Chapter 7
ဖော်မပြနိုင်သော ထူးဆန်းသည့် ခံစားချက်တစ်ခုက ရုန်ယီ၏နှလုံးသားထဲတွင် ပျံ့နှံ့လာသည်။
သူသည် မျက်ခုံးကြုံ့၍ စပရေးပုလင်းကို ချန်းခယ့်ယောင် မြင်နိုင်ရန် လှည့်ပြလိုက်ပြီး ပြောသည်။
"အယ်လ်ဖာ သီးသန့်လို့ ရေးထားတယ်"
"ဟုတ်တယ်လေ"
ချန်းခယ့်ယောင်သည် ရုန်ယီ ဆိုလိုချင်သည့်အဓိပ္ပါယ်ကို သဘောမပေါက်ပေ။
"ဘာဖြစ်လို့လဲ"
"ငါ့အတွက်ရော အလုပ်ဖြစ်မှာလား"
ရုန်ယီက မေးသည်။
ထို့နောက် ချန်းခယ့်ယောင်သည် ပို၍ စိတ်ရှုပ်ထွေးလာကာ
"ကိုယ် သုံးပြီးသားကြီးဖြစ်နေလို့ မကြိုက်တာလား"
ဤကဲ့သို့ ခန္ဓာကိုယ်ကို ဖြန်းရသော ဆေးမျိုးသည် အရေပြားနှင့် ထိတွေ့ရန် မလိုအပ်ပေ။ ထို့အပြင် တံတွေးချင်းပင် ဖလှယ်ဖူးသည့် ဆက်ဆံရေးရှိသူနှစ်ဦးအတွက် တူညီသော ဖြန်းဆေးကို အတူ အသုံးပြုရန်မှာ ကြီးမားသော ပြဿနာတစ်ခုလည်း မဟုတ်ပါ။
ရုတ်တရက် ရုန်ယီ တစ်ခုခု မှားနေပြီဟု ခံစားလိုက်ရသည်။ သို့သော် မည်သည့်နေရာက မှားနေမှန်း သူ မပြောတတ်ပေ။
“သေချာပေါက် မဟုတ်ဘူးပေါ့”
"ဒါပေမယ့် အယ်လ်ဖာအတွက် ထုတ်ထားတဲ့ စပရေးကို ငါ သုံးလို့ရပါ့မလား"
ချန်းခယ့်ယောင်ကလည်း ရုန်ယီ ပြောသည့်စကားကို နားမလည်သလို ကြောင်တောင်တောင်ဖြင့် တွေဝေစွာ ငေးကြည့်နေသည်။
ချန်းခယ့်ယောင်၏တုံ့ပြန်မှုကို မြင်လိုက်ရသောအခါ အိုမီဂါ အဖြစ် ပြောင်းလဲလာပြီးနောက်ပိုင်း အကြိမ်ပေါင်း တစ်သန်းလောက် အယ်လ်ဖာ ဟု ထင်မှားခံခဲ့ရသော ရုန်ယီမှာ နှလုံးသွေးများ ရပ်တန့်သွားလေသည်။ ထို့နောက် သူ၏စိတ်ထဲတွင် အလွန် ဆိုးရွားသော နိမိတ်တစ်ခု ပေါ်လာသည်။
“ငါ မေးချင်တာက ဒီဟာက အိုမီဂါအတွက်ရော ထိရောက်မှုရှိလား”
သူ၏စကားကို ကြားလိုက်သောအခါ ချန်းခယ့်ယောင်သည် ပါးစပ်အဟောင်းသားဖြင့် တစ်ခွန်းမှမပြောဘဲ ရုန်ယီကို ကြည့်လျက် ငြိမ်ကျသွားသည်။
“အယ်လ်ဖာအတွက် ထိန်းချုပ်ဆေးက ငါ့အတွက်တော့ အလုပ်ဖြစ်မယ် မထင်ဘူး”
