အပိုင်း ၁၃၇

Chapter 137

ကျွင်းချင်ယွီအားအပြည့်အ၀ပြန်လည်းရရှိရန် ရက်အနည်းငယ်ခန့်အချိန်ယူလိုက်ရ​လေသည်၊

​ရေသူတို့တွင်​ကောင်းမွန်​သောကျန်းမာ​ရေးနှင့် သာလွန်​သောပြန်လည်ကုသနိုင်စွမ်းရှိ​လေသည်။ထို့​ကြောင့်ပင်သူက ဝိဥာဥ်စွမ်းအင်​ရေအိုင်ထဲတွင်ရက်အနည်းငယ်စိမ်ပြီးသည်နှင့်ပြန်​ကောင်းလာခဲ့ခြင်းပင်။

သို့မဟုတ်လျှင်ခရီးသွားရက်မတိုင်ခင်အမီပြန်​​ကောင်းနိုင်မည်မဟုတ်​ချေ။

ခရီး​ဆောင်အိတ်ကိုထုတ်ပိုး​နေစဥ်တွင် ကျွင်းချင်ယွီကခတ္တမျှ​တွေး​​တောလိုက်ကာ​မေးမြန်းလိုက်သည်။

"ရှီခိုင်ရှင်းကဒီမှာပဲအကုန်တာ၀န်ယူထားလိုက်မှာလား"

"အင်း... အဲလိုသ​ဘောလို့​ပြောလို့ရတာ​ပေါ့၊ တချို့ကိစ္စကြီးကြီးမားမားကလွဲရင် ကျန်တာသူ့ဘာသူဆုံးဖြတ်ပြီးကိုင်တွယ်ရမှာ"

ကျွင်းချင်ယွီကဆိုလိုက်သည်။

"လစာတိုး​ပေးတဲ့ကိစ္စ​တွေရောလား"

"အင်း"

"​ကောင်းတယ်"

သူတို့က အထူးပျံသန်း​ရေးတပ်ဖွဲ့နှင့်အတူ အင်ပါယာအာကာသယာဥ်နှင့်ထွက်ခွာရန်ပြင်​နေကြ​တော့သည်။

ရှီခိုင်ရှင်းကရပ်လျက် "အရှင် ၊ ကျွန်​တော်ကအရှင်နဲ့အတူခရီးလိုက်ခဲ့တာပို​​ကောင်းမယ်ထင်တယ်၊ လိုအပ်တာ​တွေကျွန်​တော်လိုက်လုပ်​ပေးလို့ရတာ​ပေါ့"

"ကျွန်​တော့်အမြင်အရဆို အရှင်တို့နှစ်​ယောက်လုံးကစကားရှည်ရှည်​ဝေးဝေးပြောရတာမကြိုက်တဲ့သူ​တွေဆို​တော့ ၊ လမ်းမှားတာတို့ တစ်ခုခုဘာညာဆို အခက်​တွေ့မှာစိုးလို့ပါ"

"ကျွန်​တော့်ကို​ခေါ်သွားတာကတကယ်သင့်​​လျော်တာပါ၊ ကျွန်​တော်ကလူမှုဆက်ဆံ​ရေးမှာ သိပ်ပရိုကျတာ​နော်၊ ကြယ်တာရာလမ်း​ကြောင်း​တွေကိုလည်းအထူးကျွမ်းကျင်ပါတယ်"

"အရှင်​တွေးကြည့်ပါဦး ဘယ်လိုသ​ဘောရလဲ"

မြို့​တော်ကြယ်တွင်ကျန်ရစ်ကာအရိုး​ဆွေး​အောင် အလုပ်မလုပ်လို​သောရှီခိုင်ရှင်းမှာ သူ့ကိုယ်သူနည်းမျိုးစုံဖြင့်ရ​အောင်​ရောင်း​တော့သည်။

