Chapter 5
မင်းငါတို့အတွက်အနစ်နာခံပေးလို့ရမလား
ရုန်ယီ အိမ်အပြန်လမ်းတစ်လျှောက်ကိုပြေးလာခဲ့သည်။ သူသည်တံခါးမဖွင့်ခင်သော့တံကို သော့ပေါက်ထဲအကြိမ်ပေါင်းများသွင်းခဲ့သည်။ သူ့ဖိနပ်ကိုပစ်ချခဲ့ပြီး အခန်းထဲကိုချက်ချင်းအလောတကြီးဝင်လာသည်၊ ကုတ်အကျႌကိုပင်မချွတ်ဘဲ အိပ်ရာပေါ် ခုန်တက်သည်။ ခေါင်းအုံးထဲတွင်မျက်နှာကိုနှစ်ကာ အိပ်ရာကိုလက်သီးဖြင့်တဒုန်းဒုန်းထုနေပြီး အရူးတစ်ယောက်နှယ်ရယ်နေသည်။
မိနစ်အနည်းငယ်ကြာသည်အထိ ထိုအတိုင်းဖြစ်နေပြီး သူ့စိတ်ကိုပုံမှန်အခြေအနေရောက်အောင်ပြန်ထိန်းနိုင်ခဲ့သည်။ အချိန်ကိုက်ပင် သူ့အိတ်ကပ်ထဲမှဖုန်းကအသံမြည်လာသည်။
သူ၏ချစ်သူကောင်လေးအသစ်စက်စက်က မက်ဆေ့ချ်တစ်စောင်ပို့လာသည်။
"ကိုယ်မင်းကိုနှုတ်ဆက်ဖို့မေ့သွားတယ်...စောစောအိပ်နော်"
ရုန်ယီ ဖုန်းကိုကြည့်ကာတခစ်ခစ်ရယ်နေသည်။
ထို့နောက် ဖုန်းကိုပြန်ချကာအိပ်ရာပေါ်တွင်တခစ်ခစ်ရယ်ပြီးထပ်လှိမ့်နေပြန်သည်။
လောကကြီးကအလွန် အံ့ဩဖွယ်ကောင်းနေသည်။ သူ့ဘဝကအလွန်လှပနေသည်။
သူ့မျက်နှာကိုအုပ်ထားစဉ်တွင် သူသည်ချန်းခယ့်ယောင်အနံ့ကိုရနေသည့်အလားထင်ယောင်ထင်မှားဖြစ်နေသည်။
ယခုခေတ်တွင် ဖယ်ရိုမုန်းထိန်းချုပ်ဆေးများကိုကာလရှည်ထိုးနှံ၍ရသည်။ လူပျိုတစ်ယောက်အနေဖြင့် ရုန်ယီသည် Alpha တစ်ယောက်၏မည်သည့်ဖယ်ရိုမုန်းအနံကိုမဆိုရနိုင်နေခြင်းမှာ ကြုံတောင့်ကြုံခဲပင်။ ချန်းခယ့်ယောင်၏ ဖယ်ရိုမုန်းအနံကအလွန်နည်းသော်ငြား ရုန်ယီအပေါ်သက်ရောက်နေသေးသည်။
သို့ထိတိုင် သူ၏အထူးအဆင့်အကြောင်းအရင်းက ဖယ်ရိုမုန်းအနည်းငယ်လေးကြောင့်ပင်မဟုတ်မှန်းယုံကြည်သည်။
သူ့ပျော်ရွှင်မှုက နှလုံးသားအောက်ခြေမှဖြစ်သည်။
ချန်းခယ့်ယောင်ကသူ့ကိုတကယ်ချစ်နေသည်။ ထို့ကြောင့်ပင် ချန်းခယ့်ယောင်ကိုယ်က သတိရှိနေလျက်နှင့်ပင်ထိုသို့သောအနံ့မျိုးကိုထုတ်နိုင်ခဲ့သည်။ Alpha တစ်ယောက်ကသူ့ဘဝ၏အချစ်ကိုတွေ့သည့်အချိန်မှထိုအတိုင်းဖြစ်လာတတ်သည်။ အသိတရားနှင့်ထိန်းချုပ်မရသည့်ဗီဇနှင့်ပိုမိုဆင်တူသည်။
