Welcome To MM Storyteller
LOGIN
အခန်း(၆၀) - အိမ်ထောင်ဦးစီးကဲ့သို့ ပြုမူခြင်း
တစ်ခဏအတွင်းမှာပဲ လာဘ်လာဘပွဲတော် အချိန် ကျရောက်လာသည်။
လင်းချင်းဟယ်သည် လာဘ်လာဘယာဂု ချက်ရန် ပြင်ဆင်နေသည်။ သူမသည် အဲဒါကို ပြုလုပ်ရန် မနက်စောစော ထခဲ့သည်။ ကလေးတွေ ထလာတာနဲ့ Laba ယာဂုအိုးက အဆင်သင့် ဖြစ်နေပြီ။
မွှေးကြိုင်ပြီး ချိုမွှေးနေသည်။
ဒါပေမယ့် ချိုမြိန်မှုကတော့ အလယ်အလတ်ပဲ ရှိသည်။ သူမသည် အရမ်းချိုတာကို မကြိုက်တဲ့အတွက် သကြား အများကြီး မထည့်ထားဘူး။
လာဘ်လာဘယာဂု အဆင်သင့်ဖြစ်သောအခါ လင်းချင်းဟယ်သည် ပန်းကန်လုံး အကြီးတစ်လုံးထဲ ထည့်ပေးပြီး ကျိုးချင်းပိုင်ကို ကျိုးအိမ်ထံသို့ ပေးပို့ပေးရန် တောင်းဆိုခဲ့သည်။
သူမ ပြုလုပ်ထားသော လာဘ်လာဘယာဂုက အရသာအရှိဆုံး ဖြစ်ကြောင်း သူမ အာမခံရဲသည်။ အချိုတွေအပြင် တခြား ပါဝင်ပစ္စည်းတွေလည်း အများကြီး ထည့်ထားသည်။ ဒါကြောင့် အရသာက ဘယ်လိုလုပ် မကောင်းနိုင်ရမှာလဲ။
ကျိုးအိမ်ကလည်း သူတို့ဘက်ခြမ်းမှာ သူတို့ဘာသာ ချက်ပြုတ်ထားပေမယ့် သာမာန်လောက်ပဲ လုပ်ထားသည်။ အဲဒါက ပွဲတော်ကို ဟန်ပြကျင်းပဖို့အတွက် လုံလောက်နေပြီ။ ဒါကြောင့် သဘာဝကျစွာ လင်းချင်းဟယ် ပေးပို့လိုက်သော ယာဂုနှင့် နှိုင်းယှဉ်၍ မရနိုင်ပေ။
အဖေကျိုးနှင့် အမေကျိုးသည် အားလုံးကို မစားလိုက်ဘူး။ သူတို့သည် မြေးလေးတွေကြား တစ်လုတ်စာ ဝေမျှစားလိုက်သည်။ မြေးမလေးတွေအတွက်တော့ ဘာမှမရကြဘူး။
“ စတုတ္ထခယ်မ ဘယ်လို နေထိုင်စားသောက်တယ်ဆိုတာ တကယ် ပြောစရာမရှိတော့ဘူး “ ဒုတိယမရီးသည် ကလေးတွေ စားနေသော ချိုမွှေးသည့် လာဘ်လာဘယာဂုအနံ့ကို ရသောအခါ ထိုသို့ မှတ်ချက်ပေးလိုက်သည်။
သူမ၏လေသံက ခပ်ချဉ်ချဉ် ဖြစ်နေမယ်ဆိုတာ ပြောစရာပင်မလိုပေ။
အကြီးဆုံးမရီးနှင့် တတိယမရီးတို့က ဘာမှ မှတ်ချက်မပေးပေ။ အဘယ်ကြောင့်ဆိုသော် တတိယမရီးတွင် လောလောဆယ် သားမရှိသောကြောင့် သူမရဲ့သမီးကလည်း အနည်းငယ်ရလိုက်သည်။ တခြားသူရဲ့ လာဘ်လာဘယာဂုကို စားပြီးနောက် တခြားသူရဲ့ မကောင်းကြောင်းကို ပြောတယ်။ အဲဒါက တတိယမရီး မလုပ်နိုင်သော အရာဖြစ်သည်။
အကြီးဆုံးမရီးကလည်း အတူတူပါပဲ။ သူမသည် တတိယမရီး၏ဗိုက်ကို ကြည့်ကာ မေးလိုက်သည်။ “ ဘယ်လိုနေသေးလဲ “