ကျွင်းချင်ယွီမှာထိုကဲ့သို့ပြသနာမျိုးများကိုကြို​တောင်မ​တွေးမိထား​သော်လည်း" ဟုတ်​တော့ဟုတ်သားပဲ"

"ဒါ​ပေမယ့် ယွီကျစ်တစ်​ယောက်တည်းအင်ပါယာကိုကိုင်တွယ်နိုင်ပါ့မလား၊ ခက်တာကမင်းကိုလည်းပိုရင်းနှီး​နေတယ်၊ မင်းကငါ့သက်​တော်​စောင့်လုပ်လာတာကြာပြီဆို​တော့၊ တစ်ခုခုအ​ပြောင်းအလဲဆိုမင်းပဲသင့်​တော်မယ်ထင်တယ်၊ မင်းက​ရောလိုက်ဖို့တကယ်အဆင်​ပြေပါ့မလား"

ရှီခိုင်ရှင်းကစွန့်လွှတ်အနစ်နာခံ​နေရ​သောမျက်နှာအမူအယာဖြင့် "ကျွန်​တော်လိုက်ခဲ့ပါ့မယ်၊ ယွီကျစ်ကအင်ပါယာကို​ကောင်း​ကောင်းကိုင်တွယ်နိုင်မှာ​သေချာပါတယ်"

"ကျွန်​တော်ကမှသူ့​ထက်ညံ့ဖျင်း​နေ​သေးတယ်၊ အင်ပါယာကိုကိုင်တွယ်ဖို့မထိုက်တန်ပါဘူး"

ကျွင်းချင်ယွီ"..."

လူတိုင်းကဒီ​နေရာကိုအရမ်းလိုချင်​နေတာမဟုတ်ဘူးလား။ ဘာလို့မင်းကျမှအသည်းအသန်ငြင်း​နေတယ်လို့ခံစား​နေရတာပါလိမ့်။

ကျွင်းချင်ယွီခတ္တမျှ​တွေး​တောလိုက်ကာ 

"အာကာသယာဥ်က ကြယ်စုတစ်ခု​ပေါ်ဆင်းပြီးတာနဲ့ ငါတို့​နောက်ထပ်ခရီးစဥ်​တွေအတွက် တရား၀င်လိုင်းကိုမသုံး​တော့ဘူး​နော်"

ထိုအစားသာမာန်သွားလာ​ရေးယာဥ်တချို့နှင့်သာ ဆက်သွားမည်ဖြစ်ကာ ယွီကျစ်နှင့်လည်းအတူတကွပြန်ဆုံကြဖို့စီစဥ်ထားတာဖြစ်သည်။

ရှီခိုင်ရှင်းကအ​လျော့မ​ပေးလိုပေ။

 "ဒါ​လေးပဲမဟုတ်လား မခက်ခဲပါဘူး ကျွန်​တော့်ကိုယုံကြည်လိုက်ပါ"

အရာအားလုံးကိုအ​သေအချာစီစဥ်ပြီးသည်နှင့် ကျွင်းချင်ယွီမှာသူ၏ငြင်းပယ်မှုအတွက်ဆီ​လျော်​သောတခြားအ​ကြောင်းပြချက်မ​ပေးနိုင်သည်မို့သူကဆိုလိုက်သည်။

"အင်းအင်း ဒါဆိုလည်းသွားပြီး ယွီကျစ်ကို​ပြောပြလိုက်​တော့"

"ခရီးမှာ​ပျော်ရွှင်ကြပါ​စေ" ရှီခိုင်ရှင်းမှာ မျက်ရည်တစ်စက်မျှမကျ ငိုချင်​ယောင်​တောင်မ​ဆောင်နိုင်ပဲ ယွီကျစ်ကိုရှာရန်​ပျော်​​ပျော်ကြီးထွက်သွား​တော့သည်။

ဖုယွမ်ချွမ်းက​လျှောက်လာပြီးဆိုလိုက်သည်။ 

"အကုန်လုံးအဆင်သင့်ဖြစ်​နေပြီ၊ ယာဥ်​ပေါ်တက်ရ​အောင်"

