အခန်း (၆၁) ဝန်ထုပ်ဝန်ပိုး၏ နိဒါန်း

ခေတ္တပြင်ဆင်ထားသော စင်မြင့်ထက်တွင် ရပ်နေကြသည့် ခေါင်းဆောင်အချို့သည် အချင်းချင်း တိုးတိုးတိတ်တိတ် စကားဆိုနေကြသည်။ 

စစ်ဝတ်စုံဝတ်ထားသော လူလတ်ပိုင်းအရွယ် အမျိုးသားတစ်ဦးက ကျောင်းအုပ်ကြီးအား ကြည့်ကာ ရင်းနှီးဖော်ရွေသော လေသံဖြင့်...

"ကျောင်းအုပ်ကြီးယန်၊ ဒီကလေးက တစ်ဦးတည်းသော ဆေးကုသရေးနိုးထသူလား" ဟု မေးလိုက်သည်။

"ဟုတ်ပါတယ်၊ ကျွန်တော်တို့ သင့်တော်တဲ့ ကြယ်တာရာ မြေပုံရှိတဲ့ ကလေးအချို့ကို သေချာရွေးချယ်ပြီး အရင်းအမြစ်အချို့ ပံ့ပိုးပေးခဲ့ပေမဲ့ ကံမကောင်းစွာနဲ့ သူတို့တွေ ဆေးကုသရေးနိုးထသူတွေ ဖြစ်မလာခဲ့ကြဘူး" ဟု ကျောင်းအုပ်ကြီးယန်ဟု ခေါ်ဝေါ်ခံရသော လူလတ်ပိုင်းအမျိုးသားက ပြန်ပြောသည်။ 

သူသည် ကြည့်ရသည်မှာ သဘောကောင်းကာ တည်ငြိမ်အေးဆေးသည့် ပုံစံရှိပြီး နက်မှောင်သော ဆံပင်များကြားတွင် ဆံပင်ဖြူအချို့ ရောနှောနေ၏။

"ဒီကလေးရဲ့ ကြယ်တာရာမြေပုံက ဘာလဲ" ဟု စစ်ဝတ်စုံဖြင့် အမျိုးသားက မေးသည်။

"ကြားတာတော့ ဇွန်းပုံစံ ကြယ်တာရာမြေပုံတဲ့"

"မှော်တောင်ဝှေးလို့လည်း ယူဆလို့ရတယ်၊ သူ့ရဲ့ ကြယ်တာရာမြေပုံက ကျွန်တော်တို့ပေးတဲ့ ကြယ်တာရာပုတီးစေ့တွေကြောင့် ဖြစ်လာတာ မဟုတ်ဘူး"

"သူက ကျောင်းကို ရောက်လာတာ သုံးရက်ပဲ ရှိသေးတာ၊ ကိုယ်ပိုင် ဆေးကုသရေး ကြယ်တာရာ အတတ်ပညာတွေနဲ့ ရောက်လာတာပါ"

"ခင်ဗျားလိုပဲ ကျွန်တော်လည်း သူ့ကို မြင်ဖူးတာ ဒါပထမဆုံးပဲ"

"သူ့မျိုးရိုးက ဘာလဲ" ဟု စစ်ဝတ်စုံဖြင့် အမျိုးသားက ချက်ချင်းမေးလိုက်သည်။

"ရှောင်ဖီ၊ ကျန်းရှောင်ဖီပါ"

"သူက မိခင်ရဲ့ မျိုးရိုးနာမည်ကို ယူထားတာ"

"ဖခင်နာမည်က ဟန်ချန်း၊ မိခင်က ကျန်းဟုန်ယဲ့ ပါ" ဟု ကျောင်းအုပ်ကြီးယန်က ဖြေသည်။

"ဟန်ချန်းနဲ့ ကျန်းဟုန်ယဲ့"

"သူတို့က ဟန်ကျန်းရွှယ်ရဲ့ မိဘတွေ မဟုတ်

လား" 

