Welcome To MM Storyteller
LOGIN
Part 187
ဝမ်ဟွေ့ကျွမ်းက သူမကို လက်ညိုးဖြင့်ထိုးလိုက်ပြီး "နင်မရှက်ဘူးလား...ငါတော့ နင်ရှက်နေတယ်လို့ မထင်ဘူး...ဥက္ကဌကြီး သွားပြောလိုက်မှာနော်... နင် အစည်းအဝေးထိုင်ပြီး ဝေဖန်ခံရလိမ့်မယ်"
ချူးတုန်မေက သူမကို အလျင်စလို ဆွဲထားလိုက်ပြီး "အစ်မဟွေ့ကျွမ်း...အဓိပ္ပါယ်မရှိတာတွေ လျှောက်မပြောနဲ့... ကျွန်မမှာအဲ့လိုစိတ်မရှိဘူး"
တကယ်တမ်းတွင် သူမ ဆင်ခြေဆင်လက်ရှာပြီး ဟန်ချင်စုန့် အပြင် ဘက်တွင် ရှိနေမလားဟုသွားမကြည့်ဘဲမနေနိုင်ပေ။ သူ သူမကိုစောင့်နေလောက်မလား...
သူမ အပြင်ထွက်ကြည့်သည့်အခါ မည်သူကိုမျှ မတွေ့ရသဖြင့် အလွန်စိတ်ပျက်သွားမိသည်။
ဟန်ချင်စုန့်က သားသတ်အဖွဲ့သို့သွားခဲ့ပြီး ယခုတစ်ကြိမ်တွင် သူ ဝက်ခြေထောက်တစ်စုံနှင့် ဝက်အမြီးကို သီးသန့်ဖယ်ထားကာ သူ၏သြဂုတ်လစာ အသားကစ်တီဝက်ကိုလည်း ဖြတ်တောက်ကာ အရိုးအချို့ကို ဝယ်ယူခဲ့သည်။
ဝန်ကြီးကျောက်ကလည်း သူ့ကို ပြီးခဲ့သည့်အခေါက်က အသားလက်မှတ်အတွက် ပြင်ဆင်ဖို့ ဇူလိုင်လစာကို ပို့လိုက်၏။
လင်းလန်က ယနေ့ ဆောင်းဦးပေါက် ပွဲတော်ဖြစ်၍ အိမ်အသစ်ကို တရားဝင်ပြောင်းရွေ့ကာ ဆင်နွှဲချင်သည့်အတွက် အသားပိုဝယ်ရန် လိုအပ်ပြ အသားမရှိလျှင်ပင် အရိုးတွေဆိုလည်း အဆင်ပြေသည် ဟုဆိုသည်။
ဤတစ်ခေါက်တွင် သူ မှာထားသည့်အရာတွေအပြင် ဝက်အသည်းတစ်ပိုင်း နှင့် ဝက်သွေး အပိုင်း ကြီးတစ်ပိုင်းကို လည်း ဝယ်ခဲ့၏။
အမှန်တွင် သားသတ်အဖွဲ့ခေါင်းဆောင်က သူ့အတွက် အထူးသီးသန့် ဖယ်ထားခြင်းဖြစ်သည်။ မည်သို့ပင်ဖြစ်စေ သူက မည်သူ့ကိုမဆို ရောင်းနိုင်ပြီး ဟန်ချင်စုန့်၏စျေးနှုန်းလည်း အတူတူဖြစ်သော်လည်း ဆက်ဆံရေးကောင်းအောင် လုပ်နိုင်၏။
ဝယ်ပြီးနောက် ဟန်ချင်စုန့် ကောက်နှံစီမံခန့်ခွဲရေး ရုံးသို့ ထပ်မံသွားခဲ့သည်။ သူက ဝိုင်အလွတ်နှင့် ပဲငံပြာရည် နှစ်ကတ်တီကို ဝယ်သွားခဲ့၏။