"အင်း"ကျွင်းချင်ယွီကဆိုလိုက်သည်။ 

"ယွီကျစ်အစားရှီခိုင်ရှင်းကို ​ပြောင်းလိုက်မလို့"

ကျွင်းချင်ယွီမှာ ရှီခိုင်ရှင်းနှင့်ပို၍ရင်းနှီးသည်မို့ ထိုသို့​ပြောင်းလိုက်သည်မှာပို့သင့်​လျော်ကာ အဆင်လည်း​ပြေသည်ဟုထင်မိသည်။ 

"မင်းသ​ဘောပါပဲ" ဖုယွမ်ချွမ်းကပြန်​ဖြေသည်။

မိုးပျံယာဥ်များမှာ စစ်တပ်သုံးယာဥ်များထက်​သေးငယ်သည်။ 

အင်ပါယာ၏အာကာသယာဥ်ပင်လျှင်ပို၍ခမ်းနားသည်သာရှိမည်၊ ပို၍​တော့မကြီး​ပေ။စစ်တပ်သုံးအာကာသယာဥ်မှာပို၍အနုစိတ်ကာ လုပ်​ဆောင်မှုပို၍လည်းကျယ်ပြန့်လှသည်။

ရှီခိုင်ရှင်းတစ်​ယောက်သာလျှင်လုံခြုံ​​ရေးအတွက်အတူလိုက်လာခဲ့သည်။

သို့​သော် ကျွင်းချင်ယွီနှင့် ဖုယွမ်ချွမ်းတို့နှစ်ဦးအတူရှိ​နေချိန်တွင်ရှီခိုင်ရှင်းတမင်ကို​ပေါ်မလာခဲ့​ချေ၊ သူကအပိုမီးသီးမဖြစ်လိုမှန်းသိသာလှသည်။

ကျွင်းချင်ယွီသည်လည်းအာကာသယာဥ်၏အ​သေးစားရုပ်ရှင်ရုံထဲတွင်ထိုင်လျက် ​ပေါက်​​ပေါက်ဆုပ်စားကာအချိန်ဖြုန်းလိုက်သည်။

ယခုတ​လော အာကာသယာဥ်များ​ပေါ်တွင်ရုပ်ရှင်ကုည့်ခြင်းကအ​တော်​လေး​ခေတ်စား​နေခဲ့သည်။ ထို့​ကြောင့်သူလည်း တုန့်ပြန်မှု​ကောင်း​ကောင်းရထား​သော သရဲကားတစ်ကားကို​ရွေးထားလိုက်သည်။ ၄င်းကစုံတွဲများအတွက်အထူးသင့်​လျော်သည်ဟုဆိုထားသည်ပင်။

သို့သော်တတိယအကြိမ်သရဲ၏ဖြူဖတ်ဖြူ​လျော်မျက်နှာကိုမြင်လိုက်ရချိန်တွင် ကျွင်းချင်ယွီ သူ့ရင်ခွင်ထဲအလျင်စလို​ပြေးမ၀င်​တော့​ချေ၊

ဖုယွမ်ချွမ်း​ရှောင်ယွီ၏ပုခုံး​လေးကိုဖက်ကာ​မေးလိုက်သည်။ "ဘယ်လိုလဲ"

ကျွင်းချင်ယွီ​​တွေး​တောလိုက်ကာ"အင်း.. အဆင်​တော့​ပြေပါတယ် ဒါ​ပေမယ့်တအားချိုလွန်းတယ်၊ ​ထောပတ်နည်းနည်း​လျှော့ရင်ပို​ကောင်းမယ်"

ဖုယွမ်ချွမ်းက​ရှောင်ယွီအားတိတ်တဆိတ်ကြည့်လိုက်သည်။

ကျွင်းချင်ယွီမှာ ​ပေါက်​ပေါက်ကိုတမြုံ့မြုံ့၀ါး​နေခဲ့သည်။ သူကဖုယွမ်ချွမ်း၏အကြည့်ကိုခံစားမိလျှင် မျက်​တောင်​လေးပုတ်ခတ်ပုတ်ခတ်လုပ်လျက်

"စားချင်လို့လား?"

