အပိုင်း ၁၄၁

Chapter 141

ဖုယွမ်ချွမ်းလက်ကို​မြောက်လျက် ​ရှောင်ယွီ၏​ပါးပြင်​လေးကိုပွတ်သပ်လိုက်သည်၊ 

"ကိုယ့်ရဲ့ငါးက​​လေးက​တော့လိမ္မာပါတယ်၊ ​ထွက်မ​ပြေးနဲ့​နော်"

ဖုယွမ်ချွမ်းကဆိုလိုက်သည်။

"အခု အရင်ဆုံးထိုင်လိုက်ပါဦး"

"အို​​ကေ" ကျွင်းချင်ယွီက နာခံစွာပင် ဖုယွမ်ချွမ်း၏လက်ကိုကိုင်ရင်းထိုင်ချလိုက်သည်။

အနီးအနားရှီထွက်​ပေါက်ထံသို့ ဓါတ်​လှေကားရှိသည့်တိုင်ဖုယွမ်ချွမ်းကမူ ငါးက​လေးအား လမ်း​မလျှောက်​စေပေ။

ကြယ်စုမှာ ခရီးသွားဆွဲ​ဆောင်မှုအဖြစ်ပင်အသုံးပြုနိုင်​လေရာ အာကာသယာဥ်များဆင်းသက်သည့်​နေရာကပင် ရင်သပ်ရှု​မောဖွယ်မြင်ကွင်းရှိ​လေသည်။

နံရံအဖြစ်ကာရံထား​သောမှန်များ၏​နောက်မှ ပင်လယ်ကိုပင်လှမ်း၍မြင်ရသည်။ပင်လယ်ထဲမှကျွန်းငယ်​လေး၏မြင်ကွင်းမှာ လှလွန်း​နေခဲ့၏။

တစ်ချက်တစ်ချက်တွင်​ကျောက်​ဆောင်စွန်းများကိုလှိုင်းများပုတ်ခတ်လျက်။

ပင်လယ်ကိုကြည့်ရင်းကျွင်းချင်ယွီမ​ဆိုပဲမ​နေနိုင်​​ချေ။

"​ရေသူ​တွေကငါးစားတာ​နော်"

"အင်း" ငါးက​လေးကိုပျိုး​ထောင်လာရ​​​သောဖုယွမ်ချွမ်းမှာ ၄င်းကိုသဘာ၀ကျစွာပင်သိရှိပြီးဖြစ်သည်။ သို့​သော်​ရှောင်ယွီက ၄င်းကိုအဘယ်​ကြောင့်ရုတ်တရက်ကြီးထ​ပြောသည်ကို​တော့နားမလည်ခဲ့​ချေ၊

ကျွင်းချင်ယွီက​ငေး​မောရင်းဆိုလိုက်သည်။

"ဒါဆိုကျွန်​တော်​ရေသွားကူးတာက ဘူ​ဖေးစားရသလိုပဲ​ပေါ့"

"...?"

ဖုယွမ်ချွမ်းမှာ တန့်သွားလျက်အ​တော်ကြာ​အောင် ခွန်းတုံ့မပြန်နိုင်​ချေ။

"အဲလိုပဲ​ပေါ့" ဖုယွမ်ချွမ်းကဆိုသည်၊

"ဒါ​ပေမယ့် ဒီတိုင်း​တော့မစားနဲ့ ဖမ်းလာပြီး​တော့ ဆာရှီမီလုပ်စားချင်စား​ပေါ့"

သို့မဟုတ်လည်းဘာဘီကျူးလုပ်စားနိုင်သည်ပင်။

ကျွင်းချင်ယွီအပြုံးဖြင့်တုန့်ပြန်လိုက်သည်။"အို​ကေ"

ငါးဖမ်းရသည်က ​ရေကူးရသည်ထက်ပို​ပျော်စရာ​ကောင်းလိမ့်မည်။ ဤသည်မှာ​ရေသူမျိုးနွယ်၏ သဘာ၀အမူအကျင့်​ပေလား​တော့်သိ​သော်ငြား သူကလက်ဖြင့်ကိုယ်တိုင်ငါးဖမ်းရန်စိတ်ပြင်းပြ​နေခဲ့သည်။

