အပိုင်း ၄၂၁-၄၂၂
Viewers 23k
Chapters 532

Part 421


နောက်နေ့အနည်းငယ်တွင် လင်းလန်က ဟန်ချင်းဟွတစ်ယောက် အလွန်ကြင်နာကာ နေ့တိုင်းပြုံးနေကြောင်း သတိထားမိလိုက်သည်။ ဟန်ချင်စုန့် သူ၏သားများနှင့် မနက်ခင်းလေ့ကျင့်ခန်းလုပ်ချိန်တွင် သူပါလိုက်ပြေးပြီး သူလည်း လေ့ကျင့်ခန်းလုပ်ရတာ အလေ့အကျင့်ဖြစ်နေပြီး အိမ်သို့ပြန်ရောက်ချိန်တွင် လေ့ကျင့်ခန်းမလုပ်ရ၍ သက်တောင့်သက်သာမရှိကြောင်းပြောပြလေသည်။


ဟန်ချင်စုန့်က သူ့ကိုမငြင်းဆိုသလို လင်းလန်ကလည်း သံသယမဝင်ပေ။ အဆုံးတွင် ဟန်ချင်စုန့်ပုံစံက ပုံမှန်သာဖြစ်နေသည်။


ဟန်ကျင်းယု၏ ဘလိုင်းဒိတ်ပြီးနောက်တွင် သူက စက်ဘီးနှစ်စီးငှားခဲ့သည်။ သူမက မပျော်သော်လည်း ယောက်မဟုသာခေါ်ပြီး ဖားပေလိမ့်မည်ဖြစ်သည်။ လင်းလန်ကလည်း သူမဘက်က ယဉ်ကျေးနေ၍ ကိုယ့်ဘက်က စောင်းချိတ်မနေတော့ပေ။


ကလေးများ ကျောင်းပိတ်ရက်ရချိန်တွင် လင်းလန်ကမနက်စာစားရင်း မြစ်သို့သွားပြီး အဝတ်သွားလျှော်ကြမည်ဖြစ်ကြောင်း ကြော်ငြာလေသည်။


စန်းဝမ်က ပြေးထွက်လာပြီး ထိပ်ဆုံးမှနေရာယူလေကာ အခြားလူများက ခြင်းတောင်းများ အိုးများ၊ ဆပ်ပြာများနှင့်အတူ ခွေးခြေခုံအပုလေးများပါ ယူလာခဲ့သည်။ 


ရှောင်ဝမ်က လူတိုင်းအတွက် ခေါင်းဆောင်လုပ်ပေးကာအော်လိုက်သည်။


"ကျွန်တော်တို့က ဆိုရှယ်လစ်ဝါဒရဲ့ အောင်မြင်ကြတဲ့လူတွေပဲ.... အဆင်သင့်ဖြစ်ရင် စကြမယ်...."

ထို့နောက်တွင် တစ်မိသားစုလုံး ငယ်ရွယ်သောရှေ့ဆောင်သူများ(young pioneers) သီချင်းကိုဆိုကြပြီး မြစ်ဆီချီတက်ကြသည်။


ရွာထဲတွင် ချန်းရှမြစ်တစ်လျှောက်၌ ကျောက်ပြားများကိုထားကြပြီး ရွာသားများ အဝတ်လျှော်ခြင်း ဟင်းသီးဟင်းရွက်ဆေးခြင်းတို့ ပြုလုပ်နိုင်အောင် လုပ်ထားကြသည်။ နွေဦးရာသီပြီးနောက်တွင် ဤနေရာက ပူပြင်းသောနေရာတစ်ခုဖြစ်လာပေလိမ့်မည်။ နေ့တိုင်း အမျိုးသမီးများက အဝတ်လာလျှော်ကြလေ့ရှိသည်။


စန်းဝမ်က သူ့အမေ သူ့အစ်မနှင့် အစ်ကိုများရှိသည့်နေရာမှထွက်လာကာ အကောင်းဆုံးနေရာကို သိမ်းပိုက်လိုက်ပြီး အခြားနေရာများက အခြားအမျိုးသမီးများကနေရာယူထားသည်။