ဖုယွမ်ချွမ်းက​ခေါင်းကိုမဆိုစ​လောက်က​လေးငဲ့လျက် ​ပေါက်​ပေါက်ဆုပ်ကိုကိုက်လိုက်သည်။ သူကဖြည်းညင်းစွာ၀ါးလျက်"ရုပ်ရှင်က​ကောင်းလား"

"မဆိုးပါဘူး" ​ပေါက်​ပေါက်ဆုပ်ကစားလို့​ကောင်းသဖြင့် ရုပ်ရှင်နှင့်လည်းလိုက်ဖက်ညီ​နေခဲ့သည်။

"မ​ကြောက်ဘူးလား"

ကျွင်းချင်ယွီက​ပေါက်​ပေါက်ဆုပ်ကို၀ါးလျက် ပြုံးလိုက်ကာ​ရှေ့ကိုကိုင်းလျက် အမျိုးသား၏ပခုံးတွင်​မေးတင်လျက် "အရမ်း​နောက်ကျသွားမှာစိုး​နေတာလား"

ဖုယွမ်ချွမ်းကသူ့ပုခုံးကိုဖက်လျက်ငုံ့ကြည့်ကာတစ်ခုခု​ပြောရန်ပြင်လိုက်စဥ် ကျွင်းချင်ယွီကသူ့အားဖြတ်ခနဲနမ်းလိုက်ကာ ဘာမှမဖြစ်သလိုပြန်လှည့်သွားခဲ့သည်။

​ပေါက်​ပေါက်ဆုပ်ဘူးကိုပိုက်ထားရင်း ကျွင်းချင်ယွီသည်ဂရုမထားသလိုဆိုလိုက်သည်။ 

"​ကြောက်ချင်​ယောင်မ​ဆောင်​ချင်​တော့ဘူး၊ ခါးကလည်းနာ​နေ​သေးတယ်"

"အရမ်းနာ​နေတာလား" 

"အရမ်း​တော့မဆိုးပါဘူး" ကျွင်းချင်ယွီကသူ၏ပုခုံးတွင်မှီလျက် ​ပေါက်​ပေါက်ဆုပ်ခွံ့​ကျွေးလိုက်သည်။

ရုပ်ရှင်ထဲတွင် ဇာတ်၀င်ခန်းအမျိုးမျိုး​ပြောင်းလဲသွားခဲ့သည်။ သရဲအမျိုးမျိုးနှင့် သတ္တ၀ါအမျိုးမျိုးက ဘုန်းကြီးကို​ခြောက်လှန့်ခဲ့ကြ၏။

​ပေါက်​ပေါက်ဆုပ်နည်းတူ တခြား​မုန့်များလည်းစားပွဲ​ပေါ်တွင်ရှိသည်။ ကျွင်းချင်ယွီကစားခြင်းတွင်သာအာရုံစိုက်လျက် သရဲကားကိုမူ​နောက်ခံသီချင်းအ​နေဖြင့်သာမှတ်ယူထား​လေသည်။

ဘူးထဲမှ​ပေါက်​ပေါက်ဆုပ်များမှာ သိပ်မများလှ​ချေ။ ရုပ်ရှင်ပြီးသွားချိန်တွင် ဘူး​​အောက်​ခြေ​လောက်သာကျန်ရစ်​တော့သည်။

ပိတ်ကား​ပေါ်တွင် ရုပ်ရှင်ထုတ်လုပ်မှုတွင်ပါ၀င်သူများစာရင်းကိုစတင်​​ဖော်ပြ​နေပြီဖြစ်ကာ ၃စက္ကန့်အကြာတွင်​​နောက်ထပ်ရုပ်ရှင်တစ်ခုဆီ​အလိုအ​လျောက်​ကျော်သွားခဲ့သည်။

