Chapter 3
ဒီတော့...မင်းမှာချစ်သူကောင်လေးရှိပြီးသားပေါ့
ရုန်ယီ အိပ်မပျော်ခင် အိပ်ရာပေါ်တွင်လူးလှိမ့်နေလျက်မက်ဆေ့ချ်ပို့ရန်ရှုံးနိမ့်သွားရသည်။
ဆိုရိုးစကားအရ အစကောင်းခြင်းကတစ်ဝက်အလုပ်ဖြစ်ခြင်းပင်။ Alpha တစ်ယောက်က သူ့အပေါ်မလိုမုန်းထားမှုမရှိနေခြင်းက အရမ်းရှားပါးသည်။ ထို့အပြင် အလွန်အမင်းချောမောလွန်းသည့် Alpha ဖြစ်နေသည်။ ရုန်ယီ ဤတစ်ကြိမ်တွင် အတော်လေးသတိထားရမည်ဟုခံစားရသည်။
သူစာအနည်းငယ်ရေးသည််၊ ဖျက်သည်၊ သူ့နှလုံးသားလေးကအပြင်းအထန်ခုန်လှုပ်နေရင်း အိပ်ရာထဲတွင်လူးလှိမ့်နေသည်။ သူချန်းခယ့်ယောင် moment တွေထဲဝင်ကြည့်နေပြီး ဓာတ်ပုံများကိုသဘောကျနေသည်။ ပြီးနောက် သူစာရိုက်ပြီး ထပ်ဖျက်ပြန်သည်။ အကြိမ်ရေအနည်းငယ် ရေးလိုက်၊ဖျက်လိုက်နှင့်လုပ်နေပြီးနောက် ချန်းခယ့်ယောင်post အသစ်တစ်ခုတင်ထားသည်ကိုတွေ့လိုက်ရသည်။
"ဒီနှစ်ကုန်ဖို့နှစ်လပဲလိုတော့တယ်...ငါဒီနှစ်ရဲ့ပန်းတိုင်ဖြစ်တဲ့ တစ်ကိုယ်တော်ဘဝကနေ လွတ်နိုင်မှာလား?"
သူ့လက်များတုန်နေ၍ မတော်တဆ post ကို like နှိပ်မိသွားခဲ့သည်။
သူစိတ်နှင့်ကိုယ်ပြန်ကပ်သွားချိန်တွင် သူတစ်ညလုံးစောင့်မျှော်နေခဲ့သည့်မက်ဆေ့ချ်တစ်စောင်က ရုတ်တရက်စကားပြောနေရာတွင်ထွက်ပေါ်လာသည်။
"ကြည့်ရတာ...မင်းငါ့ကားပေါ်မှာတစ်ခုခုကျန်ခဲ့တယ်ထင်တယ်"
အသိစိတ်လွတ်နေရာမှပြန်ရလာသည့်အခိုက် ရုန်ယီသူ့ခြေထောက်ကိုမညှာမတာရိုက်လိုက်သည်။
ဟုတ်သားပဲ....ချန်းခယ့်ယောင်ကားပေါ်မှာတစ်ခုခုကိုတမင်ထားခဲ့လိုက်ဖို့ ဘာလို့မတွေးမိတာလဲ?။ ၎က ဟာကွက်မရှိတဲ့အကြောင်းပြချက်ကောင်းတစ်ခုဖြစ်နိုင်သည်။ ကံကောင်းတာက သူထိုအကြောင်းမတွေးမိခဲ့လျှင်ပင် ချန်းခယ့်ယောင်ကားပေါ်တွင်တစ်ခုခုပျောက်နေသလိုဖန်တီးနိုင်သည်၊ အကြောင်းမှာသူကနမော်နမဲ့နိုင်သူဖြစ်နေ၍။
ရုန်ယီ ပျာပျာသလဲပြန်ရေးလိုက်သည်။
"တောင်းပန်ပါတယ်...ခင်ဗျားကားပေါ်မှာဘာကျန်ခဲ့တာလဲ?"
ချန်းခယ့်ယောင်ကအမေးတစ်ခုနှင့်ချစ်စရာကောင်းသည့်အီမိုဂျီလေးတစ်ခုပြန်ပို့လာသည်။
"မင်းဘာပျောက်နေမှန်းတောင်မသိသေးဘူးလား?"
