

Chapter 77

​ပြောစရာမလို​အောင်ပင် ၄င်း​အောက်မှ​replyပြန်ထားသည်တို့မှာသူ့အားစွပ်စွဲထားကြသည်တို့ချည်းဖြစ်သည်။

[မင်းဆိုရင်​ရော မင်းပန်းသီးစားချင်ရင်ပိုက်ဆံနဲ့မ၀ယ်ပဲ ၊ရာထူးအာဏာနဲ့အတင်းလုစားမှာလား]

[​ရေသူလေးတစ်​​ကောင်ကဘယ်​လောက်ထိတန်လဲသိလား၊​​လျော့​စျေးနဲ့ဆိုရင်​တောင်ငါတို့လိုသာမာန်လူ​တွေအတွက်​ခေါင်ခိုက်​နေတုန်းပဲ၊ မင်းကဘယ်လို​ကျေးဇူးတင်ရမလဲဆိုတာမသိဘူးပဲ]

​[ရေသူပျိုး​ထောင်​ရေးစခန်းကို ကြယ်စုတစ်ခုလုံးပိုင်တယ်၊ အင်ပါယာထဲမှာပဲ​ဆောက်ထားတာ၊ စစ်တပ်ကလည်းသူတို့ကိုတင်းတင်းကြပ်ကြပ်ကာကွယ်ထားပြီး၊ ဖယ်ဒရယ်လွတ်လပ်ခွင့်လည်းအပြည့်အ၀ပေးထားတယ်၊မင်းဟာမင်းဘယ်​လောက်ရာထူးမြင့်မြင့် လိုချင်တိုင်းရနိုင်တာမျိုးမဟုတ်ဘူး။]

ကျွင်းချင်ယွီသည် ​ရေသူပျိုး​​ထောင်​ရေးစခန်းကိုမည်သူပိုင်မှန်းမသိ​ချေ။ သို့​သော် ​ကောမန့်ထဲမှတစ်စုံတစ်ဦး​ပြောစကားအရဆိုလျှင် အမှန်တကယ်ကို၀ယ်ချင်တိုင်း၀ယ်နိုင်သည့်​နေရာမဟုတ်​ချေ။

ကျွင်းချင်ယွီဆက်ဖတ်ကြည့်မ​နေ​တော့​ပေ။ တ၀က်တပျက်သောအမှန်တရားကသာ​ သတင်းများတွင်​ရော​နှော​နေလျက် သူကိုယ်တိုင်လည်း၄င်းတို့ကိုအမှန်အမှားခွဲခြားချင်စိတ်ရှိမ​နေ​ချေ။

ထို့အပြင်ရက်အနည်းငယ်ခန့်အထိ ​သေခြင်းတရားကိုရင်ဆိုင်ရ​တော့မည်ဟု စိုးရိမ်​နေကြရသည်မို့ လူတစ်​ယောက်ကရုတ်တရက်​ပေါ်လာပြီးကယ်တင်​ပေးမည်ဟုဆိုပါကမည်သူမဆိုစိတ်လှုပ်ရှားမှာပုံမှန်ပင်။

၄င်းမှာသာမာန်​မျှော်လင့်ချက်​သေး​သေး​လေးပင်ဖြစ်​စေကာမူ ယုံကြည်၍ရွေးချယ်မိကြလိမ့်မည်။

ကျွင်းချင်ယွီသည်အ​ကောင့်​သေးကိုသုံးပြီးသတင်းများကိုဖတ်ကြည့်​နေသည်မို့ ၄င်း​ကောမန့်ကို likeတစ်ခု​ပေးကာ ပြန်ထွက်ခဲ့​တော့သည်။

သူပြင်ဆင်ထား​သောသတင်းကလည်း အင်ပါယာ​ခေါင်း​ဆောင်၏​နောက်လှုပ်ရှားမှုအ​ပေါ်မူတည်ပြီးဆုံးဖြတ်ရမည်ပင်။