ကျွင်းချင်ယွီကအလိုအ​လျောက်ဖွင့်​ပေးသည့်စနစ်ကိုပိတ်လိုက်ပြီး ထရပ်ကာအ​ကြောအချဥ်များဆန့်လိုက်သည်။ 

"အပြင်ထွက်ပြီး တခြားအပန်း​ဖြေတဲ့ဟာ​လေး​တွေ​လျှောက်ကြည့်ရ​အောင်"

အာကာသယာဥ်ထဲတွင် အပန်း​ဖြေသည့်လုပ်​ဆောင်မှုများအများအပြားပါရှိသည်။ ဤအာကာသယာဥ်မှာ ခရီးသွားများအတွက် အဓိကသုံးသည်​ကြောင့်ဖြစ်နိုင်သည်။ အလွန်သက်​တောင့်သက်သာဖြစ်ကာ အချိန်ဖြုန်းရန်လုပ်​ဆောင်မှုအစုံရှိသည်။

စစ်ဘက်ဆိုင်ရာသုံးအာကာယာဥ်ထက်ပို၍လုပ်​ဆောင်မှုစုံ​လေသည်။

"​ကောင်းပြီ" 

ဖုယွမ်ချွမ်းက ​ရှောင်ယွီထံမှ​ပေါက်​ပေါက်ဆုပ်ဘူးကို​ရော လက်က​လေးကိုပါဆွဲလျက်ထွက်လာခဲ့​တော့သည်။

ကျွင်းချင်ယွီလည်းအာကာသယာဥ်၏လမ်းညွှန်​မြေပုံကိုကြည့်လိုက်သည်။ အပန်း​ဖြေရန်​​နေရာများကို မှတ်သား​ပေးထားကာ သူကအ​တော်ကြာရှာကြည့်​သော်လည်း မရင်းနှီးကာ စိတ်၀င်စားဖွယ် သိပ်မရှိသည်တို့ကိုသာ​တွေ့လိုက်ရသည်။

ဖုယွမ်ချွမ်းလည်းယခု​လေးတင်​ရှောင်ယွီ၏​ခါးနာ​နေမှုကိုသတိရမိသွားလျှင် "အ​ရှေ့နားမှာ အနှိပ်ခန်းရှိတယ်ထင်တယ်၊ စမ်းကြည့်ချင်လား"

"အနှိပ်ခုံလား၊ ​ကောင်းမယ့်ပုံပဲ"

ကျွင်းချင်ယွီ၏မျက်လုံးတို့​တောက်ပသွားလျက်

"သွားကြည့်ရ​အောင်"

အနှိပ်ခန်း၏ဧရိယာမှာမ​သေးငယ်လှ​ချေ။ သို့​သော်ထိုအခန်းကျယ်ကြီးတွင် အနှိပ်ခုံ၂ခုံသာလျှင်ရှိ​နေခဲ့သည်။

ကျွင်းချင်ယွီလည်းသိပ်မ​တွေးလိုက်ပဲ အနှိပ်ခုံ​ပေါ်တွင်လဲ​လျောင်းလိုက်သည်၊

၄င်းမှာ ဆုံလည်ခုံ၏အထူဗားရှင်းနှင့်အနည်းငယ်ဆင်တူသည်။ သို့​သော်ဤတစ်ခုကပိုကြီးမားလျက် လူတစ်ယာက်လုံးဆန့်သည်ပင်။

ကျွင်းချင်ယွီယခင်ကလည်းအနှိပ်ခုံသုံးခဲ့ဖူးသည်ပင်၊ ကြယ်တာယာ​ခေတ်မှအနှိပ်ခုံများလည်း​ထွေထွေထူးထူး​ပြောင်းလဲသွားခြင်းမရှိ​​ချေ။ 

သူထင်ခဲ့သည်က လယ်သာထိုင်ခုံ​အောက်မှတုန်ခါမှုဖြင့်ပင် အသုံးပြုသူ၏အ​ကြောအချဥ်များကို​ပြေ​စေလိမ့်မည်ဟု။

သို့​သော်ကျွင်းချင်ယွီစတင်သည့်ခလုတ်ကိုနှိပ်လိုက်လျှင် စက်ရုပ်လက်များမှ ထိုင်ခုံ​အောက်တစ်ဖက်တစ်ချက်စီမှထွက်လာ​တော့သည်။

"?!"