၎င်းက ကသိကအောက်နိုင်သည်။ ရုန်ယီ အိတ်ကပ်များရောကုတ်အကျႌပါမကျန် အကုန်လုံးကိုနှိုက်ချွတ်ရှာဖွေကြည့်သည်။ သူ့ဦးနှောက်ဘယ်ခြမ်းနှင့်ညာခြမ်းကို ဆွဲဆန့်လိုက်ပြီးနောက် သူကျန်နေခဲ့သည်မှာလက်ကိုင်ပဝါတစ်ထည်ဖြစ်နိုင်ကြောင်း ခန့်မှန်းမိလိုက်သည်။
သူသည်အမြဲကားမူးတတ်သောကြောင့် လူကြားထဲပရုပ်ဆီဘူးထုတ်သုံးနေခဲ့လျှင် သူ့ကိုအဘိုးကြီးတစ်ယောက်နှင့်တူစေလိမ့်မည်၊ သို့ဖြစ်၍ လက်ကိုင်ပဝါပေါ်တွင်ပရုတ်ဆီနည်းနည်းသုတ်ထားလိုက်သည်။ သူအဆင်မပြေဖြစ်လာခဲ့ပါက လက်ကိုင်ပဝါကိုထုတ်ပြီးအနံ့လေးနည်းနည်းရှူလိုက်ရုံပင်။
သူလက်ကိုင်ပဝါအကြောင်းပြောလိုက်တော့ ရုန်ယီ မှန်ကန်သည့်အဖြေကိုရသွားသည်။
ရုန်ယီ့လက်ကိုင်ပဝါက နာမည်ကြီးတံဆိပ်ထဲကမဟုတ်၊ ပရုတ်ဆီအနံ့များဖုံးနေသည့်အကြောင်းကိုဖြင့် ပြောနေစရာပင်မလို။ ပျောက်သွားလည်းကိစ္စမရှိ။ ချန်းခယ့်ယောင်က ၎င်းကို အမြန်ချောပို့နှင့်ပင်ပို့လိုက်လည်းရသည်။
သို့ပေမယ့် ချန်းခယ့်ယောင်ကရုန်ယီအားမည့်ချိန်ကိုမေးပြီး လက်ကိုင်ပဝါလာပြန်ပေးမည်ဟုပြောခဲ့သည်။
ချန်းခယ့်ယောင်ကသူနှင့်အတူရှိနေချင်တာကို စိတ်ကူးမယဉ်ဘဲနေလျှင်သူရုန်ယီမဟုတ်တော့ပေ။
သူအခုတည့်တိုးပြောလိုက်ရန် တွန်းအားရှိလာသည်။ ခင်ဗျားကျွန်တော့်ကို ကိုစိတ်ဝင်စားနေတာလား၊ ဝေ့လည်ကြောင်ပတ်လုပ်မနေနဲ့တော့၊ ကျွန်တော်လည်းခင်ဗျားကို အရမ်းအရမ်းသဘောကျပါတယ်၊ ကျွန်တော်တိို့အခုချက်ချင်း တွဲလိုက်ကြမလား။
နောက်ဆုံးတော့ ရုန်ယီသည် အဆိုပါရူးနှမ်းလွန်သည့်စိတ်ကူးကိုလက်လျှော့လိုက်သည်၊ သူချန်းခယ့်ယောင်ကို ခြောက်လှန့်မိမှာစိုးရိမ်သည်။
ပြီးတော့ သူကလည်း ချန်းခယ့်ယောင်ကိုလက်ကိုင်ပဝါယူလာစေချင်သည်။ ၎င်းကိုအကြောင်းပြပြီး ချန်းခယ့်ယောင်ကိုညစာဖိတ်ကျွေးနိုင်သည်။ အဆင်ပြေနိုင်လောက်သည်။ သူတို့မကြာခဏတွေ့ဖြစ်ခဲ့လျှင်ကလေးများပါရလာနိုင်လောက်သည်။