ချန်းခယ့်ယောင်သည် ရုတ်တရက် မပြုံးလိုက်မီ သူ၏မျက်လုံးများကို နားလည်ရခက်စွာ ပုတ်ခတ်ပုတ်ခတ် လုပ်လိုက်သည်။ ထို့နောက် သူသည် ရုန်ယီ၏ နှာခေါင်းကို ပွတ်သပ်ကာ ပြောလိုက်သည်။
"ကိုယ့်ကိုနောက်မနေပါနဲ့တော့ကွာ"
ထိုစကားကြောင့် ရုန်ယီ အံ့အားသင့်သွားလေသည်။ ထို့နောက် သူသည် ခက်ခက်ခဲခဲဖြင့် ပါးစပ်ကို ဟကာ
"မင်းက... ငါ့ကိုလည်း အယ်လ်ဖာတစ်ယောက်လို့ ထင်နေတာလား"
ရုန်ယီ အခုလေးတင် ပြောလိုက်သော စကားကြောင့် ချန်းခယ့်ယောင်၏ မျက်နှာမှာ အေးခဲသွားသည်။
သူသည်လည်း ချန်းခယ့်ယောင်အား အိုမီဂါ တစ်ယောက် ဟု သံသယဝင်မိလုနီးပါး ဖြစ်ခဲ့ပါသည်။ သို့သော် ချန်းခယ့်ယောင် ကိုင်ဆောင်ထားဆဲဖြစ်သည့် အဆိုပါ ထိန်းချုပ်ဆေးပုလင်းက ရုန်ယီ၏ ခန့်မှန်းချက်ကို လွဲမှားစေခဲ့သည်။
ရုန်ယီသည် အတော်လေး စိတ်ရှုပ်ထွေးနေသော အကြည့်ဖြင့် ပါးစပ် ပိတ်နေသည်ကို မြင်သောအခါ ချန်းခယ့်ယောင်က သူ့ကို အကဲခတ်၍ မေးလိုက်သည်။
"မဟုတ်ဘူးလား"
လောလောဆယ်တော့ ရုန်ယီသည် သူ၏မျက်နှာတွင် မည်သည့် အမူအရာမျိုး ဖော်ပြရမည်မှန်းပင် မသိပါ။
ချန်းခယ့်ယောင်၏ မျက်နှာပေါ်ရှိ အကြည့်များက တစ်စုံတစ်ခုကို သတိရရန် ကြိုးစားနေပုံပေါ်သည်။ အချိန်အတော်ကြာပြီးနောက် သူက မျက်ခုံးများကို တွန့်ကာ ပြောလိုက်သည်။
"မင်းကဘီတာလား?"
တကယ်တော့ ရုန်ယီသည် သူ၏ WeChat ရှိ ကိုယ်ရေးကိုယ်တာအချက်အလက်များတွင် သူ၏ ဒုတိယလိင်အမျိုးအစားကိုလည်း မှတ်တမ်းတင်ထားကြောင်း ဖော်ပြလိုခြင်း ဖြစ်ပါသည်။ သို့သော် ချန်းခယ့်ယောင်က ၎င်းကို သတိမထားမိပုံရလေသည်။ ထို့ကြောင့် ရုန်ယီသည် ထိုစကားများကို မျိုချလိုက်ရ၏။
ထို့နောက် ရုန်ယီသည် သူ၏ အိတ်ကပ်ထဲမှ ID ကတ်ကို ထုတ်လိုက်ပြီး ချန်းခယ့်ယောင်ရှေ့တွင် ပြလိုက်သည်။
"ငါ မင်းကို နောက်နေတာမဟုတ်ဘူး။ ငါသာ တကယ် အယ်လ်ဖာတစ်ယောက်ဆိုရင် ငါ့ရဲ့အနံ့ကို မင်း ဘာလို့ ခံစားရမှာလဲ"
ချန်းခယ့်ယောင်သည် အမြဲ စိုးရိမ်တကြီးဖြင့် ရုန်ယီသည် သူ၏ ပရိုမုန်းကြောင့် နေရအဆင်မပြေဖြစ်ခြင်း ရှိမရှိ အကြိမ်ကြိမ် မေးခဲ့သည်မှာ အံ့သြစရာတော့ မဟုတ်ပေ။