စစ်ဝတ်စုံဖြင့် အမျိုးသားမှာ အံ့အားသင့်သွား၏။

ကျောင်းအုပ်ကြီးယန်က "ဟုတ်ပါတယ်၊ ကျန်းရှောင်ဖီက ဟန်ကျန်းရွှယ်ရဲ့ မောင်လေးပါ" ဟု ပြန်ဖြေသည်။

"မြေရိုင်း ပြန်လည်သိမ်းယူသူများ ဖြစ်တဲ့ ဟန်မိသားစုပေါ့" ဟု ဆိုကာ စစ်ဝတ်စုံဖြင့် အမျိုးသား၏ မျက်လုံးများ တောက်ပသွားသည်။ 

သူသည် ကျန်းရှောင်ဖီ၏ မိသားစုနောက်ခံကို သဘောကျသွားကာ ပြင်းထန်သော အကြည့်ဖြင့် ကြည့်လိုက်သည်။ 

သူသည် ဟန်ကျန်းရွှယ်ကို လိုချင်တပ်မက်

နေသည်မှာ ကြာပြီဖြစ်၏။

အတိအကျပြောရလျှင် ဟန်မိသားစု၊ ဟန်ကျန်းရွှယ်၊ ရှယန် နှင့် ရှမိသားစုတို့ကို သူ လိုချင်နေခြင်း။

သူတို့အား တက္ကသိုလ်မတက်ဘဲ အထက်တန်းကျောင်းပြီးသည်နှင့် စစ်တပ်ထဲသို့ တိုက်ရိုက်ဝင်စေချင်သော်လည်း ရှယန်၏ မိဘများမှာ ရှိနေဆဲဖြစ်ပြီး ၎င်းတို့၏ လူမှုဆက်ဆံရေးနှင့် အဆင့်အတန်းကြောင့် ထိုသို့တောင်းဆိုရန်မှာ လက်တွေ့မကျပေ။ 

သို့သော်လည်း သူရဲကောင်းတို့၏ သမီးပျိုများကို သိမ်းပိုက်လိုသည့် စိတ်မှာ ပျောက်ကွယ်မသွားပေ။

"တကယ်ပဲ ဖခင်တူ သားပါပဲ၊ ဟန်မိသားစုက နောက်ထပ် အထင်ကြီးစရာ သားတစ်ယောက် ထပ်ထွက်လာတာပဲ"

"သူက လူတစ်ရာမှာ တစ်ယောက်ပဲရှိတဲ့ ဆေးကုသရေးနိုးထသူ ဖြစ်ရုံတင်မကဘူး ကောင်းချီးပေးခြင်း အတတ်ပညာကိုတောင် ရထားတာ"

"သူ့ရဲ့ အလားအလာက ဘယ်လောက်တောင် ကောင်းလိုက်မလဲ"

သို့သော် ကျောင်းအုပ်ကြီးယန်၏ နောက်ဆက်တွဲ စကားကြောင့် စစ်ဝတ်စုံဖြင့် အမျိုးသားမှာ အသက်ရှူမှားလုနီးပါး ဖြစ်သွားရ၏။

ကျောင်းအုပ်ကြီးယန်က ရယ်မောလျက် "ဒီကလေးရဲ့ အရည်အချင်းက ဟန်ကျန်းရွှယ်နဲ့ လုံးဝဆန့်ကျင်ဘက်ပဲ"

"ဟန်ကျန်းရွှယ်က ပါရမီထူးပြီး ကြယ်တာရာ နေရာ အခု ၃၀ ရှိပေမဲ့၊ ကျန်းရှောင်ဖီမှာက ၉ ခုပဲ ရှိတယ်၊ ဒါက တကယ့်ကို ရှားပါးတဲ့ ကိစ္စပဲ"

စစ်ဝတ်စုံဖြင့် အမျိုးသားမှာ ဆွံ့အသွားသည်။

"ဘာပြောလိုက်တယ်"

"ကြယ်တာရာ နေရာ ၉ ခုတည်းလား"