၄င်းကို​တွေးမိလျှင်ကျွင်းချင်ယွီ ၀မ်ချန်း​ယောင်အားစာပို့ရန်ပြင်လိုက်​တော့သည်။

​နောက်ဆုံးတစ်ကြိမ်က သူကိုယ်တိုင် ၀မ်ချန်း​ယောင်အတွက်​ သေတွင်းတူး​ပေးခဲ့မိသည်ကို​တွေးမိလျှင် ကျွင်းချင်ယွီလည်း အလွန်​ယဥ်​ကျေးစွာစကားစလိုက်သည်။

[​နေ​ကောင်းလား၊ အစစအရာရာအဆင်​​ပြေပါရဲ့လား]

၀မ်ချန်း​ယောင်:[​ကောင်းသမှသိပ်​ကောင်း]

စက္ကန့်အနည်းငယ်အတွင်းမှာပင် ဖုန်းစခရင်မှအံကြိတ်သံတချို့ထွက်လာသလိုခံစားလိုက်ရသည်။

ကျွင်းချင်ယွီ:[ငါ့မှာမင်းကိုအကူအညီ​တောင်းစရာ​​လေးရှိလို့၊ အချိန်ရလား]

၀မ်ချန်း​ယောင်သည်​ လော​လောဆည်တွင် စွန့်ပစ်ကြယ်တစ်ခုတွင် ခေတ္တပုန်း​ရှောင်​နေတာဖြစ်သည်။

[ဘာကိစ္စရှိလို့လဲ]

ကျွင်းချင်ယွီသည် ဗီဒီယိုနှင့်ပုံတချို့ကိုသူ့အားပို့လိုက်ကာ [Mကြယ်သု​တေသနကို​ပေါက်ကြားစေလိုက်]

အင်ပါယာ​ခေါင်း​ဆောင်ကသည်ကိစ္စကိုဖုံးချင်မှ​တော့သူက ​သေချာ​ပေါက်ဤဓါတ်ခွဲခန်းကိစ္စကို​ဖော်ပြလိမ့်မည်။

အနည်းငယ်စဥ်းစားပြီး​နောက်ဤသတင်းအား ကြယ်ဓါးပြထံမှတဆင့်​ပေါက်ကြားသည်မှာအ​ကောင်းဆုံးဖြစ်လိမ့်မည်ဟု​တွေးမိသည်။ ပထမဦးစွာ ကြယ်ဓါးပြမှာMကြယ်သု​တေသန​နေရာကို၀င်​​ရောက်ခဲ့ဖူးသဖြင့် ယုတ္တိတန်သည်။ ဒုတိယ​အ​နေဖြင့် သတင်းမှာတခြားသူများကြားဖြတ်ယူခံရမည်ကိုပူစရာမလို​ချေ။

၀မ်ချန်း​ယောင်:[ဘယ်​တော့တင်​ပေးလိုက်ရမလဲ]

ကျွင်းချင်ယွီ​တွေး​တောလိုက်ကာ:[မြန်နိုင်သမျှမြန်မြန်]

ဤကိစ္စအားအချိန်ဆွဲ​နေရန်မလို မြန်​လေ​ကောင်း​လေဖြစ်သည်။

၀မ်ချန်း​ယောင်:[​ကောင်းတယ်၊ လစာတိုး​ပေးဖို့သာမ​မေ့နဲ့]

ကျွင်းချင်ယွီ:[လစာက​တော့မတိုးဘူး သတင်းထွက်လာတာနဲ့က​တော့မင်းရဲ့ဖမ်းဆီးဆု​ကြေး​​ငွေကတိုးလာဦးမှာ]

၀မ်ချန်း​ယောင်:[???]

ဘာဖြစ်တယ်..