လင်းလန်နှင့်မိုင်စွေ့က ကျောက်ပြားပေါ်တွင် အဝတ်လျှော်နေကြပြီး ဆပ်ပြာဖြင့်ပွတ်တိုက်လျှော်ဖွတ်နေကြသည်။ အိပ်ရာခင်းအကြီးကြီးက လေးလံလှကာ လျှော်ရန်ခက်ခဲလှသည်။


အားဝမ်နှင့် စန်းဝမ်တို့က ကျောက်ပြားပေါ်တွင်ရပ်ရင်း အိပ်ရာခင်းကိုနင်းလျှော်ကြလေသည်။ စန်းဝမ်က အားပါးတရအော်ဟစ်နေသည်။

"တစ်နှစ်သုံး အဝတ်လျှော်ကြမယ် နင်းနင်း အားနဲ့နင်း ချေးညော်ပြောင်အောင်နင်း"


အားဝမ်ကလည်း စန်းဝမ်နှင့်အတူလိုက်အော်လိုက်ပြီး အားဖြင့်နင်းလျှော်လေသည်။

"စန်းဝမ်.... မအော်နဲ့တော့.. ငါ့ခြေထောက်တွေတောင်နာကုန်ပြီ...."


စန်းဝမ်ကရယ်မောတော့သည်။


ရှောင်ဝမ်ကလည်း အဝတ်အစားချွတ်ပြီး မြစ်ထဲသို့ဆင်းနေပြီဖြစ်သည်။ သူ့မျက်မှန်ကို သားရေကွင်းနှင့်ချည်ထားပြီး သူ့မျက်နှာနှင့်ကပ်နေလေသည်။ ထို့ကြောင့် လင်းလန်က သူ့ကိုကြည့်နေရသည်။

"မာမား... သားက ငါးသေးသေးလေးတစ်ကောင် နဲ့တူလားဟင်..."


လင်းလန်က သူ့ခြေလက်လေးများက ရေထဲတွင်ငြင်သာစွာ ကူးခတ်နေကြောင်းတွေ့လိုက်ရပြီး ငါးလေးများလို ပါးစပ်မှလေပူပေါင်းလေးများ မှုတ်ထုတ်နေသည်ကိုမြင်လိုက်ရ၍ ပြုံးလိုက်သည်။

"ကြီးလိုက်တဲ့ငါးပါလား...."


ရှောင်ဝမ်က သီချင်းစဆိုတော့သည်။


"ကျွန်တော်ကငါးလေးတစ်ကောင်ပါအရှေ့ကနေ အနောက်ကို ကူးခတ်ပါတယ် ကျွန်တော်ကငါးလေးတစ်ကောင်ပါရေအောက်ခြေကနေ ရေပြင်ပေါ်ကိုတက်နိုင်ပါတယ် ကျွန်တော်ကိုမြင်ချင်ရင်ကျွန်တော် မင်းကို အနမ်းလေးပေးပါ့မယ် ကျွန်တော်ကငါးလေးတစ်ကာင်ပါ ချစ်တယ်မင်းကိုချစ်ပါတယ်~~"


သူ သီဆိုပြီးနောက်တွင် ရေထဲမှထွက်ကာ လင်းလန်ဆီနှုတ်ခမ်းလေးထော်ရင်းရောက်လာသည်။


လင်းလန်က ခါးလေးကိုင်းကာ သူ့နှဖူးလေးကိုနမ်းလိုက်ပြီး ရှောင်ဝမ်၏ အသံလေးကိုတုပလိုက်သည်။

"ကျွန်မကြောင်လေးတစ်ကောင်ပါရှောင်ယွီ(ငါးလေး)ကိုအချစ်ဆုံးပါပဲ"


စန်းဝမ်နှင့် အားဝမ်က ရယ်မောကာ ငါးလေးကိုဖမ်းပြီးချက်စားမည်ဟုပြောရင်း လိုက်ဖမ်းလေရာ ရှောင်ဝမ်က ချက်ချင်းထွက်ပြေးလေသည်။


မကြာခင်တွင် အမျိုးသမီးများစွာရောက်လာကြသည်။

"မြန်မြန်လုပ်... နေရာကမရှိတော့ဘူး...."