တတိယမရီး၏ဝမ်းဗိုက်က အရမ်းကြီးနေပြီ ဖြစ်သည်။ အခုအချိန် ဘယ်ရက်မှာမဆို မွေးဖွားနိုင်သည်။
“ မကြာခင် မွေးမယ်ထင်တယ် “ တတိယမရီးက ပြန်ဖြေသည်။
အဲဒါကို သူမကိုယ်တိုင် ခံစားနိုင်သည်။ မကြာခင် ကလေးမွေးတော့မယ်။
အမေကျိုးသည် လင်းချင်းဟယ်နှင့် စကားပြောရန် မလာရောက်မီ လာဘ်လာဘယာဂုကို စားခဲ့သည်။ သူမ ရောက်လာသောအခါ လင်းချင်းဟယ်သည် ကျိုးချင်းပိုင်နဲ့ ကလေးများနှင့်အတူ စားနေကြသည်။
ကောင်လေးတွေက အရမ်းပျော်နေကြသည်မှာ သိသာထင်ရှားလှသည်။ ဒီလာဘ်လာဘယာဂုက တကယ် အရသာရှိသည်။
ထိုအထဲမှာ ဆန်ကြမ်း၊ ကောက်ညှင်း၊ ဆန်ဖြူ၊ ပြောင်းဆန်၊ မြေပဲများ၊ ပဲနီများ၊ သစ်အယ်သီးများနှင့် ဇီးချိုသီးများသာမက သကြားဖြူနှင့် သကြားညိုတို့ကိုပါ ထည့်ထားသည်။ အထူးတလည် အရသာရှိလှသည်။
ယာဂုကို သောက်ပြီးနောက် ညီအစ်ကိုတွေသည် ကျေနပ်သွားကြသည်။
ကျိုးချင်းပိုင်တောင်မှ သူ့ဇနီး၏ လက်ရာကို သဘောကျနှစ်သက်သည်။
တကယ်တော့ သူ ပြန်လာကတည်းက လင်းချင်းဟယ်သည် သူ့အား တစ်နေ့ ထမင်းသုံးနပ်ကို ဆိုးဆိုးရွားရွားတွေ စားခွင့်မပြုထားဘူး။ သုံးနပ်စလုံးကို ပြည့်ဝအောင် ဖြည့်ဆည်းပေးခဲ့သည်။
သူ့ကို ကူကယ်ရာမဲ့ဖြစ်စေတဲ့ တစ်ခုတည်းသော အရာကတော့ သူ့ဇနီးက သူ့ကို စောင်ထဲမှာ သူမနှင့်အတူတူခြုံခြင်းအား တားမြစ်ထားခြင်း ဖြစ်သည်။ ဒါက ညှဉ်းပန်းနှိပ်စက်တာပဲ။ တစ်နေ့တော့ ပြစ်ဒဏ်ကနေ လွတ်မြောက်လိမ့်မယ်လို့ သူ မျှော်လင့်ခဲ့သည်။
“ အမေ… စားပြီးပြီလား “ လင်းချင်းဟယ်က နှုတ်ဆက်လိုက်သည်။
“ စားပြီးပြီ။ ငါ့ကို စိတ်ထဲ ထားမနေနဲ့။ ကိုယ့်ဘာသာ စားကြ “ အမေကျိုးက ပြောလိုက်သည်။
ဒါတောင်မှ လင်းချင်းဟယ်သည် အထဲဝင်သွားပြီး နောက်ထပ် ပန်းကန်တစ်လုံးကို ယူလာသည်။ သူမသည် အမေကျိုးအတွက် တစ်ပန်းကန် ထည့်ပေးပြီး အတူတူ စားစေသည်။
အမေကျိုးသည် စတုတ္ထရဲ့ဇနီး၏ လက်ရှိသဘောထားကို သဘောကျ ကျေနပ်နေသည်။ သူမရဲ့ ပိုက်ဆံဖြုန်းတီးတတ်တဲ့ အကျင့်ကို ပြုပြင်လို့ မရပေမယ့် သူမယောက်ျားနဲ့ ကလေးတွေအပေါ် ထားရှိသည့် ဂရုစိုက်မှုက တခြားလူတွေကို အနိုင်ယူနိုင်တယ်လို့ ပြောရမယ်။
အမေကျိုးသည် သူတို့နဲ့အတူ ထိုင်ကာ စားလိုက်သည်။ သူမက တတိယချွေးမ၏ကိစ္စကို ပြောပြလာသည်။