"ဘာ​တွေဒီ​လောက်ထိသ​ဘောကျ​နေတာလဲ၊ "

ဖုယွမ်ချွမ်းသည်ဗီဒီယိုအစည်းအ​ဝေးကိုအပြီးသတ်ပြီး​နောက် သူပြန်လာ​သောအခါ ကျွင်းချင်ယွီတစ်​ယောက် ဖုန်းကိုကြည့်ပြီးတခစ်ခစ်ရယ်​​နေသည်ကို​တွေ့လိုက်ရသည်။

"အွန်လိုင်းသတင်း​တွေပါ" 

ကျွင်းချင်ယွီလည်းယခင်တစ်​ခေါက်က မိမိကကြယ်ဓါးပြများနှင့်တစ်ကြိမ်ထက်ပိုမပူး​ပေါင်းပါဟုကတိ​ပေးထားသည်ကိုသတိရလျှင် ၀မ်ချန်း​ယောင်ကိစ္စကိုထည့်​မ​ပြောလိုက်​ချေ။

"ရှီခိုင်ရှင်းကဘယ်မှာလဲ"

"သူမှာလုပ်စရာတာ၀န်​တွေရှိ​နေလို့"

ကျွင်းချင်ယွီ​ခေါင်းငြိမ့်လိုက်ကာ ၀မ်ချန်း​ယောင် သတင်း​ပေါက်ကြားမည့်အချိန်ကို​​စောင့်ဆိုင်းရန်ဆုံးဖြတ်လိုက်သည်။ ဤနည်းဖြင့်အင်ပါယာ​ခေါင်း​ဆောင်နှင့်​ရေသူပျိုး​ထောင်​ရေးစခန်းနှစ်ခုလုံးအားတစ်ပါတည်း ဆွဲချနိုင်မည်ဖြစ်သည်။ထိုမှသာဖုယွမ်ချွမ်းစိတ်ပူပန်ရခြင်းသက်သာလိမ့်မည်။

"မင်းကအချိုပွဲဆိုင်​​လေးဖွင့်​ဖို့ပဲဂရုစိုက်​နော်၊ ဒီကိစ္စ​တွေကိုယ်ပဲလုပ်လိုက်မယ်"

အခု​လေးတင်ရှီခိုင်ရှင်းအ​ပြေးလာပြီး​ပြောသည့်ကလည်း၄င်းကိစ္စသာဖြစ်နိုင်သည်။

"အို​ကေ" ကျွင်းချင်ယွီ ဤအ​ကောင့်ကို​တောင်းခဲ့စဥ်က ဖုယွမ်ချွမ်း ငါး​လေး၏ရည်ရွယ်ချက်ကိုအနည်းငယ်ရိပ်စားမိခဲ့သည်။သူက​ရှောင်ယွီဘာလုပ်မလဲမ​မေးခဲ့​​ပေ။ အကယ်၍ ၄င်းကပြသနာကြီးဖြစ်​နေခဲ့လျှင်ပင် သူ​ရှေ့က​နေမားမားမတ်မတ်ရင်ဆိုင်​ဖြေရှင်း​ပေးဦးမည်ဖြစ်သည်။

ကျွင်းချင်ယွီကသူ့အတွက်ဆန်ပြုတ်ပူပူ​နွေး​နွေး​လေးတစ်ခုကိုယူလာ​ပေးခဲ့သည်။

"ဒါ​ပေမယ့်လည်း ​ရေသူပျိုး​ထောင်​ရေးစခန်းကသာ​​နောက်ထပ်​ရေသူ​တွေ​မွေးထုတ်ဖို့ငြင်းရင်ဘယ်လိုလုပ်မလဲ၊ အင်ပါယာ​ခေါင်း​ဆောင်ကို​ရောဒီအတိုင်း​ပေးလိုက်​တော့မှာလား"

ဖုယွမ်ချွမ်းသည်လည်း ဤပြသနာကိုမ​တွေးမိသည်မဟုတ်​ချေ။

"​ရေသူပျိုး​ထောင်​ရေးစခန်းရဲ့​နောက်ခံကအ​တော်ရှုပ်​ထွေးတယ်၊​"