ဝိုင်နှင့် ပဲငံပြာရည်တို့ကို အရန်အစားအစာအဖြစ် ထည့်တွက်သင့်ပြီး ၎င်းတို့ကို ထောက်ပံ့ရေးနှင့်ရောင်းဝယ်ရေး သမဝါယမများတွင် ရောင်းချလေ့ရှိသည်။၎င်းတို့ကွန်မြူနတီက ယခုနှစ် ဒုတိယနှစ်ဝက်မှစတင်၍ ကောက်နှံ စီမံခန့်ခွဲရေးရုံးများအဖြစ် ပြောင်းလဲခဲ့၏။ မည်သူရောင်းသည်ဖြစ်စေ စျေးနှုန်းမတက်သရွေ့ အဖွဲ့ဝင်တွေမှာ ကန့်ကွက်စရာမရှိပေ။
စျေးဝယ်ပြီးနောက် သူ ပစ္စည်းများကို ခြင်းတောင်းထဲတွင် ထည့်ကာ စက်ဘီးအနောက်ဘက်တွင် ချည်၍ အိမ်ပြန်ခဲ့သည်။
လင်းလန်က စန်းဝမ်နှင့်ရှောင်ဝမ်တို့ကို ထုပ်ပိုးပြီး အိမ်ပြောင်းခိုင်း၏။ တဝမ်က ပြောင်းရိုးသွားချိုးပြီး အားဝမ်နှင့်မိုင်စွေ့တို့က ဝါကောက်သွားကြသည်။
"အသားရှိတယ်...ဒီညတော့ အစားအသောက်ကောင်းစားရပြီပဲ"
ဟန်ချင်စုန့် ပြန်လာသည်ကို မြင်သောအခါ လင်းလန် အလွန် ပျော်သွားပြီး သူတို့ကို အမြန်ပြေးကူချပေးလိုက်၏။
ရှောင်ဝမ်က ဝမ်ဝမ်ကို ခေါ်လာပြီး စက်ဘီးကို မော့ကြည့်ကာ "အသားမွစား" ဟုဆိုလေသည်။
ယခင်က အသားကတ်တီဝက်က အလဟသ မဖြစ်ခဲ့ဘဲ အခြောက်လှန်းကြော်ထားတဲ့ ပန်းကန်တစ်ဝက်စာ အသားမွကို လင်လန်က သူတို့စားဖို့ ပေးခဲ့၏။ အရသာရှိလွန်း၍ သတိရနေဆဲပင်။
"ညကျရင် သားအတွက် မားမားလုပ်ပေးမယ်။" လင်းလန်က နှာသီးဖျားလေးကို တို့ကာ
"မားမားကလေးတွေအတွက် အများကြီး လုပ်ပေးမယ်"
ဝမ်ဝမ် : "ဝု ဝု ဝု~~"
" ဝမ်ဝမ်ကိုကျ ဟင်းရည်တစ်ငုံစာပေးမယ်ကွာ " လင်းလန်က ဝမ်ဝမ်ကို သူမ၏ခြေဖျားဖြင့် အသာအယာထိလိုက်သည်။
ဝမ်ဝမ်သည် လှပသော အရောင်ဖြင့် တရုတ်သင်းအုပ်ခွေးလေးအဖြစ် ကြီးပြင်းလာလေသည်။ ၎င်း၏အသွင်အပြင်မှာ ရှောင်ဝမ်ကဲ့သို့ နူးညံ့ပြီး ချစ်စရာကောင်းသည့် ခံစားချက်ဖြင့်ပင် ရိုးရှင်းပြီး ရိုးသားပုံပေါ်၏။
ဟန်ချင်စုန့် : "မီးဖိုးချောင်ပစ္စည်းတွေနဲ့ အိပ်ခန်းသုံး ပစ္စည်းတွေ အရင်ရွှေ့... ကျန်တာကို နောက်မှ ကိုယ်ရွှေ့လိုက်မယ်"
လင်းလန်က နေ့လည်စာ စားပြီးလျှင် အိုးကို ရွှေ့ပြီး ည အိမ်အသစ်မှာ ချက်ပြုတ်မည်ဟုဆိုကာ သဘောတူလိုက်သည်။