"အရည်အချင်း အနိမ့်ဆုံး ကလေးတစ်

ယောက်လား"

"တောက်... မင်းမှာ ကြယ်တာရာ နေရာ ၉ ခုတည်း ရှိတာကို ဘာလို့ ဆေးကုသရေးနိုးထသူ ဖြစ်နေရတာလဲ"

"မင်းရဲ့ ဆေးကုသရေး ပါရမီကို ကြယ်တာရာ နေရာ ၂၀ ရှိတဲ့ နိုးထသူတွေကို ပေးလိုက်ပါတော့လား"

"မဟုတ်ဘူး၊ တစ်ခုခုတော့ မှားနေပြီ"

စစ်ဝတ်စုံဖြင့် အမျိုးသားသည် သူ၏ မျက်နှာအမူအရာကို ထိန်းချုပ်လိုက်ပြီး...

"ကျောင်းအုပ်ကြီးယန်၊ ခင်ဗျား နောက်နေတာ ဖြစ်ရမယ်"

"ကြယ်တာရာ နေရာ ၉ ခုတည်းရှိတဲ့ နိုးထသူမျိုး ကျွန်တော် တစ်ခါမှ မမြင်ဖူးဘူး"

"ဒါ့အပြင် ဒီကလေးက ကောင်းချီးပေးခြင်း အတတ်ပညာကိုတောင် ရထားတာဆိုတော့ အရည်အချင်းက မညံ့နိုင်ပါဘူး"

"ကျွန်တော်လည်း နောက်နေတာပဲ ဖြစ်စေချင်ပါတယ်" ဟု ကျောင်းအုပ်ကြီးယန်က သက်ပြင်းချကာ ကျန်းရှောင်ကို သနားကရုဏာဖြင့် ကြည့်လိုက်သည်။

ထိုအချိန်တွင် ကျောင်းသားများသည် ကျန်းရှောင် တစ်တန်း (၂) ၏ အဖွဲ့ထဲသို့ လျှောက်လှမ်းသွားသည်ကို ကြည့်ကာ အားပေးနေကြသည်။

သူသည် အရည်အသွေးပွိုင့် တစ်မှတ် ထပ်ရရှိခဲ့ပြီး ယခုအခါ သူ၏ ကြယ်တာရာမြေပုံတွင် အမှတ် ၃ မှတ် ရှိနေပြီ။

ခုနက တိုက်ပွဲတွင် ကျူညီအစ်ကိုက ရန်သူကို အနိုင်တိုက်ခဲ့ခြင်း ဖြစ်သော်လည်း လူအများ၏ အာရုံစိုက်မှုကို ရရှိသူမှာ ကျန်းရှောင် ဖြစ်

နေသည်။ 

ဆေးကုသရေးနိုးထသူ တစ်ဦးသည် အမြဲတမ်း အချက်အခြာ ဖြစ်နေတတ်ခြင်း။

အနည်းဆုံးတော့ အထက်တန်းကျောင်း အဆင့်တွင် ထိုသို့ပင် ဖြစ်သည်။

ဥပမာအားဖြင့်၊ Grade 1 မှ Grade 3 အထိ ကျောင်းသားအားလုံးတွင် ကျန်းရှောင် အပါအဝင် ဆေးကုသရေးနိုးထသူ လေးဦးသာ ရှိသည်။ 

နှုန်းထားမှာ တကယ့်ကို နည်းပါးလှ၏။

အတန်း (၂) သို့ နောက်ကျမှ ဝင်လာသော ကျောင်းသားသည် ဆေးကုသရေးနိုးထသူ ဖြစ်နိုင်ကြောင်း အတွင်းသတင်းများအရ အားလုံးက သိထားကြသော်လည်း အမှန်တကယ် မြင်တွေ့လိုက်ရသောအခါတွင်မူ သူတို့၏ မျက်လုံးများမှာ မနာလိုမှုနှင့် အားကျမှုများဖြင့် ပြည့်နှက်နေသည်။