ကျွင်းချင်ယွီနှုတ်ခမ်းကို​တင်းတင်း​​စေ့လိုက်မိသည်။

သာမာန်လူများကို၀ယ်ခွင့်​ပေးလိုက်သည်နှင့်မတူပဲ ဤကိစ္စကရိုးရှင်းမ​နေ​ချေ။

သို့​သော် ပူစရာမလို​တော့ပါ​ချေ။

ဘယ်လိုပဲဖြစ်ဖြစ် ​ရေသူပျိုး​ထောင်​ရေးစခန်းမှအင်ပါယာ​ခေါင်း​ဆောင်ကိုကူညီရန်​ရှေ့ထွက်လာသည်မှာ​တော့ ငြင်းမရ​သောအမှန်တရားပင်ဖြစ်သည်။

ကျွင်းချင်ယွီ ​ဆေးရနံ့သင်း​နေ​သောလက်ဖက်ရည်ကိုတစ်ငုံခန့်​သောက်လိုက်ကာ "ညစာစားပြီးရင် မုန့်ဆိုင်ခဏသွားရ​အောင်"

ဆိုင်၏အရွယ်အစားမှာအ​နေ​တော်ပင်ဖြစ်သည်။

ထပ်တိုးချဲ့၍ရ​သော်လည်း ​နေရာကျယ်ကျယ်ကိုကိုင်တွယ်နိုင်ရန်ခက်ခဲလှသည်။

အချိန်ကျလျှင်အင်ပါယာ​ခေါင်း​ဆောင်များမှာဘာကိုမျှလက်လွတ်စပါယ်လှုပ်ရှားရဲကြ​တော့မည်မဟုတ်​ချေ။

ဖုယွမ်ချွမ်းအပြင်ဘက်ကိုကြည့်လိုက်လျှင် မိုးဖွဲတို့ကျ​နေဆဲပင်။ ​ရှောင်ယွီကအပြင်သွားရန်​ပြောလာ​တော့သူလက်ခံသည်မှာပုံမှန်ပင်ဖြစ်သည်။

"အို​ကေ"

"ဒါဆိုအင်္ကျီလဲလိုက်ဦးမယ်"

"အို​ကေ"

---

အပြင်ဘက်ရှိမိုးမှာတဖြည်းဖြည်းသည်းလာခဲ့သည်။

ထူးဆန်းလှသည်။ 

ကြိုထုတ်ပြန်ထား​သောသတင်းအရဤရာသီတွင်မိုးနည်းရမည်မှာပုံမှန်ပင်ဖြစ်သည်။

မိုး​လေ၀သသတင်းထုတ်ပြန်မှုကိုကြည့်လိုက်​သောအခါ ယ​နေ့အပူချိန်က​အဆုံးထိထိုးကျမည်ဖြစ်ကာ ဤမိုးမှာဤရာသီ၏​နောက်ဆုံးမိုးဖြစ်မည်ဟုဆိုထား​လေသည်။

ကျွင်းချင်ယွီသည်အပြင်ဘက်မှ လမ်း​​တောင်မမြင်ရ​အောင်သည်းသည်းမည်းမည်းရွာ​နေ​သောမိုးကိုမျက်​မှောင်ကျုံ့လျက်ကြည့်လိုက်သည်။သို့​သော်​လေထုက​တော့လန်းဆန်း​သောရနံ့ကိုသယ်​ဆောင်လျက် ။

မိုးကိုအသာထိ​တွေ့ရန်လက်ကိုဆန့်လိုက်မိစဥ် သူ၏​ခေါင်းထက်မှ​မှောင်မည်းသွား​​သောအရိပ်​ကြောင့် ​ခေါင်းကို​မော့ကာထီးကိုင်ထား​သောဖုယွမ်ချွမ်းအားကြည့်လိုက်မိသည်။

"သွားကြစို့"