“ ကျွန်မဘက်က ဘာပြဿနာမှ မရှိဘူး။ ကျွန်မ သွားပြီး ပြောလိုက်ရုံပါပဲ “ လင်းချင်းဟယ်က အတည်ပြုပေးသည်။
“ ငါ မင်းကို ပိုက်ဆံ အရင်ပေးလိုက်မယ် “ အမေကျိုးက ပြောသည်။
လင်းချင်းဟယ်သည် ကျိုးချင်းပိုင်ကို တစ်ချက်လှမ်းကြည့်လိုက်ပြီး ဘာမှမပြောတာကို မြင်တော့မှ သူမက လက်ခံလိုက်ပြီး “ ဝက်ခြေထောက်တွေက ဒီလောက်အများကြီး မလိုပါဘူး။ အချိန်ကျလာရင် တတိယမရီးအတွက် ကျွန်မလည်း အသားတစ်ချို့ ဝယ်ပေးလိုက်မယ်။ ကလေးမီးဖွားပြီးနောက် မီးတွင်းထဲမှာ အသားနည်းနည်း စားပေးရမယ် “
အမေကျိုးက ငါးယွမ် ပေးလိုက်သည်။
“ မင်း သဘောအတိုင်းပါပဲ “ အမေကျိုးက ခေါင်းညိတ်လိုက်သည်။
ပုံမှန်အားဖြင့်တော့ အသားကို နှစ်ကုန်တွင် နောက်တစ်ခေါက် ပြန်ဝေမျှလိမ့်မည်။ ဒါပေမယ့် အဲဒါက အတိအကျတော့ မဟုတ်ပါဘူး။ အခုချိန်မှာ သူမရဲ့စားစရာဓာတ်စာက ညံ့နေရင် ကလေးမွေးပြီးနောက် အသားစားရင်တောင်မှ သူမက ကလေးကို မိခင်နို့ တိုက်ကျွေးနိုင်မှာ မဟုတ်ဘူး။
လင်းချင်းဟယ်က ထိုအကြောင်းကို သိထားပြီးပြီမို့ နှစ်ရက်အကြာ မနက်စောစောတွင် ကျိုးချင်းပိုင်သည် စက်ဘီးနင်းကာ အဆီများအသား ငါးကျင်း၊ ဝက်ခြေထောက် ခြောက်ချောင်း နှင့် ဝက်ဗိုက်သား သုံးကျင်းကို ဝယ်ယူလာခဲ့သည်။ ဝက်နံရိုး အနည်းငယ်နှင့် ဝက်မြီးတစ်ချောင်းလည်း ပါသေးသည်။
လင်းချင်းဟယ်ကတော့ အိပ်ပျော်နေဆဲပါပဲ။
အစတုန်းကတော့ သူမ သွားချင်ပေမယ့် ကျိုးချင်းပိုင်က ငြင်းပြီး သူမကို နည်းနည်းကြာကြာ အိပ်စေခဲ့သည်။ လင်းချင်းဟယ်သည် ယဉ်ကျေးသိမ်မွေ့သလို ဟန်ဆောင်မနေတော့ဘဲ လွယ်လွယ်ကူကူပဲ သူ တစ်ယောက်တည်းကို သွားခွင့်ပေးလိုက်သည်။
ပြန်သယ်လာတဲ့ ပစ္စည်းများကို ဝေငှပေးဖို့ကတော့ လင်းချင်းဟယ်ရဲ့ သဘောအတိုင်းပါပဲ။
လင်းချင်းဟယ်သည် ကျိုးမိသားစု၏ ဝေစုကို ငါးယွမ်နှင့် ညီမျှသော ပမာဏအတိုင်း ခွဲလိုက်သည်။ သူမသည် အဆီများအသား နှစ်ပေါင်နှင့် ဝက်ခြေထောက်နှစ်ချောင်းကို ပေးရန်စီစဉ်ထားပြီး ကျန်ခြေထောက် လေးချောင်းကို သူမကလေးတွေအတွက် ချန်ထားလိုက်သည်။ သူမသည် ဝက်ဗိုက်သား တစ်ကျင်းနှင့် နံရိုးတစ်ပိုင်းကိုလည်း သူတို့အတွက် ဖယ်ထားလိုက်သည်။