ထို့ကြောင့် ရုန်ယီက WeChat မှာပင်သူ၏ကျေးဇူးတင်ကြောင်းကိုအကြီးအကျယ်ပြသသည်။ နောက်ထပ်နှစ်ရက်အကြာ သူအလုပ်ပိတ်ရက်တွင်တွေ့မည့်အကြောင်း ချန်းခယ့်ယောင်ကိုအမြန်ချိန်းဆိုလိုက်သည်။
အခန်းထဲတွင်ဆယ့်နှစ်ကြိမ်လောက် စိတ်လှုပ်ရှားမှုအပြည့်နှင့်လှည့်ပတ်နေပြီး တစ်ဖက်လှည့်လိုက်သည့်အခါ သူ့ညာဘက်စားပွဲပေါ်တွင်လက်ကိုင်ပဝါတစ်ထည်ကို ခေါက်လျက်သားတွေ့ရသည်။
ထိုအရာမွာ သူ့ထံတွင်တစ်ခုတည်းရှိသောလက်ကိုင်ပဝါပင်။
ရုန်ယီ လက်နှစ်ဖက်ကိုခေါင်းပေါ်တင်၊ ဆောင့်ကြောင့်မထိုင်ချခင် လက်ကိုင်ပဝါကိုခံစားချက်မရှိသည့်မျက်လုံးများဖြင့်ကြည့်နေခဲ့သည်။
သူသည်မကြာခဏ နေ့အိပ်မက်များမက်တတ်သည်ကိုသိပါသည်။ အချိန်အများစုတွင် ၎င်းတို့ကိုအတည်မယူသင့်ပေ။
သို့သော် ဤတစ်ကြိမ်တော့အမှန်တကယ်ဖြစ်ပုံရသည်။
သည်တစ်ကြိမ် သူ့ဖူးစာဖက်အစစ်အမှန်ကိုမရှာတွေ့နိုင်လျှင်ဘုရားသခင်၏ဆန္ဒကိုလွန်ဆန်ရာရောက်တော့မည်။
ရုန်ယီသည် သာမန်အချိန်များမှာ အနည်းငယ်ပေါ့ဆတတ်သည့်တိုင်သူ၏အပြင်ပိုင်းပုံစံက မြင့်မားသည့်စံနှုန်းတွင်ဆက်ရှိနေသေးသည်။
နေ့တိုင်း သူ့ဝတ်စားဆင်ယင်မှုက တစ်ပတ်ထဲတွင်အဝတ်အစားနှစ်စုံမတူရအောင်ဂရုစိုက်တတ်သည်။ သည့်အပြင် သူ့အဝတ်အစားများကိုသေသပ်နေပြီး ဆံပင်ပုံစံကိုလည်းသစ်လွင်၍အမိုက်စားဖြစ်အောင်ထိန်းသိမ်းတတ်သည်။ အဆိုပါအလေ့အကျင့်ကောင်းများကို ယခင်တည်းက သူပိုတိုးတက်အောင်လုပ်ခဲ့လင့်ကစား Omega များကသာနှစ်သက်ခဲ့ကြသည်။
မည်သိုပင်ဖြစ်ပါစေ မဖွယ်မရာအပြုအမူများမရှိဘဲရည်မွန်ပြီး အရပ်ရှည်ကြည့်ကောင်းသော 'Alpha' များက ရှာတွေ့ရန်ခက်ခဲသည်။ သူအဝတ်အစားဝတ်လိုက်တိုင်း သန့်ပြန်သပ်ရပ်နေပြီးကြည့်ကောင်းနေသောသူ့ပုံစံကိုရှိစေတော့။
ကံမကောင်းစွာနှင့် သူဆွဲဆောင်ချင်သည့်လူက သူ့အပေါ်စိတ်ဝင်စားမှုမရှိနေပေ။