ပြင်းထန်သော တိုက်ခိုက်ရေးနိုးထသူ အများအပြားမှာ ပြိုင်ဘက်များကြားမှ ပေါ်လွင်လာရန် အလွန်အမင်း ကြိုးစားကြရသော်လည်း ဆေးကုသရေးနိုးထသူများမှာမူ ရှားပါးလွန်းသဖြင့် အားစိုက်ထုတ်စရာမလိုဘဲ အရင်းအမြစ်များ ပိုမိုရရှိကာ စောင့်ရှောက်ခြင်း ခံရသည်။

"ငါတို့အားလုံးက လူသားတွေပဲ၊ နိုင်ငံတူ လူမျိုးတူပဲ"

"ဒါပေမဲ့ မင်းက ဘာလို့ တက္ကသိုလ်ဝင်ခွင့်

စာမေးပွဲမှာ အမှတ် ၅၀ အပိုရနေရတာလဲ"

"မင်းမှာ ထူးခြားတဲ့ ပါရမီရှိလို့လား၊ မင်း သီချင်းဆိုတတ်လို့လား၊ စစ်တုရင်ကစားတတ်လို့လား၊ စာရေးကောင်းလို့လား"

"ငါလည်း အဲဒီလို ပါရမီမျိုး လိုချင်တာပေါ့"

"ဒါပေမဲ့ ငါ့မှာ အဲဒီလို အရည်အချင်းမရှိဘူး"

"အေးလေ... စိတ်တိုစရာပဲ"

Grade 3 ကျောင်းသားများ၏ အခြေစိုက်ရာတွင် စုရို့က သက်ပြင်းချလိုက်ပြီး "မလွယ်ဘူးနော်၊ အခု နောက်ထပ် ဆေးကုသရေးနိုးထသူ တစ်ယောက် ထပ်တိုးလာပြီ"

"စိတ်မပူကြနဲ့၊ အရင်ဆုံး တတိယနဲ့ စတုတ္ထနေရာ တိုက်ပွဲကို အရင်ကြည့်ရအောင်"

"ဗိုလ်လုပွဲက မကြာခင် စတော့မှာ၊ အဲဒီ ဆံပင်တိုတိုနဲ့ ကောင်လေးကို ထပ်မြင်ရဦးမှာပဲ" ဟု ပြောလိုက်သည်။

ဖန်သားပြင်ပေါ်တွင် မှတ်ချက်များ တရစပ် တက်လာနေသည်။

"အဲဒီ လက်ဝှေ့သမားက အဖွဲ့ထဲမှာ နောက်ဆုံးအဆင့်လား"

"ဟားဟား၊ ရယ်ရတယ်၊ ဒါက ရှက်စရာကြီး မဟုတ်လား"

"အရမ်းကြီး မရက်စက်ပါနဲ့၊ ဒါက ဘာရှက်စရာရှိလို့လဲ"

"သူ လာနေပြီ"

"ငါလည်း အမြဲတမ်း အဖွဲ့ရဲ့ နောက်ဆုံးမှာပဲ ရပ်တာ၊ ကြည့်ရတာ ငါလည်း ဆေးကုသရေးနိုးထသူ ထင်တယ်"

"ဖယ်ကြစမ်း၊ ငါ့ဆီးက အဝါရောင်ပဲ၊ ငါ သူ့ကို ဆီးနဲ့ပက်ပြီး နှိုးလိုက်မယ်" (မြန်မာအသုံးအနှုန်းအရ ရူးချင်ယောင်ဆောင်နေတာကို နှိုးမယ်ဆိုသည့် အဓိပ္ပာယ်)

"အာ... ဆေးကုသရေးနိုးထသူ ကောင်လေးတစ်ယောက်ကို အိမ်ခေါ်သွားချင်လိုက်တာ"

"ငါ ဖျားမှာ နာမှာကို အမေ စိတ်ပူစရာ မလိုတော့ဘူးပေါ့"

"ဟုတ်တယ်၊ ဆေးသောက်ရတဲ့ ဒုက္ခ၊ ဆေးသွင်းရတဲ့ ဒုက္ခတွေ မခံစားရတော့ဘူး"

"ဟုတ်တယ်၊ အဲဒီ ကောင်းချီးပေးခြင်း အတတ်ပညာက ရာသီလာလို့ ဗိုက်အောင့်တာကို ကုရာမှာ တကယ် ထိရောက်တယ်"

"ဘယ်သူမှ ငြင်းလို့မရဘူး"

"..."

