Welcome To MM Storyteller
LOGIN
Part 149
ယွမ်တစ်ထောင်ဖြင့် အခန်းသုံးခန်းထက်ပိုမိုဆောက်လုပ်၍ရနိုင်ပြီး ခြံဝန်းတစ်ခုတည်ဆောက်ရန်ပင်လိုလောက်သည် ။
စွန်းကျောက်ဝမ်က ဟန်ချင်စုန့် ၏စကားအားကြားသောအခါ၌ သူ၏မနာလိုစိတ်ကိုထိန်းချုပ်ထားနိုင်ခြင်းမရှိတော့ပေ ။ သူတို့အားလုံးမှာ အခန်းတစ်ခန်းသို့မဟုတ် နှစ်ခန်းသာပါဝင်သောအများသုံးအဆောင်များတွင် မိသားစုလိုက်ငှားရမ်းနေထိုင်ကြရသည် ။ လူများစွာကြပ်သိပ်နေထိုင်ကြရပြီး အဆင်မပြေသောကြောင့် မွေးရပ်မြေနှင့်နီးစပ်သောသူများမှာအိမ်သို့ပြန်ကြပြီး အခြားဒေသများတွင်နေထိုင်သူများအဖို့ အဆောင်များတွင်နေထိုင်ကြရရုံမှတစ်ပါးရွေးချယ်စရာမရှိပေ ။
စွန်းကျောက်ဝမ်၏အိမ်မှာ ကွန်မြူနတီနှင့်အလှမ်းဝေးသည့်အပြင် မြို့ပြအိမ်ထောင်စုစာရင်းမရှိ၍ အဆောင်တွင်သာငှားရမ်းနေထိုင်ရသည် ။
" လုံခြုံရေးဗျူရိုက အရမ်းရက်ရောပေမဲ့ ငြီးငွေ့ဖို့ကောင်းတယ်် "
ဟန်ချင်စုန့်က ပြောလိုက်သည် ။
" ဒါဆိုရင် စစ်တပ်ထဲဝင်လိုက်လေ တပ်ထဲမှာဆိုသေချာပေါက်မပျင်းရတော့ဘူး "
စကားပြောပြီးနောက် ဟန်ချင်စုန့်က အိတ်ကိုဆွဲ၍ထောက်ပံ့ရေးနှင့်စျေးကွက်ရှာဖွေရေး သမဝါယမရုံးသို့သွားရန်ထလိုက်သည် ။
စွန်းကျောက်ဝမ်က ဒေါသတကြီးဖြင့်စားပွဲကိုလက်နှင့်ရိုက်ရင်းပြောလိုက်သည် ။
" သူ့ကိုကြည့်စမ်းပါဦး ငါတို့ကိုမျက်လုံးထဲထည့်တာမဟုတ်ဘူးတွေ့လား ရွံ့ပေနေတဲ့စစ်သားတစ်ယောက်ကဘာလို့ဒီလောက်ထိ လာမောက်မာပြနေရတာလဲ "
ဟွမ်ဝေကျုံးက စွန်းကျောက်ဝမ်အား ညွှန်ကြားရေးမှူးအသစ်နှင့်ပြဿနာမဖြစ်စေချင်သောကြောင့်လေသံအေးအေးနှင့်ဖျောင်းဖျလိုက်သည် ။
" တပ်ခွဲမူးရာထူးကနေပြောင်းလာတဲ့လူနော် မင်းရန်သွားမစသင့်ဘူး "
ဟွမ်ဝေကျုံးက ဟန်ချင်စုန့်၏ဆုံးဖြတ်ချက်အား ထောက်ခံလေသည် ။ ပြောင်းရွေ့ကြေးလက်ထဲရှိသည့်အချိန်တွင် အိမ်ဆောက်ထားခြင်းက မှန်ကန်သောဆုံးဖြတ်ချက်ပင် ။
တဖြည်းဖြည်းအချိန်ဆွဲလာသည်နှင့်အမျှ လက်ထဲတွင်ပိုက်ဆံမကျန်တော့လျှင်မည်သို့လုပ်မည်နည်း...