သူသည်မျက်မမြင်ကောင်များထံမှသာ အငမ်းခံရသည်ဟုခံစားရသည်။ ယခု သူသဘေ့ာကျသည့်လူအတွက်ဝတ်စားနိုင်ပြီး ထိုအရာကသူကိုစိတ်လှုပ်ရှားစေပြီး ရင်တလှပ်လှပ်ခုန်နေစေသည်။ သူသည်အိမ်နေရင်း စတိုင်ပုံစံအတွက် နေ့တစ်ဝက်ခွင့်ပင်တင်ခဲ့ပြီးပြီ။
မျက်နှာအတွက်ပေါင်းတင် mask ကို သုံးပြီးနောက် သူခေါင်းလျှော်ပြီးဂရုတစိုက်လေမှုတ်သည်။ ပြီးနောက် မှန်ရှေ့တွင်အဝတ်လေးငါးစုံခန့်လဲပြီး လှည့်ပတ်နေသည်။ သူအိမ်မှထွက်လာသည့်အခါ ယုံကြည်မှုအပြည့်ရှိနေသည်။
သို့ထိတိုင် သူချိန်းထားသည့်နေရာအရောက်တွင်ကြောက်ဒူးတုန်လာသည်။
သူ့လိင်အမျိုးအစားကိုသာဖယ်ထားလိုက်လျှင် ရုန်ယီကအတော်လေးချောမောသူဟုသတ်မှတ်၍ရသည်။ သို့သော် သူ့လိင်အမျိုးအစားကတကယ်ကို ပြဿနာကြီးဖြစ်နေသည်။ ဘယ်သူမှလျစ်လျူရှုမထားနိုင်။ ရုန်ယီသည် အဝတ်အစားဝတ်တိုင်း သူနှစ်သက်တာထက် သူနှင့်ကွက်တိကျသည့်အဝတ်အစားကိုသာရွေးချယ်လေ့ရှိသည်။ သူနှစ်သက်သည့် အမျိုးအစားအရ လမ်းပေါ်တွင်သူနှင့်သိပ်မဝေးသောနေရာက တက်ကြွနေပုံပေါ်သည့် အရောင်တောက်တောက် hoodie ကိုရွေးချယ်မိနိုင်သည်။
သို့သော် အရောင်းဝန်ထမ်းကသူ့အတွက်ဆိုဒ်အမှန်မရှိဟုပြောမှာတော့ကြိုသိနေခဲ့သည်။
တွေးနေရင်းဖြင့် ရုန်ယီ မောလ်၏မှန်ပြတင်းကိုကြည့်နေရင်းသူ့ပုံစံသူဆက်စစ်ဆေးနေသည်၊ သူ့ကိုယ်သူလက်ထပ်ချင်လာသည်အထိချောမောလွန်းနေ၍ သက်ပြင်းခိုးချမိသေးသည်။
ဒါပေမဲ့ချန်းခယ့်ယောင်ကရော... Alpha အနေနဲ့ သူ့ပုံစံကိုကြည့်ပြီးခံပြင်းနေမလား?
"ဟယ်လို"
ခါးထိရှည်သည့်ဆံပင်နှင့်မိန်းကလေးတစ်ယောက် သူ့ထံကိုရှက်နေသည့်ပုံဖြင့်လျှောက်လာပြီး သူ့ကိုကြည့်ရန်ခေါင်းမော့လာသည်။
"တစ်ဆိတ်လောက်....ကျွန်မ..."
ရုန်ယီ တူညီသောအခြေအနေမျိုးကို အကြိမ်ထောင်သောင်းမကကြုံတွေ့ခဲ့ဖူးသည်။ စိတ်ထဲ၌ပင်သက်ပြင်းချပြီး တည်ငြိမ်နေသောပုံစံကိုမျက်နှာတွင်ပြထားလျက် သူပြောလိုက်သည်။
"ဘာများကူညီပေးရမလဲ?"
မိန်းကလေးကမေးလာသည်။
"ကျွန်မရှင့်ဖုန်းနံပါတ်လေးများရနိုင်မလား?"