စုရို့သည် ဖန်သားပြင်ပေါ်မှ မှတ်ချက်များကို ကြည့်ကာ ကမ္ဘာသစ်တစ်ခုကို မြင်လိုက်ရသကဲ့သို့ စိတ်လှုပ်ရှားနေသည်။ 

မှတ်ချက်များ ပိုမိုများပြားလာပြီး အကြောင်းအရာမှာ ကျား/မ ပြဿနာဘက်သို့ ရောက်သွားသဖြင့် စုရို့က ချက်ချင်း ထိန်းချုပ်

လိုက်၏။

"တတိယနဲ့ စတုတ္ထနေရာ တိုက်ပွဲတွေမှာ အတန်း (၂) အဖွဲ့ A နဲ့ အတန်း (၁) အဖွဲ့ B မှာ အစွမ်းထက်တဲ့သူတွေ ရှိနေတာ သတိထားမိလား"

စုရို့က ဆက်ပြောသည်။

"အတန်း (၂) အဖွဲ့မှာ အရမ်းကို အစွမ်းထက်တဲ့ ညီအစ်ကိုနှစ်ယောက်နဲ့ ဥရောပ-အာရှကပြား စည်းမျဉ်းနိုးထသူ မိန်းကလေးတစ်ယောက် ပါတယ်၊ ပြီးတော့ ငါတို့ရဲ့ ဆံပင်တိုနဲ့ ဆေးကုသရေးနိုးထသူလည်း ပါတာပေါ့"

"အတန်း (၁) အဖွဲ့က လေးယောက်လုံးကတော့ တိုက်ခိုက်ရေးသမားတွေချည်းပဲ"

"အထူးသဖြင့် ထိုးဖောက်ခြင်း လုပ်နိုင်တဲ့ လူလိမ္မာပုံစံလေးနဲ့ အရပ်ရှည်ရှည် ပိန်ပိန်ပါးပါး လူက..."

တစ်ချိန်တည်းမှာပင် အတန်း (၂) အခြေစိုက်ရာတွင် ကျန်းရှောင်၏ ငါးယောက်အဖွဲ့သည် နောက်တန်း၌ သူတို့၏ ဗျူဟာများကို အသည်းအသန် ဆွေးနွေးနေကြသည်။ 

အတန်း (၁) မှ တိုက်ခိုက်ရေးသမား လေးဦးသည် အတန်း (၂) ၏ ယခင်ပြိုင်ဘက်များထက် အရည်အချင်းနှင့် တိုက်ခိုက်ရေးစွမ်းရည် နှစ်ခုစလုံးတွင် ပိုမိုအားကောင်းပုံရ၏။

ကျူဝမ်က "ကောင်းကျွင်းချန်ရဲ့ အတတ်ပညာက တကယ့်ကို ခြိမ်းခြောက်မှု ရှိတယ်"

"သူက အစိမ်းရောင် အလင်းတန်း နဲ့ ထိုးဖောက်

ခြင်းကိုလည်း ကျွမ်းကျင်တယ်" ဟု ပြောသည်။

လျှိုခယိက ရီလျန်နာ၏ လက်ကို ဆွဲထားရင်း သူမ၏ ချစ်စရာကောင်းသော မျက်နှာလေးကို မော့ကာ "ဟေး၊ ဒါနဲ့ အဲဒီ ပိန်ပိန်ပါးပါး ကောင်လေးက နင် အရင်တုန်းက ပစ္စည်းသိုလှောင်ခန်းထဲမှာ ရိုက်ခဲ့တဲ့လူ မဟုတ်လား" ဟု မေးသည်။