ယခုတွင်​ရေသူများမှာရှင်သန်​ရေးအတွက် ​မွေးမြူ​ရေးစခန်းကိုမှီခို​နေရ​သော်ငြား သူ၏ကိုယ်ပိုင် တိုက်ရည်ခိုက်ရည်များမှ​တော့ တအားလျော့မသွား​ချေ။

​ပင်လယ်ထဲရုတ်တရက်ပြန်လွှတ်ခံရလျှင်လည်းရှင်သန်နိုင်​သေးသည်။

အဆုံးတွင်​တော့ ​ရေသူများမှာ ​ရေ​နေ​​သွေး​​နွေးသတ္တ၀ါများသာဖြစ်သည်မဟုတ်ပါလား။

​​ရေသူပျိုး​ထောင်း​ရေးစခန်းကထိုကဲ့သို့ အခွင့်အ​ရေးမ​ပေးခဲ့၍သာဖြစ်သည်။

ငါးက​လေး​ရေကူးရလွယ်ကူ​​စေရန် ဖုယွမ်ချွမ်းကကမ်း​ခြေတွင် အထူး​နေရာတစ်ခုကိုပြင်ဆင်​ပေးခဲ့သည်။

အပြင်ကိုထွက်ပြီး ​လှေကား၃ဆင့်ခန့်ဆင်းလိုက်သည်နှင့် ကမ်း​ခြေကိုတန်း​ရောက်​သော​နေရာမျိုးပင်။ 

ကျွင်းချင်ယွီအိပ်ယာ၏အစွန်းတွင်ထိုင်လျက်သူ၏ခရီး​ဆောင်အိတ်ထဲမှအ၀တ်များကိုဖြန့်ကာ ချိတ်လိုက်သည်။ထို့​နောက်တွင်အိပ်ရာကတစ်ခုခုမှား​နေသလိုခံစားလိုက်ရ၏။

အ၀တ်များကိုချလိုက်ပြီး ကျွင်းချင်ယွီအိပ်ယာကိုဖိကြည့်လိုက်လျှင် စပရိန်​မွေ့ယာ၏ နူးညံ့​သောပြန်လည်တွန်းကန်အားကိုခံစားမိသည့်အပြင် အတွင်း၌​ရေများပါ​ရှိ​နေသလိုခံစား​ရ​လေသည်။

ကျွင်းချင်ယွီ၏မျက်လုံးက​တောက်ပသွားခဲ့သည်။

"ယွမ်ချွမ်းဒါကရေအိပ်ယာ"

"သ​ဘောကျလား"

"စမ်းကြည့်ရ​​အောင်​လေ"

"..."ဖုယွမ်ချွမ်​ကောက်ယူလက်စလက်ထဲမှအ၀တ်သည် ​သေတ္တာထဲသို့ပြန်ကျသွားခဲ့သည်။ အိပ်ယာ​ပေါ်မှမိမိကိုယ်မိမိဘာ​ပြောမိမှန်းမသိ​သော ငါးက​လေးကိုကြည့်လျက် ဖုယွမ်ချွမ်းလည်းအကူအညီမဲ့စွာ ပါးပြင်​လေးကိုပွတ်သပ်​ပေးလိုက်သည်။ 

"မဆိုးနဲ့"

"ဟင်" ကျွင်းချင်ယွီအပြစ်ကင်းစင်စွာမျက်လုံးကိုပုတ်ခတ်ပုတ်ခတ်လုပ်လျက် "ခင်များကို... မဆိုးရဘူးလား"

"အို​ကေ" 

"ဒါဆိုရင် ဆိုးလို့မရ​ပေမယ့် စလို့​တော့ရတယ်​ပေါ့​နော်"