ရုန်ယီ ချန်းခယ့်ယောင်ကိုနားလည်သည်၊ အနှီချောမောလှသည့် Alpha သည် ရင်ထဲကနေသူ့ကိုမှတ်သားထားချင်နေသည်။
သူတို့၏စိတ်ခံစားချက်ပိုင်းဆိုင်ရာ အုတ်မြစ်အရပြောရန်စောသေးသည့်တိုင် သူတစ်ဖက်သက်စိတ်ဝင်စားနေသူကသူ့အပေါ် ဆန္ဒရှိနေခြင်းမှာ ပျော်စရာကောင်းနေသေးသည်။
သူခိုးကဘယ်လိုမျိုးသူနှင့်ချန်းခယ့်ယောင်ကို ယခုအချိန်မှာအတူရှိနေစေခဲ့မှန်းမသိသော်ငြား သူအဆိုပါသူခိုးကိုဆုချချင်သည်။
ရေချိုးပြီးသည့်နောက် တည်ငြိမ်နေခဲ့သည့်ရုန်ယီမှာအရှုံးအမြတ်ကိုတွေးတောရင်း ဒယိမ်းဒယိုင်စဖြစ်လာသည်။
သူအချစ်စစ်နောက်လိုက်နေချိန်က အခက်အခဲပေါင်းများစွာဖြတ်ကျော်ခဲ့ရသည်၊ ရုတ်တရက်ပျော်ရွှင်မှုဖြစ်ရပ်များက သူ့ထံရိုက်ခတ်လာသည့်အခါသူ့ကိုယ်သူယုံကြည်မှုများပျောက်ဆုံးသွားခဲ့ခြင်းကိုမတတ်နိုင်ခဲ့ပေ။
တွေးတောကြည့်ရပါက ချန်းခယ့်ယောင်ကရုန်ယီကိုကောင်းကောင်းမသိသည့်အကြောင်းဝန်ခံခဲ့သည်။ သူတို့သည်ဆက်ဆံရေးအစပိုင်း၌ပင်နှစ်ယောက်လုံးမြင်မြင်ချင်းချစ်မိသွားခဲ့ကြသည်။ ချန်းခယ့်ယောင်မှာလည်းရုန်ယီကဲ့သို့မသေချာမှုများရှိခဲ့၏။ သူသည်ရုန်ယီထံမှအငြင်းခံရလိမ့်မည်ဟုတထစ်ချလက်ခံထားခဲ့သည်။
သို့သော် ၎င်းကအဓိပ္ပါယ်မရှိလှ။ သူသည်မည်မျှပင် Alpha နှင့်တူသည်ဖြစ်စေ၊ ရုန်ယီသည်သာမန်အလှအပစံနှုန်းရှိသည့် Omega အရိုင်းလေးတစ်ယောက်ပင်။ ချန်းခယ့်ယောင်က Omega တစ်ယောက်၏သေစေလောက်သောဆွဲဆောင်မှုကိုမသိခဲ့သေလာ? ။
ချန်းခယ့်ယောင်အနားက Omega တွေအကုန်လုံးမျက်စိကန်းနေတာများလား?
ခေတ္တခန့် အတွေးထဲနစ်မြုပ်နေပြီးနောက် သူကြောက်မက်ဖွယ်ထင်မြင်ချက်တစ်ခုကိုရုတ်တရက်ရလိုက်သည်။
ချန်းခယ့်ယောင်ကသူ၏မှတ်ပုံတင်ကိုမြင်ဖူးထားပြီးသော်လည်း သူ့ဘက်မှချန်းခယ့်ယောင်မှတ်ပုံတင်ကိုမမြင်ဖူးသေးပေ။ ချန်းခယ့်ယောင်ကသူ့လိုပဲနောက်ထပ် Omega ဖြစ်နေနိုင်လား?