ကားမှာတံခါနှင့်​ခြေသုံးလှမ်းစာအကွာအ​ေ၀းတွင်ရပ်ထား​လေသည်။

ကျွင်းချင်ယွီ၏​ဘေးတွင်ရပ်လျက် ဖုယွမ်ချွမ်းကထီးကိုကိုင်ထားခဲ့သည်။သူက​ရှောင်ယွီဖိနပ်​ပေါ်မှမိုး​ရေစက်များကိုကြည့်ကာ

"​ရှောင်ယွီဒီကိုလာ"

"ဟင်"ကျွင်းချင်ယွီရပ်တန့်လိုက်မိသည်။

"ဘာဖြစ်လို့လဲ"

ဖုယွမ်ချွမ်းထီးကို​ရှောင်ယွီထံ​ကမ်း​ပေးလိုက်ကာ သူ့ကိုဖက်လျက်မိုး​ရေထဲဆက်​လျှောက်သွားလိုက်သည်။

"ဘာမှမဟုတ်ပါဘူး၊ ကိုယ့်ကို​သေချာဖက်ထား"

ကျွင်းချင်ယွီထီးကိုမြှင့်လျက် သူတို့နှစ်ဦးလုံး​ပေါ်လုံ​အောင်​ ဆောင်းလိုက်သည်။ ကြယ်တာရာ​ခေတ်ရှိထီးများမှာအလွန်ကြီးမားသော်လည်း​ပေါ့ပါး​သောအ​လေးချိန်ရှိသည်။ ၄င်းမှာမည့်သည့်​လေးလံမှုကိုမှမခံစားရသလို ​လေတိုက်လျှင်လည်းမယိမ်းယိုင်​ချေ။

ကားထဲ၀င်ပြီးသည့်​နောက် ထီးမှာအလိုအ​လျောက်ပိတ်သွားခဲ့သည်။ ထို့အပြင်ထီးမျက်နှာပြင်​ပေါ်ရှိမိုးစက်တို့ကိုလည်းအလိုအ​လျောက်သိမ်းဆည်းနိုင်သည်။ ဤနည်းဖြင့်ကားထဲတွင်မစိုစွတ်​အောင်ကာကွယ်​ပေးသည်။

ဖုယွမ်ချွမ်းထီးကိုယူကာ​ဘေးတွင်ထားလိုက်ပြီး မိုးပျံကား​အလိုအလျောက်​မောင်းနှင်​ရေးစနစ်ကိုဖွင့်လိုက်သည်။

​အလိုအလျောက်စနစ်က မိုးရွာနေသည့်အချိန်တွင် မည်သည့်လမ်းက မောင်းရန်ပိုရှင်းလင်းသည်ကို​ရွေးချယ်​ပေးသည်။လမ်း​ပေါ်ရှိယာဥ်တစ်စီးနှင့်တစ်စီးဖြစ်​စေ၊ အရာ၀တ္တုတစ်ခုခုနှင့်ဖြစ်​စေမတိုက်မိ​စေရန် တားဆီး​ပေးနိုင်​​လေသည်။

ကျွင်းချင်ယွီကဘဖုယွမ်ချွမ်းလက်ကိုကိုင်လျက် တစ်ရှူးစတို့ဖြင့်သူ့လက်မှမိုး​ရေများကိုပွတ်သုတ်​ပေးလိုက်သည်။

"ကျွန်​တော်ရုတ်တရက်ကြီးဘာလို့ဆိုင်ဖွင့်ချင်တာလဲမ​မေး​တော့ဘူးလား"

ဖုယွမ်ချွမ်း​ရှောင်ယွီ၏လက်ကိုကိုင်လျက်​ဆော့လိုက်ကာ "ကိုယ်ဘာများ​မေးရမှာလဲ"

ကျွင်းချင်ယွီသူ၏လက်​ချောင်း​လေးများကို​ကွေးလိုက်ပြီးသူ၏လက်ဖဝါးကိုပွတ်သပ်လိုက်ကာ

"ခင်များမသိချင်ဘူးလား"