အယ်လ်ဖာများသည် ၎င်းတို့၏ အနံ့နှင့်ပတ်သက်၍ ထိခိုက်လွယ်တတ်ကြပြီး သူတို့ ထိုအနံ့ကို အမှန်တကယ် ရှုရှိုက်မိပါက မသက်မသာ ဖြစ်လာနိုင်ပေသည်။ ထို့ကြောင့် ၎င်းတို့၏ကိုယ်ပိုင် ပရိုမုန်းကို အခြား အယ်လ်ဖာထံ ထုတ်လွှတ်ခြင်းသည် ရန်စသည့် လုပ်ရပ်နှင့် ပို၍ တူညီသည်။
"ငါက အယ်လ်ဖာ တစ်ယောက်လို့ မင်း တစ်ချိန်လုံး ယုံကြည်နေခဲ့တာလား"
ရုန်ယီ၏မေးခွန်းကို မဖြေဘဲ ချန်းခယ့်ယောင်သည် အသက်ပြင်းပြင်းသာ ရှူလိုက်မိ၏။ ထို့နောက် သူ၏မျက်နှာမှာ ရုတ်တရက် ဖြူဖျော့သွားလေသည်။
အယ်လ်ဖာတိုင်းအတွက် ဆွဲဆောင်မှုရှိသည်ဟု ယူဆရသည့် ရုန်ယီ၏ ပရိုမုန်းအနံ့မှာ အလုံပိတ်ထားသောနေရာလေးတွင် ရှိနေပါသေးသည်။ သို့သော် ထိုရနံ့အား မွှေးပျံ့သည်ဟု ရုန်ယီကို ပြောခဲ့ဖူးသော ချန်းခယ့်ယောင်သည် ရုတ်တရက် လှည့်၍ ကားတံခါးကို ကြမ်းတမ်းစွာ ဖွင့်လိုက်ပြီးနောက် ကားပေါ်မှ ဆင်းကာ ကားပါကင်ထောင့်သို့ ပြေးသွားသည်။ ထို့နောက်တွင် သူသည် နံရံကိုမှီလျက် ကိုယ်ကို ကိုင်းညွတ်ထား၏။
ကားထဲ၌ ရှိနေဆဲဖြစ်သော ရုန်ယီမှာ လုံးဝ နားလည်ရခက်သွားလေသည်။ တခဏမျှ တုံ့ဆိုင်းနေပြီးနောက် ကားပေါ်မှ ဆင်းကာ နောက်မှ လိုက်သွားသည်။ သူ အနားသို့ ရောက်သွားသောအခါ ချန်းခယ့်ယောင်က နောက်ဆုတ်သွားသည်ကို တွေ့လိုက်ရ၏။
အမှန်မှာ ရုန်ယီသည် သူတို့ကြားတွင် နားလည်မှု လွဲမှားနေသည်ကို သိရှိလိုက်ရချိန်၌ အလွန်အမင်း ပျာယာမခတ်သွားခဲ့ပေ။
ချန်းခယ့်ယောင်သည် ရုန်ယီ၏ လိင်အမျိုးအစားကို မှားယွင်းစွာ သိရှိထားခဲ့လျှင်တောင်မှ သူသည် ရုန်ယီကို ချစ်နေဆဲ ဖြစ်ပါသည်။ ထို့နောက် ချန်းခယ့်ယောင်သည် ရုန်ယီ၏ လိင်အမျိုးအစား အစစ်အမှန်ကို သိပြီးနောက်တွင် ပို၍ စိတ်အေးလက်အေး ရှိသင့်ပေသည်။ အနည်းဆုံး သူတို့သည် တစ်ယောက်နှင့်တစ်ယောက်၏ ပရိုမုန်းအတွက် စိတ်ပူစရာ မလိုတော့ပေ။ ထို့အပြင် ကလေးများကို ချစ်တတ်သော အယ်လ်ဖာတစ်ယောက်အနေဖြင့် အိုမီဂါလေးနှင့် ဆက်ဆံရေးရှိခြင်းက ပြဿနာများစွာကို ဖြေရှင်းပေးနိုင်ပါသည်။