သူ၏အတွေးများလျှင်မြန်မှုကထိတ်လန့်ဖွယ်ကောင်းလာသည်၊ ရုန်ယီသူ့ဖုန်းကိုထုတ်ပြီးချန်းခယ့်ယောင်၏ကိုယ်ရေးအချက်အလက်ကိုစစ်ဆေးလိုက်သည်။
ချန်းခယ့်ယောင်ကအခြားသူများကဲ့သို့ ဒုတိယမြောက်လိင်အမျိုးအစားကိုမပြခဲ့သည့်အကြောင်း သူသတိမထားမိခဲ့ပေ။
သူပိုတွေးလေ၊ ပိုထိတ်လန့်လာလေပင်။ တစ်ဆက်တည်း သူ့စိတ်ထဲမှဆန်းကြယ်သည့်အကြံအစည်များပေါ်ထွက်လာသည်။ အချို့ Omega များမှာ သူ၏ဒုတိယမြောက်လိင်အမျိုးအစားကိုသိပြီးသည့်နောက် ရုန်ယီနှင့်ဆက်ပတ်သက်နိုင်သေးသည်မှာ အံ့ဩစရာမဟုတ်တော့ပေ။ ချန်းခယ့်ယောင်ကတကယ် Omega ဆိုပါက သူနှင့်လမ်းခွဲရန်သတ္တိရှိမလား ရုန်ယီသေချာမသိ။ မည်သို့ပင်ဖြစ်စေ Omega နှစ်ယောက်ကအနာဂတ်တွင်အတူတကွရှိနေရန်မှာမဖြစ်နိုင်ပေ။ သူတို့အိပ်ရာထဲတွင် ပျင်းရိလေးတွဲစွာလှဲလျောင်းကြလျှင်ပင်ပျော်ရွှင်မှုကိုရှာဖွေနိုင်မည်မဟုတ်။
ကံကောင်းစွာနှင့်ရုန်ယီသည် သူ့ခန့်မှန်းချက်များထဲမှဖြစ်နိုင်ချေအနည်းငယ်ကိုရှာတွေ့သွားသည်။
အနည်းဆုံး ချန်းခယ့်ယောင်က Beta ဖြစ်နေခဲ့လျှင်ပင်ရုန်ယီလက်ခံနိုင်သေးသည်။ ထို့အပြင် ချန်းခယ့်ယောင်က Alpha ဖယ်ရိုမုန်းများထုတ်လွှတ်လိုက်ချိန်ဆိုလျှင်သန့်စင်သည့် Alpha တစ်ယောက်နှင့်တူသည်။
၎င်းက ချန်းခယ့်ယောင်တစ်ယောက်သူ့ရှေ့မှာအမြဲယုံကြည်မှုများမရှိဖြစ်နေသည့်အကြောင်းကိုရှင်းပြပြီးသားဖြစ်စေသည်။ Omega အများစုကလည်း Alpha များနှင့် ဒိတ်လုပ်ချင်ကြသည်လေ။
သူ၏မျှော်လင့်ချက်များကိုလျှော့ချလိုက်ပြီးနောက် ရုန်ယီတဖန်ပျော်ရွှင်လာပြန်သည်။