ထို့အပြင် ရာထူးတက်သောအခါမှအိမ်ဆောက်မည်ဆိုပါက လူအများ၏သက်သေရေရေရာရာမရှိသည့် စွပ်စွဲချက်အများပြားပေါ်ထွက်လာနိုင်သည် ။
ဟန်ချင်စုန့်က တော်လှန်ရေးကော်မတီဌာနမှူးထံ အရင်သွားပြီးနောက်တွင် ထောက်ပံ့ရေးနှင့်သမဝါယမ ဌာနမှူးထံသွားခဲ့သော်လည်း ကံမကောင်းစွာနှင့် ဌာနမှူးချင်နှင့်မတွေ့ခဲ့ရပေ ။ ထို့နောက်သူက သားသတ်ရုံသို့သွားသည် ။
ဟန်ချင်စုန့် အိမ်မှထွက်လာသောအခါ လင်းလန်ကပိုက်ဆံငါးယွမ်ထည့်ပေးချင်သော်လည်း ဟန်ချင်စုန့် ကလက်မခံချင်ခဲ့ပေ ။ လင်းလန်က လူကြီးတစ်ယောက်၏လက်ထဲတွင်ပိုက်ဆံရှိမှသင့်တော်မည်ဟုဆို၍ နှစ်ယွမ်ယူလာခဲ့သည် ။
သို့ရာတွင်သူ့ထံ၌အသားလက်မှတ်မရှိသည့်အတွက် လက်မှတ်မလိုသောအသားပိုင်းတချို့ကို အိမ်ပြန်ဝယ်သွားပေးချင်သည် ။
စစ်တပ်ယူနီဖောင်းဝတ်ဆင်ထားသော ဟန်ချင်စုန့် ၏အသွင်အပြင်မှာ စွန်းကျောက်ဝမ်တို့ကဲ့သို့ကေဒါများနှင့်မတူညီဘဲ လူတိုင်း၏အမြင်တွင်ကွဲပြားနေသည် ။
အဖွဲ့ခေါင်းဆောင်က ဟန်ချင်စုန့်၏အမူအယာကိုကြည့်၍ စိတ်ကြည်သာမနေကြောင်းမှန်းဆမိသည့်အပြင် သူ၏ဝတ်စုံအရ လုံခြုံရေးညွှန်ကြားရေးမှူးအသစ်ဖြစ်ကြောင်းတွေးမိသည် ။
ဟန်ချင်စုန့် ကလက်မှတ်မလိုသည့်အသားအစိတ်အပိုင်းတစ်ချို့လိုချင်သည်ဟုပြောသောကြောင့် အဖွဲ့ခေါင်းဆောင်က ချိုချိုသာသာပြုံးရင်းပြောလိုက်သည် ။
" မင်းဒီကိုရောက်လာတာတိုက်ဆိုင်ရုံသက်သက်တော့မဟုတ်လောက်ဘူး ဒီနေ့ဘဲဝက်တစ်ကောင်သတ်လိုက်တာ တော်လှန်ရေးကော်မတီရဲ့ကန်တင်းကိုတောင်ပို့လိုက်သေးတယ် "
ဟန်ချင်စုန့်က ချက်ချင်းလှည့်ထွက်သွားရန်ပြင်လိုက်သောကြောင့် အဖွဲ့ခေါင်းဆောင်က အမြန်လှမ်းအော်လိုက်သည် ။
" ကံကောင်းစွာနဲ့ နံရိုးနဲ့အသားနည်းနည်းတော့ကျန်သေးတယ် "
" အသားလက်မှတ်ကို နှစ်ရက်အတွင်းထုတ်ပေးမှာပါ ဒီနေ့ဝယ်သွားတဲ့အသားအတွက်လက်မှတ်ကိုနှစ်ရက်အတွင်းပို့ပေးမှာပါ "
အဖွဲ့ခေါင်းဆောင်က ပြုံးပြီးပြောလိုက်သည် ။
" ဟုတ်ပြီ မမေ့ပါနဲ့ "
ဟန်ချင်စုန့်က တစ်လလျှင်အသားငါးကတ်တီရရှိမည်ဖြစ်ပြီး တစ်ဝက်မှာအရိုးများဖြစ်သည် ။
မည်သို့ပြန်လည်ရောင်းချရမည်နည်း...