"ဟင့်အင်း"ဖုယွမ်ချွမ်းအနည်းငယ်​တွေး​တောလိုက်ပြီး​နောက်ဆိုသည်။

"မင်းလုပ်ချင်တာလုပ်လို့ရတယ်၊ ကိုယ်ရှိတာပဲ"

ကျွင်းချင်ယွီမျက်​တောင်ခတ်လိုက်မိသည်။ သူကဖုယွမ်ချွမ်း၏တုန့်ပြန်မှုကိုသာသိချင်ခဲ့တာဖြစ်ပြီး ဤကဲ့သို့စကားမျိုးကိုကြားရမည်ဟုမထင်ထား​ချေ။

၄င်းကသူကြိုက်သ​လောက်ပြသနာရှာလည်း ဖုယွမ်ချွမ်းက​နောက်ကအကုန်လိုက်ရှင်း​ပေးမည်ဟူသည့်သ​ဘောပင်မဟုတ်ပါလား။

ကျွင်းချင်ယွီပြုံးလျက်​ခေါင်း​လေးကိုမှီလိုက်ကာ

"ဆိုင်ကလည်းဖွင့်ပြီးပြီဆို​တော့၊ ကျွန်​တော်ခင်များနာမည်​အောက်က​ကြေညာချင်တယ်"

"ကိုယ့်နာမည်​အောက်က"ဖုယွမ်ချွမ်းမျက်​မှောင်ကြုတ်လိုက်မိသည်။

"ကိုယ်ပိုင်မလုပ်ချင်ဘူးလား"

ယခင်ကသာ သူနာမည်​ဖြင့်ဆိုင်ဖွင့်ခဲ့လျှင် ​ရှောင်ယွီအား အင်ပါယာ​ခေါင်း​ဆောင်ရှာ​တွေ့ခြင်းမှ ကာကွယ်ပြီးသားဖြစ်လိမ့်မည်။

သို့​သော်ယခုတွင်မူ ဆိုင်မှာလူ​တွေကိုကယ်တင်ရန်ရည်ရွယ်ချက်ဖြင့်ဖွင့်လှစ်ခြင်းဖြစ်သည်မို့ အင်ပါယာ​ခေါင်း​ဆောင်လည်း၀င်ပါရဲမည်မဟုတ်​ချေ။ ​ရှောင်ယွီကသူ့စိတ်ကြိုက်အမည်ခံဖြင့် ဆိုင်ဖွင့်နိုင်သည်။

ကိုယ့်သ​ဘောနှင့်ကိုယ်ဆိုင်ဖွင့်ခြင်းတစ်ခုကသာ အင်ပါယာ​ခေါင်း​ဆောင်ကိုဆန့်ကျင်​နေခြင်းဖြစ်သည်။ ပြီးလျှင်၄င်းကိုဖုံးကွယ်​နေစရာမလိုချေ၊

သူ့နာမည်​အောက်မှလည်းဆိုင်ဖွင့်ရန်မလိုပေ။

ကျွင်းချင်ယွီ​ခေါင်းခါလိုက်ကာ

"ကျွန်​တော်ခင်များနာမည်ပဲသုံးမယ်"

ဖုယွမ်ချွမ်း သူ၏ဆံစ​လေးများကိုပွတ်သပ်လိုက်ကာ ထပ်၍​ပြောမ​နေ​တော့​ချေ၊

အပြင်တွင်မိုးကဆက်၍ရွာ​နေဆဲ။ကားကဘယ်ကို​ရောက်​နေပြီးဘယ်အချိန်ရပ်သွားခဲ့သလဲမသိလိုက်ပေ။

ဖုယွမ်ချွမ်း အရင်ဆင်းလိုက်ပြီး သူ့လက်က​လေးကိုဆွဲ၍ဆိုင်ကို​ခေါ်သွားခဲ့သည်။

မိုးကအလွန်သည်းကာ ​မြေ​ပေါ်တွင်​ရေများအိုင်​နေခဲ့သည်။ ကျွမ်းချင်ယွီ၏ဖိနပ်အများစုမှာ အဖြူ​ရောင်များဖြစ်သည်မို့ ၄င်းတို့ကခဏအတွင်းညစ်ပတ်သွားခဲ့​လေသည်။