သို့သော်လည်း စိတ်ပျက်မှုကို မရပ်တန့်နိုင် ဖြစ်နေသော ချန်းခယ့်ယောင်ကို မြင်လိုက်ရသောအခါတွင် ရုန်ယီသည် သူ၏စိတ်ထဲ၌ တစ်ချိန်လုံး အယ်လ်ဖာတစ်ဦးသည် အိုမီဂါတစ်ဦးနှင့်သာ ဆက်ဆံရေးရှိသင့်သည်ဟူသော ရှေးရိုးစွဲနေမှန်း သိရှိလိုက်ရ၏။
အမှန်တော့ ချန်းခယ့်ယောင်သည် ရုန်ယီကို အယ်လ်ဖာတစ်ဦး ဖြစ်နေခဲ့လျက်နှင့်တောင်မှ ချစ်မိခဲ့ခြင်း မဟုတ်ဘဲ ရုန်ယီအား အယ်လ်ဖာ ဖြစ်လိမ့်မည်ဟု ထင်မှတ်မိခဲ့သောကြောင့်သာ ချစ်ခဲ့ခြင်း ဖြစ်ပါသည်။
ဤကမ္ဘာပေါ်တွင် လိင်တူချင်းသာ နှစ်သက်နိုင်သော လူများ ရှိနေပါသည်။
၎င်းကြောင့်သာ ချန်းခယ့်ယောင်သည် ရုန်ယီထံမှ ငြင်းပယ်ခံရမည်ကို ကြောက်ရွံ့ကာ သူ့ကို အသည်းအသန် လိုက်ခဲ့ခြင်း ဖြစ်ပါသည်။ သာမာန်အားဖြင့် အယ်လ်ဖာတစ်ဦးသည် အခြား အယ်လ်ဖာထံမှ ပိုးပန်းခံရသောအခါ ဒေါသဖြစ်ပေလိမ့်မည်။
ချန်းခယ့်ယောင်သည် ညစာ မစားရသေးသောကြောင့်လားမသိ... တစ်စုံတရာမျှ အန်မထွက်လာခဲ့သော်လည်း သူ့ပုံစံက အလွန်အမင်း မသက်မသာဖြစ်နေပုံ ရသည်။
မတ်တပ်ရပ်၍ သူ၏ပါးစပ်ကို ခပ်ကြမ်းကြမ်း သုတ်ပြီးနောက် ရုန်ယီကို လှမ်းကြည့်လိုက်သည်။
ထို့နောက် သူသည် ပြောနေကျနှင့် လုံးဝ မတူကွဲပြားသော လေသံဖြင့် ပြောလိုက်၏။
“အဲဒီတုန်းက ငါ့ရဲ့ ID ကတ်ကို မင်း တစ်ချိန်လုံး စိုက်ကြည့်နေခဲ့တော့ ဓါတ်ပုံကိုပဲ ကြည့်နေတာဖြစ်မယ်လို့ ဘယ်သူက သိမှာလဲ။ နောက်ပြီး မင်း ငါ့ရဲ့လိင်အမျိုးအစားအကြောင်း ဘယ်တော့မှ မမေးခဲ့ဘူး"
“ဒီလိုခန္ဓာကိုယ်ပုံစံအမူအရာနဲ့ မင်းကို အိုမီဂါလို့ ဘယ်သူက ထင်မှာလဲ”
၎င်းကို ပုဂ္ဂိုလ်ရေးအရ ထိခိုက်စော်ကားခြင်း ဟု ခေါ်ဆိုနိုင်ပါသည်။
ရုန်ယီသည် သူ၏ဘဝတွင် အကြိမ်များစွာ အထင်လွဲမှားခြင်း ခံခဲ့ရသော်လည်း ယခုထက် ပို၍ ထိခိုက်ခံပြင်းစရာ မရှိခဲ့ပေ။
“ကိုယ့်ဟာကိုယ် အသုံးမကျဘဲ ကန်းနေခဲ့တာနဲ့ပဲ ငါ့ကို အပြစ်လာတင်နေတာလား”