သူမကခပ်တုံးတုံးထဲကမှန်း သူသိလိုက်သည်။
ရုန်ယီ သူမကိုငြင်းရန်ပြင်သည်၊ ရုတ်တရက် သူ့စိတ်ထဲတွင်အတွေးတစ်ခုကပဲ့တင်ရိုက်သွားသည်။ ပြီးနောက် သူဖြေလိုက်သည်။
"တောင်းပန်ပါတယ်...ကျွန်တော်...ကျွန်တော့်ကောင်လေးကိုစောင့်နေတာပါ"
ထိုစကားပြောပြီးပြီးချင်း သူမျက်နှာနီရဲလာသည်။ 'ကျွန်တော့်ကောင်လေး' ။ သူသည် တစ်စုံတစ်ယောက်ကိုခေါ် ရန် အနှီခေါင်းစဉ်ကိုပထမဆုံးသုံးဖူးတာပင်။ သို့သော် သူ့ကောင်လေးဟုခေါ်လိုက်သူကို အဆိုပါခေါင်းစဉ်အားလက်ခံမခံ သူမမေးခဲ့ရသေးပေ။ သို့ဖြစ်ရာ သူပြောလိုက်ခြင်းကအရှက်မရှိပုံဖြစ်သွားစေသည်။
တစ်စုံတစ်ယောက်ထံမှအကျိုးအမြတ်ယူလိုက်ခြင်းက အတော်လေးရှက်စရာကောင်းသော်ငြား ပျော်စရာလည်းကောင်းပါသည်။
သူ့စိတ်ကူးနှင့်သူပိတ်မိနေပြီး မိန်းကလေးဘယ်အချိန်ကထွက်သွားမှန်းပင်သူမသိလိုက်ပေ။
သူအချိန်ကိုကြည့်ရန်ဖုန်းထုတ်လိုက်ချိန် ရုတ်တရက်တစ်စုံတစ်ယောက်က သူ့ကိုတီးတိုးပြောလိုက်သည်။
"ဆိုတော့ မင်းမှာကောင်လေးရှိပြီးသားပေါ့?"
ရုန်ယီ လန့်သွားပြီးသူ့လက်ထဲကဖုန်းပင်ပြုတ်ကျလုမတတ်။
"သတိထား...."
ဘယ်ကပေါ်လာမှန်းမသိသည့်ချန်းခယ့်ယောင်က မလိုအပ်သော်ငြား ရုန်ယီကိုထိန်းပေးလိုက်သည်။
"တောင်းပန်ပါတယ်...ငါမင်းကိုလန့်အောင်လုပ်မိသွားလား?"
ရုန်ယီ သူ့မျက်နှာနီနီနှင့်ပင်မေးလိုက်သည်။
"ခင်ဗျားဘယ်အချိန်ကရောက်တာလဲ?"
"လွန်ခဲ့တဲ့ငါးမိနစ်ကပါ"
ချန်းခယ့်ယောင်တစ်ဖက်ကိုလှည့်လိုက်ပြီး သူ့အနောက်မှခုံတန်းရှည်ကိုလက်ညိုးထိုးပြသည်။
"မင်းအတွေးနက်နေတာငါမြင်လိုက်လို့..ပြီးတော့မင်းကိုနှုတ်ဆက်ဖို့လည်းအခွင့်အရေးမရဘူးလေ"
ရုန်ယီခေါင်းကိုငုံ့ထားပြီး ချန်းခယ့်ယောင်ကိုမကြည့်ရဲပေ။
"ကျွန်တော်အခုလေးတင်အဓိပ္ပါယ်မရှိတာကိုပြောလိုက်တာပါ...မိန်းကလေးတွေကိုငြင်းလွှတ်ဖို့..အဲဒါကလွယ်တယ်လေ"
"အကျိုးအကြောင်းသင့်တာပဲ"
ချန်းခယ့်ယောင်ကပြုံးပြီးခေါင်းညိတ်သည်။ ပြီးနောက် သူ့ဘေးကမောလ်ကိုလက်ညိုးထိုးပြသည်။
"ငါတို့ထိုင်ဖို့နေရာရှာကြမလား?"