ဟန်ချင်စုန့်က သူမကို ကူရွေ့ပေးချင်ပေမဲ့ လင်းလန်က "ရှင်က အလုပ်အရင်သွားလိုက်...ကျွန်မဘာကျွန်မ လုပ်မယ်" ဟု ကမန်းကတန်းပြောလိုက်၏။
သူက အလွန် သန်မာသည်၊ တခြားသူတွေနှင့် အလုပ်လုပ်ပါက အခုမှသွားလျှင်ပင် အလုပ်မှတ်ဆယ်မှတ်ထက် ပိုရနိုင်၏။ ယေဘုယျအားဖြင့် နွေရာသီ၌ အလုပ်များပြီး ဆောင်းဦးရာသီက အလုပ်ကြပ်လေရာ အဖွဲ့ဝင်များ ပိုမိုမြန်ဆန်စွာ လုပ်ဆောင်နိုင်စေရန်အတွက် အဖွဲ့မှလည်း အလုပ်ခွဲဝေပေးမည်ဖြစ်ပြီး အဖွဲ့ဝင်များထိုက်သင့်ရန်အတွက် အချို့သောအလုပ်မှတ်များကို သတ်မှတ်ပေးကာ အလုပ်ပြီးသည့်နောက် ရရှိမည်ဖြစ်ပေသည်။
သင့်တွင် ခွန်အားရှိပြီး အဖွဲ့ထဲမှာ အချိန်ကန့်သတ်ချက်အတွင်း အလုပ် ပြီးမြောက်ရန် သေချာနေသမျှ ကာလပတ်လုံး အခြေခံအားဖြင့် သတ်မှတ်ထားသော အလုပ်မှတ်များထက် ပိုမိုရရှိမည်မှာ သဘာဝပင်။
ဟန်ချင်စုန့်က ပစ္စည်းတွေကို ချလိုက်ပြီး သူမကို သူမဘာသာသူမ ရှင်းခွင့်ပြုလိုက်၏။
လင်းလန် ဂျူဂျူဘယ်များ ရှိနေသည်ကို မြင်လိုက်သောကြောင့် စန်းဝမ်နှင့် သူ့ညီလေး စားရန် လက်တဆုပ်စာ ကုတ်ယူပေး လိုက်ပြီး အိမ်ကို သပ်ရပ်စွာ သန့်ရှင်းရေးလုပ်လိုက်သည်။
ဟန်ချင်စုန့်ကလည်း လိုက်လာပြီး သူမကိုသူဝယ်ခဲ့သည့် စွပ်ကျယ်ပေးလိုက်၏။
လင်းလန် :...သူက သူမအတွင်းခံကို တကယ်ကြီး ဝယ်ခဲ့တယ်တော်...
သူမလက်လှမ်းယူလိုက်သော်လည်း သူက လွှတ်မပေးပေ။ သူမမော့ကြည့်လိုက်ရာ ပူလောင်ပြင်းပြနေသော မျက်လုံးများကို တွေ့လိုက်ရသည်။
လင်းလန် : "နှစ်ချို့အကြင်လင်မယား "တွေလေ ...လူငယ်လေးနဲ့မိန်းမပျိုလေး ချစ်မိသွားသလိုမျိုး ရှင်က ဘာလို့ ပြုမူနေရတာလဲ ...အဲ့ဒါက အရမ်း...ဟိုက်လွန်းသွားပြီ...
ဟန်ချင်စုန့်၏ မျက်လုံးများက နက်မှောင်နေပြီး အသက်ရှူသံတွေပြင်းလာကာ စည်အစွန်းပေါ်၌ လက်တင်ကာ သူမကိုဖက်လိုက်၏။
"ည..."
သူက အသံတိုးတိုးဖြင့်
"အနောက်ခန်းမှာ အိပ်မယ်"
လင်းလန်က သူ့ကို ခြင်တစ်ကောင်လို ဆက်ဆံနေသည်။ ဘာလို့ ဒီအကြောင်းကို သူစဉ်းစားနေရဦးမှာလဲ...