ဒါက ငါးယွမ်နဲ့ ညီမျှသည်။
ပြီးတော့ ဒါက ကျေးလက်ဒေသ၏ စံနှုန်း ဖြစ်သည်။ မြို့ထဲက မှောင်ခိုဈေးကွက်မှာဆိုရင် ငါးယွမ်နဲ့ ဒီလောက်အများကြီး ဝယ်လို့မရဘူး။
လင်းချင်းဟယ်သည် ထိုအရာများကို ခြင်းတောင်းတစ်ခုထဲသို့ ထုပ်ပိုးကာထည့်လိုက်ပြီး ပင်လယ်ရေမှော်တစ်ချို့ကို လှမ်းယူလိုက်သည်။ ထို့နောက် ထိုအရာများကို ကျိုးအိမ်သို့ သွားရောက်ပို့ပေးခဲ့သည်။ အဲအိမ်ကို သွားရင်းနဲ့ သူမက တတိယမရီးကိုလည်း ကြည့်ရှုစစ်ဆေးနိုင်မည်။
တတိယမရီး၏ဗိုက်က တကယ်ပင် ဖောင်းကားနေသည်။ လင်းချင်းဟယ်သည် ထိုမြင်ကွင်းကြောင့် အနည်းငယ် ထိတ်လန့်သွားသည်။ ကံကောင်းထောက်မစွာဖြင့် သူမသည် နောက်တစ်ဖန် ကလေး ထပ်မွေးရန် မလိုအပ်တော့ဘူး။ မဟုတ်ရင် သူမ ဒါကို စိတ်ကူးတောင် မယဉ်ကြည့်ရဲဘူး။
“ ကျွန်မ ယူလာတဲ့ ဝက်ခြေထောက်နှစ်ချောင်းကို ကလေးမွေးပြီးမှ စားရမယ်။ အဆီများအသားနဲ့ ဝက်ဗိုက်သားကိုလည်း အမေပေးတဲ့ ပိုက်ဆံအတိုင်း ဝယ်ပေးခဲ့တယ်။ နံရိုးနဲ့ ပင်လယ်ရေမှော်ကို စွပ်ပြုတ်လုပ်ပေးဖို့ အကြီးဆုံးမရီးကို တောင်းဆိုလိုက်ပါ။ အဲဒါက မရီးအတွက် ကျွန်မ ပေးတာ။ အားလုံးကို မရီးဘာသာ ကုန်အောင်စားလိုက် “ လင်းချင်းဟယ်က ရှင်းပြသည်။
ထို့နောက် အနားတွင် ရှိနေသော အကြီးဆုံးမရီးဘက် လှည့်ကာ ဆက်ပြောသည်။ “ အကြီးဆုံးမရီး မီးဖွားခါနီးမှာလည်း မရီးအတွက် ကျွန်မ ဝယ်ပေးမယ် “
သူမသည် ဤမရီးနှစ်ယောက်နှင့် အလွန်ရင်းနှီးနေသေးသည်။ ဒါကြောင့် သူမက အခုလိုအချိန်မျိုးမှာ သူတို့ကို ထုတ်ဖော်ပြသခြင်း ဖြစ်သည်။ ဒါက ဆက်ဆံရေးကို ပြုမှုကိုင်တွယ် ပြသမှုတစ်ခုလည်း ဖြစ်တယ်ဆိုတာ ဟုတ်တယ် မဟုတ်လား။
“ မလိုပါဘူး။ ဒါက တော်တော် ဈေးကြီးတယ် “ အကြီးဆုံးမရီးက ပြုံးကာ ပြောသည်။
“ ဒါက ဒီတစ်ကြိမ်တည်းပဲဆိုတော့ အများကြီး မကုန်ကျပါဘူး “ လင်းချင်းဟယ်က မလျှော့တမ်းပြောသည်။
လင်းချင်းဟယ် ပြန်သွားသောအခါ တတိယမရီးက ပြောသည်။ “ လောင်တရဲ့အမေက အိမ်ထောင်ဦးစီးတစ်ယောက်နဲ့ ပိုပိုပြီး တူလာပြီ “
“ ဒါက အံ့သြချီးကျူးစရာကောင်းတယ် “ အကြီးဆုံးမရီးက ခေါင်းညိတ် သဘောတူလိုက်သည်။