ကျန်းရှောင်က ခေါင်းညိတ်ကာ "အင်း၊ ဒါပေမဲ့ သူ့ရဲ့ အစွမ်းအစ အစစ်အမှန်ကိုတော့ ငါမသိဘူး"

"ငါက သူ့ကို ခိုးတိုက်ပြီး တစ်ချက်တည်းနဲ့ အလဲထိုးခဲ့တာဆိုတော့ သူ ပြန်မတိုက်နိုင်ခဲ့ဘူး"

"သူက ခိုးတိုက်တာကို ခံလိုက်ရတာဆိုတော့ ဘယ်လောက်များ အစွမ်းထက်မှာ မို့လို့လဲ" ဟု လျှိုခယ်က ဝင့်ကြွားစွာ ပြောသည်။

"အဲဒီလို မပြောနဲ့၊ သူက ပြိုင်ဘက်ကို အထင်သေးသွားတာ ဖြစ်နိုင်တယ်"

ကျူဝမ်က မျက်နှာပျက်ပျက်ဖြင့် ခေါင်းခါကာ ဆက်ပြောသည်။

"ငါတို့ ခုနက သူတို့ပြိုင်ပွဲကို ကြည့်ပြီးပြီ၊ အဲဒီ ပိန်ပိန်ကောင်က အစွမ်းထက်တယ်"

"သူ အစွမ်းကုန် ထုတ်သုံးရင် ကျန်းရှောင်ဖီ သူ့ကို ယှဉ်နိုင်မှာ မဟုတ်ဘူး"

ကျန်းရှောင်က အံ့အားသင့်ကာ "တကယ်လား" ဟု မေးသည်။

ကျူဝူကလည်း ခေါင်းညိတ်ကာ "အစ်ကိုပြောတာ မှန်တယ်၊ မင်းတို့နှစ်ယောက်က တိုက်ခိုက်ရေး စွမ်းရည်ချင်း တူတူပဲ"

"အဲဒီတုန်းက ပစ္စည်းသိုလှောင်ခန်းထဲမှာ သူ ရှောင်ဖီကို တကယ်ပဲ အထင်သေးခဲ့တာ ဖြစ်မယ်"

ကျန်းရှောင် ခေါင်းညိတ်လိုက်သည်။ 

ကျူညီအစ်ကိုများသည် ကျန်းရှောင်ထက် ပို၍ တိုက်ခိုက်ရေးကျွမ်းကျင်ပြီး အတွေ့အကြုံများသူများ ဖြစ်ကြ၏။

သူတို့ပြောလျှင် ထိုသို့ပင် ဖြစ်ပေလိမ့်မည်။ 

သူ အရင်တုန်းက လက်တွန့်ခဲ့မိခြင်းမှာ မှန်ကန်သော ဆုံးဖြတ်ချက် ဖြစ်ပုံရသည်။ 

အကယ်၍ သူ အစွမ်းကုန် ထုတ်သုံးခဲ့လျှင် သူကိုယ်တိုင်ပင် အရှိုက်အထိခံရပြီး အလဲထိုးခံရနိုင်ပေသည်။

"ငါတို့အဖွဲ့ အရှုံးပေးရနိုင်တယ်"

"ငါတို့နှစ်ယောက်တည်းနဲ့ ရန်သူ လေးယောက်ကို တားဖို့က ခက်တယ်"

"ဒီလေးယောက်က အရင်လူတွေနဲ့ မတူဘူး"

ကျူဝမ်က ဆက်ပြောသည်။

"ရီလျန်နာက အန္တရာယ်ရှိတဲ့ အနေအထားမှာ ရှိနေပြီး ငါတို့မှာ စည်းမျဉ်းနိုးထသူကို ကာကွယ်ပေးနိုင်တဲ့ ဒါမှမဟုတ် အကူအညီပေးနိုင်တဲ့ အထူးအတတ်ပညာတွေ မရှိဘူး"