သူတို့ချိန်းဆိုကြစဉ်က လက်ကိုင်ပဝါပြန်ပေးရန်အတွက်သာ။
သို့သော် သူတို့တွေ့ဆုံသည့်အခါ ဈေးဝယ်စင်တာထဲတွင်ညစာစားရန် ရည်ရွယ်ချက်ရှိစွာရွေးချယ်ခဲ့ကြသည်၊ ၎င်းကပြောစရာမလိုသည့်နားလည်ပေးမှုကိုဆိုလိုသည်။
သူတို့စားသောက်ဆိုင်ရောက်သွားချိန်မှာ ချန်းခယ့်ယောင်က စားပွဲကြိုတင်မှာပြီးသားဖြစ်နေသည်ကို ရုန်ယီတွေ့လိုက်ရသည်။
ထိုအရာက ဒိတ်လုပ်ခြင်းဆိုသည်မှာ သံသယဝင်စရာမရှိ။
ကမ္ဘာပေါ်တွင်သူ့အသက်နှစ်ဆယ့်ခြောက်နှစ်လုံး Alpha များထံမှသာညီအစ်ကိုလိုဆက်ဆံခံခဲ့ရပြီး Alpha နှင့်သာညစာစားရသည်။ သို့သော် ယနေ့တွင် လုံးဝကွာခြားသည်။
Alpha တစ်ယောက်ကသူ့အပေါ် အလွန်အကျွံဂရုစိုက်ပေးခြင်းကပထမဆုံးအကြိမ်ပင်။ ချန်းခယ့်ယောင်ကမထိုင်ခင်သူ့အတွက် ထိုင်ခုံဆွဲထုတ်ပေးပြီး ဟင်းပွဲများမမှာခင်သူအကြိုက်ဆုံးအရသာကိုမေးသေးသည်။ ဒီ ချောမောလှသည့် Alpha က သူ့ကုတ်အကျႌကိုပင်ချီးမွမ်းပေးသည်။ မထွက်ခွာခင် ချန်းခယ့်ယောင်ကသန့်စင်ခန်းသွားဟန်ဆောင်ပြီး ဘေလ်ကိုလည်းတိတ်တိတ်လေးရှင်းပေးခဲ့သေးသည်။
သူချန်းခယ့်ယောင်နှင့်မတွေ့ခင်အထိ ရုန်ယီသည် ကြမ်းတမ်းသည့် Alpha များကသာဆွဲဆောင်မှုရှိသည်ဟုထင်ခဲ့သည်။ ယခုမူ သူ့အကြိုက်ကို လုံးဝပြောင်းလဲလိုက်ပြီ။ အခုတော့ ရုန်ယီတစ်ယောက် ချန်းခယ့်ယောင်ဖွင့်ပြောလာသည်ကို စောင့်နေရုံသာရှိတော့သည်။ ပြီးလျှင်ရုန်ယီက တုံ့နှေးမနေဘဲ 'yes' ဟုဖြေလိုက်မည်။
သို့သော် ချန်းခယ့်ယောင်က တစ်လုံးမှမပြောလာခဲ့ပေ။
အစပိုင်းတွင် ရုန်ယီအကြောင်းကိုအမှန်တကယ်သိချင်ပုံဖြင့်ရုန်ယီအကြောင်းကိုအများအပြားမေးခဲ့သည်။ သို့သော် ရုန်ယီကစိတ်လှုပ်ရှားနေသဖြင့် တူကိုငြိမ်အောင်ကိုင်နိုင်ရန်ပင်အကောင်းဆုံးကြိုးစားနေရသည်။ သူစိတ်မငြိမ်နေ၍ မလေးမစားလုပ်မိပြီး ချန်းခယ့်ယောင်သူ့အပေါ်ထားသည့် အမြင်များကိုဖျက်ဆီးမိမှာကြောက်နေသည်။ ထို့ကြောင့်သူ့ခမျာ စကားလုံးများကိုရွှေလိုတန်ဖိုးထားနေရသည်။