ဖုယွမ်ချွမ်းခတ္တမျှတိတ်ဆိတ်​နေပြီးဆိုလိုက်သည်

"အပြင်မှာဘာဘီကျူးအကင်ဖိုရှိ​နေတုန်းပဲ ၊​ရေခဲ့​သေတ္တာထဲမှာလည်း လတ်လတ်ဆတ်ဆတ်ငါး​တွေနဲ့အသား​တွေရှိတယ်၊ ကိုယ်ကအစက​တော့မင်းကို​ရေကူးပြီးရင် ဘာဘီကျူးစားဖို့​ခေါ်မလို့ပဲ"

"ဟင်.." ကျွင်းချင်ယွီမှာ ထိုစာ​​ကြောင်းနှစ်​ကြောင်းကြားမှ ဆက်နွယ်မှုကိုနားမလည်ပါ​​ချေ။

"ကြည့်ရတာ ဘာဘီကျူးမစားခင် အချိန်နည်းနည်း​တော့ယူရဦးမယ်ထင်တယ်"

ကျွင်းချင်ယွီ"???"

ထိုစကားကို​နား​ထောင်ရင်း ကျွင်းချင်ယွီ ရုတ်တရက်ခါးကနာလာသလိုခံစားလိုက်ရသည်။

"၀ူး... ယွမ်ချွမ်းလို့.." ကျွင်းချင်ယွီကဖုယွမ်ချွမ်း၏အ၀တ်များကိုဆွဲထားရင်း သနားစဖွယ်ကြည့်လိုက်သည်။

ဖုယွမ်ချွမ်းကသူ၏နှုတ်ခမ်းကိုနူးညံ့စွာအနမ်း​ပေးလိုက်သည်။

အပြာ​ရောင်ရေဂြိုလ်တွင် အ​တော်ကြာကြာ​နေမည်ဟုဆုံးဖြတ်ထားသည်မို့ အ၀တ်များကိုဗီရိုတွင်​နေရာတကျစီစဥ်ထားလိုက်သည်။

အားလုံးရှင်းပြီးသည်နှင့် ကျွင်းချင်ယွီကအနားကပ်လာပြီး ဖုယွမ်ချွမ်း၏ လက်​မောင်းကိုဖက်လိုက်သည်။

"သွားရ​​အောင်၊ ​ရေထဲသွားပြီး ငါးသွားဖမ်းရ​အောင်"

"​ကောင်းပြီ"

သူတို့ကမ​နက်​စော​စောတွင်ကြယ်စုသို့ဆိုက်ကပ်ခဲ့တာ​ကြောင့် အားလုံးအစီအစဥ်တကျပြင်ဆင်ပြီးချိန်တွင် ၁၂နာရီခန့်ရှိပြီဖြစ်သည်။

ငါးဖမ်းခြင်းသာအဆင်တ​ပြေပြီးသွားခဲ့လျှင် ဖမ်းမိ​သောငါးများကိုလည်း​နေ့လည်စာအချိန်မှီစားနိုင်လိမ့်မည်၊

ပင်လယ်စပ်ထံ​​လျှောက်သွားလျှင် လှိုင်းများပြန်ကျသည်နှင့်ကမ်းစပ်ရှိလူများကိုပါဆွဲငင်တတ်သည်။

ကျွင်းချင်ယွီလည်း​ရေထဲဆင်းလိုက်ပြီး ​ခေါင်းတမြုပ်စာခန့်အနက်သို့​​ရောက်လျှင် သူ၏အမြီးသို့ပြန်လည်​ပြောင်းလဲလိုက်သည်။

ဤ​နေရာတွင်​ရေကူးရခြင်းက ​နေရာလွတ်ထဲရှိစိတ်စွမ်းအင်ရေကန်ထဲတွင်​ရေစိမ်ရသည်နှင့်ကွာခြား​လေသည်။

ပင်လယ်ကြမ်းပြင်အထိငုပ်လျှိုးလိုက်သည်နှင့် ငါးများအုပ်စုဖွဲ့​သွားလာ​နေသည်ကိုလည်းမြင်ရလိမ့်မည်။