အရိုးများဝယ်ယူရာတွင်လက်မှတ်မလိုအပ်သည့်အပြင် စျေးလည်းမကြီးပေ ။
ထို့အပြင် အရိုးများတွင်အသားမရှိ၍ ချက်ပြုတ်ရင်အချိန်ကြာမြင့်ပြီး ထင်းပိုကုန်သည် ။ ထုတ်လုပ်ရေးအဖွဲ့သည် ဝက်များကိုသတ်၍အသားများနှင့်အရိုးညီညီမျှမျှရောင်းချခြင်းမရှိပါက လူအများသည်လည်းအရိုးကိုယူကြမည်မဟုတ်ပေ ။
စျေးနူန်းကအသင့်အတင့်ပင်ဖြစ်၍ ဟန်ချင်စုန့်ကပိုက်ဆံပေးပြီး အသားလက်မှတ်ကိုပြန်ပေးလိုက်သည် ။ အဖွဲ့ခေါင်းဆောင်က အသားကိုလှီးဖြတ်သောအခါတွင်အဆီပါသော ဗိုက်သားကိုရွေး၍ဟန်ချင်စုန့်ကိုပေးလိုက်သည် ။
ဟန်ချင်စုန်က တစ်ချက်ကြည့်ကာမေးလိုက်သည် ။
" အဲ့တာတွေက သတင်းစာတွေလား "
အဖွဲ့ခေါင်းဆောင်က ဟန်ချင်စုန့် အသားစိမ်းအားလက်နှင့်ကိုင်သွားရမှာရှက်သည်ထင်၍ သတင်းစာနှင့်ပတ်၍ပေးလိုက်သည် ။
ဟန်ချင်စုန့်က ရှက်စရာမဟုတ်ဟု စိတ်ထဲတွင်ရေရွတ်နေပြီး အဖွဲ့ခေါင်းဆောင်က ဟန်ချင်စုန့်ပြန်ထွက်သွားသည်ကိုကြည့်ပြီး ပြောလိုက်သည် ။
" သူငါတို့ပြောတာတွေကိုနားလည်နိုင်ပါ့မလား "
ကျန်သောအစားအစာများမှာစျေးကြီးပြီးဝယ်ယူရန်ခက်ခဲသောကြောင့် အသားသည်သာဝယ်ရန်လက်မှတ်မလိုအပ်ဘဲ ပိုက်ဆံပိုပေးရုံနှင့်အားရဝမ်းသာရောင်းချကြလိမ့်မည် ။
လေးနက်ပြီး ခေတ်မမှီတဲ့ ညွှန်ကြားရေးမှူးသစ်ကနားလည်ပါ့မလားတွေးမိတယ်!
ဟန်ချင်စုန့်က အသားများကိုတော်လှန်ရေးကော်မတီခြံဝန်းထဲရှိ ပြည်သူ့လုံခြုံရေးဗျူရို သို့ပြန်သယ်သွားသည် ။ ထို့နောက်သူကကောင်းကင်ကိုမော့ကြည့်ရင်း နေ့လည်စာအတွက်အလျှင်မလိုပေ ။
စွန်းကျောက်ဝမ်က ဟန်ချင်စုန့် တစ်စုံတစ်ခုကိုသယ်ဆောင်လာသည်အားမြင်သောအခါတွင် ပြုံလိုက်သော်လည်း အသားစိမ်းနံ့အားရသောအခါ မျက်မှောင်ကျုံ့ရင်းပြောလိုက်သည် ။
" အိုး...ဟန်ချင်စုန့် နေ့လည်စာချက်ဖို့အတွက်အသားတောင်သွားဝယ်ခဲ့တာလား ရှက်ဖို့ကောင်းလိုက်တာ "
ဟန်ချင်စုန့် ကသူ့ကိုမကြည့်ဘဲပေါ့ပေါ့ပါးပါးနှင့်ပြောလိုက်သည် ။
" ခင်ဗျားနားလည်မူလွဲနေပြီ အိမ်မှာကျွန်တော့်ရဲ့ ရာထူးတည်မြဲဖို့အတွက် အသားသွားဝယ်ခဲ့တာ "