တဖန် ချန်းခယ့်ယောင်သည် ပြောစရာစကားများ ပျောက်ဆုံးသွားပြီး သူ့ကိုသာ ကြည့်နေလေသည်။
ရုန်ယီသည် ရုတ်တရက် သူ့ကိုယ်သူ မှားယွင်းသွားသလို ခံစားလိုက်ရပြီး ရလဒ်အနေဖြင့် ရုန်ယီ၏အသံမှာ တိမ်ဝင်သွားပြီး ချန်းခယ့်ယောင် စိတ်ထဲတွင် ကြောက်စရာကောင်းသော အရာတစ်ခု ဝင်လာသကဲ့သို့ သူ၏မျက်နှာက ဖြူဖျော့သွားသည်။ ထို့နောက် သူသည် နံရံကို မှီကာ တစ်ဖန် ထပ်၍ အော့အန်ပြန်သည်။
သူ အရင်က အယ်လ်ဖာ အတော်များများကို ထိတ်လန့်ကြောက်ရွံ့စေခဲ့သော်လည်း အယ်လ်ဖာတစ်ဦးကို အော့အန်သည်အထိ ရှော့ခ်ရစေခြင်းမှာ ပထမဆုံးအကြိမ် ဖြစ်ပါသည်။
မိနစ်ဝက်အကြာတွင် တစ်စုံတရာမျှ အန်မထွက်နိုင်သေးသော ချန်းခယ့်ယောင်သည် ငုတ်တုတ်ထိုင်ချလိုက်၏။ ရုန်ယီသည် သူ၏ မသဲမကွဲ ဆဲဆိုသံကိုပင် ကြားလိုက်ရလေသည်။
"ငါ့ဆီမှာ ကောင်းတဲ့အရာတွေ ဘယ်တော့မှ ဖြစ်မလာဘူးဆိုတာ သိနေတယ်"
"ကျေးဇူးပြုပြီး ငါနဲ့ ဝေးဝေးမှာ နေပေးပါ။ မင်းအနံ့ကို ရတဲ့အခါ ငါ ထပ်ပြီး အန်မိလိမ့်မယ်"
ထိုစကားလုံးများကို ပြောချိန်တွင် သူသည် ခေါင်းမော့၍ ရုန်ယီအား တစ်ချက်ကြည့်ကာ သူ၏မျက်နှာပေါ်၌ ဖော်မပြနိုင်သော စက်ဆုပ်မှုများဖြင့်...
"မင်း ငါ့ကို ရင်ခွင်ထဲထည့်ပြီး နမ်းတဲ့အချိန်တုန်းက ဒီလို အန်ချင်တဲ့အမူအရာမျိုး မတွေ့ပါဘူး"
“အဲဒီအကြောင်းတွေ ပြန်မပြောစမ်းပါနဲ့၊ ငါတောင်းပန်ပါတယ်…”
သို့သော် ထိုအချိန်တွင် ရုန်ယီသည် ချန်းခယ့်ယောင်မှာ တိုက်ခိုက်ရာတွင် အလွန် ကောင်းမွန်ကြောင်း သတိရမိသွား၏။ ဤ လိင်တူနှစ်သက်သူ အယ်လ်ဖာသည် ဒေါသထွက်ကာ သူ့ကို ပြင်းပြင်းထန်ထန် ထိုးနှက်ပါက ရုန်ယီ ဘဝအဆုံးသတ်သွားလိမ့်မည်။
သို့သော်လည်း ရုန်ယီသည် ဒေါသစိတ်ကို မမျိုသိပ်နိုင်ပေးပေ။ ထို့နောက် ခြေတစ်လှမ်းဆုတ်ကာ သူ့လက်ထဲတွင် တစ်ချိန်လုံး ကိုင်ဆောင်ထားသည့် ထိန်းချုပ်ဆေးပုလင်းအား ချန်းခယ့်ယောင်၏ခေါင်းတည့်တည့်ကို လှမ်းပစ်လိုက်သည်။