မြင်ကွင်းကအလွန်လှပ​၏။

ကျွင်းချင်ယွီလည်းလက်ကိုဆန့်လျက် အရသာရှိ​သောငါးများကိုဖမ်းရန်ပြင်လိုက်သည်။ 

မိသည်နှင့်သူကငါးကိုကိုင်လျက် ​ရေမျက်နှာပြင်​ပေါ်တက်ကာ ဖုယွမ်ချွမ်းထံလက်​၀ေ့ယမ်းပြလိုက်သည်။

"ယွမ်ချွမ်း ကျွန်​တော်ငါးမိပြီ"

ဖုယွမ်ချွမ်းကလှိုင်းများကြား ​ရှောင်ယွီ​နောက်မှအသာလိုက်ကူးခတ်​နေခဲ့သည်။

ကျွင်းချင်ယွီက ငါးကို အဖုံးပါ​သောခြင်း​တောင်းထဲတွင်ထည့်လိုက်သည်။ 

ဖုယွမ်ချွမ်းကမူငါးက​လေးအား လှိုင်းပုတ်ဒဏ်မခံရ​စေရန်ဖက်လိုက်ပြီး "ဂရုစိုက်"

"မစိုးရိမ်ပါနဲ့" ပင်လယ်ထဲတွင် ​ရေသူများကိုရှင်းနိုင်သည့်အရာဟူ၍များများစားစားမရှိ​ချေ။

ထို့​နောက်ကျွင်းချင်ယွီက​ရေ​အောက်သို့တဖန်ငုပ်လျိုးသွားခဲ့ပြန်သည်။

ဖုယွမ်ချွမ်းက​ရေ​ပေါ်​​မြော​နေ​သောခြင်း​တောင်းကိုကိုင်ထားလျက် ကျွင်းချင်ယွီ၏​နောက်သို့​ရေ​ပေါ်မှာအသာကူးခတ်ရင်းလိုက်​နေခဲ့သည်။ သူက​ရေမငုပ်​သော်လည်း ကျွင်းချင်ယွီငုပ်သွား​သော​နေရာတွင်​စောင့်​နေခဲ့သည်။

ခြင်း​တောင်းအားဂရုတစိုက်တွဲချည်ပြီးသည်နှင့် ဖုယွမ်ချွမ်းလည်း အ​သေးစား​ရေငုပ်ပစ္စည်းအကူအညီနှင့်အတူ ပင်လယ်​အောက်​ခြေသို့ ငါးက​လေးကိုရှာရန် ငုပ်လျှိုးလာခဲ့​လေသည်။

လက်ရှိအ​ခြေအ​နေက သူ​မျှော်မှန်းထားသည်နှင့်ကွားခြားနေ​သော်လည်း ​ရှောင်ယွီမှာအလွန်​ပျော်ရွှင်​နေသည်မို့ သူလည်းအ​​သေးစိတ်များကိုတွေးမ​နေ​တော့​ချေ။

ဤတွင်ကြာကြာ​နေဦးမည်မို့ မူလအစီအစဥ်ကိုပြီးမှတဖြည်းဖြည်းအ​ကောင်အထည်​ဖော်လျှင်လည်းရသည်ပင်။

ပြီးလျှင်သူကိုယ်တိုင်လည်း ​ရေသူလေး​ရေကူးသည့်အလျင်ကိုအမီမလိုက်နိုင်ပါ​ချေ။

သို့​သော်​ရှောင်ယွီကအလွန်ဂရုစိုက်လျက် ပင်လယ်ငါးများကိုလိုက်ဖမ်းရင်း ဟို​ပြေးသည်​ပြေးကူး​နေလျှင်ပင် သူ၏မျက်စိ​အောက်မှ​တော့​ပျောက်မသွား​ချေ။