ဗီဒို၏​ရှေ့တွင်ရပ်​ရင်း ဆီ​မွှေးတချို့​ရွေး​နေ​သော ဖုယွမ်ချွမ်းမှာအသံကိုကြားလျှင်​နောက်သို့လှည့်ကာကြည့်လိုက်ရာ စက်ရုပ်လက်များမှာ ​အောက်သို့ပြုတ်ကျ​နေသည်ကို​တွေ့လိုက်ရ​လေသည်။

ကျွင်းချင်ယွီလည်းထိုလက်များကိုငုံ့ကြည့်လျက်

"မထင်ထား​လောက်​အောင်ပဲ"ကျွင်းချင်ယွီ​ချောင်းအသာဟန့်လိုက်ကာ သူ့​ရှေ့မှစက်ရုပ်လက်နှစ်ဘက်ကို​ကောင်လျက် စားပွဲ​ပေါ်တင်လိုက်သည်။

​ဘေးတွင်လည်း အနှိပ်ခုံတစ်ခုရှိ​သေးသည်မို့

ဖုယွမ်ချွမ်းကဆိုလိုက်သည်။

"​နောက်တစ်ခုံပဲသုံးလိုက်​​လေ"

စက်ရုပ်လက်များကို​နေရာတကျပြန်ထားလိုက်ပြီး ပြန်ပြင်သည့် လုပ်​ဆောင်မှုကိုနှိပ်လိုက်လျှင် ၄င်းကသူ့အလိုလိုပြန်ပြင်​လိမ့်မည်ဖြစ်သည်။

စက်ရုပ်လက်ကပြန်ပြင်​နေဆဲမို့ ကျွင်းချင်ယွီထရပ်လိုက်ကာ ဖုယွမ်ချွမ်းထံ​လျှောက်သွားလိုက်သည်။ 

"​နောက်တစ်​နေရာပဲသွားကြည့်ကြရ​အောင်"

​နောက်ထပ်လည်းစိတ်၀င်စားစရာတခုခုမ​တွေ့လျှင် အခန်းသို့ပြန်ပြီး ​​ရေပူစမ်းသာသွားစိမ်​နေ​တော့မည်ဟု​တွေးလိုက်သည်။

၄င်းကိုကြားလျှင်ဖုယွမ်ချွမ်းလည်း အနှိပ်ဆီကိုဗီဒိုထဲပြန်ထည့်လိုက်သည်။ ထို့​နောက်စက်ရုပ်အားပြမ်လည်ပြင်ဆင်မှုစနစ်ဖွင့်​ပေးခဲ့ပြီးလျှင် သူကဆိုလိုက်သည်။

 "ဒါ​တွေကပျင်းစရာ​ကောင်းတယ်လို့ထင်ရင်၊ ​လေ့ကျင့်​ရေးအခန်းကိုလည်းသွားကြည့်လို့ရတယ်​လေ၊ အဲဒီမှာ မက်ခါ​တွေလည်းရှိတယ်"

"မက်ခါဟုတ်လား"ကျွင်းချင်ယွီတန့်သွားခဲ့သည်။

သူသည်းယခင်ကမက်ခါတချို့ကို​မောင်းနှင်ဖူးခဲ့သည်။

"အ​စောင့်​တွေဟာလား"

"မင်းရဲ့မက်ခါလည်းပါလာတယ်​​လေ" ဖုယွမ်ချွမ်းလည်း​ရှောင်ယွီအားဒုတိယထပ်ဆီ​ခေါ်လာခဲ့​တော့သည်။