ချန်းခယ့်ယောင်က အရိပ်အကဲ မြန်လွန်းသည်။ သူသည် အချိန်အတော်ကြာအောင် အော့အန်ရင်းဖြင့် မူးဝေနေပြီ ဖြစ်သော်လည်း လျင်မြန်စွာ လှုပ်ရှားကာ ပုလင်းကို ရှောင်နိုင်သေးသည်။
မြေပြင်ပေါ် ပြုတ်ကျလာသော ပုလင်းက ရှေ့သို့ လှိမ့်ကာ ပေါက်သွားသည်။
ချန်းခယ့်ယောင်က ပုလင်းကို ခေတ္တ စိုက်ကြည့်လိုက်သည်။ ထို့နောက် မတ်တပ်ရပ်၍ လျှောက်သွားကာ ခြေထောက်ကို မြှောက်၍ ထိုပုလင်းကို ပြင်းထန်စွာ ကန်ချလိုက်သည်။
ရလဒ်အနေဖြင့် ပေါက်ပြဲနေသော ပုလင်းသည် ချက်ချင်း လိမ့်ထွက်ပြီး သူတို့ရှေ့မှ ပျောက်ကွယ်သွား၏။
"...အဲ့တော့ အခုက ဘာလဲ"
ရုန်ယီသည် ချန်းခယ့်ယောင်ကို ကြည့်ပြီး
"မင်းက ငါ့ကို အယ်လ်ဖာတစ်ယောက်အနေနဲ့ပဲ ချစ်ခဲ့တာ။ အခု ငါက အိုမီဂါလို့ သိလိုက်ရတော့ မင်း စက်ဆုပ်ရွံရှာသွားလား။ အဲ့ဒါက မင်းကို အန်ထွက်ချင်စိတ်တောင် ပေါက်သွားစေတာလား"
ချန်းခယ့်ယောင်က ခေါင်းငုံ့နေပြီး သူ့ကို ပြန်မဖြေပေ။
ထို့နောက် ရုန်ယီက တစ်ဆက်တည်း မေးလိုက်သည်။
“မင်းက ငါနဲ့ လမ်းခွဲချင်နေတာလား”
"မင်းမြင်တဲ့အတိုင်းပဲ"
ချန်းခယ့်ယောင်က ပြောသည်။
"ငါ့ရဲ့ အသွေးအသားထဲက လက်မခံနိုင်ဘူး"
"သောက်ရူး"
ရုန်ယီက ဒေါသတကြီးဖြင့် အော်ပြောလိုက်သည်။
"မင်းက တကယ် သောက်ရူးကောင်ပဲ"
ချန်းခယ့်ယောင်ကလည်း သူ့စကားကြောင့် စိတ်တိုသွားကာ တုံ့ပြန်လာသည်။
"မင်းက ငါ့အပေါ် ဒီလောက်အကြာကြီး လိမ်ထားတာတောင် ငါ့ကို သောက်ရူးလို့ ခေါ်လိုက်တာလား"
"မင်းဟာမင်း ကန်းနေလို့ မမြင်နိုင်ခဲ့တာလေ"
"မင်းက အယ်လ်ဖာ မဟုတ်ဘူးလို့ ဘယ်သာမာန်လူက သိနိုင်မှာလဲ"
ချန်းခယ့်ယောင်၏လေသံက မြင့်တက်လာပြီး
"မင်း ဘီတာတစ်ယောက် ဖြစ်တယ်ဆိုရင်တောင် ငါ လက်ခံနိုင်သေးတယ်။ ဘယ်လိုလုပ်ပြီး အိုမီဂါ ဖြစ်နိုင်ရတာလဲ"
ရုန်ယီလည်း တွေးမနေတော့ဘဲ ပြောချင်ရာပြောချလိုက်လေသည်။
“မင်းက လိင်တူပဲ သဘောကျတယ်ဆိုတာကိုရော ငါ ဘယ်လိုလုပ် သိမှာလဲ။ တခြားသူတွေကို လှည့်စားနေတာ ရပ်လိုက်စမ်းပါ ဆိုက်ကိုကောင်ရဲ့”
“ဟား...”