သူတို့က သူတို့ကိုယ်သူတို့ စောနေသည်ဟုထင်သော်လည်း လင်းလန်က ကလေးများကိုခေါ်လာပြီး အကောင်းဆုံးနေရာကိုဦးထားကြောင်း တွေ့လိုက်၍ အနည်းငယ် စိတ်ပျက်သွားကြသည်။


အချို့အမျိုးသမီးများက မကျေမနပ်ရေရွတ်ကြလေသည်။


"သူ့အိမ်အရှေ့မှာ မြစ်ရှိတာကို ဒီကိုဘာလို့လာတာလဲပဲ..."


ရွာကို မြစ်များဖြတ်သန်းစီးဆင်းသော နေရာများသည် အမျိုးသမီးများ၏ အဝတ်လျှော်ဖွတ်သန့်စင်ရေး နေရာများဖြစ်ကြသည်။ ပို၍သက်သာစေရန် ရွာသားများက ကျောက်ပြားများပင်ချပေးထားသေးသည်။ လူအများစုက သူတို့၏အိမ်အနီးတွင်သာ အဝတ် လျှော်ကြသော်လည်း တစ်ခါတစ်ရံ အဝတ်အထည်အကြီးစားများကိုမူ ကျောက်ပြားများရှိရာနေရာတွင်သာလျော်ကြသည်။


လင်းလန်က အိမ်ရှေ့နားရှိ မြစ်တွင်သွားရောက်လျှော်ဖွတ်သည်က အဆင်ပြေသော်လည်း ကျောက်ပြားမှာသေးလွန်းနေပြီး အဆင်မပြေ၍ သူမကလေးများကိုခေါ်ကာ ဒီနေရာ၌အဝတ်လာလျှော်ရခြင်းဖြစ်သည်။


ပြည်သူပိုင်နေရာများက မည်သူ့အပိုင်မှမဟုတ်ပေ။ ထို့အပြင် လင်းလန်က နေရာသုံးနေရာသာယူထားသည်ဖြစ်ပြီး အခြားနေရာများက လွတ်နေသေးသည်။


ဤအမျိုးသမီးများက နေ့တိုင်းအတူတူလာကြပြီး နေရာတစ်နေရာတည်းတွင်သာ အမြဲအဝတ်လျှော်လေ့ရှိကြ၍ လင်းလန်ရှိနေကြောင်း မြင်လိုက်ရသောအခါတွင် အနည်းငယ် မကျေမနပ်ဖြစ်သွားကြလေသည်။


လင်းလန်က သူတို့ကို၏ မကောင်းသောအတွေးများကိုမသိ၍ သူတို့ကိုနှုတ်ဆက်လိုက်ပြီး စကားအနည်းငယ်ပြောကာ သူမသိသည့်အရာဆိုပြောပြပြီး သူမ မသိသည့်အရာဆို ပြုံးသာပြုံးပြလိုက်သည်။


မကြာခင်တွင် ထိုအမျိုးသမီးများက စကားစဖြတ်ကာ ရေစပ်ကိုသွားကြပြီး လေတပေါပေါနှင့် အဝတ်များကို တဘန်းဘန်းမြည်အောင်လျှော်လေတော့သည်။ သူတို့က ဆပ်ပြာသုံးရန် တွန့်ဆုန်ကြပြီး အဝတ်များကြိ အယ်ကာလီရေများဖြင့်လျှော်ကာ ကျောက်ပြားပေါ်တဘန်းဘန်း ရိုက်ဆောင့်ကြသည်။


လင်းလန်က သူတို့ကိုချောင်းကြည့်နေသည်။ ဤအမျိုးသမီးများအဝတ်လျော်နေသည်မှာ လယ်လုပ်နေသည့်အတိုင်းပင်။ အားရပါးရ ရိုက်လျှော်နေသည်မှာ အဝတ်များပင် ပေါက်ကွဲလုနီးနီးပင်။