မနက်စာစားနေစဉ်အတွင်း အားလုံးရှေ့မှောက်၌ အကြီးဆုံးမရီးဖြစ်သူသည် တတိယမရီးအတွက် လင်းချင်းဟယ် အပိုပေးခဲ့သော နံရိုးအကြောင်းကို ပြောပြလိုက်သည်။ အဓိက ကတော့ တတိယမရီးအတွက် သီးသန့်စွပ်ပြုတ် ရှိနေသည့်အကြောင်း ဒုတိယမရီး ပွစိပွစိပြောခြင်းမှ ကာကွယ်တားဆီးရန် ဖြစ်သည်။
ဒုတိယမရီးသည် နှုတ်ဆိတ်နေသော်လည်း သူမ၏မျက်နှာမှာ အတော်လေး ရှုံ့မဲ့နေသည်။ အရင်က သူမကိုယ်ဝန်ရှိစဉ်အချိန်တုန်းက လင်းချင်းဟယ် တစ်ခုခု လုပ်ပေးတာကို ဘာလို့ သူမ မမြင်ရတာလဲ။
အခုတော့ သူမက တတိယရဲ့ဇနီးဆီ နံရိုးတစ်ချောင်း ပို့ပေးသည်။ နံရိုးတွေမှာ အသားများများ မပါရှိပေမယ့် အဆီပါတဲ့ ဘယ်အရာမဆို စားကောင်းတယ် လို့ ဆိုရိုးစကား ရှိသေးတယ်လေ။ အလကားရတဲ့ နံရိုးကို ဘယ်သူက မလိုချင်မှာလဲ။
ဒါပေမယ့် ကျန်ကျိုးမိသားစုဝင်တွေက ဘာမှမပြောသလို ကျိုးညီအစ်ကိုတွေကလည်း အတူတူပါပဲ။ အခုဆိုရင် စတုတ္ထရဲ့ဇနီးက ဘယ်လိုပြုမူရမယ်ကို သိနေကြောင်း သူတို့ ခံစားမိရုံပါပဲ။
လင်းချင်းဟယ်သည် ကျိုးမိသားစု၏ကိစ္စနှင့် ပတ်သက်၍ သိပ်ပြီးတော့ မပါဝင် မစွတ်ဖက်ချင်ပေ။ ကျိုးချင်းပိုင်က ဝက်မြီးစားရတာ ကြိုက်နှစ်သက်တယ်ဆိုတာ သူမ မသိခဲ့ဘူး။
လင်းချင်းဟယ်သည် အမြီးများကို ပဲပုပ်ဖြင့် ရောချက်ထားသည်။ သူမသည် ဟင်းချိုနည်းနည်း သောက်ပြီး တစ်ခြား ဘာမှမစားတော့ဘူး။
ကောင်လေးတွေက ပေးသမျှကို ဘယ်တော့မှ မငြင်းပေ။ သူတို့သည် ပျော်ပျော်ကြီး ဝါးစားနေကြသည်။ ကျိုးချင်းပိုင်က အများစုကို စားခဲ့သည်။
အဆီများအသားများကို အတုံးသေးသေးလေးတွေ တုံးပြီး ဝက်ဆီဖြစ်အောင် ချက်လိုက်သည်။ ကျန်ရှိသော အဆီအကြွင်းအကျန်များသည် ဖြည့်စွက်စာ ဖြစ်လာသည်။ အဆာပြေအဖြစ် ကြက်ဥကြော်နှင့် ဂေါ်ဖီထုပ်တို့နှင့် ရောစပ်ပြီး မုန့်ညက်အတွင်း ထုပ်ပိုးလိုက်သည်။
အိမ်မှာ ကျိုးချင်းပိုင်လိုမျိုး အစားကြီးတဲ့သူ တစ်ယောက် ရှိနေသောကြောင့် လင်းချင်းဟယ်က အားလုံးလုပ်လိုက်သည်။ ရာသီဥတုက အေးခဲနေသေးလို့ သူမ အများကြီး လုပ်ထားရင်တောင် ပုပ်သိုးသွားမှာကို မစိုးရိမ်ဘူး။ သူတို့ စားချင်တဲ့ အချိန်တိုင်း မီးဖိုးပေါ်တင်ကာ ပေါင်းပြီး ဟင်းချို နည်းနည်း ချက်လိုက်ရုံနဲ့တင် တကယ် အဆင်ပြေနေပြီ။
Welcome To MM Storyteller
LOGIN
Welcome To MM Storyteller
REGISTER