ချန်းခယ့်ယောင်က ရုန်ယီကိုအတင်းတွန်းအားမပေးပေ။ ချန်းခယ့်ယောင် သူ့အလုပ်ထဲကရယ်စရာများကိုစတင်ပြောပြသည်။ သူကကလေးတွေချစ်တတ်တာ သိသာပါသည်။ သူတို့လေးများအကြောင်းပြောသည့်အခါ သူ့အပြုံးကပိုနူးညံ့လာပြီး သူ၏ပြတ်သားသောအသွင်အပြင်ကို ညင်သာလာစေသည်။ ရုန်ယီ ချန်းခယ့်ယောင်ကိုကြာကြာကြည့်မိလေ၊ သူ ဒီ Alpha ကိုပိုသဘောကျလာလေပင်။ ရုန်ယီ တစ်ခါမှဒီလောက်အထိ ဆွဲဆောင်မခံရသေးပေ။
ညစာစားပြီးနောက်မှာ ချန်းခယ့်ယောင်ရုန်ယီကိုအိမ်ပြန်လိုက်ပို့ပေးပြန်သည်။ ထိုအခိုက်အတန့်လေးမှာပင် ရုန်ယီတစ်ယောက်သူ၏ ဖွင့်ဟပြောချင်သည့်ဆန္ဒပြင်းပြမှု လွှမ်းမိုးလာခြင်းကိုခံစားရသည်။ သို့သော် ပါးလျသည့်မျှော်လင့်ချက်လေးရှိလျှင်ပင် သူ့နှလုံးသားကိုလှစ်ဟပြတတ်သည့်အနှီ အိုမီဂါက ဤတစ်ကြိမ်တွင်သတိထားနေသည်။
ဖြစ်နိုင်သည်က ချန်းခယ့်ယောင်သည်ကြင်နာတတ်သည့်လူဖြစ်ပြီးသူတို့ဆက်ဆံရေးကို တစ်ဆင့်ချင်းနွေးထွေးမှုဖြင့်ဖြည်းဖြည်းချင်းမြှင့်တင်သွားမည့်ပုံစံဖြစ်သည်။ ရုန်ယီသည် သူသည်အပြောင်းအလဲမြန်သူဖြစ်ကြောင်း ချန်းခယ့်ယောင်ကိုမတွေးစေချင်ပေ။ ထို့ကြောင့် သူခဏလောက်စောင့်နေရန် ဆုံးဖြတ်လိုက်သည်။
နှစ်ဆယ့်ခြောက်နှစ်ကြာလူပျိုဘဝဖြင့် နေလာပြီးနောက် သူအသားကျနေပြီ။
ရုန်ယီ့တိုက်ခန်း၏ တံခါးဝကိုရောက်ရုံရှိသေးစဉ် ရုန်ယီသူ၏ချစ်ကြောင်းဖွင့်ဟဝန်ခံရန် တွန်းအားများကိုပြန်စုစည်းလိုက်သည်။
"ဒီနေ့အတွက်ကျေးဇူးတင်ပါတယ်"
သူစကားပြောလိုက်ချိန်တွင် ချန်းခယ့်ယောင်ကိုကြည့်ရန်အရှက်သည်းလွန်းနေ၍ ခေါင်းငုံ့ထားသည်။
"နောက်တစ်ခါ...ကျွန်တော်...."
ခင်ဗျားကိုညစာဝယ်ကျွေးပါ့မယ်..
ထိုစကားကိုဖြင့် သူ့ရင်ထဲတွင်သာပြီးအောင်ပြောလိုက်သည်။
"ငါဖိတ်ခေါ်တာကိုမင်းအရမ်းရုတ်တရက်ဆန်တယ်လို့တွေးမှာ...ငါအရမ်းစိုးရိမ်နေတာ"
ချန်းခယ့်ယောင် ရုန်ယီ့ကိုစကားပြောပုံကထစ်ငေါ့နေသည်။
"ဒါဆိုငါမင်းကိုနောက်တစ်ခါတွေ့လို့ရသေးတာလား...ဟုတ်တယ်မဟုတ်လား?"