​​ရွှေ​​ရောင်​ဖျော့​ဖျော့အမြီး​လေးက​ရေထဲတွင်အလွန်လှပ​နေခဲ့သည်။ 

အမြီးထိပ်ဖျားမှာ ဘယ်ညာယိမ်းလျက် ၄င်းမှာ သာမာန်လှုပ်ရှားမှုဟုထင်ရ​သော်လည်း မျက်စိတမှိတ်အတွင်းရုတ်တရက်ခုန်ထွက်နိုင်စွမ်းလည်းရှိသည်။

ငါး​တစ်​ကောင်မိသည်နှင့်သူက ​ပျော်ရွှင်စွာကူးခတ်လာပြီး သူကိုနှစ်ပတ်သုံးပတ်​လောက်လှည့်ပတ်လိုက်လိမ့်မည်။

ဖုယွမ်ချွမ်းလည်းအမြီးဖျား​လေးကိုကြည့်လျက် လက်ကို​မြှောက်ကာထိ​တွေ့လိုက်သည်။ 

​ရှောင်ယွီကရုတ်တရက်မို့တန့်သွားခဲ့​သော်လည်း ​ရှောင်ဖယ်မသွားခဲ့​ချေ။ သူ၏အမြီး​လေးကို​ကွေးလိုက်ပြီး ဖုယွမ်ချွမ်း၏လက်ကိုပွတ်သပ်လိုက်သည်။

ဖုယွမ်ချွမ်းလွှတ်လိုက်ပြီး​နောက်တွင် ကျွင်းချင်ယွီက​နောက်တွင်ပုန်းလိုက်ပြီး ​​ရေ​အောက်တွင်စကား​ပြောလို့်မရသည်မို့ သူ၏ပါးပြင်ကိုသာ လက်ညှိုး​လေးဖြင့်ထိုးလိုက်သည်။

ဖုယွမ်ချွမ်းလှည့်ကြည့်လိုက်လျှင် ပူးပေါင်း​လေးများထလာသည်​ကို​တွေ့လိုက်ရ​လေသည်။

"ဘူး.." ပူ​ပေါင်း​လေးများမှုတ်ထုတ်ပြီး​နောက်တွင် ကျွင်းချင်ယွီကမျက်လုံး​လေးများ​ကွေးလျက်ပြုံးလိုက်ပြီး ထွက်​ပြေးရန်ပြင်လိုက်လေသည်။

ဖုယွမ်ချွမ်းကမူလက်ကို​မြှောက်လျက် ခပ်ဆိုးဆိုး​ရေသူ​လေးကိုအသာအယာပင်ဖမ်းထားလိုက်သည်။

ဆံပင်ရှည်တို့က​ရေထဲတွင်ပျံ့လွင့်​နေပြီး ကျွင်းချင်ယွီက​နောက်လှည့်လျက်သူ့ထံတွင်မှီလိုက်သည်။ဖုယွမ်ချွမ်း၏လည်တိုင်ကိုသိုင်းဖက်လိုက်ပြီး မျက်​တောင်​လေးခတ်လျက်အပြစ်ကင်းစင်စွာကြည့်လိုက်သည်။

သို့​သော် ​နောက်ထပ်စက္ကန့်အနည်းငယ်မှာပင် အဆိုပါမျက်နှာသာမ​ပေးတတ်​သောလူမှသူ့အားကလိထိုး​တော့သည်။

"——!"

​ရေသူက​လေးကတွန့်လိမ်ရင်းသူ၏အမြီးကလည်းမသိလိုက်စွာပင် အဆိုပါကလိထိုး​နေ​သော ရန်သူကိုရစ်ပတ်လိုက်သည်။

ကျွင်းချင်ယွီနှစ်ကြိမ်ခန့်ထွက်​ပြေးရန်ပြင်​သော်လည်း မလွတ်နိုင်ခဲ့​ပေ။သူကအူလှိုက်သည်းလှိုက်ရယ်ရင်း လွှတ်​ပေးရန်​တောင်းပန်သည့်အ​နေဖြင့်ပါးပြင်အားနမ်းလိုက်သည်။ သူ့တွင်ရုန်းကန်ရန်ခွန်အားမရှိ​တော့​ချေ။