ဟန်ချင်စုန့်က ခေါင်းငုံ့ကာ သူမနှုတ်ခမ်းကို နမ်းလိုက်ပြီး "ကိုယ်အလုပ်သွားတော့မယ်"
"ဘာတွေ ခိုးစားနေတာလဲ"
စန်းဝမ်က အပြင်ကနေ ဝင်လာပြီး အော်လိုက်၏။
လင်းလန်က ဂျူဂျူဘယ်ကို အမြန်ဆွဲယူ၍ ဟန်ချင်စုန့် ၏ပါးစပ်ထဲသို့ ထိုးထည့်လိုက်ပြီး "မင်းအဖေက ဂျူဂျူဘယ်စားချင်နေတာ ဟားဟား... ဂျူဂျူဘယ် စားပြီး အလုပ်သွားတော့"
သူမက ဟန်ချင်စုန့်ကို တွန်းလိုက်ပြီး အလုပ်မြန်မြန်သွားဖို့ အချက်ပြလိုက်သည်။
ဟန်ချင်စုန့်က သူမနောက်ကျောပေါ်က သူ့လက်ကြီးကို ခဏရပ်လိုက်ပြီး စန်းဝမ်ကို ပုံမှန်လေသံဖြင့် "မင်းအမေပြောစကားကို နားထောင်" ဟုဆိုကာ ထွက်သွား၏။
စန်းဝမ်က အိမ်ထဲကို ပြေးဝင်လာပြီး "မားမား... အဖေ တစ်ခုခု ခိုးစားသွားတာလား"
လင်းလန်က အေးဆေးတည်ငြိမ်သော အမူအရာဖြင့် "မဟုတ်ဘူး...မားမား ဂျူဂျူဘယ် စားလိုက်တာ"
စန်းဝမ်... "ဒါဆို မားမားခိုးစားတာပေါ့"
လင်းလန် : "..."
အဆုံးကိုမရှိဘူး...
"ငါလည်းမစားဘူး"
"ဒါဆို မားမားဘာလို့အရမ်းနီရဲနေတာလဲ...အဖေရဲ့နားတွေတောင်နီနေတာ"
xxxxxx
Part 188
လင်းလန်က စဉ်းစားပြီးနောက် ယခုလိုမလုပ်တော့ဘူးဟု ဆုံးဖြတ်လိုက်သည်။ အနာဂတ်မှာ အထင်လွဲအမြင်လွဲမှုကိုရှောင်ကျဥ်ရန် နှင့် ကလေးတွေအပေါ်မလွှမ်းစေရန်အတွက် နေ့ခင်းဘက်တွင် သူမဟန်ချင်စုန့်နှင့် ပူးပူးကပ်ကပ်နေ၍လုံးဝမဖြစ်တော့ပေ။
စန်းဝမ်က ကိုယ်ရေးကိုယ်တာအကြောင်းတွေကို မပြောတော့သော်လည်း ကလေးတွေက သိလိုစိတ် အလွန်ရှိကြ၏။ တစ်ခါတလေ သိချင်သည့်အခါ တစ်ခုခုကို စိုက်ကြည့်ရသည်ကို သဘောကျသည့်အတွက် သူ့ကိုပေးမြင်၍မဖြစ်တော့ပေ။
သူမက သကြားရည်တစ်ပန်းကန်ကို အမြန်လုပ်ကာ စန်းဝမ် နှင့် ရှောင်ဝမ်တို့ကို လာသောက်ရန် ခေါ်လိုက်သည်။
စန်းဝမ်က တခစ်ခစ်ရယ်ရင်း "မားမားက ကျွန်တော့်ကို လာဘ်ထိုးနေတာပဲ... စိတ်မပူနဲ့...ကျွန်တော်တို့ သကြားလုံးတွေ ခိုးစားထားတာကို အစ်ကိုကြီး မပြောဘူးနော် "
လင်းလန်: နင် ငါ့ကို မျက်နှာပျက်အောင်လုပ်တော့မှာလား...