ချန်းခယ့်ယောင်က နာကျည်းစွာ ရယ်လိုက်ပြီး
“ငါက လိင်တူနှစ်သက်တာနဲ့ပဲ လူတွေကို စိတ်ရောဂါရှိတဲ့သူ ဖြစ်သွားတာလား။ ဒီလို လူ့အဖွဲ့အစည်းထဲမှာ မင်းလို သဘောထားကျဉ်းမြောင်းတဲ့ လူတွေရှိနေသေးတယ်ဆိုတာ မယုံနိုင်ဘူး”
"ငါ့ကို အဲ့လို လာမပြောနဲ့"
ရုန်ယီက ချန်းခယ့်ယောင်ကို လက်ညှိုးထိုးပြီး အော်ဟစ်လိုက်သည်။
“ဂေးတွေက စိတ်ရောဂါရှိတဲ့သူ မဟုတ်ဘူး။ ဒါပေမယ့် မင်းကတော့ တကယ့် ဆိုက်ကိုကောင်ပဲ”
ချန်းခယ့်ယောင်၏ တုံ့ပြန်သံကို မကြားရတော့ဘဲ ရုန်ယီသည် လှည့်ထွက်ကာ ထွက်ပေါက်ဆီသို့ လျှောက်သွားသည်။
"ငရဲကို သွားသေလိုက်၊ ငါ့ဟာငါ ဒီရက်ပိုင်း ခွေးတစ်ကောင်ကိုသွားfuckနေခဲ့တာလို့ပဲ တွေးလိုက်မယ်"
ထို့နောက် ရုန်ယီရှေ့၌ အမြဲ နူးညံ့သိမ်မွေ့ခဲ့သော ချန်းခယ့်ယောင်၏ အသံက ထွက်ပေါ်လာသည်။
"ခွေးတစ်ကောင်ကို fuckတယ်? မင်း ငါ့ကို လာနောက်နေတာလား"
သူက ရုန်ယီ၏ နောက်မှ အော်ပြောလိုက်သည်။
"မင်းက fuck ရောfuck တတ်လို့လား"
“ငါ…”
ရုန်ယီ အလွန် ဒေါသထွက်သွားသည်။ သို့သော် သူသာ အငြင်းအခုံ လုပ်နေပါက ဤစိတ်ရောဂါသည်ထံမှ အထိုးခံရနိုင်သည်ကို သိနေ၏။ ရင်ဘတ်ထဲမှ တင်းကျပ်မှုများက သူ့ကို သေလုနီးပါး ဖြစ်စေသည်။ ထို့နောက် သူသည် ချန်းခယ့်ယောင်၏ ကားရှိရာဆီသို့ လျှောက်သွားကာ ပွင့်နေဆဲဖြစ်သော ကားတံခါးကို ခပ်ပြင်းပြငး ကန်လိုက်သည်။
ဆူညံသံများ ထွက်လာပြီးနောက်တွင် ကားတံခါး၌ ချိုင့်ခွက်တစ်ခုက သိသာထင်ရှားစွာ ပေါ်လာသည်။ တစ်ချိန်တည်းမှာပင် ပြင်းထန်သော အချက်ပေးသံများက နေရာအနှံ့မှ ထွက်ပေါ်လာ၏။
"မင်း ရူးနေတာလား"
ချန်းခယ့်ယောင်သည် ရုန်ယီ၏ အနောက်ဘက်မှနေ၍ ကျိန်ဆဲလိုက်၏။
ရုန်ယီက လှည့်ကြည့်ကာ အော်ပြောခဲ့သည်။
"အဲ့မေးခွန်းကို မင်းကိုယ်မင်း ပြန်မေးကြည့်"
.