သူသည်အချစ်ရေးတွင်ကံကောင်းစေကာမူ အလုပ်တွင်တော့ကံမကောင်းလှပေ။
သူပထမဆုံးအလုပ်ရှင်ကိုပေးရမည့် အရင်ကတာဝန်ယူထားသောပရောဂျက်မှာ ကိရိယာအခိုင်အလုံကိုပြင်ဆင်ပြီးသွားခဲ့သည်။ သူမသိလိုက်သည်က ၎င်းတို့မှာရုတ်တရက်စိတ်ပြောင်းသွားကြခြင်းပင်။
ထိုအရာကပထမဆုံးပရောဂျက်မန်နေဂျာဖြစ်သည့် ရုန်ယီအတွက် အကြီးအကျယ်ခေါင်းကိုက်စေသည်။
သူ၏အဖွဲ့ဝင်များအတွင်း တရားလိုများ များပြားလာသည့်အခါရုန်ယီမှာကျည်ဆံကိုက်ပြီး အလုပ်ရှင်နှင့်ဆွေးနွေးရန်သွားရတော့သည်။
သို့သော် ရလဒ်ကကျေနပ်လောက်စရာမဟုတ်ခဲ့ပေ။ အလုပ်ရှင်ဘက်မှမန်နေဂျာအသစ်က ပရောဂျက်တွင်လက်မှတ်ထိုးထားခဲ့ပြီးပြီ၊ ထိုသူသည်စိတ်ကူးယဉ်လွန်အားကြီးပြီး စနစ်အတိအကျမရှိ။ အဆိုးဆုံးက၎င်းသည် သူ့ဘက်သူယက်ပြီးပေးလာသည့်ဘယ်လိုအကြံကိုမှလက်မခံချင်ပေ။
သူမန်နေဂျာအသစ်ဖြင့်ဆွေးနွေးပြီးနောက်တွင် ရုန်ယီအတော်လေးဒေါသထွက်နေခဲ့သည်။
ထိုနေရာတွင်ရှိနေသည့် လျိုယွမ်က ရုန်ယီကိုအစတွင်ရှောင်နေသေးသည်။ အစည်းအဝေးပြီးနောက် ရုန်ယီတစ်ယောက် မျက်မှောင်ကျုံ့ပြီးခါးသီးနေသည့်အမူအရာကိုမြင်ရမှာ သူရုန်ယီထံလျှောက်သွားပြီးသူ့နည်းသူ့ဟန်ဖြင့်နှစ်သိမ့်သည်။
"ငါအဲဒီမြည်းကတုံးကိုငတုံးလို့ထင်ရင်တောင်လေ...မင်းကိုတော့ပြောဆိုမနေဘူး"
ရုန်ယီကဘေးတွင်ဘယ်သူမှရှိမနေသည့်အချိန် သူ့ကိုတိုးတိုးလေးကပ်ပြောသည်။
"ခံစားရတာမင်းတစ်ယောက်တည်းမဟုတ်ပါဘူး...ငါတို့အားလုံးလည်းအချိန်ပိုဆင်းရတော့မှာလေ...အဲဒါတကယ်စိတ်ရှုပ်ဖို့ကောင်းတယ်"
ရုန်ယီကသူ့ကိုစိတ်ပျက်နေသည့်မျက်နှာဖြင့်ကြည့်သည်။
"အဲဒီတော့..မင်းကမကူညီနိုင်တော့ဘူးပေါ့?"