ဟန်ချင်စုန့် ကျောက်ကိုရှာရန် ထွက်လာခဲ့သည်။
စွန်းကျောက်ဝမ် ဒေါသထွက်လွန်း၍ အံကြိတ်ကာ ဟွမ်ဝေကျုံးကိုပြောလိုက်၏။
"ဘာလဲ...တောင်းပန်ရင်တောင် စားဖို့စိတ်မဝင်စားဘူး"
ဟွမ်ဝေကျုံး သူ့ကို စိတ်မဆိုးရန် အကြံပြုလေသည်။ "ခေါင်းဆောင်ဟန်က ဒီမှာ လူသစ်ပါ ...စစ်တပ်ကနေ အခုမှအလုပ်ပြောင်းလာတာ... ကျွန်တော်တို့ရဲ့ ဓလေ့ထုံးတမ်းတွေကို နားမလည်သေးလို့ပါ "
ဤနေရာ၌ အရာရှိအသစ်တွေက ရာထူးစယူသည့်အခါ သူတို့၏ လက်အောက်ငယ်သားတွေကို တစ်ဝိုင်းကျွေးလေ့ရှိပြီး လက်အောက်ငယ်သားတွေကလည်း လက်ဆောင်သေးသေးလေးတွေကို ရင်းနှီးမှုပြရုပ်အနေဖြင့် ပို့ပေးလိမ့်မည်ဖြစ်ကာ လူတိုင်း ပျော်ရွှင်ကြသည်။
အနှီဟန်ချင်စုန့် ဘုံသဘောအရ *ဖဲမကစားဘဲ နေရာတကာမှာ ရူးမိုက်ပြီးအံဝင်ခွင်ကျမဖြစ်လိမ့်မည်ဟု သူမည်သို့သိပါမည်နည်း။
(T/N–တစ်စုံတစ်ခုမှာ အောင်မြင်မှုရဖို့ အကျိုးရှိဖို့အတွက် အလိုက်အထိုက်ပြုမူတာပါ)
xxxxxxx
Part 150
ဟန်ချင်စုန့်က ဝန်ကြီးကျောက် ဆီကိုသွားပြီး သူ့အစားအသောက် ခွဲတမ်းက ရောက်ပြီလားဟုမေးလိုက်၏။
ဝန်ကြီးကျောက်က ပြုံးပြုံးရွှင်ရွှင်ဖြင့် "ဒီမှာ... ငါတို့က အခုကစပြီး ကွန်မြူနတီမှာနေမှာ"
၎င်းနောက် သူကမေးလိုက်သည်။
"ခေါင်းဆောင်ဟန်က ကန်တင်းမှာ စားမှာလား ... အိမ်ပြန်စားမှာလား"
ဟန်ချင်စုန့်က ပြောသည်။
" များသောအားဖြင့် အိမ်မှာ စားတယ်...မနက်ရော ညနေရော ...တစ်ခုခုဆိုရင် အလုပ်မရှုပ်တော့ဘူးပေါ့"
မိသားစုတစ်စုလုံး ဝင်းထဲတွင် နေထိုင်ကြသူများမှလွဲ၍ ကန်တင်းတွင် တစ်နေ့လျှင် သုံးနပ်စားနိုင်သည်။ အခြားသူများမှာ အခြေခံအားဖြင့် ဤနေရာမှာပဲ နေ့လယ်စာစားကြပြီး အများစုမှာ အိမ်ပြန်ကြ၏။
ထိုနည်းအားဖြင့် ဆန်၊ ဆီ စသည်တို့ကို ချက်ပြုတ်ရန် အိမ်သို့ ယူဆောင်နိုင်ပြီး မိသားစု၏ ရိက္ခာကို ထောက်ပံ့နိုင်သည်။
သူက အလွန်ကို လေးလေးနက်နက် တည်တည်တံ့တံ့ပြောဆိုနေပြီး ကျေးလက်နေ အောက်ခြေကေဒါများ၏ ရယ်ရယ်မောမော ရောရောနှောနှောနေတတ်ကြသည့် စတိုင် နှင့် လွန်စွာ ခြားနားနေသည်ကို မြင်ရသည့်အတွက် ဝန်ကြီး ကျောက် လက်ရှိမှာ သူ့ စိတ်နေစိတ်ထားကို နားမလည် နိုင်တော့ပေ။