ကံကောင်းထောက်မစွာဖြင့် စန်းဝမ်အသေးလေးက အစားနှင့်ကစားမှလွဲ၍ ဘာကိုမှ နားမလည်သည့်အတွက် သကြားရည်ကြောင့် သူ့အာရုံက ချက်ခြင်း ဆွဲဆောင်ခြင်းခံလိုက်ရသည်။
နေ့လည်စာစားပြီးသောအခါ ဟန်ချင်စုန့်က အိုးကို လင်းလန်၏အိမ်အသစ်သို့ ရွှေ့လိုက်၏။အိမ်အသစ်သည် အခြေခံအားဖြင့် သန့်ရှင်းပြီး လူနေထိုင်ရန် အသင့်ဖြစ်နေပြီဖြစ်ကာ ကျန်သည်များကိုလည်း တဖြည်းဖြည်း မြှင့်တင်၍ရသည်။
လင်းလန်က စောင်များ၊ အဝတ်အထည်များနှင့် အိုးများကဲ့သို့သော ပေါ့ပါးသည့် အရာများကို ရွှေ့လိုက်ရာ အိမ်ဟောင်းတွင် ကရားကြီးများကဲ့သို့ ကြီးမားသောအရာများသာ ကျန်တော့သည်။
ခြံဝင်းထဲမှာ မတ်တပ်ရပ်ပြီး သူမအိမ်အသစ်ကို ကြည့်လိုက်သည့်အခါ လင်းလန် အင်မတန်သက်တောင့်သက်သာရှိသလို ခံစားလိုက်ရ၏။
အနီရောင် နံရံများကို အနက်ရောင်အုတ်ကြွပ် များဖြင့် ဖုံးအုပ်ထားပြီး ရေစိမ့်ဝင်မှုမှ ကာကွယ်ရန် အုတ်အဆက်များပေါ်တွင် ထုံးနှင့် ဘိလပ်မြေများ ကပ်ထားသည်။ အိမ်ခေါင်မိုးမှာ နွေးထွေးမှုကို ထိန်းသိမ်းနိုင်သော၊ ခိုင်ခံ့သော အုပ်ကြွပ်များဖြစ်ပြီး အနာဂတ်မှာ ယိုစိမ့်မှုရှိမှာမဟုတ်ပေ။ ဘေးကင်းလုံခြုံပြီး လှပ၏။ အမည်းရောင် မြေနံရံများမှာ သက်ကယ်အိမ်တွေ တပြုံကြီး ကြားမှာ ထိုးထွက်နေပြီး အထူးသဖြင့် ပေါ်လွင်ထင်ရှားနေသည်။
မိုးသည်းထန်စွာရွာသွန်းချိန်၌ ရေဝပ်ခြင်းမှ ကာကွယ်ရန် ပင်မ ခန်းသုံးခန်း၏ အုတ်မြစ်ကို မီတာဝက်ခန့် မြှင့်ထား၏။ အနောက်ခန်း၏ဘေးတွင် အခန်းတစ်ခန်းစာ နေရာတစ်ခုရှိသေးသည်ဖြစ်ရာ အနာဂတ်မှာ ဧည့်ခန်းအဖြစ်ထပ်ဖြည့်၍ရသည်။
ခြံဝန်းတံတိုင်း၊ တောင်အိမ်နှင့် အိမ်သာများကို အပြာရောင်အုတ်နှင့် ကျောက်များဖြင့် ပြုလုပ်ထားကာ သပ်ရပ်ပြီး အလွန်လှ၏။
ဝင်းတံခါးသည် အရှေ့တောင်ထောင့်တွင်ရှိပြီး အပြင်ဘက်မှ ချောင်းကြည့်ခြင်းကနေ ကာကွယ်ရန် နံရံတစ်ခုရှိပြီး ဝင်းတံခါးကနေသွယ်ထားသော ကျောက်လမ်းတစ်ခုလည်းရှိသည်။