လျိုယွမ်ကတုံ့ပြန်သည်။
"နည်းနည်းတော့ခက်မယ်..ဒါပေမဲ့မင်းသူ့ခေါင်းပေါ်အထုပ်ကြီးသွားတင်ချင်ရင်တော့ငါကြည့်ထားလိုက်မယ်"
ရုန်ယီမရယ်ဘဲမနေနိုင်တော့ပေ။
"မင်းကတကယ်ကိုအားမကိုးရတာပဲ"
လျိုယွမ်ကရုန်ယီနည်းတူ ဓာတ်လှေကားအထိလျှောက်လာစဉ် ရုန်ယီသည်ချန်းခယ့်ယောင်ထံမှ အလုပ်ဆင်းလျှင်ညစာအတူစား၍ရမရမေးလာသည့်မက်ဆေ့ချ်တစ်စောင်ရလိုက်သည်။
၎င်းကြောင့်ရုန်ယီစိတ်အာရုံထွေပြားသွားသည်။
သူနာကျင်စွာဖြင့်စာပြန်လိုက်သည်။
"ကျွန်တော်ဒီညအချိန်ပိုဆင်းရမယ်"
ဓာတ်လှေကားက မြေညီထပ်ပင်မရောက်သေး၊ ရုန်ယီနောက်ထပ်မက်ဆေ့ချ်တစ်စောင်ရလိုက်သည်။
"ကိုယ်မင်းကိုစောင့်နေမယ်"
ရုန်ယီ၏တုံ့ပြန်မှုက လျိုယွမ်ကိုသိချင်စိတ်အပြင်းအထန်ဖြစ်စေသည်။
"မင်းဘယ်သူနဲ့ပြောနေတာလဲ?...ကြည့်စမ်းပါဦး...မျက်မှောင်ကြုတ်ပြီးပြုံးနေလိုက်တာများ...မင်းငါပြောနေတာကိုသိလား?"
သူ့စကားကိုကြားသည့်အခါ ရုန်ယီခေါင်းမော့ပြီးပိုကြီးမားသည့်အပြုံးကိုပေးလိုက်သည်။
နောက်ဆုံးတော့ သူထုတ်ကြွားနိုင်မည့်အခွင့်အရေးရပြီ။ သူတစ်နေ့လုံးအလုပ်လုပ်ထားခဲ့ရ၍ စိတ်ရောကိုယ်ပါပင်ပန်းနေခဲ့ပြီး ထိုအတွက်အခွင့်အရေးမရခဲ့ပေ။
သူဂရုမစိုက်သလိုဟန်ဆောင်နေစဉ်မှာ နှုတ်ခမ်းထောင့်စွန်းများပင့်တက်သွားခြင်းကို ကာကွယ်ထားရန်ကြိုးစားရသည်မှာခက်ခဲလွန်းသည်။
"ငါ့ကောင်လေးလေ"
မျှော်လင့်ထားသည့်အတိုင်း လျိုယွမ်အံ့ဩသွားသည်။
"မင်းကောင်လေး?"
လျိုယွမ်ကမေးလာပြန်သည်။
"ဘယ်တုန်းကဖြစ်သွားတာလဲ?"
ရုန်ယီကပြန်ဖြေသည်။
"မကြာသေးပါဘူး"
တကယ်တွင် သူနှင့်ချန်းခယ့်ယောင်တို့ကသူတို့ဆက်ဆံရေးကိုမနေ့ညကမှ အတည်ပြုခဲ့ကြသည်၊ သို့ထိတိုင် ရုန်ယီကပြောလိုက်ပြီးသူ့ကိုယ်သူလူရမ်းကားအဖြစ်မခံချင်ပေ။
လျိုယွမ်ကဘယ်လိုမှတ်ချက်မှမပေးသော်ငြား သူစိတ်သက်သာရာရသွားပြီး သိသိသာသာစိတ်အေးသွားရသည်။
ထို့နောက် သူယခင်ကအတိုင်းရုန်ယီပုခုံးကိုပုတ်ပေးပြီးပြောလိုက်သည်။
"မင်းအားလုံးအဆင်ပြေဖို့ငါမျှော်လင့်တယ်"
သူ့ကိုပြုံးပြရင်း ရုန်ယီသက်ပြင်းချလိုက်သည်။
"ဟိုမြည်းကတုံးစိတ်ကုန်သွားပြီးရင်ပေါ့ကွာ"
သူအလုပ်များနေသည်ကိုပင် အချစ်တွင်ပျော်ဝင်နစ်မြုပ်နေခြင်းကရုန်ယီ ကောင်းချီးပေးခံရသလိုခံစားနေရသေးသည်။