ရုန်ယီသည် ထိုကန်ချက်တွင် အားများစွာ ထည့်လိုက်မိသောကြောင့် ကားပါကင်မှ ထွက်လာပြီးနောက် တက္ကစီပေါ်တွင် ထိုင်နေချိန်၌ သူ၏ခြေဖဝါးမှာ အနည်းငယ် နာကျင်နေသေးသည်။
သို့သော် ထိုနာကျင်မှုသည် သူ၏ရင်ထဲမှ ဒေါသနှင့် ယှဉ်လိုက်လျှင် မပြောပလောက်ပေ။
ဒေါသဖြစ်ရုံတင် မကပေ။ လောလောဆယ် သူ၏ခံစားချက်က ရှုပ်ထွေးလွန်းနေသည်။ နာကျည်းမှု၊ မလိုလားမှု… နောင်တများအထိ သူ့စိတ်ထဲတွင် ပြည့်ကျပ်နေသည်။
ချန်းခယ့်ယောင်ကဲ့သို့ ရူးကြောင်ကြောင်ကောင်နှင့် တွေ့ခဲ့ရသောကြောင့် သူ၏ကံကြမ္မာကို ခွေးတစ်ကောင် စားသွားခြင်း ဖြစ်ပေလိမ့်မည်။
အိုမီဂါတစ်ယောက်နှင့် မတူခြင်းက ရုန်ယီ၏အမှားလည်း မဟုတ်ပါ။ ထို့အပြင် သူ၏လိင်အမျိုးအစားကို ရည်ရွယ်ချက်ရှိရှိ ဖုံးကွယ်ထားတာမျိုးလည်း မလုပ်ခဲ့။ ထိုကိစ္စကို ချန်းခယ့်ယောင်အား အမှန်အတိုင်း ပွင့်ပွင့်လင်းလင်း ထုတ်ဖော်ပြောရန် နည်းလမ်းမျိုးစုံကိုပင် သူ ကြိုးစားခဲ့ပါသည်။ ချန်းခယ့်ယောင်ကိုယ်တိုင်က သူ အရိပ်အကဲပြခဲ့သမျှကို လျစ်လျူရှုခဲ့ခြင်းဖြစ်၍ သူသည် မည်သည့်အတွက်ကြောင့် အပြစ်တင်ခံရမည်နည်း။
သူကတော့ လူတစ်ယောက်တည်းသာ ဖြစ်နေဆဲ ဖြစ်သည်။ သူ့ထံတွင် တူညီသော မျက်နှာနှင့် အကျင့်စရိုက်များ ရှိနေသေးသည်။ သို့သော် ချန်းခယ့်ယောင်သည် ရုန်ယီ၏ လိင်အမျိုးအစားကို သိပြီးနောက် ရုန်ယီကို အခြားလူတစ်ယောက်ကဲ့သို့ ဆက်ဆံခဲ့သည်။ ထို့အပြင် ချန်းခယ့်ယောင်သည် ရုန်ယီအား စိတ်သဘောထားသေးသိမ်သူ ဟု အခိုင်အမာ ပြောနေဆဲ ဖြစ်၏။
သူ၏အသွင်အပြင်ကြောင့် ဤနှစ်များအတွင်း သူ ဖြတ်သန်းခဲ့ရသော အချစ်ရေးတွင် ကြမ်းတမ်းခဲ့မှုများကိုလည်း အမှတ်ရစေသည်။ ၎င်းကို တွေးမိရုံနှင့်တင် ရုန်ယီ၏ မျက်လုံးများပင် နီရဲလာပါသည်။
သူ့သရက်ရွက်ကို အခုချက်ချင်းထုတ်ဖို့ ဘယ်အရာမှ ခွင့်မပြုနိုင်ဘူး။
လွန်ခဲ့သော နာရီဝက်ခန့်က သူသည် ကမ္ဘာပေါ်တွင် ကံအကောင်းဆုံးလူသား ဟု ထင်မှတ်ခဲ့၏။ ယခုတော့ ကားထဲတွင် ချန်းခယ့်ယောင်နှင့် ပြုလုပ်ခဲ့သည်များကို တွေးမိသောအခါ အစာအိမ်ထဲကပင် မသက်မသာ ခံစားမိသည်။
ထို့နောက် ကားပြတင်းမှန်ကို ဖွင့်လိုက်သော်လည်း သူ၏ဗိုက်ထဲမှ မသက်မသာ ခံစားချက်ကို မမောင်းထုတ်နိုင်သေးပေ။ သို့သော်လည်း သူ၏အိတ်ကပ်ထဲတွင် ထည့်ထားလေ့ရှိသော ပရုတ်ဆီသုတ်လိမ်းထားသည့် လက်ကိုင်ပုဝါလေး ပျောက်ဆုံးနေခဲ့သည်မှာ အချိန်အတော်ကြာပြီ ဖြစ်သည်။
၎င်းအတွက်လည်း ထိုအမှိုက်ကောင် ချန်းခယ့်ယောင်ကို အပြစ်တင်မိသည်။
ရုန်ယီသည် ဒေါသတကြီး အံကိုကြိတ်ကာ ချန်းခယ့်ယောင်တစ်ယောက် ဘဝတလျှောက်လုံး အထီးကျန်ဘဝဖြင့် အရိုးထုတ်သွားရန် ကျိန်ဆဲလိုက်သည်။
Xxxx