ရီလျန်နာက ပျာပျာသလဲ မေးလေ၏။

"ငါ့ကို လူစားလဲဖို့ လိုမလား၊ အတန်းထဲက တိုက်ခိုက်ရေးနိုးထသူ တစ်ယောက်ယောက်ကို ရှာလိုက်ရမလား"

ကျန်းရှောင်က "ငါတို့ နာမည်စာရင်း တင်ပြီးပြီလေ"

"နင့်ကို လူစားလဲနိုင်တဲ့ တစ်ဦးတည်းသောသူက လျှိုခယ်ပဲ ရှိတယ်"

"ငါ အရိုက်မခံချင်ဘူး"

လျှိုခယ်က သူမ၏လက်များကို အမြန်ယမ်းကာ နောက်သို့လှည့်ထွက်သွားသည်။

"မင်းတို့ပဲ သွားကြတော့၊ ငါ သောက်ရေသန့် သွားယူပေးမယ်"

"လျန်နာက ငါတို့ရဲ့ အားအကောင်းဆုံး တိုက်စစ်မှူးပဲ"

"ပေါက်ကွဲစေသော မီးလျှံသာ တည့်တည့်ထိရင် ရန်သူတွေ အကုန်သေပြီ"

"သူတို့မှာ ဆေးကုသရေးသမား မရှိသလို ခံစစ်နဲ့ ပြန်လည်ကုသရေး နည်းစနစ်တွေလည်း မရှိဘူး" ဟု ကျူဝမ်က ဆိုသည်။

အီလျန်နာက စိတ်ပျက်လက်ပျက်ဖြင့် "ငါ့ရဲ့ ပေါက်ကွဲမီးလျှံ စုစည်းတဲ့ အရှိန်က အရမ်းနှေးတော့ ရန်သူတွေက အလွယ်တကူ ရှောင်နိုင်ကြတာ မင်းတို့လည်း အသိပဲ"

"ငါ အဖွဲ့ထဲ မဝင်ရဲတာ အဲဒါကြောင့်ပဲ၊ ပေါက်ကွဲသွားရင် အဲဒီအရှိန်က အရမ်းပြင်းလို့ မင်းတို့ပါ ထိခိုက်ကုန်မှာ"

ကျန်းရှောင်က "သူတို့ရဲ့ ခြေထောက်တွေကို မြေပြင်ကနေ ကြွသွားအောင် လုပ်နိုင်ရင် နင် တည့်တည့်ပစ်နိုင်မှာ မဟုတ်လား" ဟု မေးသည်။

ကျူဝမ်က "ဒါက မလွယ်ဘူးလေ" ဟု ဆိုသည်။

ကျန်းရှောင်က "ဒါဆိုရင် လျန်နာက ပေါက်ကွဲမီးလျှံကို စပြီး စုစည်းထားလိုက်"

"အဖွဲ့နှစ်ခု နီးကပ်လာတဲ့အချိန်မှာ ငါတို့နဲ့ အနီးဆုံးလူကို ငါ ကုသပေးမယ်"

ရီလျန်နာမှာ ဆွံ့အသွားသည်။ 

ကျူညီအစ်ကိုများလည်း

ထိုနည်းတူပင်။

ကျန်းရှောင်က ရယ်မောကာ ပြောလိုက်သည် "ငါ့ရဲ့ ကောင်းချီးပေးခြင်း အတတ်ပညာက ငွေရောင်အဆင့်ကွ"

"ငါ မင်းတို့ကို ပထမဆုံးအကြိမ် ကောင်းချီးပေးတုန်းက ဘယ်လိုခံစားခဲ့ရလဲ ဆိုတာ ပြန်စဉ်းစားကြည့်ဦးလေ"

ရီလျန်နာ၏ မျက်နှာမှာ ချက်ချင်းပင် နီရဲသွားတော့သည်။