အဆုံးတွင် သူတို့နှစ်ယောက်ညစာစားရန်အခွင့်အရေးမရခဲ့ပေ။ ထို့ကြောင့် ချန်းခယ့်ယောင်ကညစာဝယ်လာပြီးရုန်ယီ့ထံကိုယ်တိုင်လာပို့ပေးသည်။ ရုန်ယီစားသောက်ဆိုင်မှမှာစားနိုင်သည်ဟုတွေးမိခဲ့သည်၊ သူ့ကောင်လေးလာပို့သည့်အစားအသောက်က အရသာပိုရှိနေခဲ့သည်။
ရုန်ယီ သူ့ချစ်သူကောင်လေးကိုရုံးအနှံ့လိုက်ပြချင်သည်။ သို့သော် ၎င်းက အလွန်မြင့်မားသည့်ပုံရိပ်ဟုသူခံစားရသည်။ သူရှက်လွန်း၍ ထိုအကြံကို လက်လျှော့လိုက်သည်။
ချန်းခယ့်ယောင်ကထွက်သွားရန် နှေးတိနှေးကန်ဖြစ်နေသည်၊ ရုန်ယီနှင့်သူ ကုမ္ပဏီတံခါးဝကိုတရင်းတနှီးလက်ချင်းတွဲသွားပုံက ထူးဆန်းနေသည်။
"ရှင်တို့နှစ်ယောက်က လိင်တူချစ်သူတွေနဲ့တူတယ်"
ဧည့်ကြိုကောင်တာက Beta မိန်းကလေးမှာမျက်မြင်သက်သေအဖြစ်ပြောလိုက်သည်။
ရုန်ယီလက်များကိုဖြန့်ကားလိုက်ပြီးပြောလိုက်သည်။
"ငါတို့တွေမဟုတ်ဘူးဆိုတာသိနေသရွေ့ရပြီ"
သို့သော်ငြား ချန်းခယ့်ယောင်က Alpha သို့မဟုတ် Beta ဆိုသည့်သူ၏သံသယအတွက် ရုန်ယီသည်အခွင့်အရေးရှာပြီးသွယ်ဝိုက်မေးမြန်းသင့်သည်ဟုခံစားနေရသည်။
သူရုံးခန်းပြန်ရောက်လာသည့်အခါ ကြိုးစားနေသောလုပ်ဖော်ကိုင်ဖက်များအကြား သူတစ်ယောက်တည်းကသာပျော်ရွှင်စွာသီချင်းညည်းနေခဲ့သည်။ ယခု သူကသာစိတ်ရှုပ်စရာကောင်းလာသလိုပင်။
ပျော်ရွှင်ရသည့်ရက်များပြီးသွားသည့်နောက် ရုန်ယီသည်သူ့လုပ်ဖော်ကိုင်ဖက်များထက်ပင်ပိုစိတ်ဓာတ်ကျသွားသည်။
ရုန်ယီသည် သူတို့နှစ်ယောက်လက်ထပ်ရန်နောင်တရနေချိန်မှ ဆက်ဆံရေးကိုအတည်ပြုခဲ့မိသည်။ ရုန်ယီကသည်ရက်ပိုင်းအလုပ်များနေခဲ့သောကြောင့် မက်ဆေ့ချ်တစ်စောင်ပို့ရန်ပင်အနိုင်နိုင်ပင်။ ၎င်းကအလွန်ကိုလူမဆန်သည့်လုပ်ရပ်။ သူသည်စိတ်မကောင်းဖြစ်ရ၍ ချန်းခယ့်ယောင်ကိုသူ့အတွက်ညတိုင်း ညစာယူလာခိုင်းသည်။ သို့သော် ချန်းခယ့်ယောင်ကသူ့အတန်းများကြောင့် ရုန်ယီကိုညစာကောင်းကောင်းစားရန်ပြောသည်၊ ရုန်ယီသည်အပြင်းအထန်စိတ်သောကရောက်သွားသည်။
ရုန်ယီ သူ့အလုပ်ထဲစိတ်ပြန်နှစ်လိုက်သည်တွင် ရုန်ယီသည် အဆိုပါငပိန်းကောင်မြည်းကတုံးကို ပျစ်ပျစ်နှစ်နှစ်ဆဲရေးလိုက်ပြီး သူတို့တကယ်အနှီမြည်းကတုံးခေါင်းပေါ်သို့ အိတ်ကြီးတစ်အိတ်ပစ်တင်သင့်သည်ဟုယူဆကြသည်။
လျိုယွမ်တောင့်တင်းသွားသည်။
"ငါဘာလို့မင်းလုံးဝအခြားလူတစ်ယောက်ဖြစ်သွားသလိုခံစားနေရတာလဲ?"