"ဗျူရိုမှာ အစားအသောက်တံဆိပ်ခေါင်းတွေမရှိမှန်းသိလို့ ငါ နှစ်ရက်ကြိုပြီး ထုတ်ပေးမယ်...အိမ်ပြန်စားချင်ရင်တော့ ကန်တင်းကိုသွားပြီး အော်ဒါမှာ...ပြီးရင် အစားအသောက် စီမံခန့်ခွဲရေးရုံးမှာ အစားအသောက်တွေ သွားထုတ်လိုက်"
လိုချင်သလောက်ကို ကန်တင်းအဖွဲ့အခေါင်းဆောင်နှင့် စကားပြောပြီးယူရုံသာပင်။
ဟန်ချင်စုန့်က ယခုလနှင့် နောက်လအတွက် သူ၏အစားအသောက် တံဆိပ်ခေါင်းများအားလုံးကို ယူခဲ့ပြီး ကျန်အားလုံးကိုမူ လူတိုင်းကိုဖြန့်ဝေရန် နှစ်ရက်စောင့်ခဲ့ရသည်။
သူ အော်ဒါမှာယူရန်အတွက် ကန်တင်းသို့ ဦးစွာသွားရောက်ခဲ့ပြီး ၎င်းနောက် ရိက္ခာ ကတ်တီ၃၀ ကြိုတင်ပေးဆောင်ရန် ကွန်မြူနတီ အနောက်ဘက်ရှိ ကောက်နှံစီမံခန့်ခွဲရေးရုံးသို့ သွားရောက်ခဲ့ပြီး တစ်ဝက်မှာ ဆန်ကောင်းများ၊ ကျန်တစ်ဝက်ကို ဂျုံမှုန့်နှင့် ပြောင်းမှုန့်များဖြင့် အစားထိုးလဲလှယ်ခဲ့သည်။
အထွေထွေအစိုးရဝန်ထမ်းများအတွက် အစားအသောက်ကူပွန်များမှာ တစ်လလျှင် ကစ်တီ၊၃၀ ခေါက်ဆွဲကောင်း ၆၀ ရာခိုင်နှုန်းနှင့်ဆန်ကြမ်း ၄၀ ရာခိုင်နှုန်းဖြစ်၏။။
သို့ပေမဲ့ ဤနေရာတွင် အနည်းငယ်လည်း ရှုပ်ထွေးလေသည်။
ရွှာမှာပဲ မွေးဖွားကြီးပြင်းလာသော ရပ်ကွက် ဝန်ထမ်းများကို ခေါက်ဆွဲ နှင့် မုန့်ပေါင်း စသည်တို့ကို တိုက်ရိုက် စားခွင့်ပြုထားခြင်းပင်။ ဤသည်မှာ ခက်ခဲကြမ်းတမ်းသော ကာလ အတွင်း ချမှတ်ထားသော စည်းမျဉ်း ဖြစ်ပြီး ယခုအချိန်အထိ ပြောင်းလဲခြင်း မရှိသေးပေ။ စားနပ်ရိက္ခာ မလုံလောက်သောကြောင့် အခြားနည်းလမ်းကို ရှာကြရသည့်အတွက် ဒေသခံအောက်ခြေကေဒါများမှာ ကြီးမာသော ထင်မြင်ချက်များရှိကြ၏။
ခရိုင် သို့မဟုတ် ပြင်ပသို့ လွှဲပြောင်းပေးသည့်ရိက္ခာသည် ကိုယ်တိုင်ပြုလုပ်၍ ကိုယ်တိုင်စားသုံးနိုင်သော ပြုပြင်ထားသည့် ဆန်မျိုးဖြစ်သည်။
ဟန်ချင်စုန့်က အခြားသူများနှင့် မတူ၊ သူမှာ ဆန်ကောင်းချည်း၄၄ကတ်တီရှိလေ၏။