လင်းလန်က သူမအဝတ်ကို သူမ တိတ်တိတ်လေးလျော်ပြီး ဆပ်ပြာကို အမှန်တကယ်ညစ်ပတ်နေသော နေရာများတွင်သာ အများအပြားပွတ်တိုက်ပြီး အခြားနေရာများကို ပါရုံသာတိုက်လေသည်။ 


သူမနှင့်မိုင်စွေ့က အဝတ်အစားများကိုလျှော်ဖွတ်နေပြီး ဒုတိယလေးနှင့် တတိယလေးတို့က အိပ်ရာခင်းကို နင်းလျှော်နေကြသည်။ ရှောင်ဝမ်က သီချင်းဆိုပြပြီး လူတိုင်းကို အပျင်းပြေစေသည်။ ကလေးများကပါ ကူညီပြီး အဝတ်လျှော်ပေးနေ၍ လျှော်ရသည်မှာ လွယ်ကူလှပြီး အခြားအမျိုးသမီးများမှာ မနာလိုဖြစိလာတော့သည်။


"တခြားသူတွေရဲ့ ကလေးတွေကိုကြည့်စမ်းပါဦးအေ... အဝတ်တွေတောင်လာလျှော်ကူနေတာ လိမ္မာချက်ပဲ...."


"အရမ်းလိမ္မာကြတာတကယ်... ငါ့အိမ်က ဟာတွေများတော့ အားတာနဲ့ဆော့မယ်ပဲ... မြည်းတွေကြလို့..."


အခြား အမျိုးသမီးက လင်းလန်ကို အတော်ကြီးမနာလိုဖြစ်စွာပြောလေသည်။


"ကိုယ်လုပ်ရမယ့်အလုပ်ကို ကလေးတွေကိုတောင်ခိုင်းလိုက်သေးတယ်... ပုံမှန်ဆို ဘယ်သူကများ ကလေးပေါက်စတွေကို ခိုင်းစားလို့လဲ...."


ရွာထဲရှိ ကလေးအများစုက မိဘများအလုပ်ကိုကူညီပေးသော်လည်း သူမဆိုလိုသည်ကို အခြားလူများက နားလည်ပေသည်။


Xxxxx

Part 422


ရွာထဲရှိ ကလေးအများစုက မိဘများအလုပ်ကိုကူညီပေးသော်လည်း သူမဆိုလိုသည်ကို အခြားလူများက နားလည်ပေသည်။


 လင်းလန်ဆိုသည်မှာ ရွာထဲတွင် အလုပ်မကြိုးစားဘဲ အပျင်းရိဆုံးမိန်းမဟု နာမည်ကြီးသူဖြစ်ပြီး ကလေးများကို ချက်ပြုတ်ခိုင်းကာ မနက်ဆယ်နာရီအထိ အိပ်သူဖြစ်ကြောင်းလည်း လူတိုင်းသိကြသည်။


အမျိုးသမီးအချို့က ရယ်မောကုန်ကြတော့သည်။


လင်းလန်က ဂရုမစိုက်ပါချေ။ သူတို့က ရယ်မောရုံသာလုပ်နိုင်သူများဖြစ်သည်။ သူမက တာဝန်ကျေသည့်ခင်ပွန်းနှင့် လိမ္မာသည့်ကလေးများရှိ၍ သူမဘာသာအပျင့်းကြီးနေ၍ရသည်။ သူတို့မိသားစု၏ထမင်းကို စားမနေရ၍ ဂရုစိုက်စရာမလိုပေ။


ထိုအချိန်တွင် အမျိုးသမီးတစ်ယောက်က လင်းလန်လက်ထဲတွင် ဆပ်ပြာတုံးအကြီးကြီးတစ်ခုကိုကိုင်ထားကြောင်းတွေ့လိုက်ပြီး အထူးတဆန်းထအော်လေသည်။


"အောင်မလေး... ဆပ်ပြာက အကြီးကြီးပါလား... သုံးလို့ကောလွယ်လို့လား.... ဒီလောက်အကြီးကြီးက..."