'ရုတ်တရက်ဆန်တယ်? ခင်ဗျားကျွန်တော့် အိမ်ထဲအခုချက်ချင်းဝင်လာချင်ရင်တောင် ရုတ်တရက်ဆန်တယ်လို့ခံစားရမှာမဟုတ်ဘူး'
'ကျွန်တော့်အိမ်မှာဘယ်သူမှမရှိဘူး' ရုန်ယီတွေးလိုက်သော်ငြား ဘာမှမပြောသေးပေ။
ရုန်ယီ တိတ်ဆိတ်နေသည်ကိုမြင်ပြီး ချန်းခယ့်ယောင်မေးမြန်းခြင်းကိုရပ်လိုက်ကာ သူ့ကိုတံခါးဖွင့်ပေးပြီးအပြင်ထွက်သွားသည်။
သူရုန်ယီကိုပြောလိုက်သည်။
"ကောင်းသောညပါ"
ချန်းခယ့်ယောင်၏ချောမောလွန်းသည့်မျက်နှာကိုကြည့်နေရင်း ရုန်ယီမှာအိပ်ရေးပျက်မည့်ည၏အစိုင်အခဲတုံးကြီးကိုရလိုက်သည်။
သူစိတ်ထဲတွင်ဗလာဖြစ်လျက်နှင့် အိမ်ထဲဝင်လာသည့်အခါ ပုံမှန်မဟုတ်သော အားပြင်းသည်ခံစားချက်ကသူ့စိတ်ထဲဝင်ရောက်လာသည်။
ထူးဆန်းနေသည်။ သူဘယ်လိုလုပ် အံ့ဩစရာကောင်းသည့်လူတစ်ယောက်ကိုတွေ့နိုင်ရသနည်း။ ဒီလို စိတ်ကူးယဉ်ဆန်သည့် Alpha မျိုးတွင်လည်း လိုက်နေသူအများကြီးရှိိနိုင်သည်။ ချန်းခယ့်ယောင်ကဘယ်လိုလုပ် လူလွတ်ဖြစ်နေသေးသနည်း။ ပြီးတော့ သူကရုန်ယီကိုသဘောကျနေတာအရှင်းကြီးပဲ။ ဘယ်လောက် အံ့ဩစရာကောင်းလိုက်လဲ? ။
ဒီတော့ သူ့ရဲ့အသုံးမဝင်သည့်ရင်နာဖွယ်ချစ်ရေးချစ်ရာအတွေ့အကြုံများက ဒီလိုပြီးပြည့်စုံတဲ့ လက်တွဲဖော်နဲ့မတွေ့ခင်ဖြတ်သန်းရတဲ့အဆင့်တွေများလား? ။
ထိုအတိုင်းဖြစ်နေလျှင်ကောင်းလိမ့်မည်။ ချန်းခယ့်ယောင်ကရောအစစ်အမှန်ဟုတ်ပါ့မလား? ။
ဒါပေမဲ့ ရုန်ယီကိုလှည့်စားလို့ရောဘာရမှာလဲ? ။ ငွေလား၊ သူ့ခန္ဓာကိုယ်လား? ။
လေးနှစ်မျှ အလုပ်လုပ်ပြီးသည့်နောက် ရုန်ယီမှာ သူနှင့်အသက်အရွယ်တူသူများထက် လစာပိုရသည်ဟုတွေးခဲ့သည်၊ သူ၏လက်ဖွာမှုနှင့်ဈေးကြီးသည့်အိမ်ငှါးခကြောင့် စုဆောင်းထားခြင်းမျိုးမရှိခဲ့ပေ။
ထို့ကြောင့် ငွေကြေးဆိုင်ရာပရိယာယ်ကအလားအလာမရှိ။ ချန်းခယ့်ယောင်ကိုချေးပေးရန်မဖြစ်နိုင်၊ ၎င်းကအချိန်ကုန်ရုံသာရှိစေမည်။
သူ့ခန္ဓာကိုယ်အတွက်ကတော့...ချန်းခယ့်ယောင်ဆီကအသားယူတာလည်းထိခိုက်ဖို့မရည်ရွယ်ဘူးလေ..နော်?
ရုန်ယီ အတွေးထဲမြောနေစဉ် ဖုန်းကတုန်ခါလာသည်။ မကြာသေးခင်ကမှလမ်းခွဲသွားသည့် ချန်းခယ့်ယောင်ကစာပို့လာသည်။
"တောင်းပန်ပါတယ်...ငါမင်းကိုလက်ကိုင်ပဝါပေးဖို့မေ့သွားပြန်ပြီ"
'ဘယ်ကလက်ကိုင်ပဝါလဲ....အဲဒါကငါ့စားပွဲပေါ်မှာလေ'
ရုန်ယီဖုန်းကိုစိုက်ကြည့်နေရင်း မထိန်းနိုင်ဘဲရယ်မိလိုက်သည်။
ချန်းခယ့်ယောင်ကတကယ်လူလိမ်ပဲ...
သို့သော် ရုန်ယီက သူ့နှလုံးသားကိုချန်းခယ့်ယောင်ဆိုသည့်လူလိမ်ထံပေးရန်ဆုံးဖြတ်လိုက်သည်။
Xxxxxxxx