သူဆက်ပြောလာသည်။
"မင်းကအမြဲအေးဆေးတဲ့လူလို့ငါထင်ခဲ့တာပါ"
ရုန်ယီရှက်သွားသည်။
သူအမြဲအေးဆေးဟန်ဆောင်ခဲ့ခြင်းက လျိုယွမ်သူ့အပေါ်အမြင်ကောင်းစေချင်၍ပင်။ သူလျိုယွမ်အပေါ်ရှိခဲ့သည့်ခံစားချက်များပျောက်သွားတည်းက သူ၏တစ်ဖက်သက်ချစ်ခဲ့ဖူးသူတစ်ယောက်အရှေ့တွင်ပုံစံအမှန်ကိုချပြနေခဲ့သည်။
အခု ချန်းခယ့်ယောင်နှင့်မျက်နှာချင်းဆိုင်မှရုန်ယီက လုံးဝအေးဆေးသူဖြစ်သွားသည်။
သူအခြားလူတစ်ယောက်အဖြစ်ဟန်ဆောင်ခြင်းကိုမနှစ်သက်၊ သူချစ်ရသည့်လူတစ်ယောက်ရှေ့တွင် အလွန်အမင်းစိတ်လှုပ်ရှားနေခြင်းကိုဖြင့်မတတ်နိုင်ပေ။
သူအလွန်ပင်ပန်းမှုကိုခံစားရသည်။ ယခုသူသည်ပင်ပန်းရန်အခွင့်အရေးမရ။ ရုန်ယီမှာ ခါးသက်နေမှုကိုသာခံစားရသည်။
.
သူညတိုင်းအချိန်ပိုဆင်းသည့်တိုင် အချိန်ဇယားကိုမမီနိုင်သောကြောင့်ရုန်ယီသည် အလုပ်ရှင်၏ကုမ္ပဏီကိုတိုက်ရိုက်သွားရန်ဆုံးဖြတ်လိုက်ပြီး သူ့ဒေါသများကိုဖိနှိပ်၍ မြည်းကတုံးကိုစည်းရုံးနိုင်ရန်ကြိုးစားသည်။
သို့သော် တစ်ဖက်အလုပ်ရှင်ကရုန်ယီအတွက်လုပ်ငန်းသဘောအရသူဌေးဖြစ်သည်။ အစတွင် ရုန်ယီသည်စိတ်ကိုဆွဲဆန့်ပြီး သူနှင့်စကားကောင်းကောင်းပြောနေခဲ့သေးသည်။ နောက်ဆုံး သူထိုသူကိုသည်းမခံနိုင်တော့ဘဲ စာရေးစားပွဲခုံကိုထုရိုက်ပြီးအကြီးအကျယ်သတ်ပုတ်ကြတော့သည်၊ ရန်ပွဲကလူအများအပြားကိုလာကြည့်စေရန်ဆွဲခေါ်ခဲ့သည်။
ရန်ပွဲအပြီးတွင် ရုန်ယီသည်အလွန်အမင်းနောင်တရသွားပြီး သူသည်လူမှုရေးခေါင်းပါးသူအဖြစ်သံသယဝင်ခံရသည်။ တစ်ချိန်တည်းမှာပင် သူသည်ပရောဂျက်တစ်ခုလုံးကိုဖျက်ဆီးမိပြီး တစ်ဖွဲ့လုံးအားဆွဲချမိမည်ကိုစိုးရိမ်သွားသည်။ သို့သော် အဆိုပါအသည်းယားဖွယ်မြည်းကတုံးကမူလပုံစံအပေါ်အခြေခံကာ နှစ်ပတ်အချိန်ထပ်ပေးပြီးလျှော့ပေါ့ပေးလိုက်သည်။