အခြားသောအမျိုးသမီးများကလည်း လာကြည့်ကြတော့သည်။ သူတို့က ဆပ်ပြာကဲ့သို့သောအရာမျိုးကို နှစ်သစ်ကူးပွဲတော်တွင် အပိုင်းအစအသေးတစ်ခုလောက်ဝယ်ပြီး မျက်နှာပန်းလှရုံသာဝယ်ကြခြင်းဖြစ်သည်။ များသောအားဖြင့် သူတို့ကမသုံးပစ်ကြပေ။


လင်းလန်: "သုံးလို့လွယ်တာပေါ့...."

ဘာပဲဖြစ်ဖြစ် ရေနဲ့ချည်းလျှော်တာထက်တော့ ပိုကောင်းတယ်လေ....


စန်းဝမ်က သူတို့အားလုံး အံ့ဩနေကြောင်းမြင်လိုက်၍ ရယ်မောကာပြောလိုက်သည်။

"မာမားကဖြင့် လေးခုတောင်ဝယ်လာတာလေ...."


သူလက်အမူအရာလုပ်ပြလိုက်သည်။

"အုတ်ခဲလောက်တွေချည်းပဲ...."


အချို့သောအမျိုးသမီးများက မနာလိုဖြစ်ကြကာ အချို့က နှုတ်ခမ်းများမဲ့ရွဲ့ကုန်ကြသည်။


နင့်ယောက်ျားသာ ခေါင်းဆောင်မဟုတ်ရင် နင်လည်းတတ်နိုင်မှာမဟုတ်ပါဘူး... ဟမ့်... 


သူတို့ဘာမှမပြောသော်လည်း သူတို့၏အဝတ်များကို ပိုမိုကြမ်းတမ်းစွာဆောင့်လျှော်ကြတော့သည်။


စန်းဝမ်:... သူတို့ဘာသာမေးပြီးတော့ ပြန်လည်းဖြေပေးရော... ဂရုမစိုက်ကြတော့ပြန်ဘူး... မိန်းမတွေကတကယ်နားလည်ရခက်ပါလားနော်.... 


သူ ရှေ့သို့လျှောက်သွားပြီး သူ့အစ်ကိုအကြီးဆုံးနှင့်အတူ စောင်ပိုင်းကြီးကိုဆွဲပြီး ရေလျှော်လေသည်။


အချို့အမျိုးသမီးများက မပျော်မရွှင်ပြောကြသည်။

"စန်းဝမ်... နင်လုပ်လို့ ရေတွေနောက်ကုန်ရင် ငါတို့ဘယ်လိုလျော်ရတော့မှာလဲ...."


အမှန်တကယ်တွင် စန်းဝမ်က အဝေးကြီးတွင်ကူးနေသည်ဖြစ်ပြီး ရေကလည်းနက်လှသည်ဖြစ်ရာ လွယ်လွယ်ဖြင့်နောက်မသွားနိုင်ပေ။ သူမက မပျော်မရွှင်ဖြစ်နေရုံသာဖြစ်သည်။


သူမလင်းလန်ကိုမြင်နေရသမျှကာလပတ်လုံး သူမကိုကြွားနေသည်ဟုသာခံစားနေရသည်။


လူတိုင်းက ကလေးများစွာမွေးပြီးနောက်တွင် မှဲ့ခြောက်များစွာထွက်လာသည်ဖြစ်သော်လည်း သူမကမူ ပိုမိုဖြူဖွေးသည်ထက်ဖြူဖွေးလာသည်။ လူတိုင်းက ခါးတုတ်ကာ တင်ကြီးလာသော်လည်း သူမ၏ခါးက ပိုမိုသေးသွယ်ကာ ခြေတံများကလည်း သွယ်လျလာသည်။ ၎င်းက ကြွားပြနေသည်ကလွဲ၍ ဘာဖြစ်ဦးမည်နည်း။