တောင်ဘက်နံရံ၏ အရှေ့ဘက်တွင် မြက်များ၊ အိမ်အသုံးအဆောင်များနှင့် အခြားပစ္စည်းများ သိုလှောင်ရန် အသုံးပြုသည့် တောင်အိမ်ငယ်များ တန်းစီနေပြီး ယခုအခါ အိမ်သုံးပစ္စည်းများအတွက် ထင်းများဖြင့် စုပုံထားလျက်ရှိ၏။ အနောက်တောင်ထောင့်တွင် ယင်လုံအိမ်သာနှင့် ကျောက်လှောင်အိမ်တစ်ခု ရှိသည်။ ဝက်မမွေးဘဲ ကြက်နှင့် ဘဲများကို ယာယီမွေးမြူထား၏။
အရှေ့နှင့် အနောက်အကန့်များကို ကာမထားသောကြောင့် ခြံက ဟင်းလင်းပွင့်နေပြီး အပြင်ဘက်တွင် ဟင်းသီးဟင်းရွက်များနှင့် ပန်းများကို စိုက်ပျိုးနိုင်သည်။
အိမ်ရှေ့နှင့် နံရံခြေရင်းတို့တွင်လည်း သစ်ပင်များအတွက် နေရာဖယ် ထားသောကြောင့် သီးပင်စားပင်များနှင့် သစ်ပင်များကို လာမည့်နွေဦးရာသီတွင် စိုက်ပျိုးနိုင်မည်ဖြစ်၏။
ကျေးလက်တွင် လူများသည် သလဲသီး၊ တရုတ်ဆီးသီးပင်၊ ဂျူဂျူဘယ်ပင်များအပြင် အကေးရှားပင်၊ ဘုရားပင်နှင့် ဖီးနစ်ပင်ကဲ့သို့သော သစ်မျိုးပင်များကို စိုက်ကြသည်။ အထူးသဖြင့် ကလေးတစ်အုပ်များရှိလျှင် သစ်ပင်စိုက်ပြီး သားသမီးများ ကြီးပြင်းလာသောအခါ ပရိဘောဂလုပ်ရန် သစ်ပင်ကိုခုတ်လှဲပြီး ဇနီးဖြင့်လက်ထပ်ရာတွင် ခန်းဝင်ပစ္စည်းအဖြစ် သုံးကြလိမ့်မည်။
လက်ဖဝါးအရွယ် သေးငယ်သော ဝင်းအတွင်း၌ပင် အဖွဲ့ဝင်များသည် သူတို့၏ အားလပ်ချိန်များကို မဖြုန်းတီးဘဲ အခြေခံအားဖြင့် ၎င်းတို့၏ အမြင့်ဆုံးတန်ဖိုးကို အပြည့်အဝ သုံးစွဲကြသည်။
အိမ်ထဲကို ဝင်လိုက်သည်နှင့် အခန်းက မြင့်ပြီး ဟင်းလင်းဖြစ်နေကာ အလယ်မှာ တခြားတိုင်တွေ မပါသဖြင့် အဆုံးထိမြင်ရ၏။ အချို့အိမ်များနှင့်မတူဘဲ ပိုမိုကျယ်ပြီး ပိုကြီးစေရန်အတွက် မြောက်နှင့်တောင်အနွေးကုတင်များ နေရာချ နိုင်ကာ ၎င်းတို့ကို ထောက်ကန်ရန် အလယ်တွင် တိုင်များထည့်ရန် လိုအပ်သည်။
သို့သော် ပင်မအိမ်ပဲရှိသော ခြံဝင်းတစ်ခုသည် သူမအတွက် ယွမ် ၁၉၀၀ ကုန်ကျပြီး တကယ်ကို စျေးကြီး၏။
ယင်းက ဘယ်အချိန်ပဲဖြစ်ဖြစ် အိမ်ကောင်းကောင်းဆောက်လျှင် စျေးသက်သာမှာမဟုတ်ဘူးဆိုသည်ကို သိနိုင်လေသည်။
ချွေတာနိုင်သည့် တစ်ခုတည်းသော အရာမှာ အလုပ်သမားငယ်များ၏ လုပ်အားဖြစ်၏။ လုပ်အားခ ပေးဆောင်ရန် မလိုအပ်သလို အစားအသောက် ကျွေးမွေးရန်လည်းမလိုအပ်ဘဲ နောင်တွင် အကူအညီများ ပြန်ပေးရန် ကိုယ်ပိုင်လုပ်အားကို အသုံးပြုမည်ဖြစ်ပေသည်။