ဆိုင်တွင် ​အလိုအလျောက်အတည်ပြုကာတံခါးဖွင့်​ပေးသည့်စနစ်ရှိသည်မို့​တော်​ရော့သည်။ မဟုတ်လျှင်မိုးထဲ​လေထဲတွင်တံခါး၀တွင်ရပ်လျက် ​သော့ထိုးဖွင့်​နေရပေဦးမည်။

ကျွင်းချင်ယွီဆိုင်ကိုမ​ရောက်ဖြစ်သည်မှာအနည်းငယ်ကြာခဲ့သည့်တိုင် ဆိုင်ကိုသန့်ရှင်းရန်တစ်​ယောက်အမြဲရှိတာပင်။

မီးဖို​ချောင်တွင်လည်းလတ်လတ်ဆတ်ဆတ်အသီးအရွက်များအမြဲအသင့်ရှိသည်။

သို့​သော်ကြယ်တာရာမှအသီးအရွက်များမှာအမြဲညံ့ဖျင်းလှသည်။ အရသာလည်းမ​ကောင်းချေ။

မြို့လယ်မှ ကူးစက်ခံရ​သောလူနာများကို​ကျွေးလျှင်လည်း ၄င်းတို့ကိုသုံးသည်ထက် စိတ်ဝိဥာဥ်စမ်းရေနှင့် အသီးအနှံတချို့ကို​​ကျွေးသည်ကပို၍ထိ​ရောက်လိမ့်မည်။

​သေသပ်စွာစီစဥ်ထား​​သောစားပွဲများနှင့်ခုံများကိုကြည့်ရင်းဖုယွမ်ချွမ်း​တွေး​တောကာ​မေးလိုက်သည်။

"ကိုယ်စက်ရုပ်နည်းနည်း၀ယ်လိုက်သင့်လား"

ထိုနည်းဖြင့်၀န်​ဆောင်မှုနှင့် သန့်ရှင်း​ရေးအတွက် အဆင်​ပြေသွားလိမ့်မည်။

"မလိုဘူး"ကျွင်းချင်ယွီကမူ စက်ရုပ်သုံးရသည်ကိုသိပ်မကြိုက်​ချေ။

"သူတို့စားပြီးရင် ​ဆေးစက်ကိုပို့​ပေးရင်ရပြီ"

ယင်းမှာ၀မ်ချန်း​ယောင်၏ညီမ စီစဥ်​ပေးခဲ့တာဖြစ်သည်။

အစားအ​သောက်မှာသည့်အခါတွင်လည်း စားပွဲသို့အ​ရောက်လာချ​ပေးမည်မဟုတ်ပေ၊၊ မိမိမှာထားသည့်ဟင်းပွဲတို့ကို ကိုယ်တိုင်လာယူကြရမည်ဖြစ်သည်။

"​ပြောစရာတစ်ခုခုရှိ​သေးလား"

ဖုယွမ်ချွမ်းသည်လည်း ကျွင်းချင်ယွီ၏အကြံအစည်ကပို၍သင့်​တော်သည်ဟုခံစားမိ​လေသည်။

"အို​ကေ"ကျွင်းချင်ယွီ​ဖျော်ရည်နှစ်ခွက်ကိုယူလာခဲ့ကာ "ကျွန်​တော်က​တော့ဆိုင်ကအ​တော်​လေးပြည့်စုံ​နေပြီထင်တာပဲ"

မည်သည့်ပစ္စည်းပြတ်လပ်​နေခြင်းမျှလည်းမရှိ၊ ၄င်းမှာလည်းမ​ဆောက်လုပ်ခင်ကတည်းက အစစအရာရာကြိုတင်​တွေး​တောထားမှု​ကြောင့်ပင်ဖြစ်သည်။

Xxxxxx