လူတိုင်းက ရေပုံးပုံစံ ခပ်တောင့်တောင့်အဝတ်များဝတ်နေရချိန်တွင် သူမက သူမ၏ဖွင့်ကားလှသော ရင်သားများကိုထင်းစေသည့် အင်္ကျီခပ်ကပ်ကပ်များကိုဝတ်နေရသည်။ 


သူတို့ မနာလိုဘဲ ဘယ်လိုလုပ်နေမည်နည်း။


ရွာမှအမျိုးသမီးများက ရင်သားနှင့်ပတ်သတ်၍ အလေးမထားကြဘဲ ရင်သားများက ဗိုက်အထိပင်တွဲကျနေကြသည်။ အချို့လူများဆိုလျှင် မိန်းမများက သူတို့၏ကလေးများကို နောက်ကျောတွင် သယ်ရင်း နို့ချိုတိုက်ကျွေး၍ရသည်ဟု ဟာသလုပ်ကြသည်။ 


ထို့အပြင် သူမက သူမ၏ကလေးများအားလုံးကို အဝတ်လျော်ကူခိုင်းနိုင်သည်။ ၎င်းကလည်း သူမကလေးများ မည်မျှလိမ္မာကြောင်း ကြွားနေသည်ပင်ဖြစ်သည်။ ကလေးများကလည်း အကုန်လုံး ရုပ်ရည်ချောမောခန့်ညားကြကာ ဘောင်းဘီရှည် ခပ်လွှားလွှားများဖြင့် ကြည့်လိုက်ရုံဖြင့်ပင် အတော်လေး ချစ်စဖွယ်ကောင်းကြသည်။


အဝတ်လျှော်နေသည်ကပင် သူတို့နှင့်မတူပေ။ သူတို့က အယ်ကာလိုင်းများဖြင့်လျှော်ကြသော်လည်း သူမက ဆပ်ပြာဖြင့်လျှော်နေလေသည်။ ၎င်းက သူမ မိသားစုမည်မျှချမ်းသာကြောင်း သူမယောက်ျားက ခေါင်းဆောင်ဖြစ်ကြောင်းကြွားခြင်းပင်။


လင်းလန်က သူတို့ရှေ့တွင်ပေါ်လာလေ့မရှိပေ။ ပေါ်လာလျှင်လည်း သူတို့မည်မျှဆင်းရဲကြောင်း ပြောပြနေသလိုမျိုး ကြွားဝါတတ်သည်။


ဤလူများက လင်းလန်ကို ပယ်ထားကြောင်းပြသည့်အနေဖြင့် သူတို့ဘာသာစကားပြောရင်း ရယ်မောနေကြလေသည်။


လင်းလန်: လာနောက်နေတာလား... ငါကတအားဂရုစိုက်တာဆိုတော့လေ....


အမျိုးသမီးအနည်းငယ်က လင်းလန်နှင့်စကားပြောချင်ကြသော်လည်း သူတို့၏သားသမီးများကိုပါ ဝိုင်းပယ်ခံရမည်စိုး၍ မလှုပ်ရဲကြပေ။ ထို့ကြောင့် သူတို့အနည်းငယ် ကသိကအောက်ဖြစ်သွားကြသည်။


အချို့လူများက အခြေအနေကို အခွင့်အရေးယူကာ လင်းလန်ဆီက ဆပ်ပြာလာငှားလေသည်။


"ငါ့အိမ်မှာလည်း ဆပ်ပြာရှိပေမဲ့ တလောလေးကမှကုန်သွားတာလေ... အခုမဝယ်ဖြစ်သေးဘူး... နင့်ဆပ်ပြာလေးခဏငှားပေး... သုံးရအဆင်ပြေလားသိချင်လို့... အဆင်ပြေရင် ထပ်ဝယ်မယ်လေ...."