ရုန်ယီကတွေဝေနေပြီး ထိုမြည်းကတုံးကနည်းနည်းမဆီလျော်သလိုခံစားရသည်။ ပုံမှန်အရ ထိုသူကပထမသူလက်ခံထားသည့်အတိုင်းတသမတ်တည်းလုပ်စေချင်သည့်ပုံစံဖြစ်သည်။
သူသတင်းကောင်းသယ်ပြီးပြန်လာသည့်အခါ သူ့ချစ်သူကောင်လေးကိုအရင်ပြောပြချင်ခဲ့သည်။ ထို့နောက် သူလျိုယွမ်ထံမှဖုန်းလက်ခံရခဲ့သည်။
"မင်းကတုံးလိုက်တာကွာ"
လျိုယွမ်ကရယ်လျက်ပြောသည်။
"အဲဒီမြည်းကတုံးကမင်းကိုမျက်စိကျနေတာ"
ရုန်ယီ ကြောက်လွန်း၍တုန်တက်သွားသည်။
"မင်းငါ့ကိုလာနောက်နေတာလား?"
ထိုမြည်းကတုံးက ရုပ်ဆိုးပြီးတဏှာကြီးသည်။ ရုန်ယီထက်အသက်နှစ်ဆခန့်ကြီးနိုင်သည်။ ရုန်ယီက သူ၏ဒုတိယမြောက်လိင်အမျိုးအစားကိုလည်းမမေးချင်ပေ။
အခု မြည်းကတုံးကသူ့ကိုသူဌေးကတော်ဖြစ်စေချင်နေတာလား? အဲဒီလူကသူများဒုက္ခရောက်တာကိုကြည့်ရတာကြိုက်တဲ့လူမျိုးလား?
"သူကမင်းကိုသူ့တူနဲ့မိတ်ဆက်ပေးချင်နေတာ"
လျိုယွမ်အသံကပျော်ရွှင်နေသယောင်ဖြစ်သည်။
"သူနောက်တစ်ခါမင်းနဲ့တွေ့ရင်အဲဒီအကြောင်းပြောလိမ့်မယ်လို့ငါလောင်းရဲတယ်...မင်းပြင်ဆင်ထားလိုက်တော့!"
"သူ့တူက Alpha လား?"
"....."
"ကျိန်းသေဘယ်ဟုတ်ပါ့မလဲ"
"သူပြောတာတော့မင်းလို Alpha ကပဲသူ့တူနဲ့တန်တယ်တဲ့လေ..."
"....."
"ငါမင်းကိုလက်ခံလိုက်ဖို့အကြံပေးမယ်...အနည်းဆုံးတော့မင်းသူ့တူကိုသွားတွေ့သင့်တယ်"
လျိုယွမ်ကသူ့ကိုစနေသည်။
"အဲဒီမြည်းကတုံးကအပြောင်းအလဲမြန်တယ်နော်...သူစိတ်ပြောင်းသွားတယ်ဆိုရင်ငါတို့ပွဲပြီးပြီ...ငါတို့အတွက်မင်းကိုယ်မင်းစတေးပေးလို့ရမလား"
Xxxxxxxx