ဖုယွမ်ချွမ်းလည်းရပ်တန့်သွားပြီး သူ့ထံတွင်မှီ​နေ​သော​ရေသူ​လေးကိုခပ်တင်းတင်းဖက်လိုက်သည်။ သူကဘာမှမ​ပြောသည့်တိုင်သူ၏မျက်လုံးများကမူ 'ခု​တော့မှားတာကိုသိပြီလား'ဟုအပြည့်အ၀သရုပ်​ဖော်လျက်ပင်။

ကျွင်းချင်ယွီကအမြန်​ခေါင်းတဆတ်ဆတ်ငြိမ့်လိုက် မျက်လုံး​လေးကို၀ိုင်းလျက် ချစ်စဖွယ်ပြုမူလိုက်သည်။

​ဘေးရှိငါးများမှာလည်း​ရေသူ​လေးပေါ်လာခြင်း​ကြောင့် ​ကြောက်လန့်ပြီး​ပြေသွားကြ​ချေပြီ။

​ရေသူကလေးကလည်းငါးဖမ်းခြင်းကိုရပ်လိုက်ပြီမို့ ငါးများလည်းလွတ်လွတ်ကျွတ်ကျွတ် အ​ဝေးကို​ရောက်သွား​တော့သည်။

ငါးများမှာအန္တာရယ်ကိုအာရုံခံနိုင်စွမ်းရှိ​ကြောင်းကျွင်းချင်ယွီတွေး​နေလိုက်သည်။

ဖုယွမ်ချွမ်းကိုလွှတ်လိုက်ပြီး​နောက်တွင် ကျွင်းချင်ယွီလည်း ငါးဖမ်းခြင်းကိုတဖန်ပြန်စလိုက်ကာ အ​ဝေး​ရောက်​​နေ​သောငါးများကိုအမီလိုက်လျက် အ​ကောင်းဆုံးတစ်​ကောင်ကိုဖမ်းကာ ခြင်း​တောင်းထဲထည့်လိုက်သည်။

သူ​ရေထဲ​နောက်တစ်ကြိမ်ပြန်ဆင်းသွားချိန်တွင် ဖုယွမ်ချွမ်းအား သန္တာ​ကျောက်တန်းအစွန်းတွင်ထိုင်​နေသည်ကို​တွေ့လိုက်ရသည်။

ကျွင်းချင်ယွီလည်း သူဘာလုပ်​နေလဲသိချင်စိတ်ဖြင့်အနားသို့ကူးခတ်သွားလိုက်သည်။

ထိုအစွန်းတွင် ဆူဖြိုးလှ​​​သော ကမာနှင့်ပင်လယ်ခရုများ အစုလိုက်အပြုံလိုက်ရှိ​နေခဲ့သည်။

ဤ​နေရာတွင် ပ​ရော်ဖက်ရှင်နယ်​ငါးဖမ်းအသင်းလည်းမရှိ​လေရာ မည်သူမျှဤ အရသာရှိသည်တို့ကို ရှာမ​တွေ့ခဲ့​​ချေ။ ဤကိုလာ​သော ခရီးသွားအများစုမှာလည်း ထိုမျှနှံ့နှံ့စပ်စပ်မရှာ​ဖွေကြ​ချေ။

​မွေးမြူထားသည်နှင့် သဘာ၀အ​လျောက်ကြီးထွားသည့်ခရုများကကွာခြားလှသည်

၄င်းတို့ကကင်စားလျှင်လည်းအလွန်အရသာရှိ​လေသည်။

ကျွင်းချင်ယွီလည်းအဖုံးပါ​သောခြင်း​တောင်း​လေးကိုဆွဲလျက်​ရောက်လာ​တော့သည်။

ကျွင်းချင်ယွီကခြင်း​တောင်း​လေးအား ဖုယွမ်ချွမ်း​ဘေးတွင်ချလျက် ​ခေါင်းငြိမ့်ပြလိုက်သည်။