မှန်ပေ၏၊ သူမနှင့်ဟန်ချင်စုန့်တိုမှာ ပိုမိုမြင့်မားသော လိုအပ်ချက်တွေရှိထားကြသည်ပင်။ သူမတို့ဆောက်ထားသော အိမ်က မြင့်မားပြီး ကျယ်ဝန်းလေသည်။ ပိုသေးပါက အုတ်တွေ၊အုတ်ကြွပ်ပြားတွေနှင့် သစ်သားတွေ အများကြီး သက်သာနိုင်၏။ တကယ်တမ်းပြောရပါလျှင်သက်တမ်းဆယ်နှစ်၊ နှစ် နှစ်ဆယ်ရှိသည့်သစ်ပင်တွေက သက်တမ်း ဆယ်နှစ်အောက်သစ်ပင်တွေထက် သုံးဆကနေ ငါးဆလောက်ထိပင် ပိုဈေးကြီးလေသည်။
အိမ်သေးသေးလေးဆောက်ပါက ဤခြံဝန်းသည် ယွမ်တစ်ထောင်ပင် မလို၊ယွမ် ရှစ်ရာကိုးရာနှင့်လည်း လုံလောက်၏။
လင်းလန်၏ ငွေသုံးစွဲရေးခံယူချက်ဖြင့်ဆိုပါက အဘယ်မှာ ငွေစုရန် ဖြစ်နိုင်ပါမည်နည်း။
မူလက ဟန်ချင်စုန့်၏ဘတ်ဂျက်ငွေ 1,000 က လုံလောက်သော်လည်း လင်းလန်ကြောင့် ရှုပ်ထွေးသွားခဲ့သည်။
တိုတိုပြောရပါလျှင် ပိုက်ဆံအများကြီးကုန်ပေမဲ့ လင်းလန် ဤအိမ်လေးကို အလွန်ကျေနပ်၏။အမှန်တွင် ဒီခေတ်မှာ စီးပွားရေးနှင့်ပုဂ္ဂလိက လုပ်ငန်းတွေကို ခွင့်မပြုချေ။ ငွေရှာရသည့် ရည်ရွယ်ချက်က လူနေမှုပတ်ဝန်းကျင် တိုးတက်စေရန်အတွက်ပင်။
ဟန်ချင်စုန့်က သူမကို ဖြစ်မြောက်အောင် ကူညီပေးခဲ့သောကြောင့် အလွန်ကိုကျေးဇူးတင်မိသည်။
သူမ တနေ့ခင်းလုံး ရာသီဥတုက မည်းမှောင်နေသလား စောင့်ကြည့်ရင်း အထဲနှင့်အပြင်မှာ အလုပ်များနေပြီး ညစာကို အမြန်ပြင်ဆင်၏။
အမွေးနှုတ်ရန် ပျင်းပါက ဝက်သားခြေထောက်နှင့် ဝက်မြီးကို မီးပေါ်တင်၊ သွေးတွေကို ဖယ်ထုတ်ဖို့ ပြုတ်၊ ရေဆေးချပြီး ရေအေးအိုးထဲမှာ ထည့်ကာ စမုန်စပါးစေ့တွေကို ဆက်လက် ချက်ပြုတ်ရန် ပစ်ထည့်လိုက်ရုံပင်။
အိုးကို ပွက်ပွက်ဆူအောင်တည်ပြီးနောက် မီးမျှင်းမျှင့်ဖြင့် ဆူရုံတည်ရမည်။ အချိန်နီးလာလျှင် အသားနှင့်ဟင်းချို တချို့တစ်ဝက်ကိုထုတ်ကာ ဖြည်းညှင်းစွာစားရသည်။ အကျန်ထဲသို့ အာလူးနှင့်ရွှေဖရုံသီးများကိုထည့်ကာ ဆက်လက်မီးအေးအေးဖြင့်တည်ရန်အတွက် အိုးဘေးတွင် ပန်ကိတ်များကို ကပ်ပေးရမည်။
အနံ့က ငါးမိုင်လောက်အထိ သင်းပျံ့လုနီးပါးပင်။
xxxxxxx
Welcome To MM Storyteller
LOGIN
Welcome To MM Storyteller
REGISTER