ကောက်နှံကြမ်းတွေကို စားချင်ပါက အစားအစာတံဆိပ်ခေါင်းနှင့် လဲလှယ်လို့ ရပေသည် ။ဆန်ကောင်းတစ်ကတ်တီကို ကောက်နှံကြမ်းအမျိုးမျိုး သုံးကတ်တီကနေ ငါးကတ်တီအထိပေး၍ လဲလှယ်ရ၏။ကန်စွန်းဥများကို လဲလှယ်လိုလျှင်မူ ခုနစ်ကတ်တီရှစ် ကတ်တီလောက်ပင် ကုန်ပေလိမ့်မည်။
သို့ပေမဲ့ ဗိုက်မဝသည့်အခါ လူတော်တော်များများက ကောက်နှံကြမ်းတွေအတွက် အစားအသောက်လက်မှတ်ကောင်း တွေကို လဲလှယ်ကြသည်။ မည်သို့ပင်ဖြစ်စေ ကောက်နှံကြမ်းတွေက အများကြီးရသည့်အတွက် ဦးရေ အများအပြား ဗိုက်ပြည့်အောင်စားနိုင်၏။
သူက ပြောင်းဖူးမှုန့် ကတ်တီ ၅၀ အောက်အတွက် ကောက်နှံတံဆိပ်ခေါင်း၁၅ကတ်တီနှင့် လဲလှယ်ခဲ့ပြီး ဆီ ၃တေး(လ်)အတွက် ကောက်နှံတံဆိပ်ခေါင်း၁ခုကိုလည်း လဲလှယ်ခဲ့သည်။
(T/N–1tael=37.799gram)
ကောက်နှံစီမံခန့်ခွဲရေးရုံးမှ ဝန်ထမ်းက သူ့ကို ကောက်နှံစီမံခန့်ခွဲရေးရုံး၏ အကျိုးကျေးဇူးအားလုံးကို ထုတ်ဖော်ပြသရန် အစပျိုးလုပ်ဆောင်ခဲ့၏။သူက လက်မှတ်မပါဘဲ ရေနံဆီငါးကတ်တီ၊စည်သေးသေးတစ်စည်အထိ ဝယ်ယူနိုင်သည်။
ကောက်နှံစီမံခန့်ခွဲရေးရုံးကဲ့သို့ ကြီးမားသော ဌာနတစ်ခုအနေဖြင့် ရေနံဆီကို ပုံသေ သိုလှောင်ထားပြီး ခွဲတမ်းအရ သူတို့မှာ တစ်လလျှင် စည်ကြီးများစွာရလေသည်။
ယခင်အကျပ်အတည်းဆိုက်စဥ်က မလုံလောက်ခဲ့သော်လည်း ယခု စီးပွားရေးအခြေအနေက 1960 အစောပိုင်းတွေထက် ပိုကောင်းလာဖြစ်ကာ ကောက်နှံစီမံခန့်ခွဲရေးရုံးက အလွန်ချမ်းသာ၏။ဝန်ထမ်းတွေသာ အကျိုးကျေးဇူးရနိုင်ရုံတင်မက ညွှန်မှူးကလည်း များများပိုရောင်းနိုင်လေသည်။
ဤသည်က စည်းမျဥ်းချိုးဖောက်ခြင်းမဟုတ်ပေ၊ သူတို့၏လူမှုဖူလုံရေးကောင်းကျိုးသာဖြစ်၏။
မှန်ပေသည်၊ မည်သူမှ ထိုဟာကို မဝယ်နိုင်ရုံတင်မဘဲ အခြေခံအားဖြင့်တော့ ဝယ်ရန်အတွက် အဆင့်အတန်းတစ်ခု သို့မဟုတ် ဆက်ဆံရေးတစ်ခု ရှိရပေမည်။
ကျေးလက်ဒေသခံများက တပ်မဟာမှ တစ်လလျှင် ကတ် တီဝက်ကနေ သုံးကတ်တီအထိ နှင့် သူတို့ခက်ခဲနေချိန်၌ တစ်နှစ်လျှင် ငါးကတ်တီ အထိကုန်ကျသည့် ရေနံဆီ လက်မှတ်များရရှိကြသဖြင့် လွန်စွာ စိတ်ပူကြသည်။