ဖုယွမ်ချွမ်းကလည်း ​​ရှောင်ယွီ၏ပါးပြင်​လေးကိုအသာနမ်းလိုက်လျှင် ကျွင်းချင်ယွီကမျက်လုံး​လေးများကို​ကွေးလျက် ငါးများထပ်ဖမ်းရန်​ပြေးသွားပြန်​လေသည်။

သူတိူ့၂ဦးပဲရှိ​ကာရေခဲ​သေတ္တာထဲမှအသားများနှင့်ငါးများလည်းရှိကာ ယခုဖမ်းမိထားသည်များနှင့်​ပေါင်းလျှင်လုံ​လောက်သည်ထက်ပင်ပို​နေခဲ့​ပြီဖြစ်သည်။

သို့​သော်ပထမဆုံးအကြိမ်ငါးဖမ်းရသည်မို့ ကျွင်းချင်ယွီမှာမူ ​နေ့လည်စာကို သူဖမ်းမိသည့်အမယ်များဖြင့်သာစားချင်ပုံရသည်မို့ ထို​ရေခဲသေတ္တာထဲမှာအမယ်တို့ကိုခတ္တမျှ​ဘေးဖယ်ထားလိုက်သည်။

ပင်လယ်ကြမ်းပြင်တွင်လှပ​သောသန္တာ​ကျောက်တန်းများနှင့် အမျိုးစုံ​သော​ရေ​နေသတ္တ၀ါများရှိ​လေသည်။ ​ရေကဲ့သို့ကြည်လင်​နေပြီး​ဖောက်မြင်​နေရ​သောအ​ကောင်များလည်းရှိကာ အ​ရောင်အ​သွေးလည်းစုံလင်လှသည်။

ဖုယွမ်ချွမ်းလည်းခြင်း​တောင်းအပြည့်ဖြည့်ပြီး​နောက်တွင် ​နောက်မှ​ရေသူလေးလိုက်လာသဖြင့်​ကြောက်လန့်​နေ​သော ငါးတစ်​ကောင်ကသူ့ထံတည့်တည့်ကူးလာ​လေသည်။ ၄င်းကသူ့လက်​မောင်းကြားတည့်တည့်​ပြေးလာသည်ဟုပင်ထင်ရသည်။

​နောက်မှကျွင်းချင်ယွီမှာခတ္တမျှတန့်သွားမိ​လေသည်။ သူကအလွန်ဖြည်းဖြည်းသာလိုက်​နေခဲ့ခြင်းဖြစ်ပြီး ဤအခိုက်အတန့်တွင်မူ သူကရုတ်ချည်းမြန်မြန်ကူးလျက်ထိုငါးက ဖုယွမ်ချွမ်းထံမ​ရောက်ခင်တွင် သူကလက်ဖြင့်ရိုက်ချလိုက်သည်။

သနားစရာငါး​လေးမှာ​မေ့​မျောသွားပုံပင်။

​ရေသူ​လေးမှာမ​​ပြောင်းလဲ​သောအမူအယာဖြင့်ထိုငါးကို​ကောက်လျက် ခြင်း​တောင်းထဲထည့်လိုက်သည်။

ထို့​နောက်တွင်​ရေသူ​လေးကသူ့ကိုယ်သူ ဖုယွမ်ချွမ်းထံပစ်၀င်လျက် ဖက်လိုက်သည်။ ထို့​နောက်ဖုယွမ်ချွမ်းအားသူ့အပိုင်ဟုပင် တမွမွနမ်း​နေခဲ့သည်။

ဖုယွမ်ချွမ်းလည်း​ရေသူက​လေးကိုဖက်ထားလိုက်ပြီး 

"ကိုယ်မီးဖိုပြင်ထားလိုက်မယ်၊ မင်း​ဆော့ပြီးတဲ့အခါ စားဖို့ပြန်လာခဲ့​နော်"

Xxxxxx