လေသံမှာ ဆပ်ပြာဆိုသည်မှာ မျက်မှာတိုက်ရန်သာ လုပ်ထားသည်ဟု ဆိုနေသလိုပင်။


စန်းဝမ်: "မာမားက အများကြီးဝယ်လာတာလေ... အဒေါ်ကိုခွဲရောင်းပေးလို့ရပါတယ်... ပေါက်ဈေးပဲပေးလေ... လမ်းစရိတ်မတောင်းတော့ဘူး...."


ထိုအမျိုးသမီးက လက်ဆန့်ပြီးဆပ်ပြာကိုယူရန်ပြင်နေပြီဖြစ်သော်လည်း စန်းဝမ်စကားကိုကြားသည်နှင့် မျက်နှာပျက်သွားတော့သည်။


"ဟမ့်... ဒါအမြတ်တင်ရောင်းတာပဲ... ငါတော့ အဖမ်းမခံချင်ပါဘူးနော်..."


အားဝမ်: "မဟုတ်သေးပါဘူး... အမြတ်တင်ရောင်းတယ်ဆိုတာက... ပစ္စည်းတွေကိုဈေးပေါပေါနဲ့ဝယ်ပြီး ဈေးအများကြီးနဲ့ရောင်းတာကိုခေါ်တာပါ... သားတို့ကဖြင့် နဂိုဈေးနဲ့ပြန်ရောင်းပေးပြီး လမ်းစရိတ်တောင်မတောင်းတဲ့ကိစ္စကို... ဒါက အချင်းချင်းအကူအညီပေးသလိုပဲလေ...."


ဤအမျိုးသမီးများအားလုံးက ရှန်ရွေ့ရွာအနီးအနားပင်မသွားဖူးလေရာ ထိုကိစ္စများကိုမသိပေ။


အခွင့်အရေးယူချင်ကြသော အမျိုးသမီးများအားလုံး ချက်ချင်းတပ်ပြန်ဆုတ်သွားကြပြီး လင်းလန်ကို လျစ်လျူရှုထားကြပြန်သည်။ လင်းလန်က ရွာထဲတွင် အသုံးအဖြုန်းကြီးပြီး အပျင်းကြီးသောမိန်းမအဖြစ် နာမည်ကြီးလေပြီး သူမလို လှည့်ကွက်များစွာသိသော မိန်းမလှတစ်ယောက်နားတွင် သူတို့လည်းမကပ်ချင်ကြပါချေ။


အမြတ်တင်ရောင်းသည်ဟူသော ခေါင်းစဉ်အောက်တွင် အမျိုးသမီးများက စတင်ဆွေးနွေးကြပြန်တော့သည်။


"ငါ့ဦးလေးအိမ်မှာ ငါလည်း တိတ်တိတ်လေးရောင်းဖူးတယ်... အခုတော့ အဲ့လိုလုပ်မရတော့ဘူးကြားတယ်... အတော်လေး တင်းကြပ်နေတာတဲ့လေ... အကယ်၍ ရောင်းတာတွေတွေ့ရင်အဖမ်းခံရရောတဲ့...."


"ဟုတ်ပါ့... တစ်ချို့ဆို ပစ်သတ်ခံရတယ်လို့တောင်ကြားတယ်...."


ဤ ကိစ္စများအားလုံးကို ဘုံတော်လှန်ရေးကွန်မြူနတီမှ ထိန်းချုပ်ရသည်ဖြစ်ရာ ဟန်ချင်စုန့်နှင့် ပြည်သူ့လုံခြုံရေးဗျူရိုနှင့်မဆိုင်လေရာ လင်းလန်က သူထိုအကြောင်းပြောသည်ကိုမကြားဖူးပေ။


သို့သော် ဤကိစ္စကို သတိပေးရမည်ဟု တွေးလိုက်သည်။


အထောက်အပံ့များက တင်းကြပ်ပြီး အဖွဲ့ဝင်များက တစ်ခုခုလုပ်ခဲ့မိပါက  ဥပဒေက နေမည်မဟုတ်ပေ။ အဆုံးတွင် သာမန်လူများက ဥပဒေကိုမလွန်ဆန်ရဲကြပါချေ။


Xxxxxx

Prev Next