မြို့မှာ တစ်လလျှင် တစ်ကတ်တီခွဲရပြီး ကေဒါတွေက ပိုများပေမဲ့ တချို့ အစိုးရပိုင်ဌာတွေက ပေးသည့်အကျိုးအမြတ်များသည် ကွန်မြူနတီက အဖွဲ့ဝင်တွေထက် အများကြီး ပိုကောင်း၏။
ဤသည်က မြို့ပြနှင့်ကျေးလက်ဒေသတွေအပြင် ကွန်မြူနတီ အဖွဲ့ဝင်တွေနှင့်အစိုးရပိုင် ဌာနတွေကြားက ကွာခြားချက်ဖြစ်သဖြင့် သာမန်ပြည်သူများက အများပိုင်စားနပ်ရိက္ခာများကို စားသောက်နေသူတွေကို မနာလိုဖြစ်ကြပြီး မြို့ကိုသွားလိုကြသည်။
ဟန်ချင်စုန့်က ခြံဝင်းထဲသို့ လဲလှယ်ထားသော ရေနံဆီနှင့်အတူပြန်လာပြီး နေ့လည်စာကို စတင်စားသောက်၏။
ကန်တင်းက ရိုးရှင်းပြီး ပေါင်းအိုးကြီးတစ်ခုထဲတွင် မုန့်ပေါင်း ၊ ခေါက်ဆွဲ၊ ပန်ကိတ်နှင့် ဟင်းလျာများရှိပြီး အများစုမှာ ဒေသထွက် ရာသီစာ ဟင်းသီးဟင်းရွက်များ ပါ၀င်သည်။ ပုံမှန်အားဖြင့် အဖွဲ့ဝင်များသည် ကွန်မြူနတီ အဖွဲ့ဝင်များထက် ဆီပိုစားကြပြီး ၎င်းတွင် အသားဖတ်များပင် ရှိနေသည်။
ဆိုင်ကအစားအစာမှာ အစားအသောက်တံဆိပ်ခေါင်းများအပြင် ငွေပါ လိုအပ်ပြီး ဟင်းလျာများအတွက်သာ ပေးချေရန် လိုအပ်၏။
(T/N–တံဆိပ်ခေါင်းနဲ့လက်မှတ်က အတူတူပါပဲ)
ကန်တင်းက တခါတရံ အသားဟင်းများကို အသားလက်မှတ်မပါဘဲ ချက်ပြုတ်ရောင်း သော်လည်း အသားလက်မှတ်နှင့်ဝယ်ခြင်းထက် အနည်းဆုံး ထက်ဝက် ပိုစျေးကြီးလေသည်။
ထို့အပြင် ကိုယ့်ကိုကိုယ် ရှောင်ချောင်ဟုလည်းခေါ်နိုင်ပြီး ယင်းကမူ ပိုစျေးကြီးမည်ပင်။
(T/N– ချောင်က လွန်ကဲ/သာလွန်ဆိုတဲ့အဓိပ္ပါယ်ပါ)
ဟန်ချင်စုန့်က အစားအသောက်ကိုမှာယူ၍ ကိုယ်တိုင်မစားဘဲ ယူသွားခဲ့ပြီး အသားများကို အိတ်ထဲထည့်ကာ ရေနံဆီစည်နှင့်အတူ အိမ်ပြန်သွားခဲ့သည်။
မွန်းတည့်ချိန်ကြီး ဟန်ချင်စုန့် ပြန်ရောက်သောအခါ လင်းလန် အတော်လေး အံ့ဩသွား၏။
"စားပြီးပြီလား"
ဟန်ချင်စုန့်က နေ့လည်စာဘူးနှင့်အိတ်ကို ပေးလိုက်ပြီး
"မစားရသေးဘူး"
လင်းလန် အိတ်ထဲမှာ အသားပါနေသည်ကို တွေ့လိုက်ရသောအခါ မျက်လုံးတွေ ချက်ချင်း တောက်ပလာသည်။
ကောင်းလိုက်တာ....
အသားမစားရတာ ဘယ်နှစ်ရက်ရှိပြီလဲ...
xxxxxxx
Welcome To MM Storyteller
LOGIN
Welcome To MM Storyteller
REGISTER