ဒုတိယထပ်မှာပထမထပ်နှင့်လုံး၀ကွာခြားသည်ပင်၊

ကျွင်းချင်ယွီသည်သူ၏​ခေါင်းထက်မှမြင့်မား​သောမျက်နှာကျက်ကိုစူးစမ်းလိုက်ကာ ဤအထပ်မှာမက်ခါ​မောင်းနှင်နိုင်ရန်သင့်​လျော်​သောအမြင့်ဖြင့်​ဆောက်လုပ်ထားမှန်းသိလိုက်သည်။

​လေ့ကျင့်​ရေးအခန်း၏​ဘေးဘက်တွင် မီးခိုးနက်​ရောင်မက်ခါတစ်စီးကလှုပ်ရှား​နေခဲ့သည်။

ဤအခန်းမှာမက်ခါထံမှသက်​​ရောက်နိုင်​သော အထိအခိုက်နှင့်စွမ်းအားများကို​လျော့ချနိုင်မည့် နံရံများကိုသုံးထားခဲ့သည်။ 

အာကာသယာဥ်​ပေါ်တွင်​မောင်းနှင်ခန်းမှလူတချို့မှလွဲလျှင်ရှီခိုင်ရှင်းတစ်ဦးသာထွက်သွားတာဖြစ်သည်။

ဒါကအပန်း​ဖြေအားလပ်ရက်ရှည်မဟုတ်ဘူးလား၊ ရှီခိုင်ရှင်းကဘာလို့သိပ်ကြိုးစား​နေတာလဲ

ကျွင်းချင်ယွီ​နောက်သို့မှီချလျက်​မေးလိုက်သည်။

"ခင်များပုံမှန်​ရော မက်ခါ​မောင်းနှင်​ရေးကိုဒီလို​လေ့ကျင့်တာလား၊ ဒီကြားထဲမှာအားလပ်ရက် အနား​လေးဘာ​လေးမယူဘူးလား"

ဖုယွမ်ချွမ်းက ​ရှောင်ယွီကိုအသာအယာထိန်းထားလိုက်ပြီး" ​နေ့တိုင်း​လေ့ကျင့်မှုကပျက်ကွက်လို့မရဘူး"

မက်ခါ​မောင်းနှင်ခြင်းမှာ လက်ကအလိုအ​လျောက်အကျင့်ဖြစ်​နေသည်အထိ​လေ့ကျင့်ရန်လိုအပ်​လေသည်။

ထို့အပြင်​နေ့စဥ်ထပ်တလဲလဲ​​လေ့ကျင့်​မောင်းနှင်ခြင်းကကြွက်သားမှတ်ဥာဏ်တချို့ကိုကျန်ရစ်​စေသည်။

ဖုယွမ်ချွမ်းကဆိုလိုက်သည်။ 

"​လေ့ကျင့်​ရေးမပျက်ကွက်​လေ၊ ပိုပြီးလုံခြုံ​ရေးအတွက်စိတ်ချရ​လေပဲ"

ကျွင်းချင်ယွီ​ခေါင်းငြိမ့်လိုက်သည်။ 

"အဲလိုကိုး"

သူတို့​ပြော​နေစဥ် အတွင်းမှမက်ခါကလှုပ်ရှားမှုရပ်တန့်သွားကာ သူတို့ရှိရာဆီဦးတည်လျက်လှည့်လာခဲ့သည်။ 

​လေ့ကျင့်​ရေးအခန်းမှ လုံး၀အသံလုံစနစ်ဖြစ်ပြီး ထိုမက်ခါဖြင့်နံရံကိုပြင်းပြင်းထန်ထန်မထိုးချသ၍ အာကာသယာဥ်​ပေါ်မှလူများစိတ်လက်သက်သာစွာ​အိပ်စက်နိုင်​​လေသည်။

Xxxxxx